15.11.07
Einu sinni var ég í áskrift að Film Threat.
Nú er blaðið aðallega á netinu held ég,
en segir svo sem hlutina jafn umbúðalaust. Hér
er snotur listi yfir það kaldasta í Hollywood þessi
misserin. Það er ánægjulegt að sjá t.d.
draslleikstjórann Eli Roth og gerpið Perez Hilton á þessum
lista.
---
Ég viðurkenni það: Ég hef stundum sett
nafnlaus komment við blogg út í bæ, jafnvel rætin
og ómerkileg, en nú er ég alveg hættur. Ég
held að bottomlænið sé að ef maður getur ekki
staðið við skoðanir sínar undir nafni þá
séu þær skoðanir ekki þess verðugar að
þeim sé útvarpað. Þá á maður
bara að halda þeim í sínum fúla haus. Þetta
er ekki diss á bráðskemmtilega hrægamma eins og
Mengellu og Hnakkus, þetta er bara ekki eitthvað sem ég
hef gert upp við mig. Mig hefur reyndar stundum dottið í
hug að stofna leyniblogg, skitapesi.blogspot.com eða runkirunkason.blog.is
eitthvað í þessum dúr, þar sem rætið
og/eða öfgakynferðislegt blogg myndi ráða ríkjum
(Hlutverk Rúnka átti t.d. að vera það að
tjá sig um atburði líðandi stundar út frá
manni með króníska sjálfsfróunaráráttu,
dæmi: Eddan: Lippaðist allur niður þegar Eyvindur
Karlsson var í mynd en kom allur til þegar Silja Hauks og
Sólveig Arnardóttir, báðar sexí í
svörtu, afhentu saman. Ú la la...) Eitthvað svona karlpungatáfýluhjal
sem ég mynda aldrei þora að útvarpa undir nafni.
En til hvers ætti ég að nenna því? Ég
á í fullu fangi með þetta blogg...
---
...og get svo sem verið alveg nógu opinn og persónulegur
hér. Til dæmis hafa draumar mínir verið sérlega
upplífgandi síðustu tvær nætur. Í
nótt dreymdi mig að mér var boðin staða bassaleikarans
í Sigur Rós. Georg Hólm bankaði sjálfur
upp á. Ég sagðonum að það væri ekkert
mál og var byrjaður að æfa mig þegar ég
vaknaði. Dálítið leiðinlegt því
ég átti eftir að fara með þeim á túr
og allt. Nóttina þar á undan dreymdi mig að ég
væri kominn með svo stórt undir mér að ég
þurfti bara smá að beygja mig til að ná. Vaknaði
þá líka áður en ég gat notfært
mér þessa stöðu til fullnustu. Það er allt
að gerast í draumunum. Hefur draumaritstjórinn verið
að lesa The Secret? Hvað næst, segi ég nú bara.
---
Eðlilega hefur Okursíðan
fengið færri email en þegar mesta athyglin var á
henni. En það er samt alltaf eitthvað. Var að enda við
að setja inn sjö ný dæmi.
---
Kvót dagsins: "Ég segi nú bara fyrir mig: Frekar
færi ég með pening í gröfina heldur en Kallakaffi."
Örn Úlfar Sævarsson
í þessum
kommentum.
13.11.07
Abbababb! lokasýning (í bili) á sunnudaginn (18.
nóv). Tvær sýningar, kl. 14 og kl. 17. Uppselt kl.
14 en enn til miðar á sýninguna kl. 17. Síðasti
séns! Athugið málið hjá Hafnarfjarðarleikhúsinu.
---
Heilinn á mér er frábær. Ég vildi
ekki skipta. Pæliði íðí hvað það
væri leiðinlegt ef heilinn úr Árna Johnsen eða
Karli Sigurbjörnssyni væri allt í einu kominn í
hauskúpuna á mér. Heilinn tekur upp á ýmsu
skemmtilegu. Þegar ég er að ganga á fjöll
fer ég stundum að tauta sama orðið fyrir munni mér
aftur og aftur eins og kolgeðveikur maður. Fyrst tautaði ég
aftur og aftur Fann-tó-fell, Fann-tó-fell, Fann-tó-fell.
Þess má geta að Fanntófell er álitlegt fjall
í Kaldadal sem ég hef ekki gengið á enn. Nokkru
síðar, þegar ég var búinn að tauta Fann-tó-fell
í nokkrum ferðum, fór ég að tauta annað.
Það var Lillý-Valgerður-Pétursdóttir,
Lillý-Valgerður-Pétursdóttir, Lillý-Valgerður-Pétursdóttir.
Nú veit ég ekki hvað Lillý Valgerður var að
vilja upp á dekk í hausnum á mér en það
skiptir ekki máli.
---
Þegar ég er í spinning bregður heilinn á
mér stundum upp sömu myndinni. Það er af mér
og Dagbjarti að skoða drasl í Góða hirðinum.
Við höfum stundum farið þarna og gramsað í
gömlu drasli. Í dag kom fram alveg glæný heilasýn.
Það var mjög skemmtilegt og óvænt. Ég
fór að hugsa um popppokana sem voru seldir í sjoppunni
sem var á móti Austurbæjarbíói í
gamla daga. Ég man greinilega eftir þessum popppokum. Sá
stærsti var með teiknaðri mynd af káboja sem snéri
slöngvivaði fyrir ofan hausinn á sér. Kábojinn
minnti á eiginmann Ljósku í teiknimyndunum, Dagwood
heitir hann á ensku, en var samt ekki hann. Veit einhver hvað
ég er að tala um? Þessi popppoki var allavega frábær
minning. Ég spann eins og galinn.
---
Ég held ég hafi samt aldrei haft efni á svona
stórum popppoka og er svo sem ekki það mikill poppfíkill
að ég hafi haft lyst á heilum svona poka. Í Kópavogsbíói
fékk ég hinsvegar alltaf einn poka af Lollípopp. Hvaða
mynd var nú aftur á Lollípoppinu? Af töfralampa?
Lollípoppið var mun minni skammtur og í plastpoka. Ekki
ferskt popp eins og þarna í sjoppunni gengt Austurbæjarbíói.
---
Í dag hef ég bæði hlustað á fyrstu
plötuna með Specials og fyrstu plötuna með Madness. Hvað
er í gangi? Einhver skabylgja? Maður ætti kannski að
skella sér á This is England?
---
Hver er Mengella? Hver er Mengella? Ert þú Mengella? Rassgatið
á jólasveininum? Mengellu-ævintýrið náði
hámarki í gær þegar blogggæran "opinberaði"
sig. Ég grét endalok Mengellu (sjá hér að
neðan) en fékk skömmu síðar hughreistandi email
frá Mengellu sjálfri. Það er svona (birt með
góðfúslegu leyfi):
Blessaður og sæll.
Ég þakka falleg eftirmæli um mig, hitt er þó
annað mál að ég er ekki
dauð úr öllum æðum enn. Í einhverri
galinni tilraun til að outa mig
tók þetta fólk upp á að gangast við
mér um víðan völl. Ég get mér þess
til að þau hafi talið að hégómleiki
minn myndi ekki þola það og ég
gengi sjálf fram fyrir skjöldu til að sleikja upp
heiðurinn. Ég ákvað
í staðinn að dansa með og gera mitt besta til
að koma nokkrum af
þessum sálum í vandræði, t.d. með
því að auka enn við þrálátan orðróm
um meinta tvíkynhneigð Hildar.
Ástæða þess að óli Sindri er hvergi
nefndur er sú að þetta er uppspuni
frá upphafi til enda. En nú er Óli kominn fram
(takk fyrir það). En
þér er fyrirgefið. Hann hefur alltaf verið
tilbúinn að sitt nafn komi
fram og það verður ekkert mál að fóðra
það. Hann hefur jú hannað
grafíkina og svona.
Hitt er annað mál að það stendur ekki til
að afhjúpa Mengellu í bráð.
Og þar hafiði það, þið getið andað
léttar því Mengella er ekki hópur ljóðarúnkara
(svo vitnað sé til orða Rudda).
Þetta er ægileg hringavitleysa og óveður í
plastmáli. En svona er þetta bara.
12.11.07
Internetið gæti verið frábært. Vandamálið
er bara hvað það er leiðinlegt. Maður leitar logandi
ljósi að einhverju skemmtilegu til að lesa en þarf
að böðlast í gegnum hauga af leiðindum fyrir hvert
snifsi af skemmtilegheitum. Mogga- og Vísisblogg er uppfull af óskrifandi
sauðum, oftar en ekki með mannskemmandi eða feysknar skoðanir
svo maður missir trúna á mannkynið og vill flýja
til Puka Puka við að líta þau leiðindi augum.
Ekki það að fólk sé yfirleitt skemmtilegra
á Puka Puka (eða hvað veit ég, ekki eins og ég
hafi komið þangað og þar búa bara 197), en þar
er vonandi ekkert netsamband og því ekki hægt að
lesa moggabloggið. Jú jú hvaða hvaða, það
eru nokkur ágæt blogg þarna á moggablogginu.
Barnaland ætti að heita Í guðana-bænum-takið-börnin-af-þeim-land
og það er jafn aðlaðandi að lesa málefnin
og að sleikja sokka á Grund. Hvar er allt glæsilega, gáfaða
og góða fólkið á þessu landi? Ég
meina, fyrir utan mig. Skrifar það aldrei á netið?
---
Nú hefur textahöfundur minn Mengella,
sem lengi (eða ekki svo lengi, bara þetta ár) hefur verið
það hressasta á netinu, opinberað og lagt sig niður
í sömu færslunni. Maður er í sárum.
Mengella var:
1. Hildur Lilliendahl
2. Jón Örn Loðmfjörð
3. Ásgeir H. Ingólfsson
4. Þórarinn Björn
Sigurjónsson
5. Þórdís
Björnsdóttir
Og ekki má gleyma Ólafi
Sindra. Hann fékk allavega tékkann fyrir Ísinn.
Hvað hefur nú þetta lið betra að gera en að
þykjast vera Mengella? Skrifa ljóð? Jæja, ég
þakka fyrir mig. Nú má bara loka Internetinu.
---
Nei annars. Það eru Baggalútur, Jónas og Egill
og eitthvað svona hér og þar, nokkur stopul en ágæt
blogg. Þið vitið hvað ég er að tala um.
---
Ég hékk yfir Eddunni enda Þorsteinn
Guð guð. Ólafía Hrönn og Eyvindur
Karlsson sýndu góða takta. Næturvaktin átti
allt skilið sem hún fékk enda bestu þættirnir
síðan Fóstbræður. Veit ekki með sigurgöngu
Foreldra. Fannst það frekar fúl mynd eitthvað og Veðramót
mun skæslegri. Ólétta konan reyndar vel að styttunni
komin enda mögnuð sem þessi lummulega mús sem hún
lék.
11.11.07
Nýtt í veitingahúsagagnrýni:
Prikið fullt hús fyrir "vörubílinn"
---
Íslensk tónlist með góðum íslenskum
textum gefur mér einfaldlega miklu meira en íslensk tónlist
með enskum textum, skiptir þá engu hvort þeir séu
góðir eða vondir í sannleika sagt heyri ég
ekki enska texta sem skilaboð, bara sem enn eitt hljóðfærið
í súpunni. Ég tek undir með Bubba og fleiri góðum
mönnum hvað þetta varðar, íslenskt er einfaldlega
betra og nær manni. Sjálfur hef ég ekki sungið
á ensku nema í meikþoku. Bless-platan Gums er á
ensku og þess vegna ónýt í mínum huga.
Ég sé mjög eftir því að hafa ekki heimtað
að hún yrði á íslensku. Allir textarnir voru
til á íslensku og allt. Því var bara haldið
fram að við myndum selja miklu meira með enskum textum. Þetta
var löngu fyrir Sigur Rós og svona. En allavega. Á meðan
fólk treystir sér ekki til að syngja á íslensku
getur það bara hoppað upp í sitt enska rassgat eins
og bjánar. Sí if æ ker, eins og (enska) kerlingin sagði.
Topp 5imm í dag er fjögur íslensk lög með enskum
textum. Þetta er náttúrlega glatað ástand
og hallærislegt. En hvað er hægt að gera? Setja lög
á lög? Syngdu á íslensku eða þú
verður aldrei spilaður á Rás 2? Mætti reyna
það? Taka hörkuna á þetta? Tala um "hlutverk
ríkisútvarpsins" og vera harður? Nei nei, þetta
hefur sinn gang og kannski áttar fólk sig. Hér koma
landráðamennirnir, svikarar við tungumálið og
ættjörðina. Þið ættuð að skammast
ykkar:
Bloodgroup
- Red egypt: Þetta austfirska/færeyska stuðband
er komið á kortið með núeitísdansmúsik.
Þegar hafa allavega þrjú lög hitt í mark
en platan, Sticky situation (Klístrað ástand), er góð
í gegn, þótt þau eigi eflaust fullt inni ef þú
halda út í aðra plötu.
Fulli
kallinn - Just married: Halli Botnleðja er Fulli kallinn og
Hafnafjörður capital of the universe er platan. Hressar melódíur
og fjör hjá Halla og ekkert rugl.
Sometime
- Heart of spades: Danni í Maus, Curver, söngkonan
og einhver gaur eru Einhvern tímann. Þau eru í núreifinu
og hafa dúndrað út plötunni Supercalifragilisticexpialidocious.
Bennys
Crespos Gang - Next weekend: Leiló og félagar rokka
úr sér lungu og lifur á 9 laga flóðhesti,
ellegar nashyrningi. Næsta helgi er gott lag.
For
a minor reflection - Fallegt útsýni: Ósungin
lög með íslensk lagaheiti, en einhverra hluti vegna nefna
þessir fjórir 18 ára strákar sig upp á
ensku, og frekar óþjálu nafni þar að auki.
Það eru fullt af póstrokk náttúruvænum
nöfnum á íslensku sem hefði verið hægt
að nota á bandið, t.d. Andvari, Blær, Draumakunturnar,
Eilífð, Foss, Geisp og Herðubreið svo 7 fyrstu stafir
stafrófsins séu teknir sem dæmi. Fyrsta plata strákanna
er komin út í brúnum pappa og stendur sig í
póstrokkstykkinu.
10.11.07
Abbababb! - bókin kemur út í dag! Ég verð
í Bókabúð Máls og menningar, Laugavegi,
kl. 14 í dag (laugardag) með kynningu. Landsþekktir listamenn
taka þátt.
---
Bókin er 265 x 200 mm og 48 bls. Lýsing: Leynifélagið
Rauða hauskúpan fæst hér við dularfullt sakamál
þar sem við sögu koma meðal annars diskóboltar
og pönkarar, Pála spákona og Doddi draugur, að ógleymdum
skuggalegum Rússum og Hr. Rokk. Bráðfjörug saga
fyrir hressa krakka! Stórglæsilegar litmyndir Fanneyjar
Sizemore prýða bókina.
---
Það eiga enn 18 lög eftir að heyrast í Laugardagslögunum
en samt er eins og Ho hoið hans Barða sé búið
að vinna þetta. Ekki misskilja, mér finnst þetta
frábært lag, frábært atriði og frábært
grín, og það væri unaðslegt að fylgjast
með því í Serbíu, en kommon pípol,
hold jor horses forsíðan á DV? Er það nú
ekki einum of snemmt? Hvað ef Fabúla kemur nú með
lag sem er miklu betra en Yesterday og fær Björk til að
syngja það? Eða ef Svala kemur með enn fyndnara eurotrash
en Barði? Eða jafnvel ef Barði sjálfur kemur með
enn fyndnara lag en Ho ho? Fólk er alveg að tapa sér
hérna. Sjálfur á ég einn séns enn til
að sanna mig og nú þýða engin vettlingatök.
Ekkert meira settlegt og sakleysislegt popp. Það er ljóst
að fólkið vill flipp og kjöt og grín og þá
fær fólkið það. Það þýðir
ekkert hálfkák og því er hráasta rokkkjöt
Eurovisionsögunnar komið í vinnslu. Úrbeinað
og blóðugt á diskinn þinn í desember.
09.11.07
Fátt kemur á óvart í bestu plötur
landsins-lista Moggans.
Svona er topp 10:
1. Sigur Rós Ágætis byrjun
2. Trúbrot Lifun
3. Bubbi Ísbjarnarblús
4. Bubbi Kona
5. Megas & Spilverkið Á bleikum náttkjólum
6. Björk Debut
7. Sigur Rós Takk
8. Utangarðsmenn Geislavirkir
9. Stuðmenn Sumar á Sýrlandi
10. Emilíana Torrini Fisherman's Woman
Niðurstaðan fyrir Eru ekki í stuði var svona árið
2000:
1 Sigur Rós - Ágætis byrjun
2 Björk - Debut
3 Megas & Spilverk þjóðanna - Á bleikum
náttkjólum
4 Stuðmenn - Sumar á Sýrlandi
5 Trúbrot - Lifun
6 Bubbi Morthens - Ísbjarnarblús
7 Utangarðsmenn - Geislavirkir
8 Stuðmenn & Grýlurnar - Með allt á hreinu
9 Bubbi Morthens - Kona
10 Sykurmolarnir - Lifes too good
Ágætis byrjun er enn sú besta en annars færast
plötur upp og niður. Fulltrúar 2000-ins eru Takk Sigur
Rósar og Fisherman's woman og bola burtu Life's too good (oní
17. sæti) og Með allt á hreinu (oní 13. sæti).
---
Jan Terri - Lose
you tonight: Ófríð kerling, leiðinlegt lag, hugsanlega
versta myndband sögunnar.
07.11.07
Dreif mig loksins á Veðramót. Nokkuð þétt
bara, vel leikin og trúverðug. Samt of endaslepp, hefði
mátt vera meira djús í endanum.
---
Meira af plötum sem þarf að tékka á: Sticky
situation með Bloodgroup vitanlega og plötuna með Sometime.
---
Skotsilfur er vefsíða
um persónuleg fjármál og sparnað. Meðvitaðir
neytendur ættu að streyma þangað.
---
"Eftir
fund með blaðamönnum" er færsla á síðu
Egils Helgasonar. Egill bendir réttilega á að blaðamennska
sé síðasta athvarf "próflausra aumingja" og að
flestir sem eitthvað geta eru droppát úr skólum,
margir ekki einu sinni með stúdentspróf. Ef Egill væri
sprenglærður gæti hann eflaust ekki séð um jafn
dán tú örð þætti og Silfrið og Kiljuna,
enda væri hann sífellt að sýna fram á menntun
sína með skrúðmælgi og gáfulegum leiðindum.
Vilji fólk komast nálægt því andlausa
rassgati sem sprenglærdómur skilar er nærtækast
að fletta Lesbókinni. Egill þorir þó ekki
að mæla með menntunarleysi. Fjölmargt af því
sem flokkast undir menntun er þó greinilega tímasóun
og ekki annað en flóttleið upp í eigið rassgat.
(En þetta segi ég náttúrlega bara af því
ég er ómenntaður ræfill og fullur af minnimáttarkennd.)
06.11.07
Sit hér og hlusta á kassettuna Pakk með samnefndri
hljómsveit. Gramm gaf út árið 1982. Snældan
mun hafa verið seld í sokk en það fylgir enginn sokkur
þessu eintaki sem ég komst yfir. Þetta er ægilegt
experíment, þarna eru á ferð Einar Örn og
Bragi úr Purrki Pillnikk og Þórólfur Eiríksson
og Sveinbjörn Gröndal sem voru í Tríói Ólafs
ósýnilega og Lojpippos og spojsippus. Allt saman toppbönd.
---
Ónefnd hljómsveit vill láta hjálpa sér
að finna hljómsveitarnafn. Hér er könnunin.
Þetta eru allt hundléleg nöfn sem strákarnir bjóða
upp á en það má líka stinga upp á
einhverju öðru. Ég er að hugsa um að senda þeim
hljómsveitarnafnið Blóðsmokkur.
---
Hér er svo önnur könnun: Mogginn
bíður upp á bestu plötu allra tíma. Þetta
er nú svipað úrval og könnunin sem ég gerði
fyrir rokkbókina um árið. Þá bustaði
Ágætis byrjun Sigur Rósar algjörlega kosninguna,
enda nýkomin út. Nú verður gaman að sjá
úrslitin. Kæmi lítið á óvart þótt
Ágætis byrjun þyki enn best. Úrslit verða
kynnt á degi íslenskrar tónlistar, 9. nóv.
Það kemur á óvart að ein snælda kemst
á listann, Minnir óneitanlega á Grikkland með
Bag of joys. Ég hef nú ekki einu sinni orðið svo
frægur að keyra þá spólu.
05.11.07
Nú dettur mér sjálfum ekki í hug að
fara að fóðra vasa Símans og Rúv með hundrað
kalli fyrir hvert símtal en ef einhver er í sérstöku
stuði til þess þá er símanúmerið
fyrir Drepum tímann 900 2201. Ég meina, það
væri ekkert verra að slefast í þetta wildcard dæmi.
Hið undursamlega lag má svo hlusta á hér:
DREPUM
TÍMANN
---
Halli spyr í gestabók hvort Ho ho sé ekki með
saman viðlagi og We
all live in America með Rammstein. Líkt kannski en ekki
eins, myndi ég halda.
04.11.07
Ég neita því ekki að ég var dáldið
fúll þegar Ísinn tapaði fyrir fyllibyttuleigubílalaginu
hans Magga Eiríks. Í gær átti sófistikeraða
kókaíndiskóið Drepum tímann, þrátt
fyrir að vera yndislega flutt af Siggu og Kalla og frábærlega
pródúserað af Óskari Páli, ekki séns
í fríksjóið hans Barða. Ho ho er komið
í heilabörkinn á þér eftir eina umferð
og situr þar fast svo það kom síst á óvart
að það ynni. Og ég er ekkert fúll enda er þetta
frábært lag til að tapa fyrir. Ef ég á ekkert
að fara að vinna þessa keppni (á reyndar einn séns
enn sem verður að nýta til fullnustu) vil ég sjá
Ho ho fara alla leið. Frábært lag en algjört rusl.
Við tökum Austur-evrópu með trompi með þessu.
Því segi ég: Barði til Belgrad! Og ef Valli
Sport og Siggi Hlö eru að lesa þetta þá gef
ég þeim leyfi til að prenta þetta slagorð á
stuðaralímmiða, barmnælur og bolla.
---
Annars eru sigurlíkur Ho ho undir því komnar hvað
fólk verður lengi að fá leið á djókinu.
Reyndar undir því komnar líka hvort einhver sterkur
andstæðingur komi fram. Úrtöluraddir eru þegar
farnar að tala um að þetta sé annað Silvíu
hneyksli í uppsiglingu og að Barði sé að gera
grín. Auðvitað, og hvað með það? Það
eru 50/50 líkur á gott gengi grínlaga í sjálfri
keppninni úti svo afhverju ekki að reyna einu sinni enn? Reyndar
eru meira en 50/50 líkur á góðu gengi, grínlög
hafa eiginlega alltaf náð langt. Það var eiginlega
bara Silvía Nótt sem náði ekki í mark með
grínið, enda náttúrlega kannski full absúrd
grín fyrir austantjaldsbolinn. Varðandi gott gengi grínlaga
bendi ég á Lordi og norska metalbandið þar áður
og svo Austuríkismanninn Alf Poier 2003 (6. sæti með Weil
der Mensch zählt) og litháenska megaruslið We
are the winners (hugsanlega versta lag í heimi en flaug samt
upp úr milliriðli og endaði í 6. sæti 2006).
Um þetta verður eflaust rætt næstu vikur og mánuði...
---
Afhverju hefur Vatíkanið aldrei tekið þátt
í Eurovision? Þaðan gæti eflaust komið gott
múnkadiskó. Og svo er Guð með þeim í
liði. Myndi ekki klikka.
---
Vöðvabúntin hans Barða voru geypihress baksviðs.
Ceres 4 er náttúrlega meistari og þurfti að fá
tvær umferðir af spraututani áður en hann fékk
að fara upp á svið. Tröllið Gazman skóflaði
í sig torkennilegu jukki úr bitaboxi og Partý Hans,
sem var hálf rindilslegur við hliðina á tröllinu,
reyndi að peppa sig upp með armbeyjum. Sjálfur Gillz
fór aldrei úr að ofan enda vissi hann upp á sig
sökina og sagðist vera off season. Allt saman góðir
strákar á bakvið dýrslegan frontinn, en stelpuna
sem söng sá ég aldrei á sama stað. Hún
mun aðallega vera fræg fyrir það til þessa að
syngja bakraddir hjá hljómsveitinni The
End.
---
Nú held ég að eina leiðin til að ná
úr sér eurohrollinum sé einn nettur Topp 5imm:
7.
apríl - Choose your season: Gústaf Hannibal Ólafsson
syngur og Hrafn Hrólfsson gerir rest í hljómsveitinni
7. apríl. Þeir eru upp og komandi og það mætti
segja mér að þeir eigi nokkrar plötur með The
Brian Jonestown Massacre í safninu sínu. Fínt band
sem verður stuð að heyra meira í. Á mæspeisinu
þeirra má heyra fleiri lög en eitt besta lagið þeirra
hefur verið myndskreytt með eggjandi myndbandi hér.
Það lag minnir glettilega á The Fall. Fínt stöff.
The
Hives - Square one here I come: Litla skoffínið og félagar
hans í Hævs er komnir með nýja plötu, The
Black and white album. Bandið er nú kannski ekki að skora
hátt á töfflistanum í dag enda dáldið
svona 2002. Platan er engu að síður fín. Poppaðar
pródúseringar og skemmtileg popprokk lög. Hér
er eitt með skemmtilegum texta. Hífað stöff.
Sambassadeur
- Subtle changes: Meira sænskt, nú poppband frá
Gautaborg sem nefnir sig eftir Gainsbourg-lagi. Þetta undurfagra
lag er af annarri plötu bandsins, Migration, sem kom út í
ár. Gúddí stöff.
Cut
Copy - So Haunted: Ástralskt nú-ELO frá Melbourne.
Gríðar gott lag af næstu plötu, The Ghost Colours,
sem kemur í febrúar. Það verður önnur
platan þeirra, Bright like neon love kom út 2004. Topp stöff.
Tuff
monks - After the fireworks: Og enn meira ástralskt, nú
undarlegt sædpródjekt úr grárri forneskju (1982).
Nick Cave, Mick Harvey og Rowland S. Howard (úr The Birthday Party
eins og alþjóð veit) slógu saman með Robert
Forster, Lindy Morrison og Grant McLennan (úr The Go-Betweens eins
og alþjóð veit) og hljóðrituðu þetta
lag og gáfu út á sínglu. Útkoman er
stórskrítið bland af straumum þessara tveggja súpergrúppa
ástralskrar indiemennsku 9. áratugarins. Og lengra verður
varla komist frá Eurovision í dag.
---
Það eru fullt af góðum íslenskum plötum
að koma út. Listinn lengist bara af stöffi sem maður
þarf að redda sér. Við erum að tala um Megas
og Hold er mold, sem ég hef ekki enn skriðið eftir. Við
erum að tala um bjargvættina í Sprengjuhöllinni
sem eiga vafalaust plötu ársins, plötuna sem gerir það
vonandi kúl aftur að syngja á íslensku. Mér
finnst þeir frábærir. Veit einhver hvort maður fái
eitthvað umslag með eða texta þegar maður kaupir
heilar plötur hjá Tónlist.is? Svo erum við að
tala um nýja Mugison sem menn eru slefandi yfir eins og þar
sé á ferð ný biblíuþýðing.
Ofan á þetta nú þegar útkomna stöff
legst stöff sem er á leiðinni. Hellvar eru með
Bat out of Hellvar, hellvíti góða plötu sem ég
hef heyrt og er að fíla í botn. Hjaltalín
hafa klárað sína plötu og hún er á
leið í framleiðslu. Þau eru að spá í
að kalla hana Vla vla vla, en hætta vonandi við það.
Að mér var gaukað 9 lögum á disk með Bennys
Crespos Gang. Það er fínt stöff en ég
veit ekki hvort málið sé að það komi út
fyrir jól. Pallinn er með ofurplötu sem má
nú forhlusta á hér.
Palli klikkar ekki í hommateknóinu og þetta er líklega
besta sólóplatan hans só far. Hvað meira? Tja,
örugglega hellingur!
---
Og fyrst verið er að skófla þessum vítisenglum
öfugum heim til sín aftur getur þá ekki Ríkislögreglustjóri
gengið alla leið og skóflað meðlimum Fáfnis
úr landi í leiðinni? Ef grafið er nógu langt
hlýtur að vera hægt að finna gömul lög um
að gera óæskilega menn sem haga sér ekki samkvæmt
grunngildum þjóðfélagsins landræka.
03.11.07
Laugardagslögin í kvöld. Drepum tímann er fyrsta
lag kvöldsins. Ekki missa af því. Og muna svo að
kjósa eins og vindurinn.
---
Einþáttungurinn Í sjoppunnni:
Ég: Ég ætla að fá einn Ópal, sykurlausan
með xílitol.
Kall: Gjörðu svo vel.
Ég: Hvað er það mikið?
Kall: 170 krónur. Þetta er verðkönnunarverð,
he he.
Ég: Ha ha, já einmitt. Heyrðu, ég er frá
útvarpinu að gera verðkönnun. Hvað fæ ég
þá ópalið á?
Kall: 150 krónur. He he.
(Tjaldið)
---
Pönkaðar auglýsingar í gangi. Leikbær
titra í buxunum vegna innkomu Toys R us. Eru með auglýsingar
sem segja beisiklí: Þeir eru ekkert ódýrari
en við plús það þá erum við íslensk
og tölum íslensku og allt. Múrbúðin er að
pönkast á Byko í heilsíðu í Fbl í
dag og slær því upp að sömu eigendur eiga Krónuna
og Byko eins og það sé eitthvað hefí svakalegt.
Kannski er öllum orðið geðveikt í nöp við
Krónuna núna en Bónus sleppur? Samt eru Bónus
og Krónan í sömu súpunni og hvað geta neytendur
gert? Beðið og vonað að erlend verslunarkeðja komi
hingað og bjargi okkur úr fákeppninni? Það
gerist aldrei. Við erum fökkt. Og ef einhver kæmi væru
þeir ekki lengi að átta sig á að Íslendingar
eru sauðir og væru farnir að okra og tuddast á okkur
eins og hinir innan skamms.
02.11.07
Aftur erða skilmingaþrælahringurinn í Laugardagslögunum
annað kvöld. Ég hef búið til þennan fína
auglýsingaborða hér að ofan til að hvetja fólk
til að spandera í lagið mitt nokkrum símtölum.
Að þessu sinni verður skilmingaþrælasamlíkingin
ekki úr lausu lofti gripin því skv. því
sem ég les í 24st í dag ætlar Barði að
tefla fram eintómum vöðvabúntum (með Ceres 4
og Gillz í fararbroddi) og hressasta stuðlagi í heimi.
Magnús Þór teflir fram Seth Sharp sem vann einmitt
Á balli á fyrir 2 vikum. Djöfull verð ég
með í magnum yfir þessu, en maður vonar það
besta; lagið er ógeðslega gott þótt ég
segi sjálfur frá og Kalli og Sigga geisla...
01.11.07
Fann þessa fallegu mynd hjá foreldrum mínum:
Ég sendi þeim hana frá Lyon í nóvember
1986 til hughreystingar. Ég var mjög blankur á þessum
tíma enda ekki búið að finna upp vísakortið.
Át eina baguette og túnfiskdós á hverjum degi,
en heilsteiktan kjúkling um helgar. Eins og sjá má
er ég strax þarna rúmlega tvítugur byrjaður
að missa hárið. Mér fannst það ekki svo
hræðilegt. Hár? Hú kers? Þarna í Lyon
gerði ég þó nokkrar tilraunir til að vera hipp
og kúl (að mér fannst). Ef glögg er gáð
má sjá eiturgræna paisley-munsturs skyrtu undir gráum
mjög hallærislegum jakkafötum. Fljótlega eftir að
ég kom út fékk ég mér svona Robert Smith-stutt
í vöngum, mikið hár ofan á-klippingu (sem
ég hefði aldrei þorað að fá mér
á Íslandi sökum minnimáttarkenndar), en ég
tók þó ekki Robert Smith til fyrirmyndar heldur miklu
frekar Roland S. Howard og síðast en ekki síst stamarann
Billy Bibbit sem Brad Dourif lék svo eftirminnilega í Gaukshreiðrinu.
Billy hætti ekki að stama fyrr en hann fékk að ríða
og þessi karakter höfðaði af einhverjum orsökum
til mín.
---
Í Lyon dvaldi ég einn vetur og lærði að
meta franskar drykkjavenjur eins og að blanda grenadíni í
bjór. Er þá kominn rauður bjór sem gengur
undir nafninu Monakó. Þá fyrst, og aðeins þá,
er bjór orðinn nógu sæmilegur til að hægt
sé að drekka hann, finnst mér. Einnig komst ég
upp á bragðið með að drekka mint a l'eau - óáfengt
mintusírop í vatni. Gúdd tæms, eins og maður
segir. Ég skrifaði óútgefna og lélega unglinganóvellu
Tuttugu árum of seinn í bíó (undir miklum áhrifum
frá Back to the future myndunum), en hætti snemma við
að verða rithöfundur, keypti mér kassagítar
af ódýrri og obskjúr tegund Calif en hann hefur
reyndar dugað mér síðan og samdi megnið af
því sem síðar varð platan Goð með S.H.Draumi
(sem við erum enn að melta hvernig sé heppilegast að
endurútgefa - kannski bara á kassettu?)
---
Ef maður vill mótmæla meintu samráði Krónu
og Bónus hvað á maður þá að gera?
Þvælast í Fjarðarkaup eða Melabúðina?
Matvörumarkaðurinn er sérlega gruggugur og óheilbrigður.
Þetta er allt saman þrælrotin rotþró samráðs
og okurs. Ætli verði mikið fjallað um þetta í
Baugsmiðlunum? Nei ég segi svona.
---
Hvað ætli margir grínarar mæti annars í
dag í búðirnar og segjast vera fréttamenn frá
Rúv? Ha ha, fæ ég ekki fréttamannaafslátt?
Ég skal veðja að Spaugstofan grípur þetta á
lofti líka. Níski kallinn sem Karl Ágúst leikur
fer í Krónuna og segist vera frá fréttastofu
Ríkisútvarpsins. Og svo framvegis!
---
Áfram á neytendavaktinni. Stefán Máni skrifar
góða grein um helvítis tuddaskapinn í Byko: Brynja,
ég elska þig.
---
Alveg sæmilegur Bakþanki
hjá mér í dag. Svo skrifar Bergsteinn góðan
pung og vill eðlilega fá Popppunkt aftur. Það eru
náttúrlega komin fullt af nýjum böndum og því
góður grundvöllur fyrir nýjum skammti. Við Felix
ráðum þessu vitanlega ekki en erum báðir ólmir
í að taka slaginn. Dagskrárstjórarnir ráða
þessu. Við pöntum fund.
---
Hugleikur með fallega mynd af kunnuglegum gaur hér.
31.10.07
Kemur einhverjum þetta
á óvart? Bónus og Krónan eigast við
á matvörumarkaðnum. Fyrrverandi starfsmaður annarar
keðjunnar segir munnlegt samkomulag vera á milli fyrirtækjanna
um vöruverð og einnig sé vöruverð hækkað
seinnipart dags og um helgar, þegar ekki sé von á verðkönnunum.
(af
rúv). Muniði verðstríðið um árið?
Þegar mjólkurlíterinn kostaði 1 krónu? (ég
á enn nokkrar fernur í fyrstinum - djók) Helvítis
pungarnir ættu frekar að fara í almennilega samkeppni
í stað þess að slá upp gervistríði
tvisvar sinnum á áratugi.
---
Loksins skrifar kvenremban Sóley T eitthvað
að viti. Mér hefur stundum dottið þetta sama í
hug. Þess ber þó að geta að þessar Nastak-romsur
eru mun seinna í fréttatímunum en um það
leiti er strákarnir á Skjá einum voru að stela
frá Símanum. Þá var þetta svona 3. frétt.
---
Tveir kynvillingar, einn mongólíti, hinn surtur, hittu
trukkalessu á bar. Þau reyktu öll yndislegar sígarettur.
---
Þetta er vitanlega algjörlega harðbönnuð setning
sem lýsir megnustu mannfyrirlitningu. Sá sem talaði svona
myndi opinbera sig sem algjört fífl og yrði rasskelltur
af blóðheitum félagsfræðingum á Arnarhóli.
Rétta orðanotkunin væri: Tveir samkynhneigðir menn,
annar með Downs heilkenni, hinn blökkumaður, hittu samkynhneigða
konu sem keyrir vöruflutningabifreið, á bar. Ekkert væri
minnst á sígaretturnar enda er bannað að mæra
slíkt á almannafæri.
---
Sjálfur Bó tekur þátt í afeitrun
tungumálsins. Eftir því sem ég kemst næst
er hann hættur að tala um "bolinn". Notar nú "einstaklingar".
---
Annars langar mig ekkert til að lesa þessa 10 litlir negrastrákabók
fyrir Dagbjart. Hann nennir aldrei að hlusta á ljóð
og grettir sig bara þegar ég reyni að troða Dr. Seuss
upp á hann. En kannski er allt í lagi að endurútgefa
þessa fornaldar negrabók, svona eins og Mein Kampf eða
eitthvað. Og fyrst verið er að grafa upp gamla smelli og endurútgefa
er þá ekki kominn tími til að endurútgefa
Harmsögu ævi minnar e. Birkiland? Það er eitt þessara
verka sem maður hefur aldrei séð eða lesið en heyrt
heilan helling um. Hér
er t.d. gott yfirlit úr Ský.
---
Ég er skýjum ofar vegna næsta framlags míns
til Laugardagslaganna. Þetta
er hvílík massíf gargandi poppsnilld að það
hálfa væri nóg. Lagið heitir Drepum tímann
og textann gerði Bragi Valdimar Skúlason, eþs Bragi Baggalútur.
Lagið syngja þau Sigga og Kalli, eþs Sigga í Hjaltalín
og Kalli í Baggalút. Kannski verður fundið eitthvað
sneddí nafn á dúettinn (Ég og þú,
Þara flokkurinn, Flex?) Prógrammer og pródúser
er hinn ofsaklári poppsilfurrefur Óskar Páll sem bæ
ðe vei er eini Íslendingurinn sem hefur unnið Eurovision
(Pródúseraði norska vinningslagið Nocturne með
Secret Garden 1995). Lagið verður frumflutt á laugardaginn,
en þá verða einnig lög frá Barða og Magnúsi
Þór. Það er líklega hægt að komast
að sem klappandi áhorfandi í sal, ágætis
skemmtun og frír bjór. Skrifið lovisaa@ruv.is, ef þið
eruð í stuði.
---
Hengilsvæðið er gullfalleg náttúruperla
við bæjarfótinn. Bæði er unaðslegt að
ganga á Skeggja (hæsta punkt Hengils) og fá sér
heitt bað í lækjunum í Reykjardal. Nú stendur
víst til að rústa pleisinu til að búa til
Bitruvirkjun sem á að dæla orku í álver
í Helguvík sem á svo að framleiða ál
ál og meira ál og ál ál ál aaaargh!
Ég hef reyndar engar myndir séð af þessari Bitruvirkjun
og veit ekki nákvæmlega hvar hún á að vera,
en fólk mér fróðara um þessi mál
telur þetta óðs manns æði og hefur opnað
síðu
um framtíð Hengilsvæðisins. Er í uppsiglingu
enn eitt umhverfisstríðið? Hei, Samfylking, ég minni
á fallega umhverfisbæklinginn sem þið gáfuð
út þegar þið voruð enn í stjórnarandstöðu.
---
Kærkomin kynslóðaskipti: (úr fréttatilkynningu:)
SALA HEFST Á TÓNLEIKA SPRENGJUHALLARINNAR, MOTION
BOYS OG JEFF WHO? FIMMTUDAGINN 1.NÓVEMBER
Það eru breyttir tímar í íslenskri
popptónlist. Svo virðist sem lítt burðugt sveitaballapopp
sé á undanhaldi og ferskari kynslóð sé
tekin að úða olíu á nær útbrunninn
kyndil íslenskrar popptónlistar.
Af þessu tilefni, og þessu til sönnunar, blása
þrjár af vinsælustu poppsveitum Íslendinga til
tónleika á NASA við Austurvöll föstudaginn
16. nóvember nk. Þar koma fram Sprengjuhöllin, Jeff Who?
og Motion Boys. Milli atriða sér hinn ógurlegi Terrordisco
um skífuþeytingar.
Miðaverð á tónleikana er 1500 krónur
og hefst miðasala 1. nóvember á miða.is og í
verslunum Skífunnar og BT á landsbyggðinni.
Þá þurfa Motion Boys og Jeff who? bara að fara
að syngja á íslensku til að ferilinn sé fullkomnaður.
29.10.07
Abbababb! sýningar #26 og #27 í gær. 6000. gesturinn
fékk gjafir (sjá baksíðu Mbl). Þá
eru bara 3 sýningar eftir og síðustu forvöð
að sjá meistaraverkið.
---
Er hér axlaraumur, hausverkjaður og verkjatöflufullur.
Held ég kaupi mér rándýran heilsukodda í
dag, þetta gengur ekki. Í dag liggur fyrir að taka upp
næsta eurovision-smell en frumheimssýning verður á
laugardaginn. Um er að ræða annað stuðlag, "Drepum
tímann". Þriðja og síðasta framlag mitt til
Laugardagslaganna
verður líka stuðlag, það heitir líklega
"Prinsessan mín". Ég nenni ekki að semja ballads í
ár.
---
Elísabet Lára er nýr starfsmaður Okursíðunnar.
Elísabet verður fimm mánuða á morgun og er
almennt hissa á lífinu. Hún hefur einu sinni sogið
melónu, en að öðru leiti þekkir hún ekki
annað en geirvörtur móður sinnar. Það hefur
aldrei verið okrað á Elísabetu og því
er hún vel til starfans fallin.
28.10.07
Rúnar Júl í Höllinni var magnað stöff,
algjört best off, bandið í blússandi stuði og
meistarinn sló ekki feilnótu. Sagnfræðileg skemmtiatriði
Bjögvins Franz gerðu úr þessu nokkuð Vegas-legt
sjó, sem var bara vel til fundið. Bakkstage var náttúrlega
aðalfjörið og meistarar eins og Gylfi Ægis, Bó
og Bubbi svifu um. Ég talaði við Gylfa í fysta skipti
á ævinni og komst að hann er um þessar mundir að
mála risastóra mynd af látnum hundi Karls Möllers,
hljómborðsleikara og Woody Allen lúkkalæk. Gylfi
opnar heimasíðu sína í nóvember, sagðann,
og sagði að það yrði "ævintýraleg" heimasíða.
Ég ámálgaði þann möguleika að kaupa
af honum málverk og hann sagði mér bara að hringja.
Bó var hress og fékk sér vindling með Baggalúti.
Bubbi var enn hressari og sagði hvílíkar bransasögur
að menn hvítnuðu upp (hann fékk sér þó
ekki vindling). Ef Bubbi hættir allt í einu að geta spilað
og sungið getur hann hafið nýtt líf sem uppistandari
og gert allt vitlaust með mannlýsingum sínum og tröllasögum.
Shady var þarna líka, Mæja Baldurs, Jón Ólafsson
í vatninu, Maggi Kjartans og ég veit ekki hvað og hvað.
Gríðarlegt persónugallerí og allir stuði í.
---
En nú erða safnplatan Splundrskessur og krúttmagar,
eþs Topp 5imm:
Monnípeningaglás
- Bæn: Í undirbúningi fyrir kassettuþættina
hef ég komist að því að fólk er enn
gefandi út kassettur árið 2007. Hin mjög svo dularfulla
kvennahljómsveit Monnípeningaglás mun t.d. hafa gefið
út kassettuna Jóhann Húss og handóðu mæður
hans á þessu ári, í átta eintökum
held ég, a.m.k. er mitt númer 6/8 og kostaði 200 kall
í 12 tónum. Nafnið er fengið úr ljóði
Dags Sigurðarsonar sem hér er tekið til efnislegrar meðhöndlunar
af stelpunum.
Doddi
- Beautiful görl: Spóluna Split með þeim
Dodda
og Loja hafði ég
reyndar séð eitthvað um í Mbl. Hér leyfa þér
sér hvað sem er enda má allt á snældum.
Listamennirnir eru í hljómsveitum, Loji í Sudden
weather change, sem þykir eitt það besta síðan
smurosturinn kom á markað, Doddi í Heróglym.
(Bónus: Loji
- Jacques Chirac)
Akron/Family
- Phenomena: Þessi magnaða ameríska hljómsveit
spilar á Organ 7. des með Hjaltalín og verður nánast
ókeypis inn, eða 1700 kall. Kvartettinn ku almagnaður læf
og verður örugglega dýrvitlaus hér enda er það
síðasta giggið í túrnum. Love is simple er
hin frábæra nýja plata og þetta er smáskífulag
af henni. Gúdd tæms.
Siouxsie
& The Banshees - Red light: Siouxsie var algert goth megabeib
og ásamt Lydiu Lunch sú kvennímynd sem maður bjóst
við að draga með sér heim af Zafarí (é
ræt). Kaleidoscope er mikið meistaraverk með henni og bandinu
frá 1981. Hún mun hafa verið að gefa út nýja
sólóplötu í ár sem ég nenni nú
varla að tékka á. Tvær Siouxsie tilvísanir
hef ég séð í bíómyndum nýlega;
Cate Blanchett er gamall Siouxsie aðdáandi í myndinni
Notes of a scandal og eiginkona Ian Curtis finnur símanúmer
viðhalds Ians inn í umslagi fyrstu plötu Siouxsie, Join
hands.
Serj
Tankian - The unthinking majority: System of a down hefur hrisst
af mér ófá kílóin á brettinu,
enda eru hröðu lögin þeirra algjör snilld í
svitamyndnarathöfnum. Fyrir það er ég Serj söngvara
þakklátur. Nú hefur hann gert sólóplötuna
Elect the dead, sem er eflaust ágæt þótt lögin
séu því miður ekki nógu hröð til
að gagnast á bretti. Eiginlega öll hæg eða miðlungs
en þetta tekur á sprett og má vera með í
tónhlöðunni.
25.10.07
Ég er merkilega lítið fyrir að besservisserast.
Eða það ímynda ég mér. Í Fbl
í dag á bls. 16 á Tilveru-síðunni sem ég
sá einu sinni um er þó poppfræðilegt rugl
sem ég fann mig knúinn til að besservisserast yfir og
sendi email: Þykir miður að geta ekki setið á
mér að besservisserast aðeins varðandi örpung í
blaðinu í dag með að lagið Popcorn hafi verið
upphafsstef Nýjustu tækni og vísinda. Það
var það aldrei (svo mig rámi í a.m.k.), en lagið
var samt kynningarlag einhvers annars þáttar, líklega
Skonrokks, án þess ég þori að hengja mig
upp áða. Lag með Kraftwerk var vissulega notað í
Nýjustu tæknum og vísindum, a.m.k. síðustu
árin, lagið Home computer af plötunni Computer world (1981).
Úff, nú iða ég ekki í besservisserskinninu
lengur. - ÖPPDEIT: Stefið í NTOV var með Tworld undir
það síðasta, en Home computer Kraftwerks þar
á undan.
24.10.07
Er Samfylkingin í rauninni bara fín eftir allt saman?
Eini flokkurinn sem hugsar um svo kallaðan almenning? Fyrst ætlar
Dagur Bé að bjarga Kolaportinu og svo þetta frá
Björgvini Gé:
Vörugjöld, stimpilgjöld og uppgreiðslugjöld
afnumin
Á fundinum kynnti ráðherrann nýja sókn
í neytendamálum og sagði ráðuneytið myndu
vinna að því á kjörtímabilinu að
stuðla að góðum viðskiptaháttum í
íslensku samfélagi og því hefði verið
ákveðið að hrinda af stað heildarstefnumótun
á sviði neytendamála. Meðal annars stendur til að
setja lög um greiðsluaðlögun til að skapa leið
til að létta óyfirstíganlega skuldabyrði fólks
án þess að til gjaldþrots komið.
Björgvin sagði að fyrsti áfangi vinnunar væri
hafinn en í honum felst að háskólastofnunum hefur
verið falið að vinna ítarlega rannsókn á
stöðu neytendamála. Markmiðið er að skapa
réttindum og hagsmunum neytenda verðugri sess í samfélaginu,
vinnna gegn háu verðlagi á Íslandi á Íslandi
sem margir kalla fákeppni [og] okur á sumum sviðum. Við
ætlum að vinna gegn háu verðlagi, auðvelda almenningi
að takast á við breytta verslunarhætti, styrkja og
auka vitund neytenda um sinn rétt," sagði Björgvin.
Hann benti á að á hinum Norðurlöndunum
hefðu hefðu neytendamál stóran sess og vitund neytenda
væri sterk, Það er erfitt til dæmis að okra
á Dönum. Fólk er mjög meðvitað um þessi
mál," sagði ráðherra. (af MBL)
Verður þá kannski okursíðan
óþörf eftir smá tíma? Það er
auðvitað stefnan. Kannski óþarfi að fagna alveg
strax, en ég segi allavega Húrr fyrir Bjögga pönk.
---
Íslandsáhugafólk er sérstök tegund
af fólki, en ég skil það alveg. Ísland er
náttúrlega upplagt til að dást að úr
fjarlægð; landslag sem maður getur upplifað smæð
sína í samhengi hlutanna í, klikkaða listræna
liðið, menningarafurðirnar. Wim Van Hooste er á kafi
í íslenskri tónlist og bloggar um það hér:
http://icelandicmusic.blogspot.com.
Hann sýnir mikið úthald og heldur upp á Heiðu.
Síðu henni til dýrðar starfrækir hann hér:
http://gotohellvar.blogspot.com.
Topp gaur!
---
Eitt er lítilsháttar pirrandi við hina stórfenglegu
Airwaves hátíð. Það er allt þetta myndavéla-
og kameru-fargan sem má sjá á hverju einasta giggi.
Bönd eru varla byrjuð að spila fyrr en tíu ljósmyndarar
eru búnir að taka upp kameruna í fremstu röð
og beina henni að því sem fyrir augu ber. Það
er eitthvað svo upplifundarskemmandi að sjá bara ljósmyndara
berjast um besta sjónarhornið og flassblikkandi kamerur. Þetta
var sérstaklega pirrandi á Rvk! gigginu á Gauknum,
enda er sviðið svo lágt þar. Maður var ekkert
að spá í þetta í Listasafninu.
---
Þetta minnti smá á alla tónleikana sem maður
fór á sem var verið að taka upp fyrir Rokk í
Reykjavík veturinn 1981-82. Það var jafnvel enn verra,
járnbrautarteinar á sviðinu og Friðrik Þór
bendandi út í loftið. Mér er minnisstætt
í hinu horfna Hafnarbíói þegar atriði Sjálfsfróunar
og Vonbrigða voru tekin upp að HC missti þolinmæðina
og öskraði: Burt með myndatökumennina! Burt með myndatökumennina!
Það brást þó ekki að þegar kameru
var beint að bandi fór það umsvifalaust í stellingar
og í svaka stuð. Þess vegna eru allir í miklu meira
stuði í Rokki í Rvk en þeir voru dags daglega.
Kameran kveikti svona í þeim.
---
Annað pirrandi á tónleikum í dag er að
annar hver maður er sífellt takandi mynd á myndavélasímann
sinn. Allt í kringum mann er lið að lyfta upp símanum
sínum og svo að skoða myndina á skerminum. Æi
nei nei, ég skal ekkert láta þetta pirra mig eins og
einhver karlfauskur. Bara krúttlegt, ehaggi?
23.10.07
Það er alltaf jafn spennandi þegar maður kemur
í nýjar götur í Reykjavík. Í gær
kom ég í fyrsta skipti á ævinni í Rauðagerði
í skóla FÍH til að æfa með hljómsveit
Rúnars Júl. Æsandi stórtónleikar Rúnars
eru einmitt í Höllinni á laugardaginn og grundvallaratriði
að fá sér miða.
Í bandinu eru synirnir, Júlli og Baldur, Tryggvi Hubner,
bassaleikari Deep Jimi og Þórir Baldursson er hljómsveitarstjóri
og hamrar á Hammond og fleira. Áður en ég tók
í spiluðu þeir Lífsgleði af hvílíkri
snilld að maður fékk dún í hnén, en
samt á Shady eftir að mæta og allt. Jóhann Helgason
var þarna líka í miklu stuði og Rúnar var
mjög hress og mundi textana eins og að drekka vatn. Held þetta
verði glæsilegir tónleikar.
21.10.07
Toppsi fimmsi er mættur, ópalangandi og kaffipeppaður:
Svanhildur
& Sextett Ólafs Gauks - Ef bara ég væri orðin
átján: Sándið sem Óli Gaukur var
með hef ég hvergi heyrt annars staðar og það fær
mann til að finnast það vera algjörlega séríslenskt.
Þegar ofan á bætist kætandi söngur Svanhildar
(og Rúnars) þá er komin blanda sem hellir æsilegri
nostalgíu yfir mann í hvert skipti sem maður rekst á
hana. Hér er notalegt stuðlag af 4 laga ep-plötu frá
1968. Textinn er eftir Ólaf en bónusstig eru í pottinum
fyrir þann sem kemur með höfund og þekktasta flytjandann
(í gestabók).
Kevin
Ayers - Song for insane times: Norman úr Teenage Fanclub
hefur tekið upp nýja plötu með Kevin
Ayers ("Unfairground"), en Kevin líklega er þekktastur
fyrir veru sína í hljómsveitinni Soft Machine. Fylgdi
sögunni að sólóplata Kevins, Joy of a toy frá
1968, væri vanmetið meistaraverk. Ekki þurfti ég
að lesa meira því ég trúi alveg meðlimum
Teenage Fanclub og tékkaði á plötunni. Hún
er góð.
Silver
fleet - Come on plane: Áður en strákarnir sem
stofnuðu 10cc stofnuðu 10cc
ráku þeir hljóðverið Strawberry studios 1969-1972
og dældu þar út eftir pöntun tyggjórokki,
fótboltalögum og allra handa stöffi. Á hinni ilmandi
safnplötu Strawberry bubblegum má finna rjómann af þessu
efni. Tyggjóbændurnir
Jerry Kasenetz og Jeff Katz voru með í púkkinu og sömdu
þetta lag ásamt Grahman Gouldman. Kevin Godley syngur og sínglan
er frá 1971.
Sort
sol - Boy-girl: Sort sol var fyrsta danska pönkbandið,
eða gerði allavega fyrstu dönsku pönkplötuna, Minutes
to go 1979. Bandið hét reyndar Sods þá og alveg
fram á þriðju plötuna, Dagger & Guitar sem kom
1983 og innihélt m.a. þetta bráðfjöruga ræflarokk.
Sort sol voru nógu kúl til að hin guðumlíka
pönkdrottning Lydia Lunch syngi með þeim í þessu
lagi. (Engin almennileg mynd fannst af bandinu svo Lydia kemur í
staðinn, enda mun sætari.)
Sunset
Rubdown - The Mending of the gown: Og nú; nútíminn.
Þessir eru frá Montréal eins og margt gott og spila
svona ofsakaflaskipt og marglaga indípopp með mjórri
röddu (eins og önnur hver hljómsveit í dag). Af
glænýjustu plötunni, Random spirit lover, sem var að
koma út á vegum Jagjaguwar. Þetta opnunarlag grípur
mann strax með trukki en svo er restin meira seigfljótandi.
20.10.07
Húrra fyrir Of Montreal! Ógeðslega góð
þrátt fyrir smá tæknirugl í byrjun.
---
Húrra fyrir Reykjavík! Ógeðslega góðir
og tudduðu þétt.
---
Húrra fyrir Degi Bé, sem ætlar ekki bara að
bjarga öllu í leikskólunum (Sjálfsstæðismenn
höfðu enga lausn á því, vældu bara um
nauðsyn þess að "hugsa út fyrir rammann"), heldur
líka bjarga Kolaportinu. Húrra fyrir Degi!
---
Húrra fyrir Þorsteini Guðmundssyni sem fékk
mig til að hlæja upphátt yfir því sem hann
sagði um götuheiti í Fbl. Hommagrund. He he. Húrra
fyrir Þorsteini!
---
Húrra fyrir Næturvaktinni! Ógeðslega góðir
þættir. Djöfull er ég ógeðslega jákvæður.
19.10.07
Engin biðröð í TRU áðan og ég
gat rétt komist yfir síðasta mp3 spilarann. Reyndar bölvað
rusl en allavega ekki á nema 1800 kall. En þetta er hryllileg
búð. Ég veit eiginlega ekki hvenær ég get
komið þarna með soninn án þess að fá
stress- og þunglyndiskast. Kannski í janúar.
---
"Mannakjöt bragðast eins og svínakjöt - bara örlítið
beiskara," segir
þýska mannætan, sem lét gamlan draum rætast
og át tölvunarfræðing. Fyrst átu þeir
lim tölvunarfræðingsins saman, en hann hafði étið
20 róandi pillur og drukkið heila flösku af áfengi
áður. Held ég þyrfti meira. Kannski mannát
verði ásættanlegt þegar fram líða stundir.
Þegar sigur auðvaldsins verður hvílíkur að
þeir ríku lifa í sér heimi með vopnuðum
vörðum til að halda ræflum frá (eins og sumstaðar
er þegar komið, t.d. í Brasilíu), þegar þeir
ríku hafa það milljón sinn betra en ræflarnir
og geta lifað a.m.k. öld lengur með rándýrum
pillum frá Decode. Að auki verður kaldlyndið og siðleysið
orðið svo útsmogið og allsráðandi að
mannát við hátíðleg tækifæri verður
félagslega samþykkt. Aðalfundur FLgrúpp í
kvöld: boðið verður upp á þrjár einstæðar
mæður á teini og Stebbi og Eyvi syngja Nínu og
fleiri lög. Stutt í þetta. Bara spurning um áherslur.
---
Bolurinn lét ekki að sér hæða í
gær og myndaði biðröð fyrir framan Toys R Us frá
því að opnað var kl. 10 og fram til lokunar. Ég
ætlaði með Dagbjart að skoða dótið (dótabúðir
eru hans uppáhalds búðir) og ég ætlaði
að auki að ná mér í mp3spilara á erlendu
verði (minn gafst upp í gær og ef ég neyðist
til að hlusta á sykurþvottavélina á "útvarpi
World Class" í aðra tvo tíma ábyrgist ég
ekki andlega heilsu mína). Klukkan 16 voru 30 manns hímandi
í röð í slagviðri og ég lét mig
auðvitað hverfa, enda dreg ég línuna við að
bíða í röð eftir að komast inn í
búð. Ætli verði biðröð í dag líka?
---
Mér sýnist absólútt augljóst að
ég fari á Airwaves í kvöld og sjái þau
tvö bönd sem hæst bera þarna að mínu mati,
Deerhoof og Of Montreal. Þau spila með klukkutíma millibili
sitthvoru megin við Tryggvagötuna svo maður þarf að
vera á tánum...
---
Þess má einnig geta að Of Montreal ætla að
spila í Bókabúð máls og menningar á
Laugavegi kl. 18 í dag. Bókabúðin hefur verið
stöppuð með litlum giggum, eins og reyndar fleiri off-venue
staðir, en OF MOnt sem sé kl. 18 í dag.
18.10.07
Rjómaísvefur Jóns
er vitanlega standandi bit yfir afhroði Íssins í Júró.
Og vegna fréttaflutnings síðustu daga þá
tek ég fram að mér hefur frá fyrsta degi verið
full kunnugt um að ég sé að taka þátt
í Júróvisjón.
17.10.07
Ég er nú að undirbúa fjögurra þátta
seríu þar sem ætlunin er að kynna kassettu útgáfu
á Íslandi. Við erum að tala um gríðarlega
vinnu því hvergi eru til útgáfulistar yfir þetta.
Ég ætla því að henda upp einum slíkum
í leiðinni. Umfjöllunarefnið verður útgáfur
af tónlist (ekki upplestur þ.e.a.s.) íslenskra flytjenda
sem voru bara gefnar út á spólum. Þetta eru
oft miklar neðansjávarútgáfur í fáum
eintökum svo ég þarf alla þá hjálp
sem lesendur geta veitt. Ég á sjálfur um 60 spólur
sem falla í þennan flokk. En ég býst við
að fjöldi útgáfna sé kannski 200-300 stk,
maður veit ekki. Meðal meistaraverka sem komu bara út á
snældum og hafa legið í gleymskunnar dái nefni
ég:
OXZMÁ - Biblía fyrir blinda (1984)
Fan Houtens Kókó - Musique elementaire og Það
brakar í Hr. K (báðar 1981)
Texas Jesús - Njammsa tjammsla (1993)
Svo eru haugar af safnspólum, bæði það sem
ég gaf út á Erðanúmúsik,
og annað. Ekki hika við að senda
línu ef þú telur þig geta hresst upp á
kassettuminni mitt eða bent mér á spólu sem verður
að vera með.
---
Hvers vegna ættu strákarnir í Sigur Rós
að vera hressir í viðtölum? Hér
er hið víðfræga viðtal. Bráðskemmtilegt.
Í fyrsta viðtalinu sem ég tók við bandið
um vorið 1999 gerði ég þau mistök að væna
þá um gríðarlegar hassreykingar. Hélt því
fram að þeir hlytu að vera útúrhassaðir
til að búa til svona músik. Þeir voru fúlir
út í mig næst þegar ég sá þá
en svo gleymdist þetta, enda eru bara hálfvitar sem erfa hlutina
endalaust.
---
Á heimasíðu Don
Pedro sá ég þessa sönnu greiningu á
fréttum:
Fréttir á Íslandi eru ömurlegar
Fréttir á Íslandi skiptast í eftirfarandi:
75% - fréttir af peningum, auðjöfrum og hlutabréfum,
kryddað með einkaþotuskýrslum og innherjasvikum. Nokkuð
sem breytir ekki lífi 92% landsmanna, en gerir það samt
að verkum að fólk talar orðið ekki um neitt annað
en peninga. Sem er ömurlegt umræðuefni, og ekki það
mikilvægasta í lífinu.
11% - fréttir af veðurhörmungum, stríði
og Írak
9% - fréttir af Lindsey Lohan, Britney Spears, og Paris Hilton.
Barmafylltar, útúrkókaðar og lausgirtar Hollywooddræsur
sem hafa engin áhrif á líf mitt.
5% - fréttir af því sem er að gerast í
heiminum og á Íslandi í alvörunni.
16.10.07
Guðbergur
Bergsson heill þér 75 ára í dag. Þú
varst sá lang besti af því þú varst alltaf
svo fyndinn og enginn hefur komið í staðinn. Runa meistaraverka
hófst með smásagnasafninu Leikföng leiðans 1963
og lauk með Sögunni af Ara Fróðasyni og Hugborgu konu
hans 1980. Síðan hafa vissulega komið nokkur samskeytin
inn, en ekki Svanurinn. Það er slöpp bók, sama hvað
kellingum finnst.
Ungur maður, sléttholda, líkur skógarpúka,
mændi á okkur úr dyrunum. Ef trúa á vörðunum
var hann fágætt fyrirbrigði geðveiks fávita.
Slíkar manntegundir eru fágætar í heiminum.
Fávitar hafa ekki nægilegt vit til að verða geðveikir.
(úr Ástir samlyndra hjóna, bls. 176)
Var ekki annars flokkunin svona: Hálfviti, fáviti og örviti?
Mig minnir að þessi vísindalega flokkun hafi verið
kennd í skóla. Ég man a.m.k. greinilega þegar
Óli yfirkennari kenndi okkur krökkunum muninn á mongóla
og mongólíta.
15.10.07
Ég er búinn að vera með þessa síðu
í meira en 6 ár. Ég hef aldrei nennt að gera þetta
öðruvísi en svona, á einhverju fornaldar html. Ég
byrjaði með blogg á blog.is. Það var drasl. Ég
eyðilagði það 2 dögum síðar. Ég
byrjaði með mæspeis síðu fyrir ári eða
eitthvað. Ég var kominn með 800 og eitthvað vini en
núna, rétt í þessu, var ég að eyðileggja
mæspeis síðuna mína. Þetta var ekkert nema
bögg. Endalausar tilkynningar um að kommentað hefði verið
á síðuna, sem var svo ekkert nema auglýsingar
um einhverja tónleika. Upp á síðkastið fylltist
þetta svo allt af spammi. Þar fyrir utan er mæspeis alltaf
ógeðslega hægvirkt. Maður er að bíða
5 mínútur eftir því að einhver lög
byrji. Og að auki er Satan sjálfur eigandi Mæspeis. Ég
nenni þessu ekki og segi: Mæspeis, hoppaðu upp í
rassgatið á þér.
---
Síðasta sýning á Abbababb! verður að
öllum líkindum 18. nóv. Það er því
um að gera að panta miða og tékka á þessu
glæsilega barnaleikriti.
---
ÍSINN er ekki alveg bráðnaður oní
úldna ormagryfju lúserlaga Júró-undankeppna.
Rúv bíður nú landsmönnum af einstakri væntumþykju
og engu öðru (9990 aurar hvert símtal) upp á þann
möguleika að kjósa á milli ÍSSINS
og hins lúserlags síðasta laugardagslagaþáttar
(If I fall in love e. Svölu Björgvins). Það er eitthvað
voðalegt system í gangi, sem ég hef ekki kynnt mér,
en það er semsé enn von að ÍSINN slefist
áfram og endi jafnvel á sviði í Slóveníu,
eða hvar sem þetta verður haldið í maí.
Hlustið á hina almögnuðu poppsnilld hér:
ÍSINN.
Kjósið eins og þráhyggjusjúklingar með
stolið vísakort í síma 900 2201.
Það virðast ekki vera nein takmörk fyrir því
hvað má kjósa oft. Úrslit verða svo tilkynnt
kl. 15 á Rás 2 á laugardaginn.
Lesið færslur textahöfundarins Mengellu um málið
hér.
Mengellan er líka með sjálfan textann og fallega teikningu
af væntanlegri aðstoðarstúlku.
---
ASÍ gerði verðkönnun
í lágvöruverslunum. Í fljótu bragði
sýnist mér Bónus með fleiri ódýrari
vörur en Krónan, en ég hef samt séð auglýsingar
í Krónunni þar sem þeir snúa niðurstöðunum
sér í hag. Allavega tryllist Bónus, segir niðurstöðuna
rugl og bannar
ASÍ að gera fleiri kannanir. En bíddu bíddu...
Þarf Bónus eitthvað að samþykkja að gerð
sé verðkönnun í búðinni? Hringja kurteisir
ASÍ-menn alltaf á undan sér svo búðirnar
geti
lækkað verðin rétt á meðan? Afhverju þarf
Bónus að gefa leyfi? Getur ekki hver sem keypt sömu körfu
hjá Krónu og Bónus og birt niðurstöðurnar?
Þetta er albjánalegt. Kannski ég fari að gera verðkannanir
ef ASÍ ætlar að láta tudda sig til hlíðni.
Verður mér þá ekki hleypt inn í Bónus?
Það væri þá eitthvað. Þetta minnir
mig á mál fyrir sirka 10 árum þegar Gísli,
sem nú rekur Nexus, fékk ekki að sjá myndir í
Sambíóunum því þar fannst þeim hann
ekki gefa myndunum nógu góða dóma. Gísla
skrifaði dóma fyrir DV í þá tíð
og fékk ekki að fara inn í Sambíóin. Amnesty
International tók því miður ekkert á því
grófa mannréttindabroti.
14.10.07
Uss... Þá á maður bara eftir að tapa fyrir
Helgu Möller í Eurovision.
---
Ég var að horfa á bestu stuttmynd allra tíma
hjá höfundinum Sigga
Sigga Bang Bang. Ég er enn eftir mig og vankaður af geðshræringu.
Myndin nefnist Dauðataflið
og er meira en 15 ára gömul. Í henni sést bæjargersemin
Stefán Grímsson vinna leiksigur og vinur minn, fræðimaðurinn
Steinn Skaptason fer á fágætum kostum (Lesið
stórkostlega úttekt hans á hljómsveitinni Eik).
Meistari David Lynch hefði aldeilis getað notað þá
Stein og Stefán. Sjón er sögu ríkari. Siggi Bang
(ekki skildur Axeli Bang) kynnir líka til sögunnar stuttmyndina
Bæjarmelir
um hina goðsagnakenndu bæjarvinnu í Kópavogi.
13.10.07
Jæja. Í kvöld: heimsfrumflutningur á lagi
mínu ÍSINN í sjónvarpsþættinum
Laugardagslögin.
Heiða syngur en dulkvendið Mengella
skóp textann, eftir ströngum fyrirmælum og nokkrum viðbótum
mínum. ÍSINN er dillandi gleðipillupopp, snargrípandi
og hamingjuvekjandi. Þetta er tvíburi Heilans. ÍSINN
er fyrsta lag kvöldsins, verður flutt um kl. 20:20. Boðið
verður upp á símakosningu og hvet ég alla til
að eyða peningunum sínum í þetta þarfa
átak. Kannski við komumst þá til Slóveníu.
Keppnin er geypihörð í kvöld. ÍSINN
keppir við ballöðu eftir Svölu Björgvins sem Edgar
úr Lúxor syngur og blúslag eftir Magga Eiríks
sem Pálmi Gunnarsson syngur. Allar að kjósa popplýðræði
í verki!
---
Ég hef sankað að mér vinýlplötum
eins of mofo að undanförnu. Kíkti á Curver í
gær þar sem hann var að setja upp sýninguna sína
í Listasafninu (Glaumbæ). Margt gott stöff þar
allir að mæta!, sýningin hefst í dag kl. 12,
sýnist mér. Tók forskot og keypti eitthvað, þ.á.m.
nokkrar plötur sem ég átti en hafði selt Curver
og bróðir hans Arnari þegar ég tók kast
um árið og seldi allan vinýlinn minn. Ég hafði
lengi staðið af mér CD-byltinguna og fannst CD krapp í
mörg ár. En svo einn daginn, líklega svona 1991, nennti
ég þessu ekki lengur, enda eina leiðin til að nálgast
nýja músik á CDum, seldi megnið af vinýlnum
og hóf CD-væðingu. Sem endaði svo í fyrra þegar
ég seldi CDana með netsölu. Nú kaupi ég notaðan
vinýl og dánlóda. Kaupi m.a.s. dánlód
líka, aðallega íslenskt á tonlist.is.
Í gær fór ég líka í Góða
hirðirinn og keypti eitthvað rusl þar á 200 stk. Tók
eftir að þar var frískara úrval en vanalega. Strákarnir
eru kannski farnir að flokka þetta og henda draslinu úr.
Ég hef líka kíkt á þá Hannes og
Ingvar, sem eru með sitthvorn básinn í Kolaportinu og
svo auðvitað í Geisladiskabúð Valda. Topp 5 í
dag er því eðlilega stafrænt sýnishorn af
þessum innkaupum:
Fred
Schneider & The Shake Society - I'm gonna haunt you: Fred var
og er í The B52's (þau eru að gera nýja plötu!).
Fann fyrstu sólóplötuna hans í Góða
hirðinum ("Fred Schneider & The Shake Society" 1984) og hún
er partístuð eins og von var á. Áhrif The B52's
voru mikil á íslensku hipp og kúl klíkunni
sirka 1984. Ekki nóg með að Rock Lobster hafi verið
spilað til óbóta á Zafarí heldur var fólk
umvörpum klætt í svona amerísk partíföt.
Flóin og Dóra Einars. Þetta er líka skemmtilegt
fifities lúkk með gay kitch ívafi og tróð
sér inn í kúlturinn víða, t.d. í
bíómyndina Something Wild. Þetta er eigthies sem bragð
er af.
Landscape
- Einstein a go go / Norman Bates: Ég hafði aldrei heyrt
um þetta band þegar ég sá plötuna í
Góða hirðinum. Platan heitir því tölvupopplega
nafni "From the tea-rooms of Mars... to the hell holes of Uranus", er frá
1981 og er svona líka ljómandi. Hér fáiði
2 hittara sem eru í beit á plötunni. Fyrra lagið
komst í 5 sæti í Englandi en lagið um sækóinn
fór í fertugasta sæti. Wiki kemur sér vel ef
þið viljið vita meira.
John
Cooper Clarke - The Ghost of Al Capone: Mjóni gamli er pönkljóðskáld
frá Manchester sem virðist ekki eldast neitt. Honum brá
fyrir í Ian Curtis-myndinni Control og var alveg eins þar
og í gamla daga. Karlinn hitaði upp fyrir pönkböndin
og gerði plötur, bæði með þurrum upplestri
og músik. Hér er lag af sjöttu plötunni hans, Zip
style method, sem kom út 1982 (og ég keypti í Góða
hirðinum) og var með annað Manchester-legend, Martin Hannett,
á tökkunum.
Plasticland
- Pop! Op drops: Upp úr 1980 fór að bera á
böndum í Paisley-skyrtum sem tóku sér sixtísmúsik
til fyrirmyndar, bæði rokkið og sýruna. The Fuzztones,
Dream Syndicate og Green on Red eru meðal þessara "Paisley underground"-banda,
eins og þessi lína var síðar kölluð. Plasticland
var í genginu, voru frá Milwakuee, Wisconsin, og rokksýrðu
út og suður á mörgum plötum. Þetta stutta
en flotta lag er af þeirri fyrstu, Color Appriation frá 1984
(sem ég endurheimti frá Curver). Þess má geta
að þetta er eitt af uppáhaldslögum Trausta Jónssonar
veðurfræðings. Það sagði hann mér þegar
ég ræddi við hann um árið í heimildarvinnu
fyrir Eru ekki allir í stuði?
Zager
& Evans - Mr. Turnkey: Flestir tónlistarmenn ná
aldrei að búa til vinsælt lag sama hvað þeir
hamast. Aðrir hitta einu sinni á óskastund og eiga einn
risasmell og síðan ekki sögunnar meir. One hit wonders
eru þeir kallaðir, einssmellsundur er hin lélega þýðing.
Mér dettur strax í hug lið eins og Babylon Zoo og Norman
Greenbaun í þessu sambandi. Í fríðan flokk
ohw má sannarlega setja dúett þeirra Denny Zagers og
Rick Evans frá Nebraska, sem sprengdi poppskala 1969 með þessu
framtíðarlagi sem Rick samdi að sögn á 30 mínútum
árið 1964 og var búið að liggja lengi í
skúffu áður en það var tekið til flutnings.
Lagið fór á toppinn í USA, var þar í
6 vikur og smáskífan seldist í 5 milljón eintökum.
Fólk hafði samt nákvæmlega engan áhuga á
öðru efni frá dúettnum þótt þeir
reyndu allt til að halda vinsældum. Mr. Turnkey var næsta
lag sem kom út á sínglu en komst ekki einu sinni á
lista. Stóra platan (sem ég keypti hjá Ingvari) er
full af jafn vonlausu stöffi. Í dag býr Zager í
Englandi og smíðar gítara,
en Evans er lögfræðingur og semur einstaka sinnum lög.
(Bónus: Zager
& Evans - In the year 2525 (Stórsmellurinn. Ætli
lagið verði dregið upp og spilað (í geimvörpum
framtíðar) árið 2525? Ef þeir félagar
hefðu haft meira viðskiptavit hefðu þeir átt að
nefna lagið In the year 2005. Þá hefðu þeir
fengið stefgjöld í hittifyrra. Þetta gerði Prince
og mokaði inn feitt á 1999.)
---
Stelarc hefur látið
græða eyra á hendina á sér. Hann heyrir
ekki með eyranu. Enn meira flipp hefði verið ef hann hefði
grætt tittling á ennið á sér, eða rassgat
á hökuna.
---
Krónan á Granda er nýja uppáhalds "lágvöru"
matvörubúðin mín. Mér sýnist Krónan
hafa sigrað Bónus í síðustu verðkönnun
og svo er þetta bara flott búð, rúmgóð
og hrein og ekki þessi mannastía sem Bónus á
Seltjarnarnesi er. Í Krónunni er líka heilsuhorn og
dálítið útlenskt lykt í loftinu. Krónan! |