RSS dauðans!

Nýtt stöff

alliat@simnet.is — 2010-10-01T01:15:07+00:00

Rosalega getur maður verið latur við þetta. Ef eitthvað merkilegt gerist þá lætur maður sér nægja að pósta því á fésið í tíu orða setningu.
Ekki meira þannig! Blogg er miklu skemmtilegra! Það lifir miklu lengur, það eru myndir, fleiri en ein per færsla og það er hægt að línka beint á það... Og svo birtist allt sem ég blogga líka á fésinu sjálfkrafa, tvær flugur í einu höggi, újé!

Annars er voðalega lítið að frétta þrátt fyrir alla þessa bið. Bíllinn minn er ennþá bilaður eftir að headpakningin fór skömmu eftir að Hrafnkell fæddist og það fer að styttast í að hann verði tveggja ára - Headpakningin var löguð hjá Bíla áttunni fyrir nokkurhundruð þúsund krónur en þeim yfirsást ástæða þess að pakningin fór, svo hún fór aftur og nú er komin ný (notuð) vél í bílinn og ég bíð bara eftir kælivökvaröri. OOOooog svo verð ég að selja hann. :(

Ég er eiginlega dottinn niður í Friends þátt svo ég ætla að birta myndir í staðinn fyrir að röfla áfram:

Ég er kominn með nýtt teikniforrit sem heitir Manga Studio. Það er osom, en því miður hafði ég bara efni á því að kaupa dæet útgáfuna af því á 50% afslætti. Eina sem böggar mig við dæet útgáfuna er litavalsapparatusinn, en ég er litblindur og þess vegna finnst mér best að vera bara með svona 50 liti merkta með nafni fyrir framan mig, en dæet forritið býður bara upp á svona litahringi og þess háttar hardcore apparöt þar sem litirnir skipta þúsundum og engin leið fyrir litblindan leikmann að þekkja þá í sundur, og það er enginn eyedropper heldur, svo ef ég vel lit af handahófi úr hringnum og þarf að nota hann aftur seinna, þá verð ég að gjöra svo vel að giska. Pró útgáfan kemur með svona litapallettu eins og ég vil, en hún kostar líka fjörtíuþúsundkall gjössovel! Engu að síður er ég að hita upp í þessu forriti svo ég geti farið að byrja á Púkalandi aftur þegar tími gefst.... Aaah, ég missti af svona hálfum Friends þætti við að skrifa þetta. :/

Fleiri myndir!

Ok, ok, þetta er orðin dálítil klisja. Það eru allir byjaðir að taka svona steinaflæðamálsmyndir þannig að ég þarf að fara að finna mér eitthvað annað spennandi myndefni...

Ah! Dropamyndir! Maður þarf ekki einu sinni að hætta sér út úr húsi til þess að taka þær... Og það er kannski þess vegna sem allir eru að taka þær og orðnir leiðir á þeim... Eitthvað fleira?

Arkítektúraljósmyndun! Újé! Hún er búin að vera til og vinsæl síðan myndavélin var fundin upp, en það er bara endalaust úrval af myndefni og jafnvel þó sumar byggingar séu vinsælli en aðrar, eins og til að mynda þessi skýjakljúfur sem stendur við Hamborgarafabrikkuna, þá er ansi ólíklegt að tvær myndir verði eins. Tökum annað dæmi um vinsælt mannvirki til ljósmyndunar:

Daddaaah!! Perlan! Ég þykist nokkuð viss um að nokkur hafi tekið svipaða mynd af Perlunni, en hvað veit ég? :Þ

Að lokum langar mig að benda á hrekk sem ég setti upp og bjóst við svaka fútti, en ekkert gerðist. Ég klónaði DV.is fréttasíðu og breytti fréttinni í eitthvað öfgasull gjössovel: Smella hér!

p.s. upprunalega fréttin var um svarta stuttermaboli, ekki svartar búrkur.

Hitt og þetta

alliat@simnet.is — 2010-06-13T10:47:55+00:00

Langt síðan ég bloggaði síðast en það hefur ekki margt frásagnarvert skeð, en hér eru nokkrar myndir af því helsta.

Matti og Hrafnkell vöknuðu á undan okkur Sigrúnu og Matti ákvað að ná Hrafnkeli fram úr með því að taka ÖLL fötin okkar Sigrúnar og henda þeim í rúmið, líka sín föt og óhreinatauið með hér og þar. Það tók sinn tíma að græja þetta aftur fyrir Sigrúnu sem var nýkomin heim af næturvakt. :/

Það fór allt á kaf í ösku í Reykjavík um daginn og ég var að farast úr noju yfir lakkinu á bílnum hans tengdó sem við höfum að láni á meðan minn er í viðgerð (búinn að vera í viðgerð í rúmt hálft ár núna...) svo það var þrifið oft og vel. Í miðjum öskumekkinum rakst ég á Darth Vader og ljósmyndaði hann.

Svo fór ég með Matta og árganginum hans úr Álftamýrarskóla í ferð í Húsdýragarðinn. Þar rákumst við á þessa hryssu með folaldið sitt. Á girðingunni var mynd af þeim mæðginum ásamt lýsingu þar sem fram kemur að garðurinn fái að láni hryssu og folald af handahófskenndum sveitabæ einu sinni á ári... Þegar folaldið var hætt að fá sér að drekka sást að þarna var ekki um hrissu að ræða... Hvað var folaldið að sjúga? :S

Ég veit ekki hvort garðurinn ruglaðist á hestum eða hvort starfsmennirnir hreinlega þekki ekki kynjamuninn.

A og P.S. það er komið nýtt lag á tónlistarsíðuna.

Jesú Bjargar...

alliat@simnet.is — 2010-04-20T15:09:48+00:00

Ég sá þessa mynd á b2.is undir yfirskininu “Jesú bjargar”. Ég reyndar á bágt með að sjá björgunina þar sem hefði Jesú ekki læst klóm sínum í fallhlífina hans þá hefði hann væntanelga svifið mjúklega til jarðar. Ég reyndar sé ekki fallhlífina á myndinni svo þetta hlýtur að vera PhotoShoppað fyrir þar sem hefði fallhlífin hans ekki opnast og hann verið í frjálsu falli þegar hann flæktist í styttunni myndi hann ekki lifa höggið af. Ég efa líka að brúnin af styttunni myndi þola höggið sem myndaðist af 70+ kílóa hlut á yfir 200 km/klst hraða svo ég ákvað að útbúa aðeins raunsæjari mynd af atburðinum hefði hann átt sér stað:

Dag einn í Stubbalandi...

alliat@simnet.is — 2010-04-17T03:09:56+00:00

Dag einn í Stubbalandi voru stubbarnir ekki nógu fljótir að bregðast við kalli vindmyllunnar...

-Og já, þetta er Eyjafjallajökull sem flýtur þarna grimmúðlega yfir þeim.

Nýtt lag! (Újé!)

alliat@simnet.is — 2010-03-15T01:38:29+00:00

Ég var að enda við að klára þetta lag sem hlusta má á með því að *smella hér* (eða fara á tónlistarsíðuna og spila efsta lagið)!

Þetta heitir “Unfamiliar Cave” og er eitt af drungalegri lögunum mínum til þessa. Lagið er innblásið af ambíentinu hans Robyn Millers í tölvuleiknum MYST (og jafnvel Riven líka). Ég setti samt mína sál í þetta líka svo úr varð svona illbient-ish hrærigrautur.

-P.s. er andadrátturinn minn ekki sexý? Það hlaut að koma að þessu eftir að ég fattaði hvernig ég átti að nota mækinn. :Þ

Avatar

alliat@simnet.is — 2010-03-11T17:41:04+00:00

Ég fór um daginn á stórmyndina Avatar í 3D. Mér varð snemma ljóst að þrívíddin var ekki alveg að dansa við mín litblindu augu svo ég horfði á meirihluta myndarinnar án 3D gleraugnanna. Það var óþægilegt, en samt þægilegra en með gleraugunum. Margir virðast eiga við þetta vandamál að stríða og eftir smávegis gúgltörn sem ég tók að myndinni lokinni komst ég að því að litblindir geta horft á myndina alveg ágætlega með gleraugun á sér með því að hafa alltaf annað hvort augað lokað. Ég náði samt alveg plottinu, en 3D miðinn var samt sem áður talsvert dýrari en ella. :/

Ég hef bætt mér þetta upp með því að leika mér að því að fótósjoppa vini og vandamenn sem Avatara og afraksturinn má sjá hér fyrir neðan:

Fyrir ofan: Ég

Fyrir ofan: Sigrún

Fyrir ofan: Matti

Fyrir ofan: Hrafnkell

Fyrir ofan: Uh... Önnur Sigrún. :Þ

Fyrir ofan: Ömmm... Sigrún þrjú? :Þ

Fyrir ofan: Sigr... nei, náði þér!! haha! Þetta er Thelma frænka!

Fyrir ofan: Ingunn

Og síðast en ekki síst...

“Avatar: The Last... Uh... Avatar”

Ég geri svo kannski fleiri seinna í FaceBook albúmið. :)

Ég er háður Mega Man 9

alliat@simnet.is — 2010-02-10T15:18:27+00:00

Ég sver það, ég dýrka þennan leik. Þetta er nýjasti Mega Man leikurinn og þeir ákváðu að gera hann allan í 8-bita grafík eins og fyrstu leikirnir voru í gömlu, gráu Nintendó. Hann er erfiður, en ég stend samt á því að sá fyrsti hafi verið miklu miklu miklu erfiðari. Það sem gerir þennan svo sérstaklega skemmtilegan eru 50 áskoranir sem leikmaðurinn verður að ná til að geta sagst hafa algjörlega klárað leikinn. Þegar þetta er skrifað er ég búinn með um 65% af áskorununum og má fylgjast með árangri mínum hérna. En markmiðið er að ná þeim öllum með stæl. ;)

Nýtt lag (fyrsta "söngperformansið mitt")

alliat@simnet.is — 2010-02-02T03:14:11+00:00

Tjaslaði saman nýju lagi á einu kvöldi, ekki besta sem ég hef gert, en það var gaman að prófa hljóðnemann í fyrsta skiptið. Lagið heitir “Aha desne dúdda sní sní” og er titilinn sá sami og textinn. Þessi undarlegi texti er sprottinn af því að ég var eitthvað að fikta við hljóðnemann og og tók allt í einu að ég var búinn að setja á upptöku án þess að hafa glóru um hvað ég ætlaði að segja. :/

Þannig að þetta lag ásamt ljósmyndinni hér fyrir neðan verða skrifuð undir “flipp”:

En já, aha, desne dúdda sní sní, gjöriði svo vel!

Smella hér til að hlusta!

P.S. Ég þarf að finna mér tvífara fyrir facebook og myeritage face recognition síðan neitar að hjálpa mér... einhverjar uppástungur?

ÚPS!!

alliat@simnet.is — 2010-02-01T11:55:36+00:00

Það hefur lítið gerst á óhappablogginu undanfarið en það er því miður ekki vegna þess að ég skrapp til galapagos að skoða skjaldbökur o drekka kokteila, heldur vegna þess að stóróhapp átti sér stað.

Haldiði ekki að herra smjörolnbogi hérna hafi rekið sig utan í tölvuna sem lá í makindum ofan á sófaarminun utan seilingar ungbarnafingra og látið hana þar með gossa niður þar sem hún beinlínis stimplaði parketið með geisladrifinu á sér. Hún virkaði í smá stund áður en skjárinn dó. En ég er kominn með hana aftur núna. Hún er öll skökk, dælduð og flekkótt, en hún virkar enn og mun vonandi gera lengi vel. Þetta er sjötta árið sem þessi PowerBook G4 vinnuþjarkur heldur mér uppteknum í lífi og starfi og ég hef ekki efni á staðgengli í bráð.

Í fjarveru PowerBook-arinnar minnar gat ég stuðst við 1600 megariða Windows vél sem er nýstraujuð með XP uppsettu... eða 450 megariða Mac Cube G4 borðtölvu sem er á níunda aldursári. Ég notaði Cube vélina þrátt fyrir að hún sé rúmlega þrisvar sinnum kraftminni en Windows vélin, ekki vegna fordóma gegn Windows, heldur vegna þess að Cube vélin var einfaldlega margfalt hraðari á allan hátt (nema þegar kom að flash drasli á netinu, þá átti Windowsin vinningin, undarlegt nokk).

Nú get ég farið að teikna aftur og semja tónlist vonandi svo þessi frákvörf mín ættu að fara að dala á næstu dögum.

Eitruð leikföng til sölu í Smáralindinni?

alliat@simnet.is — 2009-12-21T22:12:18+00:00

Ég var í verslunarferð með Sigrúnu í Smáralindinni og við brugðum okkur inn í verslun sem heitir MegaStore og datt í hug að þarna væri sniðugt að versla ódýr leikföng til að auðga aðeins jólagjafirnar hjá strákunum okkar. Við vorum komin svona hálfa leið í gegn um verslunina þegar Sigrún fer að skoða eitthvað sem olli því að ég missti athyglina, tók upp eitt leikfangið sem var í körfunni og fór að lesa á miðana tvo sem á það voru festir. Þetta var svona hnefastór risaeðla sem við höfðum ætlað að gefa Hrafnkeli, sem fer nú bráðum að verða eins árs. Hún var ávöl og án nokkura hvassra horna og samsett úr tveimur stórum bútum svo það var ekkert hægt að rífa af útlimi og gleypa... Fullkomin! -Eða hvað? Annar miðinn var, eins og við var að búast, með upplýsingum um framleiðandan eða eitthvað slíkt, en hinn miðinn skartaði eftirfarandi áletrun sem lét mér renna köldu vatni milli skins og hörunds:

(já, stafsetningarvillan var á miðanum sjálfum)

Á íslensku merkir þetta:

“Þessi vara inniheldur efni
sem, í Kaliforníuríki, er vitað til að valdi
krabbameini, fæðingargöllum
og/eða öðrum æxlunarskaða
Þvoið hendur eftir meðhöndlun.
Vottað af Toy Safety Standard blabla”

... ÞVOIÐ HENDURNAR EFTIR MEÐHÖNDLUN!? Við spámannsins skegg! Þetta er Leikfang!! Og þar að auki ekki í neinum umbúðum! Hvað var ég nú búinn að setja á hendurnar á mér?

Í fljótu bragði veit ég bara um þrennt sem getur valdið krabbameini og fæðingargöllum við snertingu: Blýagnir, kvikasilfur og gamma geislun (!).

Eftir að hafa rekið augun í þennan miða fór ég að gramsa í innkaupakörfunni okkar og fjarlægði allt sem hafði ofangreinda áletrun... Raunin varð sú að eftir stóð ég með tvö leikföng í höndunum og innkaupakarfan varð eftir, full af eitruðu drasli... Ég held ég leggi leið mína ekki aftur í þessa búð.

Þegar heim kom fór ég að grennslast fyrir um þessa áletrun og hún tilheyrir einhverri löggjöf í Kaliforníu sem segir að þessi viðvörun eigi að vera alls staðar þar sem við á og eru dæmi um útfærslur sem byrja á orðunum “WARNING: This area contains chemicals....”. Lögsóknaglaði kaninn var ekki lengi að ganga upp á lagið með þetta og lögsóknir upp á svimandi háar upphæðir fóru að þjóta hægri-vinstri þangað til fólk fór að setja þessa viðvörun upp hvort sem við átti eða ekki - engin viðurlög eru við því. Þannig að nú er engin leið að vita hvort hætta sé á ferð eða ekki.

Kæra starfsfólk/ábyrgðarmenn MegaStore: Ef svo reynist að þessi leikföng innihaldi ekkert hættulegt, takið þá í guðanna bænum þessa hryllilegu miða af! Hins vegar, ef þau innihalda plútóníum eða þess háttar skaðvalda fjarlægið þau úr hillunum, setjið þau í stóran poka og arkið svo rakleiðis með hann niður á Efnamóttöku og skammist ykkar!

-Sveiattan!

Nýtt lag komið á heimasíðuna!

alliat@simnet.is — 2009-12-10T11:39:45+00:00

Jæjah! Náði smá stund í gærkvöldi til að glamra aðeins í tónlistarforritinu mínu og ég er búinn að henda inn afrakstrinum á tónlistarsíðuna.
Að þessu sinni ákvað ég að “frístæla” á hljómborðið - svona pæling sem ég hef lengi verið að gæla við. Þá sem ég undirspilið í rólegheitunum og finn mér hljóðfæri til að frístæla á og svo smelli ég bara á “rec” takkann með undirspilið í gangi án þess að hafa nokkra glóru um hvað ég ætla að spila og hvernig. Þetta er risastórt skref fyrir mig þar sem hingað til hef ég alltaf farið á límingunum af stressi í hvert skipti sem ég ýti á þennan rec takka. Það var þannig líka núna og það heyrist alveg í gegn finnst mér - en ég er nokkuð sáttur miðað við fyrstu tilraun.

Lagið heitir Geimlyftan vegna þess að það byrjar djúpt niðri og rís upp í hæstu hæðir... Líka vegna þess að ég var að velta fyrir mér hvernig ferð í svona geimlyftu væri:

Mig langar að gera svona spennu/thriller mynd í anda The Horribly Slow Murderer with the Extremely Inefficient Weapon:

Ferðin upp myndi eflaust taka nokkrar klukkustundir og þetta er bara lyfturými sem maður fengi og þar sem það væru sennilega ekki margar ferðir þá væri lyftan sennilega pökkuð af fólki og vistum. Mér sýnist þessi tiltekna lyfta á myndinni leggja í’ann frá Malasíu þannig að sessunauturinn væri ef til vill ungur maður á leiðinni með hænsnin sín á geimmarkaðinn með tilheyrandi fjaðrafoki og gaggi sem myndi renna saman við hina endalausu lyftutónlist í súrrealískan tónlistarhafragraut sem myndi klínast í eyrun á manni... Hvað svo ef maður er alveg að verða kominn upp fyrir gufuhvolfið og lyftan hrapar? Eða ef lyftan festist í 23 kílómetra hæð yfir sjávarmáli á föstudagskvöldi, enginn mætir aftur að tjékka fyrr en á mánudaginn og ekkert farsímasamband!? Og hvað gerist ef lyftan hrapar og skellur á jörðinni með þeim hraða sem svo stór og þungur hlutur nær í frjálsu falli neðan úr gufuhvolfinu? Gígurinn yrði a.m.k. tíu metrar og undirstaðan myndi bresta - “Timbeeeeer!!” Farþegar óhröpuðu lyftunnar (það eru tvær á stokknum) fengju að upplifa tuttugu og sex hryllilegar klukkustundir af hrapi, fjaðrafoki og lyftutónlist áður en þeir myndu hafna örendir í Wellington á Nýja - Sjálandi - lyftustokkurinn lægi þvert yfir Ástralíu (auðvitað beint ofan á óperhúsinu í Sydney). Ég sé treilerinn fyrir mér í hyllingum:
“ Three men in an elevator... One brutal murder during a brief blackout... Jack Bauer and Chuck Norris race the ticking clock to crack the murder mystery... Which one of them is the murderer *DUUUHHHN DUUUHN!!!*... Also starring Jack Black, but he dies early in the movie so it’s hardly worth mentioning.*DUUHHHN!!!* “

-Sést það á þessari bloggfærslu að ég svaf bara í tvö tíma í nótt og er að rifna úr svefngalsa? :P

Blek og blý

alliat@simnet.is — 2009-12-09T10:02:30+00:00

Ég var að henda inn í teiknigalleríið undirsíðunni: “Blek og blý”. Hún inniheldur nokkrar blýants- og pennateikningar, en ekkert nýlegt samt þar sem ég teikna nú orðið nánast alfarið í tölvunni.

Smellið á myndina hér fyrir ofan til að fara á nýju síðuna og njótið vel!
-P.s. sumar myndanna gætu verið dálítið krípí fyrir viðkvæmar sálir (börn og kveifar).

Svisslendingar banna turnspírur múslima

alliat@simnet.is — 2009-11-30T00:16:23+00:00

Þá er það komið í gegn, Svisslendingar hafa bannað séstakar turnspírur moska þar í landi með 57% fylgi í þjóðaratkvæðagreiðslu sem fram fór í gær. Ég skil þá að vissu leiti að vilja svona passa upp á sinn kúltúr og svona og þeir hafa sennilega verið fræddir um tilgang þessara turna: Þarna príla menn fimm sinnum á dag (morgun, hádegi, miðdag, sólsetur, og síðkvölds) og gala hástöfum... nema það tíðkaðist fyrir X hundrað árum síðan. Fæstar moskur sem hafa slíka turna nota þá á þennan hátt í dag heldur fer bænagalið fram innanhúss í þar til gerðum sal rétt eins og í kristnum kirkjum. Það eru 150 moskur í Sviss, þar af bera fjórar þeirra svona turna. Fimmti turninn fékk byggingarsamþykki en líkast til verður hætt við hann núna, hinir fjórir fá að standa. Skoðanakannanir leiddu í ljós fyrir viku að 37% væru fylgjandi þessu banni, í gær greiddu 59% atkvæði með banninu. Það er svakalega mikil aukning og mér dettur í hug að eftirfarandi veggspjöld hafi haft eitthvað um málið að segja:

Ég bara get ekki neitað því, mér finnst þessi mynd ógeðslega töff... en á sama tíma svo röng. Þetta er mjög sterkur áróður þarna. Reynið að ímynda ykkur íslenska fánann þarna í stað þess svissneska... bíðið við... þið þurfið þess ekki ég get fiffað þetta fyrir ykkur:

Auðvitað yrði fundið eitthvað meira grípandi en “turnspírubann”. En þetta er ofboðslega sterkt veggspjald. Búrkuklædd kona, grimmdarleg til augnanna með þjóðfánann í baksýn og upp úr honum rísa þessar turnspírur sem, í sillúettu, líta út eins og langdrægar eldflaugar. Er verið að banna turnana eða eldflaugar? Afi minn rölti framhjá mér þegar ég var að föndra myndina hér að ofan og hann sagði “já, auðvitað á að banna þetta, þetta er stórhættulegt!” - Hann sá turnana sem eldflaugar.

Þessar turnspírur eru víst álitnar af mörgum tákn um samfélag múslima á þeim stöðum sem þeir rísa, það getur verið að Svisslendingar hafi bara verið að sýna að þeir ráða í sínu landi. Fordómar hafa samt örugglega haft mikið að segja. Einnig getur verið að Svisslendingum þyki þessir turnar bara svona rosalega ljótir. Hvernig sem því líður þá er þetta bann orðið staðreynd og nú er spurningin hvort málinu ljúki þar með eða þurfa Svisslendingar núna að fara að passa sig í mið-austurlöndunum?

Raunarsögur hrjáðra barna

alliat@simnet.is — 2009-11-24T11:54:58+00:00

Ég held að þetta hafi allt saman byrjað með bókinni “ Hann var kallaður “þetta” ” sem fjallar um lítinn strák sem ólst upp við stanslausar pyntingar frá móður sinni og var aldrei kallaður neitt nema “Þetta”. Ég veit ekki hvað fólk fær út úr því að lesa svona bókmenntir en mín upplifun af þeirri bók var sterk vanlíðan og vonleysi. Í kjölfarið kom svo bókin “Eyðimerkurblómið” sem fjallar um litla stelpu frá sómalíu sem lýsir raunum sínum þegar hún var umskorin og skikkuð til að giftast einhverjum gömlum perra... Kvótinn minn var fullur eftir að hafa lesið Hann var kallaður “Þetta” svo ég lét þessa bók alfarið eiga sig en hef heyrt úrdrætti úr henni í gegn um árin. Nú er svo komið að fari maður í stóra bókabúð blasa við manni þessir venjulegu rekkar: Spennusögur, hryllingssögur, ævisögur.... og raunarsögur hrjáðra barna:

Þessa mynd fékk ég senda á MSN í gær og ALLAR þessar bækur eru í sama flokki og þær tvær sem ég nefndi hér að ofan. Ég ætla að velja nokkar bækur úr þessari hillu og pósta stuttri lýsingu á þeim frá útgefendum þeirra:

I Did Tell, I Did

Born out of wedlock into a post-war legacy of the pre-war moralities, a little girl suffers horrific sexual abuse at the hands of her mother's lover. Her childhood is dominated by the secret knowledge that her life is different from other kids, and by fifteen she is hooked on prescribed tranquillisers; the start of twenty-five years of dependency.

Sickened: The True Story of a Lost Childhood

One variety of child abuse name-checked in the British media right now is Munchausen's syndrome by proxy (MBP): the infliction of suffering, symptoms, and signs upon a child by its “carer,” facilitating some need that the latter may have to interact with doctors. Children may be maimed and murdered by their kith and kin, and all in the pursuit of medical interventions. Raised in Ohio, in the American Midwest, Julie Gregory survived such an upbringing as the proxy for her mother, a truly damaged woman, who put her daughter through the mill.

Nobody Came: The appalling true story of brothers cruelly abused in a Jersey care home

Robbie was born in Jersey fifty six years ago. When he was five his mother placed him and his three siblings in care. They were collected from their home by the police. It was the same day that the children had witnessed their father′s suicide attempt by hanging. The children were separated; Robbie and his younger brother were taken to The Sacre Coeur, an orphanage for children under twelve, while their elder brother was placed in Haut de la Garenne. Their baby sister disappeared. The boys never saw her again.

...

The two boys were eventually transferred to Haut de la Garenne, a place where sick twisted minds had devised even more tortuous methods of sexually abusing the helpless.
There were suicides there. One boy blew himself up by creeping into a bunker with a supply of butane gas. And of course there were the children who simply disappeared.

Á meðan mér finnst mjög mikilvægt að svona meðferðir á börnum komist upp og almenningur sé fræddur um þær þannig að vonandi verði hægt að fyrirbyggja að þetta endurtaki sig, þá bara skil ég ekki þessa framsetningu. Kápan skartar myndum af döprum og saklausum börnum í soft focus eflaust til að vekja upp móðurkennd hrekklausra kvenna sem eiga leið hjá... Enda eru þetta allt saman metsölubækur. Þetta eru sannar raunarsögur framsettar sem hver önnur neysluvara og örbylgjukvöldverður. Það kæmi mér lítið á óvart þótt maður myndi sjá Nobody Came kaffibolla, boli, rafmagnstannbursta og leikföng í hillum verslanna.

Þetta verða alltaf metsölubækur rétt eins og fjögra stjörnu stimpillinn sem allar íslenskar kvikmyndir fengu í dómum hérlendra fjölmiðla að myndinni “Blossi (810551)” undanskilinni... Hún fékk bara þrjár:

Hvað knýr fólk til að lesa þessar bækur svona ákaft? Vilja lesendur að sér líði illa?

Loksins Ninjamyndir!

alliat@simnet.is — 2009-11-18T08:51:31+00:00

Það voru því miður bara teknar tvær myndir þetta kvöldið en nú getur fólk séð hvernig linsurnar (sem komust svo nærri því að blinda mig varanlega) líta út. Ég er enn á þeirri skoðun að svona skrautlinsur séu forréttindi sjónskertra. Kannski ef ég tapa sjón og þarf að fara að nota linsur á annað borð þá gæti ég mögulega látið mér detta í hug að nota svona lagað aftur... annars ekki.

Ég er búinn að vera að dunda mér í að gefa heimasíðunni í vinnunni ( heimilisprýði.is ) smá meikóver. Í fyrradag þegar ég var búinn að klippa út nokkrar sófamyndir og ætlaði að prófa að henda þeim inn á alvöru vefsíðuna þá klúðraði ég einhverju og allar aðrar myndir á síðunni þurkuðust út (hægindastólar, sófaborð, borðstofuborð, skápar....). Það tók mig rúma klukkustund að endurreysa síðuna í svakalegu ofboði en það rétt hafðist fyrir lokun. Ég var bókstaflega sveittur eftir þessa megatörn. :/
En síðan lítur mjög vel út núna... Alla vega þeir hlutar sem ég er búinn með af henni. Glöggir sjá að þessi síða og heimilisprýðissíðan eru frekar líkar, en það er vegna þess að ég nota þessa síðu fyrir tilraunastarfsemi og beiti svo heppnuðu tilaununum á þá síðu. :)

Svo er ég með eina snilldarhugmynd sem ég hef verið að leika með í vinnunni og lesendur óhappabloggsins ættu að prófa. Finnið seinni fréttamyndina úr síðustu bloggfærslunni minni (þessi með barnanauðgaranum) og hafið hana opna á tölvunni ykkar þegar fólk er nálægt og byrjið að segja svona “ojjj, djöfull er þetta ógeðslegt... ég bara trúi þessu ekki” forvitin andlit þyrpast að og lesa fréttirnar í ofboði og með miklum viðbjóði. Ég gerði þetta við nokkra í vinnunni í gær þar á meðal leigubílstjóra nokkurn sem tók að lesa fréttirnar ákaft:

“Oj bara... það á að hengja svona menn - HENGJA! .... OG BARA TVEIR MÁNUÐIR!?!? SKILORÐSBUNDNIR!!!!???? NEI, NÚ ER ÉG REIÐUR!!!”

Svo stormaði hann út úr búðinni áður en ég gat upplýst hann um spaugið. :/

Fréttaþreyta

alliat@simnet.is — 2009-11-15T13:07:47+00:00

Já, ég er búinn að fá mig fullsaddan af því að lesa fréttirnar. Þetta eru langoftast kreppufréttir eða eitthvað sem mér þykir óáhugavert (sennilega fréttir sem eru bara settar inn svo það séu ekki bara kreppufréttir). Mér finnst mbl.is skárst af vefmiðlunum þar sem það er minnst í því að fylla allt af slúðri til að brjóta upp kreppuna - slúður er verst!

En í l jósi þessa ákvað ég að gera svona mock-up af því hvernig fréttirnar koma mér fyrir sjónir í dag annars vegar og út frá því gerði ég svo spádóm um hvernig fréttirnar verða eftir fimm ár (smelltu á myndirnar til að stækka og lesa):

Þessa dagana:

... Eftir fimm ár:

Smá stílbreyting...

alliat@simnet.is — 2009-11-12T11:31:08+00:00

Jæjah! Tölvugalleríið er búið að fá smá svona andlitslyftingu og ætti að vera þægilegra að skoða það núna. Svo lagfærði ég þjóninn sem ég teiknaði um daginn og setti á forsíðuna ásamt gellunni.

Ég veit ekki hvort nýja síðan virkar á öllum vöfrum en ég er orðinn dauðþreyttur á að eltast við svoleiðis rugl enda þarf ég þess ekki. Fólk á að nota nýlega vafra eða sleppa því að vera á netinu! Internet Explorer 6 fól, þið vitið hver þið eruð! o_O

Þessi síða virkar vel með eftirfarandi vöfrum (og mörgum fleirum) í nýjustu útgáfum:

Safari
Internet Explorer
Firefox
OmniWeb
Camino
Opera
Opera Mini
Google Chrome

Ef hún virkar illa, segið mér þá endilega hvaða vafra þið eruð að nota.

Hver er munurinn á Metró og McDonald's?

alliat@simnet.is — 2009-11-06T13:53:25+00:00

Svarið við titli bloggfærslunar er “ég veit það ekki”... Nema kannski sá að trúðurinn er farinn (allir hata trúða hvort sem er). Spurning hvað kemur í staðinn? Jónsi?

Ég fór og smakkaði Metró™ borgara og ég hreinlega fann engan mun. Máli mínu til stuðnings sýni ég hér fyrir neðan myndir úr krufningu sem ég gerði á umbúðum kokteilsósunar sem ég fékk með máltíðinni minni (ekki fyrir viðkvæma):

Skref 1 - Kokteilsósan á borðinu (símamynd) eins og ég fékk hana í hendurnar:

Skref 2 - kokteilsósan eftir krufninguna:

Þetta lógó sem þarna kom í ljós kemur kunnuglega fyrir sjónir... Hvar ætli ég hafi séð það áður?

Annars finnst mér þetta bara allt í góðu. McFlurry ísrétturinn tók svakaleg hamskipti og heitir nú “Flörrý” - þetta er allt alveg eins og það var! o_O
Ég er feginn að ég var ekki einn af þeim sem fóru á laugardaginn síðastliðin að kveðja trúðinn með extra stórum innkaupum.
-Spurningin er hins vegar hvort þetta sé löglegt og hvað hið almáttuga stóra M og trúðurinn hafa um málið að segja.

Er að fá sjónina aftur...

alliat@simnet.is — 2009-11-02T17:40:39+00:00

Ég var ninja á halloweendjamminu á laugardaginn og fullkomnaði búninginn með svona skrautlinsum:

Málið er að ég hef aldrei notað linsur áður né gleraugu ef því er að skipta svo það tók heljarinnar tíma, sársauka og þolynmæði að troða þeim í - ég reyndar gafst upp og Silja gerði þetta fyrir mig. Enn verra reyndist svo að ná linsunum úr aftur eftir að hafa fengið sér nokkra kalda. Ég reyndi og reyndi án árangurs og það endaði með því að Sigrún svona hálfklóraði þær úr. :S

Í gær sá ég allt í móðu á vinstra auganu, var rauður og bólginn á báðum (meira á því vinstra samt) og tárin fossuðu. Ég keypti mér einhverja dropa og hef notað þá og í dag er ég með smá fókusvandamál og pirring í auganu. Vinstra augað er lengur að ná fókus ef ég horfi á eitthvað nálægt mér og svo eitthvað í fjarska (svona 2-3 sek). Ég ætla að halda áfram að nota dropana og vona að þetta lagist, ef ekki þá er það slysó og vona það besta - en ég held ég noti þessar linsur ekki aftur! o_O

(p.s. set inn mynd(ir?) af mér með linsurnar um leið og ég finn þær - þetta var voða töff.

P.p.s. Sjáðu hérna til vinstri!! Kominn listi yfir uppáhalds Mac forritin mín! :D

Ný skvísa á forsíðuna og galleríið

alliat@simnet.is — 2009-10-30T16:45:14+00:00

Bætti þessari við teiknigalleríið og á forsíðuna:

KK: Plötusnúður - KVK: Plötuskonsa?

alliat@simnet.is — 2009-10-30T12:37:59+00:00

Ég ætla að reyna að starta hérna nýju trendi (já sæææælll!!) í tilefni þess að ég heyrði skemmtilegt lag í útvarpinu áðan. Ég er reyndar búinn að vera með þetta lag í fórum mínum í nokkra mánuði, en það heitir Disco Volante og er eftir Idu Engberg sem jafnframt er ein girnilegasta plötuskonsan á markaðnum í dag (sjá hér fyrir neðan):

Mér finnst eitthvern veginn óviðeigandi að kalla stelpur plötuSNÚÐA - orðið plötuSKONSUR passar kvenkyninu mun betur. Annars er sorglega lítið um stelpur í þessum geira. :/

En,lagið sem ég talaði um hér fyrir ofan hina fríðu plötuskonsu skartar alveg æðislegum 8-bita nótum sem allir þekkja úr gömlu gráu Nintendó tölvunni og elstu GameBoy vélinni sem leynast í geymslum landans enn í dag. Ég ætla að setja hérna svona góða slummu af laginu hérna fyrir neðan (í svona frekar lásí gæðum til að halda síðunni viðráðanlegri í hleðslu), en fyrir þá sem vilja hlusta á allt klabbið frá A til Ö er hægt að finna það á YouTube (vídjóið er feil samt). :)

Sumarbústaðurinn

alliat@simnet.is — 2009-10-29T10:07:32+00:00

Er það bara ég eða eru lógó Verslunarmannafélags Suðurlands og Transformers lógóið eitthvað keimlík? o_O

Aðeins meira...

alliat@simnet.is — 2009-10-22T17:59:56+00:00

Jæja, þá er síðasta færsla komin á mbl.is!

Annars er ég á leiðinni í sumarbústað á morgun... Man ekki hvert... í námunda við Flúðir alla vega og ég man ekki heldur hvenær ég kem aftur.

En þangað til býð ég góða helgi! :)

Nýtt og hættulegt "nígeríusvindl" á Facebook

alliat@simnet.is — 2009-10-22T12:51:05+00:00

Atli frændi minn var á Facebook í vinnunni í gær (tsk tsk) og lenti í því að frændi okkar skaut upp kollinum í Facebook Chat viðbótinni þarna neðst í hægra horninu. Þessi frændi okkar byrjaði á venjulegu nótunum en fór svo að tala um að hann væri staddur í London og hafi verið rændur... Íslenskukunnáttunni hans virðist líka hafa verið rænt í leiðinni:

Svo virðist sem einhver óþokki hafi komist yfir lykilorð frænda okkar, þar sem frændi var staddur á fundi í Miami þegar þetta samtal átti sér stað og því mjög ósennilega að spjalla á Facebook í leiðinni.

Ég sendi þetta á MBL líka og vona að þeir birti þetta. Það eru margir svona af eldri kynslóðinni að nota Facebook hérlendis sem gætu alveg fallið fyrir þessu.
-Passið vel upp á lykilorðin ykkar!

Teiknigallerý komið upp!

alliat@simnet.is — 2009-10-19T15:15:53+00:00

Nú er ég búinn að setja upp teiknigallerý hérna á síðunni (sjá til vinstri). Það er reyndar bara ein mynd þar núna sem er hér fyrir ofan, en nakta gellan tekur á móti ykkur í teiknigallerýinu og beinir athygli ykkar að undirsíðunni (þær verða fleiri seinna). Í stað nöktu gellunnar á forsíðunni sem nú er komin í gallerýið er kominn fágaður briti... Svona gera þetta aðeins barnvænara þó það sé alls engin áhersla hjá mér. Ég get síðan skipt út fígúrum á forsíðunni eftir hentugleika. :)

Feisbúkkið mitt

alliat@simnet.is — 2009-10-18T11:47:27+00:00

Feisbúkkið mitt er búið að vera bilað í rúma tvo sólarhringa núna. Ég nota það nú reyndar ekkert rosalega mikið, en það hefði verið fínt að auglýsa þessa nýju síðu mína þar.
Þegar ég skrái mig inn koma skilaboð sem segja að feisbúkkið mitt sé óaðgengilegt vegna reglubundins viðhalds og ætti að vera komið aftur í gagnið innan nokkura klukkustunda...

Yfir 50 klst eru liðnar - hversu margar eru nokkrar klukkustundir?

Og ég vil ekki heyra eitt einasta orð um að Facebook sé ókeypis þjónusta og því eigi þeir bara hrós skilið fyrir að gera eitthvað í þessu á annað borð því miðað við það magn auglýsinga sem þeir henda í notendur sína er þessi þjónusta langt frá því að vera ókeypis... Einnig, ef Facebook væri ekki ókeypis, þá myndi enginn nota það. :/

Fimm hræðilegustu lögin

alliat@simnet.is — 2009-10-17T11:31:13+00:00

Hérna er stuttur listi yfir þau lög sem flestir Íslendingar hafa heyrt og ég gjörsamlega hata. Með þeim fygir skjáskot úr viðkomandi myndböndum ofan við lögin. Gæti þurft quick time til að spila hljóðbútana.

Pitbull - “I Know You Want Me”
-Úff!! Þetta er eitt það allra versta!! Það inniheldur bút af built-öppinu úr lagi sem heitir “The Bomb (these sounds fall into my mind)”... Nema hvað að í þessu lagi hættir build-öppið í miðjum klíðum og í staðinn fyrir klímaxið sem maður bjóst við kemur eitthvað viðbjóðslegt reggaeton - Þetta gerir lagið flatt, rislaust og ógeðslegt!

Jay-Z - “It’s a Hard Knock Life”
Hörmung frá A til Ö. Það fer bara svo hryllilega í mig þegar rapparar taka lagið með börnum og eru allir að rifna á kúlinu á meðan “uhh, yeah, aaah, punk ass... take the fuck over, kids!” Það skemmir enn frekar fyrir að parturinn sem krakkarnir syngja er tekinn úr hörmulegri 80’s mynd um skrækraddaða munaðarleysingjan, Annie. :/

Akon - “Lonely”
Þetta er svona eins og flest rómansvælulögin gerast NEMA viðlagið syngur einhver helvítis STRUMPUR og svo var þetta mest spilaða lagið á djamminu yfir heilt sumar - þvílíkur moodbreaker! ARG!

Daddy Yankee - “Gasolina”
Ég heyrði þetta lag fyrst úti á Spáni fyrir nokkrum árum og þótti lítið um, enda hata ég reggaeton (sami trommutakturinn í öllum lögunum)... Þegar ég kom heim frá Spáni var þetta lag allt í einu orðið aðalmálið. :/

MIA - “Paper Planes”
Þetta hljómar eins og fjögura ára stelpa hafi samið laglínuna blandað með gangsta bad-ass hljóðklippum. :S

Flóttamaðurinn

alliat@simnet.is — 2009-10-16T13:20:13+00:00

Matti strauk úr skólanum ásamt félaga sínum aftur í dag. Þannig eru mál með vexti að Matti og þessi félagi hans eru báðir svona... fyrirhafnarmeiri en hin börnin og það var passað upp á það að þeir myndu lenda í sínum hvorum bekknum, en það dugði ekki til því þeir hittust alltaf í frímó og voru með óspektir. Þá var brugðið á það ráð að hnikra fímínútunum hjá öðrum bekknum örlítið þannig að Matta bekkur færi út fyrst og svo, skömmu eftir að Matta bekkur er kominn inn aftur, þá fer hinn bekkurinn út. Fyrsta flóttatilraunin varð þannig að eftir að það hringdi inn úr frímínútunum faldi Matti sig og beið eftir að hinn bekkurinn færi út þannig að hann gæti hitt félaga sinn og lagt á ráðin. Þeir voru síðan allt í einu, tveimur umferðargötum síðar, komnir út í Heimilisprýði þar sem Atli frændi tók á móti þeim:

“Hva? Eruð þið bara einir?”
-”Við erum SEX ára!”

Ég var í skólanum þann daginn þannig að afi sá um að skutla þeim heim þar sem ég myndi taka á móti þeim og skutla þeim út í skóla. En afi er af gamla skólanum og stoppaði með þá í ísbúð á leiðinni. :/
Ísinn var tekinn af þeim við heimkomuna og þeim lesinn pistillinn áður en þeim var skutlað í skólann aftur...

Í dag struku þeir aftur... Við vissum ekki neitt fyrr en amma hringdi og spurði út í flóttann, en Atli úr vinnunni hafði hringt í hana eftir að aðstoðarskólastjórinn hafði litið inn og leitað að þeim. Sigrún fór á stúfana að leita að þeim á meðan ég var heima með Hrafnkel. Hún fann þá svo fyrir algjöra heppni þar sem þeir voru á hlaupunum yfir Suðurlandsbrautina á eldrauðu gönguljósi... Ég veit ekkert hvað á að gera í þessu. :/

Myndin hérna efst er óbreytt af barnalandssíðunni hans Matta þar sem hún birtist þegar hann var 9 mánaða.

Kaupum Ísland!

alliat@simnet.is — 2009-10-16T10:08:04+00:00

Ég keypti mér þessa stórskemmtilegu bók um daginn og er í framhaldi af því farinn að halda að Kjarnó (höfundurinn) sé skyggn, enda var þessi bók gefin út á því herrans ári 1996, eða fyrir 13 áum. Enn sem áður þarf Kafteinn Ísland að elda grátt silfur með Illuga, erkifjanda sínum sem hefur farið í extreme makeover, keypt upp meira og minna allt landið og boðið sig fram til forseta. Ég veit reyndar ekkert hvað Kjarnó er að gera núna, en það síðasta sem ég sá frá honum voru Furry porn myndasögublöð fyrir fullorðna sem kölluðust “Big Funnies” og átti sér stóran og dyggan aðdáendahóp sem gerir hann að fyrsta íslenska myndasöguteiknaranum sem meikaði’ða erlendis. Einhvers staðar á ég tvö svona blöð og vöktu þau óskipta athygli vina minna er fundu þau heima hjá mér... en ég hef ekki séð þau síðan 2002. :/

Aðeins meira komið!

alliat@simnet.is — 2009-10-15T19:01:58+00:00

Jæja! Heimasíðan er orðin aðeins heilsteyptari núna. Tónlistin er komin upp á mun þægilegri máta en áður - nema frá gamalli tölvu séð (prófið að reyna að spila tvö lög í einu). Svo smellti ég smá svona slædsjói á ljósmyndasíðuna ásamt hlekk á Flickrið mitt og loks dældi ég öllum smásögunum inn. Í bili sér Sinnepskarlinn um gestamóttöku á smásögusíðunni, en svo sjáum við bara til.

En úr tölvunni í alvöruleikann. Matti var í heyrnarprófi í dag eftir að hafa farið illa út úr einu slíku í skólanum... í þetta skiptið mældist hann með fulla heyrn og hann sagði að heyrnin kæmi og færi, ég veit ekkert hvað þetta gæti verið.
Við settum svo Hrafnkel litla í tjékk líka og í ljós kom að greyið er með háls- og eyrnabólgu. Merkilega rólegur og afslappaður miðað við það og verður sennilega rólegri og afslappaðri þegar pensilínið fer að kikka. :P

Ný heimasíða!

alliat@simnet.is — 2009-10-14T12:14:57+00:00

Sko köddlehn! Ég tók mig til, svona í tilefni þess að komið er rúmlega eitt ár síðan ég bloggaði síðast og útbjó þessa nýju vefsíðu.
Gamla síðan var orðin úreld og úr sér gengin á svo marga vegu að það verður vart upp talið með góðu móti, en þar ber helst að nefna myndasíðurnar, sem innihéldu myndir sem þóttu kannski flottar þegar þær voru skoðaðar með það í huga að 16 ára drengstauli krotaði þær, en ég er ekki 16 ára lengur svo ég verð að fara í gegn um þetta og sortera burtu og bæta við. Sem stendur er samt bara nýja forsíðan og Óhappabloggið uppi, en ég kem til með að bæta við þetta með tíð og tíma. :)

Annars er helst af mér að frétta sú staðreynd að ég hætti í tölvunarfræðinni í HR, en ég fór í hana með það í huga að læra forritun sem afbrigði listar. Hins vegar varð mér fljótt ljóst að forritunin er listform tveggja andstæða; listrænnar sköpunar og stærðfræði (já, ég lít á stærðfræði sem andstæðu listænnar sköpunar). Það er erfitt að koma þessu í orð, en upplifun minni á forrituninni væri kannski best lýst þannig að ég var með auðan striga fyrir framan mig, vopnaður ógrynni listáhalda, en svo var bara hægt að gera beinar línur, lárétt eða lóðrétt. Ég er fullkomlega meðvitaður um að jafnvel með þessum takmörkunum væri hægt að gera hvaða form sem er á strigan, en sköpunarferlið á bak við væri afskaplega heftandi. Ég get, hins vegar, alltaf snúið aftur upp í HR og tekið upp þráðinn þar sem frá var horfið snúist mér hugur í framtíðinni. Ég vil þakka samnemendum mínum samveruna og óska þeim góðs gengis í náminu ef ske skyldi að einhverjir þeirra rötuðu á þessa bloggfærslu.

Nú er ég aftur kominn í gömlu vinnuna mína í Heimilisprýði og velti fyrir mér framtíðinni - uppástungur eru vel þegnar.

-Vonandi vikrar þetta nýja kommentakerfi mitt og vonandi náði nýja forsíðumyndin athygli ykkar! ;