26.03.10
Manstu þegar einhverjir gúmmítékkar keyptu
Símann og það átti að byggja „hátæknispítala“
fyrir peninginn? Hafa þessir peningar ekki aðallega farið
í að moka undir terlínklætt rassgatið á
einhverjum Framsóknarbelg? Það segir sitt um forgangsröðunarfátæktina
í þessu landi að brota brot af þessum peningum hafi
ekki verið notað til að malbika bílastæðið
hjá Borgarspítalanum. 43 árum eftir að spítalinn
var vígður er bílastæðið enn ómalbikið
og útlítandi eins og sveitavegur í þróunarlandi.
Þetta pirrar mig alltaf jafn mikið í hvert skipti sem
ég þarf að fara þarna! Það hefði mátt
byrja á hátæknibílastæði, er það
ekki? Við í Besta flokknum munum malbika þetta.
---
Þetta lítur nánast óþægilega
vel út. Besti flokkurinn - sem eins og allir vita er besti flokkurinn
því hann er Best flokkurinn - fær
í borgarstjórn skv. þessu.
Ha ha ha! Rúst á bæði Hr. 19. aldar götumynd
og slísí gaurinn þarna í Framsókn. Djöfull
er þetta gott. Eins gott samt að flokkurinn fær ekki sex
menn því þá væri ég í vondum
málum! Vá, hvað ég myndi ekki nenni að sitja
á þessum fundum sem maður sér stundum frá
í sjónvarpinu. En þetta er stórkostlegt! Einar
Örn, formaður leikskólaráðs - ég sé
þetta alveg fyrir mér! Ú-hú! Þetta er
víst sama niðurstaða og kom fram í leynikönnun
sem XD lét nýlega gera en ákvað að stinga
undir stól. Besti flokkurinn
er kominn á svíngandi blúss! Það má
svo benda fyrirtækjum sem eiga einhvern pening á að flokkurinn
tekur glaður á móti fjárframlögum þessa
dagana og það er aldrei að vita nema greiði komi á
móti greiða, ef þú veist hvað ég meina.
Hjá Besta flokknum fer spillingin fram fyrir galopnum tjöldum.
---
Og gerðu þig klára/n í enn einn skammtinn af
POPPPUNKTI!
Sjötta sería takk fyrir, skellur á í júní.
Það eru haugarnir eftir af árennilegum böndum til
að etja kappi og við Felix erum að velta þeim hlutum
fyrir okkur þessa dagana. Það væri auðvelt að
byrja með 32 lið en það byrja samt bara 16 eins og vanalega.
Stanslaust stuð.
---
Ég skrifaði smá viðtal við Krumma í
Mínus þar sem hann hélt því fram að
bandið hefði slegið lokatóninn í hinu niðurbrunna
Batteríi. Það er ekki rétt. Það var hljómsveitin
GREEN
LIGHTS sem slökkti á Batteríinu. Bandið sendi
bréf: ...staðreyndin er sú að Mínus héldu
tónleika sína föstudaginn 19. mars en daginn eftir fóru
fram ekki síðri tónleikar sem hétu "Útfarartónleikar
Green Lights". Tónleikarnir voru skipulagðir sem síðustu
tónleikar Green Lights og skörtuðu því þessu
nafni en það er ótrúleg tilviljun að tónleikarnir
hafi í raun einnig verið útfarartónleikar Batterísins.
Á tónleikunum komu fram hljómsveitirnar Tamarin/(Gunslinger),
The Wintergreens frá Skotlandi og að lokum Green Lights sem
slógu síðasta tóninn á staðnum en ekki
Mínus eins og kom fram.
---
Biggi í Motion Boys er kominn í sólóið
sem LAST BOY. Fyrsta lagið heitir Time to let go og er hér.
---
Skúli
mennski & hljómsveitin Grjót - Heilræðavísa
Skúli vinnur nú í Flateyrartankinum að plötu.
Hann var svo elskulegur að senda tóndæmi. Skúli
er einn af þeim sem verður á Aldrei og þau verða
nú varla meira djúsí lænöppin en það
sem boðið er upp á á ALDREI
fór ég suður um páskana. Í ár verður
hátíðin haldin dagana 2. og 3. apríl (fös
langi + laugard). Þetta eru atriðin 37:
Ólöf Arnalds
Bloodgroup
Urmull
Dikta
Hjaltalín
Bróðir Svartúlfs
Lára Rúnars
Pollapönk
Mið-Ísland
Lay Low
Sigríður Thorlacius
Morðingjarnir
Hudson Wayne
Sólinn frá Sandgerði
Rúnar Þór
Geirfuglarnir
Ingó og Veðurguðirnir
Biggibix
Orphic Oxtra
Skúli hinn mennski
Stjörnuryk
MC Isaksen
Klikkhausarnir
Hjálmar
Rúnar Þóris
Mugison
Yxna
Tom Hannay
Ugly Alex
Jitney
Korter í þrjú
Biogen
Drengjakórinn Konráð
Sesar A, BlazRoca og DJ Kocoon
Nine Elevens
Óminnishegrar
Baunirnar
25.03.10
Djöfulli er þetta eldgos töff. Ég tek allt nöldur
út í fréttir af því til baka. Lá
yfir myndunum á Rúv og Stöð 2 í gær,
horfði meira að segja á það aftur í plús.
Er ég kominn með eldgosamaníu? Manni er málið
aðeins skilt því ég hef gengið Fimmvörðuháls
tvisvar, síðast sl. sumar. Gosið er einmitt á þeim
stað sem er einna erfiðastur og eiginlega bara um eina leið
að fara til að komast ofan af hálsinum og inn í Þórsmörk.
Það var svakalegt að sjá þyrlumyndir af göngustikum
að fara undir hraunhrúgurnar. Ætli Fimmvörðuháls-leiðin
sé orðin ófær út af þessu? Þetta
er gríðarlega spennandi. 5vh hefur verið næst vinsælasta
gönguleið landsins (á eftir Laugarveginum) og svona 5000
- 10.000 manns sem ganga yfir á hverju sumri. Enda er þetta
eins og best of kassi Íslands. 23 km í allskonar gúmmilaðislandslagi,
gullfallegum fossum í Skógaá, snjór, klaki,
úfið hraun og svo blasir dýrðin í Þórsmörk
við. Ef við þetta bætist nú spúandi eldfjall
á miðri leið í sumar þá er það...
ja, ég er bara ekki nógu vel vaknaður til að finna
lýsingarorð á það. Þið getið
smíðað einhver hugrenningatengl út úr rjómaís
og fullnægingu. Ætli maður þurfi ekki að fara
að panta svefnpokapláss í Básum strax?!
---
Nasistarnir á Fox (sem er fjölmiðill eins og Andríki
á satanísku hlátursgasi) eru með þessa
heilabiluðu fréttaskýringu á gosinu. Brandari
dagsins.
---
Besta plata sem ég hef heyrt um nokkra hríð er Congratulations
með MGMT. Á hana
má hlusta hjá Gufu Bandaríkjanna, NPR. Svo er
ég líka að hlusta aðeins á nýju Goldfrapp
sem er slikk popp alla leið, eins og ABBA í nuddpotti með
ELO.
---
Gott að VG sé með forgangsatriðin á hreinu.
Ef ég væri 15 ára strípiklúbbasjúk
ljósabekkjaskinka væri ég brjáluð. Næsta
skref hlýtur að vera afnám kynjaðra lita á
nýbura. Það eru hreinlega allir að bíða
eftir því.
23.03.10
Paranojaðar ógnarstjórnir eru mis krúttlegar.
Allt í kringum Rauðu Khnerana og Nasistana er sáralítið
krúttlegt, á meðan DDR þykir dáldið
krúttlegt. Þar voru allir njósandi um alla í
algjöru geðsýkisrugli. Í DDR
Museum má fá krúttlega innsýn í
lífið í A-Þýskalandi. Lonely Planet mælir
svo með heimsókn í Stasi
safnið eða Stasi fangelsið til að kreista úr
manni krúttið. Eitt af því undarlegasta sem þetta
lið stóð í var að safna líkamslykt af
vafasömum þegnum. Þegnar settust á sérstaka
kloflyktarsöfnunarstóla (sjá mynd) og svo voru tuskur
með lyktinni geymdar í krukkum. Síðan mátti
senda sérþjálfaða kloflyktarhunda á eftir
liðinu ef það var með vesen. Hér
er blogg um heimsókn í Stasi safnið.
---
Talandi um undarlegheit sem ég hef komist að nýlega,
þá er ég að lesa doðrantinn The
Other Hollywood e. Legs McNeil um klámmyndaiðnaðinn
í USA. Legs skrifaði líka meistaraverkið Please
kill me um pönkið. The Other Hollywood er ægilegt klámdrama.
Þarna segir af mafíunni, krípum, druslum og dusilmennum,
dópistum, skinkum og töff týpum. Eitt krípanna
er Larry Levenson sem rak swingers klúbbinn/pornódiskótekið
Plato's
retreat. Hann veðjaði við vini sína um að hann
gæti fengið það 15 sinnum á sólarhring.
Dældi svo í sig örfandi efnum, fyllti pleisið af
viljugum stelpugreyjum og hófst handa. Varð að sýna
sönnunargögnin jafn óðum. Svo héngu vinirnir
yfir þessu í klúbbnum. Manni verður nú bara
illt íonum. Í stuttu máli og ekki of slímugu,
þá tókst Larry þetta þrekvirki. Um skömbóið
Larry og búlluna er til nýlega heimildarmynd sem ég
hef ekki séð en heitir American
Swing.
---
Taugadeildin
- Sveitó
Mamma mía! Nú er allt að verða vitlaust! Rosa
pönkgleði framundan: Þá er að koma að
árlegri upprifjun á upphafsárum Punksins – já,
og auðvitað nýbylgju, „power-pop“ og jafnvel Ska. Hljómleikarnir
verða á Café Amsterdam í Hafnarstræti,
laugardagskvöldið 27. mars og hefjast klukkan 23:00.
Síðustu tvö árin hefur hópur sem hóf
tónlistarferilinn með punkinu rifjað upp þau lög
sem við hlustuðum á 1977-1979. Nú bætist aðeins
í hópinn, tímabilið lengist, lögunum fjölgar
og við bætum íslensku efni á dagskrána.
Árni Kristinsson, Birgir Baldursson, Hjörtur Howser og Jakob
Smári verða allir með í ár. Fræbbblarnir
taka nokkur lög af „Viltu nammi væna?“. Snillingarnir
koma aftur saman og spila frumsamið efni, efni sem ekki hefur heyrst
síðan í Kópavogsbíói 1980. Alls
verða 58 lög spiluð frá 22 hljómsveitum, þeas.:
Blondie, Buzzcocks, Clash, Damned, Elvis Costello, Fræbbblarnir,
Jam, Magazine, PiL, Ramones, Ruts, Saints, Sex Pistols, Sham 69, Snillingarnir,
Specials, Stiff Little Fingers, Stranglers, Television, Theatre Of Hate,
UK Subs og Undertones. Og sem dæmi um hvar við höfum komið
við sögu á þessum rétt rúmlega þrjátíu
árum má nefna hljómsveitirnar: Bara Flokkurinn, Bless,
Das Kapital, Egó, Fræbbblarnir, Galileo, Grafík, Handan
grafar, Heiða og heiðingjarnir, HFF, Hljómsveit Björgvins
Halldórssonar, Icelandic Sound Company, Kátir Piltar, Kraftaverk,
mamma var rússi, Mogo Homo, MX-21, Október, Oxsmá,
Prófessor X , Q4U, Rokkabillýband Reykjavíkur, S.H.
Draumur, Silfurtónar, Singapore Sling, Snillingarnir, SSSÓL,
Sviðin Jörð, Tappi Tíkarrass, Taugadeildin, Tívolí,
Unun, Vinir Dóra og Vonbrigði. Það kostar ekki nema
1.000 inn í þetta sinn - eða tæplega 17 krónur
og 25 aura á lagið.
Þetta er lag af læfbútleggi með Taugadeildinni,
bandinu sem gerði 4 laga EP en hefði átt að gera LP.
Fylgir ekki sögunni hvar og hvenær tekið var upp en miðað
við lætin í liðinu myndi ég segja 1981 í
Kópavogsbíói. Taugadeildin er með heimasíðu.
---
Thee
Oh sees - Ruby go home
Thee oh Sees eru frá San Fransisco og svona ljómandi
hressandi í Cramps, sixtís fílingi. Platan Help kom
út í fyrra og er alveg þess virði að hún
sé sniffuð uppi enda full af gúrme rokkskít. Thee
Oh sees er með Myspace.
22.03.10
Karlar sem eru alveg að verða gamlir eru í tísku
í dag. Ragnar
Rúnar með brandarana er funheitur á Facebook og svo
er annar sem kallar sig Humperdinkus,
býr í Ástralíu og er með youtubeið
fullt af eitís íslensku hemma gunn stöffi. Þetta
er það sem koma skal.
---
Ég lagði á mig ferðalag í þessa
nýju ísbúð, Draumaís í Bæjarlind,
og svo opnar hún ekki fyrr en eftir viku! Var ég ekki að
lesa grein um hana í Fbl? Hef greinilega ekki lesið hana nógu
vel. Fór því í staðinn og fékk mér
skyrís með bláberjum frá Holtseli í Íslandi,
Suðurveri. Instant raðsæla í munninum. Ísbúðin
Ísland er tvímælalaust það sem hæst
ber í ísmálum þjóðarinnar um þessar
mundir. Svo langaði okkur ekkert í sushi um kvöldið
svo SuZushii í Kringlunni bíður um sinn.
---
Jæja, hvað er þá að ske með þetta
eldgos? Er þetta ekki bara að verða búið? Drepleiðinlegt
fréttaefni - hvað ef? hvað ef? hvað ef? og eintómir
skraufþurrir jarðfræðingar að tuldra eitthvað.
Samt dáldið skerí að það sé í
1 km fjarlægð frá gönguleiðinni niður af
5vhálsi. Þar fyrir neðan (í Básum, Þórsmörk)
er nefnilega fallegast á Íslandi og fúlt ef það
yrði fokkað að ráði í því. Verður
gaman að tékka á ummerkjum næst þegar maður
hleypur yfir (í sumar?)
21.03.10
Hvenær byrjaði þetta eldgos eiginlega? Er ég
síðasti Íslendingurinn sem frétti af því?
Ég fór til Borgarness í gær, át stórgóða
fiskisúpu á Landnámssetrinu og hló svo yfir
Jóni Gnarr til hálf ellefu (þú drífur
þig að sjálfsögðu á það gigg).
Þá fór ég nú bara heim og að sofa.
Vaknaði 6 og fór eitthvað að hanga á netinu,
eins og maður gerir, skoða tónlistarblogg og eitthvað,
en það var ekki fyrr en ég fór á Facebook
sem ég frétti um gosið og þá var klukkan
orðin sjö. Það er ekkert nema bögg af þessu
gosi. Allir með eitthvað hundleiðinlegt eldgosagrín
og ekki flogið til útlanda. Gat nú fokkings skeð.
Ég á miða til Berlínar á föstudaginn
og ef það eru ekki gráðugir flugvirkjar sem hleypa
ferðinni í uppnám þá er það eldgos.
Sleppur vonandi samt. Ekki nenni ég deginum lengur að hanga
hér yfir eldgosabröndurum. Svo er þetta ekki einu sinni
í almennilegu eldfjalli eins og Heklu eða Kötlu heldur
bara einhvers staðar á Fimmvörðuhálsi. Hvað
er það? Kemst maður þá ekki enn einu sinni í
Fimmvörðuhálslabb (myndasería
hjá Kjartani Sigurðssyni) í sumar? Komin kílómeters
löng sprunga í Fimmvörðuháls, segja þeir.
Jæja. Fólk hefur gaman af þessu. Þetta er svona
eins og stórmót í handbolta. Allir með á
nótunum. Og náttúrlega dáldið töff.
---
Í dag - ef eldgosið tekur ekki yfir allt lífið
- væri ekki amalegt að fá sér sushi á nýja
staðnum í Stjörnutorgi og prófa ísbúðina
Draumaís
í Kópavogi. Sushipleisið í Kringlos heitir SuZushii
sem er alveg ferlegt nafn. Samt ekki eins ferlegt og nafnið á
nýja fótboltablaðinu, Goal. Það ætti
að taka þann sem ákvað það fáránlega
ruglnafn og húðstrýkja á næsta degi íslenskrar
tungu. Gestgjafinn var með gæðatékk á 4 sérhæfðum
sushistöðum í Rvk og SuZushii í Kringlunni fékk
hæsta skor 9/10. Sushiholan á Laugarvegi fékk 6/10
og Sushi Train 8/10. Sushismiðjan þarna í húsunum
hjá Sægreifanum fékk bara 2/10. Það sem dró
staðinn niður var sagt hranaleg framkoma. Ég veit það
nú ekki, hef alltaf fengið næs sörvis þarna
og ágætis sushi, ekkert súperferskt þó.
20.03.10
Gerði dauðaleit að algjöru snilldarlagi - japönsku
áróðurslagi gegn drykkjuakstri - og fann loksins með
hjálp Wayback Machine.
James Allenspach (bloggsíðan
hans er góð) hefur gert myndband
við lagið og textað á ensku. Algjör snilld. Við
Lufsan gerðum meira að segja kóver af þessu ein jólin,
á þeim tíma þegar við nenntum að búa
til jólalög í jólakortin.
---
Vek athygli á að hin ágæta hljómsveit
The Wintergreens er að spila á Batteríinu í kvöld.
Þetta er band með einum Gunnari Thor og þremur útlendingum
sem gerir út frá Skotlandi. Er hér í heimsókn.
Músíkin er gott indie stöff sem minnir mig á
örlí 80s bönd eins og YMG og Pink Military. Tékkið
á þeim á mæspeisinu
og Batteríinu í kvöld.
---
Jónsi
- Animal arithmatic
Bendi á vandað viðtal við Jónsa í
Fbl í dag. Ég er þrælhress með plötuna
hans, Go. Létt yfir henni og ákafi. Þessi tilfinning
í henni að allt sé hægt og allt megi. Að það
séu ekki einhverjir skilmálar og aðferðir sem verður
að halda í heiðri. Samt er ég ekkert að segja
að Sigur Rós hafi verið orðin föst í hjakkinu,
síðasta plata með þeim var t.d. mjög góð.
Þetta rúllar bara allt einhvern veginn áfram og það
er nóg eftir á þessum brúsum.
Þetta lag finnst mér einna frábærast. Það
er víst nýjasta lagið á plötunni og textinn
fjallar um dýr og stærðfræði, af því
það "passar ekki saman". Framundan er risatúr um heiminn
með gríðarmikla sviðsmynd í farteskinu. Hér
er GVA að mynda Jónsa á háaloftinu í Iðnó.
Þetta ævagamla hjól var nú bara þarna,
Jónsi er ekki alveg það fríkaður að hann
sé búinn að fá sér svona fornaldarhjól.
En hann var með húfuna sína sem ég spurði
hann aðeins út í. Hún er af tegundinni Torpedo
deluxe. Ég hélt að Jónsi væri að vitna
til Holden Caulfield, söguhetjunnar í Catcher in the Rye, sem
var með svona húfu, en Jónsi kannaðist ekkert við
það. Heimasíða Jónsa
er með aukaefni!
Ég held maður þurfi samt að lesa Bjargvættinn
í grasinu bráðum fyrst báðir eru svona ferskdánir,
Flosi og JD. Talandi um ferskdána þá er Alex
Chilton hrokkinn
upp af. Alex söng í unglingabandinu Box Tops ("The Letter"),
gerðu svo frábær meistaraverk með hljómsveitinni
Big Star og "fann upp" power-poppið. Eftir það var hann í
sukki, sólói og kombökkum, en pródúseraði
líka fúndamental stöff eins og Songs the Lord Taught
Us með Cramps. Ef þú átt Alex Chilton eftir ófattaðan
mæli ég með að þú tékkir á
Ballad
of El Goodo og sjáir svo til hvort þú viljir ekki
athuga hann betur.
17.03.10
Það er ágætt að hafa í huga að
þú ræður því hvernig þér
líður. Það er bara væl og aumingjaskapur að
kenna einhverju öðru um en innihaldi haussins á þér.
Ég skil ekki hvað fullfrískt fólk er sívælandi
yfir öllu, peningum, skuldum, bla bla (já já, ég
hef verið vælandi eins og stunginn grís löngum stundum
líka). Jóhann J. Ingólfsson súmmerar þetta
ágætlega upp (las ég hjá vini á facebook):
Bjartsýni
þvingar okkur til aðgerða, svartsýni er þægileg
afsökun fyrir að gera ekki neitt. Arkitektúrsleg útfærsla
á þessari pælingu er Bakþanki dagsins, Burt
með þig, grámygla.
---
Hér má sjá nokkra kolbrjálaða útrásarvíkinga
í Víkingaheimum í Kef, en það er stórgott
safn þar sem skipið Íslendingur er main attraksjón.
Verst að maður hefur eiginlega bara sagnfræðilegan áhuga
á svona síðustu 100 árum og er alveg sama hvað
þetta lið var að vesenast fyrir 1000 árum plús.
Því var auðvitað meira innan míns áhugasviðs
að skoða Rokkheimana í Geimsteini:
Stórfínt dæmi og algjört möst fyrir rokkáhugasama
að tékka á því. Rúnarssynir og María
halda merki Rúnars á lofti og það er frábært.
Kef er málið, ég er að segja þér það.
Fórum líka í KFC Kef, sem er sko engin skítabúlla
eins og KFC Kóp, heldur hreint og fagurt grafhýsi látinni
hæna, ef þetta eru þá hænur, en ekki bara
"kjöt". En allavega. Svo í Grindavík er Saltfisksetur
mjög árennilegt ef maður hefur brennandi áhuga á
saltfiski, eða striti forfeðranna. Í bensínsjoppu
sá maður svo ríl læf smábæjarins,
letilegt úrval dvd mynda og doðalegan træbalhnakka í
óða önn við að eyða aleigunni í RK-kassa.
Hver man ekki eftir myndinni Fiskur undir steini sem allir urðu brjálaðir
yfir 1970 og eitthvað? Ég þori að sjálfssögðu
ekki af ótta við að vera kallaður snobbhlussa og malbik
að segja að ekkert hafi breyst síðan þá.
---
Annars er ég að hlusta á Gó með Jónsa,
sem er svaka fín og léttleikandi poppplata. Kannski maður
taki svo stórt upp í sig að þetta sé það
besta sem kemur úr þessari átt síðan Ágætis
byrjun?
---
Um daginn var ég að pæla í svona albúmhausum.
Hér er svipuð pæling, útfærð öðruvísi
- Mix
& match.
14.03.10
Páll Óskar hélt geðveika afmælisveislu
á Nasa í gær. Hann stóð í dyrunum
og faðmaði 400 manns + á meðan Hari tók myndir.
Veitingar svakalega fínar og fyrir framan bráðnaði
eftirmynd af Páli úr ísklumpi. Svo byrjaði skrallið
og Gylfi og Hemmi fóru á kostum. Ég var með krakkana
og fór eftir Spilverkið sem tók þrjú lög:
Gul og rauð og blá, Plant no trees og Nei sko. Alveg helmagnað
náttúrlega - þó Bjóla hafi ekki verið
með - og það má nú alveg fara að spá
í almennilegu kombakki, enda Spilverkið klárlega meðal
topp 10 bestu banda Íslandssögunnar. (Í fljótu
bragði sýnast mér hin vera Hljómar, Trúbrot,
Óðmenn, Stuðmenn, Fræbbblarnir, Purrkurinn, Utangarðsmenn,
Þeyr og Pönkhljómsveitin Fjölnir).
---
Talandi um Gylfa þá spurðu hann mig hvort ég
væri að fara að gera aðgerð, ég væri
svo alvarlegur eitthvað.
---
Og talandi ennþá meira um Gylfa þá fór
víst Megas með vinkonu sinni á ball með Áhöfninni
á Halastjörnunni í Kringlukránni. Megas og vinkonan
dönsuðu villt og galið við undirleik Gylfa og Hemma og
Ara og eftir gigg fór Megas baksviðs að þakka fyrir
sig. Gylfi varð svo kjaftstopp á þessari óvæntu
aðdáun meistarans að hann gat ekkert sagt annað en:
Mömmu finnst þú æðislega góður.
---
Vá, þá erða bara Palli fimmtugur 2020. Það
toppar þetta ekkert nema eitthvað út í geimnum.
13.03.10
Smáauglýsing:
Vil kaupa nothæfan fjölskyldubíl - helst yfirtaka
viðráðanlegt bílalán. Æskileg greiðslubyrði
20-30 þús á mán. Á sama stað er auglýst
eftir vistaskiptum. Ég legg fram frábæra 130 fm íbúð
í nafla alheimsins í Vesturbæ (2 km frá Kringlunni!)
og vil fá hús "út á landi" í staðinn.
Helst á vestfjörðum, norðurlandi eða austurlandi.
Er nefnilega alveg til í að "gera ekki neitt" í svona
sirka 2 vikur í sumar "út á landi". Áhugasamir
skrifi.
---
Ef þetta gengur ekki getur maður bara notfært sér
síðuna Húsaskipti.
---
Ég sverða að ég fékk þessa hugmynd
líka. Að taka myndir af vinnustöðum karla og hengja
upp. Gerði það náttúrlega ekki því
ég er ekki ljósmyndari. Því verður maður
absólútt að drífa sig á sýningu
Ívars Brynjólfssonar á Vinnustöðum alvöru
karla sem er í Listasafni Íslands. Einnig væri gaman
að skoða veggjakort á klósettum karlavinnustaða.
Það getur verið innspírandi. Verst að flestir
skrifa það sama, hinn mikla klósettbálk:
Hér er ró og hér er friður
Hér er gott að setjast niður
Hugsa um sína þungu þanka
..þar til einhver fer að banka.
Þá er mál og þá er siður
að standa upp og sturta niður.
Hver er höfundurinn?
---
Amadou
& Mariam - Masiteladi
Það er hörkudæmi þetta blinda par frá
Malí - Amadou & Mariam - sem opnar Listahátíð
í Höllinni 12. maí. Ég fékk bullandi áhuga
á að fara á giggið þegar ég heyrði
í þeim á Mæspeisinu
þeirra. Líklega ætti maður að vera að
hlusta á miklu meira af "heimstónlist". Ef þú
þarf einhvern annan en mig til að segja þér hversu
æðisleg þau eru má benda á að þau
hituðu upp fyrir Coldplay, Damon Albarn er slefandi yfir þeim
sem og Pitchforkmedia og Simpsonspabbi Matt Groening er búin að
ráða þau á All tomorrows partíið í
maí sem hann kúreitar. Þaðan koma þau funheit
hingað. Mér sýnist vera tvær plötur sem maður
þarf að tékka á með þeim, Welcome to
Mali frá 2008 (lagið hér að ofan er af henni) og
platan sem þau gerðu með Manu Chau 2005. Já og svo
hittu þau Barack þegar þau spiluðu þegar hann
fékk Nóbelinn. Miðasala er hafin á midi.is
og miðað við listann á midi.is er giggið miklu vinsælla
en Latabæjarhátíðin!
---
Jamm. Og svo líður mér svona 43% eins og allt sé
að fara til andskotans og að þjóðin verði
flutt af skerinu á næsta ári (þetta hlutfall
eykst í réttu hlutfalli við hvað maður nennir
að lesa mikið af svartagallsröfli á Eyjunni), en svona
57% að það verði bara allt í lagi og að þetta
rúlli allt áfram af gömlum vana.
10.03.10
Copy/paste frá Kristjáni Frey: TÝND HLJÓÐFÆRI:
Kæru vinir, ég er miður mín. Ég er búinn
að tapa symbalatöskunni minni (sjá mynd af samskonar tösku).
Taskan er full af trommudiskum (symbölum), einhverjum kjuðum,
hi-hat klemmu og fl. (m.a.s. er einn svartur Camper skór oní
töskunni) Hún tapaðist í flutningum, fyrir viku
síðan. Taskan fór frá skemmtistaðnum Batteríinu,
uppá Grandrokk við Smiðjustíg og þaðan
niður í bæ á skrifstofu við Vonarstræti.
Ef einhver veit um töskuna: krissrokk@gmail.com eða 772-7007.
Takk!
---
Svo þessum
mótbárum Jóns Egils Bergþórssonar
sé svarað vil ég benda á til að sanna hvað
ég hef ógeðslega djúpan bíómyndasmekk
að uppáhaldsmyndirnar mínar eru: Grease II og þarna
myndin með Whoopie Goldberg.
---
Ég hef oft tjáð mig um músíktengd bíópikk.
Nowhere
boy um unglinginn Lennon sér maður, veit ekki hvenær
hún kemur hingað, ef hún kemur þá á
annað borð. Þetta er reyndar alltuggið efni, Lennon og
mammans og það allt . Svo er glæný
mynd um kvennabandið The Runaways á leiðinni með
Dakota Fanning (ekki lítil lengur). Þetta var nú svo
sem ekkert súper æðislegt band þótt „Cherry
bomb“ sé dúndur stöff. Joan Jett varð miklu þekktari
sóló fyrir I love rock n roll (sem var reyndar kóverlag
með einhverjum Arrows). Rokkrefurinn Kim Fowley sem setti bandið
saman er athyglisverður karl sem maður þarf að grafast
betur fyrir um. Held það hafi ekki verið skrifuð almennileg
bók um hann. Hann sendi mér einu sinni bréf. Þá
voru Sykurmolarnir funheitir og í Rolling Stone viðtali var
minnst á Snarl kassettu og gefið upp heimilisfang Erðanúmúsik.
Bréfum rigndi inn og þar á meðal eitt frá
Kim sem bað um spólu. Hann var sísnuðrandi eftir
næsta stóra hitti og hélt kannski að hann fyndi
það á Snarl spólu! Heyrði reyndar aldrei í
honum aftur! Hér
er Kim með gaurum í mjög alvarlegum/sprenghlægilegum
umræðuþætti um pönk og nýbylgju í
Tomorrow show Tom Snyders frá 1977. Kim hefur yfirbragð slísí
karakters og er oftast lýst þannig. Er hálfgerður
Roger Corman rokksins eða eitthvað. Auk þess að pródúsera
haugana af efni (þar á meðal novelty hittarann They're
coming to take me away ha-haaa, sem var spilaður í algjöra
hengla í Lögum unga fólksins) gerði Kim fullt af
sólóstöffi. Eitt besta lagið sem ég hef heyrt
með honum er þetta:
Kim
Fowley - Bubblegum
Kom fyrst út á 7" 1969. (Kim á wiki.
Offisjal heimasíða.
Kims Diskógrafía)
---
Það er allt að verða kresí hjá FM Belfast.
Blöðin halda ei vatni yfir giggunum: MusicOHM,
Spoonfed,
Groove
(í Osló). Grímur umboðsmaður og bassaleikari
segir:
Á túrnum var fullt á mörgum stöðum.
Uppselt í Kaupmannahöfn, París og London. Frakkland
var geggjað – og troðið í Lausanne....Bandið fer
á 23 tónleikaferð sem hefst í Kananda og endar
í Þýskalandi. Spila á Spot í Danmörku
og Great Escape. Sumarið er hlaðið festivölum. Sjáðu
síðan stemminguna: París
/ Brussel / London.
---
Mikið snilldar Gusgus-videó er komið
á netið. Ekkert stuð í Fellunum fyrr en Dressmannkallarnir
koma.
---
Harpa
Gunnarsdóttir - Elsku kisa mín
Af 7" frá 1975. Ekki veit ég meira um Hörpu eða
hvað varð um hana, en allavega tók hún Obladí
á plötunni og er því komin hingað. Obladí
Pauls Maccartneys er ábyggilega mest spilaða Bítlalagið
á Íslandi og hreinasta plága um árabil. Það
kom á Hvíta albúminu og Paul samdi það í
ska-fílingi. Hljómsveitin Marmalade tók ómakið
af Bítlunum að gefa það út á singul
1969 og með marmilaðinu fór það á toppinn.
Hér
má sjá marmilaðiútgáfuna. Svo er ekki ólíklegt
að fyrir hugarfylgsnum sveimi andlit Corkís
þegar lagið skellur á.
07.03.10
Gerði ógilt. Ég hefði nú haldið að
fleiri hefðu gert ógilt því þetta var eiginlega
ógild kosning, svo rosalega mikið rugl og ekki verið að
kjósa um skýra valkosti heldur geta menn bara túlkað
Neiið út og suður. Og hvað svo? Þjóðarjeppinn
er ennþá fastur í drullunni því menn ýta
á hann úr sitthvorri áttinni, en ekki allir í
sömu átt. Og svo er hann með sex stýri. En er þá
ekki bara fínt að koma með SKÝRSLUNA! til að
flækja þetta aðeins meira.
---
Næsta plata The Fall kemur út 26. apríl á
Domino. Heitir Your Future Our Clutter. Hér
er Mark E Smith að tjá sig um plötuna Hex Educational Hour
(útg 1981), sem jafnan er talin meðal allra bestu platna bandsins.
Nokkur lög af henni voru tekin upp í Hljóðrita.
Eitthvað er nú karlinn farinn að kalka því
þessar lýsingar hans á Íslandi 1981 eru, erm,
nokkuð frjálslegar:
Was there any kind of grand scheme behind recording some of it in
Iceland?
MES: Er, no. Because in them days Iceland was a closed country not
like it is now. They didn’t have rock bands and beer was illegal and stuff
like that. So we did a show there and it was a big deal for them. It was
ridiculous; a quarter of the population of Rekyjavik turned out to see
us. Women, children, the lot. They’d never seen a group like us before.
So me being me I said ‘Let’s record something here.’ And we went and recorded
Iceland and Hip Priest in this lava cave. It was where Icelandic bards
go to record their Icelandic poems. That’s why the sound on those tracks
has that snap on it.
Fólk sem les þetta sér fyrir sér hraunhelli
a la Indiana Jones eða eitthvað, en það er nú
bara verið að tala um Hljóðrita þar sem einn veggurinn
var/er með hrauni. Reyndar má, ef vel er gáð, enn
finna hassköggla inn á milli hraunsins eftir, eh, „skáldin“
sem tóku þarna upp.
06.03.10
Ef maður vill kjósa „Fokkessum ríkuköllum, þeir
geta bara þrifið skítinn upp eftir sig sjálfa.
Niður með dólgakapítalismann!“ - hvað kýs
maður þá? Krossar maður við Nei og skrifar svo
ofangreint á miðinn og gerir hann þar með ógildan?
Varla fer maður og gerir bara pent Nei því þá
er maður að gera eitthvað sem Blesi og Zombíselurinn
vilja að maður geri. Og ekki gerir maður það. Sjitt,
þetta er nú meira ruglið. Stærsti smjörklípuhlunkur
Íslandssögunnar, svo vitnað sé í Andra Snæ
í Fbl í dag. Er fábjánagangurinn, ringulreiðin
og stefnuleysið jafn yfirþyrmandi hjá einhverri annari
þjóð í heiminum?
---
Hér er góð hugmynd. Fyrirtækið Worn
Free sérhæfir sig í að endurskapa klassíska
t-boli sem guðdómlegir rokkarar voru myndaðir í.
Reyndar rándýir bolir (v/ gengisins) en góð hugmynd,
eins og ég segi.
---
Evil Madness eru með 3ju plötuna í bígerð.
Hér
má heyra forugan smekk.
---
Hér
má lesa um Bítlana og minningar. Ó minningar. Þegar
ég fékk Bítlaæði sirka 1976-77 fór
ég milli plötubúða og reyndi að kaupa litlar
Bítlaplötur því ég hafði ekki efni
á stórum. Hvergi fengust litlar bítlaplötur en
einhvern veginn komu rauðu/bláu safnplöturnar inn á
heimilið. Þess má geta að ég er enn með
Bítlaæði.
---
Hljómar
- Einn á ferð
Eftir því sem ég kemst næst er þetta
fyrsta útgefna íslenska bítlakóverið. Kom
á fyrsta LPi Hljóma (SG, 1967), en sú plata er með
frábæru tíðarandatengdu umslagi eftir meistara
Þorstein Eggertsson (helvítis kjaftæði! Umslagið
gerði Hilmar Helgason!). Lagið er Nowhere man sem kom út
á Rubber Soul 1966. Íslenskan texta gerði Ómar
Ragnarsson.
04.03.10
Bakþankinn
í dag fjallar um eftirlífið og gríska jógúrt
(og e.t.v. um kosningarnar á laugardaginn líka). Grískt
jógúrt er ekkert grín.
---
En talandi um kosningar þá toppa þessar næstu
alla hina vitleysuna sem maður hefur látið hafa sig út
í. Allar kosningar eru rugl svo sem, því maður
fær alltaf það sem maður á skilið (og það
er nú alltaf eitthvað svakalegt) og svo skiptir þetta
lið alltaf um skoðun eftir því hvoru megin við
borðið það er. En þessar kosningar á laugardaginn
toppa samt allt í ruglinu. Jafnvel það þegar ég
lét hafa mig í það að elta eitthvað þrugl
í Samfokki um flugvöllinn kjurt eða burt (ég man
ekki einu sinni hvort ég vildi hann kjurt eða burt). Svo ekki
sé nú talað um það þegar ég kaus
á milli Vigdísar og einhverrar kerlingar frá Vestmannaeyjum.
Ég teiknaði forláta klámmynd á seðilinn
og hef alltaf séð smá eftir því auðvitað
átti ég að kjósa Vigdísi. En jæja,
mitt atkvæði skipti ekki sköpum.
---
Gorillaz
- Superfast jellyfish (feat. Gruff Rhys & De La Soul)
Nýja Gorillaz platan er ekkert slor, reyndar bara þétt
og fín, léttleikandi og hress. Þetta lag greip einna
fyrst. Sólskin í hverjum dropa. Plötuna alla má
heyra á músíkheimasíðu Ríkisútvarpsins
í Ameríku en þar má oft heyra glænýtt
gæðaglundur í heild sinni. (aðsend aðfinnsla:
Bara
að benda þér á að það ekkert sem
kallast getur ríkisútvarp hér í Ameríku.
NPR er algjörlega rekið af frjálsum framlögum að
mestu frá venjulegu fólki, en einnig eitthvað er um það
að fyrirtæki láti af hendi rakna til að styðja
við stöðvarnar. Áður fyrr lét alríkið
eitthvað fjármagn renna til þeirra en því
er lokið í dag. Ingimar)
28.02.10
Unglingagrín 2010: Elliheimilið Brund. Þú ættir
að skammast þín.
---
Dóri trommari hefur ráðist
í það þjóðþrifaverk að setja
viðtal EIR við Gunnar Jökul á Youtube (hluti
1 / hluti
2). Viðtalið er frá 1994 og þar minnist Gunnar
á sólóplötu sem hann er með í bígerð.
Hún kom árið eftir og heitir Hamfarir.
Ég var að vinna í Japis á þessum tíma
og man alltaf eftir þeim undrunarsvip sem kom á menn þegar
platan fór undir geislann. Gunnar hafði mikla trú á
þessu og fyrsta pöntun af plötunni voru 3000 eintök.
Ég segi kannski ekki meistaraverk, en þetta er plata sem er
mjög minnistæð, einstök og sönn.
---
Meiri sagnfræði: Í Bloggheimum
Léos má lesa mikla samantekt um Borgarbíóið
í Kópavogi (blogg nr. 615). Maður kom þarna stundum,
enda í göngufæri. Ég sá Quadrophenia þarna,
hún hefur líklega ekki verið með texta, ég
allavega man eftir því að ég skildi lítið
í henni. Svo sá ég Andy Warhols Dracula þarna
í þeirri hráu þrívídd sem var í
boði á þessum tíma og líklega Polyester
Johns Waters með lyktarspjaldinu. Í Borgarbíói
voru stundum tónleikar og sjálfur spilaði ég með
F/8
þarna 23/8/1980. Eðal-lænupp: Fræbbblarnir, Utangarðsmenn
og Kjarnorkublúsararnir auk okkar. Það er mér minnisstæðast
frá þessu giggi að þegar allir Fræbbblarnir
voru komnir á svið nema Stebbi trommari varð smá
bið eftir honum. Hann var að skíta og var all nokkuð
gantast með það áður en bandið keyrði
í gang. Jónatan Garðarson var á svæðinu
og skrifaði um giggið
í
Vísi.
27.02.10
Gott er að eiga góða vini, vindla og nóg af kóki.
Það rifjaðist upp fyrir mér að einu sinni voru
bæði til "litlar" og "stórar" kók. Miðað
við það sem nú þekkist í gossvolgri finnst
manni varla hafa tekið því að bjóða upp
á svona líkar stærðir - hvað er þetta,
einn sopi sem er meira í "stórri" kók en "lítilli"?
Ég vísa annars á gosumfjöllun
mína í Fbl í dag. Takið eftir að orðið
lýðheilsa kemur þar hvergi við sögu. Þó
ég vilji ekki lasta gosið þá er dáldið
skrýtið hvað við þömbum mikið af því
þegar við höfum "besta vatn í heimi" rennandi úr
öllum krönum. Það er eins og að vera giftur Ungfrú
Íslandi en halda fram hjá með tannbrunninni jussu á
efri hæðinni.
---
Það hefur orðið vart við gríðarlegt
þunglyndi í fjölmiðlum þessa vikuna. Jafnvel
enn meira en vanalega. Það eru einhver óveðursský
sem eru endalaust að hrannast upp og nú verður kreppan ekki
auðveldari en menn héldu - eins og sagt var fyrir nokkrum vikum
- heldur miklu krappari og mun ekki ná harmrænni fullnægingu
fyrr en í byrjun næsta árs þegar 11% verða
atvinnulausir. Æ fokking sjitt. Troðið sokk í ykkur,
vælukjóar (eru mín skilaboð þar sem ég
nenni ómögulega að tjá mig meira um "ástandið"
í dag.) Ætla ekki allir annars á kjörstað
eftir viku? Djók!
---
Hérna
eru kúl Bretar að reyna að segja umheiminum frá bjartsýninni
á Íslandi. Bogi í
Hliði og fleiri góðir leggja hönd á plögg.
---
Á þessari síðu
hefur Luciano Dutra í Brasilíu þýtt nöldurgrein
mína "Syngið á íslensku!" yfir á portúgölsku.
---
Vesen alltaf á þessari íslensku. Gæsalappirnar
geta ekki einu sinni verið "í lagi". Nei nei, maður þarf
að ýta á „alt 0132 og svo á alt 0147“.
---
Já sæll, það er þessi Edda
í kvöld og Popppungur er tilnefndur. Einu sinni áður
var ég tilnefndur og þá vann Jón já komiði
sæl. Hann er ekki tilnefndur í kvöld svo það
er séns. Ætli maður mæti ekki, en mér skilst
að það sé enginn áhugi fyrir þessari
hátíð í bransanum. Allir svo fúlir út
af niðurskurðinum. Held maður eigi að mæta eins tötralega
og maður getur til að mótmæla. Ég er búinn
að fá Grímu og Ístón svo það
er alveg pláss fyrir eins og eina Eddu. (viðbót: ÚTSVAR!?
Eruði ekki að fokking kidda mig?)
---
Enn meira aðsent af kvistum, nú frá AVS: í
svari við nafnlausu ábendingunni þá er téður
læknir með
plastpokana hinn margfrægi Þjóðarbókhlöðudraugur.
Ég veit svosem ekki
hvort fólk utan Háskólans kannist mikið
við þá nafngift. En ef þetta er
sami náungi, þá má sjá hann tala
löngum stundum við sjálfan sig bæði í
Odda og á Bókhlöðunni. Stundum virðist
tal hans beinast að tiltekinni
manneskju og ef viðkomandi bítur á agnið má
hann búast við stórundarlegu
samtali í kjölfarið.
Ég vissi raunar ekki að hann sinnti raunverulegum rannsóknum,
enda býst
maður ekki beinlínis við því af manni
sem dröslast með eldgömul dagblöð í
plastpoka talar um ketti og annað eins handahófskennt
við sjálfan sig inná
Þjóðdeild Landsbókasafns.
---
Helgi
Pétursson - Þú vilt ei mig
You wont see me af Rubber soul (1965) sem Þú vilt ei mig
á sólóplötu Helga, Þú ert, sem var
tekin upp í Hljóðrita jan, feb 1979 af Gunna Þórðar,
sem útsetti einnig. Textann gerði Helgi. Týpíkal
albúm trakk, bæði hjá Bítlum og Helga.
25.02.10
Stórtíðindi: Hinn mikilfenglegi meistari INSOL
verður í Harmageddon á XINU kl. 16 í dag (fimmtudag)
og mætir með gítarinn. Þetta er svokölluð
skylduhlustun. Það tók sig upp gamalt stuð hjá
Insol í fyrra og hann gaf út tvo nýja diska seint
á síðasta ári. Báðir eru góðir.
Insol
- Borgaðu fyrir burgeisana
Það og það er „skemmtaraplata“, en þó
er mixað inn gítar og munnhörpu. Textar áleitnir
og harðir, oft um hrunið (enda samdir í hruninu), en einnig
efni sem var samið árið 1997. Hér er lag sem ristir
djúpt og þar sem hlutirnir eru sagðir án umbúða
og orðagjálfurs.
Við sem bara vorum krútt
verðum nú í skuldafangelsi,
fyrir allskonar kúka
plokkandi af þér seðlana, búandi til helsi
(með fyrirvara um að ég hafi ekki heyrt
þetta rétt)
Þarf að segja meir? Frábært lag af frábærri
plötu!
Insol
- Adolf Hitler
Á Ísland skal aría griðland fer Insol inn
á viðkvæmar slóðir og kallar á endurmat
á nasismanum. Þetta er kassagítarplata, munnharpa í
bland. Hér er lagið Adolf Hitler. Aldrei hefur jafn fallegt
verið samið um jafn glataðan mann. Vafasöm plata, þó
ekki sé meira sagt!
---
Vert er að minnast á að myndin Burkina Faso 8600 km
er nú sjáanleg hjá Þorsteini
Joð.
---
Og fyrst verið er að ræða um netvörp þá
er meistari David Lynch nú með seríu í gangi á
síðu sinni sem hann kallar The
Interview Project. Þar er rætt við (ó)venjulega
Ameríka á heimavelli. Það er reyndar sonur Davids,
Austin, sem stendur á bakvið þetta, en það er
ekki (svo mikið) verra fyrir það.
---
Hér er nafnlaust uppdeit með kynlegu kvistana:
* Afar mjósleginn náungi, með sérviskulegan
svip, sem oft er á ferðinni á svæðinu Hverfisgata/
Lækjargata... "Franz Kafka" --> Líklega er um að ræða
sagnfræðing, með upphafsstafina GFG, vann lengi fyrir óbyggðanefnd
* Einn sem situr lon og don á Þjóðarbókhlöðunni
og rýnir í gömul handrit og fræðibækur
og er alltaf með tvo sneisafulla plastpoka af blöðum meðferðis...
--> Þetta er læknir, með doktorsgráðu frá
Englandi. Hefur lítið sinnt lækningum að undanförnu
en hefur tekið að sér ýmis ritverkefni, skýrslugerð
og þess háttar. Tekur verkefni sín mjög alvarlega
og er leitun að nákvæmari manni.
---
Annars var Þefhestur tvímælalaust orð gærdagsins.
21.02.10
Sullubergur er að alveg að gera sig í Kosti. Ég
fer þangað upp á amrískt eðalgóss sem
ekki fæst annars staðar. Við erum að tala um Starbucks-kaffi,
Reese's Peanut butter cups og fleira jömm. Reyndar mætti hann
íhuga að selja stöffið í minni pakkningum, maður
leggur kannski ekki alveg í heilu sekkina af amerísku sælgæti
sem maður hefur ekki smakkað fyrr. Í gær prófaði
ég kókoshnetu M&M í hvítum pakka en því
miður er það alltof sætt og væmið og ég
mun ekki kaupaða aftur. Nú er að vona að Sulli fari
í rótarbjór og krímsóda og þá
fyrst fer hann í guðatölu.
---
Ísland í Suðurveri er nýjasta ísbúðin
í bænum. Selur Kjörís (best) og Holsels-ís
(langbest) og er með myndir af beljum upp um alla veggi. Hin fínasta
búð, en allar ísbúðir ættu samt að
sjá sóma sinn í að vera með blautþurrkur
því það vill sullast og klístrast þegar
maður er með krakka. Sæta-aðstaða er þokkaleg,
ég sakna þó staðar þar sem hægt er
að kaupa jafnt ís og kaffi og sitja í bólstruðum
básum með kannski rótarbjórsflot í uppháum
glerglösum eins og maður sé í American Graffity
eða eitthvað. Það vantar ofur-ísbúð
í Rvk. Ég mæli eindregið með skyrís
með aðalbláberjum beint úr beljunum á Holseli,
það er tótal snilld - tvær kúlur á
540 kall, hálfur lítri á 950 kr.
---
AVS sendi kvista-viðbót:
Uppábúni miðasölumaðurinn í Regnboganum
er ekki einungis það, heldur er
hann framkvæmdastjóri Regnbogans. Hann má oft
finna í leið 14, uppábúinn
með volduga skjalatösku, sem hann heldur um líktog
hún innihaldi gullforða
Seðlabankans. Ég tók fyrst eftir honum sem barn
og hann vekur jafnan
alltaf athygli mína, en mér hefur þó
aldrei borið gæfa til að muna hvað
hann heitir.
Hinsvegar veit ég vel hvað skeggjaði strætóbílstjórinn
heitir, Pétur
hlaupari - ég man nú ekki hvers son. Hann bar alltaf
út Dag Tímann, síðar
Dag. Fræg saga er til af því þegar hann
svindlaði í Reykjavíkurmaraþoni
með því að hjóla hluta úr leið;
mér vitandi eini maður sem hefur verið
dæmdur úr keppni þar (ef sagan er sönn).
Báðir þessir tengjast leið 14 og má ég
til með að nefna annan enn
einkennilegri mann sem ég hef séð bregða fyrir
á þeirri leið og kringum
strætistöðvarnar á Hlemmi og Lækjartorgi
undanfarin 12 ár. Hann er
hávaxinn með snjóhvítt krullað hár
og rauðari í framan en Jeltsín á
mánaðarlöngum bender. Hann er einhverslags smákrimmi
að ég held, fór að
minnsta kosti jafnan fremstur meðal jafningja í hópi
þeirra ógæfumanna sem
nú sjást varla lengur í miðbænum,
og oftar en einu sinni sá ég hann, með
tvo hálfaumingjalega náunga bakvið sig, reyna
að kúga fé útúr einhverjum
rónanum. Einhverju sinni var hann skyndilega búinn
að lita hárið svart og
kominn í nýjan leðurjakka og hafði því
greinilega komist í einhverjar
álnir, en næst þegar ég sá hann
hafði rótin vaxið uppúr og karlinn
óvenjufölur að sjá. Svo eitthvað hefur
stórveldi hans farið hnignandi.
Þetta eru að sjálfsögðu bara hálfskáldsögur
af kynlegum kvistum, en ég tel
fulla þörf á að minnast þeirra sem maður
hefur svo oft velt fyrir sér og
ekki alveg getað áttað sig á hvaðan kæmu.
---
Orion
& Sigrún Harðardóttir - Enginn veit / Orion
& Sigrún Harðardóttir - Stef úr Family way
5-laga 7" EP plata Sigrúnar Harðardóttur og Orion,
sem Fálkinn gaf út 1968, er ekki með einu heldur tveimur
Bítla-lögum. Þ.e., þarna er I will (af Hvíta
albúminu, svo þau hafa verið snögg) með texta
Eysteins Jónassonar, eins Orion-manna + stef úr The
Family Way, en það er einhver bíómynd sem Palli
MacC gerði hljóðsporið við 1966 (hvernig sem honum
vannst nú tími til þess í öllu bítlaæðinu).
Eins og heyrist var Orion langt frá því að vera
væld - maður sér fyrir sér lakkskó, lakkrísbindi
og seinni tíma frama við bókhald og klassíska
tónlist.
(Ég þakka Jónasi fyrir gesta-ripp).
20.02.10
Gríðarlegur faglegur metnaður er lagður í
grein
mína um kynlega kvisti í Fbl í dag. Mæli
með henni. Ég er búinn að vera smá með
svona kalla á heilanum síðustu daga. Jafnvel farinn að
sjá fyrir mér bók. Fólk hefur skoðanir
á þessu og finnst þetta spennandi efni. Ég var
að spá í þessu á Facebook og spurði
hverjir væru kynlegu kvistir nútímans - fólk
sem vekur athygli á götunum. Fólk kom með allskonar
nöfn:
* Björk (mér finnst hún nú bara Kjarval nútímas
- líklega álíka mikið glápt á hana
og hann)
* Geir Ólafs (topp náungi og mikill listamaður)
* Ástþór Magnússon (líkt og Jóh
Kr. er hann með frið og forsetaembættið á heilanum)
Bergur Ebbi vill meina að „gæjar eins og * Sverrir Guðjónsson
verða örugglega mega-legend í framtíðinni þó
að hann sé reyndar ósköp venjulegur fjölskyldumaður
sem gengur um í leðurbuxum og með hatt.“
Kristinn Pálsson kom með „Einn * afar mjósleginn
náunga, með sérviskulegan svip, sem oft er á ferðinni
á svæðinu Hverfisgata/ Lækjargata og er líklegast
að vinna í einhverju ráðuneyti. Hann lítur
hreinlega út eins og útfararstjóri í Lukku
Láka bók og manni grunar líka að hann hafi oft
verið böggaður af auglýsingafólki um að
ljá krafta sína í þeirra þágu...“
- Hér mun verið að ræða um náunga sem er
afar grannvaxinn og ég kalla Franz Kafka með sjáfum mér.
* Auddi og Sveppi - af því krakkar elta þá
örugglega um með hrópum og köllum.
* Einn sem situr lon og don á Þjóðarbókhlöðunni
og rýnir í gömul handrit og fræðibækur
og þykist vera að vinna landi og þjóð mikið
gagn með fræðistörfum. - Þessi er einnig ALLTAF
í Björnsbakaríi á Fálkagötu á
morgnanna um helgar og er alltaf með tvo sneisafulla plastpoka af blöðum
meðferðis.
* „Hláturkellingin“ sem var alltaf í strætó,
* tælenska konan með flöskurnar á hjólinu,
* sorphirðukona með grýluhár.
* Jón hlaupari frá Akureyri.
* Maðurinn með öfgasíðaskeggið sem keyrði
strætó og bar út. Fór hlaupandi um bæinn
og stundum aftur á bak!
* Uppábúni miðasölumaðurinn í Regnboganum.
* Ýmsir meistarar eins og S. Grímsson, Jói á
hjólinu, Valdi koppasali, o.fl.
Þannig að kenningar um að heilbrigðiskerfið hafi
étið upp alla kynlega kvisti á ekki við rök
að styðjast. Það vakti athygli mína þegar
ég var að grúska í þessu að fyrir svona
sirka 80 árum voru gefin út póstkort með svona
liði. Þar var stórstjarnan Ástar-brandur á
mörgum kortum, en hann leit út eins og Flea í Red hot
chili peppers. Mikið pönk. Hér er hann:
---
Aldrei fór ég suður er framundan um pás-k-ana.
Fyrsta holl ýlfrandi skemmtikrafta hefur verið opinberað
og má búast við enn einni snilldinni í ár.
---
Seabear
- Softship
We built a fire er önnur plata Seabear og að sögn Sindra
meira indie rokk á meðan fyrri var kántrífolk.
Þetta er algjör eðall og ætti maður að segja:
Gáfumannapopp? Bróðir Sjóbjórs hefur búið
til ilmandi
indie-myndband.
Buxnaskjónar
- Lífsgæðaformúlan
Brjálað unglingapönk frá Akureyri. Eitt besta
hljómsveitarnafnið í dag og allt sungið á
íslensku. Nýtt lýðveldi er plata nr. 2 frá
bandinu og það er hin ofursjúklega Brak útgáfa
sem gefur út. Þetta er reyndar eina lagið með banjói
á plötunni en engu að síður er þetta dúndurstöff
alla leið.
18.02.10
Grunnskólinn á Neskaupsstað setti upp söngleikinn
Abbababb! á dögunum. Því skrattans nær komst
ég ekki austur (les: drullaðist ekki austur) en hér
má sjá myndir. Hér er Hr. Rokk í sjoppunni
með þeim Óla, Aroni Neista og Höllu. Mér sýnist
þetta allt vera stelpur samt.
---
Í dag birtist fyrsti Bakþankinn með titli sem ég
skil ekki: Vergur upplýsingaþéttleiki
---
Stafrænn Hákon gefur út sína 6. plötu
nú í mars og ber nafnið Sanitas. Þetta er hörku
kvikindi og má heyra hvernig Hákoninn hefur færst æ
lengra frá gufusoðnum þokuslæðingi og nær
poppi og þyngra rokki í lagasmíðum sínum...
Þetta liggur í eyrum uppi sé til að mynda hlustað
á lagið Emmer
Green.
---
Ég
- Já, þessir vísindamenn
Hljómsveitin
Ég er mjög fín. Það hrúgast upp
lög hjá hljómsveitinni sem hafa ekki komið út
á plötu, þar á meðal heil plata, Lúxus
upplifun, sem enn er bara til í eternum. Þetta lag myndi vera
á henni ef hún væri til. Ég er að segja
Róberti að setja þetta bara á netið, en hann
er fastur í hugmyndinni um plötu sem maður heldur á.
Kannski gefur hann sig. Rappararnir eru farnir að gera þetta.
Gera bara netplötur. Ástþór Óðinn er
til að mynda einn, með heila nokkuð traustvekjandi hipp hopp
popp-plötu á
Gogoyoko. Það kostar ekkert að skrá sig og svo
getur maður streymt það sem maður vill. Annar rappari,
Ramses er að gefa út EP sem hann ætlar að láta
liggja á myspace-síðunni
sinni. Ég veit það ekki. CD diskar eru bara eitthvað
drasl fyrir manni. Það er annað hvort straumur, fælar
eða ilmandi vinýll við sérstakar aðstæður.
---
Nútímabörn
- Hvenær vöknum við?
Hefst ég þá handa við nýtt pródjekt,
Bítlarnir
á íslensku. Það skýrir sig gríðarlega
mikið sjálft, lög með Bítlum (eða eftir
Bítla) sem hafa ratað á íslenskar plötur.
Þetta er nú alveg smá slatti. Fyrst kemur We can work
it out (smáskífa 1965) með texta eftir Ómar Ragnarsson,
sem hafði mikinn áhuga á svefnrannsóknum á
þessum tíma og pælir hér í því
hvenær við vöknum í raun og veru. Lagið kom út
á einu LP-plötu Nútímabarna
(útg. SG 1969). Ég er með einhver 10 lög lænuð
upp í þetta prójekt en muni ofurnördar eftir einhverju
þá er um að gera að drita á mig línu.
12.02.10
Hefi „opnað“ Insol síðu,
enda tvær nýjar plötur nú fáanlegar með
meistaranum. Eru plötur Insols þá orðnar 10 talsins
+ safnplatan sem Brak gaf út í fyrra. Diskarnir fást
í Smekkleysu og Havarí. Möst að eiga komplít
safn. Ég er að segja þér það.
---
Það er nú meira helvítis peningasuðið
í fréttum á hverju kvöldi. Allir fréttatímar
eru orðnir eins og mánaðarmót hjá manni sjálfum
þegar maður liggur í bælinu og veltir því
fyrir sér hvort maður eigi að borga allan myntkörfuseðilinn
og helming af vísanu eða allt vísað og fresta myntkörfuseðlinum
um mánuð. Eða... En allt á trilljón sinnum
stærri skala náttúrlega. Annað hvort þarf
að borga ógeðslega mikið út af þessu Icesave
eða fokking hryllilega ógeðslega mikið. Og svo framvegis.
Maður hlustar samt og vonar að það komi upplífgandi
fréttir um að einhver peningabyttan hafi verið gerð
gjaldþrota og sé á leið á Hraunið. As
if. Ágætt samt að vera með 5 millur á mánuði
eins og þessi sem setti Icelandic á hausinn. Nóg þá
að vinna einn mánuð á ári. Samanber Enter.
---
Popp/vegasjoppur: Surfer Blood er ekki bara kúl hljómsveitarnafn
heldur líka ágætur kvartett frá Florída.
Er hér að hlusta á fyrstu plötuna þeirra -
Astral Coast - sem er ágæt. Sérstaklega er lagið
Swim
æsandi, flott hvernig þeir yfirhlaða bergmáli á
það. Ungrokkarinn Jay
Reatard lést á dögunum, ekki nema 29 ára.
Nú hefur komið í ljós
að það var vegna sukks, kók og bús í
onum. Hann var alveg ágætur. Smá pönk svona, alveg
hressandi. Ég hlustaði á nýjustu plötuna
hans í headfónum þegar ég var að keyra þarna
á milli Hólmavíkur og Borðeyrar í sumar.
Hvað er sú leið kölluð? Ferlega langt og leiðinlegt
ferðalag sem nú er búið að útrýma
með nýrri heiði. Styttir leiðina til Ísó
um helling. Það er engin sjoppa á leiðinni svo það
varð enginn fúll yfir þessari styttingu. Hmm... Spurning
með þetta að stytta allar leiðir. Nú vilja menn
stytta leiðina til Ak og kötta bæði Blönduós
og Varmahlíð frá. Skil vel að sjoppumenn séu
fúlir. Það er líka bara partur af stuðinu og
renna í hlað í Blö og Varm í þessi
1-3 skipti á ári sem maður keyrir norður. Skil samt
alveg trukkakarlana líka sem fara þetta daglega. Það
voru þrjár sjoppur í Hvalfirði þegar göngin
komu. Vegasjoppur eiga undir högg að sækja. Það
er engu að síður geðveikt stuð að hjóla
Hvalfjörðinn í góðu veðri á sumrin
þótt það sé bara ein sjoppa eftir og hún
ekki svipur hjá sjón miðað við gullöld Hvalfjarðarsjoppna.
Maður myndi örugglega ekkert taka á sig krók í
Blö og Varm ef stytting væri komin. Bara þjóta
beina leið. Svo ég er tvístígandi yfir því
hvort mér lýst á fyrirhugaða styttingu þjóðvegarins
til Ak. Kannski má bara setja nýja sjoppu við nýju
leiðina?
11.02.10
Sá
rosa fína leikna mynd um ævi og störf Joes
Meeks. Myndin heitir Telstar:
The Joe Meek story og rekur þessa hommapoppdramatík til
hinstu stundar. Eitthvað skemmtilega krípí og geðveikt
við Joe gamla og músíkin og sándin verða skoðuð
í því samhengi. Hann lét eftir sig ógrynni
teipa með tilraunadóti, sem gengur undir nafninu The tea chest
tapes. Keypt á uppboði en enginn hefur heyrt (nema eigandinn
væntanlega). Sumir fara dýpra í kappann en aðrir,
sjálfur nenni ég ekki á djúpsjávarmið.
---
Jónsi er kominn í indjánabúning og flengir
hér
koffort af krafti. Menn hefðu viljað sjá dverg stökkva
upp úr því í lok lagsins en það verður
ekki á allt kosið. Nú þegar Jónsi er farinn
að syngja á ensku eins og allir hinir spyr maður sig hvort
enskan sé endanlega komin til að vera í íslensku
poppi. Það heyrir til undantekninga að menn syngi á
íslensku. Og kannski er það leiðinlegasta við
það að maður er eiginlega hættur að nenna að
tala um það. Menn byrja bara strax að röfla um lítið
málsvæði og bla bla. En þá er nú gott
að við eigum allavega nokkra alvöru menn eins og Bjartmar,
Megas og Bubba...
07.02.10
Ég minntist á kynlega kvistinn Odd sterka hér
að neðan. Í framhaldinu er þetta búin að
vera hálfgerð Odds sterka helgi. Ég fór að
þessum merkilega steini hans Odds sterka í gær.
Steinninn er fyrir neðan Ármúla 3, við endann á
bílastæði.
Á steininn er meitlað: Oddur Sigurgeirsson, ritstjóri
1927. En maður myndi ekki sjá það nema vita hvað
ætti að standa, því þetta er orðið
mjög veðrað:
Árið 1927 birtist í Alþýðublaðinu
smáklausa um þennan stein:
Oddur lést 1953 en það hefur sem sé ekki verið
farið eftir þessum fyrirmælum enn, að höggva stykki
úr steininum og setja á leiðið hans. Síðasta
brotið í þessum míní-Odds sterka æði
sem ég hef verið í var að skoða leiðið
hans. Hin frábæra síða Garður
gefur upp að það sé að finna í Fossvogskirkjugarði,
í reit H-19-0003. Ég þangað. Ég bjóst
satt að segja við að koma að ómerktu leiði en
það var nú aldeilis ekki. Við mér blasti gríðarlegur
bautasteinn:
Það er því algjör óþarfi að
ég beiti mér fyrir því að steininn í
Ármúla sé sagaður í sundur svo hægt
sé að fara með áletrunina á leiðið.
Með svona kúl legstein er ég viss um að Oddur er
ekkert gangandi aftur og hrellandi fólk.
---
Í hinni skemmtilegu frásögn
af Oddi á heimasíðu göngufélags Rannsóknarlögreglunnar,
Ferlir, kemur fram mjög skemmtileg slagsmálalýsing af
Oddi. Mér þykir við hæfi að draga hana sérstaklega
fram því flestir nenna væntanlega ekki að lesa hitt:
Margar
skoplegar lýsingar Odds voru hafðar eftir honum um afreksverk
hans og hreysti. Hann á að hafa sagt um áflog sem hann
lenti í. „Þá kom hann á móti mér
með hnífinn í annarri og hnefann í hinni. Svo
lagði hann á flótta. Ég á undan og hann
á eftir.“ - Snilld!
---
Pabbi (f. 1926) man vel eftir Oddi af götum Rvk. Pabbi sagði
Odd hafa verið lítinn vexti og alltaf á eftir kellingum.
Var smámæltur og sagði alltaf Dísa Dísa
(eða Díþa, Díþa) og byrjaði að kássast
eitthvað þegar hann sá skvísu. Pabbi minntist á
annan kynlegan kvist, man ekki hvað hann sagði að hann hafi
heitið, Jóhannes, minnir mig. Sá var alltaf mjög
reffilegur til fara í bláum jakkafötum og gríðarlega
myndarlegur eins og Clark Gable eða eitthvað (ekki ósvipað
og Jói á hjólinu), en var bara með rugl í
skelinni. Fékk víst frítt í strætó
og í rútur og fór mikið um landið. Það
sem gerði þennan Jóhannes svo furðulegan fyrir utan
ruglið í skelinni var að hann seldi klámmyndapóstkort
af sjáfum sér - sem einhverjir spaugarar höfðu væntanlega
narrað hann til að gera - eitt kortanna bar yfirskriftina Lífsins
spjót, sem þarf ekki mjög fjörugt ímyndunarafl
til að ímynda sér hvernig leit út. Ætli
þessi kort hafi varðveist? Mjög áhugavert væri
að líta þau augum.
---
Íslenski hljómsveitarbankinn
er í mikilli lægð. Hvorki hefur verið lagt inn né
tekið út lengi. Ég sá eina fyrirsögn í
fréttagáttinni nýlega sem væri gott hljómsveitarnafn:
Sex
höfuðlaus lík í Mexíkó (leika
á Sódómu í kvöld). Fréttafyrirsagnir
eru ekki verra en hvað annað til að nefna hljómsveitir.
---
(50/50)
Hljómsveit Ingimars Eydal, Helena og Þorvaldur - Sumarást
+ Mig dregur þrá
Og þá er komið að því! Síðasta
innleggið í RLPK. Þrælheit Akureyrarsveifla frá
1968, Nancy og Lee verður Helena og Þorvaldur, en ég er
nú bara ekki með það á hreinu hver tók
Mig dregur þrá upphaflega. Eins veit ég varla heldur
hvað Mig dregur þrá þýðir! Ég
minni hins vegar á SG
síðuna á íslensku Wiki.
06.02.10
Er það bara ég, eða lætur einhver annar
þessa Vísa auglýsingu með bjánanum á
hækjunum fara í taugarnar á sér?
---
Ég er sæmilega sáttur við síðustu
Bakþanka, Úrræði
og lausnir.
---
Ég snæddi
á Brasilíu og horfði
á nýjustu mynd Coen bræðra.
---
Eurovision já. Ég held með Hvanndalsbræðrum,
þó ekki nema vegna þess að þeir syngja á
íslensku og eru hressir. Lagið er líka ágætt,
allavega öðruvísi lag en við höfum sent áður
út. Hera vinnur þetta þó væntanlega, eða
Jógvan, svona miðað við fyrri reynslu mína af
þessari keppni og símakosningu landsmanna. Aldrei að vita
samt. Áfram Hvanndals!
---
(49/50)
The Tremeloes - Let your hair hang down
Meinlaus poppsýra frá 1967, b-hliðin af stærsta
smellinum, Silence is Golden. Silence var upphaflega með Four Seasons,
en þetta lag, Láttu hárið á þér
lafa, sömdu þrír úr The Tremeloes. Bandið
var svona hálfgert b-band í bresku bylgjunni, en náðu
þó það langt að koma hingað og spila 1965
- og aftur 1985 á Broadway! Meira um bandið á Wiki.
Enn kemur Tímarit.is sterkt inn:
(Úr Vísi 1965)
04.02.10 Frík fortíðar
Eru enn til „kynlegir kvistir sem setja svip á bæjarlífið“?
Ég veit það ekki. Ekki sýnist manni það
nú svona í fyrstu. Ég fór að pæla
í þessu því ég heimsótti Stein
Skaptason og hann var með nýja mynd upp á vegg, gullfallega
litaða ljósmynd af Oddi Sigurgeirssyni fornmanni. Oddur þessi
var fæddur um 1870 og setti gríðarlegan svip á
bæjarlífið á síðustu öld. Ég
hafði aldrei heyrt um Odd áður og kynnti mér hann
aðeins á því frábæra apparati Tímarit.is.
Þar fann ég m.a. skemmtilega grein
eftir Pétur Pétursson þul úr Mbl 2003. Svo virðist
sem Oddur hafi gefið út tímaritið Harðjaxl (töff
nafn) og hann auglýsti reglulega í Alþýðublaðinu
eftir krökkum til að selja það. Oddur klæddi sig
upp í víkingabúning á sunnudögum og spasseraði
um bæinn með hund og hest sér við hlið. Víkingabúningurinn
kallar fram hugrenningatengsl við listamanninn Moondog
sem klæddi sig líka upp í víkingaátfitt
í NY og spilaði guðdómlega músík inn
á plötur. Mesta kleim tú feim Odds var að Kristján
konungur X talaði við hann á Alþingishátíðinni
1930. Við frekari eftirgrennslan á alnetinu fann ég svo
góða umfjöllun um karlinn hér.
---
(úr Dagblaðinu 1978)
Þegar ég var ungur voru aðallega tvö góð
frík sem settu svip á bæinn, þ.e.a.s. Reykjavík.
Kópavogur er allt önnur saga. Þetta voru Guðmundur
„litlaskáld“ Haraldsson, dvergur og meistari og Jóhannes
grínari, krypplingur, eða maður með herðakistil
einsog meira pc er að segja. Báðir eru dánir. Guðmundur
var stundum fullur og að sníkja pening. Ég sá
einu sinni kaupmann í kjörbúð sem var þar
sem Kofi Tómasar frænda er núna gefa honum aur. Guðmundur
hékk oft í bankanum þar sem ég var að vinna
og var alltaf að muldra eitthvað í barminn. Mér heyrðist
það vera „djöfull er hann ljótur þessi“ einu
sinni þegar ég gekk framhjá. Guðmundur tróð
upp 1987 á Hard Rock Café með Stuðmönnum, nýbyrjaðri
Ný dönsk og S.H.Draumi. Hvílíkt læn öpp!
Það hefur verið eitthvað gott flipp í meistara
Jakobi. Þetta var magnað gigg og Guðmundur stórfenglegur
enda draugfullur. Hann sagði alltaf á milli laga: „Er þetta
ekki gott hjá mér? Er þetta ekki gott hjá mér?“
Guðmundur gaf út bækur sem ég hef aldrei lesið.
Biggi Baldurs er hrifinn af þessu og fleiri, t.d. Bragi Ólafsson,
sem er fan. Biggi skrifaði mikinn bálk um Guðmund, hér.
---
(Úr DV 1988)
Jóhannes grínari hékk oft á rafmagnskassanum
á Lækjartorgi og horfði glottandi á fólkið
sem gekk niður Bankastrætið. Hann hló af öllum
sem voru eitthvað asnalegir, flissaði t.d. að vini mínum
sem er feitlaginn og gólaði jafnvel eitthvað uppnefni á
eftir honum. Jóhannes varð frægur fyrir stórleik
í myndum Friðriks Þórs, en hann var fríkið
hans Friðriks á meðan Hrafn Gunnlaugsson hafði annan
meistara og frík á sínum snærum, Svein M. Eiðsson.
Jóhannes gaf út almanak í einu eintaki í mörg
ár og það kom frétt um það á hverju
ári í Dagblaðinu og Vísi. Ég man vel eftir
því. Hér
skrifar Jónas Haraldsson svo fallega í tilefni af andláti
Jóhannesar 1997.
---
(47/50)
Pónik og Einar - Jón á líkbörunum + Ég
veit
(48/50)
Pónik og Einar - Herra minn trúr + Ástfanginn
All slöku hefur verið slegið við í RLPK að
undanförnu, en nú skal bætt úr með einum tvöföldum.
Ég þarf að fara að klára þetta því
ég er með næsta „pródjekt“ reddí á
kantinum. Hér koma tvær hliðar á plötum Póniks
og Einars, sem er það fyrsta sem Magnús Eiríksson
gerði á plötu. Topp stöff og fágæti.
Ég birti hér bara texta hráan upp úr Eru ekki
allir í stuði, for yr reading plesjör:
Nokkrir ungir menn með Magnús Eiríksson gítarleikara
í fararbroddi stofnuðu Pónik árið 1964. Þegar
Einar Júlíusson hraktist úr Hljómum, hljómsveitinni
sem hann hafði stofnað, bauðst honum að fara yfir í
Pónik, sem varð góð lyftistöng fyrir alla. Meðlimir
Pónik voru um tvítugt en Einar aðeins eldri. Þó
meðlimirnir væru í fastri vinnu spilaði hljómsveitin
mikið á böllum, mjög oft í Keflavík,
þó flestir meðlimanna væru búsettir í
Reykjavík. Sveitin hitaði upp hjá Brian Poole & The
Tremeloes og ávann sér slíkar vinsældir árið
1965 að hún hafnaði í öðru sæti á
eftir Hljómum í vinsældakosningum Fálkans. Sjálfur
var Einar var kosinn besti söngvarinn. Í því tilefni
ræddi vikuritið við bandið, m.a. um stelpur og aðra
æsta aðdáendur.
Fálkinn: Er mikið um það, að aðdáendur
ykkar biðji um eiginhandarskrift?
Magnús: Já, ég er nú hræddur um það.
Ég hef meira að segja orðið svo frægur að
skrifa á magann á einni stelpunni.
Sævar Hjálmarsson: Ja, ég hef nú aldrei
komist lengra en að skrifa á handlegginn á þeim.
Úlfar Ágúst Sigmarsson: Hljómsveitarstjórinn
verður að hafa forréttindi.
Fálkinn: Hver er mesta kvennagullið í hljómsveitinni?
Úlfar: Það er Sævar. Dömurnar fá
næstum því aðsvif, þegar hann sendir þeim
sitt töfrandi augnaráð.
Sævar: Þetta er fráleitt. Það er enginn
vafi á því að Einar á mestan sjensinn af
okkur.
Magnús: Já, Einar er mesta kvennagullið. Þær
snarfalla fyrir ómótstæðilegum persónutöfrum
hans, að maður tali nú ekki um spékoppana.
Fálkinn: Hafið þið þurft á lögregluvernd
að halda vegna óláta á dansstað?
Sævar: Það var eitt sinn, er við vorum að leika
17. júní í Keflavík, að maður um fimmtugt,
vel við skál, æðir upp á hljómsveitarpallinn
og sló til Magga, en honum hefur ekki þótt hann árennilegur,
því hann snéri sér strax að mér all
ófrýnilegur ásýndum. Mér leist nú
ekki á blikuna og hörfaði undan, en í því
leggur Einar frá sér hljóðnemann og hjólaði
í kallinn. Ekki varð þó neitt um meiri háttar
slagsmál, því brátt kom lögreglan og dró
kauða burtu.
Pónik í London
Pónik var ein af hljómsveitunum sem Jón Lýðsson
ætlaði að gefa út þegar hann stofnaði hljómplötuútgáfuna
UF hljómplötur (UF = ungt fólk). Jón hafði
uppi fremur stórar hugmyndir og sendi Pónik til London í
október 1966 til að taka upp átta lög fyrir tvær
7" plötur. Ferðin stóð yfir í tæplega
viku og var mikið ævintýri, enda höfðu tveir
meðlimanna ekki komið til útlanda fyrr. Upptakan á
öllum lögunum tók rúmlega dagstund. Í Maximum
Sound hljóðverinu höfðu Kinks og Paul McCartney verið
skömmu áður, en á meðan Pónik tók
sér hlé frá upptökum kom hljómsveit frá
Vestur Indíum og með henni aragrúi vina og vandamanna.
Sveitamennirnir íslensku urðu forviða yfir þessum
exótísku menningarstraumum.
Magnús: Þetta var furðuleg samkoma og músikin
svo rammfölsk, að annað eins höfðum við ekki
heyrt. Varst var þó, hve aumingja fólkið lyktaði
ferlega. Kvað svo rammt að því, að Einar gekk
með ilmvatnsglas um salinn þveran og endilangan eftir á
og úðaði í öll horn.
Magnúsi fannst að auki Carnaby Street "skelfing ómerkileg"
gata og Pónik fann þar engin föt við sitt hæfi.
Betra fannst strákunum að versla á Oxford Street. Þeir
litu einnig inn á Whiskey A Go Go klúbbinn, en urðu ekki
hrifnir, heldur hálf fúlir af því að tónlistin
var svo hátt stillt. "Þessi reynsla okkar verður sennilega
til þess að við förum að hafa nánara eftirlit
með mögnurunum okkar".
UF kom fyrri smáskífunni út í febrúar
1967. Þrátt fyrir að á plötunni væri
íslenskun á vinsælu lagi úr myndinni The Sandpiper,
"The Shadow of your smile", og vafasamt lag eftir Magnús sem var
bannað í útvarpinu, "Jón á líkbörunum",
dó platan í fæðingu. Seinni skammturinn kom ekki
út fyrr en rúmu ári síðar. Þá
hafði Tónaútgáfan á Akureyri keypt útgáfuréttinn
af Jóni. Sú plata gekk aðeins betur, enda varð eitt
lagið vinsælt, "Léttur í lundu", sem Karl Hermannsson,
sá sem hafði verið örstutt með Hljómum,
samdi. Öll hin lögin voru eftir Magnús, sem var hættur
í Pónik þegar platan kom út. Hann hafði
viljað fara aðrar leiðir en Einar söngvari og aðrir
í hljómsveitinni. Pónik hélt áfram í
nokkur ár án hans og varð elliærari með hverju
árinu, enda hræringar í tónlist og hippismi
í loftinu sem sveitin aðlagaðist illa. Pónik spilaði
þó mikið og víða og var vinsæl ballgrúppa.
Einar söng með sveitinni af og til, en einnig söng Þorvaldur
Halldórsson og síðar Ari Jónsson og Sverrir Guðjónsson.
Pónik gaf út þrjár tveggja-laga plötur
1973 og 74. Af þeim naut sólarlandarlagið "Bíllinn
minn og ég" mestrar hilli. Pónik héldu áfram
ballharkinu í ýmsum myndum út öldina. Eina LP-plata
sveitarinnar, Útvarp, kom út 1982 og þótti vönduð,
en varð ekki mjög vinsæl. Magnús stofnaði hins
vegar Blues Company og tók þátt í nýbylgjunni
í blúsrokkinu í kringum 1969. Sveitin starfaði
með hléum fram eftir öldinni og gerði nokkrar atrennur
til plötugerðar, þó ekki hafi það tekist
enn. Samhliða blúsnum var hann í ballhljómsveitina
Lísu sem þróaðist smám saman yfir í
Mannakorn.
31.01.10
Ameríkanar eru svo miklu þróaðri en við
að gera bíómyndir um vonda ríka kalla. Náttúrlega
vegna þess að þeir hafa svo langa sögu af ríkum
vondum köllum. Í Batman frá 1989 er t.d. Jack Nicholson
Jókerinn og í einu atriðinu keyrir hann um bæinn
í skrúðgöngu og hendir seðlum í bolinn.
Ég sá þetta í gær. Minnti mann dáldið
á suma. En talandi um vonda kalla og góða þá
skrifaði ég fjölmiðlarýni um daginn sem ég
set hérna inn:
Hverjir eru vondu karlarnir?
Það er einhver upplausn og ófullnægja í
sálarlífi þjóðarinnar - leyfi ég
mér að taka svo tilgerðarlega til orða. Það
er þessi yfirþyrmandi grunur um að það sé
ekki búið að gera upp alla lausu endana, að öll
kurlin séu ekki komin til grafar, að uppgjörið hafi
ekki enn farið fram, sem nagar landsmenn. Hvers vegna hefur enginn
sætt ábyrgð enn þá? Hvers vegna hefur ekki
hræða verið handtekin í sambandi við hrunið
mikla?
Þetta er alltaf miklu einfaldara í bíói
eða í sjónvarpinu. Þar fer aldrei á milli
máli hverjir eru vondu karlarnir og hverjir eru góðu
karlarnir. Vondu karlarnir eru samviskulaust pakk, sem hugsar ekki um annað
en að græða peninga. Þótt það sé
naumt þá vinna góðu karlarnir í 99 prósent
tilvika í skáldskap. Vondu karlarnir þurfa alltaf að
sæta ábyrgð í lokin í þykjustuheimum.
Annaðhvort farast þeir á hroðalegan hátt eða
eru teymdir burt í járnum. Í steininum geta þeir
svo dúsað og hugsað sinn gang næstu áratugina.
Í alvöruheimum gerist ekki neitt. Allavega ekki á
Íslandi. Hvar eru handjárnin og málsóknirnar
á hendur alvöru glæpamönnum? Kemur kannski aldrei
sá dagur að maður geti sagt: Jæja, mikið var að
þetta lið fékk það sem það á
skilið? Eru kannski engir vondu karlar?
Ég veit það ekki. Ég bara hreinlega veit það
ekki. DV er búið að moka skít mánuðum
saman og alls konar skítapakk virðist dregið fram á
síðum blaðsins. Ég er vinnandi maður og hreinlega
nenni ekki að setja mig inn í þetta allt svo DV er orðið
eins og hvert annað suð fyrir augunum á manni að þessu
leyti. Þeir eru samt ábyggilega að gera góða
hluti.
Ég vona innilega að þegar, og ef réttlætið
nær fram að ganga á Íslandi, verði það
sett fram á álíka einfaldan hátt og í
sjónvarpsþáttum. Nokkurn veginn svona: "Þessi
og þessi eru vondu karlarnir og hrunið er þeim að kenna.
Nú taka þeir út sína refsingu." Þá
fyrst verður maður kannski sáttur við að borga og
borga upp í hrunagatið mikla.
---
Að þessu sögðu þá eru hugmyndir
Sigmundar Ernis um skýrsluna miklu góðra gjalda verðar,
þó það sé reyndar eyðsla á pappír
að prenta þetta og láta liggja á brettum á
bensínstöðvum. Ég held a.m.k. að þetta
sé nú ekki það skemmtileg og auðmelt lesning
að maður nenni að lesa hana. Fínt að fá bara
útskýringar á auðskyldu máli og myndir
af vondu köllunum með.
---
HÆ HÆ það er hægt í takmarkaðan
tíma að downloada frítt eða hlusta á 2 ný
remix (REDD LIGHTS remix & FM BELFAST remix) af nýja SOMETIME
singlinum "Optimal Ending" á RCRD
LBL! Góða skemmtun :)
---
Valrós
- Millionaire
Hljómsveitin Valrós hefur sent frá sér
nýtt lag. Lagið heitir Millionaire og er annað lagið
sem hljómsveitin sendir frá sér. Það var
samið um stelpu árið 2006 en á einkar vel við
í dag, fjórum árum síðar. Myspace.
-Millionaire-
You can throw your wallet away
When you're with me I pay
I buy you clothes and things you like
I buy you dinner every night.
Saying no to you is something I can't do
Money spent on you is money well spent
You want new shoes I buy a pair
Baby I'm a millionaire
New jeans around your pretty legs
One day I'll buy a Gucci bag
Saying no to you is something I can't do
Money spent on you is money well spent
I can give you anything you like
tell me what you want and I will buy it.
I can give you anything you lalalalalala like
tell me what you want and I will buy it.
30.01.10
Sönn saga:
2007: Þú ert 19 ára og vinnur á lager og
færð 200kall útborgaðan á mánuði
og kaupir náttúrlega rosa bíl á 5 millur á
myntkörfuláni. Þér finnst það meika
sens og bankanum líka. Ég meina, það eru allir
að þessu! Afhverju ekki þú líka? Þú
ert enginn aumingi heldur maður með mönnum á almennilegum
bíl.
2010: Myntkörfulánið komið í 10 millur,
kagginn alltaf bilandi, lagerinn farinn á hausinn (þetta var
sko byggingalager) og þú stórskuldugur og ekki orðinn
23 ára! Þér finnst samfélagið hafa brugðist
þér - hvað ætlar ríkisstjórnin og
bankinn að gera fyrir mig? Þú ert saklaust fórnarlamb
hérna. E'haggi? Hvar eru úrræðin? Ömmm...
tímavél svo þú getir verið aðeins minni
bjáni fyrir þremur árum?
---
Svona er þetta út um allt. Álftanes
er náttúrlega bilaðasta dæmið. Þar er
kagginn sundlaug! Og svo tekur enginn ábyrgð á neinu
og allir væla og vilja bara fá kaggann frítt upp í
hendurnar og skuldirnar niðurfelldar. Afhverju ekki þú
líka? Stóru gaurarnir eru að fá allt niðurfellt,
e'haggi?
---
Hvað kom gott út úr góðærinu? Vitanlega
ekki skuldaklafarnir sem allt eru að drepa. Ég veit: Nú
er frítt inn á öll listasöfn og kostar ekki 500
kall eins og það var áður en Mörgæsin splæsti.
Þetta er vitanlega eins og að segja að þú hafir
fengið gefins naglaklippu þegar búið var að fjarlægja
af þér löppina. Það er samt gaman að geta
valsað inn á söfn án þess að taka upp
veskið. Nú er geðveikislega góð sýning
í Hafnarhúsinu, Ljóslitlífun,
þar sem drykkjufélagar mínir af Óðinsgötu
18b, strákarnir í Stiluppsteypu, eru allir mættir með
ógeðslega kúl stöff plús fullt af öðru
liði. Einna frábærast fannst mér dótið
hans Helga Þórssonar, sem hefur greinilega étið
yfir sig af börrítós því hann er orðinn
svo mexíkóskur. Þetta er mjög fjölskylduvæn
sýning og krakkarnir mínir stilltu sér upp við
verkið hans. Í dag kl. 14 er einmitt dagskrá fyrir alla
fjölskylduna í tengslum við sýninguna. Það
er einmitt það sem maður gerir frekar en að hanga eins
og bjáni yfir handboltaleik. Ég segi samt: Áfram Ísland!
svo ég verði ekki tekinn af lífi fyrir landráð.
---
Bjartmar
og Bergrisarnir - Feikmeik
Annað sem er gott út úr góðærinu
að nú vakna menn hressir og endurnærðir í listum.
Til að mynda Bjartmar sem er að mixa í feita plötu
um þessar mundir með Birki Rafni sem var í Single Drop
(sem sló í gegn á Myspace fyrir nokkrum árum)
+ Agli Rafns og Júlla Guðmunds, syni Rúnna Júl.
Í þessu lagi spilar reyndar Frosti Jr. á trommur. Þetta
er fyrsti forsmekkurinn af plötunni væntanlegu og gallklárt
að Bjartmar er í gríðarlegu stuði og með
þrælfínt lið með sér. Bjartmar segir
að lagið hefði getað verið miklu lengra því
hann sleppti fjórum erindum, m.a. um verkalýðsfélögin.
Hækkið í botn og lesið textann:
Feikmeik
Lag og texti: Bjartmar
svo fljúgandi frjáls sem hann harmnes nú er
haltur á báðum um ritvöllinn fer
sem hirðheili konungs sér haslaði völl
þar sem dvergtröllið ríka réð í
goðanna höll
en þá klikkaði feikmeik
þetta var bara feikmeik
og grillgróðasagan var öll
þetta var bara feikmeik
eitt allsherjar feikmeik
en grillgróða trú flytur fjöll
einkavæddir aðalsdagar gengið höfðu í
garð
með genatískum tilbrigðum um tengslatjútt og
arð
spruttu úr öllum skúmaskotum blöðrulánabullur
kúlulánakerlingar og pólitískur sullur
því þetta var bara feikmeik
eitt allsherjar feikmeik
og grillgróðahagspekin öll
þetta var bara feikmeik
æ plís gef mér meikbreik
en grillgróða trú flytur fjöll
álftanes undrið lagði fingur í lófa
í lofræðum fálkaði hann glysróna
og þjófa
sem fönix um heiminn flaug fram og til baka
en þegar kolanámutenórinn tók bí
bí og blaka
þá bara klikkaði feikmeik
þá klikkaði feikmeik
og gríllgróðasagan var öll
þetta var bara feikmeik
eitt allsherjar feikmeik
en grillgróðatrú flytur fjöll
kvótamóralsmorðinginn var flúinn út
í lönd
níðsár eftir saddam sem hann og bússi lögðu
í bönd
en heilinn bak við glæpinn sótti í svörtulofta
híling
en þá geggjaðist hann gordon brán og rústaði
öllum fíling
því þetta var bara feikmeik
eitt allsherjar feikmeik
og grillgróða sagan var öll
þetta var bara feikmeik
eitt allsherjar feikmeik
en grillgróðatrú flytur fjöll
þetta var bara feikmeik
eitt allsherjar feikmeik
og grillgróða sagan því öll
æ plís gef mér meikbreik
þetta var bara feiksjeik
og grillgróða hagfræðin öll
pakkadíla poppararnir flugu um allan heim
sungu hádú jú læk æsland og var tekið
höndum tveim
skáldin skitu á smjörpappír og drógu
glæp í gegn
að skiljast bara á íslandi var þeim gersamlega
um megn
því þetta var bara feikmeik
eitt allshverjar feikmeik
og grillgróðasagan var öll
þetta var bara feikmeik
æ plís gef mér meikbreik
og grillgróða hagfræðin öll
þetta var bara feikmeik
eitt allsherjar feikmeik
og grillgróðasagan var öll
þetta var bara feikmeik
eitt allsherjar feikmeik
en grillgróða trú flytur fjöll
hætt er við að í framtíðinni feimin
verði hún sólin
við að gylla vonir mannanna um álgróða og
auð
veðsett hefur verið allt hér og flúin árans
fólin
en grýla græðir á eftirlaunum og þykist
vera dauð
því þetta var bara feikmeik
eitt allsherjar feikmeik
og grillgróðasagan var öll
þetta var bara feikmeik
eitt allsherjar feikmeik
en grillgróða trú flytur fjöll
þetta var bara feikmeik
æ gefðu mér meikbreik
grillgróða trú flytur fjöll
þetta var bara feiksjeik
þetta var bara feiksjeik
og grillgróða hagfræðin öll
---
Nei, ég held ég sé ekkert á leiðinni
í sjósund. Finnst bara ekkert spennandi að drepast úr
kulda. Það getur vel verið að ég endurskoði
þessa afstöðu seinna. Eins og ég endurskoðaði
þá afstöðu að finnast Melabúðin ömurleg
af því hún var svo mikið okur og full af snobbliði
úr Vesturbænum. Nú fíla ég Melabúðina
í botn. Það fæst allt þar, ekkert svo hræðilegt
okur og ég er snobblið úr Vesturbænum. Svo heilsa
bræðurnir manni alltaf og starfsfólkið er rosa næs.
Starfsmaður Ylstrandarinnar vill aftur á móti benda
á sjósundið í Nauthólsvík. Á
mánudögum, miðvikudögum og föstudögum hittist
hress hópur fólks sem hefur sjósund sem sameiginlegt
áhugamál. Þess má geta að Ylströndin
er opin á þessum dögum sem hér segir: mánudaga
17:00-19:00, miðvikudaga 11:00-13:00 og 17:00-19:00 og föstudaga
11:00-13:00. Aðgangur ókeypis, sturtur og heitur pottur á
staðnum, kaffi og léttar veitingar seldar gegn vægu gjaldi.
Allir hjartanlega velkomnir.
28.01.10
Hér
er könnunin Uniform - hverjir eru heitastir?
Hvers eiga strætóbílstjórar, Securitasstarfsmenn
og stöðumælaverðir að gjalda?
---
Gleymdi snyrtibuddunni minni í WC á Nesinu. Átti
ekki leið þangað fyrr en 4 dögum síðar. Buddan
fannst og allt á sínum stað nema það var búið
að stela 3 ónotuðum Gillette Mach 3 power fushion (eða
hvað það heitir) blöðum sem voru þarna í.
Engin furða. Þegar ég tékkaði á þessu
dóti í Bónus kosta 8 blöð 4000 kall (eða
3998). 500 kall stykkið! Ég hreinlega tímdi ekki að
kaupa þetta. Ætli maður fari ekki að bara að nota
eitthvað einnota drasl í staðinn. Samt. Er það
ekki áskrift á blóðstorkið fés? Ég
er í bullandi vandræðum með þetta. Nota allavega
þetta eina blað sem eftir er þangað til það
dettur í sundur.
---
Hudson
Wayne - Cave-in
Eðal eyðimerkurkántrí! Hljómsveitin
Hudson Wayne vaknaði nýverið úr löngum dvala.
Tæpum fimm árum eftir að síðasta breiðskífa
sveitarinnar kom út, hin rómaða Battle of the Banditos,
er nú von á nýrri skífu sem ber titilinn How
Quick is Your Fish? Platan er væntanleg í febrúar og
sem fyrr sjá 12 tónar um útgáfuna. Síðan
að sveitin vaknaði til lífs á ný síðastliðið
haust, með nýjan gítarleikara í för (Ólafur
Jónsson úr The Funerals og Kvartett Ó. Jónsson
og Grjóni), hefur hún komið fram á nokkrum tónleikum.
Meðal annars spilaði hún með Ólafi Arnalds í
Salnum í Kópavogi og á Duplex tónleikaröðinni
á Sódómu. Í lok febrúar næstkomandi
er Hudson Wayne á leið til Þýskalands þar
sem hún fylgja hljómsveitinni Seabear í viðamikilli
tónleikaferð þar um land. Ferðin er farin í
samstarfi við Norðrið sem ætlað er að kynna íslenska
tónlist í Þýskalandi. Áður en haldið
verður í þá reisu mun sveitin fagna útgáfu
nýju plötunnar með tónleikum í Reykjavík
en nánar verður tilkynnt um það síðar.
23.01.10
Sko gamla, bara kominn í framboð. Allir að kjósa
Besta
flokkinn! Afhverju ætti ég ekki að vera jafn vel launaður
og tja, segjum, Oddný Sturludóttir eða Gísli Marteinn?
Ég get alveg talað út um rassgatið á mér
og verið í einhverjum nefndum og kjaftæði. Þess
má geta að Besti flokkurinn er líka með ungliðahreyfinguna,
Ungbest.
Ég sé ekki fram á annað en algjört bust í
vor.
---
Eins og sést hefur nú liðið heil vika á
milli blogga. Það er algjörlega óásættanlegt.
Eða ásættanlegt. Mar er bara ekki stemmdari í blögginu
en þetta, þessa dagana a.m.k. Síðasti Bakþanki
var remake af síðasta bloggi. Svo fékk ég nóg
af KFC og er búinn að sjá allskonar myndir.
---
Icelandic rock group and part of the Brian Jonestown Massacre posse,
Dead Skeletons made my track of the year with Dead Mantra, a song that
culminates with a compassionate, almost plea-like mantra of "He who fears
death cannot enjoy life". Look for more Buddhist boogie in 2010, skrifar
Alan McGee um hljómsveit Nonna Dead og Henriks í Singapore
Sling, Hank & Tank og Gogo Darkness hér
(í grein í Guardian þar sem hann spáir í
snilld ársins) Í Dauðum hauskúpum má svo
heyra hér.
---
(46/50)
Aneka - Japanese boy
Þetta var víst númer eitt í Bretlandi 1981.
Satt að segja hef ég nú bara aldrei heyrt þetta
lag áður! Nett Blondie diskópopp með feik japönskum
áhrifum. Þetta lag Aneku
var algjört onehitwonder og hún hefur ekki sést síðan.
16.01.10
Maður er orðinn svo advansd í tv-málum. Hef verið
að horfa á gamanþáttinn Modern family. Nýtt
amrrískt stöff sem er að fá góða dóma.
Hann er fyndinn. Svona feel good fjölskyldustöff með smá
mockumentary fíli. Líka glápt á Men of a certain
age, nýja röð með Raymond, eins og í Everybody
loves Raymond. Það er ágætt. Miðaldra gráa
fiðringsstöff. Er á tánum í 30 rock og amrríska
Office. Búinn með nýjasta Dexter. Það voru
allir að röfla um að síðasti þátturinn
væri alveg hrikalegur svo við vorum við öllu búin.
Segi ekki meira. Svo horfum við á Hung á Stöð
2 sem er fínt stöff.
---
Stundum fílar maður sig eins og rosa töff gaur (oftast
sem betur fer, guðdómleg er sjálfsblekkingin) en í
gær og fyrradag fílaði ég mig eins og algjöran
lúða. Það var leiðinlegt. Þetta byrjaði
á fimmtudaginn. Ég lá eitthvað asnalega um nóttina
og vaknaði með gömlu kalla verk í vinstra lærinu.
Ekkert svakalegt svo sem. Hjólaði í vinnuna. Hjólaði
í ræktina til að fara í spinning og þá
sprakk á helvítis hjólinu á leiðinni. Ég
get orðið geðveikur yfir því hvað allt er
vaðandi í drullu og skít og glerbrotum og ælum
á því sem maður á að hjóla á.
Og ósvífni ökumanna, jedúddamía. En allavega,
það var ekkert að gera nema teyma hjólið til baka
í vinnuna. Svo situr maður þar og hamrar lyklaborð
allan daginn og þá fer verkurinn að ágerast. Er
orðinn svakalegur og ég farinn að haltra um. Ekkert að
gera nema fá sér skutlu með hjólið heim. Í
gær var verkurinn ekkert skárri og ég haltrandi um
eins og einhver kroppinbakur. Þar að auki tek ég eftir
að það eru komnar holur í Ecco skóna mína,
bæði á hægri og vinstri skó. Samt ekki farið
að leka í gegn, en öðrumegin er vatn að sullast
svo það heyrist í skónum eins og maður sé
að putta sultu í hverju skrefi. Ekki fallegt. Ekki töff.
Haltur og með aumingjahljóð í hverju skrefi. Svo
komst ég ekkert í ræktina vegna haltleikans og Lufsan
sagði að það væri gömlu kalla lykt af mér
þegar hún sótti mig. Rak mig í sturtu. En það
eru takmörk fyrir öllu og kraftaverk sem Íbúfen
geta gert. Ég er ekki frá því að ég
sé miklu skárri í dag og þá er ekkert
í stöðunni nema rífa sig upp, drullast með hjólið
í viðgerð og kaupa sér nýja skó. Get
náttúrlega ekki sjálfur bætt svona sprungið
afturhjól - einum of flókin aðgerð fyrir klaufabárð
og svo nenni ég ekkert að standa í því -
og ég hef áhyggjur af yfirvofandi skókaupum. Nógu
var nú dýrt að fá sér skó fyrir
hrun. Ætli nýir Ecco skór kosti ekki 30 þúsund
kall eða eitthvað? Mér finnst þetta par ekkert hafa
dugað en Lufsan segir að ég hafi gengið í þessum
skóm í þrjú ár. Spurning hvort maður
eigi að halda sig við Ecco eða fara í eitthvað meira
gráa fiðringslegt? Ecco er náttúrlega smá
gömlu kalla. Hvar fást töff skór, sem endast í
svona fimm ár?
---
Snæddi á Græna risanum (sjá: vönduð
gagnrýni).
---
(45/50)
Hljómsveit Magnúsar Ingimarssonar, Þuríður
og Vilhjálmur - Ég er í "ofsastuði" + Bónorðið
Hörkufjör frá 1968. Gaman að segja frá
því að "ofsastuði" er haft í gæsalöppum
í titlinum. Bandið spilaði aðallega á Röðli
(skv. ævisögu Villa Vill e. Jón nýdanska). Þar
sem Röðull var er nú Ruby Tuesday í Skipholtinu.
Einu sinni var þar verslunin Radíóbúðin
sem maður keypti sín fyrstu kassettutæki hjá. Ég
keypti þar líka Never mind the bullocks í grænu
umslagi, þýska úgáfu - eða lét Dagnýju
systur öllu heldur gefa mér plötuna í jólagjöf
1979. Hér
er fjallað um 4-laga plötuna sem þetta er hlið B á,
á íslenska wiki, en snillingurinn Kristján Kristjánsson
(sem gerði m.a. umslag Á bleikum náttkjólum) hefur
sett allt
SG þar inn. Ég veit ekki eftir hvern þessi lög
eru upprunalega (R. og I. Berns og Lydiate skila litlu og segja mér
ekkert) en ísl. textana gerði Ómar Ragnarsson. Ef einhver
ofurnördinn veit um orginalana má hann hósta því
upp úr sér.
12.01.10
Mikið andskoti eru þessi lög í Eurovision leiðinleg.
Ætlar virkilega enginn að vera með flipp? Nei, sko, Hvanndalsbræður
reyna þó allavega. Það eru komin 10 lög (af
15) og ég hef ekki komið eyra á neinn hittara só
far. Hér má
hlusta á dýrðina. Bubba og Óskars Páls
lagið er ekki að gera mikið fyrir mig. Sándar eins og
albúm trakk af einhverri Bubbaskífu. Ætli Hera Björk
rústi þessu ekki bara? Iss, 44 ára karlpungur að
æsa sig yfir Eurovision. 19 ára ég hefði skotið
sig í hausinn vitandi af þessari framtíðarsýn.
Svona fávitast maður upp með árunum. Það
er annað hvort að fávitast upp og setja á sig innbyggða
bros-strekkjarann eða vera bitur og fúll og með allt á
hornum sér. Hmm hvað varstu að segja?
---
Já, kynlífsvélmennið Roxxxy! Þetta þykir
ægilega sniðugt.
Sala hefst bráðlega - 7000 - 9000$ stk (hér).
Hver ætli hafi ákveðið að hún liti út
eins og söngkonan í Yeah Yeah Yeahs?
---
(44/50)
BG og Ingibjörg - Á meðan sólin sefur
Grúví ísafjarðarpoppfönk frá 1970.
Svo virðist sem Ingibjörg hafi verið fjarverandi þegar
lagið var tekið upp svo Hálfdán Hauksson tók
að sér söng. Þetta er af þriðju og seinustu
7" sem bandið gerði hjá SG (plöturnar voru útgefnar
1970, 1971 og 1972) og svo kom LP-platan Sólskins
09.01.10
Draumarnir hafa verið í háklassa síðustu
nætur. Í nótt var með ég Jeremy Irons í
eftirdragi, meðal annars í myndasjúti með honum fyrir
blaðið. Hann var látinn í svona lambúshettu
með prjónuðu yfirvaraskeggi og svo var sprautað á
hann vatni - myndin tekin þegar gusan demdist yfir hann. Ég
hef ekki hugmynd um hvað Jeremy fokkins Irons var að gera inn í
hausnum á mér. Fyrir nokkrum dögum var ég svo
staddur í stórborg á Grænlandi þar sem
allt var mjög chic og smart og ógeðlega kúl Grænlendingar
út um allt. Það er mjög gaman þegar heilinn
á manni er svona sniðugur á nóttunni.
---
Eins og gefur að skilja nenni ég ekki að koma með
langa tölu um Icesave og aukinheldur myndi enginn nenna að lesa
það. Ég vil bara segja að það er fáránlegt
að hafa stjórnskipulagið svona. Fyrst fara mánuðir
í að tuða um þetta á alþingi og svo þegar
loksins er komin niðurstaða getur einn fremur ömurlegur karlpungur
bara skotið allt í kaf og „vísað til þjóðarinnar“.
Ísland er martraðarkenndur farsi, sá lengsti sem saminn
hefur verið. Ég verð geðveikur að fylgjast með
honum en samt geri ég ekki annað. Hjálp!
---
Er að lesa ÞÞ í fávitalandi, seinna hefti
Péturs Gunn. Þórbergur skráði allt hjá
sér, veðurfar, klósettferðir og sáðlos,
eða það telur Pétur a.m.k. einsýnt að X-in
í dagbókunum tákni. Einhver bókmenntafræðineminn
gæti því spænt yfir dagbækurnar og skrifað
útskriftarritgerðina Sáðlos Þórbergs
Þórðarsonar. Það eina sem ég skrái
í mína dagbók (Almanak H.Í.) er þyngd
af voginni í WC og það er mjög óspennandi
og eintóna lesning.
---
Talandi um fávita þá er síðasti Bakþanki
minn: Ó nei! Ég
er fáviti!
---
Frábært er að rokkabillítíska sé
að skjóta rótum í Rvk. Þetta er náttla
allt svo ógeðslega kúl lúkkandi stöff og
músikin skemmtileg. Maður þarf greinilega að tékka
á búðinni Wildcats, Hverfisgötu 39, þar sem
mér skilst að rokkabillíið sé allsráðandi.
Glymskrattinn er á Xinu á sunnudögum frá kl.
14 - 15.
---
(43/50)
Ómar Ragnarsson og Lúdó-Sextett - Bítilæði
+ Trunt, trunt...korriró
Meira Lúdó og nú með Ómar í
frontinum. Bítilæði er eftir Ómar sjálfan,
bæði lag og texti. Útsetningu gerði Jón Sigurðsson
og fór upptakan fram í Ríkisútvarpinu 1964.
Glæsileg notkun á Farfisa orgeli og texti Ómars magnaður.
Trunt, trunt...korriró er svo íslenska útgáfan
af Do wah diddy diddy Manfreds Manns. Af 4-laga ep sem HSH gaf út
sama ár. Mikið stuð og mikil snilld!
05.01.10
Þetta
er nú bara eins og eitthvað upp úr Andrés Önd
eða Simpsons. Eins og t.d. þegar karlinn sem hafði prettað
monorail upp á Springfield-búa var á leiðinni
til Tahiti með töskur fullur af seðlum. Það er annars
voðalega skrýtið að vondu kallarnir tapa bara og fara
í steininn í bíómyndum og Andres-blöðum,
en í raunveruleikanum, allavega á vitlausa Íslandi,
þurfa bara allir hinir - góða fólkið! - að
borga á meðan vondu karlarnir valsa um með bros á
vör. Þetta er alvaran! Ekki einhver rembingur út í
"vonda" útlendinga sem vilja fá auranna sína til baka.
Þjóðin þarf að spyrja sig og svara: Hver tók
okkur í rassgatið?! Ekki láta smjörklípa
sig út í eitthvað Þorskastríð 2 - this
time it's personal. Skil vel samt að margir vilji þann vinkilinn
á þetta. Sakbitna hyskið vill auðvitað klóra
yfir aðalatriðin með aukaatriðum.
---
En ekki að ég nenni nú að fara að tuða
eitthvað um þetta andskotans ástand. Nei, sör. Á
þessari síðu er bara talað um alvöru mál:
(42/50)
Kór Öldutúnsskóla - Fjölskylda Barbapapanna
+ Að hjálpa pabba sinum
Hinir náttúruelskandi Barbapabbar komu ferskir inn í
síð-hippið og það þótti tilvalið
hjá Iðunni að setja út 4-laga plötu 1974. Hér
er hin ilmandi A-hlið.
04.01.10
Það vakti athygli mína um jólin í auglýsingum
fyrir heimildarþættina um Goðafoss að Kaktusbúðin
sást í svip á ævagömlum Reykjavíkurmyndum.
Kaktusbúðin! Það er dáldið kúl nafn
á búð. Gúgl skilar engu en Tímarit er með
þetta. Kaktusbúðin hefur verið nokkuð dugleg við
að auglýsa. Búðin hóf starfssemi 9. nóvember
1936 og síðasta auglýsingin er frá 1954. Hún
var á Laugavegi 23, sama stað og Moods of Norway í dag
- eða a.m.k. á sömu addressu.
---
Á sama tíma og ég var að "tímarita"
(sbr. gúggla) Kaktusbúðina datt mér í hug
að tékka á hljómsveitinni Stunu úr fornbókaverslun,
sem ég var í á 9. áratugnum. Þetta var
band sem gerði lítið en tók þó upp efni
sem var alltaf ætlunin að gefa út á spólu.
Ekkert varð þó úr því. Framtakssemin
virðist hafa stoppað við það að senda kópíerað
eintak til Sigurðar Sverrissonar sem 1984 sá um hina þungarokkslega-sinnuðu
"Járnsíðu" í Mbl. Þetta var í þá
daga sem blöðin voru með sirka vikulegar poppsíður.
Dómur Sigurðar var umbúðalaus og svohljóðandi:
Tímarit skilar bara einni færslu enn um "Stuna úr
fornbókaverslun" (með gæsalöppum). Þar eru
smakkaðir framandi ávextir í neytendasíðu
DV árið 1987. Tamarillo fær eftirfarandi dóm:
Þess má
geta að Tamarillo lítur svona út:
Nafnið Stuna úr Fornbókaverslun vísar vitanlega
til klámblaðasölu, en fyrir internet fannst klám
aðallega í fornbókaverslunum í Rvk. Á góðum
degi fengust þar dönsk klámblöð sem er vitnað
til hér: Danskt
seventís innréttingapornó. Menn settu það
ekki fyrir sig þótt ástand benti til að heilu skipsáhafnirnar
hefðu notið blaðanna. Til að lyfta hulunni af Stunu úr
fornbókarverslun verður auðvitað að koma tóndæmi:
Stuna
úr fornbókaverslun - Úlfgirnd
Hér er Stefán „Varúlfur“ í gríðarlegu
stuði og eins og allir nema alvitlausustu þungarokkarar ættu
að heyra er hér er ekkert „djók“ á ferð! Hér
er mynd en þetta eru reyndar ekki nema tveir úr bandinu:
---
Smá Hamborgarbítl - hér
er það Klaus Voorman sem hefur orðið. Svo þarf
maður að tékka á Nowhere
boy, enda aldrei nóg af Lennon-bíópiks. Kemur
kannski bráðlega í bíó hér.
---
(41/50)
Small Faces - The Universal
Small Faces voru við hlið The Who í breska moddinu.
Árið 1968 var gott ár fyrir bandið. Þá
kom út platan Ogdens' Nut Gone Flake, sem iðulega er talin snilld
(finnst hún ekkert spes) og þessi smáskífa.
Meira um Lítil andlit á wiki.
03.01.10
Eyddi gærdeginum á hinni undursamlegu Kaffismiðju
í góðra vina hópi. Labbaði svo heim. Kom við
og kíkti á matseðil í glugga Brasilia Restaurante
á horni Skólavörðustígs og Óðinsgötu.
Fannst allt fremur ódýrt. Það hlýtur að
vera markmið á nýju ári að eta þar.
Heima horfði ég á hina skoðunarmyndandi kvikmynd
Food
Inc í tölvunni. Fjallar um matvælaframleiðslu
í Bandaríkjunum. Get ekki sagt að ég sakni McDonalds
meira eftir að hafa séð hana. Sérstaklega fannst
mér fullyrðingin um að í einum McDonalds hamborgara
sé kjöt úr allt að þúsund beljum ógeðsleg.
Jæja, nú förum við að éta meiri fisk,
sagði ég við Lufsuna eftir þessa mynd. Í anda
almennrar siðbótar og skilnings á eðli hlutanna sýndi
ég svo stuðning í verki og styrkti Wikipediu um 10 dollara.
---
(40/50)
Lúdó sextett og Stefán Jónsson - Nótt
á Akureyri
Í poppfræðum er sérkafli um lög sem byrjuði
sem veigalitlar B-hliðar
á smáskífum en enduðu sem megahittarar. I will
survive með Gloríu Gaynor var t.d. upprunalega b-hliðin
á einhverju lagi sem heitir Substitute og Kung Fu Fighting og fullt
af öðrum lögum fóru þessa leið að slá
í gegninu. Ég man ekki eftir mörgum svona tilfellum
hér, en þessi smáskífa frá 1964 er dæmi
um þetta. Menn veðjuðu greinilega á að þetta
lag, Nótt á Akureyri, yrði vinsælt og settu á
a-hlið. Það gerðist ekki, en b-hliðin, Því
ekki að taka lífið létt... gerði hins vegar allt
vitlaust og Lúdó og Stefán eru örugglega enn
takandi það á böllum en láta þetta lag
liggja milli hluta.
01.01.10
Árið!
Skaupið? Gott! Uppörvandi og vonandi spádómslega
vaxið (lokaatriðið). Sigmundur Ernir sló í gegn,
en þessi nauðalíki leikari mun vera hávaxnasti
meðlimur Ljótu hálfvitana. Væri alveg til í
að horfa á Skaupið aftur. Fæ tækifæri
til þess kl. 19:40 á morgun.
2010? Alþjóðlegt ár líffræðilegs
fjölbreytileika. 2010 er helvíti rennileg tala eitthvað
og afmælisár. Ég verð 25 45 ára
og á 30 ára bransaafmæli. Auk þess verður
hljómplatan Gums með Bless 20 ára og verður ef til
vill tekinn upp þráður að því tilefni.
---
Fyndið að það skuli enginn hafa montauglýst
í ár. Muniði ekki eftir þessu? Gísli Örn
Garðarson í Singapore fyrir Bla bla og svo var tuggið eitthvað
ofan í þetta: Þor, dugnaður, atorkusemi bla bla
bla. John Cleese og þetta drasl allt. Nú var enginn að
auglýsa nema Ispan og Húsnæðislánastofnun
og svo náttúrlega Kjörís (sem rúlar!)
Sama í gangi í manni ársins í viðskiptablöðunum.
Það hefði alveg eins getað staðið utan á
þeim: Og maður ársins er: Einhver sjoppugaur sem ekki
er búinn að skíta á sig eins og allir hinir sem
voru menn ársins í hittifyrra.
---
Heyrði Bubba læf á Rás 2 í gær.
Tók tvö glæný lög í áramótaþætti.
Það má hlusta á þetta með því
að skrolla svona 12 mm inn
hér. Lögin eru mjög bókstafleg. Annað er
Enginn vil elska feita stelpu þar sem Bubbi rímar ung við
þung og ég beið spenntur eftir að hann kæmi
með pung. Það lag yrði á B-hliðinni. Á
A-hliðinni væri hið sláandi Hægt andlát
14 ára stúlku. Hva, hefur Bubbi verið að hlusta á
Frankie
teardrop með Suicide? var það sem ég hugsaði
þegar ég heyrði þetta. Góð lög.
Bubbi lag-bloggar. Ég fíla Bubba. Mér er alveg sama
um allt ruglið á honum. Það er bara hressandi.
---
Shreds er stuð. Hér
er einhver búinn að shredda Sometime. Auðvitað er svo
einhver búinn að shredda
Sigur Rós.
---
Nei andskotinn! Hvað sé
ég! Rowland S. Howard dauður! Gamla hetjan! Sá var
nú mikilsmetinn þegar ég var í ástralíuhamnum.
Aðeins Nick Cave var meira kúl. Ég sem var með honum
Rowlandi baksviðs á Roxzý 1985 þegar S.H.Draumur
hitaði upp fyrir Crime & The City Solution! Ég var svo starströkk
að ég hellti niður úr glasi. Andskotans leiðindi
alltaf í manninum með ljáinn. Hér
má heyra tvö lög af nýjustu sólóplötu
Rowlands, Pop Crimes sem kom út í okt.
---
Hank
& Tank - Precious one
The
Go-go darkness - Radio talk
Rétt fyrir jól duttu inn tvær frábærar
plötur. Songs for the birds með Hank og Tank (Singapore-Henriki
og Togga Gumm) og The Go-go darkness með The Go-go darkness (Sling-Henriki
og Elsu Maríu Blöndal). Allt er þetta fólk sem
gengur með sólgleraugu á nóttunni og tónlistin
er í stíl, með sólgleraugu á nóttunni.
Plöturnar löðra af melódísku últrakúl
rokki. H&T er meira kántrí, Lee & Nancy og Tex Perkins
á meðan GGD er meira Suicide, Jesus & the Mary Chain og
Cramps. Alls ekkert andlaust hjakkkópí samt, fólk
alveg reiðir hæfileikana í þverpokum. Það
væri eiginlega þroskaheft ákvörðun af þinni
hálfu að athuga ekki gaumgæfilega þessar plötur.
Hanktankspeis
/ Gogospeis.
---
Berndsen
- The perfect human
Davíð Berndsen var líka aftarlega á útgáfumerinni
og mætti með fína plötu, Lover in the dark, rétt
fyrir jól. Þar er örlíeitíssintapopp í
pokavís og strákarnir í Sonus Futerae hefðu fengið
sáðlát að heyra þessa plötu 1981. Margt
mjög fínt í gangi þarna. Berndsenspeis.
Nolo
- Pretty face
Þessir lófæpopparar komu svo á Þorláksmessu
með fína plötu, No-lo-fi. Gott að sjá að
gamla bindindisfélagsnafnið okkur Mikaels Torfa, Bindindisfélagið
Nóló, sé komið á hljómsveit. Fjölbreytt
og fjörug plata, ekki hress en fjörug. Nolo
í speisi.
|