03.07.07
Ég er ljómandi glaður með þá ákvörðun
mína að lesa Moby Dick í sumar. Hló upphátt
og allt í kaflanum þegar Ismael hitti tattúveraða
villimanninn Queequeg í fyrsta skipti.
---
Ljóst er eftir síðasta Lost þáttinn
í bili sem sýndur var í gær að þeir
munu ekki eiga í miklum erfiðleikum með að þvæla
þessu fram og til baka í 3 seríur í viðbót.
Ég mun sitja límdur við skjáinn. Skv. Lostpedíu
hefjast sýningar ekki á ný í USA fyrr en e-h
tímann næsta vor. Ætli við fáum nokkuð
fyrr en í september 08 eða svo?
01.07.07
Í toppstuði með Topp 5imm:
Lada
sport - Tango in the valley of death: Fyrsta plata Lödu sport,
Time and Tme again, er "handan við hornið" og á skilið
góða athygli enda gríðar metnarfull, þrælsprengd
og erlendis. Strákarnir setja stefnuna á klósettrúntinn
og ættu að ná langt ef súpersmellurinn "The world
is a place for kids going far" kemst í Grey's Anatomy og auglýsingu
fyrir strigaskó.
Ljótu
hálfvitarnir - Bjór, meiri bjór: Ljótu
hálfvitarnir gera nú "allt vitlaust" með grínþjóðlagapoppi
og almennri gleði. Þeir eru hluti af "út-á-landi"-bylgjunni
og þar í liði með Hvanndalsbræðrum, Helga
og Hljóðfæraleikurunum, Hundi í óskilum
og fleiri höfðingjum. Sonur hafsins hefur þegar riðið
röftum á "öldum ljósvakans" en nú er komið
að bjór, meiri bjór. Skil reyndar ekki bragðlauka
sem vaxa í kringum bjór - bölvað leiðindasull
- þá er nú rótarbjór betri. Hér
glittir í pönkið sem liggur til grundvallar.
Calvin
Harris - Acceptable in the 80's: 23 ára Skoti frá
Dumfries með dúndursmell um það sem var ásættanlegt
in ðe eitís. Það er reyndar ekki talið upp í
textanum. Láttu hugann reika með grúvandi 80's-"skotnu"
stuðinu.
The
Broken west - Down in the valley: Frá Los Angeles og spila
kraftpopp með kántríáhrifum, minna mig á
bland af The Byrds og Teenage Fanclub. Þetta lag er helsti hittarinn
sófar og var spilað í Grey's anatomy!
Eilert
Pilarm - Megamix: Megamix með sænska Elvisnum! Það
er varla þverfótað fyrir Elvis-eftirhermum í heiminum,
en fáir eru jafn einstakir og Eilert
Pilarm. Fyrir það fyrsta gæti hann varla verið
ólíkari Elvis Presley (sjá mynd). Hann hljómar
ekkert eins og Kóngurinn og ber lítið skinbragð á
melódíu, takt og enskan textaframburð.
Eilert er fæddur árið 1953 og hefur átt við
geðklofa að stríða. Hluti af sjúkdómnum
var skefjalaus áhugi á Elvis Presley. Sjúkdómurinn
háir honum þó ekki í dag. Hann fór snemma
að syngja lög kóngsins á karókíbörum
og í samkvæmum. Árið 1992 gaf hann sjálfur
út fyrstu kasettuna sína sem hann kallaði Elvis 1, en
síðan komu Elvis 2 og Elvis 3 kasetturnar. Þessar spólur
vöktu það mikla athygli að því besta á
þeim var safnað á disk árið 1996 og honum gefið
nafnið Greatest hits. Diskurinn EILERT IS BACK kom tveimur árum
síðan og svo hafa komið út fleiri diskar, þar
á meðal jóladiskur. Eilert er svokallaður kynlegur
kvistur og nýtur mikillar lýðhylli í Svíþjóð,
þó sumum finnist auðvitað ekki rétt að
hlæja að "svona fólki" - þeir sem hafa vit vita
þó að það er enginn að hlæja að
Eilert heldur með honum.. Eilert heldur oft tónleika
þar sem gífurlegt stuð ríkir og hann hefur komið
fram í auglýsingum.
Þá hefur Eilert vakið alþjóðlega athygli
fyrir að vera ein skrítnasta Elvis-eftirherman fyrr og síðar
og það er kafli um hann í biblíu "outsider tónlistarinnar",
Songs
in the key of Z eftir Irwin Chusid.
Eilert vann framan af við skógarhögg, en hefur unnið
ýmsa verkamannavinnu síðan. Hann sér nú
um hreinlætisstörf í pappírsverksmiðju auk
þess að sinna list sinni. Eilert lét drauminn rætast
árið 1995 og skellti sér til Ameríku og til Gracelands.
Þar tók hann lagið í nálægu hóteli
og kóngurinn hefur eflaust velt sér um í gröfinni
af einskærri gleði. Húrra fyrir Eilerti!
---
Vesenið með afrísku flóttamennina sem íslenski
skipstjórinn bjargaði í Miðjarðarhafi beinir
sjónum að ömurlegheitunum. Mávarnir í tjörninni
eru í svipuðum flokki á Íslandi og afrískir
flóttamenn á Möltu. Greinilega talið álíka
geðveikt að henda brauði í máv og að bjarga
flóttamönnum á reki.
---
John Waters er snillingur þótt síðasta myndin
hans hafi verið algjört rusl. Ég sá plaggat í
gær í Háskólabíói að Hairspray
er að koma út aftur með nýjum leikurum. Eflaust útþynntari
versjón. Þetta er jú mynd byggð á söngleik
sem er byggð á mynd frá 1988 (sem er snilld). John hafði
víst fullt með þessa nýja versjón að
gera svo kannski er þetta ekki svo slæmt. Það sem
vekur kannski mesta athygli er að John vísindakirkjuklikkhaus
Travolta leikur hlutverkið sem Devine lék í gömlu
myndinni. Þegar ég var sem spenntastur fyrir John Waters reyndi
ég að safna yfirvaraskeggi eins og hann sem tókst náttúrlega
aldrei, enda er ég með svo gróft skegg. Ég fattaði
ekki að hann væri hommi fyrr en löngu seinna, því
eins og ég hef áður bent á voru hommar ekki til
in ðe eitís. Á þessum tíma (1986-90 sirka)
var Páll Óskar að vinna í Aðalvideóleigunni
og aldrei datt mér heldur í hug að hann væru hommi.
Ég var búinn að fá mér ruslmyndabiblíuna
Incredible Strange Films og keypti bútleggspólur af myndunum
þar frá einhverjum gaur í Svíþjóð.
Svo bar maður myndir eftir Waters, örlí splattermyndir
Herschells
Gordon Lewis og brjóstabombur Russ
Mayers í Palla í videóleigunni og hann hefur ekki
verið samur maður síðan. Sjálfur nenni ég
varla að glápa á svona stöff lengur og sá
rómantíska gamanmynd með Hugh þarna mellutott í
gær.
---
Einar B er með dúndurgott skræpótt hettupeysu-mp3blogg
héééérrrrrrr.
Kannski maður ætti að fá sér skræpótta
hettupeysu í Nakta apanum? Nei nei.
30.06.07
Illugi Jökulsson á setningu dagsins í blöðunum:
Þetta var HUNDUR, for crying out loud! Bjánahrollsvekjandi
þessi dýrkun á gæludýrum (af barnalandi:
"byð alla hér að sameinast í bæn núna
kl 00.08 og byðja algóðan guð að styrkja fjölskyldu
Lúkasar á þessum erfiðu tímum.") Fór
fólkið kannski að éta hamborgara þegar það
var búið að gráta úr sér augun út
af hundinum sem hrottarnir drápu?
---
Allir vilja vera góðir og það er um að gera
að gera sér mat úr því. Nú kolefnisjafna
allir á sér snudduna og stundum finn ég hjá
mér löngun til að kaupa frjáls hænuegg. Sé
þá fyrir mér hamingjusama hænu sem verpir miklu
hollari eggjum en þrælahænur í búrum. Næst
kemur örugglega hamingjubeikon af svínum sem haldið er
hamingjusömum með gæða úrgangi og rjómanuddi
þar til þeim er slátrað (á unaðslegan
hátt auðvitað) og kannski unaðsborgarar af beljum sem
fá toppummönnun og þjónustu þar til þær
lenda í hakkavél hamingjunnar. Já og svo má
náttúrlega bara gerast grænmetisæta ef manni
þykir svona voðalega vænt um dýrin.
---
Í gær komst ég að því að ég
á einkabaðströnd við Ægissíðuna. Við
feðgar óðum í helköldu vatninu sem vandist á
endanum. Næst er að mæta í sundskýlu og synda
út á haf. Hvílík blíða! Hvílíkt
sumarstuð!
---
Skemmtiþáttur í dag að vanda. Jón Þór
Lada
Sport og Eddi ljóti hálfviti standa vonandi fyrir hnífjöfnum
sólópunkti.
Ljótu
hálfvitarnir halda útgáfutónleika í
kvöld í Borgarleikhúsinu og svo var ég beðinn
um að koma á framfæri auglýsingu fyrir bjargvættina
í
Saving Iceland sem
halda stórtónleika á Nasa á mánudagskvöldið.
Ekkert smá lænöpp þar: Múm, Ólöf
Arnalds, Bogomil Font og félagar, Magga Stína, Rúnar
Júl, Ellen Eyþórs, Mr. Silla og Mongoose, Bloodgroup,
Evil Madness, Skátar, Ljótu Hálfvitarnir, Retro Stefsson,
Strakovsky Horo, Dj Árni Sveins, Reykjavík!, Dimma, Velvet
Ego, Captain Tobias Hume - allt þetta á 2500 kall. Talandi
um auglýsingu þá má geta þess að Rafskinna
er loksins komin út og er með útgáfupartí
á Sirkus í dag kl. 18. Í gamla daga (fiftís,
sixtís) var Rafskinna nafn á rafknúnu auglýsingaskilti
í glugga í Austurstræti sem frumkvöðlar á
sviði auglýsingateikninga komu að. Held ég.
29.06.07
Að hlusta á fréttir er oftast eins og að vera
staddur í eilífðarvél: 33 sprengdir í Írak,
dómur kveðinn upp í Baugsmálinu en flóttalegi
saksóknarinn ætlar að vísa dómnum til hæstaréttar.
Eilífðarvél sem maður sofnar í.
---
Sól og sumar á skerinu þýðir að
maður hreinlega verður að njóta þess því
þetta er svo sjaldgæft. Það er sól og logn
og ekki sandrok og leiðindi svo ég verð að sjúga
í mig sólina. Hugsar fólk. Lítið verður
úr verki. Maður hugsar: Hvernig gerist eiginlega hlutirnir í
heitu löndunum þar sem alltaf er sól? Nennir einhver
að gera eitthvað þar?
---
Þessi síða er áfangastaður langflestra
sem koma "á mig". Fylgisíður þessarar síðu
er þó nokkrar og mismikið í gangi þar. Hlekki
á síðurnar má sjá á forsíðunni.
Síðurnar eru:
Listrænn ferill
(helstu listrænu afrek sett inn þegar þarf.)
Listrænn ferill
á ensku (dittó.)
Sund / Fjöll
(rýni á fjöll sem ég hef gengið og sundlaugar
sem ég hef legið í. Vonandi bætist eitthvað
við þennan lista í sumar).
Í útvarpinu
(hlekkir á þá útvarpsþætti sem ég
hef verið með síðustu árin. Nú erða
Skemmtiþátturinn. Ég er með smá
síðu um hann en aðalsíðan er þessi
hjá Rúv.)
Ritstörf
(útgefin verk, teiknimyndasögur og blaðagreinar. Nýjir
Bakþankar úr Fbl vikulega.)
Erðanúmúsik
(útgáfulisti rassvasafyrirtækisins míns. Síðasta
uppfærsla 2001, en kannski kemur meira?)
Giggógrafían
(listi yfir spilaða tónleika í gegnum árin. Lítið
að gerast þar þessa dagana.)
Popppunktur (listi yfir
úrslit í Popppunktsleikjum á Skjá einum. Lítið
nýtt þar auðvitað, en hver veit? Náttúrlega
komin fullt af nýjum böndum og svona...)
Gos (rýni
á gos. Þrjár nýjar tegundir rýndar á
síðustu dögum og mikið starf fyrir höndum því
gostegundir skipta þúsundum.)
Veitingahúsagagnrýni
(Skammarlega lítið í gangi hér, en stendur til
bóta. T.d. er kominn massífur og ódýr fiskihlaðborðastaður
í Grandagarði, Sjávarbarinn,
beint á ská á móti designsjoppunni Saltfélagið.)
Menningarafurðir
(rýni á séðar myndir og lesnar bækur. Mismikið
í gangi hér, en alltaf eitthvað.)
Skemmtilegir hlekkir
(skemmtilegir hlekkir)
Gæti ekki verið einfaldara.
---
Ég nenni ekki að kynna mér rss eða koma því
upp hér á síðunni svo kannski kemst ég
ekki inn á blogghauga eins og mikki
vefur eða blogg gáttin.
Einhverra hluta vegna er ég þó með á rss.molum.
Lesendur eiga að geta gengið að glænýju bloggi
daglega svo skítt með haugana.
---
Ég ætla ekki á Jethro
Tull, Toto, Cannibal
corpse , Kim Larsen,
Norah
Jones eða Chris Cornell.
Iceland
Airwaves lítur þó hrottalega vel út og hneyksli
ef maður drullast ekki á það. Og auðvitað
fer maður á
Simpsonsmyndina
(frumsýnd 27.07 á Íslandi skv. Miða).
28.06.07
Tveir ógæfumenn migu sælir hlið við hlið
á vegg fyrir framan hús á Hofsvallagötu í
gær. Ég hugsaði: Mikið er gott að enginn smákrakki
á hér leið hjá á leið heim úr
skólanum því þessir myndu örugglega míga
á hann. Svo hugsaði ég: Mikið er maður orðinn
meðvitaður eitthvað og miðaldra.
---
Einu sinni heyrði ég af einhverjum fræðingi sem
skrifaði mikla fræðiritgerð um hinar ýmsu mosategundir
á kirkjugarðsveggnum við Suðurgötu. Ég held
fátt slái þá lesningu út í leiðindum
nema hugsanlega bókmenntaafrek Les
Stewart sem vélritaði einn upp í eina milljón
á 16 árum og setti heimsmet í leiðinni. Heimsmet
í leiðindum.
---
Nei sko, jólin koma snemma í ár: Mengellan
er upprisin.
27.06.07
Tilkynning um næsta Skemmtiþátt:
Það verður dæmalaust dúndurstuð í
Skemmtiþætti Doktors Gunna á laugardaginn. Í
æsispennandi sólópunkti keppa Jón Þór
úr hljómsveitinni Lada
Sport og Eddi úr Ljótu
hálfvitunum. Lada Sport spilar vandað nútímarokk
og gefa út fyrstu plötuna sína þann 9. júlí.
Hún heitir Time and Time Again og Geimsteinn gefur út. Ljótu
hálfvitarnir eru hressir hálfvitar á uppleið og
hafa notið mikilla vinsælda með laginu Sonur hafsins sem
sigraði sjómannalagakeppni Rásar 2 á dögunum.
Fyrsta platan þeirra er komin út hjá Senu. Auk Sólópunkts
verða fastir liðir í þættinum, klikkaðasta
lagið, topp 10 og óskalögin, sem að þessu sinni
eru óskalög íssölufólks. Og svo auðvitað
frábær tónlist! Skemmtiþáttur Dr. Gunna
er hér á Rás 2 strax á eftir fjögur fréttum
á laugardaginn.
---
Ísbúðarfólk verður í sviðsljósinu
og velur óskalög í næsta þætti, enda
hápunkturinn í íssölu yfirstandandi. Það
mun hafa verið 3. júní árið 1954 sem fyrsta
ísbúð landsins opnaði sem var Dairy Queen í
Hjarðarhaga. Því miður hefur þessari búð
verið lokað fyrir nokkru. Þarna kom síðan sjoppa
og pízzastaður en nú er líka búið að
loka því enda varða orðið gífurlega slísí
undir lokin. Það hefur verið mikil framsýni að
opna Dairy Queen
hérna í fásinninu árið 1954 og væntanlega
verið biðraðir út á götu. Ekki er svo gífurleg
samkeppni í góðum ísstöðum í Rvk.
Best finnst mér Ísbúðin
í Álfheimum, en þar finnst mér best að fá
mér Peanut butter smoothies. Sá líkist Peanut butter
banana shake-num í Ed's
easy diner í London, nema hvar þar má fá
sékinn "maltaðan" sem er dúnduræðisnilld. Ég
held að Ísbúðin Álfheimum sé með
útibú í Kringlunni, en þar má líka
fá boozt, m.a. geggjaðan skyrboozt með hunangi. Ekki skammt
undan í gæðum er Ísbúðin í Úlfarfells
(Hagamel), en þar er boðið upp á "gamla ísinn"
sem líkist Brynjuís á Akureyri, en er samt ekki alveg
eins. Fín ísbúð þar. Á Akureyri er
Brynja sem er geðveik snilld og furðulegt að ekki hafi verið
opnað útibú í Rvk. Ben
og Jerry's er svo gríðarleg snilld og nú er búið
að opna ísbúð hérlendis í þeirra
nafni. Fyrst var hún í Smáralind, sem virðist
ekki hafa gengið því nú er búðin komin
í Kringluna. Svo má fá B&J-dósir í
flestum búðum. Ben og Jerry's er þó svo yfirgengilega
góður (og dáldið dýr) að maður leyfir
sér ekki að éta hann nema við hátíðleg
tækifæri. Ég er svo ekki að skilja fössið
með margan annan ís, t.d. Häagen-Dazs og venjulegur Kjör-
eða Emmess í brauðformi er ekki að gera mikið fyrir
mig. Hér er ís-listi
af Wiki ef menn vilja reyna að komplítera á sér
ísinn.
26.06.07
Magnað að "Lagið um Keikó" sé enn í
barnamyndbandabanka Rúv. Dagbjartur skildi ekkert hvað var í
gangi þegar þetta skall á áðan, einhver hvalur
í flugvél og önnur stórundarleg sýra úr
flippaðasta augnabliki íslandssögunnar.
25.06.07
Ekkert svo æðislega frábærlega margir "skemmtistaðir"
eru í boði fyrir fjölskylduplebba eins og okkur þar
sem hægt er að drepa tímann á sunnudegi. Innan
borgarmarkanna er það beisiklí Húsadýragarðurinn,
Árbæjasafn og núna Viðey, sem ég gef eflaust
tækifæri aftur þrátt fyrir stórbömmer
í síðustu ferð. Það eru víst komnir
einhverjir vindbílar þar og stöff. Fínt var í
Árbæjarsafni í gær í góða veðrinu.
Þarna eru skólakrakkar í sumarvinnu klæddir í
eldgömul föt sem eru þung, efnismikil og eflaust óþægileg.
Ágætt er að skokka þarna á milli og glápa
inn í fornaldarhús. Allir voru smávaxnir í
gamla daga og öll rúm eins og fyrir dúkkur. Ég
þarf að ganga þarna um í keng til að rota mig
ekki á næsta hurðarkarmi. Diskó/pönk-sýningin
er ennþá og mikið stuð. Við feðgarnir dönsuðum
eins og ólmir á gamla Hollywoodljósagólfinu.
Aldrei dansaði ég þar í gamla daga og fór
eiginlega aldrei í Hollí fyrr en eitthvað sirka 1986
þegar þetta var hætt að vera diskópleis (enda
diskóið löngu búið). Svo má fá
gamaldags kaffihúsakruðerí þarna í Duus-húsi
sem er ekkert svo dýrt. Árbæjarsafn fær fullt
hús stiga.
---
Byrjun á skáldsögu (í boði Einars Kárasonar):
Vegabréfahliðið í Leifsstöð. Miðaldra
maður kemur gangandi og leggur snjáð vegabréf á
skenkinn. Nafn: Geirfinnur Einarsson.
---
Strákarnir í Reykjavík! sáu Mika koma hlaupandi
af sviðinu og æla í ruslatunnu eftir gigg. Þessi
poppmoli var í boði Lífstykkjabúðarinnar.
24.06.07
Nú er til sölu gamla íbúðin mín
á Óðinsgötu
18b. Uppsett verð er 13.8 millur, ég keypti íbúðina
árið 1990 á 3.2 millur og seldi árið 2000
á 5.8 millur. Glæsileg þróun í fasteignaverði,
takk Framsókn. Þarna voru ýmis glæsileg partý
haldin og alveg ágætt að búa. Við hliðina
bjó blússandi fíkniefna- og brennivínskarl
um sjötugt og oft stóðu þar yfir útigangsmannasamkvæmi.
Ég fann þó merkilega lítið fyrir þessu
og eiginlega ekki fyrr en karlinn andaðist. Þá kom þarna
ógæfumaður oft á dag og barði allt utan vikum
saman. Ég margsagði honum að "xxx væri dauður!!!"
og var farinn að öskra á hann fyrir rest, enda var karlinn
að koma að banka allt utan um nætur og stundum bankaði
hann líka hjá mér. Seinna heyrði ég að
xxx hefði skuldað ógæfumanninum pening sem útskýrði
þrjóskuna. Ágætis íbúð fyrir
einstæðinga eða par í sínu fyrsta húsnæði.
Alveg í miðbænum og stutt í stuðið. Leigubílakostnaður
enginn og fínir nágrannar, síðast þegar
ég vissi.
---
Klikkaðasta lagið í þættinum í gær
var með Shooby Taylor. Sækja
má lög meistarans á síðuna og ég mæli
með meistaraverkinu Lift Every Voice and Sing.
---
Hin ágæta síða Panama
birtir nú nærmynd af mér. Þar má líka
lesa um uppáhaldsbíómyndir Sigurjóns Kjartanssonar
og fleira skemmtilegt.
23.06.07
Þessi Topp fimm ber undirtitilinn Plöturnar hans Steina.
Steini spilaði á gítar í S.H.Draumi og líka
í Dordinglum, Geðfró og Beri-Beri. Hann bjó í
foreldrahúsum lengst upp á Álfhólsvegi. Við
höfðum mikil samskipti framan af en lítil eftir að
hann stofnaði fjölskyldu snemma í lífinu og hætti
að dandalast í hljómsveitarugli. Hann er í dag
skólastjóri á Egilsstöðum. Heilinn á
manni er skrýtinn. Þó ég væri pyntaður
gæti ég ekki munað hvað ég gerði á
mánudaginn fyrir þrem vikum, en ég man skýrt
og greinilega eftir nokkrum plötum sem Steini átti í
fornöld. Ég hef örugglega fengið þær lánaðar
og tekið upp á kasettur.
The
Cure - All cats are grey: Plata Cure, Faith frá 1981, er
held ég almennt ekki talin til meistaraverka Roberts Smiths og félaga,
en einu sinni fannst mér þetta samt lang besta plata í
heimi. Hún er gífurlega drungaleg, hæg og sorgleg,
grá í gegn, kostir sem hafa líklega rímað
ágætlega við unglinginn í manni á þessum
tíma. Ég hafði ekki hlustað á þetta
lengi þegar þetta lag kom úr hátölurunum
áður en Air stigu á svið í höllinni á
þriðjudaginn. Það kom auðvitað ánægjuleg
músik-minning yfir mig og voila.
Madness
- Nightboat to Cairo: Skabylgjan hitti í mark þrátt
fyrir að vera glaðlegri en flest annað sem maður var að
spá í. Kannski var maður ekki svo unglingaþunglyndur
eftir allt saman. Þetta var meira að segja svo mikil stuðmúsik
að það er ekki laust við að maður hafi æft
sporin sem maður sá skaböndin viðhafa í myndböndum
og til dæmis hér framan á plötuumslagi fyrsta
albúms Madness (frá 1979). Einnig hafði ska-ið þau
áhrif að manni dauðlangaði til að burstaklippa sig.
Ágætis árangur hjá tónlistarstefnu að
æsa upp í neikvæðum þunglyngislingi dans-
og háráhuga. Það fjaraði þó hratt
undan enska retróskainu. Eftir standa fá meistaraverk í
plötuformi, þetta og fyrsta Specials-platan + nokkur lög.
Ég fór ekki einu sinni að sjá Madness þegar
þeir komu hingað 1986. Var reyndar í mikilli fýlu
út í Listarokktónleikana (Fine Young Cannibals, Lloyd
Cole og Simply Red spiluðu líka) því Stranglers
höfðu verið auglýstir en hættu við á
síðustu stundu. Mætti þó niðrí
Laugardal og hékk fýldur og eflaust fullur fyrir utan.
XTC
- Sgt.Rock (is going to help me): Xtc hefur löngum verið
með mínum uppáhalds hljómsveitum. Einhverra hluta
vegna átti ég þó aldrei plötuna Black Sea
(Fjórða plata bandsins, frá 1980) heldur Steini. Þetta
er poppað stöff og þetta lag naut nokkurra vinsælda
þótt það hafi náttúrlega aldrei heyrst
í útvarpinu hérna á þessum tíma
nema kannski í Áföngum. Allt var á leiðinni
í megameik hjá bandinu. Það var að hita upp
á megatúr með Police þegar aðalgaurinn Andy
Partridge fékk sviðsskrekkstengt taugaáfall á
tónleikum í París 1982 og hefur neitað að
koma fram síðan.
DAF
- Der Mussolini: Hinir þýsku DAF eru stórmerkilegt
fyrirbæri sem hefur haft áhrif á allskonar lið,
t.d. Þeysara og Nine Inch Nails. Tveir hommar sem sungu um sadómasókisma,
hómóerótík og allskonar gúmmilaði
á þýsku svo maður skildi ekki neitt. Ég
held ég hafi aldrei veitt því gaum að þeir
væru hommar enda voru hommar eiginlega ekki til á þessum
tíma – hugsanlega bara Laugi rakari. Maður hélt bara
að DAF væru svona góðir vinir. DAF-bítið
er alveg sérstakt og má eiginlega heyra í öllum
lögum sveitarinnar. Það er í fjórðu/fjórðu
og er svona: bassatromma-lokaður hæhatt-snerill-lokaður hæhatt.
Bítið má heyra vel í þessu sjokklagi þar
sem hlustendum er boðið að dansa Mússólíni
og Hitler og Jesús og ég veit ekki hvað. Meira sjokk
1981 en núna auðvitað enda sjokkgildi almennings orðið
svo hátt að amma þín myndi ekki kippa sér
upp við það þótt hún sæi myndir
af þér að eiga samræði við svín dulbúinn
sem Hitler. Lagið er af annarri plötu DAF, Alles ist gut (1981).
Scars
- Horrorshow: Safnplata frá Fast Product, sem var eitt af
þessum ensku DIY-fyrirtækjum sem veittu innblástur til
að taka málin í eigin hendur og gefa bara út tónlistina
sína sjálfur. Hér eru fimm misþekkt bönd
að spila misspennandi stöff, eiginlega allt gott þó
nema kannski hljómsveitin 2.3 sem er síst. Umslagið var
líka spennandi og eftirminnilegt. Scars munu hafa verið frá
Edinborg og byrjuðu í þessum hrágír sem
hér má heyra. Á einu stóru plötu sveitarinnar,
Author! Author! sem kom út 2 árum síðar, 1981,
var tónninn orðinn meira njúveif með sintum og vasaklútum.
Og líkur þá dagskrárliðnum Plöturnar
hans Steina. Í náinni framtíð má búast
við dagskrárliðnum Plöturnar hans Trausta, en sá
liður verður reyndar að vera í nokkrum pörtum.
---
Skemmtiþátturinn í dag kl. 16:08 - bara að
minna á.
22.06.07
Stóratburður: Ungur maður með Devo-plötuna
Duty Now for the Future á vinýl gekk framhjá dyrunum
hjá mér í dag í þann mund er ég
kom út. Ætlaði að hrópa á eftir honum
Hva, menn bara með Devo undir hendinni í Vesturbænum?!,
en sá að mér.
21.06.07
Í Bónus var FM957 á fullu gasi. Plötusnúðurinn
tilkynnti að þennan dag árið 1905 hefði Jean-Paul
Sartre fæðst. Hlustendur hafa án efa sperrt eyrun.
---
Allt stefnir í Megasar-fár á þessu ári.
Von er á tveim plötum með meistaranum þar sem Hjálmar
leggja honum lið. Kominn tími á almennilegt Megasarstöff
segi ég. Hefi heyrt smávegis á fyrri plötuna
sem heitir Frágangur og kemur eftir sirka 6 vikur. Seinni platan
heitir Mold er hold (eða Hold er mold, man ekki) og kemur í
haust. Stöffið er léttleikandi og ferskt og ekki ósvipaður
fílingur í gangi og á meistaraverkunum Millilendingu
og Fram og aftur. Semsé rítörn í það
besta. Í textunum er Megas í gríðarlega góðum
gír, syngur m.a. erótískt til Silvíu Nætur
(um að gaman væli að "smúla hana að innan" o.s.frv.
- eða öllu heldur "spúla" þar sem smúla er
færeyska og þýðir að smygla (sjá))
og eitt lagið fjallar hugsanlega um feril Bubba Morthens. Vinslit Megasar
og Bubba eru mikil mistería í íslenskri poppsögu
og ber mönnum ekki saman um ástæður. Gaman væri
að fá hávísindalega tímaritsgrein um þetta
mál. Þá heitir eitt lagið "Gott að elska" (textabrot:
Gott er að elska hnakkamellu eins og þig). Lagið "Flærðarsenna"
með texta eftir Hallgrím Pétursson sem heyrist nú
á Rás 2 þótti að sögn ekki nógu
gott til að komast á plötutvennuna. Sumsé: klár
í bátana, Megasarfrík.
---
Nýr sturtuhaus var keyptur inn á heimilið í
gær. Hann kostaði 5.000 kall. Mér skilst á Lufsunni
að dýrasti sturtuhausinn í búðinni hafi kostað
400.000 kall. Hvaða hálfvitar kaupa sturtuhaus á 400.000?!
---
Tja, kannski sturtuhálfvitar, eða eigum við að segja
áhugamenn um sturtur, til að móðga ekki sturtuhálfvita.
Hjá sturta punktur is fást
svo glæsilegar sturtur að mann sundlar. Þessi
sturtu er til dæmis eitthvað fyrir sturtugúrme: Sturta
í lofti, handsturta, blöndunartæki, lýsing, gufa,
punktanudd, loftræsting, upplýst talnaborð, hita/tímastillingar
á gufu, útvarp, stöðvaleitari í útvarpi,
hátalari, neyðarhnappur, baðker með nuddi, höfuðpúðar,
shampó-hilla, spegill, hreinsibúnaður, 6mm hert gler...
Það er ekki laust við að líf mitt hafi loksins
fengið tilgang.
---
Óskalögin í næsta Skemmtaþætti
verða valin af fólki sem var að skoða Hallgrímskirkju
á milli kl. 14:55 og 15:10 í gær. Það er
ótrúlegt hvað margir skoða þetta ferlíki
þarna á holtinu, stöðugur straumur allan daginn og
þetta er ein helsta túristaattraksjónin hér
í bæ. Einkennilegt að enginn hafi komið sér
upp sölubási við Leif Eiríksson með Hallgrímskirkjubolum
og lyklakippum. Í sólópunkti næst keppa svo
þeir Snorri úr Sprengjuhöllinni og Högni úr
Hjaltalín. Þetta eru tvö MH bönd á hvínandi
uppleið um þessar mundir og það verður gaman að
fá þá í þáttinn. Kannski fáum
við að heyra glænýtt efni með þeim?
20.06.07
Séntilmennin og stælgæjarnir í Air stóðu
nokkurn veginn undir væntingum. Fimm á sviði, þeir
þarna tveir fremst, grindhoraðir í hvítum fötum
og þrír fyrir aftan, trommari og tveir græjukarlar.
Tóku góðan þverskurð og alla hittarana, nokkuð
góðar útsetningar og svona, en þetta er náttúrlega
ekkert brjálað stuðband svo stundum var dálítill
gufu og þokukeimur af þessu (enda heitir jú bandið
Loft). Best tókst upp með People in the city, sem keyrðist
upp í góða keyrslu, og svo voru Run og loka uppklappslagið
La Femme D'Argent mögnuð. Hrifnastur var ég af bassaleik
Nicolasar Godin, sérstaklega þegar hann var með Hofnerinn
en ekki Fenderinn. Þetta Hofner sánd er drulluskemmtilegt
og minnir á 60s-stöffið hans Serges Gainsbourg, sem Air
menn eiga meira en lítið að þakka. Ljóst að
maður þarf að verða sér úti um gamlan Hofner
fyrir rest. Ég var með
upptökustautinn
minn (keypti hann á netinu fyrir 100$ en þurfti svo að
borga 7000 kall aukalega í toll, svínin!) og tók upp
tvö lög. Nokkuð gott sánd bara á þessu:
Air - Run (læf
í Reykjavík 19.06.07)
Air
- La Femme D'Argent (læf í Reykjavík 19.06.07)
Á undan spilaði einhver norsk Bjarkar-vannabí og var
fimm árum á eftir áætlun með melódíkuna
sína, fiðluvegginn og brakandi skrjáf-takta. Ágætis
söngkona svo sem en ég hefði alveg verið til í
að sjá eitthvað annað.
19.06.07
Kolefnisjafni ég bílinn
minn kostar það 5235 kall til að gróðursetja 35
tré á ári. Kolefnisjafni
ég bíl nágranna míns kostar það bara
6651 kall eða 45 tré, sem mér finnst alltof lítið,
því hann er á geðveikum Ford F350 trukki, örugglega
átta tonn og allur móðurjarðarnauðgandi á
að líta. Fær maður svo þessi tré send
heim til sín eða hvað? Annars leiðast mér svona
auka ég-er-svo-góður-og-meðvitaður greiðslur.
Alveg nóg hirðir ríkið af manni í skatt og
ekki beint eins og maður skíti peningum í allskonar góð
málefni. Lufsan lét þó plata inn á sig
mánaðarlegan 500 kall í Amnesty svo ég er ekki
alveg hjartalaus. Þoli ekki heldur aukalífeyrisgreiðslur.
Er ekki nóg að vera skildaður í 11% lífeyrissjóð
(sé maður sinn eigin atvinnurekandi)? Betra að eyða
þessum helvítis leiðindapeningum bara jafnóðum
en að láta bankaglæpamenn braska með þetta.
Verða svo snautt gamalmenni upp á veluppalda afkomendur sína
kominn og fá að eiga heima í 700 fm glæsivillunum
þeirra í Örfyrisey. Með einkasundlaug og kolefnisjöfnuðum
arni.
---
Ole Lund Kirkegaard var bara 39 ára þegar hann lést,
komst ég að í morgun. Fæddur 1940, lést
1979. Samt skrifaði hann góðan slatta af frábærum
barnabókum. Fúsi froskagleypir líklega best. Ég
er 41 og ekki enn búinn að skrifa barnabók þótt
ég sé að spá í að byrja á einni.
Svona er þetta mismunandi.
---
Í litla vasakompu er ég farinn að skrá niður
minningar mínar. Fyrst átti þetta bara að vera
minningar frá barnsaldri en nú skrifa ég allt niður
sem ég man eftir, unglingsár og tventísomþing
meðtalið. Það eru alltaf að koma einhver minningarleiftur
og eins gott að skrá þetta. Stundum man maður eitthvað
sem ekki er hægt að skrá með orðum, maður
man eftir einhverri tilfinningu sem maður hafði á einhverjum
tíma. Stundum kemur þetta þegar ég er að
svæfa Dagbjart með lestri. Ég er alltaf hálfsofandi
sjálfur við svæfingarnar en hann glaðvakandi í
fulla hnefana og heimtar meira og meira. Nú eru sýrubókmenntirnar
um Rasmus Klump vinsælastar og alltaf sömu bækurnar aftur
og aftur. Þetta er algjört bull og samhengislaust rugl en Dagbjarti
finnst voða gaman. Carla og Vilh. Hansen skammist ykkar!
---
Vinsamlegast veitið því athygli hvað ég
er réttsýnn í bakgrunnslit dagsins. Í kvöld:
AIR!
18.06.07
Eins og mér finnst nú gaman að borða, finnst
mér undarlega lítið gaman að elda. Þegar ég
bjó einn var teikavei út í eitt, minnir mig. Nú
leggur Lufsan hart að mér að elda og ég er allur
að vilja gerður. Kann að gera pasta og eitthvað og er að
reyna að fylla mig af matreiðsluáhuga. Kannski maður
fari á námskeið? Ég keypti pönnukökupönnu
og spaða og amerískt pönnukökuduft frá Missisippi.
Útkoman leit kannski ekki sérlega vel út en smakkaðist
ágætlega með síropi og rjóma. Næst
geri ég enn betur og bæti beikoni og eggjum við. Fiskisúpa
í kvöld! Stundum hefur mér dottið í hug að
gerast bakari. Náttúrlega A-maður svo það væri
lítið mál að mæta í vinnuna kl. 4 um
nótt. Þá gæti ég flutt til Ástralíu
og fengið vinnu við að baka og svona.
---
Maður á alls ekki að fara í miðbæ Rvkur
á 17. júní eða á menningarnótt,
heldur koma sér sem lengst í burtu frá mannmergðinni.
Tja, nema ef maður er í stuði fyrir að velkjast um eins
og rifin pulsa í fitupotti. Á Álftanesi var ekkert
svakalega margt um manninn og alveg eins hægt að kaupa pulsu
og rándýra Mikka mús blöðru þar. Aðalnúmerið
var Rokkstjarnan Magni (eins og hann var kallaður í bæklingi)
sem kom með gítarinn og söng Traustur vinur og fleiri slagara.
Hann var með hökutoppinn og sólgleraugun og klikkaði
ekki. Dagbjartur fékk tveggja kílóa sleikibrjóstsykur
og hljóp heim.
---
Það er eitthvað vélmennageimaldarlegt við
að fólk sé hætt að vilja eignast krakka með
dánsindrom. Bara tveir fæddir á síðustu
átta árum eða eitthvað, hinum eytt. Kannski stendur
svokölluð hnakkamæling undir nafni einhvern daginn og hægt
verður að mæla hvort fóstrið verður hnakki
eða enni. Hvort ætli verði vinsælla?
---
Í Kópavogi var allt vaðandi í "kynlegum kvistum"
í gamla daga, hælið og svona. Einn strákur hljóp
alltaf upp að mér og Hannesi og spurði í sífellu
"Þykir nonna gaman að rokklögum?, Þykir Nonna gaman
að rokklögum?" Vissi aldrei hvað hann átti við
og ef maður spurði þá glotti hann bara. Í húsi
á móti var stelpa sem sagði ekkert nema "Abbavóa,
Abbavóa" og slefaði. Í strætó var svo oft
hinn kostulegi Axel Bang sem var með bullandi torrett og hélt
öðrum farþegum í gíslingu niðurbælds
hláturs með ýmsum furðuhljóðum. Þegar
farþegi missti sig og skellti upp úr æstist Axel bara
upp og varð enn háværari svo þetta var vítahringur.
Farþegar komu rauðþrútnir út á Lækjartorgi.
Annar sem iðkaði strætó heilsaði öllum skælbrosandi.
Ég held hann hafi verið kallaður "Heilsi".
17.06.07
Það eru erfiðar tímar í sveitaballapoppinu
og táknmynd þess er að hin árlega safnplata Svona
er sumarið kemur ekki út í ár. Svona er sumarið
línan birtist fyrst árið 1998 og alls eru plöturnar
orðnar átta. En bíðum við... hvað sé
ég hér? Ja, svei mér þá! Út er
komin safnplatan Svona er sumarið '07, eþs TOPP 6ex! (bara íslenskt
í dag, enda sautjándi móðurserðandi júní):
Reykjavík!
- Rex: Af Dirty weekend, 3ja laga epplötu suddtuddanna í
Rvk! Gríðarleg rokkabillíhrösun með meitluðum
ég-þarf-að-æla söng. Möndulsnúningur
jarðar hefur sjaldan hljómað jafn ögrandi. Meitlað.
(meira)
Samúel
Örn Samúelsson - Boba: Af Fnyki, fyrstu sólóplötu
Jamma í Sajúar. Um rannsóknarlögreglumanninn
Boba, svifaseinan blökkumann í rykfrakka og með barðastóran
hatt. Boba kemst í bobba en leysir málin með hjálp
Galvösku Guddu og töfralykilsins.
Amiina
- Seoul: Þegar Yoko Ono verður loksins sett á
eyðieyju (Viðey?) mun þetta lag hljóma um eynna og
lýsa upp skammdegið hjá japanska íslandsvininum.
Hvað þarf maður annars að gera til að komast í
partí með Yoko næst þegar hún kemur, Gísli
Marteinn? Af Kurri, 12 laga stórhveli Amiinasystra, sem rekið
hefur á land við Galtarvita. Tókstu eftir því
að ég sagði hvergi krútt í þessum texta?
Hraun
- Impossible: Kvavar Snútur og félagar í Hrauni
snýta toppstöffi á I can't believe it's not happiness
en hefur verið legið á hálsi fyrir að vera ekki
stuðband og syngja ekki á íslensku. Jadda jadda. Hér
má heyra velsamið og smurt þægindapopp sem skartar
kántrí-blíðu og kemur á óvart. (Hefurðu
tekið eftir því að önnur hver mynd sem kemur
út á dvd er sögð "skarta" einhverjum snillingum
og "koma á óvart" í auglýsingum.)
Halli
og Laddi - Ég vil fá meira pönk: Laddi er réttilega
vinsælasta maður í heimi í augnablikinu, alltaf
uppselt á sjóið og 8000 eintök seld af safnplötunni.
Því hefur Sena gripið til þess tímabæra
ráðs að endurútgefa katalók meistarans. Um
er að ræða 7 plötur sem nú eru komnir á
vönduðum diskum:
Látum sem ekkert c (Halli Laddi og Gísli Rúnar
frá 1976)
Hlunkur er þetta (Halli og Laddi 1978)
Deió (sóló 1981 - með 2 aukalögum!)
Allt í lagi með það (sóló
1983)
Einn voða vitlaus (sóló 1985)
Ertu búnaðverasvona lengi (sóló 1987)
og Of feit fyrir mig (sóló 1990 með 2 aukalögum)
Reyndar var ekki farið í endurútgáfu á
Fyrr má nú aldeilis fyrrvera (Halli og Laddi 1977), Umhverfis
jörðina á 45 mínútum (Halli og Laddi 1980)
og Halli og Laddi í Strumpalandi (1995), enda þessar plötur
líklega þegar endurútgefnar.
Ég vil fá meira pönk kom út á Hlunki
er þetta 1978 sem gerir lagið að fyrsta "pönk"lagi Íslands
(ásamt með Paradísarfugli Megasar á Bleikum náttkjólum).
Lagið sömdu Halli, Laddi og Tommi Tomm og Laddi textann. Laddi
var enn í pönkfílingi 2 árum síðar
á smáskífunni Skammastu þín svo, þar
var Stórpönkarinn b-hlið, reyndar minna og verra pönk
en þetta eðallag hér.
Motion
boys - Hold me closer to your heart (wurlitzer útgáfa):
Og þá er það akkústik útgáfa
af hinu frábæra Hold me closer með hinum frábæru
Hreyfistrákum. Dáldið nýr flötur á
laginu. Bara tvö lög hafa heyrst með bandinu til þessa,
bæði frábær, svo ekki er laust við að maður
búist við miklu. Plata mun vera í bígerð.
Svo er Birgir Ísleifur mikill poppheili og vann stórsigur
á Togga í Skemmtiþættinum í gær.
Ef ég væri spurður að því hvaða íslenska
sveit meikar það næst segði ég Motion boys.
---
Vanti fólki nöfn á hljómsveitir bíð
ég upp á tvö í dag:
Þú getur sjálfur verið mannæta (fyrir
flippband) og Illettes (eða The Illettes, fyrir band sem vill meikaða).
16.06.07
Ætli sé hægt að kolefnisjafna á sér
rassgatið?
---
Abbababb! fékk Grímuna sem besta barnaleikrit ársins.
Eggert
tók mynd:
Sem betur fer var þetta fyrsta verðlaunaafhending kvöldsins
svo ég gat brunað heim með bikarinn og horft á restina
í sjónvarpinu. Það var annað hvort það
eða að hrynja íða. Það er ekki laust við
að manni langi á Mr. Skallagrímsson. Þess má
geta að sýningar á hinu stórfenglega og verðlaunaða
Abbababb! hefjast að nýju í byrjun september.
---
Þá á ég bara eftir að fá Nóbelinn.
Ég slepp ekki fyrr við að taka þátt í
heimilisstörfunum. Það segir Lufsan allavega alltaf þegar
ég segi: Þrífa klósettið? Ég? Heldurðu
að Halldór Laxness hafi þrifið klósettið
á Gljúfrasteini? Þá segir hún: Fáðu
Nóbel. Svo sjáum við til.
---
Minni á Skemmtiþáttinn í dag kl. 16.08 á
Rás 2 í boði Lottó! Toggi og Biggi í Motion
boys í sólópunktinum...
15.06.07
Fyrir framan World Class er risinn risastór hvítgrár
gerviskaufi. Smart.
---
9 áhrifamestu Íslendingarnir árið 2047: Ásmar
Snær Bang, Bambi Hirst, París Parísardóttir,
Davíð Hannes Kjartansson, Draupnir Axelsson, Smári Thor
Hannesson, Pétur Aron Valtýsson, Tinna Jónsdóttir,
Kári Stefánsson.
---
Hvað eru menn að væla yfir Tónlist.is?
Get ekki séð annað en þetta sé bara hið
fínasta mál, eins lengi og hægt er að hafa alla
góða, þ.e.a.s. Hef reyndar aldrei fengið krónu
frá þeim fyrr en núna. Á nýjustu Stef-skýrslunni
sem var að koma inn um lúguna er hver sala hjá Tónlist.is
skilmerkilega útlistuð á 40 blaðsíðum
og svoleiðis þúsund kallarnir streyma inn á reikninginn
minn.
---
Strax stórgróði á GesTAbókinni sem
er orðin bleik, kannski ekki innanpíkubleik, en allavega bleik.
Eða fjólublá. Ef hér væri verið að
vitna til Tits n ass héti hún GesT'N'Abók. Flestir
vita að þeir eru ekki hálfvitar, nema hálfvitar,
þeir halda að þeir séu töff. Bæta má
enni við orðabók unga fólksins sem andstæðunar
við hnakki. T.d. "stelpurnar í Amiinu, þær eru nú
meiri ennin."
---
Ef Woody Harrelson og Luke Wilson myndu eignast saman son myndi hann
líta úr eins og karlinn í Sægreifanum. Staðreynd!
Annars skil ég nú ekki þessi læti út af
fiskisúpunni hans. Ekkert meira en ok.
---
Jónsi í SR búinn
að kaupa torfbæ. Glæsilegt! Svona á að gera
þetta. Enginn helvítis flottræfilsháttur í
geðveikt dýrri blokkaríbúð í Skuggahverfinu.
Það er víst sundlaug þarna uppi í penthásinu,
en myndi maður tíma 230 millum fyrir að hírast í
sundlaug í hávaðaroki og glápa á fjólubláa
drauma?
---
Abbababb! er tilnefnt til Grímuverðlauna í flokki
barnasýninga. Neyðist því til að mæta
ef svo ólíklega vildi til að við myndum fá
þetta en ekki Egner, Helgadóttir eða Prokofieff. Ég
er strax kominn með hvínandi magapínu að þurfa
að vera innan um síkyssandi og faðmandi leikara heilt kvöld.
Finn mér horn til að fela mig í. Kannski hitti ég
Ólaf og Dorritt?
---
Las í Fbl að Yoko Ono segir að síðustu orð
Johns Lennons hafi verið að verið um að hann vildi fara
heim að hitta Sean áður en hann sofnaði. Ég held
hins vegar að allra síðasta orðið hans hafi verið
"Yeah" þegar sjúkraliðar í sjúkrabílnum
sem fluttu hann á spítalann spurðu hvort hann væri
John Lennon. Ekki að síðustu
orð skipti svo miklu máli.
14.06.07
Tók Jón Ásgeir & afmælisveislan e. Óttar
M. Norðfjörð í bókasafninu í gær.
Skemmtileg teiknimyndabók, mæli með henni. Hér
er rammi úr bókinni:
Það er einkar óheppilegt að Óttar notar
sama stíl og ég í teiknimyndasögunni Líf
og fjör í fiskvinnslu Sigvalda sem mun birtast í fyrsta
tölublaði Rafskinnu
innan skamms. Ég gerði þessa sögu fyrir mörgum
mánuðum löngu áður en lýðnum var
ljóst um sögu Óttars. Ég klippti út hausana
á Rannveigu Rist, Hreiðari Má, Bjarna Ármanns
og fleirum og lét þau vinna á lúsarlaunum í
fiskvinnslu Sigvalda. Hér er rammi úr sögunni:
Útkoma Rafskinnu hefur tafist mánuðum saman svo nú
lítur út fyrir að ég sé að stæla
Óttar. Ég verð að lifa með það.
---
Næsta teiknimyndatengt skref í lífnu er hinsvegar
að kaupa Ókei
bæ.
13.06.07
Vegna fjölda áskoranna er komin gesTA!bók.
Hálfvitar bannaðir.
---
Ég er að læna upp stórfínum viðureignum
í sólópunkti í Skemmtiþættinum.
Um að gera að velja saman keppendur sem maður getur búist
við að séu svipað vel að sér því
fátt er leiðinlegra en algjör burst. Næst mætast
þeir Birgir Ísleifur úr Motion
boys og Toggi. Ég
bind vonir við að þetta verði hörku leikur.
12.06.07
Simpsons-þættir eru alltaf jafn frískir. Í
400. þætti (You Kent Always Say What You Want) er fréttamaðurinn
Kent Brockman rekinn úr vinnunni, flytur til Simpsons-fjölskyldunnar
og slær í gegn á netinu með aðstoð vefkameru
Lísu. Hann videóbloggar um aumingjaskap nútímafjölmiðlunar:
Friends, the press and the government are in bed together in an embrace
so intimate and wrong they could spoon on a twin matress and still have
room for Ted Koppel.
Journalists used to question the reasons for war and expose abuse
of power. Now, like toothless babies they suckle on the sugary teet of
misinformation and poop it into the diaper we call the six-o'clock news.
Demand more of your government! Demand more of your press!
Klassík!
---
Leðurhulsa skilar hinsvegar bara einni niðurstöðu.
11.06.07
Slái maður inn orðið kíttisbyssa í
google fær maður bara þrjár
niðurstöður. Pældu í því!
---
Kajakfólkið notaði rangt netfang. En harmóníkufólkið?
---
Djöfull er ég orðinn leiður á þessu
græna röfli í öllum, sérstaklega allskonar
fyrirtækjum sem telja sig græða á að vera "græn".
Það verða allir hættir að spá í þessu
eftir 2 ár. Þá verður grænt álíka
heitt og teygjustökk.
10.06.07
Mp3-bloggið
er enn í góðu stuði. Það virðist allavega
ekkert annað trend í netheimum ætla að ganga að
því dauðu. Því er ástæða
til að benda áhugasömum á nokkur góð.
Who
the bloody hell are they er ástralskt og kynnir til sögunnar
nýtt ástralskt efni. Fjögur setja inn á síðuna
svo þarna er engin ládeyða.
Fat
planet er líka rekið frá Ástralíu,
en þarna er stöff frá öllum heiminum, oft eitthvað
íslenskt. Til dæmis var Steed
Lord hampað um daginn. Big
stereo er enskt og í rafdanspoppindiefílingi, 20
jazz funk greats er líka enskt og svona sturlpoppað. Þrjú
mest hæpuðustu mp3bloggin (eða "stærstu" mp3 bloggin,
ef þú vilt) eru svo líklega Fluxblog,
Music
for robots og Stereogum. Það
þykir ekkert verra að komast inn með lag þar sé
maður á uppleið í bransanum. Lesendur ættu
fastlega að þekkja íslensku mp3bloggarana, en mest kveður
að Agli, Breiðholti,
Buddy
og Halla.
Svo er á öllum þessum síðum ótal hlekkir
í allar áttir svo fyrir músiknörda er hægt
að brimbretta út í hið óendanlega... Svo má
líka fara á Hæp maskínu,
sem er regnhlíf.
---
Í yfirferð minni sé ég að Reykjavík!
eru með lag á safnplötu
tímaritsins Believer innan um haug af upp og komandi böndum.
Lagið Rex mun vera úr nýjustu upptökusessjón
bandsins, en tekin voru upp 4 lög (eða kannski bara 3?) sem öll
eru með ferðamannaiðnaðartengdum nöfnum.
---
En svo er spurning hvort ekki sé hætta á óverdósi.
Músikóverdósi. Það er svo gífurlegt
framboð að hætta er á sundli. Hefur maður tíma
til að hlusta á þetta allt? Sjálfur dánlóda
ég þvílíkum haugum að ég kemst hreinlega
ekki yfir að hlusta á allt. Þetta er náttúrlega
geðveiki. Og ég þekki menn sem eru eins. Dánlóddjönkí.
Samkeppnin er í að vera "fyrstur með fréttirnar"
og á undan öllum öðrum að blogga heitum skít.
Því eru flest bönd bara heit í smá tíma
en fáir nenna að líta við annarri plötu einhvers
ef hann meikar það ekki því feitar í fyrstu
tilraun. Já svona gerast kaupin á eyrinni hróið
mitt.
---
Og er óverdós netsins betra en gamla leið músiknördsins
sem fólst í því að kaupa vikugömul
músikblöð, lesa um bönd, panta plötur með
þeim frá útlöndum og skella plötunni á
fóninn og hlusta? Ferli sem tók vikur eða mánuði.
Nú er maður löngu búinn að hlusta á plötur
áður en þær koma út! Kannski síaðist
allt draslið út þá og maður einbeytti sér
að kjarnanum? En nei, ekki ætla ég að fara að
væla um gömlu góðu dagana og fornöldina fyrir
net. Alveg óþarfi að vera í tilvistarkreppu yfir
allsnægtum, og of biblíulegt.
---
Sjálfur hef ég verið að leita að hinni fullkomnu
tónlist fyrir líkamsræktina. Lengi vel blastaði
ég hröðustu lögum System of a down á mig og
missti örugglega ein 10 kg bara út á það.
SOAD er frábær músik í ræktinni en ég
fékk samt loksins nóg. Í seinni tíð hef
ég verið að gera tilraunir með allskonar rafdansstöff,
hús og teknó, gert mix og blastað á mig, eða
dánlódað einhverjum mixum. T.d. má dánlóda
brennheitum skít hjá Dj
Margeiri og ég var að enda við að sækja Kitsune
Maison Compilation Vol 4. Svo er nú þarna "útvarpsstöð"
í World class sem blastar bara Scooter og þannig drasli. Og
það virkar alveg. Til dæmis er þarna stundum eitthvað
lag sem ég veit ekki hvað er. Svaka taktfast eitthvað með
skrítnu bíti og svo er verið að tala um Detroit í
textanum held ég, nema það sé Chicago. Þetta
er spilað á FM957 líka en hnakkarnir þar hafa ekki
svarað tölvupósti mínum til að segja mér
hvað þetta er. Svo ef einhver lesandi veit hvaða fjandans
lag ég er að tala um mættann gjarnan láta
mig vita. (uppdeit: lagið mun vera Put your hands up 4 Detroit
með Fedde nokkrum Le Grand sem kom og spilaði á technokvöldi
fyrir nokkru.) Einnig eru uppástungur um gott líkamsræktarstöff
velþegnar.
---
Samt eru Fræbbblarnir og Bítlarnir náttúrlega
alltaf bestir!
09.06.07
Pete Best á Íslandi!
Lesandi sendi línu:
Ég er að vinna uppí Leifsstöð, nánar
tiltekið í Skífunni. Það er auðvitað
mismikið að gera eftir því hvaða tími dags
er. En í gær þegar það var frekar lítið
að gera labbar inn í Skífuna gráhærður
maður. Mér fannst ég kannast alveg ofboðslega við
hann. Ekkert fancy við þennan mann þannig, leit bara ósköp
venjulega út. Ég varð að labba til hans og bjóða
honum aðstoð mína til að getað skoðað manninn
betur. Hann svaraði ,,I´m fine". Ókei, hann talar ensku....
en ég var engu nær. Var þetta gamall flakari sem ég
vann með í frystihúsi fyrir um 10 árum? Bróðir
minn rak nefnilega frystihús og var stundum með enska flakara.
Ég labba inn á kaffistofu...
Þá rann það upp fyrir mér! Pete Best!
Óheppnasti trommuleikari fyrr og síðar. Þegar ég
fer út á gólfið aftur er hann sestur í
svona bíða-eftir-flugi stóla við hliðina á
búðinni minni. Hvað á ég að gera?! Grípa
næsta Bítla-disk, rífa af honum plastið og biðja
hann um að árita hann fyrir mig?
Nei, afhverju í ósköpunum ætti hann að
vilja það!? Ég gæti alveg eins grýtt salti
í augun hans. En ég meina, hér situr maður sem
er hluti af Bítla-sögunni og ég ætla ekki að
aðhafast neitt! En hvað á ég þá
að gera? Biðja um eiginhandaráritun? Æj, mig langar
ekki það mikið í hana beint. Ég væri
samt til í að spjalla við hann. En hvað ætti ég
svosem að segja við hann?
Hann sat þarna dágóða stund og um þetta
leyti var orðið soldið að gera í búðinni
og fyrr en varði var hann horfinn...
---
Spurning hvað Pete var að gera á Íslandi? Var
hann að spila í leynipartíi hjá einhverjum millanum?
Eða kannski bara að millilenda frá USA? Eða kannski
var þetta bara einhver sem er alveg eins og Pete Best? Dularfulla
Pete Best málið telst óupplýst.
---
Uppdeit: Tekið af heimasíðu Bests: The
Pete Best Tour - 2007
USA and Canada Summer Tour 2007
Flights sponsored by Icelandair The Americas.
Karlinn á ferð á sponsi frá Æslander!
Afhverju neyðar þeir hann ekki til að taka gigg á
Gauknum fyrst þeir eru að þessu? Þetta hefur þá
verið hann sem var að spígspora þarna í Leifsstöð.
---
Og þá, góðir gestir, er komin út safnplatan
Bíttíðig beibí, eþs Topp 5:
Justice -
Stress: Næsta kafla í frönsku rafútrásinni
skrifa Justice. Loks komnir með albúmið "kross" hafandi
kítlað á tónlistaráhugafólki úfinn
með slömmfínum slögurum í löngum bunum
síðustu misseri. Platan er þétt og mun betri en
t.d. nýja Efnabræðraplatan, enda bandið jú
í startholum og gratt á hjalla. Takið sérstaklega
eftir breikinu í þessu lagi en þá skellur á
gamalt sintasturl með Devo. Klassi.
Chromeo
- My Girl Is Calling Me (A Liar): Næsta Æsland erveifs
verður meira djúsí með hverri vikunni sem líður
og nú verð ég hreinlega að stunda hátíðina
næst til að sanna fyrir mér að ég sé
ekki algjör miðaldra steingerfingur. Búið er að
tilkynna um súperstöff eins og Of Montreal, !!!, Bloc party
og svo núna síðast Chromeo og Bonde do role + allt íslenska
jömmið. Allt er þetta erlenda stöff funheitt um þessar
mundir. Eitísdiskóboltarnir í Krómeó
hafa nýlega sett út fyrstu plötuna, Fancy footwork.
Þeir munu vera frá Kanada og fara hamförum á sintum
og pitchstikkum og sintörum og hvað þetta heitir. Ég
er kannski ekki algjörlega að míga á mig yfir þessari
plötu en hún er fín engu að síður. Hér
er eitt poppsmellnasta lagið. (prófíll
á Iceair)
Bonde
do role - Solta o frango: With Lasers er fyrsta albúm þessara
neonhettupeysukrakka frá Brasilíu. Fékk nýlega
laladóma hjá Pitchfork og jamm, þetta er engin snilldar
plata. Samt hressandi í smáskömmtum og eflaust hörkustuð
á sviði. Söngkonan í stuttbuxum og ekkert hrædd
við að skaka sér enda frá karnivallandinu. (prófíll
á Iceair)
Hellogoodbye
- Here in your arms (Young americans remix): Ég er allur
að komast í gráa gírinn og kominn með Fm957
á vali í bílnum. Ef ekkert skárra er annars
staðar villist ég stundum í hnakkið. Bæði
er gaman að heyra vitleysuna í hnökkunum og innan um leiðinlegt
r&b væl og handboltaruslrokk kemur stundum nútímaleg
poppsnilld eins og Timberlake og þetta lag. Hellogoodbye eru einhverjir
hnakkalingar frá Kaliforníu og platan þeirra Zombies!
Aliens! Vampires! Dinosaurs! er öskup hefðbundin. Þetta
remix gerir þó gæfu- og gæðamuninn. Topp hnakkapopp!
YACHT
- So post all'em: Jona Bechtolt frá Portlandi í Oregon
er YACHT og hann er líka í hljómsveitinni The Blow.
Brakandi fínt ljúflingspopp á fyrsta albúminu,
I Believe in You, Your Magic Is Real.
---
Áríðandi tilkynning: Í dag á eftir
fjögur fréttum á Rás 2: Skemmtiþáttur
Dr. Gunna! Heyrið topp tíu-lista, klikkaðasta lagið
í dag, óskalög tattúgerðarmanna og æsispennandi
sólópunkt á milli Ceresar
4 og Svavars Knúts í
Hraun.
Plús: hörku töff sumartónlist!
08.06.07
Fyrir hverju ætli það sé að dreyma Megas?
Í draumnum var ég í ræktinni að bíða
eftir að komast í spinning þegar Megas mætti. Hann
var í bleikum tie-dye hlýrabol og latex stuttbuxum. Djöfull
lítur kallinn vel út, hugsaði ég. Því
miður varð þessi draumur ekki lengri því Elgurinn
fór að veina. Annars er stúlkan eins og ljós og
maður vaknar úthvíldur og hress.
---
Því miður er Seðlabankinn ekki viðskiptabanki
og maður getur ekki stofnað bankabók þar. Ef það
væri hægt gæti maður núna mætt alveg
tjúllaður yfir kauphækkun Davíðs og tekið
allt út til að mótmæla kauphækkuninni. Það
myndi sko sýna þessu liði...
---
Langt annars síðan maður átti bankabók
og mætti með hana í banka. Einu sinni var stimplað
í bókina sjálfa þegar maður mætti.
Einu sinni var líka skildusparnaður, 10% af laununum manns fyrir
einhvern aldur (26 líklega) var settur með frímerkjum
í bók. Ég beytti öllum ráðum til að
ná þessu út enda í engu stuði þá
frekar en nú að sanka að mér aur. Lengst gekk svikamillan
þegar ég falsaði kaupsamning á íbúð
í Grindavík og náði skildusparnaðinum út
með því plaggi. Maður hefur verið ótrúlega
kræfur. Ég man að ég þoldi ekki liðið
á kontornum sem maður þurfti að díla við
til að ná þessu út. Sama óþol hafði
ég gegn fólki í ríkinu. Þá var
ríkið eins og í austanblokk eitthvað, maður gat
ekki skoðað neitt heldur var allt brennivínið fyrir
innan borð og kallar sóttu það sem maður bað
um. Sextán ára fór ég og keypti í fyrsta
skipti (örugglega Vodka víbróva eða hvað þetta
hét). Það var ótrúlegt stress á manni
í hvert einasta skipti. Ég fékk alltaf afgreiðslu
nema einu sinni. En þá hljóp ég bara úr
Snorrabrautarríkinu í Lindargöturíkið og
fékk afgreiðslu þar. Löngu eftir að ég
varð tvítugur fékk ég alltaf skilvirka magapínu
þegar ég fór í ríkið. Ah minningar...
07.06.07
Elísabet Lára laus við guluna og kom heim í
gær. Það er smám saman að renna upp fyrir mér
sú staðreynd að ég er tveggja barna faðir. Þetta
er nokkuð svakalegt og menn sem maður hittir glotta við tönn
og segja að nú byrji alvaran loksins fyrir alvöru. Að
eitt sé djók en tvö sé fúll tæm
djobb. Ég er samt ekkert svo svakalega stressaður yfir þessu
og það er allt annað að eignast fyrsta eða annað
barn. Þegar DÓG fæddist var maður uppspenntur og
fyrstu vikurnar var maður gífurlega heilagur. Núna veit
maður hvað er að fara að gerast og tekur ekki þennan
heilagleikapakka eins og síðast. Er ekkert að læðast
um húsið.
---
Stofnaði Moggabloggið drgunni.blog.is
til að benda hingað yfir og til að geta tjáð mig
í kommentakerfi og svona. Maður verður að fylgjast með.
Ætla þó að halda áfram bloggi hér
þótt þetta sé fornaldarkerfi og ekkert RSS eða
neitt.
06.06.07
Eitt hið drephlægilegasta í nútímanum
er ofuráhersla og ofuráhugi karla af léttasta skeiði
á fótbolta, sérstaklega enskum. Menn kenna sig við
lið, og eru fyrst og fremst Liverpool-maður, Chelsea-maður,
eða hvað sem það er, frekar en Íslendingur eða
faðir. Svo þusa menn um að "við áttum leikinn
í gær" eða "þið skituð í ykkur á
Anfield". Þetta er bara fallegt finnst mér og ég er
löngu hættur að ergja mig að menn hafi svona leiðinleg
áhugamál. Svo sem alveg eins gott að menn velkist í
þessu þar til þeir hrökkva upp af og er holað
niður í kistum í fánalitum Arsenal.
---
Annar fílingur er í kringum íslenska landsliðið
sem menn halda alltaf að geti eitthvað. Nú mun eflaust skella
á holskefla kvartana á liðið og þjálfararæfilinn
eftir 5-0ið á móti Svíum. Menn fóru yfir
um að Liechtenstein skildi ekki vinnast heldur aðeins nást
fram 1-1 jafntefli. Í Liechtenstein búa náttúrlega
bara 30.000 manns, 0.1 af okkur, svo þetta er vissulega aumingjalegt.
Það að tapa 5-0 fyrir Svíum er hinsvegar ekkert svo
slæmt. Þar búa náttúrlega 9 milljón
plús og bara 0.3 milljón hér svo 5-0 er vel sloppið.
Þaggi? Annars er ég fyrst og fremst QPR-maður. Ég
hætti ekki fyrr en ég hef farið á 40 leiki á
Loftus Road. Grín.
---
Já og Skemmtiþáttur Dr. Gunna skellur á
á laugardaginn eftir 4 fréttir. Komin heimasíða
og allt.
05.06.07
Það er full mikið af andlátum á netinu,
dauða og uppgjöf. Ýmsir menn glenna sig og blogga eins
og þeir lífið eiga að leysa í smá tíma
en renna svo á rassgatið. Misfljótt auðvitað.
Margir nennessu í ár, nokkra mánuði, vikur eða
daga en svo kemur dánartilkynningin: Ég
er kominn með leið á bloggi eða Hér
með tilkynnist að ég er hætt að blogga svo
dæmi séu tekin af tveimur bloggum sem maður nennti að
lesa. Það sama á við um ýmsar síður
sem fólk glennir sig með í smá tíma, Núlleinn,
Undirtónar og hinn frábæri tónlistarvefur Músik.
Og allskonar annað dót sem maður er búinn að
gleyma. Allt dautt og búið að gefast upp. Það
vantar allt úthald í fólk.
---
Meira bullið í FBL, alveg út í hött samsæriskenning
um nýjan þátt okkar Þorvaldar Bjarna. Góð
tilraun samt. Búa til nýjar rokkstjörnur? Fuss... Ég
er ekki að gera neinn þátt með Þorvaldi svo
það sé nú alveg á hreinu. Fór hins
vegar á afar mikilvægan fund í gær með Björgólfi,
Geira á Goldfinger og Júlla í Draumnum. Mikið
í gangi en ég segi ekki múkk.
---
Elgurinn enn í kassanum en kemur á morgun eða hinn.
Það er búið að slökkva á henni lampana
og gulan öll í rénum. Lufsan mjólkar og mjólkar
en tilgangsleysi karlpunga er sjaldan ljósara en þegar barn
kemur í heiminn. Skraufþurrar geirvörtur og eina gagnið
í manni er sem þjónustuaðila. Sjá til þess
að það sé nóg til af Malti og bönunum
og svoleiðis. Ég er samt með undarlega harðar geirvörtur
þessa dagana. Það er hálf vandræðalegt.
---
Keypti miða á Air. Það þarf mikið til
núorðið að draga mig út úr húsi
og á tónleika en Air tókst það. Svo fer
ég kannski líka á Of Montreal sem eiga að spila
á Airwaves.
---
Rétt er að benda á færslur á bloggsíðu
Bergljótar blaðakonu, systir Geira á Goldfinger, vilji
fólk fá aðra hlið á Goldfinger-peningnum.
Hún segir bróðir sinn eðalmann sem ekkert illt megi
sjá og Ísafold vinna á vegum ónefnds óvildarmanns
Geira.
---
Djöfull reyndi ég að horfa á leiðinlega
mynd í gær: 28 weeks later. Ég gafst upp í miðri
mynd. Kannski er ég bara kominn með leið á heimskulegum
hryllingsmyndum. Nenni t.d. allsekki að sjá myndir Elis Roth.
Kannski bara rugl í mér eða kannski er ég bara
búinn með þennan pakka enda tók ég svaka
hryllingstímabil fyrir sirka 15 árum. Nú bara ég
nenni ég að láta bregða mér og sjá
gerfiblóð frussast úr leikurum.
02.06.07
Sá Egil Helgason á kontornum hjá Rúv í
gær, nýkominn frá að skrifa undir. Hann var hress
með þetta. Sjálfur var ég að fara á
áríðandi fund en má ekki segja múkk. Elgurinn
enn í kassanum. Það er bölvað rót á
manni en mikið hangið þarna upp á fæðingardeild.
Ég er satt að segja kominn með dauðleið á
öllum þessum ambrandi reifabörnum og belgmiklu mæðrum
þeirra og lúpulegu feðrum. Því fyrr sem fjölskyldan
kemst heim til sín því betra.
01.06.07
Það er vesen á Elgnum. Með blóðflokkamisræmi
svo það þurfti að skipta um allt blóðið
í henni í gærkvöldi. Þetta hljómar
ansi ógnvænlega en gekk eins og í sögu enda ekkert
nema toppfólk í þessu heilbrigðiskerfi okkar. Ég
tók eftir því að læknirinn flautaði With
a little help from my friends þegar hann hafði kvatt okkur eftir
aðgerðina. Allsstaðar eru Bítlarnir. Nú verður
Elgur litli í ljósakassa næstu daga en hún er
strax að verða bleik en ekki gul. Vonandi komumst við heim
með hana um eða strax eftir helgina.
---
Keypti mér Ísafold til dægrastyttingar. Ansi sláandi
Goldfinger grein og myndir af þeim báðum belgsíðu
karlpungum Geira og bæjarstjóranum með fórnarlömb
fátæktar hangandi utaná sér. Þetta KópavogsGoldfingerdæmi
er þrælrotið í gegn miðað við greinina
og minnir á spillt hyski í bókum Carls Hiaasens. Svo
er Byko búið að fjarlægja tímaritið úr
hyllunum samkvæmt þessu.
Uss. Ég ætla rétt að vona að fjölmiðlar
fylgi þessu máli eftir.
31.05.07
Hátíð í bæ! Elísabet Lára
Gunnarsdóttir (code name Elgurinn) mætti í gær
kl. 12.53, 3650 grömm og 50 cm. Henni heilsast vel en gæti þurft
að vera nokkra daga á sængurkvennadeildinni með móður
sinni ef hún fær guluna sem er ekki á hreinu ennþá.
Það er fylgst með henni. Fæðingin tók lítinn
tíma og var auðvitað miklu minna mál einhvern veginn
en í fyrsta skipti. Ætli maður sé þá
ekki búinn að fjölga sér nóg og ég
á leið í aðgerð. Snip snip eins og kettirnir.
---
Elgurinn hefur sofið aðallega só far en er trillað
í blóðtöku á 4 tíma fresti. Henni
er nokk sama um það. Hún er brúnaþung, munnsmá,
rauðhærð og með undirhöku. Hún kom út
fjólublá og mökuð í barnafitu en er nú
að óðum að fá eðlilegan lit. Hún rekur
annað slagið upp rokur en það er lítilsháttar
og auðvelt að laga það með geirvörtu. Dagbjarti
fannst ekkert svo mikið til koma og var strax farinn að fikta í
hækkunarfjarstýringunni á rúminu sem honum fannst
mun merkilegra fyrirbæri en systir sín.
---
Maður er bara keyrandi í sumri og sól, í dúndurstuði
í, pabbi í annað sinn að koma úr ræktinni,
blastandi Justin Timberlake á FM957 þegar einhver meistarahelmút
byrjar að masa með hressu röddinni: Hvað ætli
séu mörg dægurlög sem innihalda setninguna love,
eða íslensk lög sem innihalda setninguna ást
eða elska. Ég er viss um að ef dægurlagasagan
yrði kryfjuð þá myndi koma í ljós
að alla vega 1/3 af lögum innihalda setninguna ást.
Bingó! Ég fór auðvitað beint heim og samdi
lagið Setningin ást.
28.05.07
Hér er spennan að verða óbærileg. Það
fjölgar í fjölskyldunni á morgun eða hinn.
Ég bind miklar vonir við að nýja barnið verði
jafn þægt og gott og DÓG. Á fimmtudaginn urðu
foreldrar mínir demantshjón, þ.e. 60 ár í
hjónabandi. Við Lufsan munum halda upp á okkar demants
árið 2062, en þá verð ég ekki nema 97
og sjaldan hressari þökk sé LiVmORe-pillunni frá
Decode. Talandi um demanta þá sá ég Blood diamond
í gær. Æi ekkert spes. En aumingja Afríka endalaust.
Svo hlustaði ég loksins á The good, the band and the
queen. Það er ágætis ballads. Jæja best að
fara út að hjóla með DÓG.
27.05.07
Sóley Tómasdóttir
var í heita pottinum með vinkonu sinni. Ég lagði
við hlustir og heyrðist þær vera að tala um staðalímyndir.
Mér fannst það einhvern veginn mjög gott dæmi
um staðalímynd.
---
Ég tek ofan af fyrir Tomma í Tommahamborgurum að
vera einungis með gott starfsfólk. Hann hlýtur að
borga meira en aðrir skyndibitastaðir.
---
Er þá kannski sumarið komið?
---
Safnplatan Beiskir dropar og fjólublátt fiður er
komin út, eþs Topp 5!:
Paul
McCartney - Nod your head: Eldgamla dúllan enn & aftur
komin með nýja plötu, sem er alls ekki annað en notaleg
og alveg ágæt. Hér er síðasta lag plötunnar,
stutt og skorinort og helterskelterað. Þegar Páll hefur
klárað einfætta pakkann má jafnvel búast
við honum hingað.
Mínus
- Cat's eyes: Mínus hamra járnið á Great
Northern Whalekill. Hér er stálslegið opnunarlagið.
Spilist hátt. Fyrirsætan á umslaginu ku vera 19 ára
Mínus-aðdáandi. "Feit plata" segja menn.
4ps
- Ich würde, wenn ich wüßte, daß ich könnte:
Austantjalds softdiskó í partísenu í Lífi
annarra. Skeggjaðir og hleraðir kommar súpa vodka og ræða
djúp málefni ilmandi af gúllassúpu. Lagið
kom út um 1978 en um hljómsveitina 4ps veit ég ekki
mikið enda hundslappur í þýskunni. Hér
er þó upplýsingaveita á þýsku um
austantjaldstónlist hafi fólk áhuga.
The
Go find - Perfume V: Morr Music er Berlínsk útgáfa
með tvær íslenskar á sýnum snærum,
Seabear og Benna Hemm Hemm. Áskellandi er Morr kynning á
Íslandi (1. júní - Akureyri - Græni hatturinn
og 5. júní - Reykjavík - Iðnó) þar
sem þessar tvær sveitir plús The Go Find, Tarwater og
Isan leika fyrir dansi. Það eru kraumandi pottar, heillin. Út
er komin 10 laga safndiskur með þessum 5 böndum sem fólk
ætti að verða sér útum (í 12 tónum?)
vilji það byrja að hita upp. Hér er belgíska
bandið The Go Find að juðast á Pavement slagara af Slanted
& enchanted.
Henry
Henry - Hong Kong, Mississippi: Snargalinn rokkabillítvistur
af safnplötunni Nasty Rockabilly vol. 1 sem þýska suddaútgáfan
B-sharp maulaði úr sarpinum fyrir nokkru. Veit ekkert um Henry
Henry nema hann var líklega frá Birmingham, Alabama og hét
Henry Levoy. Vann líklega á jarðýtu og lést
ungur í mótorhjólaslysi. (Fann hvergi mynd af listamanninum
svo myndin er óskild fréttinni. Þar má sjá
japanskan rokkabilling. Fyndið hvað rokkabillíið er
alltaf í gangi samhliða öðrum straumum og stefnum í
tísku og músik. Japanir og Finnar virðast sérstaklega
svag fyrir rokkabillíi. Hér er örfáir einstaklingar
sem gangast upp í þessum stíl. Skemmtilegastir eru
orginal rokkabillíarnir, gamlir karlar með feiti í hausnum
og í leðurjökkum.)
25.05.07
Ég hafði orð á því við samferðarmann
í lyftunni á skattstofunni að nú værum við
í lyftunni í helvíti. "Þessi lyfta ætti
því faktískt að fara niður en ekki upp," bætti
ég við í góðu gríni. Nú liggja
frammi hinar árlegu möppur með tekjum Íslendinga.
Það var enginn að skoða þetta og róttækir
Heimdellingar lágu ekki einu sinni á möppunum eins og
búttaðar kríur á eggjum. Ég fletti þessu
aðeins og leið eins og brundkarli að skoða klámblöð.
Svo skilur maður ekkert í þessum tölum hvort eð
er. Mér datt ekki annar í hug en ég sjálfur
til að fletta upp á og skildi ekkert í þeim tölum
heldur. Svo sá ég að Jón Gnarr er með Jón
Gnarr ehf, en þess má geta að ég er með Erðanúmúsik
ehf. Úlfur Eldjárn var þarna eitthvað að flækjast
og spurði hvort ég væri með allt niðrum mig. Ég
sagði ekki svo vera.
---
Helstu andstæður landsins fara jákvæðum
orðum um mig, eða viðurkenna allavega tilvist mína.
Þannig vitnar hvorki meira né minna en sjálfur dómsmálaráðherra
landsins til Bakþanka minna í enda viðtals
í Viðskiptablaðinu. Nú er lag að fá að
fara með Birni í bíó en það hefur lengi
verið markmið mitt í lífinu að fara í
bíó með Birni og skrifa um það greinina/viðtalið
"Í bíó með Birni Bjarnasyni". Hann er mikill bíókarl
og maður sér hann stundum einan í bíó.
Sjálfur fer ég oft einn í bíó. Það
er alveg ágætt enda fer maður ekki í bíó
til að gjamma framan í þann við hliðina á
sér. Fátt er reyndar ömurlegra en að lenda í
sæti fyrir aftan gjammandi pakk. "Í bíó með
Birni" gæti orðið tímamóta grein og nú
hefur maður sig kannski upp í að senda dómsmálaráðherranum
email, fyrst það er komið á hreint að hann veit
hver ég er og telur mig kannski með sér í liði
gegn ríku körlunum. Eins konar erkióvinur Björns
er Jónas Kristjánsson,
sem fer svona líka jákvæðum orðum um mig í
dag og telur í hópi með Erpi, Guðbergi og Davíð
Þór sem beztu stílista landsins á prenti. Guðbergur
er þó auðvitað hálfum kílómetra
fyrir ofan okkur alla. Það segir sig sjálft. Þetta
er samt gífurleg viðurkenning frá mentor íslenskrar
blaðamennsku, eins og hann er jafnan kallaður. Kannski væri
góð hugmynd að fara út að borða með honum
til að skrifa greinina/viðtalið "Út að borða
með Jónasi Kristjánssyni." Mér er minnisstætt
einu sinni á fundi þegar Jónas sagði í umræðu
um gamla auðinn versus nýríka að þetta væru
allt lýs, en þessar gömlu væru þó
alla vega saddar og það væri betra að vera með
gamlar saddar lýs á sér heldur en banhungraðar
nýjar. Mér fannst þetta svo skarpt að ég
setti saman hið óútgefna lag Lýs.
---
Hér til hliðar má sjá ýmis afkvæmi
mín og Kim Il Sung. Bestur er þessi sem lítur út
eins og Kentucky fried karlinn. Sá var víst minnipokamaður
fram eftir öllu og komst ekki í feitt fyrr en rúmlega
sextugur þegar hann opnaði fyrsta kjúklingabitastaðinn.
Enn er von, segi ég nú bara.
24.05.07
"Viltu finna stækkunargler Gunni og það strax!" sagði
vinur minn skipandi og klæddi sig snögglega úr buxunum.
Í dágóða stund starði ég á
kynþokkafulla buxnalausa æskuvin minn sem kann vissulega þá
list að laga líf sitt að óskum kvenna sem hann hrífst
af og spurði: "Hvað í ósköpunum er þetta?"
"Sífillis," svaraði hann samstundis. "Viðurstyggilegur
kynsjúkdómur eftir dömuna sem fór alltaf með
mig á sýningarnar, manstu?" bætti hann við reiður.
"Þetta er algjör viðbjóður" sagði ég
máttlaus og starði á sífillis-sárin sem
blöstu við mér á ofanverðum lærum hans.
"Finnst þér þetta ekki ógeðslegt Gunni?
Ég meina hefur þú séð annað eins?" spurði
hann ágengur án þess að breyta um stellingu.
"Nei, aldrei" svaraði ég og sofnaði. "Zzzzz."
"Hey, vaknaðu," æpti hann. "Ég er hér með
bullandi siffa og þú sofnar bara."
"Æi mér finnst svona lummulegt kynórakjaftæði
svo leiðinlegt," svarði ég. "Og Siffi – er það
ekki bara einhver útvarpsmaður á FM95.7?"
"Éttu skít," sagði kynþokkafulli æskuvinur
minn og sótti í sig veðrið. "Hvað ert þú
að herma eftir Ellý Ármanns sem er með almennilegt
blogg og það vinsælasta á landinu. Ertu öfundsjúkur
ræfillinn þinn?"
"Heyrðu!" öskraði ég, gafst upp og fór að
grenja. "Bú hú, bú hú."
---
Fór á Líf annarra (Das Leben der Anderen) í
gær, helvíti gott drama um martraðarkennda þjóðfélagið
sem var Austur-Þýskaland með sitt Stasi og rugl. Fyrsta
4 stjörnu mynd ársins. Eins og gerist bara eftir alvöru
góðar myndir fór ég heim og kynnti mér
meira um myndina, las t.d. viðtal við einhvern gamlan
andófsmann sem fannst myndin góð en sá margar
staðreyndavillur. Leikstjórinn er ungur gaur sem upplifði
ekki þessa tíma og því er kannski myndin enn
merkilegri. Svo er oft nokkuð gott austantjaldsfönk og rokk í
gangi í hljóðrásinni sem skemmir ekki. Möst
sí!
23.05.07
Sé mark takandi á stefnuskrá
nýrrar ríkisstjórnar er eins og hér sé
að komast á hið himneska hamingjuríki sem toppar
allt annað. Sjáum til. Það er allavega einhver ferskleiki,
ekki stöðnunin sem hefði stafað af líki gömlu
stjórnarinnar hefði hún haldið áfram. Ég
skulda Sigurjóni 500 kall.
---
Heyrði að Fjölvi sé að blása í
Tinnalúðra. Góðir. Þeir hafa staðið
sig vel. Íslensku þýðingarnar náttúrlega
gegnheil snilld. Fjölvamenn ætla loksins að gera Tinna í
Sovét á íslensku og opna Tinnabúð. Ég
leyfi mér að efast um þá viðskiptahugmynd að
opna Tinnabúð, myndi allavega ekki sjálfur leggja út
í það, en það er vonandi að allt gangi upp.
Þetta Tinnadót er náttúrlega alltaf á
okurprís í búðum erlendis svo kannski gengur þetta
upp. 25.000 kall fyrir litla plaststyttu af Flosa Fífldal, einhver?
---
Mogginn er farinn að berast frítt í hús á
mánaðartilboði. Sérstaða blaðsins liggur
í dána fólkinu og svo hinum æðislegu kverúlöntum
sem skrifa í Moggann sinn – Tuðmenn Íslands. Kverúlant
dagsins er Valgeir Sigurðsson sem eyðir góðum tíma
í að hneyklast á því að sumir skuli
nota "geðveikt" sem lýsingarorð yfir eitthvað gott,
flott eða frábært. (Lesist með rödd Jóns
Gnarrs í Smásálinni):
Nýlegt dæmi
um þessa ómenningu mátti lesa í Fréttablaðinu
21. apríl síðast liðinn, þar sem kvenmaður
hælir sér af því að hafa snætt "geðveikan"
mat í útlöndum og segir: "Hvar annars staðar en
í Íran getur maður borðað yfir sig af "geðveikum"
heimagerðum mat..." o.s.frv. Hvers vegna segist hún ekki hafa
étið yfir sig af "berklaveikum" mat? Það hefði
þó a.m.k. verið hægt að trúa því
að berklasýkill leyndist í matvælum, heldur en
að þar væri geðveiki fyrir hendi! Góður
Valgeir. Berklaveikt góður!
---
Wikitravel er það
nýjasta í Wikipedia fjölskyldunni. Helvíti gott
svona uppfæranlegt Lonely planet dæmi á netinu.
---
Las það í Fbl að einhverjir hundómerkilegir
bloggarar út í bæ séu farnir að fá
50000 kall á mánuði fyrir auglýsingar á
síðunni hjá þeim. Halló!? Hver er þriðji
besti bloggari landsins skv. vísindalegri könnun með hátt
í 20.000 heimsóknir á mánuði? Nei, segi
bara svona...
22.05.07
---
Aldarafmæli í dag – Heill þér mikli meistari
Hergé! Hver ætli eigi nú að leika Tinna
í bíómyndunum? Spennan er í hámarki.
Leonardo di capríó? Nei andskotinn! Þegar áhugamál
mín eru smættuð niður í tvær frumeindir
þá eru eftir Tinni og Bítlarnir. Talandi um Bítla
þá var þokkalega athyglisverður þátturinn
um Love sýninguna í LV. Reyndar finnst mér loftfimleikar
og óverkill í sviðsetningu ekkert gríðarlega
spennandi en maður myndi láta sig hafaða að sjá
giggið ef maður færi þarna út. Vonandi verður
Love
enn í gangi árið 2012 þegar við Lufsan höldum
til LV á ný til að endurnýja hjúskaparheitin
10 árum síðar. Síðast tímdum við
ekki að sjá tígrisdýrahommana enda dollarinn þá
110 kall en ekki 62 kall eins og núna. Djöfuls rugl alltaf
með þetta gengi.
---
Maggi strump er kominn með mp3-blogg.
Þar er m.a. lag með Vér eðlum oss, sem er mikið
hulduband sem gaman væri að vita meira um. Ef lesendur þekkja
Vér eðlum oss, Vér eðlum oss, þá skal
endilega skilja eftir komment hjá Magga.
21.05.07
Þú getur komið út úr skápnum
Tinky Winky – Jerry er dauður.
---
Tónlistarlífið í Kópavogi var fremur
dauft eftir gullöld Fræbbbla og Kópavogsbíós
og um mitt eitís voru þarna að harka fyrir utan S.H.Draum
bönd eins og Dron, Tea4-2 og Band nútímans. Mér,
í eðlislægum unglingahroka, fannst þetta náttúrlega
allt algert drasl enda hafði ekkert af þessu liði heyrt í
Birthday Party eða The Fall og vitnaði frekar í Duran Duran
og aðra nýrómantík í tónsköpun
sinni. Nú er auðvitað öldin önnur og hver fór
annar á DD á Íslandi annar en ég sjálfur.
En allavega, nú eru "strákarnir" í Bandi nútímans
komnir með hvínandi gráfiðring og hyggja á
kombakk. Þetta er svo sannarlega skratti úr sauðalegg.
Kombakkið verður í Salnum í Kópavogi þann
6. júní og kostar 1000 kall inn. Þar sem lesendur munu
án efa flestir spyrja Band nútímans hvað? þá
er hér á vegum samfélagsþjónustu burtfluttra
Kópavogsbúa lítið tóndæmi: Band
Nútímans - Courage.
Fréttatilkynning: Ef þið vissuð það
ekki nú þegar þá mun unglingahljómsveitin
Band Nútímans genga í endurnýjun lífdaga
og troða upp í Salnum í Kópavogi miðvikudagskvöldið
6. júní kl. 20.30.
Sem sagt í fyrsta sinn saman á sviði í
22 ár!
* * * * * * * * * * * * * * * * * * * * * *
Miðasala er hafin á tónleikana:
http://salurinn.is/event_info.asp?event_id=4482
* * * * * * * * * * * * * * * * * * * * * *
Endurkomutónleikar Bands Nútímans eru kærkomin
afsökun fyrir þá sem voru táningar í Kópavogi
á þeim tíma þegar Óli vörður
gekk um Hamraborgina og þrívíddarbíóið
á Skemmuvegi varð að skemmtistaðnum RÍÓ,
til þess að endurnýja kynnin og skemmta sér undir
stórbrotnum lagasmíðum 15 ára drengja sem ætluðu
sér aldrei neitt annað en að verða poppstjörnur.
Nú koma þeir saman aftur, löngu síðar og hver
veit... er draumurinn kannski loksins í augsýn?
Ekki láta þig vanta í Salinn, miðvikudaginn
6. júní.
Tónleikarnir hefjast klukkan 20.30 og aðganseyrir er
aðeins 1000 krónur.
Það er einlæg ósk okkar að sem flestir
vilji gleðjast með okkur að tónleikunum loknum á
veitingahúsinu Catalinu í Harmaborginni.
Tónleikagestir munu njóta sérstakra fríðinda
þetta kvöld í formi afslátta af völdum veigum.
Munið bara að hafa tónleikamiðana tiltæka.
Kveðja frá Bandi Nútímans
http://myspace.com/bandnutimans
Ps.
Endilega sendið þetta á þá sem ólust
upp með okkur ráfandi um Kópavoginn.
20.05.07
Þetta eru Böddi og Simbi, hugsanlega æðislegustu
menn á Íslandi í dag. Það versta við
skalla að maður hefur enga afsökun til að láta
svona menn strjúka á sér hausinn.
---
Annars er síðasta sýning á Abbababb! í
dag en sýningin verður án efa tekin upp aftur í
september. Góðar stundir!
19.05.07
Safnplatan Glataður blöðkur er komin út, eþs
Topp 5imm:
Silver
sun - Facts of life: Breskt kraftpopp af plötunni Dad's weird
dream, sem er þeirra númer 4. Hefur verið lýst
sem "Buzzcocks slæst við Cheap Trick og útkoman er pródúseruð
af Jeff Lynne", sem verður að teljast rétt.
Battles
- Ddiamondd: Fólk er skjálfandi yfir bandarísku
Battles þessa dagana, bandið þykir fínt stöff
og viðurkennt af mjóum tjúuskeggjum í sænskum
prjónapeysum. Mirrored er platan sem Warp gefur út, full
af langhundum og sprettum. Hér er auðgrípanlegasta lagið,
sungið eins og jólakór á spítti, en annars
er ekkert svo mikið sungið á plötunni heldur hjakkað
og tilraunað.
Of
Montreal - No conclusion: Plata Of Montreal "Hissing Fauna, Are
You the Destroyer" er ennþá ein af bestu plötum ársins.
Fimm laga ep-platan "Icons, Abstract Thee" er einskonar fylgja þeirrar
plötu og bætir á brúsann. Hér er rúmlega
9 mínútna lag um sjálfsmorðshugleiðingar sem
hljómar mun betur en það hljómar.
Goose
- Bring it on: Og þá er komið að Belgum. Hér
eru Belgarnir í Goose í svaka stuði í tillagi
flúnkunýrrar plötu. Þetta eru gaurar í
svipuðum rokkdansgír og landar þeirra í Soulwax
og það má gera margt verra af sér en að blasta
þessu á sig í ræktinni.
Simian
mobile disco - Tits and acid: Túttur og sýra með
þessu enska dúói af væntanlegu fyrstu plötunni
Attack Decay Sustain Release. Enn erða líkamsræktartónlist
heillin og enn erða margt verra en að láta þetta leka
með svitanum niður andlitið á þér þar
sem þú glápir á þrýstna rassa hlykkjast
fyrir framan þig hugsandi hugsanir sem í fullkomnu ríki
myndu kalla á skilyrðislausa vönun. Hikk!
18.05.07
Ef maður nennir ekki að svara einhverju þá er
auðveldast að segja bara: Þetta dæmir sig sjálft.
---
Refsing við ökuníðingsbrotum er ennþá
alltaf væg. Það á að taka af þessu bílprófið
í nokkur ár og sekta í erfiðisvinnu og samfélagsþjónustu.
Eina leiðin til að bæla niður fávitana er refsigleði.
---
Bloggarinn Siggi talar
um hressleika, sérstaklega þann sérstaka hressleika
sem stafar af Bylgjunni (svo ekki sé nú talað um Hemma
Gunn). Mér finnst alltaf jafn asnalegt þegar auglýst
er eftir "hressum" starfskröftum og sé fyrir mér eintóma
fábjána. Vilji maður ekki þennan uppgerðar
fávitaskap dulbúinn sem hressleika er auðveldast auðvitað
að leiða hann hjá sér. Þess vegna hef ég
aldrei hlustað á Bylgjuna. Fyrr en núna það
er, (hér er játning:) Bylgjan er á vali í bílaútvarpinu
af því stundum vill maður heyra fréttirnar. En
svo hefur það komið fyrir þegar maður sörfar
stöðvarnar í bílaútvarpinu að maður
staldrar við á Bylgjunni ef einhverjar 80s lummur eru í
gangi því það er stundum skárra en gítarrúnkið
á RvkFm/Xið eða Garðar Cortes eða eitthvað væl
á Rás 2. En ég myndi skipta um leið og einhver
hress byrjar að tala með endaþarminum á sér.
Brúttó! |