Um próf í HSP203
á vorönn 2009
Aðalsíða - Kennsluáætlun - Verkefni - Próf
Á prófi sem haldið verður í 8. maí verða 4 af eftirtöldum 12 verkefnum. Hvert verkefni vegur 20% af einkunn fyrir prófið. 20% af prófinu verða stutt óundirbúin verkefni (s.s. krossa- og tengispurningar, eyðufyllingaverkefni eða spurningar sem svara skal með einni málsgrein).
- Um hvað fjallaði grísk heimspeki fyrir daga Sókratesar?
- Helstu heimspekistefnur eftir daga Aristótelesar og til loka fornaldar.
- Ágústínus frá Hippó.
- Hvað er líkt og hvað ólíkt í heimspeki Descartes og Spinoza?
- Stjórnmálaheimspeki Locke og Rousseau.
- Efahyggja Davids Hume.
- Hvernig notaði Kant greinarmuninn á hlutunum eins og þeir birtast okkur og hlutunum eins og þeir eru í sjálfum sér til að varpa ljósi á vandamálið um frelsi viljans.
- Siðfræði- og stjórnmálakenningar J. S. Mill.
- Hugmyndir Georgs Hegel og Karls Marx um þróun samfélagsins.
- Nietzsche og andóf hans gegn kristinni trú og kristnu siðferði.
- Kenningar Karls Popper um vísindi og vísindalega þekkingu.
- Á fyrri hluta 20. aldar tóku ensk og frönsk heimspeki ólíka stefnu. Hvað var einkum ólíkt?
Lausn á hverju verkefni skal vera stutt ritgerð (hálf til ein og hálf handskrifuð blaðsíða). Þegar einkunn er gefin er tekið mið af eftirtöldu:
- Skilningur og þekking á efninu (að fram komi að nemandi viti um hvað málið snýst).
- Frumleg hugsun (m.a. að nemandi setji fram sínar eigin hugmyndir um efnið og noti eigið orðalag til að útskýra þær).
- Skipuleg og rökrétt framsetning.
Þegar lokaeinkunn er reiknuð vega verkefni þriðjung, ritgerð þriðjung og lokapróf þriðjung.
Aðalsíða - Kennsluáætlun - Verkefni - Próf