26.04.10
Marrrr nú bara hér í akkorði við að
semja spurningar í fyrstu umferð Popppunkts. Hafði þó
tíma til að skreppa á barnamenningarstuð á
Fríkirkjuvegi 11, sem Björgólfur Thor mun hafa "lánað"
undir gleðina. Þarna var kvartett að spila Mozart fyrir krakkana,
mjög gott. Fín afnot af þessu glæsilega húsi.
Það á náttúrlega bara að vera "Barnahús"
með allskonar stuði þarna allan ársins hring. Það
er m.a.s. til Facebook-hópur
þar að lútandi. Hvílíkt ofmat á eigið
ágæti hjá Björgólfi litla að kaupa
þetta hús í miðri Reykjavík. Hvað ætlaði
hann að gera þarna? Vera með stanslaus partí með
Ólafi og Dorritt og pabba sínum og 50 cent og einhverjum
glingurglamrandi flottræflum og peningaplebbum? Kannski grafa göng
út í "Hörpu" og vera með golfbíla í
undergrándi til að ferja sig á milli og vera alveg æðislegur?
Hver sem hugmyndin var er ljóst að hún er hrunin
eins og allar aðrir spilaborgir auraapanna. Þess má geta
að myndin hér að ofan er tekin á síma frá
Nóva símafyrirtækinu.
---
Hér kemur opið bréf til Katrínar Jakobsdóttur,
menntamálaráðherra (eða hvers sem mun hafa með
málið að gera þegar þar að kemur): Þegar
tónlistarhöllin Harpa verður opnuð 2011, viltu þá
sleppa því að bjóða áskriftarflottræflum
og silkihúfum þjóðfélagssins á vígslutónleikana,
heldur bjóða verkamönnunum sem byggðu kofann. (Helst
þá að fá eitthvað sem þeir fíla,
t.d. AC/DC). Ef einhver sæti verða eftir væri sniðugt
að útdeila þeim í röð Mæðrastyrksnefndar.
Takk.
24.04.10
Fórum á Hænuungana í Kassa Þjóðleikhússins.
Þetta verk e. bassafantinn Braga Ólafsson hefur fengið
rosa dóma og enda er það líka bráðskemmtilegt.
Eggert Þorleifsson er frábær í þessu og
leikur djassplötusafnara með allt á hornum sér.
Það sem tengist plötusöfnun og að fara í
Kolaportið og ljúga að konunni að eitthvað hafi
kostað miklu minna en það gerði í raun hringdi
einhverjum bjöllum. Myndin hér að ofan er að sýningu
lokinni og sýnir
Top
of the pops umslag og rauðvínsslettur, en ég man
ekki eftir að hafa séð Top of the Pops plötu í
leikhúsi áður. Leikmyndin er frábær og þetta
er bara mjög skemmtilegt. Eiginlega bara farsi, dempaður nútímafarsi.
Ég nennti nú ekkert að finna táknmyndir um hrunið
í þessu, enda þarf þess ekkert frekar en maður
vill. Þetta er voða lítið hrun-eitthvað. Kannski
er maður þá bara kominn á svaka bragð með
að fara í leikhús núna? Ég mæli allavega
heilshugar með Hænuungunum - þó það séu
eilitlir blettaskallar, fannst mér, á söguþræði,
persónusköpun og leik, en það var algjörlega
minniháttar.
---
Þá eru öll liðin komin í sjöttu seríu
Popppunkts:
1. HLH flokkurinn - KK band
2. Hjaltalín - Feldberg
3. Fjallabræður - Bjartmar og Bergrisarnir
4. Logar - Grjóthrun
5. Mammút - Agent Fresco
6. Hellvar - Breiðbandið
7. Benny Crespo's Gang - Lights on the Highway
8. Skriðjöklar - Gildran
Við byrjum í byrjun júní... Það verður
m.ö.o. algjört offramboð á mér í sjónvarpinu
því í kvöld og næstu 4 laugardagskvöld
verð ég þarna röflandi um Eurovisionlögin.
23.04.10
Hér er maður í bullandi framboði fyrir Besta
flokkinn en ekki eitt skitið fyrirtæki hefur boðist til
að láta mig hafa pening. Hvað er að þessu liði?
Þarf maður kannski að hafa frumkvæði að því
sjálfur að sníkja þetta? Hvað segir maður?
Hæ,
heyrðu, áttu kannski 500 þúsund kall, kjellinn
er að fara í framboð. Hmm... Ha?Hvað færðu
í staðinn? Tja, við reddum einhverju, nudge nudge, wink
wink... Svona hefur nú aldrei verið mín sterkasta
hlið. Þetta er eitthvað svo plebbalegt. Peningar eru eitthvað
svo plebbalegir.
---
Heldurðu að það væri nú ekki fínt
að fá svona bland í poka frá nokkrum fyrirtækjum,
segjum 12 millur samtals - já, þótt það væru
ekki nema tvær. Alveg myndi ég leggja það á
mig að hafa eitthvað brjálað lið hangandi fyrir
utan hjá mér í nokkur kvöld fyrir 12 millur.
12 millur! Ég myndi næstum því leyfa froðufellandi
baráttufólki að berja mig í köku fyrir þann
pening. Nei, uss... var ég ekki að enda við að segja
að peningar væru plebbalegir? (Fyrirtæki ath: ég
er í símaskránni - en ef þið viljið
hafa þetta almennt þá er reikningur flokksins: 0137-26-1340
Kt. 611209-1340).
---
Amerískir dagar eru skollnir á enn eina ferðina í
Hagkaupum og allt þar vaðandi í lokkandi óhollustu.
Ber þar hæst, sýnist mér, haugar af A&W rótarbjór
og cream soda. Þú tékkar á þessu. Þetta
er samt alltaf sama dótið. Hagkaupsmenn mættu leita til
annarra byrgja. Ég er svo hvítruslslegur í matarsmekk,
kjafturinn á mér er Kani. Mér finnst gaman að
fara í Megastore og Kost að skoða litarefnismat. Ég
ætti náttúrlega að vera eingöngu á
spelti og hráfæði en ég bara nenni því
ekki. Þetta er allt í lagi í bland.
---
Annaðkvöld byrjar Alla leið, þriðja árið
í röð, Páll Óskar og við þrjú
að röfla um 39 Eurovisionlög. Þetta er voða fínt
og lögin spanna allan skalann, þ.e. skalann frá ógeðslega
leiðinleg til viðbjóðslega leiðinleg - nei, ég
er að ýkja. Það eru nokkur ágæt lög!
---
Horfði á Hjálma útúrskakka búa
til músík á Jamæka á Stöð 2
Extra. Fín mynd. Ég hef aldrei séð svona góðan
ásláttarleikara áður. Drullugott band Hjálmar
- verður gaman að heyra nýja döbbplötu frá
þeim. Í gær fór ég líka á
Astroboy og fór að grenja eins og alltaf gerist á barnamyndum,
enda er ætlast til þess í lok svona mynda. Fín
mynd.
---
Quadruplos
- Bitar
Áríðandi tilkynning: Hljómsveitin Quadruplos
skipuð þeim Magnúsi Birki Skarphéðinssyni og
Tómasi Þórarni Magnússyni gefur út sínu
fyrstu plötu í dag. Brak hljómplötur í
samstarfi við Weirdcore gefa út gripinn í takmörkuðu,
númeruðu upplagi sem mun fást í helstu plötubúðum
landsins.
Sveitin hefur verið starfandi í núverandi mynd
í um það bil eitt ár og hefur á þeim
tíma getið sér gott orð sem ein kröftugasta
tónleikasveit landsins á sviði raf og danstónlistar.
Plata þeirra inniheldur átta lög sem er hvert af öðru
fjörugra og á án efa eftir að fá fólk
til að hrista rassinn og dilla hausnum í hinum ýmsu veislum
landsins.
Quadruplos mun spila fyrir gesti og gangandi í plötubúðinni
Havarí í Austurstræti laugardaginn 24. apríl
kl. 16.
Kakali
- The Cave
Önnur áríðandi fréttatilkynning: The
Cave er fyrsta breiðskífa hljómsveitarinnar Kakala. Hljómsveitin
samanstendur af þeim Árna Guðjónssyni, Daða
Guðjónssyni og Kristjáni Árna Kristjánssyni.
Þeir þrír hafa spilað og samið tónlist
saman síðan 2003. The Cave er 11 laga plata, sú fyrsta
í röð margra sem á eftir munu fylgja. Platan var
að mestu tekin upp í október 2009. Meðlimir Kakala
sáu að langmestu leyti sjálfir um upptökur en Jóhann
Ásmundsson sá um hljóðblöndun. Þess
má geta að þrír meðlimir Mezzoforte koma fram
á The Cave, Eyþór Gunnarsson spilar á píano
í The Wishing Tree, Gunnlaugur Briem á trommur í A
Few for All og Jóhann Ásmundsson fyrrnefndur á bassa
í Counterclockwise.
Í mars 2010 bættist við fjórði meðlimur
Kakala, Þorsteinn Hermannsson, bassaleikari. Á plötunni
sáu hinir þrír meðlimir Kakala um bassaleik til
skiptis. Hljóðfæraskipan er að öðru leyti
svo að Árni spilar á gítar, Daði spilar á
hljómborð og syngur bakrödd en hann sá einnig um
trommuleik á plötunni, Kristján spilar á gítar
og syngur aðalrödd.
Kakali munu halda nokkra tónleika á næstunni
og hafa þeir fengið til liðs við sig tvo góða
menn til að spila með sér, þá Guðmund Stefán
Þorvaldsson á gítar en hann fyllir í skarð
Árna, sem býr í Noregi, og Jón Geir Jóhannsson
á trommur.
Heimasíðan okkar er www.kakali.is
og þar getur þú fundið linka á facebook og
myspace síðurnar okkar, hlustað á alla plötuna
o.s.frv. Við verðum með tónleika ásamt Jeff Who?
og Bigga Bix þann 1. maí á Sódómu.
Plötuna má nálgast í heild á gogoyoko.com
(http://www.gogoyoko.com/#/album/The_Cave)
og mun hún koma út á CD innan skamms.
---
Björk
- Álfur út úr hól
Nei sko, erða ekki sjálf Björk sem næst kemur
með Bítla á íslensku með eina Bítlakóverið
sitt á ferlinum. Þetta er náttúrlega Fool on
the hill á íslensku með texta eftir Björgvin Hólm
gólfkennara. Hér er viðtal úr Dagblaðinu 24.
sept 1977. Mér finnst löngu kominn tími til að Björk
geri aðra plötu með Pálma og Sigga eins og hún
talar um 11 ára:
22.04.10
20.04.10
Upptökur eru hafnar á Alla leið, Eurovisionlagaþætti
Páls Óskars. Fyrsti þátturinn er á laugardaginn
og það verða 5 þættir í allt, sá
síðasti laugardaginn fyrir úrslitakeppnina (29. maí).
Alla leið er eins og fyrr, við Reynir og Guðrún Gunnars
að hlusta á 39 Eurovisionlög með Palla og dissa og
hossa til skiptis. Palli mætti með stjörnurnar sínar
(þær hanga þarna fyrir aftan) og sparaði leikmunadeild
Rúv stórfé. Það er kreppa og allir verða
að leggja hönd á plóginn.
---
Þá hefst sýruárás á tennurnar...
mér hefur alltaf þótt þetta ógnvekjandi
auglýsing. Siglum... öldunum áááÁááá...
Norrænu auglýsingin hefur mér aftur á móti
þótt ógnvekjandi óþolandi auglýsing.
---
Hér
segi ég: "allar myndir með Leonardo DiCaprio eru drasl, nema
þegar hann var vangefinn og átti offitusjúka mömmu,
hún var ágæt". Svona eftir á að hyggja langar
mig að draga aðeins í land með þennan stóradóm.
Leonardo er eflaust ágætis strákur og leiðinlegt
ef hann myndi lesa þetta. Leonardo lék Jim Carroll, pönkskáld
frá NY í myndinni The Basketball Diaries (1995). Ég
þarf að athuga þá mynd betur, minnir að ég
hafi séð hana einhvern tímann. Hann var ágætur
í The Beach, sem er líka alltílagi mynd. Svo var myndin
um Howard Hughes ágæt (The Aviator) þótt það
hafi klárlega verið rugl að láta beibífeis
leika hann, nær hefði verið að fá alvöru
karlmenni einsog George Clooney í djobbið.
---
Nú hamast menn á skemmtigarði Hrafns Gunnlaugssonar
vegna þess að hann hefur ekki leyfi. Já já, það
væri betra að hann hefði leyfi eins og aðrir. Allir voða
ánægðir með að það sé verið
að tuska Hrafn til því þeir halda að það
sé verið að sparka í punginn á Davíð
Oddssyni í leiðinni. Það vill bara svo til að
í fremur óspenanndi borg er laupurinn hans Hrafns með
því allra flottasta sem hér er. Það er mun
meira spennandi að fara með krakkana þarna en í Húsdýragarðinn.
Ég held að borgarstarfsmenn ættu að líta sér
nær, til dæmis byrja á því að malbika
bílastæðið við Borgarspítalann sem hefur
verið ómalbikað síðan 1968, áður en
þeir byrja að þjösnast á sérvitringum
sem eru að gera góða hluti. En nei, það er auðveldara
að rífa niður en byggja upp (samanber að það
er miklu auðveldara að vera svartsýnn/neikvæður
en bjartsýnn/jákvæður því það
þvingar þig til aðgerða). Það getur vel verið
að Hrafn sé kexruglaður frekjuhlunkur, en hann hefur þó
allavega komið upp spennandi ævintýralandi, sem er meira
og merkilegra framlag til tilverunnar en heil hrúga af reglugerðaruppteknum
borgarstarfsmönnum, sem gera ekki neitt nema að vera til leiðinda
á fullu kaupi. Besti flokkurinn myndi aldrei níðast á
Hrafni Gunnlaugssyni. Sköpunargleði og sérviska á
að vera ofar reglugerðarfargani.
---
Hin dúndurgóða hljómsveitir Caterpillarmen
(sem hljómar eins og sambland af Trúbrot og hinum finnsku
Deep Turtle eða hinum kanadísku No Means No) var víst
eitthvað fúl yfir sándinu á fyrstu plötunni
sinni (sjá lesendabréf í Grapevine). Þess vegna
hefur hljómsveitin sett plötuna sína á netið,
eins og hún á að hljóma.
18.04.10
Þetta símafyrirtæki, Alterna,
er dáldið ferskt, allavega það sem auglýsingin
segir. Er þetta kannski það sem koma skal? Útlendingar,
ótengdir rotþrónni, koma inn með fyrirtæki
og bjóða betur? Ég sé fyrir mér álíka
á sviði bensíns, matvæla, bankaviðskipta o.s.frv.
Þetta er það sem Bauhaus ætlaði að gera en
náði ekki og svo þarna bensínfyrirtækið
í gamla daga, Irwing Oil eða hvað sem það hét,
en þeir náðu aldrei að komast inn fyrir vegna öflugs
mótþróa íslensku rotþróargrísanna.
Kannski fáum við loksins almennilega samkeppni post-hrun?
---
Kannski ekki alveg það sama, en samt: hjólaviðgerðaverkstæðið
Kría
Cycles er rekið af David, sem ég held að sé Breti
frekar en Kani. Hann hefur löngum verið með verkstæði
á Hólmaslóð 4, en hefur nú bætt við
sig verkstæði að Ármúla 42 og þar selur
hann líka hjól frá Specialized. David er toppnáungi,
sanngjarn og vandvirkur.
---
Í gær var Gróttudagur og við þangað.
Ég og Dagbjartur fórum upp í Gróttuvita, sem
er skerí sjitt. Þröngt og hátt og ekki fyrir lofthrædda.
Ég fæ stundum martraðir sem enda mjög áþekkt
því að ég sé að skríða upp
í toppinn á Gróttuvita en festist á leiðinni.
Haraldur Jónsson er með verk á einni hæð vitans,
herbergi sem hann er búinn að fylla af veðurbörðum
skýslumöppum og pappírsdrasli. Mjög flott:
17.04.10
Í dag er dagur plötubúða - Record
Store Day - svo maður hangir augljóslega í plötubúðum
í allan dag. Fullt af þeim góðum hér, alveg
magnað eiginlega hvað eru margar góðar búðir
hérna. Við erum að tala um 12 tóna, Smekkleysu og
Havarí upp á nýja dótið og við erum
að tala um Lucky Records og Geisladiskabúð Valda upp á
notaða dótið. Ég viðurkenni alveg að ég
er ekki eins mikið hangandi í plötubúðum og
ég var - Bölvað sé þér internet! -
en ber vitanlega sterkar taugar til búðanna. Ég er að
reyna að muna í hvaða æðislegar plötubúðir
ég hef komið í útlöndum. Dettur fyrst í
hug Pier
Platters í Hoboken í New Jersey (hún er hætt).
Þangað fór maður í New York ferðum í
kringum 1990 og keypti haugana. Rough
Trade búllurnar í London eru grand. Eftirminnilegt þegar
ég fór í þá stóru í fyrra
og það var verið að spila Óðmenn þegar
ég kom inn. Í París man ég eftir einni búð
sem var stórkostlega haugótt, en man ekkert hvað hún
heitir. Hún er ábyggilega ein af þeim sem er getið
hér.
En allavega, til hamingju með daginn! (Myndina hér að ofan
tók Karólína Thorarensen v/ lítils landkynningarverkefnis
sem er væntanlegt).
---
Það er alltaf rosa stuð að fara í strætó,
sérstaklega þegar maður mætir heilum bekk á
leið í Þjóðminjasafnið. Þeim fannst
merkilegt að hitta kallinn í sjónvarpinu (mun skárra
en að vera Prumpukallinn! (þótt það sé
nú ekkert slor)). Það er fínt að vera í
strætó, allavega þegar maður er ekki að flýta
sér. Best samt að komast hjá því að
vera mikið á Hlemmi, ekkert nema aggressífir ógæfumenn
þar þegar ég átti leið hjá í
gær (vorið að koma). Hlemmur er dapurlegasti staður landsins.
Maður fer í þunglyndiskast að vera þarna, langar
bara að hætta að þvo sér og leggjast í
ógæfu. Ég held að Besti flokkurinn muni beita sér
fyrir gleðiumbótum á Hlemmi, þó ekki nema
vegna þess að flokksmenn eiga margar æskuminningar frá
staðnum.
---
FRÆBBBLARNIR HITTA MACLAREN
Ekki veit ég hvort margir Íslendingar hafi hitt Malcolm
Maclaren, hinn nýlátna. Valli og Stebbi úr Fræbbblunum
hittu hann að minnsta kosti og segist svo frá:
Ágúst
1978 - Í London skruppum við að heilsa upp á Malcolm
Maclaren í Seditionaries á Kings Road. Vorum að spjalla
við hann þegar ungur, reiður, kraftalegur piltur vopnaður
kylfu kom og tók af mér orðið. Bað Malcolm að
labba út fyrir svo hann gæti lamið hann hressilega án
þess að valda skemmdum á saklausum munum. Kenndi honum
um að hafa sprengt Pistols að okkur heyrðist. En við vorum
kannski ekki í æfingu að skilja illa reiðan Lundúnabúa
eftir menntaskólanámið í ensku. Fylgdarstúlka
okkar frá Malasíu var orðin ansi smeyk þegar við
samþykktum að fara. En þegar við fórum var Malcolm
ennþá að kjafta sig út úr barsmíðum.
Sáum ekki betur en að honum tækist það bærilega.
---
The
Millennium - It's you
Árin 1967-68 finnst mér sérlega fersk í
músík. Þá var sýru sólskins ilmur
í lofti og margir farnir að líta á poppið
sem listgrein sem mætti teygja og sveigja. Bítlarnir með
sín Revolver og Sgt. Peppers og Beach Boys með sín Pet
Sounds og Smile/y Smile voru aðalpleyerarnir en allskonar lið var
á kantinum með álíka pælingar. Glæsileg
meistaraverk eins og Forver Changes með Love og Odessey and Oracle
með The Zombies litu dagsins ljós upp úr þessum
jarðvegi, og einnig platan Begin með hljómsveitinni The
Millennium. Hún kom út 1968. Þarna í forsvari
var Curt Boettcher,
náungi sem dó ungur úr Aids, held ég. Begin
er algjör snilldarplata sem ég mæli með. Þetta
lag, It's you, er af henni. Curt var líka viðriðinn plötuna
Present Tense með Sagittarius,
sem kom líka út 1968 og er einnig snilld.
16.04.10
Eldgos? Er þetta ekki bara svarti reykurinn úr Lost kominn
til að refsa okkur fyrir fávitaskapinn?
---
Núna er alltaf verið að segja að Íslendingar
hafi verið fábjánar á ýmsum sviðum,
og það blasir við, en þeir eru það ekki á
öllum. Sjáðu t.d. hjálparsveitirnar. Ekki er allt
stútfullt af fúskurum þar. Ef sama fúskhrúgan
og kom kerfinu í klessu væri þar myndi annar hver maður
verða úti á meðan fúskhjálparsveitir
ætu allar vistirnar sjálfar og væru bara spænandi
á tryllitækjunum á fjöllum með tittlingana
út úr göllunum. Því það er ástæðan
fyrir klessunni: Fúsk. Siðlaust fúsk á öllum
sviðum. Siðlausur fúskarar á öllum póstum.
Sjálfur ætla ég að taka mér tak og hætta
öllu fúski og reyna að dempa þetta "þetta reddast"-hugarfar.
Það
er hugarfar fúskarans. Þetta reddast bara ef þú
ert ekki fúskari.
---
Homage-serían Ekki eins fyndið og Hugleikur sló í
gegn í gær með #4. Fólk var segjandi Hugleik snilling
hægri vinstri þótt myndin væri eftir mig. Sorrí
Hugleikur! Þetta var því homage sem gekk of langt. Hugleikur
og aðdáendur hans voru arfareiðir á Facebookinu með
að einhver fáviti út í bæ gerði myndir
í sama stíl. Héldu að þetta væri einhver
bjáni sem væri kominn til að vera:
Líkur þar með verkefninu Ekki eins fyndið og Hugleikur.
Þess má geta að Hugleikur - sem án nokkurs vafa
er merkilegasti listamaður sem hefur komið fram á þessari
öld, eða er allavega hátt á topp 5 (ég er
ekki búinn að hugsa þetta alveg) - kynnir nýjustu
bók sína, Popular
Hits, í Havarí kl. 17 í dag. Hér kemur
ein mynd úr þessari geðveiku bók:
---
Ómar
Ragnarsson - Karlarnir heyrnarlausu
Meistari Ómar Ragnarsson er með frábæra söngrödd.
Ég myndi gefa mikið fyrir að heyra útkomuna ef forlögin
hefðu hagað því þannig að hann hefði
fæðst 20 árum síðar og þá verið
í forsvari fyrir einhverja æðisgengna pönkhjómsveit
(plötuumslag fyrstu plötu Ómars og Skítmennana
úr þeim hliðarveruleika er hér að ofan). Hér
flytur hann eigin texta um Karlana heyrnarlausu á plötunni
Gamanvísur og annað skemmtiefni, 1966. Lagið er Twist &
Shout, sem John Lennon öskraði í lokin á fyrstu
plötu Bítlanna. Ekki Bítlalag, per se, en af öllum
kóverum sem Bítlarnir tóku þá kemst það
líklega næst því að vera þeirra eigið
lag. Þetta er lag með fortíð.
Ég þakka Jónasi fyrir að benda mér á
lagið og senda mér það!
15.04.10
Heill forseta vorum og fósturjörð á afmælisdegi
hennar.
---
Flöfferar útrásarinnar eru í vörn enda
stjörnurnar flúnar úr landi.
---
Talandi um flöffera, þá merkilegu starfsstétt,
þá heyrði ég nýlega mjög athyglisverða
sögu um einn slíkan íslenskan, sem flöffaði
aðallega í hommamyndum erlendis. Hann sagði að atvinnuöryggi
hefði minnkað mikið eftir að Víagra kom á
markaðinn.
---
Þór Saari kom best út úr þessum umræðuþætti
í gær. Hann talaði á ögn ferskan hátt.
Annað var rispuð plata á rípít.
---
Maður er orðinn hundleiður á þessum eldgosum
endalaust. Sérstaklega ef þetta fer að ógna lúkkinu
á fallegasta bletti landsins, Þórsmörkinni. Manni
var lofað töff túristagosi sem myndi endast mánuðum
saman og ég ætlaði með tengdó að skoða
5vhálsgosið sirka 20 maí, en nei nei, það bara
hætt og komið eitthvað forljótt þokugos í
staðinn. Það er ekkert að marka þessa jarðfræðinga.
---
Ekki hafa borist mörg bréf með lista yfir siðferðislega
ásættanleg fyrirtæki sem maður á að versla
við. Það kom bara eitt sem sagði mér að flytja
til Hafnafjarðar: Þú verður bara að flytja
í fjörðinn. Í Hafnarfirði er allt fullt af flottum
fyrirtækjum sem eru rekin af venjulegum gróðapungum en
ekki stjörnufjárfestum. Í Hafnarfirði geturðu
t.d. keypt í matinn í Fjarðarkaup sem er flottasta matvöruverslun
landsins, Keypt þér rúm í RB rúm sem
er búið að smíða og selja rúm í
rúmlega 60 ár. Fiskbúðin á Trönuhrauni
er líka frábær. Síðan er náttúrulega
Helgi í Góu með höfuðstöðvar sínar
í firðinum. Kv. Guðmundur
---
Poppararnir eru alltaf að. Toggi sendi bréf: Þar
sem nú er allt svo útatað í kúk og drullu
í þjóðfélaginu að maður gleðst
næstum yfir náttúruhamförum, sem ágætis
hvíld frá viðskipta- og pólitíkusarugli,
þá fannst mér tilvalið að henda út eins
og einu lagi til að létta lund almennings. Það er
frítt í hágæðum og með artworki, fyrir
þá sem hafa áhuga á að föndra. Lagið
heitir - The Artist - og er fjórði singullinn af væntanlegri
plötu (kemur út í haust). Dýrðin er hér.
Snorri Helgason sendi líka bréf: Ég var að
gera smá tilraun. Ég samdi lag og texta og tók það
upp og skellti því á netið á klukkutíma.
Lagið heitir "Over". Ég er frekar ánægður með
það núna. Ég vona að ég verði ánægður
með það á morgun líka. Ég vona að
ég verði ánægður með það eftir
tvo tíma líka. Andskotinn. Má heyra hér.
---
Ekki eins fyndið og Hugleikur #4:
14.04.10
Ég var búinn að ákveða þegar ég
fór á Kaffitár í gær að ef einhver
útrásarkúkakarl væri þar myndi ég
ráðast á hann og rífa af honum veskið, taka
alla peningana úr því og segja honum að éta
skít ef hann væri með múður. Ég var
svona æstur enda nýbúinn að hlusta á fréttir.
Var samt að vona að þetta yrði einhver lítill
og ræfilslegur kúkakarl svo ég hefði mig upp í
þetta. Vissi náttúrlega innst inni að þetta
lið lætur ekki sjá sig á götum úti.
Vissi enn innar inni að þú læknar ekki siðleysi
með því að vera siðlaus sjálfur. Eins var
ég að spá í að fylla kerruna í Bónus
og labba bara út án þess að borga. Vera svo með
rosa steitment ef ég yrði böstaður - Dr. Gunni handtekinn
fyrir þjófnað í Bónus - "Ég stel
af þeim sem stálu af mér," segir hann. Tók
samt auðvitað upp kortið eins og góður strákur
við kassann. Aftur sama sagan: Þú læknar ekki siðleysi
með því að vera siðlaus sjálfur. Kannski
er ég samt bara aumingi?
---
Það er alltaf verið að segja manni að versla
ekki hér og versla ekki þar. Aldrei hef ég samt séð
handhægan lista yfir óæskileg glæpamannafyrirtæki
sem maður á að sleppa. Getur einhver súmmerað
þetta upp með hliðsjón af nýjustu eigendaupplýsingum?
Ég skal birta listann. Ef ég kaupi eitt Bónusbrauð
hvað fá feðgarnir þá marga aura af því
til að brenna í fávitaskap? Best væri auðvitað
að búa við það siðað þjóðfélag
að maður þyrfti ekki að hugsa út frá svona
forsemdum heldur gæti bara valið það ódýrasta,
eða hvað það er sem fólk lætur ráða
vali sínu.
Uppfært:
Þú biður um lista yfir skíthælafyrirtæki:
Hér er eitthvað til að byrja á:
http://www.hagar.is/Forsida/Fyrirtaekin-okkar
og svo náttúrulega Iceland express, tryggingafélögin,
bankarnir, símafyrirtækin og olíufélögin.
Líklega er einfaldara að búa til lista yfir fyrirtæki
sem eru ekki skíthæar...
Kv. Andri
Þannig að það er annað hvort að flytja úr
landi eða láta sullið bara yfir sig ganga? Nema einhver
vilji senda mér lista yfir
fyrirtæki sem eru ekki skítapakk!
---
Gat nú skeð: Þorgerður Katrín, kona sem
kannast bara smá við manninn sinn, vill að við "horfum
til framtíðar". Þeir sem segja "nú er málið
að horfa til framtíðar" eru með óuppgerða
fortíð. En hvað er hægt að gera í þessu?
Ég sagði
einu sinni (löngu fyrir hrun) að þótt mannát
myndi upplýsast í Valhöll myndi Flokkurinn samt fá
sín 33%. Nú blasir siðferðislegt mannát við
af 2600 blaðsíðum en djöfull er ég samt viss
að í næstu könnun verður flokkurinn með sín
33%. Við skulum þá bara vera í mannátinu
áfram.
---
Ekki eins fyndið og Hugleikur #3:
13.04.10
Fyrstu viðbrögð við Skýrslunni: Þetta
lið kann ekki að skammast sín. Önnur viðbrögð:
Í hvaða tugthúsum á að koma öllu þessu
liði fyrir? Þriðju: Hún er hott þessi dökkhærða.
---
Sjúkleg
della, bananalýðveldi, "ógeðslegt þjóðfélag"...
Það eru takmörk fyrir því hvað maður
getur horft ofan í þessa rotþró sem Skýrslan
sýnir, en mikið vona ég nú að eitthvað
"gerist", einhver "axli ábyrgð", eitthvað "breytist til
batnaðar". Maður verður fljótlega sturlaður að
mæna ofan í ósköpin og verður að tappa
af með músík. Eitthvað létt og skemmtilegt,
ha?
---
Teenage
Fanclub - The Concept
Skoskt eðalband í glymrandi kraftpoppapönki. Platan
Bandwagonesque frá 1991 er ljómandi meistaraverk, sem þú
ættir að tékka á asap. Ég er viss um að
við hefðum ekki farið svona illa út úr þessu
ef eigendur bankanna hefðu ekki verið plebbalegir Verslóhnakkar
með ömurlegan tónlistarsmekk.
---
Svo er bara ein leið út úr ruglinu: Besti flokkurinn.
12.04.10
Það nennti enginn að horfa á Skýrslufundinn
í ræktinni nema ég, JFM og Jónas Sen sem vorum
í röð á þremur brettum. Fundurinn var dáldið
eins og að horfa ofan í rotþró. If it looks like
shit, smells like shit and tastes like shit, well, then it must shit...
eins og einhver sagði. Annars vísa ég til niðurstaðna
minna frá 10.04 - þær voru auðvitað réttar.
Það var sem sé enginn að spá í þessu
í Laugum, allir bara að tala um fótbolta eins og vanalega.
Heyrði þó í einum jakkafatakarli gantast með
að hann "nennti ekki á Kvíabryggju alveg strax". Sjálfur
fór ég beint í Bónus enda á glæpamaðurinn
ekkert í því lengur, er það ekki? Að
öðru leiti hvet ég fólk til að kjósa
Besta flokkinn í næstu kosningum því svona mikið
rugl hefði aldrei getað gerst á "hans vakt"...
---
Skýrsludagurinn mikli. Úff hvað maður nennir
þessu varla. Ætli maður nái ekki best-offinu kl.
10:25 af brettinu, en svo ekkert fyrr en japlinu kl. 19:35. Maður verður
nú að gera eitthvað meira í lífinu en að
velta sér upp úr þessu kjaftæði. Popppunktsspurningarnar
semja sig ekki sjálfar.
---
Jafnan er talað um tónleika Led Zeppelin á Íslandi
1970 með mikilli lotningu og stækri nostalgíu. Annað
eins hefur ekki sést bla bla bla. Í Vísi stuttu eftir
giggið mátti hins vegar lesa
allt aðra lýsingu. Þrír íslenskir popparar
þess tíma, þeir Gunnar Jökull, Jónas Jónsson
og Björgvin Gíslason voru lítið imponeraðir
yfir bandinu. Til dæmis segir Björgvin: "Mér fannst
ekki
nægilega mikill kraftur í hljómsveitinni. Þeir
hefðu mátt stilla magnarana mun hærra að mínum
dómi. Ég fékk ekkert út úr því,
sem þeir voru að gera þarna. Það var greinilegt,
að þeir nutu sín engan veginn, enginn þeirra hafði
neitt nýtt fram að færa, að trommuleikaranum undanskildum,
hann gerði virkilega góða hluti. Ég varð fyrir
vonbrigðum með Jimmy Page, ég bjóst satt að segja
við miklu meira frá honum, það fór ekki milli
mála, að það, sem hann gerði, gerði hann bara
vegna peninga. Persónulega hafði ég það ríkt
á tilfinningunni, að Led Zeppelin álitu okkur hálfgert
útkjálkafólk með einangraðar skoðanir
á popmúsík."
Myndirnar hér að ofan eru teknar af Facebook-síðu
Péturs
Hólm. Þar er stórglæsilegt safn með haugum
af frábærum bítlatímamyndum frá Íslandi
sem hann tók á imbamatík með kubbi í kringum
1970. Stenst ekki að birta þessa, sem sýnir Megas, Rúnar
Þór og einn enn í góðum gír, líklega
upp í Hallgrímskirkjuturni.
11.04.10
Ég í Bless sautján hundruð og súrkál
(1989?) á Tunglinu (með Risaeðlinu og Ham). Vildi ég
ætti þennan flotta bol ennþá. Maggi Strump tók
myndina.
---
"Nytjamarkaðir" er hið viðurkennda orð sem notað
er í dag yfir skransölur. Vinýlskúnkar sækja
í svona til að grafa upp fornminjar í hinni endalausu
leit. Á Vesturlandi eru tveir góðir nytjamarkaðir
og við Steinn tókum stefnuna þangað í gær
auk þess að heimsækja Bigga á Akranesi. Hér
má sjá listrænar myndir úr ferðinni:
Nytjamarkaður
Körfuknattleiksdeildar Skallagríms í Brákarey
í Borgarnesi er opinn á laugardögum. Þau hafa
flutt í minna speis og vinýlhaugarnir eru orðnir nokkuð
lægri síðan við Steinn vorum þarna síðast.
Steinn styrkti Skallagrím um nokkra þúsund kalla
og gat fundið "aukaeintök" í Bubbasafnið. Sjálfur
fann ég tvær litluplötumöppur sixtísstæl
og fyllti þær af eðal sixtís og seventís
smáskífum, gauðrispuðum og alls ekki svo ömurlegum!
Er einmitt að hlusta á Mister Pleasant með Kinks af PYE
smáskífu akkúrat núna og heyri varla lagið
fyrir braki. Talandi um Kinks þá keypti ég að auki
State of Confusion LP frá 1983 og sólóplötu með
Pete Townshend Who came first frá 1972.
Gosminjar. (Keypti ekki)
Vantar yður stól? Þúsund krónur stykkið.
Búkolla
Nytjamarkaður á Akranesi er í svipuðum stíl,
en þó stærri og meira pró, enda meira opinn.
Þar eru hrúgur af skíðum:
Plötuhaugarnir þar voru ekki eins spennandi og í
Borgarnesi, en ég keypti þó gullfallega myndaplötu
með hljóðsporinu úr E.T. þar sem svo vel hittist
á að Dagbjartur er að horfa á E.T. um þessar
mundir. Einnig fjárfesti ég í sólóplötu
með Guðmundi Gauta (Tónaútgáfan 1975). Þetta
er kóverplata með aðkeyptum erlendum hljóðfæraleik.
Þarf að tékka betur á henni.
Hér bregður Steinn á leik með Rut Reginlds.
---
Reptilicus
- Okkar heili er innsiglaður
Þær sprengifréttir berast nú úr heimi
íslensks iðnaðar að hljómsveitin Reptilicus vinni
að nýrri plötu. Ef þú ert með Tímarit.is
stillt í tölvuna þína má finna bráðskemmtilegt
viðtal sem ég tók við hljómsveitina fyrir
Þjóðviljann 1991. Þetta magnaða dúó
náði ákveðinni fullkomnun með laginu Okkar heili
er innsiglaður enda sjálfur Gunnar í Krossinum í
liði með bandinu í því verki. Lagið kom
út á ep-plötunni S.O.B.S. árið 1996. Síferskt
og framandi!
10.04.10
Skýrslan? Er ætlast til að maður nenni að
lesa 2.000 blaðsíður af skraufþurra textanum sem ég
geri ráð fyrir að sé þarna? Eru „mennirnir“
ekki að grínast? Ég vil útdrátt á
einu A4 blaði, takk. Eða ég skrifa þetta bara sjálfur:
Samantekt: Allir (flestir) urðu geðveikt gráðugir
- sumir geðveikt gráðugri en aðrir - og svo fór
allt til andskotans út af græðginni.
Niðurstaða: Græðgi er ekki góð.
Hegning: Ég geri orð dekkjaverkstæðiskarls
í Sjónvarsfréttum í gær að mínum:
„Ég skal brosa þegar þessir drullusokkar eru komnir
inn í svona 8-10 ár.“
Lærdómur fyrir framtíðina: Minni græðgi
og meiri samfélagslega ábyrgð, takk. M.ö.o: Jöfnuður
er svarið baby. Þegar einn græðir, tapar annar - þegar
einn græðir ógeðslega mikið, tapar annar - í
þessu tilfelli heilt þjóðfélag - ógeðslega
miklu. Ertu búinn að ná þessu eða þarftu
annað hrun til að nudda þessari staðreynd betur inn?
Og þá geturðu hætt að pæla í
þessu og farið að pæla í einhverju skemmtilegra.
Til dæmis ungversku eðalpönki frá 1983:
Bikini
- Nem leszek sohasem
Einhver útlendingur sendi mér plötuna „Hova Lett...“
með ungversku hljómsveitinni Bikini á spólu fyrir
mörgum mörgum mörgum árum. Síðan þá
hefur þetta verið ein af uppáhaldsplötunum mínum
- a.m.k. í flokknum „Plötur sem enginn þekkir“ - og þú
gætir gert margt vitlausara en að tékka á henni.
Þetta er pönk en með allskonar „lærðum“ vísunum,
alveg yfir í progg og Devo-lega nýbylgju. Mjög smart
og hefur elst vel. Aðalkallinn í þessu bandi heitir Nagy
Feró og með honum innanborðs gerði bandið tvær
plötur, þessa árið 1983 og svo XX. századi
híradó árið eftir. Sú er einnig fín.
Þá hætti Nagy en bandið hélt áfram
(og er enn að), en varð leiðinlegt. Þegar Nagy hefur
komið fram með bandinu upp á síðkastið er
það kallað Ös Bikini (Gamla Bikini).
---
Alveg eru gosdrykkjaframleiðendur (les: Ölgerðin) úti
að aka. Afhverju er ekki gosdrykkurinn ELDGOS kominn á markaðinn?
Hugsið ykkur launch partíið á 5vhálsi! Hugsið
ykkur labelmiðann! Grípa gosgæsina meðan hún
gefst, strákar.
---
Þetta er af Facebook:
Tvær af hetjum mínum frá unglingsárunum
(+ trúbadorinn Halli Reynis) að þrefa um hallærislegan
Verslóhnakka sem var smábarn þegar þeir sjálfir
voru upp á sitt besta. Undarlegt hvað fólk nennir að
eltast við að greina lyktina af kúk, skít og drullu
(afsakið ruddalegt orðbragðið) þegar þetta
rennur allt úr sama rassgatinu.
09.04.10
Stofnaði Popppunktshóp
á Facebook og á voða voða marga vini. Vilt þú
líka vera vinur Popppunkts? Ég verð í þættinum
H&M á Rás 2 kl. 10 á eftir að röfla um
Popppunkt og eitthvað fleira. Ætli ég fái ekki
að spila framlag mitt til sumarsmella í ár, sumarsmellinn
VINSÆLL sem Hvanndalsbræður syngja og leika.
---
Allir tala um "Kirgistan" eins og ekkert sé sjálfssagðara.
Bæði skv. þessu
og þessu heitir
landið Kirgisistan á íslensku. Ákváðu
allir bara hitt upp á sitt einsdæmi? Meikar auðvitað
meiri sens - landið heitir Kyrgyzstan á ensku og því
liggur Kirgistan beinast við. Hvað voru menn þá að
spá með að kalla þetta Kirgisistan? En allavega...
---
Malcolm
McLaren - You need hands
Hvenær verður byrjað að sprauta mann gegn dauðaplágunni?
Fólk er hreinlega hrynjandi niður úr dauða hvar sem
litið er. Allskonar meistarar sem hafa glatt mann í gegnum tíðina
eru að drepast eins og enginn sé.. ööö morgundagurinn.
Lux Interior dauður, John Peel, Alex Chilton og Roland Howard og nú
Malcolm McLaren, sem var frægastur fyrir að "uppgötva" Sex
Pistols. Ég hélt alltaf að hann væri hommi en svo
les maður í eftirmælunum að hann hafi átt son
með Vivanne Westwood og eitthvað. Hann fór úr krabbameini
og náði 64 árum. Ég hélt að John Lydon
myndi koma með eitthvað pönkað yfirhraun á gamla
dána umbann, því það var nú vægast
sagt ekki kært á milli þeirra, en svo er Rotteninn bara
bljúgur
og næs, eins og menn verða með aldrinum. McLaren var
nú enginn músíkant þótt hann hafi klínt
einhverju saman á þeim vettvangi. Hans verður aðallega
minnst fyrir að vera hugmyndamaður sem dreif hlutina áfram.
Hér er hann að syngja væmið sjótún eftir
Max Bygraves - einhvern enskan grínista - sem honum hefur eflaust
þótt svaka sniðugt að setja á The Great rock
n roll swindle, það vankaða rusl.
---
Bob
Hund - Folkmusik för folk som inte kan bete sig som folk
Sænska bandið Bob Hund (wiki)
var æðislegt. Ég sá það á Hróarskeldu
1997 og það var magnað. Önnur plata bandsins, sem gengur
undir nafninu "Omslag: Martin Kann" og kom út 1996, er líklega
það besta með þeim. Mér var sagt að þeir
syngi á einhverri undarlegri sænsku, skánsku eða
eitthvað. Þeir voru síðast á ferð árið
2001 með plötuna Stenåldern kan börja en tóku
síðustu árin í eitthvað sólóvesen
og önnur bönd og enska útgáfu af bandinu sem hét
Bergman Rock. Í fyrra kom ný Bob Hund plata sem heitir Folkmusik
för folk som inte kan bete sig som folk (Folkmúsík fyrir
fólk sem getur ekki hagað sér eins og fólk). Hmmm...
engin gargandi stórsnilld við fyrstu yfirferð enda margsannað
að menn gera besta stöffið sitt í rokki á milli
20-30. Eftir það erða bara hjakk, bara só sorrí,
en þetta er staðreynd. Það er svo sem margt ágætt
þarna, eins og til að mynda titillagið sjálft.
---
Ekki eins fyndið og Hugleikur #2:
p.s. Jón Ásgeir hefur því miður aldrei
mútað mér svo titill þessa bloggs í dag
er bara tilraun til að sjá í hvaða sæti vinsældarlistans
á blogg.gattin.is ég
verð í dag (ekki það að mér sé ekki
drullusama hversu margir eru að lesa þetta.) (Jæja þá).
Þetta er svona nútíma Úlfur! Úlfur! -
Jón Ásgeir! Jón Ásgeir! Talandi um "nútímalegt"
þá heyrði ég auglýsingu um nútímaleg
gluggatjöld í gær í útvarpinu. Gott ef
þau voru ekki hæstmóðins líka.
08.04.10
Þarna er Kirgisistan.
Kirgisistan, ekki Kirgistan eins og maður gæti haldið. Næsti
bær við Kína og heimaland Borats, Kasakstan. Hvað
eru Kirgisar í Kirgisistan að spá? Er allt að verða
vitlaust? Ég nenni nú ekki að kynna mér stjórnmálaástandið
í Kirgisistan, sorrí. Kirgisar eru um 5.5 milljón
og þeir taka ekki þátt í Eurovision. Höfuðborgin
heitir Bishkek. Ég fann ekki neina almennilega músík
frá þeim með einföldu gúggli.
---
Íslenska Hamborgarafabrikkan opnar á morgun. Aldrei áður
hefur veitingahúsið opnað með eins miklu fyrirframplöggi.
Ég er hamborgara- og djúsí djönkfúddmaður
og mun auðvitað gefa þessu séns. Ég á
líka alveg eftir að gefa Kaffi Kidda Rót í Mosfellsbæ
séns, en þar skilst mér að séu bestu hamborgarar
bæjarins og boðið upp á metnaðarfulla poppsögusýningu
að auki. Ekki að borgararnir séu neitt slor hjá Búllunni
eða Rubys. Mér skilst að einn borgarinn hjá Simmogjóa
heiti Morthens, sem er frekar ólystugt. Megasborgari hefði verið
nær lagi. Þrátt fyrir gengdarlaust plöggið
er pleisið ekki á netinu (nema á Facebook). Það
væri sniðugt af Simmogjóa að skella matseðlinum
á netið við fyrsta tækifæri.
---
Alíslenskir gosdrykkir eru fáir í dag og allir
á vegum Ölgerðarinnar. Við erum með stórfenglegt
Appelsín, la la Mix og hina frábæru Orku, sem ég
tel til gosdrykkja þótt það eigi að heita orkudrykkur.
Nýlega kom Ölgerðin með glænýjan gosdrykk,
eða svona endurbætt gamalt dót, Egils Grape. Nú
eru blessunarlega engin gervisætu- eða litarefni í drykknum
sem skilar sér í hressandi drykk sem smakkast næstum
því heilsusamlega. Verst bara að grape er bragðvondur
ávöxtur, þetta ramma bragð er a.m.k. ekki að
virka á mig. Mér dettur aldrei í hug að kaupa
mér grape til að éta og því er ólíklegt
að ég eigi eftir að drekka Egils grape í hrönnum.
Fyrir grape-ista er þetta þó himnasending. Ég
gæti trúað að það sé sama liðið
og finnst eyrnamergsdrykkurinn Campari góður. Ítalir
eru með gos sem smakkast eins og Campari svo kannski ætti Egils
að reyna að flytja þetta út þangað. Egils
Grape er vitanlega komið á Gos.
---
Þegar hljómsveitir nefna sig í dag er mikilvægt
að velja nafn eftir gúgglvænsku. Sum nöfn gúgglast
vel, The Beatles hefði til að mynda verið gott gúggl
nafn á sínum tíma á meðan hljómsveitin
Them hefði verið vont.
---
Happy
Birthday - Subliminal massages
Talandi um vond gúgglnöfn þá er hljómsveitin
Happy Birthday með afleitt hljómsveitarnafn. Hún hefur
gefið út fyrstu plötuna sína sem er með afleitu
umslagi og heitir líka bara Happy Birthday. Þetta ætti
því að vera afleit hljómsveit en er skratti góð.
Þetta er tríó frá Vermont fylki (næst
fámennasta fylki Bandaríkjanna með 620.000 manns, Wyoming
er fámennara með 544.000 - Ben og Jerrys ísinn kemur
frá Vermont!) og aðalgaukurinn heitir King Tuff. Músíkin
er svona líka sallafínt indie power popp, smá kanadískt
Sloan í þessu. Bandið er gefið út af Sub
Pop og er á Myspace.
---
Ekki eins fyndið og Hugleikur #1:
07.04.10
Megas
- Veðurlag
Sieg heil Megas 65 ára í dag! Það er greinilegt
að lýsið er að virka. Að því tilefni
- og að fjölmörgum öðrum - er hér "ég
bara fokkings nenn'essu ekki" - Veðurlag - af læfplötunni
Greinilegur púls sem var tekinn upp á Púlsinum 1991
en kom út 2006. Miðað við það sem ég
las í blaðinu er Meggi að vinna að plötu með
Rúnari Þór og Gylfa Ægissyni - ííí-ha!
Svo má skipa lesendum að kaupa sig inn á Listahátíðargiggið
Megas
- aðför að lögum (stórtónleikar í
Höllinni 24. maí) eða/og Megas
hjá Haraldi Jónssyni (vinnustofutónleikar 25.
maí).
---
Sá frægan #1: Hrafn Gunnlaugsson og frú voru í
mesta basli með að komast inn um augnskanna-aðgönguhliðið
í World Class Laugum í hádeginu í dag. Það
hafðist á endanum.
---
Horfði á Capitalism, a love story í gær. Þetta
væri miklu meira töff hjá Michael Moore ef hann væri
ekki svona feitur. Kjagandi þetta um með buxurnar á hælunum
og tárin í augunum. Hann hlýtur að geta farið
á sama kúr og Peter Jackson sem var sílspikaður
en náði sér svo á strik og er töff í
dag. Við erum kannski ekki að tala um ofurtöff eins og þetta
lið hér,
en töff samt. Myndin er annars ágæt. Gráðugu
svínin ætti að flá. Full stutt í dumbingdownandi
tilfinningaklámið samt. Hann er í þessari mynd
hann þarna Hr. Black með rauða skeggið sem var í
Maybe I should have. Alveg 3ja stjörnu mynd. Segi ekki "ræma"
af því það er svo hallærislegt.
---
Maggi
Mix er nýjasta stjarnan á Íslandi. Þú
átt að gerast vinur hans á Facebook, hlusta á
lögin hans og skoða myndböndin.
---
Hunx
and his Punx - You don't like Rock n Roll
Drullugott fávitapönk með hommaívafi er Hunx
and his punx frá San Fran. Hunx þessi mun hafa verið í
hljómsveitinni Gravy Train sem ég veit ekkert um. Hann var
að hita upp með hinum látna Jay Reatard á síðasta
ári og hefur gert 5 smáskífur. Þær eru
allar uppseldar svo þeim var safnað saman á hið stórgóða
safn Gay Singles, sem nú er komið út. Einsog sjá
má á þessari fallegu hljómsveitarmynd er hann
aðdáandi Edith Massey. Hunx á myspace.
06.04.10
Svo virðist sem allir hafi horft á snuffmynd í sjónvarpinu
í gær og séu brjálaðir í dag. Ég
er bara of viðkvæmur fyrir svona dót, horfði ekki
og þarf þar að auki ekki að sjá svona til að
vita að þetta dæmi er allt saman viðbjóður.
Stríð hefur ekkert upp á sig eins og Edwin Starr (bróðir
Ringo?) söng svo eftirminnilega 1969. Dáldið skrýtið
að það þurfi "tvo blaðamenn" til að einhver
veiti þessu athygli, en svona er þetta bara. Voru ekki einhverjir
60 sprengir í tætlur í Pakistan í fyrradag og
það var áttunda frétt eða eitthvað, langt
á eftir nýjustu ferðamannatölum af krúttlega
eldgosinu okkar. Kristinn Hrafnsson er að gera góða hluti
og allt við þetta er bara hið besta mál. Svona alvöru
blaðamennsku sjáum við vonandi þegar bókinni
um hrunið verður lokað í eitt skipti fyrir öll.
---
Já ég hef löngum verið viðkvæmur fyrir
sláandi ógeðismyndum. Mér varð svo mikið
um myndina Friday the 13th að ég þurfti að sofa á
milli foreldra minna nóttina eftir bíóferðina.
Þetta var 1981 svo ég hef verið tæplega 16 ára,
spilandi pönk og drekkandi landa hverja helgi. Ekki segja sálu
frá þessu. Ég meikaði ekki Texas Chainsaw massacre
og ekki heldur Cannibal Holocaust sem átti að vera ekta snuff
en var það ekki. Opnunaratriðið í Irreversible
(þegar einn er barinn með slökkvitæki í hausinn
og verður smá saman að kjötkássu) er enn greypt
í huga mér. En ég þurfti nú reyndar ekki
að fara upp í hjá mömmu og pabba eftir það,
svo eitthvað hef ég sjóast.
---
Við höfum gert merka uppgötvun í frístundatengdri
afþreyingu: Langholtsskólaleikvöllurinn er líklega
sá besti í bænum! Langholtsskóli er við
Holtaveg, við hliðina á KFUM heimilinu (þar sem GOÐ
var tekin upp) og stutt frá mótmælastað Helga Hós
(hvar er minnisvarðinn?). Þarna eru brjálaðar klifrugrindur,
geggjaðar rólur, snotur rennibraut , fót-, hand- og körfuboltavellir
og síðast en ekki síst þrjú trambólín
sem eru glæsilega hönnuð inn í leiksvæðið.
Ókeypis stuð fyrir alla fjölskylduna!
Á öðrum í páskum var ekkert að gera
nema nota tímann (ekki eyða honum) í eitthvað skemmtilegt.
Það var því ís í ísbúðinni
Ísland (skyrís með bláberjum að sjálfssögðu)
og svo í Hellisgerði í Hafnarfirði. Það
er mikið ævintýraland og gríðarlega flott svæði
sem málfundafélagið Magni stóð fyrir að
yrði komið upp árið 1923. Ég hef reyndar aldrei
séð þennan bonsaigarð sem er þarna á
sumrin. Í einu horni garðsins er Græna kaffihúsið
þar sem mátti fá súkkulaði/vöfflu-kombó
á 1000 kall. Í gær var svo gott veður að það
mátti borða úti. Snilld.
---
Alfa
Beta - Hún vill ekki sjá þig
Alfa Beta var stuðband skipað Ágústi Atlasyni
úr Ríó, Halldóri Olgeirssyni og Guðmundi
Hauk Jónssyni úr Roof Tops. Hann kenndi mér íslensku
í gaggó og ég man ekki annað eftir því
en að einu sinni rak hann mig til að þrífa Don Martin-legar
myndir sem ég hafði krotað á skólaborðið
og einu sinni hló hann að textanum í Æskuminningu
Fræbbblanna og fékk mörg rokkstig fyrir vikið. Bandið
gerði eina LP, sem hét því stuðlega nafni Velkomin
í gleðskapinn og var með gríðarlega töff
umslagi eins og sjá má hér að ofan. Umslagið
gefur reyndar í skyn að um sé að ræða rafpopp
en svo var því miður ekki heldur er um létt stuðpopp
að ræða alla leið. Eitt lagið er stílað
á Lennon/McCartney, en er líklegast bara samið af Palla
popp. Heitir I don’t want to see you again og var flutt af Peter &
Gordon. Paul samdi nokkur lög fyrir þennan dúett enda
að deita systur Peters, Jane Asher. Frægast þessara laga
er World without love. Jónas Friðrik gerði íslenska
textann fyrir Alfa Betu. ÁÁ Records gaf út 1976.
05.04.10
Ég vakna stundum með lag á heilanum. Í morgun
var það Ég pant spila á gítar með Ladda
og í gær Waiting on the World to Change með John Mayer.
Ég er með leim smekk þegar ég er sofandi.
---
Hvernig stofnar maður hóp á Facebook? Var nebblega
að spá í að stofna hópinn Ef 100.000 joina
þessa grúppu fara Davíð og Jón Ásgeir
í sleik í Kastljósi. Djöfull væri það
annars fínt, að þeir færu bara í sleik. Það
gæti verið svona táknræn hreinsun fyrir landið
og stemminguna. Báðir í hvítum kyrtlum. Eftir
innilegan sleik kæmu lærisveinar þeirra í halarófu,
líka í kyrtlum, og færu í bullandi sleik. Svona
meistarar eins og Hannes og Skafti öðru meginn, Bubbi og Ólafur
hinum megin og svo væri kelað á fullu í reykelsisylmi
undir
hugljúfri tónlist Friðriks Karlssonar. Svo myndu allir
útúrsleiktir og ljúfir á því lofa
að hætta nú þessum helvítis endalausu leiðindum
og sandkassaleik og fara að eyða tíma sínum og okkar
í eitthvað uppbyggilegt og skemmtilegt. Heldur þetta lið
annars að við séum fávitar? Auðvitað er sama
græðgisrassgatið undir báðum þessum "liðum"
og allt venjulegt fólk er löngu búið að fá
hundleið á "umræðunni". Hún er í stuttu
máli svona: "Þinn er rosa vondur og allt honum að kenna
- Ne hei, þinn er sko vondur og minn er góður" (endurtakist
eftir þörfum í ýmsum útgáfum). Þetta
eru eins og þroskaheftir hanar á haug. Hver ætlar að
reka þá inn í kofa? Hó! Hó! Svona drullisti
nú í kofann, heimsku hanar. Það er ekki svefnfriður
fyrir þessum andskota.
---
Tónlist sem maður hafði mjög gaman af á
einhverju tímaskeiði eldist annað hvort vel og heldur gildi
sínu eða úreldist og manni fer að finnast leiðinleg.
Það sem mér fannst gott og finnst enn gott er til dæmis:
Bítlarnir
Xtc
Wire
The Fall
The Birthday party
The Cardigans
St. Etienne
Það sem mér fannst gott en finnst slappt í dag
er t.d.:
Nick Cave - hrútleiðinlegt jesúvæl.
Garbage - galvaníseruð leiðindi.
The Pixies - Fékk óverdós.
Nirvana - Unglingabóluvæl.
---
Páskahumarinn rann ljúflega niður og eggið var
gott. Núggategg frá Nóa. Nú étur maður
ekki páskaegg í heilt ár en humar við fyrsta tækifæri.
Ég keypti lífrænt kaffi frá Bolívíu
í Café Haiti og það lyktar rosalega vel og smakkast
ekki síður. Næsta skref mitt í lífinu er
að drífa mig þangað og fá mér arabískt
kaffi. Ég fékk svoleiðis á Babel staðnum í
Berlín og ég er ekki frá því að ég
sé á góðir leið með að temja mér
djúpstæðan áhuga á arabísku kaffi.
Það er kryddað og unaðslega sterkt. Svo er sósa
í botninum þegar maður er búinn.
3.04.10
Að syngja á ensku ef maður er Íslendingur er
eins og að sjúga úldnar rottuleyfar upp úr klósettskál
með röri. Sem sé, vont. Því finnst mér
það mjög gott framtak hjá tónlistarkeppninni
Þorskastríði
að skylda keppendur til að gaula á íslensku. Harkalegt
já, en bara fínt að snúa aðeins upp á
handleggina á þessu lata liði. Poppsjárhyggja.
---
Mgmt
- Song for Dan Treacy
Af plötum ársins hef ég hlustað langsamlega
mest á Congratulations með Mgmt og dreg þá ályktun
að þetta sé langbesta plata ársins til þessa.
Á heimasíðunni þeirra
má nú sjá geðsjúkt myndband við flækjulagið
góða Flash Delirium og hlusta á alla plötuna þar
að auki. Þarna er ekki veikan blett að finna, hver melódíusnilldin
lekur inn á eftir annarri og fyrr en varir ertu kominn með þetta
á heilann. Fimm stjörnu meistaraverk með vísanir
í allar áttir. Til dæmis í þessu lagi,
öðru laginu á plötunni, eru yfirdrifin áhrif
frá ensku hljómsveitinni Television Personalities (wiki),
sem er náttúrlega engin furða því þetta
er óður til Dans Treacys, aðalmannsins í bandinu.
Bandið var í pönkinu með næfa og poppaða
pönkslagara eins og Part-time punks en fór síðan
yfir í ekta breskt popp með vísanir í breskan
sixtieskúltur og hafði mikil áhrif á marga sem
poppuðu um miðjan 9 áratuginn (C86-kynlóðina
og bönd eins og Half Man Half Biscuit og The Wedding Present). Dan
var/er í ruglinu: heróín, heimilisleysi og allur pakkinn.
Ágæta heimildarmynd
um Television Personalities má finna á Youtube - Hvað
er nú eiginlega ekki til þar? Það er ekkert voðalega
hátt risið á Dan ræfilinum í þessari
mynd, enda örugglega erfitt að dragast um með sænska
kvikmyndagerðamenn þegar maður er þunnur. Hér
er slagarinn Smashing time, sem kom út 1980 á þriðju
7" bandsins. Árið eftir kom fyrsta LPið, ...And Don't The
Kids Just Love It, en síðan hefur runnið
frá þeim.
Television
Personalites - Smashing time
02.04.10
Langt er síðan Föstudagurinn langi var eitthvað
langur. Nú er enginn að hugsa um Jesús á krossinum
og maður getur bara farið í sund eins og fínn maður.
Einu sinni var maður skyldaður til þrautar og pínu
í bullandi meðvirkni með krosslafa. Kannski af því
að þetta var svo rosalega leiðinlegur dagurinn man maður
eftir nokkrum liðnum Föstudögum löngum. Eins og t.d.
1. apríl 1988 þegar útvarpsstöðin Rót
sló upp tónleikum með Daisy hill puppy farm, Múzzólíní,
Ham, Yesminis pestis, Sogblettum og S. H. Draumi. Ég á þetta
á spólu:
S.H.Draumur
- Grænir frostpinnar (læf 01.04.88)
Mér heyrist það vera Pétur Magnússon
sem er þarna æpandi á lagið Mónakó
í drykkjurússi í lok lagsins. Skv. lagalista tókum
við ekki lagið sem hann var að æpa á, sem er hryllileg
framkoma sem ég biðst velvirðingar á. Hljómsveitir
sem vilja ekki spila vinsælustu lögin sín og pína
áhorfendur með einhverju nýju drasli sem enginn hefur
áhuga á ætti að flengja, eða grýta.
Bönd sem halda að þau séu eitthvað töff
með því að neita að spila lummurnar ættu
að bara að vera heima hjá sér ofan í kjallara.
Allt í lagi að blanda þessu aðeins saman. Ekki er
Paul McCartney spilandi eitthvað nýtt rusl! Nei! Hann tekur
sko lummurnar og brosir alla leiðina í bankann.
Myndin hér að ofan er tekin af Sigurði Mar Halldórssyni
og sýnir bandið í MH í feb 1988. Ég held
þetta sé uppáhaldsmyndin mín af bandinu. Við
Biggi höfum svona verið að nefna það við hvorn
annan að vera með nett kombakk, gefa dótið út
almennilega (safndiskurinn "Allt heila klabbið" frá 1993 er
ónýtur sándlega séð og umslagið í
fokki og þar að auki uppseldur síðan á síðustu
öld). Ég verð hreinlega að fara að hringja í
hann Steina gítarleikara (sem er skólastjóri Tónlistarskólans
á Egilsstöðum) og tékkáðí hvort
hann sé geim. Heildarútgáfan Goð+ og tónleikar
og svona.
Unun
- Föstudagurinn langi demó 1994
Aðeins seinna, 1.4.1994, sem var líka Föstudagurinn
langi, byrjaði Unun að taka upp plötuna æ í stúdíói
Gný með Eyþóri Arnalds. Og meira en það,
eitt lagið á plötunni heitir náttúrlega Föstudagurinn
langi. Þetta átti að vera svona lag sem alltaf væri
spilað þennan dag, eins og hæ hó jibbí jó
17. júní eða öll jólalögin, en það
hefur enginn kveikt á þessu ennþá. Í 16
ár hef ég aldrei heyrt þetta lag spilað á
Föstudaginn langa, sem er meiri áfellisdómur yfir aulahátt
útvarpsmanna en gæði þessa lags. Hér er heimademó
frá örlí Unun þegar bandið var nafnlaust en
hljómsveitarnafnið Zombie Duck er skrifað á kassettuna.
Kristín Jónsdóttir, fyrsta söngkona Ununar syngur.
Henni var svissað út fyrir Heiðu snemma í upptökuferlinu.
Kristín átti síðar átti eftir að syngja
í hljómsveitinni Múldýrið. Það
band gerði eina 7". Með henni þar voru engir smá tappar
heldur Einar Sonic úr Singapore Sling og Helgi Örn sem var
í Slinginu + Svavar Skakkamanage og KGB, aka Bob Justman.
---
Hvernig á að temja dreka er gríðargóð
teiknimynd í 3D sem fær bæði 4 stjörnur hjá
Dagbjarti og mér. Boðskapur og allt í henni - boðskapurinn
er: betra er að temja en drepa - og maður spyr sig hvort þetta
sé metafor: víkingarnir Bandaríkjamenn og drekarnir
múslímar? Og hver er þá vondasti stóri
drekinn? Allah sjálfur? Jónsi í SR á lag í
myndinni sem ég fattaði nú ekki fyrr en ég las
þetta.
Hafði bara hugsað, hmm, voða er þetta eitthvað Jónsalegt
atriði. Ég er að öllum líkindum fattlausasti
maður í heimi.
---
Þótt ég sé fattlaus voru 1. aprílgöbbin
fyrirsjáanleg. Flest var maður alveg viss um að væri
gabb. En maður var ekki viss með fréttina um að það
ætti að grafa Bobby Fischer upp. Ég beið bara eftir
því að þulurinn segði: Uppgreftrunin fer fram
kl. 14 í dag við Laugardælakirkju, ókeypis pulsur
fyrir fyrstu þúsund sem mæta. Hefði þetta
verið gabb, og reynt að fá bolinn til að fjölmenna
við uppgröft á líki, þá hefði það
verið nokkuð frumlegt gabb, verð ég að segja.
01.04.10
Ekkert 1. apríl gabb hér, bara helvítis hellingur
af nýrri íslenskri tónlist:
Benni
Hemm Hemm - Blood of my blood
Fimm laga EP Retaliate er úti í haga og Benni Hemm Hemm
eins og rófulaus hundur um allar koppagrundir að spilana. Hann
verður í Ketilhúsinu á Akureyri í kvöld
og í Norræna húsinu á laugardaginn. Nýja
platan er einfaldari en fyrri verk, útsetningarnar berstrípaðri,
og allt sungið á ensku enda Benni búinn að vera búsettur
í Skotlandi í næstum 2 ár. Benna
mæspeis.
Retro
Stefson - Mama Angola
Retro Stefson eru að taka upp enda heillangt síðan bandið
gerði Montana. Hér er það fyrsta sem sleppur úr
vinnubúðum Unnsteins og kó, en framundan er EP plata
í vor og ný LP í haust. Bandið og stóri
bróðir FM Belfast ætla að trylla lýðinn
í Nasa 16. apríl og kalla giggið Lausir endar.
Prins
Póló - Underwear Fm Belfasts
Prins Póló (aka Svavar í Skakkamanage) fer Niveasmurðum
höndum um einn smellinn af bestu plötu 2008. Með sendingunni
fylgdi fréttatilkynning:
FM Belfast og Retro Stefson leika lausum hölum og blása
til mikillar gleði á Nasa þann 16. apríl nk. kl.
23.30. Forsala aðgöngumiða er á midi.is og á
Karamba við Laugaveg. Miðaverð í forsölu er aðeins
1.600 kr. en hækkar sé keypt við innganginn. Síðast
þegar þessar sveitir leiddu saman hesta sína, þann
30. desember sl., var uppselt og stemmingin mögnuð og er
óhætt að segja að árinu hafi verið lokað
með stæl! Það er því ráð að
næla sér í miða á þessa frábæru
skemmtun sem fyrst og komast þannig hjá vandræðum
á tónleikakvöldi.
Báðar sveitir hafa verið við upptökur á
nýju efni síðustu vikur og verður nýtt efni
í bland við gamalt spilað inn í nóttina á
Nasa þetta kvöld.
FM Belfast hefur gert víðreist á þessu ári.
Spiluðu á Eurosonic hátíðinni í janúar
við mjög góðan orðstír. Í framhaldinu
var haldið í 3 vikna tónleikaferð um Evrópu
sem heppnaðist í alla staði mjög vel – eins og fjölmargir
dómar og myndbrot sem finna má á veraldarvefnum sanna.
Plata þeirra How to make friends kom út um alla Evrópu
og í Bandaríkjunum og hafa dómar sömuleiðis
verið góðir. Hljómssveitin er á leið í
aðra tónleikaferð um Evrópu í maí sem
stendur í 4 vikur einnig hefur sveitin nú verið bókuð
á annan tug tónlistarhátíða í sumar
m.a. á Hróarskelduhátíðina og Træna
í Noregi. FM Belfast mun því ekki leika á mörgum
tónleikum í Reykjavík á árinu sökum
anna erlendis. Upptökur standa yfir á nýju efni.
Útgáfa hins magnaða Prins Póló á
Underwear verður sett í spilun á næstu dögum.
Retro Stefson hafa undanfarnar vikur verið við æfingar
á nýju efni. Upptökur á nýrri plötu
hófust fyrir skömmu og er stefnt á EP útgáfu
á Íslandi í byrjun sumars og í Evrópu
skömmu síðar. Sveitin er þessa dagana læst
inni í Hljóðrita hjá Kidda Hjálm og ganga
upptökur vel. Nýtt lag Mama Angola kemur í spilun um
eða eftir helgina. Ný hljómplata er síðan
væntanleg með haustinu. Retro Stefson spilaði á tvennum
tónleikum með FM Belfast í Kaupmannahöfn og Osló
í byrjun mars og er skemmst frá því að segja
að þar, rétt eins og hér á Íslandi,
var sveitinni gríðarlega vel tekið.
Í maí fer Retro Stefson í minitúr um
Norðurlöndin en stefnan er tekin á lengri ferðalög
með haustinu.
Það er alltaf gleði og lausir halar þegar FM
Belfast og Retro Stefson spila á tónleikum!
Prins Póló Svavar er svo vitaskuld innsti koppur í
búri menningarsjoppunnar Havarí og sendi líka tilkynningu
þar að lútandi:
Fimmtudagur 1. apríl klukkan 16.00 (Skírdagur)
Tónlistarmaðurinn The Missing Leech frá Barcelona
hefur verið að leika
vítt og breitt um bæinn undanfarna daga og lýkur
víðreist sinni í
Havarí klukkan 16 á skírdag. Stormy Curves
hitar upp!
Laugardagur 3. apríl klukkan 16.00
Benni Hemm Hemm er í páskafríi á Íslandi
en það er nú ekki mikið frí
sem strákurinn fær því hann er með
tónleika á Akureyri og í Reykjavík.
Tilefnið er útgáfa á EP hljómplötunni
Retaliate sem er að detta í
hillurnar í Havarí í þessum töluðu
orðum. Benni heldur tónleika í
Havarí klukkan 16.00 á laugardaginn.
Veggspjald
vikunnar
heldur afram samkvæmt almanaki en hingað til hafa
sex frábærir listamenn sýnt veggspjöld
á standinum góða. Á
fimmtudaginn frumsýnum við veggspjald eftir Lóu
Hjálmtýsdóttur
teiknara og söngkonu í FM Belfast!
Að lokum minnum við á ALSÆLU,
veggspjaldasýningu Hugins Arasonar og
Unnars Auðarsonar, sem senn lýkur.
Frítt er inn á alla viðburði í Havarí
og allt friðelskandi fólk ávallt
hjartanlega velkomið án endurgjalds.
Sóley
- Theater Island
Freyr Bjarna skrifaði um Sóleyju og hina ágætu
6 laga plötu hennar í Fbl á dögunum: Sóley
Stefánsdóttir úr hljómsveitinni Seabear hefur
gefið út sólóplötuna Theater Island hjá
undirfyrirtæki Morr Music. Hún hefur aldrei spilað lögin
sín opinberlega.
„Þetta er ágætis byrjun, það besta
sem maður getur hugsað sér," segir Sóley. Hún
gefur á næstunni út EP-plötuna Theater Island
á vegum Sound of a Handshake, sem er undirfyrirtæki þýsku
útgáfunnar Morr Music sem Seabear er einmitt á mála
hjá. Þegar hafa komið út tvær plötur
með Benna Hemm Hemm hjá Sound of a Handshake.
Sóley hefur aldrei spilað lögin sín á
tónleikum, hvorki heima né erlendis, og því
er um óskabyrjun að ræða fyrir þessa efnilegu
tónlistarkonu. „Thomas Morr, sem er með Morr, hafði samband
við mig í október og spurði hvort ég væri
með lög. Ég sendi honum eitthvað. Svo í nóvember,
desember og janúar var ég allt í einu búin
að mixa og mastera EP-plötu," segir Sóley.
„Þetta var ótrúlega skrýtið og fyndið
ferli sem gerðist allt í einu. Ég hafði aldrei pælt
í að ég myndi gera eitthvað við það
sem ég var búin að taka upp." Tónlistin er að
sögn Sóleyjar píanóskotin en með lágstemmdum
poppáhrifum og er nokkuð frábrugðin því
sem Seabear hefur sent frá sér.
Stefnt er að því að platan, sem hefur að
geyma sex lög, verði tilbúin 5. mars þegar útgáfutónleikar
Seabear verða haldnir í Berlín í tilefni af plötunni
We Built A Fire. Þar ætlar Sóley að sjá um
upphitun rétt eins og á þriggja vikna tónleikaferð
Seabear um Bandaríkin sem hefst 17. mars. Einnig hitar hún
upp á þriggja vikna Evróputúr Seabear sem hefst
í maí.
Hún viðurkennir að það sé smá
skjálfti í sér, enda hefur hún aldrei flutt
lögin ein á sviði áður. „Ég er alveg
ógeðslega stressuð en maður verður bara að sjá
hvað gerist. Ég hef alveg komið fram ein síðan
ég var lítil og ég hef reynslu í að koma
fram en þetta er samt stökkpallur, að fara og vera ein uppi
á sviði. Ég get ekkert gert neitt í því
meira en að vera bara bjartsýn og jákvæð."
Sóley, sem lýkur námi í tónsmíðum
í Listaháskóla Íslands í vor, ætlar
síðan að byrja á sólóplötu í
fullri lengd í sumar eftir að tónleikaferð Seabear
um Evrópu lýkur. Sóley er svo á Myspace.
Ummi
- Svefnleysi
Sólstrandagæjarnir var nú ekki talin mjög
góð hljómsveit þegar hún var að ærslast
í kringum 1995. Þetta gæti þurft að endurskoða
því Jónas Sigurðsson gerði góða
hluti á sólóplötu fyrir nokkrum árum,
og nú hefur hinn gæinn, Ummi, kveðir sér hljóðs
með sólóplötunni Ummi. Þetta er soft kassagítarknúið
íslenskt popp, smá Megas og Bjartmar plús útlent
kántrí. Tónlistin, sem er ljómandi fín,
vekur þó eflaust mun minni athygli en umbúðirnar,
lögin þrettán koma innpökkuð í einum
rosalegasta pakka sem sést hefur. Þetta er eins og útgáfa
á heildarverkum Wagners frá 1980. Í kassanum er LP
plata með 10 lögum, CD með 3 og svo allt saman á tréminniskubbi.
Ummi, sem býr í London, er í tæknibrellutölvubransanum
og á því blessunarlega eitthvað afgangs til að
spreða í svona stórkostlega pakka. Ummi er hér.
---
Síðasti Bakþankinn í bili (af því
ég er kominn í langt leyfi til að gera annað en að
vinna á Fbl) heitir Þegar
þjóðir sturlast og fer út á þann
þunna ís að draga nasista inn í umræðuna.
---
Jonni pönk er alveg að
verða brjálaður á blogginu sínu sem er vitaskuld
vinsælasta blogg landsins. Mörg gullkornin velta frá
meistaranum, til að mynda: Hvar í heiminum haldið þið
að girða þurfi hraunstraum, svo að fólk hlaupi
ekki út í hann? Það er auðvitað hjá
þjóð, sem að mestu er skipuð fávitum. Þó
verð ég að setja varnagla við færslu Jónasar
um fávita Suðurnesja. Eingöngu þó þessa
línu: Suðurnes eru Dharavi Íslands, botninn á
tilverunni. Þar var hermangið og þar var rokkið.Það
er akkúrat ekkert sem gerir háklassa rokkista að fávitum.
Ég held að Jónas hafi ætlað að segja rokið
en ekki rokkið. Ef eitthvað er sem Suðurnesjamenn ættu
að vera stoltir að er það auðvitað að hafa
hýst vöggu rokkmenningar á Íslandi.
---
Ég sá þessa plötu til sölu á markaðinum
í Berlín og sé dáldið eftir því
að hafa ekki keypt hana. Umslagið er óneitanlega mjög
geðveikt. Þetta er ungverska hljómsveitin Omega með
plötuna 8 frá árinu 1978. Maður þarf að
tékka betur á þessari hljómsveit! Séu
karlar í kvenlegum fötum þitt áhugamál
mæli ég sterklega með þessu
atriði með Change frá 1975 (bíða þarf
í eina mínútu á meðan Sigga Beinteins kynnir).
Lagið er Casanova Jones og hefði verið á annarri plötu
Change, hefði hún komið út. Menn sýna heldur
betur snilldarleg tilþrif og má benda sérstaklega á
fagleg dansspor Bós og Jóa Helga á 2:32 mínútu.
Svo ekki sé nú minnst á leikhæfileika Tomma
Tomm.
31.03.10
Klósett í Berlín eru undarlega há. Maður
þarf að tilla sér á tá til að halda
jafnvægi. Klósettpappír er líka undantekningalaust
harður. Rúmið í hinu ágæta og vel staðsetta
Winter's hóteli var einnig glerhart. Gaman að þessu. Mikil
harka í öllu þarna og stundvísi og almennilegheit.
Berlín er stórborg. Á Friedrichstrasse á morgnanna
var ekki ósvipað og í New York. Ys og þys og metropólískt.
En svo eru allskonar öðruvísi hverfi með annars konar
fílingi. Fórum um Kastanienallée sem er ekki ósvipað
og að vera á Notting Hill í London, nema flottara. Svona
Skólavörðustígur, bara meira kúl og minna
um uppstoppaða lunda. Ég var endalaust að reyna að fatta
í hvaða átt ég væri að fara í
borginni. Einu sinni villtumst við í sporvagni og fórum
djúpt inn Friedrichshain, sem er svaka A-Þýskt hverfi
þar sem risablokkir standa mannlausar og grotnandi. Berlín
er fín borg - örugglega gaman að búa þarna
- en ekkert svaka fínt er að það sé ekki 2007
ennþá og evran á 80 kall. En jæja. Fokk þatt
sjitt, eins og gamla konan sagði.
---
Við átumá
nokkrum frábærum stöðum, ég drakk
nokkra lélega gosdrykki. Og ég keypti ekki nema 2 LP plötur
í ferðinni á hinum risavaxna Mauerpark-markaði, mæli
eindregið með honum. Eins og Kolaportið á sterum. Fórum
á DDR-museum,
á hinar ógnvekjandi nasistaslóðir Topography
of terror, keypti bol með mynd af Trabant, drakk ekki svo fáa
Starbucks-kaffi (af því ég er vestrænn fáviti)
og þú veist, gerði þetta vanalega sem maður
gerir í örstuttri helgarferð. Étur ógeðslega
mikið og eyðir peningum sem maður á ekki.
---
Svo er maður svo geðveikur að maður fer á netið
til að tékka á gamla landinu. Les eitthvað endalaust
þus og þras um að Jón Ásgeir sé Satan
og Davíð Oddsson sé Guð, eða öfugt, eða
ekkert, og bla bla og ví ví. Ég held ég verði
að fara að láta aflúsa mig til að hætta
að eltast við "umræðuna". Dáldið fyndið
svo að lesa fyrirsögn eins og "Enginn Íslendingur meðal
látinna í Rússlandi" - eins og tölfræðilega
séð væri það einhver svaka möguleiki. Afhverju
ekki bara "Tveir létust í bílslysi í Basel,
hvorugur þeirra Íslendingur". Ég veit ekki hvort þessi
svívirðilega örþjóðaminnimáttarkennd
sé krúttleg eða ógeðsleg - kannski bara ógeðslega
krúttleg. Það má alltaf lesa úr svona: Æ
þetta er ekkert merkilegt fyrst enginn Íslendingur drapst,
áfram með smjörið...
---
Þotan fór yfir gosið. Sá þetta í
nóttinni í bakaleiðinni. Eins og arinn í myrkrinu
langt fyrir neðan. Það verður nú að viðurkennast
að það er drullukúl að geta boðið upp
á eldgos í aðflugi. Ég gæti alveg hugsað
mér að skreppa og skoða þetta en manni sýnist
einhver geðveik túristageðveiki vera í gangi þarna.
Manni óar við þessu. Vona bara að Þórsmörk
beri ekki skaða af troðningi.
---
Fischer
Z - Berlin
Eins og ég segi þá keypti ég bara 2 LP plötur
í þessari ferð. Fann þessa á 2 evrur í
kössum staðsettum nálægt drullupolli á Mauerpark
markaðinum. Fischer
Z var frekar metnaðarfullt nýbylgjuband með skrækum
söngvara og ég hef nostalgíu til þeirra því
ég átti fyrstu plötuna með þeim í gamla
daga. Markmiðið var að eignast fyrstu 3 plöturnar með
þeim og þetta er sú þriðja, frá 1981.
Dúndurgrís að fyrsta lagið á plötunni
skuli einmitt heita Berlín.
The
Nits - Young reporter
Hollensk nýbylgjuhljómsveit sem ég kynntist ekki
fyrr en í fyrra hjá Bubba á Akureyri sem seldi mér
plötu frá 1980. Í kassa hjá manni með flokkað
úrval (þá má alltaf búast við að
það sé dýrara) fann ég þessa plötu
með
The Nits frá
því 1979 og það er sami ferski nýbylgjutónninn
í henni eins og hinni. Kostaði 6 Evrur. |