30.12.06
Ahh... Mikið hlakkar mig til þegar kílóið
af Nóakonfektinu klárast og ég get litið framan
í vigtina aftur. Ég stenst ekki kíló af Nóaviðbjóðinum,
slíkur nautnaseggur er ég. Og hei!, það má
nú veltast um í sykri og fitu í minningu frelsarans.
Fór til tengdó á Hvammstanga og las Rokland (sjá
Menningarafurðir).
Svo erða bara kalkúnn og skaupið (vona það besta
en býst við því versta) og svo nýtt ár
og einhvern veginn hægt að halda áfram en ekki bara vera
á rauðu jólaljósi eins og vill vera. Hér
er annar listi, ég er listamaður.
Topp 10 bestu myndirnar sem ÉG SÁ 2005:
1. Sideways
2. Napoleon Dynamite
3. Paha maa
4. Oldboy
5. Walk the line
6. Dig!
7. Sin City
8. Voksne Mannesker
9. Palindromes
10. Bad Santa
26.12.05
Plötur ársins, plötur ársins. Nú eru
allir að velja plötur ársins. Ég get auðvitað
ekki verið minni maður og hérna koma því PLÖTUR
ÁRSINS AÐ MÍNU MATI!
Íslenskar
1 Trabant - Emotional
2 Sigur Rós - Takk
3 Emilíana Torrini - The Fisherman's woman
4 Ég - Plata ársins
5 Benni Hemm Hemm - Benni Hemm Hemm
6 Kimono - Arctic death ship
7 Siggi Ármann - Music for the addicted
8 Hjálmar - Hjálmar
9 Jeff Who? - Death before Disco
10 Hudson Wayne - The battle of the banditos
11 Ampop - My Delusions
12 Rass - Andstaða
13 Sex Division - Lengi lifi lýðveldið
14 Hermigervill - Sleepwork
15 Hairdoctor - Shampoo
16 Úlpa - Attempted flight by winged men
17 Dr. Spock - Dr. Phil
18 Seabear - Singing arc ep
19 Leaves - The angela test
20 Worm is Green - Push play
21 Mínusbarði - Strákarnir okkar
22 Vax - Oh no
23 Ölvis - The Blue Sound
24 Baggalútur - Pabbi þarf að vinna
25 Kira Kira - Skotta
Erlendar
1 System of a Down - Mezmerize / Hypnotize
2 Art Brut - Bang bang rock n roll!
3 The White Stripes - Get behind me Satan
4 Kaiser Chiefs - Employment
5 Paul McCartney - Chaos and creation in the back yard
6 Caribou - The Milk of Human Kindness
7 Circle - Tulikoira
8 Jason Forrest - Shamelessly exciting
9 The Fall - Fall head rolls
10 Chemical brothers - Push the button
11 Andrew Bird - And the mysterious production of eggs
12 Wolfmother - Wolfmother
13 Datarock - Datarock
14 The Bravery - The Bravery
15 Lightning Bolt - Hyperactive mountain
16 Sons and Daughters - The Replusion Box
17 Franz Ferdinand - You Could Have It So Much Better With
18 Panico - Subliminal Kill
19 Gorillaz - Demon days
20 Gruff Rhys - Yr Atal Genhedlaeth
21 200 - Viva La Republica
22 Stephen Malkmus - Face The Truth
23 Black Mountain - Black Mountain
24 Beck - Guero
25 M.I.A - Arular
---
Annars er ég eiginlega hættur að hlusta á plötur
sem heild. Hlustunun er farin í það form að vera á
endalausu shuffle, eða maður setur upp pleilista til að taka
með í ræktina. Ég nenni þó ekki að
ganga svo langt að segja að tími albúmanna sé
liðinn. Kannski bara að gullaldarár albúmanna sé
liðinn. Það er eflaust slatti af plötum sem maður
á eftir að heyra sem kæmust inn á þennan
lista. Ég er t.d. nýbúinn að redda mér
nýju Deerhoof og er ekki frá því að hún
sé nógu góð til að komast á topp 10.
En hún kom bara of seint. Er þó búinn að
tékka á bæði My Morning Jacket og Sufjan Stevens,
sem eru vinælar á svona listum, en er ekki að fíla
þær plötur neitt sérstaklega.
---
Valdi tvennu SOAD af því ég er búinn að
hlusta á þessar plötur (sérstaklega þá
fyrri) svona 80-100 sinnum í ræktinni. Þetta er magnað
stöff til fitubrennslu, vitsmunalegt kraftþungarokk með
ádeilutextum. Art Brut minna mig á gamalt enskt stöff
eins og TV personalities, Fall og Wire. Ég hlusta nær aldrei
á enska texta, en hjá Art Brut eru þeir nógu
góðir til að troðast í gegn. Kaiser Chiefs eru
framlenging á Blur og Pulp. Gott stöff. Paul McCartney er Paul
McCartney og White Stripes White Stripes. Halda sínu.
---
Ekkert meistaraverk kom út á Íslandi í
fyrra, en Trabant er besta platan – hressandi slísí og subbuleg.
Emilíana er mjög góð konu- og kertaljósaplata
og Sigur Rós toppa ( ) en ekki ÁB. Singapore Sling kom of
seint út til að sleppa á þennan lista. Alveg topp
10 material samt.
24.12.05
Kæru vinir! Gleðileg
jól!
23.12.05
Ekki spurning, þetta er hugheilasti dagur í heimi...
21.12.05
Jamm... Popppunktur bara búinn og Milljónamæringar
sigurvegarar. Frekar óvænt svona, þeir duttu jú
út á móti Rúnna Júl í 8-liða
keppni fyrstu seríunnar, en svona er þetta: Allt mögulegt
í PP. Enginn Tónlistarþáttur fyrr en 8. janúar
og engin ástæða til annars er maður sé bara
í jóla tzjilli. Skýt hérna að Topp fimm
sem er kominn á gjalddaga:
Skakkamanage
- Christmas del sol: Þriggja laga jóladiskurinn "Nýju
jólalögin" lá í lúgunni og kom jólastuðinu
af stað. Ég býð spenntur eftir plötu frá
Skakka.
Singapore
Sling - Song for the dead: Taste the blood of... er sjölaga kröflugos
í rokkhól Sling en þar hefur eldvirknin sjaldan verið
jafn mikil. Þetta er magnað byrjunarlagið og minnir á
Scientists á plötunni Human Jukebox. Sling í skóinn!
Jerry
Yester and Judy Henske - Snowblind: Jerry var í Lovin Spoonful
(frábært band) en Judy er trúbbi. Þau voru hjón.
Þetta lag er ofsa gott. Af "Farewell Aldebaran" 1969 sem á
sér nýtt líf eftir að hafa verið þöguð
í hel bakk inðe olddeys. Frank Zappa gaf út.
Frogs
- Here comes santa's pussy: Þessir voru svaka flipp með hommabrandara.
Sá þá í CBGBs sirka 1990. Voru í balletdressi
með vængi á bakinu og eitthvað. Smá jólagrín
hér! Platan "It's only right and natural" er meistaraverkið
þeirra.
New
Buffalo - I've Got You and You've Got Me (Song of Contentment): Sólóband
Sally Seltman frá Melbourne. Af plötunni The Last Beautiful
day. Kengúrukrútt. Nammi namm.
19.12.05
Rúv tekur Extras
til sýninga. Gaman!
---
Borat er að gera allt vitlaust í
Kasekstan. Las það í DV. Líka að það
sé á leiðinni heil mynd um meistarann. Tja, myndin um
Ali G var náttúrlega slöpp, en vonum það besta
með Borat. Hann er nú eiginlega fyndnari en Ali hvort sem er.
Algjör snilld. Kasekstan woman only make love to buttom.
---
Las það líka að Séra Flóki sé
enn og aftur með leiðindi. Nú er hann að segja 6 ára
börnunum að jólasveinninn sé ekki til. Nokkuð
fyndið komandi frá manni sem er í fullri vinnu við
að plögga gömlum hulduverum frá miðausturlöndum.
17.12.05
Í gær heyrði ég svaka bransasögu af einhverjum
Óla partýpítsu, þáverandi kærustu
hans Helgu Möller (ég kemst í hátíðarskap,
þótt úti séu snjór og krap), JFM og þáverandi
kærustu hans, leikkonunni Önnu Björns. Sagan gerist í
LA sirka 1976 og við sögu koma kókaín, sundlaug
við LA-villu, stigi í sömu villu og kvenmannssköp.
Pönslænið er "...og þá varð Möllan
alveg brjáluð!" Mjög góð saga! Mér skilst
að Rassi prump, unnusta hans og Davíð Þór píanóséní
hafi haft þessa sögu til grundvallar gjörningi sem þau
fluttu í Klink og Bank á dögunum. Voru víst öll
allsber. Hvar var DV eiginlega?
---
Ég heyrði líka sögu af ónefndum forstjóra
ónefnds flugfélags sem kýs að vera til ama og
leiðinda þegar hann flýgur á milli landa – drullufullur
og böggandi farþega. Þegar skjálfandi flugfreyjurnar
ætla að segja sínum manni til syndanna er hann með
svörin á reiðum höndum: "Á'ðetta – má'ðetta".
---
Gaman að þessum nýríku hálfvitum! Í
staðinn fyrir Kallakaffi hvernig væri nú að einhver
skrifaði þætti um þennan nýja aðal landsins?
Þættirnir gætu verið í stíl við
Sopranos. Kannski maður neyðist til að skrifa þetta skjálfur
ef enginn annar ætlar að gera það.
---
365 vinnur aldrei stríðið með svona lélegum
útburði. Vegir blaðbera Fréttablaðsins og DV
eru algjörlega órannsakanlegir. Oftast dettur þetta ekki
inn fyrr en um hádegi. Stundum á kvöldin. Stundum kemur
ekki neitt. Stundum kemur Fbl en ekki DV. Stundum DV en ekki Fbl. Ég
er fjölmiðlasikk og gerðist því áskrifandi
að Mbl til að fá fokkings blað á morgnanna. Mbl
kemur ALLTAF fyrir kl. sjö. Ef Fbl og DV kæmu ALLTAF fyrir kl.
sjö þyrfti ég ekki að vera áskrifandi að
Mbl. Sé það samt ekki gerast. Kannski lagast þetta
þegar góðærið er búið. Þá
nennir kannski einhver með fullu viti að bera út fyrir þau
lúsalaun sem 365 eru að bjóða.
15.12.05
Það er áberandi hvað allir eru góðir
núna. Til dæmis þessi sem gaf Unicef 21 millur (og fékk
í staðinn ómalað verk eftir Hallgrím Helgason).
Og svo erða náttúrlega Einar
Örn, sem er búinn að slá í gegn með
uppboðinu sínu. Sjálfur á ég hæsta
boð eins og er í Simpsons dvd-pakka 1&2 hjá honum
en einhver Hjalti gæti reynst skeinuhættur. En þetta
eru vissulega tímar til að vera góður. Í janúar
er hægt að vera vondur og eigingjarn aftur. Eða ekki.
---
Ætli jólaskapið komi nokkuð fyrr en bara á
aðfangadag? Þessi jólalagasúpa sem allsstaðar
gutlar er nú ekkert að virka á mig. En hér er
smá ókeypis jólastöff: Sufjan Stevens er með
maníu. Auk þess að demba út plötum ótt
og títt gerði hann jólaplötur sem liggja frítt
á netinu í Zip-fælum. Hér
má hlaða því inn. Hér
er svo skemmtileg síða með fullt af ókeypis tölvupoppi.
Í discographiunni má t.d. hlaða niður 8 jólalögum
(plötunni The 8bits of Christmas).
---
Hér er Rolling
Stones túrinn. Verður maður ekki að sjá þessar
kempur? Koma varla hingað eins og ég var að röfla um.
Það stóð víst svaka tæpt, þeir
voru næstum búnir að kýla á Ísland
þann 6 júní en tóku Bergen fram yfir á
síðustu stundu. Þetta segja mér heimildarmenn í
bransanum. En þá verður maður bara að leggja fót
undir land, t.d. á Wembley í ágúst.
---
Hef verið að lesa STEINARNIR TALA sem Biggi
þýddi. Mjög gott stöff, skildueign rollinga og rokkara
myndi ég halda. Annars fullt af álitlegum rokkbókum
núna. Maður þarf að lesa rokksögubók Tomma
Tomm, Pétur Poppara e. Hreinsson, Hr. Rokk og þessa Lennon
bók. Greinilega margir sem veðja á rokkbækur í
ár sem er gott.
13.12.05
Þá er það lýðnum ljóst: Milljónamæringarnir
og Geirfuglarnir keppa í síðasta Popppunkti í
heimi á sunnudaginn. Það ætti að verða almagnaður
leikur.
---
Dagur B Eggertsson er genginn í Samfylkinguna. Vá æðislegt.
---
Jón Baldvin Hannibalsson ætlar kannski að taka þátt
í stjórnmálum aftur. Vá æðislegt.
---
Ónefndur maður á Toyotu skipti um rúðuþurrkur
í morgun. Vá æðislegt.
---
Það er ekki baun í bala í fréttum. En
ég var reyndar að kaupa baunir áðan (malaðar
- Morgungull frá Kaffi Tár, fjórmælalaust besta
kaffið, tekur Starbucks í nefið) og ég á líka
bala (bláan).
---
Ef mig vantaði listamannsnafn í eitthvað hliðarverkefni
myndi ég taka upp nafnið Donald Fuck. Tja, dáldið
barnalegt reyndar.
---
Er ekki stórhættulegt fyrir fólk sem þjáist
af ofsóknaræði að vera með email? Ég var
t.d. núna að fá ruslpóst frá Lalita Duguay
með subjektinu "Uncle Bashing". Í póstinum stóð:
CIALIS 30 PILLS - $169.99
VIAGRA 30 PILLS - $134.99
VALIUM 30 PILLS - $85.99
XANAX 30 PILLS - $123.99
SOMA 30 PILLS - $75.99
Er ekki hægðarleikur að túlka þetta sem skilaboð
frá geimverum eða CIA?
12.12.05
Ágætt að byrja mánudaginn og vikuna á
ægihressum Topp fimm:
Lydia
Lunch & Die Haut - Der karibische Western: Á fyrri helmingi
9. áratugar var Lydia Lunch mikil draumakona í hugum óframfærinna
nýbylgjurokkara. Hún helti olíu á eldinn með
að leika í nokkrum listrænum klámmyndum. Hún
vann með allskyns liði, þ.á.m. Die Haut frá
Berlin sem unnu líka með Nick Cave og ýmsu liði.
Ein besta niðurstaðan var þetta frábæra lag
sem kom út á tólf tommu 1982.
Mogollar
- Eastern love: Tyrkneska sixtís rokkið er stórskemmtileg
samsuðu tveggja menningarheima. Bítlabít með miðausturlandakeim
og allir í stuði! Mogollar voru meðal stærstu hetjanna
og eru enn að! Þetta stöff má t.d. kanna á
safnplötunum "Love, Peace and Poetry: Turkey" og "Turkish Delights
- 26 Ultrararities from Beyond the Sea of Marmara".
Mavi
Isiklar - Kanamam: Meira tyrkjabít – Hvernig er hægt að
slá hendinni á móti svona glæsilegri hljómsveit!
My Morning
Jacket - Off the record: Fólk er alveg að farast yfir nýjustu
plötu þessara vina Dave Grohls, "Z", svo ég varð
náttúrlega að athuga málið og sei sei: Jú
jú, þetta er bara nokkuð fínt stöff. Svona
kántrí Flaming Lips eða eitthvað...
The
Chills - I Love My Leather Jacket: Nýsjálenskt og poppgott
frá eitísinu. Nú má lesa heljarinnar grein
um Nýsjálenska stöffið á Rjómanum,
hinu íslenska Pitchforkmedia, sem er vissulega virðingarvert
framtak og allt það. Endilega þó að muna að
þegar maður skrifar um tónlist þá á
maður ekki að vera í sama fíling og þegar maður
skrifar ritgerð í Háskólanum. Eða það
finnst mér allavega. Semsagt: Meira rokk, minni leiðindi! Svo
var nú kannski óþarfi að stela nafninu frá
Sýrðum
rjóma (nema þetta sé tribjút?) – það
hefði t.d. verið hægt að kalla þetta Ostinn, Fjörmjólkina
eða Jógúrtið. |