#1919    GSM endurvinnsla Símabæjar hefur tekið mikinn kipp undanfarið svo okkur vantar símahræ til endurvinnslu..  Við tökum á móti öllum tegundum GSM símtækja og viljum endilega fá gömlu hleðslutækin líka.  Ekkert fer til spillis, allt er nýtt og við sendum t.d. ónýt móðurborð úr landi til frekari endurnýtingar.  Seljum heila síma og símaparta á algjöru lágmarksverði til að mæta vinnu við símarif, viðgerðir og skoðun.  Ódýrustu GSM rafhlöðurnar og algjör kreppukjör á nothæfum gemsum sem kosta frá kr. 1500
Innlegg í símaendurvinnsluna skilar sér í gjaldeyrissparnaði og hagstæðari kjörum handa náunganum. Þeir sem leggja inn síma geta fengið afslátt af vörum, eða skipt og fengið aðra varahluti í staðinn.fyrir innleggið. 
Gylfi Gylfason
Símabær ehf Hverafold 1-3 í Grafarvogi

#1918    Við mæðgurnar notum ofnæmislyfið Aerius/Neoclarityn sem inniheldur virka efnið Desloratadine 5mg . Önnur okkar fær það hérlendis og þarf því að greiða fyrir lyfið en hin fær það á breska heilbrigðiskerfinu, þar sem hún er stúdent þar í landi, og þarf því ekki að greiða neitt fyrir það nema fyrir að leysa út lyfseðilinn, breska ríkið greiðir fyrir sjálft lyfið. 
Það er lyfseðilsskylt í báðum löndunum en verðmunurinn er gríðarlegur. 
Í Bretlandi kostar að leysa lyfið út 5 pund á lyfseðil. 
Ég þurfti að fá lyfið í 6 mánuði og fékk það á fjölnota lyfseðli sem gefur tvo skammta í hvert skipti (60 töflur) og þurfti að greiða fyrir 3 lyfseðla semsé greiddi fyrir það 15 pund sem á gengi dagsins er : 2490 kr og fékk 180 töflur. 
Hérlendis kostar 30 daga skammtur tæplega 5000 krónur í Lyfju. 
Í Bretlandi er því hægt að fá árskammt á sama verði og einn skammt hérlendis. 
Að sjálfsögðu er mikill munur á heilbrigðiskerfunum, og breska ríkið greiðir fyrir nánast öll lyf sem einstaklingar þurfa, meira að segja fyrir Íslendinga búsetta þar. Ágæti NHS (Breska heilbrigðiskerfisins) er hinsvegar ekki til umræðu hér... 
Verðið fyrir mánaðarskammt er alveg gríðarlega hátt hér á landi og það er rétt að athuga það að ofnæmi er ástand eða sjúkdómur sem einstaklingar fæðast yfirleitt með og er ekki áunninn sjúkdómur. Einstaklingurinn hefur yfirleitt ekki marga aðra kosti en nota lyfin sem eru uppáskrifuð. 
Við mæðgurnar teljum vert að þetta sé kannski athugað, við höfum ekki samanburðin við önnur apótek, en það er samt nokkuð ljóst að hann stenst varla samanburð við önnur lönd!
Ásta Sigrún Magnúsdóttir

#1917    2 cm þunnar rafhlöður:
1) Duracell kr 1099 - Húsasmiðjan
2) Varta      kr   740 - Húsasmiðjan
3) Ansmann     kr   165 - N1
Örn Ólafur Hall

(27.01.09):

#1916    Skrapp á stærstu útsölu bæjarins í IKEA í fyrradag. Sendi þér smá sýnishorn af svakalegum tilboðum sem þar buðust.
Snorri Gíslason 

0.3 % afsláttur!!!

1 % afsláttur!!!

#1915    Fór í Olís á Akranesi þar voru til tvær tegundir af Harðfiski niðurklipptum í 25 og 70 gr pokum.  25 gr pokinn er frá Kjarnafiski og kostar 368 kr eða 14.720.- kr kílóið Hinn var frá Faxafisk og kostaði 70 gr pokinn 400 kr eða 5.714.- kr kílóið.  Mismunur á verðum frá þessum fyrirtækjum sem bæði eru staðsett á Akranesi er kr. 9.006.kr. á kílóinu í sömu búð.  Ef þetta er ekki okur hvað er þá okur.  Það skal tekið fram að verð á  fiskinum frá Faxafisk er í lægri kantinum. En hitt verðið er hreint okur og ekkert betri að gæðum eða bragði.  Ef eitthvað var sá ódýrari mun betri.
Lárus

#1914    Góðan dag. Mig langaði að láta vita um þjónustu sem pirraði mig heil ósköp. Þannig er að ég átti stórafmæli á síðast ári og mér var færð síðbúin afmælisgjöf sem var karafla frá Rosental með 2 vatnsglösum. Ég hafði fengið aðra karöflu í afmælisgjöf og ákvað að skipta þessari. Þar sem ég var upptekin og hafði ekki tíma til að skipta þessu strax þá ákvað ég að bíða milli jóla og nýárs þar sem ég hafði meiri tíma þá og  gæti valið mér í rólegheitunum vöruna sem mig langaði mest í. Ég fór í Casa þar sem ég vissi að karaflan fengist og þar voru líka Ritzenhoff glös sem ég hef verið að kaupa mér. Ég hélt að þetta yrði ekkert mál en nei, aldeilis ekki. Kassinn var ekki merktur með límmiða sem sýndi að hann hefði verið seldur í þeirra búð og þá vildu þeir í Skeifunni ekki taka hann inn. Ég var frekar skúffuð og spurði hvort þeir flyttu þetta ekki inn sjálfir og þeir gera það víst en bentu á fleiri svo nú fór ég upp í Kringlu í Kúnígúnd en þar var sama sagan, kassinn ómerktur svo þeir taka hann ekki til sín. Ég freistaði þess að fara aftur inn í Casa en nú í Kringlunni og benti á að mig langaði að skipta í glösin fallegu og bauðst til að borga skiptigjald eins og tekið er í bókabúðum ef enginn er skiptimiðinn en það kom ekki til greina. Nú flakkaði ég á milli nokkurra búða sem selja Rosental-vöru en það bentu allir á sömu aðilana en ég átti eftir að prófa Epal sem ég hafði bara enga trú á og hef ekki farið inn í hingað til svo ég vissi ekki heldur hvaða vöru þeir eru með. Þar byrjaði afgreiðslukonan á að benda mér á miðaleysið en sagði í beinu framhaldi mér til mikillar furðu að hún væri nú samt til í að taka inn vöruna. Ég gekk um búðina og skoðaði gjafavöruúrvalið sem kom mér á óvart og fann hluti sem ég hef núþegar tekið í notkun heima hjá mér. Hér eftir á ég ekki eftir að fara inn í Casa og mínum glösum frá þeim á ekki eftir að fjölga og ekki held ég áfram að gefa þessi glös í afmælisgjafir þeim sem ég hef hingað til verið að gefa. Í Epal á ég örugglega eftir að fara að versla gjafir. Þeir eru með gott úrval af gjafavöru sem mér líkar við. Hér eftir bendi ég vinkonum mínum á Epal og það vita það allir góðir kaupmenn að konur segja hver annari frá bæði góðum og leiðinlegum viðskiptum. Takk fyri Epal.
Sesselja

(24.01.09):

#1913    Ég vildi láta þig vita um okur á milli verslana. Málið er að ég ætlaði að kaupa möppur undir bókhaldið í dag og fór í Office one þar kostaði mappan 1090 krónur og fannst okkur það svolítið mikið. Við vorum búin að sjá að hægt væri að kaupa möppur hjá reykjalundi fyrir rúmar 400 krónur þannig að við hættum við að kaupa þarna og ætluðum að fara í reykjalund. En fyrst við vorum stödd í smáralind þá ákváðum við að kíkja í hagkaup(þar sem íslendingum finnst skemmtilegast að versla) við keyptum möppur alveg eins og fengust í office á 288 krónur stykkið. Okkur vantaði 6 möppur og þetta kostaði 1728 krónur í hagkaup en 6540 í office. Er ekki spurning um að skoða aðeins í kringum sig áður en við borgum!!?
Begga

#1912
Frá Fotex.dk
 Þar sem að ég bjó einu sinni í DK og fjárfesti í svona rafmagns-tannbursta er ég vön að geta farið og fjárfest í nýjum hausum inn á milli….. 
Verðið hérna á Íslandi er til skammar og ekki er það gengið þar sem að það endurspeglar ekki einu sinni neitt sem að ég hef séð… 
Ég hef einnig farið í apótek og verðið er ekki skárra þar…
Verð hjá elko.is…

Braun Oral-B tannburstahausar 
Hausar á Oral-B rafmagnstannbursta / 2 í pakka    2.495 kr. 
Kristjana Birgisdóttir

#1911    Vil vekja athygli á hækkunum ríkisins:

1. Í ný útsendum reikningum til veiðikortshafa frá UST er hækkun korta á milli áranna 2008-2009.  59 % - 128 %.
2008 var gjaldið 2200-kr
2009 er gjaldið 3500-kr ( ca 59% hækkun).
Nýjung ef ekki er greitt fyrir ákveðin dag hækkar í 5000-kr ( 128%).
Engin skýring fylgir þessari hækkun enda hæpið að hún sé til, og þetta nýja trykk sem ríkið notar orðið á flest að hækka allar smá upphæðir sem fólk á til að gleyma í amstri dagsins eftir einhvern áhveðinn dag um tugi eð hundruði prósenta er ótrúlega lúmsk.

2. Einnig er ótrúlegt í ástandi eins og ríkir hér á landi í dag að hafa ekki frestað sektargreiðslum sem tóku gildi um áramótin um bíla er koma of seint í skoðun. Fólk er rukkað um 15.000 kr í sekt.
Hverjir lenda í þessu ? jú væntalega þeir sem eiga minnsta peninga, verkafólk , atvinnulausir osfv. Fólkið sem ekki átti pening þegar skoðunarmiðinn rann út. Það vænkast væntanlega hagur þess við auka 15.000- kallinn.
Jú gert í nafni umferðaöryggis, nei viðkomandi sleppir þá vetrardekkjunum í staðinn 15.000- kallinn sem átti að fara upp í þau er farinn.
Ekki Það að þetta séu stærstu upphæðir sem fólk hefur séð.
Taktleysið er alveg með ólíkindum.
Óska nafnleyndar

#1910    Mig langar að segja ykkur af viðskiptum mínum við verslunina 17 nýlega.
Seinni hlutann í nóvember síðastliðinn keypti ég peysukjól í versluninni 17 í Kringlunni. Meiningin var að dóttir mín fengi hann í jólagjöf frá ömmu sinni og afa. Spurt var við kaupin hvort hægt væri að skipta flíkinni ef hún líkaði ekki, það kom sem sagt fram að þetta væri jólagjöf. Ekki var boðið upp á neinn skiptimiða en tekið fram að enginn seldi þessar flíkur hérlendis nema 17 og því ekkert mál að skila.
Dótturinni líkaði ekki flíkin og strax á 3. í jólum sendi ég tengdamóður minni hana (ég bý nefnilega úti á landi) og bað hana að fara í 17 og skila flíkinni fyrir áramót, áður en útsalan byrjaði. Hún fór í verslunina 30. desember en fékk þau svör að þessar flíkur fengjust ekki lengur í versluninni og því tækju þau ekki við henni og svo væri hún líka búin að vera á tilboði. Tengdamóðir mín sá ekki samskonar flíkur í versluninni þennan dag.
Í síðustu viku átti ég leið í höfuðstaðinn og leit við í 17 í Kringlunni, þar var í gangi útsala sem líklega hafði staðið í tvær vikur eða svo. Þá bar svo einkennilega við að ég fann hvorki meira né minna en 7 eintök af umræddri flík og annan eins fjölda í öðrum lit. (NB. Þessar flíkur áttu að vera löngu uppseldar en eftir tveggja vikna útsölu var nóg til...)
Þá er komið að hápunktinum. Svakalegur afsláttur var auglýstur á útsölunni, heil 40%. Það væri svo sem gott og blessað ef upp væri gefið rétt "upprunalegt verð". Merkimiðinn á flíkinni hljóðaði upp á kr. 6.990 sem upprunalegt verð og með 40% afslætti þýðir það 4.194. Því miður man ég ekki upp á hár hvaða verð var á miðanum í nóvember en ég held að það hafi verið kr. 5.990. (Ég hefði aldrei látið hvarfla að mér að kaupa flíkina dýrari en það..) Þessa helgi sem flíkin var keypt var í gangi 20% afsláttur á peysum og því var greitt fyrir hana nákvæmlega kr. 4.893 (tala sem ekki er langt frá 20% aflsætti af 5.990 en þó ekki nákvæmlega, talan er fengin af Visa-yfirliti undirritaðrar).
Ég verð að segja að tvennt í þessu finnst mér athugavert. Annars vegar að verslunin skuli hækka "upprunalegt verð" þegar að útsölu kemur. Og hins vegar að fullyrt sé að flíkin sé löngu uppseld og því ekki tekið við henni en eftir tveggja vikna útsölu er samt nóg til.
Það verður ábyggilega bið á því að ég versli í versluninni 17 eða öðrum verslunum NTC og hef sagt og mun segja öllum sem hlusta vilja þessa sögu.
Sólrún Geirsdóttir, Bolungarvík. 
(ATH: Sæl Sólrún,
Það er mjög leiðinlegt að heyra af þessu tilfelli og er ég búin að skoða þetta mál nánar og ræða við viðeigandi starfsmenn.  Verst er að ekki hafi verið kallaður til verslunarstjóri eins og gera á í svona tilfellum.  Varðandi verðin þá eru líka skýringar á því og vona ég að verslunarstjórinn sé nú búin að hringja í þig til að útskýra þetta allt saman, ef ekki þá muntu heyra frá henni Sigrúnu Hjálmarsdóttur fljótlega og mun hún leitast við að útskýra málin betur fyrir þér.  Þetta er eitthvað sem ekki á að koma upp og vona ég að þú fáir fullnægjandi svör og skýringar frá henni. Takk fyrir að láta okkur vita.
Kveðja,
Helga Þóra Árnadóttir / NTC hf.)

#1909    Mig langar til að benda á algjörlega fáránlegt okur. Við fórum nokkur saman í gær að fá okkur bjór á Celtic Cross, fínn bjór á góðu verði, 650 kr fyrir stóran á krana sem verður að teljast frekar billegt í dag. Ég fékk mér hinsvegar Sprite í stóru glasi. Það var ekki klaki, ekki lime né sítróna og þar sem að ég var búin að taka sopa þegar ég fékk verðið, gat ég ekki skilað glasinu. En það kostaði mig 500 krónur !!!! Sprite úr dælu... ég sá sko sárlega eftir því að hafa ekki fengið mér bara einn kaldann og pungað út 3 litlum 50 köllum á milli. 
Inger

#1908    Reynsla minnar fjölskyldu hvað varðar slæma þjónustu setur
Nóatúnsverslunina í Hamraborginni í algjöra sérstöðu hvað varðar framkomu
við neytendur.
Í fyrst lagi þá heyrir það til undantekninga að þær vörur sem eru á
tilboðsverði séu með rétt afsláttarverði þegar komið er á kassa. Þrátt
fyrir að starfsfólk sé ítrekað látið vita um ósamræmi á milli kassaverðs
og tilboðsverðs á sömu vörunni þá er verðið aldrei lagfært því það virðist
eins og þessi verslun geri út á að hala inn auka krónur af viðskiptavinum
sem ekki fylgjast vel með.
Í öðru lagi þá úir og grúir af útrunnum vörum í versluninni sem verið er
að selja sem nýja. Nákvæmlega sama vandamálið og Nóatún í Smáralindinni
átti við að stríða ef einhver skyldi muna eftir því þegar reiður
viðskiptavinur týndi útrunna matvöru í kúfaða grind til að sýna hversu
algengt vandamál þetta væri í versluninni.
Nýjasta atvikið sem við lentum í var að keyptur var ávaxtasafi til að gefa
veiku gæludýri í þeirri von að hægt væri að koma lyfjum ofan í það ef þeim
væri blandað saman við ávaxtaþykknið. Gæludýrið var eitthvað ósamvinnuþýtt
framar venju og þá skoðaði eigandinn brúsann betur og í ljós koma að
ávaxtasafinn rann út 31. 10. 2008. Annar brúsi sem keyptur hafði verið frá
sama framleiðslufyrirtæki var líka útrunninn en þó ,,bara“ 11. 2008. Það
er náttúrulega vægast sagt FERLEGT að lenda í því að gefa sjúklingi sama
hvort hann er mennskur eða dýr útrunnin matvæli sem getur valdið verri
veikindum en verið er að berjast við. Þegar kvartað var við vaktstjórann
var jú að vísu beðist afsökunar og varan endurgreidd en það var allt og
sumt. Viðkomandi frábað sér alla ábyrgð vegna þess að það væru ekki
starfsmenn verslunarinnar sem sæju um að raða þessari tilteknu vöru í
hillurnar eða sjá um endurnýjun. Vill verslunin sem sagt vera með tómt
fúlmeti (og þá á ég ekki við þorramat) í hillunum hjá sér og hvernig í
ósköpunum heldur þetta fólk að það haldi viðskiptavinum ef það verður
veikt af vörunni sem það selur??
Kannski heldur einhver að þetta sé tilfallandi tilvik um útrunna vöru í
þessari verslun en nei, svo sannarlega ekki. Við erum búin að horfa á
Cheddar ostinn í mjólkurkælinum mygla hægt og rólega en standa samt
mánuðum saman kominn langt fram yfir síðasta söludag. Þegar myglaði
osturinn var loksins fjarlægður þá var nýi osturinn líka orðinn útrunninn
en bara ekki kominn með grænar skellur.
Þá spyr einhver af hverju við bendum ekki starfsfólki á útrunnu vöruna.
Jú, það verður að viðurkennast að við erum einfaldlega hætt því vegna þess
að slíkar ábendingar hafa skilað litlum sem engum árangri yfirleitt hvort
sem um Nóatún eða aðrar verslanir er að ræða.
Merkilegasta atvikið var þegar starfsmanni í Hagkaupum var bent á að vara
væri útrunninn og svarið við því var ,,Gott hjá þér!“ með hæðnistóni í
röddinni. Síðan þegar við gáfumst ekki upp og ræddum þetta við
starfsmanninn á þjónustuborðinu þá sagðist hann ekki geta tekið við
kvörtunina af því að við værum ekki með eintak af vörunni. Hann ætlaðist
til þess að viðskiptavinurinn keypti útrunna vöru til að koma með á
þjónustuborðið svo hann gæti tekið við kvörtunum um útrunna vöru. En hann
myndi alveg endurgreiða okkur hana aftur...
Við erum bara svo vitlaus að halda að hlutverk ,,þjónustuborðs“ sé að
þjónusta viðskiptavini en ekki að viðskiptavinir fari að
,,þjónustuborðinu“ til að veita því þjónustu. Svona geta konur misskilið
viðskipti og þjónustu hmmm.
En alla veganna þá er Nóatún í Hamraborginni ekki verslun sem maður
verslar við nema brýna nauðsyn krefji eða maður sé ekki annt um heilsu
sína eða sinna.
Kröfuharðir neytendur

#1907    Lyfja Lágmúla með Colgate-tannþráð: 1.150 kall.
Bónus eiga sama tannþráð á 450 kall.
Ég var búinn að kaupa 2 pk. hjá Lyfju og varð auðvitað drullusvekktur að
hafa ekki gáð að mér. Man'etta næst! Bónus 1: Lyfja 0.
Óskar P. Einarsson 
(Nb. Þessi niðurstaða ætti nú ekki að koma lesendum Okursíðunnar á óvart.)

(23.01.09):

#1906    Tók eftir því að þið bendið á vaktin.is fyrir verðsamanburð á tölvuvörum.
En þess má geta að þessi verðsamanburður virðist vera á völdum verslunum þar sem t.d. Tölvutek auglýsir á síðunni en þarf ekki að standa í neinum verðsamanburði.
Einnig er mismunandi hversu reglulega verðin eru uppfærð og ákveðnar verslanir virðast vera uppfærðar oftar og reglulegar en aðrar svo tilturlega auðvelt er fyrir þá aðila að vera með ódýrasta merkta verðið án þess að vera með það í raun.
Þetta er hægt að sjá með því að t.d. velja skjákort, fara í 9800 GT 512MB dálkinn og smella á computer.is sem er merkt ódýrast þar.
Í dálkinum stendur 23.900 en þegar smellt er á hlekkinn yfir til computer.is þá er varan í raun á 28.900
Notendur á spjallborði vavktarinnar hafa oft farið fram á úrbætur á síðunni þannig að upplýsingar séu réttar og að allir séu við sama borð. Stjórnendur hafa lofað úrbótum mánuðum saman en ekkert gerist. Umræður hafa farið af stað um hvort stjórnendur eigi hagsmuna að gæta í því að ekki séu allar verslanir í þessum verðsamanburði og að sumir geti komist hjá óþægilegum samanburði ef þeir hafa réttu samböndin. Ég hvet þig, í krafti þess sem vefurinn þinn stendur fyrir, að kanna vel hversu ábyrgur vefur Vaktin er áður en þú leggur nafn þitt við hann. Vaktin gefur sig út fyrir að vera vefur sem hefur hagsmuni neytenda að leiðarljósi en villir fyrir með röngum upplýsingum og bjöguðum samanburði á verslunum. Þeir þiggja auglýsingatekjur og hlýtur maður að spyrja sig af hverju verslun eins og Tölvutek, sem auglýsir á síðunni, lendir ekki í samanburði. Notendur vefsins hafa ekki getað fengið svör frá stjórnendum en kannski getur þú það. Er rétt að menn sem hafa tekjur af rekstri svona vefs leyfi sér að sýna svona óábyrga hegðun? Er í lagi að Jón Jónsson út í bæ sem ekki veit betur en að hægt sé að treysta þessum upplýsingum sé ekki að lesa réttar tölur né fá allar upplýsingar í hendurnar? 
Ónafngreindur aðili

#1905    Ég fer öðru hverju í hádeginu í 10-11 í Lágmúla og versla heita súpu hjá þeim. Súpan kostar 299 krónur sem er ásættanlegt verð og eitt smábrauð fylgir súpunni. Hins vegar blöskrar mér hækkun á auka smábrauði sem áður kostaði 49 krónur en kostar nú 99 krónur stykkið!! Þetta brauð er ekki nema nokkrir munnbitar.  Hvað útsýrir svona mikla verðhækkun?
Óskar nafnleyndar 

#1904    Ég má til með að segja frá ósvífni verslunarstjóra Krónunnar á Bíldshöfða. Ég sendi honum þennan póst (að neðan) 18.des.................og hvað heldur þú, ég kom þar í dag og ennþá eru þeir að selja þennan löngu útrunna þeytirjóma.................er ekki í lagi með þetta fólk? Hann rann út 28.október.
--- Fyrir viku síðan gerði ég athugasemd við karlmann (íslenskan) um að þið væruð að selja löngu útrunninn sprauturjóma í bland við nýjan. Lenti í því sjálf að þurfa að koma og skipta út mínum. Hann þakkaði mér fyrir og ætlaði að kippa þessu í lag strax (að sjálfsögðu). Í gær kom ég aftur til ykkar og kíkti að gamni mínu og trúði ekki eigin augum. ÞIÐ ERUÐ ENNÞÁ MEÐ HANN Í BLAND VIÐ ÞANN NÝJA. ´
Nú skora ég á þig sem verslunarstjóra að kippa þessu í liðinn strax.
Ásdís Snorradóttir

#1903    Ég hef lagt það í vana minn að kaupa hreina jógúrt til að sleppa við 
alla sykurmolana sem eru í öðru jógúrti. Því brá mér þegar ég fór í 
Bónus á nýju ári en þá var dollan var
komin upp í 60 kr og aðeins tveimur krónum ódýrara en jógúrt með 
jarðarberjum.  Man ekki betur en hún hafi kostað 40-50 kr. fyrir þessa 
miklu hækkun.
Sem sagt hrein jógúrt á sama verði og jógúrt með sykri og 
jarðarbrerjum!  Þetta er OKUR.
Rannveig

#1902    Bara að láta vita um enn meira okur. Konan mín gaf mér forláta gjöf úr Max um jólin. Það var hljómgræja sem hægt er að festa á vegg, mjög falleg og vönduð frá Phillips. Ekki veit ég verðið á henni en hún keypti græjun í byrjun desember. Hins vegar fór hún aftur í Max 2 vikum seinna og þá var þessi sama græja búin að hækka um 9000 kr!!!! Eg vil taka það fram að ekki er um eh 100.000 hlut að ræða. Ég myndi frekar giska á um 20-25.000 kr sem er búin að hækka um heilan helling... svona rétt fyrir jólin. 
Nafnleysi

#1901    Fjölvarpið:  Breyta verður reglum um hvernig hægt er að læða inn hækkunum
þegjandi og hljóðalaust inn á neytendur.  Það á að skylda öll fyrirtæki til
að tilkynna viðskiptavinum sínum um hækkanir.  Fjöldi fólks lætur draga ýmsa
þjónustu beint af greiðslukortum sínum.  Það er enda þægilegasta leiðin
fyrir alla og bæði neytendur og fyrirtækin sjálf.  Það er hinsvegar grátlegt
að sjá hve fyrirtækin virða viðskiptavini sína lítils eða betra orðalag er
að það er ótrúlegt hvað fyrirtækin lítilsvirða viðskiptavini sína.
Fjölvarpið hefur hækkað úttekt sína af mínum greiðslukorta reikningi fyrir
erlenda pakkann úr 4.266 kr. í des. uppí 4.741 kr. í jan. eða um 11,13%.  Um
þessa hækkun var ekki tilkynnt og reyndar man ég ekki eftir að Fjölvarpið
hafi nokkru sinni tilkynnt um hækkun á áskrift.  Þeir bara læða henni inn
þegjandi og hljóðalaust.
Við neytendur verðum að krefjast þess að öll fyrirtæki sem við höfum veitt
leyfi til að gjaldfæra viðskipti beint af greiðslukortum okkar til að
tilkynna okkur um allar hækkanir í stað þess að þau læði hækkunum inn
þegjandi og hljóðalaust.  Við getum þá metið hvort að við höldum áfram
viðskiptum við þessa dóna, sem ekki kunna mannasiði.
Dolli móðgaði

(22.01.09):

#1900    Fór í vikunni í ritfangaverslun Eymundsson í Reykjanesbæ til að kaupa svo lítið sem strokleður og blý fyrir strákinn minn í skólann. Fyrir eitt lítið Boxy- strokleður þurfti ég að borga heilar 265 krónur! Ég keypti tvö þar sem ég hef alltaf eitt til vara upp í skáp því þetta dót hefur sterka tilhneigingu til að týnast. Fyrir tvö strokleður þurfti ég sumsé að borga 530 krónur! Já, tvö strokleður! Fyrir þremur árum  eða þar um bil starfaði ég um tíma í ritfangaverslun og þá kostaði Boxy-strokleður 65 krónur að mig minnir. Fyrir pakkninguna af HB 0,7 blýi þurfti ég að greiða svo mikið sem 575 krónur. Í pakkningunni eru 40 blý.
Ég greiddi 1,105 krónur fyrir þetta smáræði! Þetta er ekkert annað en klikkun. Maður er strax kominn með kvíðahnút í magann við þá tilhugsun að eiga eftir að kaupa inn fyrir skólann næsta haust. Helvítis fokking fokk!
Ellert Grétarsson

#1899    Félagi minn ferðast mikið. Hann var að benda mér á gríðarlega hækkun hjá fly-bus flugrútunni.
Hann keypti miða fram og til baka 18/12/08 og kostaði þá 2700,- Núna 19/1/09, einum mánuði seinna er verðið komið í 4000,-. Leggurinn hækkar s.s. úr 1350,- í 2000,-. Rúm 48% hækkun í einu stökki. Það er OKUR.
Óskar
(ATH: Hið rétta er að Flybus miðarnir sem við seljum eru ekki komnir uppí 4000 krónur eins og stendur á síðunni heldur úr 1500 kr. uppí 1700 krónur aðra leið og 2.700 krónum uppí 3.000 kr.fyrir báðar leiðir. 
Þúsund krónurnar sem drengurinn bætir við gjaldið hjá okkur er pick-up og drop-off þjónusta á hótelin í Reykjavík sem kostar 500 kr hvora leið og þykir ekki mikið miðað við pick-up þjónustu erlendis.
Mig langði bara að leiðrétta þetta .. 
Daníel Óliver Sveinsson
Reykjavik Excursions Kynnisferðir)

#1898    Kaupi reglulega Fjallagrasaflatkökur...í Nóatúni og Fjarðakaup kostaði pakkinn fyrir helgi 109 kr Á þriðjudaginn fer í Samkaup og viti menn þar fást flatkökurnar mínar á 129 kr!!!!! Þótt þetta séu "Bara"20 kr þá kemst ég ekki hjá því að velta fyrir mér hvað með aðrar vörur í búðinni?
Hafði ekki tíma til að skoða flr. en keypti helv....pakkann og hann smakkaðist þolanlega.. ;-)
Iris E

#1897    Mig langaði bara að benda á (ef það er ekki þegar komið fram) að það er alveg hægt komast hjá því að borga ca 6000 kall fyrir vírusvörn á heimilistölvuna. Ég gerði mér bara ekki grein fyrir því hve fáir vita af þessu, fyrr en ég fór að heyra fólk kvarta yfir því hvað vírusvarnir hafa hækkað í verði.
Sjá: http://avast.com/eng/avast_4_home.html
Athuga: "FREE OF CHARGE for non-commercial & home use only. Both of these conditions should be met!"
Þessi vírusvörn er ekkert síðri en margar aðrar þekktari vírusvarnir: http://anti-virus-software-review.toptenreviews.com/index2.html
Emil

#1896    Ég get ekki orða bundist yfir því sem ég lenti í dag, ég sá frétt um það að fyritækin sem lána bílalán myntkörfulánin ætla að gefa fólki kost á að framlengja áfram greiðslustöðvun eða hvað á að kalla þetta svo ég hafði samband við Lýsingu þar sem ég er með lán þar og hafði fengið greiðlustöðvun í haust og hugðist framlengja og komst þá að því að þeir mundu ekki lækka um 50% eins og var heldur um 25% og þegar ég spurði um hverju það sætti að þeir væru ekki á sömu nótum og þeir sem eru með þessi lán var fátt um svö annað en þetta er bara svona, nákvæmlega svörin sem gefin eru all víða í dag og við látum ganga yfir okkur, jæja en svo tók nú ekki nema augnablik að prenta út pappíra sem ég þurfti að skrifa undir til að endurnýja samninginn og viti menn fyrir þetta var ég rukkuð um kr.5000.-og var búin að greið nokkur þúsund í haust þegar fyrri breytingin var gerð .... já semsagt kostaði fimmþúsund að frammlengja á ekki orð yfir svona vinnubrögðum.
Hrafnhildur

#1895    Ákvað að senda þér smá línu ... því mér fannst þetta dálítið magnað. 
06. janúar kaupi ég umræddan molasykur (750 gr) fyrir vinnuna mína í Melabúðinni, þín verslun ... sem ég veit að fólk talar um að sé í dýrari kantinum - ég stoppað því ég var á hraðferð og nennti ekki í stórmarkað - sykmolarnir kostuðu 219 krónur. Ég hugsaði með mér ... ætli það sé dýrt eða ekki.
Viku síðar, nánar tiltekið 13. janúar fer ég hins vegar í Krónuna við Fiskislóð að viða að fyrir vinnuna mína og ákvað að grípa meiri molasykur ... „gömlu körlunum" finnst þeir nauðsynlegir með kaffinu ! En viti menn ... sykurmolarnir voru dýrari þar (sama tegund, sama magn) - pakkinn kostaði 320 krónur ... eða 101 krónu dýrari en í Melabúðinni !
Af skömmum mínum kom ég síðan við í Hagkaup á Eiðistorgi og leit þar í hillu - þar kostaði pakkningin 295 krónur (hillumerking).
Ég á nótur fyrir báðum hinum kaupunum ... og mér finnst lygilegt að Krónan bjóði sömu vöru - 46% dýrari.
Kannski að maður fari bara að skipta meira við Melabúðina ... sem að auki býður upp á mjög svo góða og persónulega þjónustu.
Helga Bryndís

#1894    Vil benda á Leiksport í Breiðholtinu sem mjög góða verslun með íþróttaskó fyrir krakka og fleira.  Eftir misheppnaða tilraun til að kaupa innanhússkó á einn 8 ára í Intersport (skórnir vel merktir með afsláttarmiða en engin verð eða þau voru misvísandi og jafnvel svo slæmt að hærra verð var límt yfir lægra verð) þá fórum við í Leiksport.  Þar fengust skór sem áttu að kosta 5.500.- og þar sem útsalan var alveg að hefjast, þá gaf starfsmaður 20% afslátt.  Svo ég endaði á því að greiða um 4.500,- kr. fyrir skóna. Hef áður verslað í Leiksport og alltaf fengið framúrskarandi þjónustu og ásættanleg verð.  Mæli með þessu.
Ágústa Bj

#1893    Við keyptum handþeytara fyrir jól í Hagkaup á Akureyri á 2490 kr. Nú fyrir tveimur dögum fórum við aftur í Hagkaup og þá er sami þeytari merktur á tilboðsverði og kostar nákvæmlega það sama - 2490 kr. Enn og aftur finnst manni sem verið sé að svíða neytendur.
Tinna

#1892    Ég fór á kaffihúsið Café Mílanó í Reykjavík 10.janúar sl og pantaði mér kaffi og ostakökusneið. Sneiðin kostaði 930 krónur?? Sem er algjört met, ég hef allavega ekki rekist á annað eins.
Magnea J 

#1891    Bókin „Skotvopnabókin“ er til í Eymundsson og kostar 4.480 kr (sjá). Bókin eru 222 blaðsíður og í kiljuformi. Svo að þetta er dýr bók miðað við hve rýr hún er og að auki í kiljuformi. Kiljur kosta venjulega um 2000 kr. Ég hef ekki athugað hvað hún kostar í öðrum bókabúðum. 
Þessi bók er notuð á skotvopnanámskeiðum og er mælt með því að þeir sem taki námskeiðið lesi þessa bók en það er ekki skylda (sjá). Auðvitað væri eðlilegast að fá hana lánaða á bókasafni. En af einhverjum óskiljanlegum ástæðum er hana ekki að finna í bókasöfnum nema í nokkrum útvöldum (sjá).
Þetta þýðir að maður þarf að kaupa rándýra bók, ef maður ætlar að komast í gegnum þetta námskeið sem kostar 20.000. 
Okur? Já. Er eðlilegt að hún finnst ekki á bókasöfnum? Nei.
Stefán Sigurðsson

#1890    Ég var núna að fara yfir tryggingarnar mínar og bar saman verð 4ra tryggingarfélaga, 
VÍS, Sjóvá, Vörður, og TM.
Ég lét þá alla gera tilboð, í íbúð sem er með 13 milljón króna brunabótamati, um 6 milljón króna innbústryggingu, og bifreiðatryggingu (bifreið undir 1500 cc) með 60 þúsund í sjálfsábyrgð í kaskó.  Og verðmunurinn kemur berlega í ljós að sá ódýrasti var 16% en sá dýrasti.

En svona lítur dæmið út;

Ég var tryggður hjá VÍS og heildartryggingarpakkinn hjá þeim var kr.143.000 fyrir árið 2009.  Síðan hringdi ég í þá og fékk lækkaðan tryggingarpakkann í 132.169 og með einu símtali var ég búin að lækka kostnaðinn um kr.10.831, eða um c.a. 10%.  En tryggingarnar mínar hjá VÍS höfðu hækkað um 20% frá árinu á undan.

Ok., nú var ég búin að lækka kostnaðinn, og ákvað að fá tilboð frá hinum, þ.e. Sjóvá, TM, og Verði.  Og tilboð þeirra voru svohljóðandi með VÍS:
                                     Sjóvá               VÍS             TM                Vörður
Iðgjald greitt núna:         129.305         132.169     131.434       111.645
Endurgr.ef tjónlaus       -12.022                0                0                         0
Samtals á ári:                 117.282         132.169     131.434       111.645

Já, nú er hart í búi, og maður lítur í hverja krónu.  Nú get ég lækkað kostnaðinn um kr.20.524 eftir 10.831 króna lækkunina áður hjá VÍS.  Þannig er heildarsparnaður kr.31.355

Iðgjald var áður en ég aðhafðist eitthvað kr.143.000
Iðgjald eftir tilboð, og ég tek lægasta tilboði kr.111.645
Mismunur mér í hag:  kr.31.355
Þess vegna ráðlegg ég fólki um að endurskoða allan tryggingarpakkan hjá sér í dag, ég lækkaði kostnaðinn um c.a. 22% og er að borga minna en ég greiddi fyrir ári síðan sem var 116 þúsund.
Óskar Sigurðsson 

#1889    Þessar myndir voru teknar nú í vikunni annars vegar í Krónunni í 
Lindum og hins vegar í Lyf og Heilsu í Kringlunni.  Glögglega má sjá 
að verðmunurinn er um það bil 16-19%, Krónunni í óhag. 
Óskar nafnleyndar

(21.01.09):

#1888    Passið ykkur endilega á reikningum frá Símanum; þeir eru búnir að breyta gjalddögum og eindögum. Núna er gjalddagi 10 dögum fyrir mánaðamót og eindagi ANNAN hvers mánaðar. Margir átta sig ekki á þessu og lenda í dráttarvöxtum, enda var eindaginn áður seinna eftir hver mánaðamót heldur en annan hvers mánaðar. Það er alltaf verið að reyna að hafa pening af okkur! Veit ekki til þess, að Síminn hafi sent viðskiptamönnum sínum orðsendingu um þessa breytingu. Ef þetta er ekki rétt hjá mér, bið ég forláts!
Giljaþefur

#1887    Það var komið að því að skipta um kerti í bílnum mínum, Volvo S40 árgerð 2005. Mér hafði verið bent á að hringja í Stillingu og athuga verðið þar. Þar kostaði stykkið rúmar 3500kr. Semsagt 14þús fyrir 4st kerti. Mér datt í hug að athuga með N1. Þar kostaði stykkið 4990kr. Semsagt 20þús krónur fyrir 4st. Af rælni ákvað ég að hringja í Brimborg en bjóst svosem ekki við að sjálft umboðið væri ódýrara. En viti menn, hjá Brimborg kostar pakki með 4st orginal Volvokertum 6440kr! Það margborgar sig að hringja og athuga verðin og mér finnst að Stilling og N1 ættu hreinlega að skammast sín!! 
Gunnar

#1886    Þannig er mál með vexti að ég er með áskrift af stöð 2, stöð2 sport og stöð2 sport2. Fæ þá ókeypis stöð 2 extra og bíórásina, og borga fyrir það sama verð og þeir sem fá að auki extra 1-5 af fótbolta ásamt því að fá stöð + stöðvar sem ég er ekki alveg viss hverjar eru ;-)
Dreifikerfið sem er boðið upp á hér þar sem ég bý býður ekki upp á annað en ofangreindar stöðvar en mér þykir súrt í broti að borga það sama og þeir sem hafa mun meiri aðgang.
Aðalbjörg

(20.01.09):

#1885    Ég var að fá reikninga frá Vodafone með lið sem ég hef aldrei heyrt um eða séð áður,en það er liðurinn Þjónustugjald vegna greiðsluloforðs 1000 kr.
Þetta er sennilega komið til af því að fyrir stuttu síðan fékk ég greiðslufrest vegna eins reikningsins.
Þannig að ofan á dráttarvexti,seðilgjald og þú nefnir það, þá búa þeir til eitthvað svona,því það er jú hart í ári hjá smáfuglunum.
Þetta er nú reyndar ekki nema smábrot af því sem ég er búinn að ganga í gegnum hjá Vodafone en þar er arfaslök þjónusta og er búið að vera þannig í mörg ár.
Þá fer að styttast í að hætta þar viðskiptum algjörlega.
Kristján Blöndal

#1884    Ég fór með tvær 14 ára í Bónus videó Hafnafirði að kaupa sælgæti síðasta laugardag, sem og alla aðra laugardaga, enda eru þær dyggir viðskiptavinir þessara búllu eins og ég vil kalla hana nú.
Eigandinn býður bara upp á bréfpoka sem eru þyngri en plastpokarnir, stelpurnar fannst þetta fáránlegt og hafa hingað til rifið helminginn af pokunum svo hann vigti minna, enda sælgætið á 2000 kr kílóið en 50% afsláttur á laugardögum. 
Aftur á móti ágætis úrval þar. 
Hann tekur eftir því að önnur er búin að rífa af pokanum sínum (hann var ekki sjálfur að afgreiða hana) og skipar afgreiðslumanninum að leggja 4 krónur extra!! við pokan hennar, halló einn svona poki getur ekki einu sinni kostað 4 krónur!!!
Fyrir þetta eitt er maðurinn búin að missa 5 viðskiptavini!! ég kem til með að keyra frekar í Hagkaup þar sem úrvalið er helmingi betra og þar er boðið upp á plastpoka og nammið aðeins ódýrara þó ekki mikið.
Þarna eru börnin aðal viðskiptavinir og ekki ætlast til þess að þau pæli í þessu, þessar dömur gerðu það hins vegar og sáu við honum en fengu það sko tífalt í bakið til baka með þessu.
Mæli endregið með að fólk sniðgangi BÓNUS VIDEÓ HAFNARFIRÐI
Nansý Guðmundsdóttir

#1883    Stór bjór 900 krónur og Breezer á 1050 krónur á Kofa Tómasar frænda!
Óska nafnleyndar

#1882    Hef tekið eftir nokkrum færslum þar sem fólk er að kvarta yfir því að hafa keypt vöru sem var keypt hjá fyrirtæki sem nú er farið á hausinn eða búið að skipta um kennitölu, sem að síðan hefur bilað og fæst nú ekki viðgerð. Það má vera að auka ábyrgð sem fyrirtæki bjóða stundum, eins og tveggja ára ábyrgð hjá BT eða slíkt, sé fyrnd. Hinsvegar er sú alþjóðlega ábyrgð sem framleiðandi gefur ekki fyrnd þegar að söluaðili fer á hausinn.
Í mörgum löndum er sér umboðsaðili fyrir ákveðnar vörur og þá myndi hann sjá um viðgerðina og síðan rukka framleiðanda vörunnar. Það var t.d. það sem gerðist þegar ég keypti mér Philips myndbandstæki í Danmörku 1999, tækið flutti ég svo með mér til Íslands árið 2000 og skömmu seinna fór það að haga sér illa. Ég fór með tækið til Heimilistækja sem voru umboðsaðili Philips á Íslandi og fékk tækið viðgert.
Stundum eru hinsvegar ekki umboðsaðilar fyrir ákveðnar vörur á Íslandi og gæti þá þurft að senda tækið til næsta lands með umboðsaðila, slíkar upplýsingar er oftast hægt að fá á heimasíðu framleiðanda. Í þeim tilvikum þarf oft að standa undan kostnaði við að senda vöruna, en ef varan er biluð er hún venjulega send frítt til baka. Þegar að þetta er gert þarf að tryggja að viðgerandinn sendi vöruna til baka með þeim formerkjum að þetta sé endursending á viðgerðri vöru svo ekki þurfi að borga toll af henni. Vona að þetta komi einhverjum að notum,
Húni
(+ Ég vil vekja athygli á því varðandi okur #1882 að best er að gera útflutningsskýrslu í pósthúsinu og taka þar fram að verið sé að senda vöru út til viðgerðar. Þannig þarf ekki að treysta á sendandann að taka fram að varan hafi verið í viðgerð. Ég hef góða reynslu af þessu með raftæki frá BNA, þar er ekki óalgengt að framleiðandinn sendi einfaldlega nýja vöru í stað þeirrar sem bilaði. Ekki þarf að greiða aðflutningsgjöld ef annað hvort útflutningsskýrsla eða staðfesting sendanda er til staðar. Oft er hægt að senda tölvupóst út fyrst og lýsa vandamálinu fyrir umboðsaðila / framleiðanda.)

#1881    Ég fór í klippingu fyrir jólin á rakarastofunni við Klapparstíg. Í haust kostaði herraklipping 3800 kr. en í þetta skiptið kostaði sama þjónusta 4200 kr. Kærastan mín fór í dömuklippingu á Rauðhettu og Úlfinum, litlar 6700 krónur! (engin klipping eða litun eða annar óþarfi). Heimilishaldið borgaði því 10.900 krónur í klippingu fyrir þessi jólin. Þetta finnst mér hreinlega vera okur...
Sævar

#1880    Langaði að senda smá dæmi sem ég rakst á í dag. Ekki í fyrsta skiptið sem ég sé áþekkt dæmi.
Hvort það heitir Max, Bt, Hagkaup, Heimilistæki eða eitthvað annað þá er endalaust leiðinlegt að sjá svona dæmi hvað eftir annað.
Philips 32" flatskjár, týpunúmer 32pfl3403D. Elkó 144,995kr. Miðað við gegngi dönsku krónunnar 23kr þá er venjulegt verð Í Bilka í Danmörku 112.677 kr. Tilboðsverð m.v. sama gengi í Bilka er 80.017 kr. Hér er munur upp á 64.978 kr eða rúmlega 44%. 
Gengið íslensku krónunnar þarf að vera 29,6kr fyrir hverja danska krónu svo upphaflegt verð í Bilka sé sambærilegt og í Elkó. M.v. tilboðsverðið þá þarf gengið að vera 41,7kr. svo um sambærilegt verð sé að ræða. Ekki veit ég til að gengi dönsku krónunnar hafi farið svo hátt og efa að aðrar myntir hafi farið svo hátt þó getur verið að tolla- og vörugjaldaþættir skýri þennan mun en ef svo er þá er það ágætis gagnrýnispunktur sömuleiðis.
Skúli


(+ Varðandi sjónvarpssamanburð í #1880 virðist fólk alls ekki gera sér grein fyrir þætti vörugjalda í hinu háa vöruverði. Hann er talsverður og munurinn á íslenska og erlenda verðinu á sjónvörpum minnkar þegar vörugjöld eru tekin með í reikninginn (munurinn er þó gjarnan talsvert okur).
Þannig er Bilka sjónvarpið með dönskum 25% virðisaukaskatti en íslenska sjónvarpið með 25% vörugjaldi og ofan á töluna sem þannig fæst kemur svo íslenskur 24,5% virðisaukaskattur => Í þessu dæmi mætti þannig taka (venjulega) Bilka verðið og bæta við það íslenskum vaski: 112.667 * 1,245 = 140.270, ekki svo fjarri ELKO verðinu.
[Til að útskýra enn betur: Ef Skúli færi til Danmerkur og keypti sjónvarpið fengi hann vaskinn úti endurgreiddan: 112.667/1,25 = 90.134. Við heimkomun þyrfti hann að borga vörugjald (90þ*1,25=112.667)  og vask (112þ*1,245) og væri með því kominn upp í 140 þúsundin. Ef hann keypti tækið á tilboðsverðinu í Bilka myndi tækið kosta hann 124.526 krónur hingað komið - Elko verðið er hér 20 þúsundum hærra en Bilka verðið].
En ef Skúli myndi gera samanburð á t.d. verðum á sjónvörpum í Sony Center og útlenskum verðum, getur hann auðveldlega splæst í flug og hótel fyrir mismuninn [eins og sýnt var fram á í okurdæmi #27 fyrir langa löngu]. 

#1879    Tökum stöðu með heimilunum

Ályktun stofnfundar Hagsmunasamtaka heimilanna 15. janúar 2009

Efnahagshrunið, óðaverðbólgan, gengisþróunin, atvinnuleysið og markaðs¬hrunið er að koma mjög hart niður á þeim sem síst skyldi og minnsta ábyrgð bera, þ.e.a.s. heimilunum í landinu. Nú stefnir í það að stór hluti heimilanna í landinu verði gjaldþrota verði ekki gripið strax til raunhæfra aðgerða af hálfu stjórnvalda.

Heimilin og fjölskyldurnar í landinu tóku lán sín til íbúðarkaupa í góðri trú og trausti til fjármálastofnana og stjórnvalda. Margar fjölskyldur eiga nú þess vegna á hættu að verða hlekkjaðar til æviloka við verðlitlar eignir sínar með skuldaklafann á bakinu, eða að verða hraktar af heimilum sínum með opna heimild til endurupptöku krafna til æviloka. 

Verði þessi framtíðarsýn  að veruleika má gera ráð fyrir verulegum landflótta sem aðeins mun draga afleiðingar kreppunnar á langinn, auka á vandann og ójöfnuðinn. Framtíð íslensks samfélags ræðst af því hvernig stjórnvöld bregðast við núna gagnvart heimilunum og er tíminn til aðgerða mjög naumur.

Í ljósi þess neyðarástands sem hefur skapast krefjast Hagsmunasamtök heimilanna eftirfarandi:

• lagabreytinga til að verja heimilin í þessu efnahagsástandi, jafna áhættu milli lánveitenda og lántakenda og veð takmarkist við þá eign sem sett er að veði. 

• almennra leiðréttinga á íbúðalánum heimilanna, bæði í íslenskri og erlendri mynt. Bent er á að lenging lána leysir ekki vandann heldur frestar honum og lengir því aðeins í hengingarólinni. 

• skilyrðislausrar stöðvunar fjárnáma og uppboða á íbúðarhúsnæði einstaklinga þar til ofangreindar kröfur hafa verið uppfylltar.

Samtökin óska  eftir samstarfi við stjórnvöld til að leysa þessi stóru hagsmunamál heimilanna. Meginmarkmið slíks samstarfs er að koma í veg fyrir samfélagslegt hrun og byggja upp nýtt réttlátt og sanngjarnt Ísland þar sem allir sitja við sama borð og tekið er tillit hagsmuna heimilanna sem grunnstoðar samfélagsins. 

Við skorum á fólkið í landinu að fylkja sér um samtökin og gera þau að öflugu verkfæri breytinga fyrir hagsmunum heimilanna og taka þátt í mótun og uppbyggingu nýs Íslands.

Hagsmunasamtök heimilanna
www.heimilin.is

#1878    Heyrðu ég lagðist í það mikilvæga verkefni að endurgera grísasamlokuna sem maður gat fengið sér á Hard Rock á árum áður og til þess verks þurfti ég bbq sósu. Ég keypti Hunt´s bbqsósu í Bónus og kostaði hún 155 ísk. Allt í lagi með það en svo dugði hún ekki svo að ég sendi strákinn minn útí þína verslun á Seljabraut að sækja aðra, hún kostaði fokking 427 ísk.  Ég get ekki annað en komið þessu á framfæri.
Vignir

#1877    Fyrir stuttu ætlaði ég að kaupa Fitty brauð í Samkaup-Strax á Fáskrúðsfirði en sá þá að hleifurinn átti að kosta 450 kr. Ath. þetta er ekki heilt brauð. Stuttu seinna sá ég það á 250 kr. í Krónunni í Hafnarfirði. Þetta finnst mér vera okur hjá Samkaup-Strax á Fáskrúðsfirði. Þess ber að geta að núna kostar samskonar brauð 390 kr. á Fáskrúðsfirði. 
Annað dæmi i þessari verslun á Fáskrúðsfirði er svona: Ég sá túnfisk frá ORA í einhverskonar pappaumbúðum í hillu og varð starsýnt á verðið. ORA túnfiskur í vatni í pappaumbúðum kostar: 428 kr. stk. Já, kæru vinir, þetta er ekki prentvilla. Föstudaginn 16. janúar kostar á Fáskrúðsfirði ORA túnfiskur 428 krónur.(að mig minnir 110 gr. af fiski í pakkanum) Á sama tíma kostar Náttúru túnfiskur i olíu í dós kr. 99. (með 140 gr. af fiski í dósinni.) Skil þetta ekki alveg.
Valdimar Másson, Fáskrúðsfirði
(Nb. Túnfiskurinn í pappaumbúðum er einhverra hluta vegna dýrari en sá í dósinni. Allt er þetta spurning um gæði. Hægt er að fá túnfiskdós á 800 kall eða eitthvað, í gúrmebúðum í Rvk. Sá er óneitanlega betri en t.d. sá frá Euroshopper.)

(17.01.09):

#1876    Bílinn minn sem er Mitsubishi Lancer árgerð 1993 bilaði um daginn sem er ekki frásögu færandi.Ýmislegt var að bílnum vatnskassinn ónýtur,vatnsdælan ónýt og HITANEMINN fyrir vatnskassann.Ég fór í varahlutaverslun Heklu og ætlaði að versla hitamælinn (til að fólk átti sig á stærð hitamælisins að þá er hann ca.4 cm á lengd og 2 cm á breidd)hann skrúfast inn í vatnskassann.Ég spyr afgreiðslumanninn hvort hitamælirinn sé til hann fer í tölvuna og viti menn mér til mikillar ánægju er hann til.En ánægjan hvarf einsog dögg fyrir sólu þegar ég heyrði verðið á helv. hitamælinum ca. 17.700 krónur.Ég þakkaði kærlega fyrir viðskiptin og labbaði út úr varahlutaverslun HEKLU möglunarlaust án helv.hitamælisins.Á leiðinni út fór ég að reyna að átta mig á verðinu,reyna að finna einhverja réttlætingu á verðinu ein var sú jú kannski er þetta genginu um að kenna,nei hugsaði ég það getur bara ekki tengst genginu Lancerinn minn er 16 ára gamall og ekki eru margir svona bílar eftir ökuhæfir og ég trúi því ekki að þetta sé nýinnfluttur varahlutur.
Því næst datt mér í hug að hringja  í N1 og viti menn hann var til ég fór rakleiðis í N1(gamla Bílanaust) og fékk hitamælinn fyrir 2.600 krónur.
Því mæli ég eindregið með því að fólk versli ekki við Heklu fyrr en það er búið að hringja fyrst í N1 (Það greinilega margborgar sig) og kanna hvort varahluturinn sé til þar.Því næst er hægt að kanna bílapartasölurnar ég fékk t.d vatnskassan í bílinn hjá mér í Stjörnublikk (Innsk. Ég þorði ekki að spyrja um verðið á honum í Heklu eftir fyrri viðskipti) á mjög sanngjörnu verði.
Guðmundur Ingvason

#1875    Mér blöskraði fréttin um nýja BT, sjá hér að neðan, svo ég hafði samband við fyrirtæki sem heitir Tölvuland að Skeljagranda 7 107 R. Það hefur yfir einum starfsmanni að ráða (Tóta) sem sérhæfir sig í viðgerðum og sölu á tölvum. Kom ég með þá tillögu að Tölvuland bjóði öllum viðskiptavinum gamla BT ókeypis viðgerðir á biluðum tölvum og tölvuíhlutum og að viðskiptavinurinn greiði aðeins fyrir varahluti á sanngjörnu verði. Tók eigandinn (kallaður Tóti tölvukall) vel í þessa hugmynd mína en þar sem hann er frekar hógvær náungi og ekki góður að koma sér á framfæri þá tók ég það að mér. Síminn hjá Tóta tölvukalli (rétt nafn er Þórarinn Gunnarsson) er 899 3469.
Hannes I. Guðmundsson
,,Viðskipti á Íslandi virðast flókin. Fyrir venjulegt fólk sem engan áhuga hefur á viðskiptum líta þau oft út eins og sama fólkið sé endalaust að millifæra eigur á milli sín. Þannig var raftækjaverslunin BT í eigu Árdegis. Árdegi keypti hlut Baugs í dönsku verslunarkeðjunni Merlin árið 2005. Merlin fór í greiðslustöðvun í fyrra og í framhaldinu fór Árdegi í greiðslustöðvun á Íslandi. BT-verslununum var lokað. Nokkrum vikum síðar keyptu Hagar „bitastæðustu hlutana úr þrotabúi BT “, eins og það var kallað. BT-verslanirnar opnuðu aftur. Hagar eru í eigu Baugs. Hringnum lokið.
Starfsfólk BT heldur atvinnu, sem er gott, en hringlandahátturinn hefur afleiðingar sem snerta kúnnana beint. Oddný skrifar:„Ég keypti stafræna myndavél í BT 11.01.2008. Nú er hún biluð, annaðhvort hleðslutækið, batteríið eða myndavélin sjálf. Fór í BT í desember, löngu áður en ábyrgðin rennur út. Viti menn, mér er tjáð að ég hafi keypt þetta fyrir hrun BT, það sé kominn nýr eigandi og þeir beri enga ábyrgð á tækjum og tólum sem keypt voru fyrir eigendaskipti. Hvernig getur þetta staðist?“
Þrátt fyrir ítrekaðar tilraunir var enginn til svara hjá BT og rafpósti var ekki svarað. Eftir því sem næst verður komist ber nýi eigandi fyrirtækis enga lagalega ábyrgð á fyrri kröfum. Hins vegar er spurning hvort vörumerkinu ­ BT ­ sé mikill greiði gerður með þessu." (úr Fbl. Sjá með kommentum hér.)

#1874    Ég var í Eymundson um jólin og sá lítinn uppblásin disney koll sem kostaði 2995,- krónur og var þá nýbúin að sjá alveg eins vöru í Rúmfatalagernum á 890,-. Þessi kollur er komin á útsölu í Rúmfatalagernum á 499,- Svo fór ég í Eymundsson í dag og þar er útsala eins og annarstaðar en þá blöskarði mér þegar ég rakst aftur á þennan koll sem var þá komin í 3995,- Hann var semsagt búin að hækka um 1000,- krónur á ekki mánuði. Maður getur semsagt sparað 3500 krónur að versla þennan koll í Rúmfatalagernum.
Hildur Tryggvadóttir 

#1873    Fór enn einu sinni í BÓNUS og ætlaði að versla rakvélablöð, en þeir selja bara tvær tegundir af gillette sem báðar eru af dýrari gerðinni og passa ekki fyrir skaftið á minni. Svo ég ákvað að fara í HAGKAUP í Spönginni, þar voru til blöðin sem mig vantaði, sem er af gerðinni GILLETTE MACH 3, en þau voru EKKI VERÐMERKT á standinum. Ég var búin að reikna það út að ég get notað hvert blað 3. Sinnum MAX 4. Sinnum en þá er orðið vont að raka sig.
Allavega ég reiknaði það út að síðast er ég keypti blöð kostaði það mig sirka 100 kr. raksturinn. 5xblöð í pakka á sirka 1.500 kr 
En þegar ég borgaði áðan eru 5xblöð komin í 3.199 sem er ALGERT BULL VERÐ....Núna kostar 213 kr að raka sig enda eitt blað á 640 kr
Þetta er ekki eðlilegt !!!!  þar að auki neyðist maður til að nota þetta merki því þeir virðast vera með yfirgnæfandi stöðu á markaðnum og bic sem eru með einnota sem virkar ekki neitt...
Davíð

#1872    Pabbi minn hefur verið með heyrnartæki í mörg ár. Það er komið að því að hann þarf að endurnýja gamla tækið sem er orðið úr sér gengið og hefur í raun aldrei verið til friðs. Hann hefur oft þurft að fara með það í viðgerð. 
Nýja tækið sem hann fær kostar litlar 330.000,- kr.
Af því greiðir Tryggingastofnun kr. 60.000,- svo eftirstöðvar eru 270.000,- kr. sem hann þarf að greiða sjálfur kominn á eftirlaun. 
Mér finnst þetta algjört okur og eins og með svo margt sem hefur farið úr böndunum í hinu svokallaða "góðæri" sem var og margir reyndu að græða sem mest á.
Að fólk sem er komið á eftirlaun og orðið heyrnarskert skuli ekki fá svona tæki ódýrari er mér alveg gjörsamlega ómögulegt að skilja. 
Þetta er bara okurstarfsemi. 
Margrét St.

#1871    Ég og konan fórum að versla í Bónus á Akureyri rétt fyrir sex í kvöld. Við keyptum átta stykki af tveggja lítra Coca Cola Light. Sex flöskur í plasti (kallað kókkippa) og svo tvær án plasts. Venjulega erum við ekki að skoða kassamiðan en upphæðin var hærri en við erum vön fyrir svipað magn þá fórum við yfir miðan út í bíl. Þá sá konan að kókkippa var seld á mun dýrara verði heldur en kókflöskurnar í lausasölu (sjá skýringar á meðfylgjandi mynd). Samt er þetta á sama stað í búðinni og allt undir verðmiðanum 131 kr. per flösku.
Það tók langan tíma að útskýra þetta fyrir Bónus-afgreiðslufólkinu og eftir smá útskýringar og reikninga þá viðurkenndu þau vandann og létu okkur fá þrjár auka flöskur fyrir mismuninum (það sem þau ofrukkuðu okkur um). Ef þú lítur á kassamiðann þá sérðu tímann á þessu. Ímyndaðu þér hvað margir eru búnir að greiða alltof mikið fyrir kókið bara í dag. Ef ég þekki þessi kassakerfi hjá þeim rétt þá er þessi galli á landsvísu. Allt er miðstýrt hjá þeim.
Sumarliði Einar Daðason

(ATH: Sæll sumarliði og takk fyrir þetta bréf og viðskiptin við bónus, þetta eru leið mistök sem hafa átt sér stað og ekki við afgreiðslufólk búðarinnar að sakast, ég vil biðja þig afsökunar á þessum mistökum og þeim óþægindum sem þeim fylgdi, verðlagningu í bónus er stjórnað héðan frá skrifstofunni og því miður þá hefur mér yfirsést að lækka verð pr kippu til samræmis við verð á single flösku og er það miður og okkur hjá bónus ekki til framdráttar, sumarliði, takk fyrir þessa á bendingu og gangi  þér vel.
Kveðja
Guðmundur Marteinsson / Bónus)
(+ Las um kókkippuna í færslu 1871 og hef oft lent í þessu, það eru fleiri mánuðir síðan ég hætti að kaupa kókkippur út af því þær voru einfaldlega dýrari en 2l kók í stykkjatali. Þetta á líka við um kippuna af kókómjólkinni, þó ekki alltaf en mjög oft þó. Þeir eru ekkert að fara að breyta þessu þetta er búið að standa of lengi yfir. Eina ráðið er bara að taka upp símann í búðinni og reikna þetta út.
Ásdís Pálsdóttir)

16.01.09:

#1870    Ég verð að hrósa einum af nýju skyndibitastöðunum á landinu, Just Food to go.  Ég fór þangað í hádeginu um daginn og fékk mjög góðan alvöru mat fyrir 1000 kr.  Skammturinn var hæfilega stór þannig að maður varð vel saddur af honum.  Ég fer pottþétt þangað aftur.  Vildi bara láta ykkur vita af þessum frábæra stað í Laugarásnum, svo skemmdi ekki fyrir að þjónustan var alveg sérstaklega vinaleg.
Takk fyrir mig,
Heiða

#1869    Dressmann klikka ekki, frekar en venjulega:

Gallabuxur, 2 pör: 4.990
Skyrta: 1.990
Sokkar, 12 pör (!): 1.990

ÞETTA kallar maður útsölu!
Óskar Pétur Einarsson 

#1868    Hér er önnur saga varðandi gjaldþrot BT: Við keyptum okkur flatskjá fyrir yfir hundraðþúsund krónur sem bilaði um það leyti sem BT varð gjaldþrota. Þar sem hann var ennþá í ábyrgð fórum við með hann í BT. Þeir firrtu sig allri ábyrgð vegna nýrrar kennitölu. Þegar sjónvarpið var keypt í BT á sínum tíma, keyptum við einnig til öryggis kaskótryggingu til að vera nú alveg viss. Sjónvarpið var því sent í skoðun hjá aðila, sem Sjóvá sem kaskótryggingarsöluaðili benti á. Þá kom í ljós að gallinn er það stór að sjónvarpið er hreinlega ónýtt og þar sem þetta fellur undir ábyrgð framleiðanda að sögn Sjóvár, bæta þeir þetta ekki heldur. 140 þúsund krónur út um gluggann þar. Maður getur sem sagt engan veginn varið sig og skyldi ætla að vara ætti fólk við að kaupa raftæki yfirhöfuð. Ómögulegt að segja hvaða söluaðili á eftir að fara á hausinn og hver ekki á næstu misserum.
Anna
(ATH: Ég verslaði mér fartölvu í BT í september 2007. Eftir hrun BT þá hrundi tölvan :/ Móðurborði gaf sig. Þá voru góð ráð dýr. Ég dreif mig með hana í viðgerð til aðila sem eru með umboðið fyrir vélina hér á landi. Fór svo með málið til Sjóvá sem afgreiddu málið hratt og vel. Þegar ég fór á verkstæðið í upphafi þá var mér tjáð þar að ef þetta er á ábyrgð framleiðenda þá á umboðsaðili að bæta tjónið. Endilega að ræða við Umboðsaðila :D
Ellen)

#1867    Fór með Benz A (11 ára gamlan) í viðgerð í Öskju. Fékk að vita að það þyrfti að skipta um alternator og að nýr kosti 80.000. Ok, ég var ekki neitt mjög ósáttur, þetta er Benz, ekki ódýrasta merkið en skoðaði málið aðeins betur. Hringi í nokkrar áttir og það kom í ljós að Ljósbogi selur nýja, alveg eins alternatora, á 55.000. Þegar sagt er eins þá er átt við eins. Velo fyrirtækið franska framleiðir báða og þeir eru eins skv. uppgefnum gildum framleiðanda. Velo framleiðir alternatorana í Benz A bílana og selur einnig sem varahluti. Benz notar Bosch alternatora í dýrari bílana. Ég keypti hann á 55.000 og var bara sáttur.
Bergur Pálsson

#1866    Þurfti að endurnýja lyfjaskammt sem ég þarf að nota. Þvílíkur verðmunur á milli apóteka og líka hvort er um samheitarlyf að ræða.  Dæmi: Efexor depot 150mg 100 töflur kosta kr. 10.180 í Rimaapóteki en kr. 17.635 í Lyfju Garðatorgi. Venlafaxin (samheitarlyf fyrir Efexor) 150mg 100 töflur kosta 2.089 í Lyfjaveri en 3.331 í Lyfju Garðatorgi.
Jóhann 

#1865    Þú verður að afsaka hversu seint ég sendi þér þetta bréf, en mér var svo ferlega ofboðið fyrir jólin að ég hafði hreinlega ekki mátt í mér til að skrifa þér. Núna hefur orkan safnast upp. 
Ég er námsmaður í Danmörku og keypti far fyrir mig og kærastann minn til Íslands fyrir jólin. Miðakaupin áttu sér stað í lok október eða um leið og ég fékk að vita hvenær ég yrði laus úr skólanum. Fáir miðar voru eftir og ódýrast var að kaupa ”economy plus” hjá Icelandair þann 20. desember, á ca. 70 þúsund krónur miðarnir til samans. Þegar nær dregur jólum kemur í ljós að við urðum að fara fyrr heim, eða 6. desember. Við hringdum í flugfélagið og héldum að þetta yrði nú ekkert mál, enda verið að færa miða af háannatíma yfir á tiltölulega rólegt tímabil.
Starfsfólk Icelandair kom með ótal afsakanir, of stutt í brottför (17 dagar), ferðin aðeins bókuð aðra leið, síðan flækti málið að miðarnir voru á þessa þægilega ”economy plus” farrými og svona héldu þau endalaust áfram. Eftir mikið þref fengum við hið ómótstæðlega tilboð að borga 83 þúsund krónur í breytingagjald fyrir hvorn miða. Sumsé 166 þúsund krónur samtals, bara til að breyta miðunum! 
Við afþökkuðum pent, keyptum tvo miða hjá Iceland Express á 50 þúsund og munum seint versla við Icelandair aftur. Hvetjum ykkur hin til að gera hið sama!
Katrín Tinna Gauksdóttir

#1864    Keypti lítið, svart blekhylki í afar venjulegan og ómerkilegan Cannon prentara í Tölvulistanum í dag, 15. janúar. Það kostaði 3.790 krónur! Er þetta ekki okur? Það finnst mér amk. 
Karl Einar

#1863    Ég vill benda á okur á kaffi hjá Jóa Fel. Ég sá að venjulegt svart kaffi kostaði 325 en Kaffi Latte kostaði 345. Venjulega kaffið fannst mér of dýrt svo ég ákvað að eyða 20 krónum meira og fá mér Latte. Þegar ég fékk Latte í hendurnar var þetta Latte sem kemur tilbúið úr vélinni, í litlu pappamáli (eins og maður fær á bensínstöðvum) og var langt í frá að vera gott. Mér hefur Kaffitár alltaf verið frekar dýrir en frekar fer ég þangað og kaupi alvöru Latte í mun stærri bolla á 380.
Bjarni Bragason

15.01.09:

#1862    Ég hef verslað NuSkin vörur í mörg ár og er mjög ánægð með þær. Ég verslaði seinast í desember og þar áður í nóvember. Svo ætlaði ég að fara að versla mér aðeins núna og það datt af mér andlitið. Hækkanirnar eru hreint ótrúlegar og ég mun ekki versla við þetta fyrirtæki framar. 

Hér er smá samanburður:

Keypt 13 nóvember 2008:
NaPCA Moisture Mist             654 kr áður, núna 1883
Body Cleansing Gel              1068 kr áður, núna 2615
Intensive Eye Complex         2184 kr áður, núna 5260
Creamy Cleansing Lotion     1168 kr áður, núna 2692
Body Smoother                     787 kr áður, núna 2225
Liquid Body Lufra                 771 kr áður, núna 1899

Keypt 8 desember 2008: 
Tru Face Line Corrector                2590 kr áður, núna 6427
Hand Lotion                                   651 kr áður, núna 1727
Ph Balance Mattefying Toner        1052 kr áður, núna 2459

Ég er samt með góðan aflátt hjá þeim. Sem dæmi kostar Intensive Eye Complex nú á fullu verði 7522. Þetta er augnkrem!
Þórunn Tryggvadóttir
(ps: Ég fékk svar frá þeim í dag og þeir sögðu að vsk vantaði ofaná fyrra verðið, því er bætt ofaná eftirá á nótunni. Það verður víst að gæta sanngirni en þetta er samt svívirðileg hækkun.)

#1861    Plast hurðahillur í kæliskáp í Húsasmiðjunni verð: kr. 9.000. Nýr kæliskápur af sömu tegund verð: 90.000.- Hillur keyptar í netverslun erlendis verð: kr. 1.200 með öllum gjöldum. Okur!
Unnar Reynisson

#1860    Ég rak augun í það að ég hef verið rukkaður fyrir netyfirlit á
Mastercard korti sem ég nota ekki lengur, þetta eru 180 kr á mánuði
sem um ræðir og svo að auki koma vextir upp á nokkrar krónur og að
lokum vanskilagjald upp á 1000kr.
Nú var það svo að til að losna við seðilgjöld sem áttu víst að hafa
verið sett á til að vega upp á móti pappírs- og sendingarkostnaði þá
væri hægt að fá þetta rafrænt sem átti að vera ókeypis, en það virðist
ekki vera raunin.
Ég get ómögulega séð að það kosti fyrirtækið 180 krónur að gefa út
netyfirlit, og sérstaklega þegar enginn velta er á kortinu annað en
þetta áðurnefnda netyfirlit, vextir af því og vanskilagjaldið. Í mínum
huga er þetta ekkert annað en skipulagður þjófnaður af hálfu
fyrirtækisins á hendur viðskiptavinum sínum.
Ég hafði samband við bankann sem gaf út kortið en var sagt að þetta
væri gjald sem Borgun færi fram á og ekki hægt að losna við það. Ég
svaraði á móti að ég hefði aldrei samþykkt þetta gjald enda hefði
kortið átt að vera án allra mánaðar eða ársgjalda, og eftir smá
þræting var þetta gefið eftir.
180 kr fyrir að ýta á "Enter" takkann á lyklaborði er okur, og svo
gerist þetta að öllum líkindum sjálfkrafa, ennþá meira okur.
Birkir

(14.01.09):

#1859    Ég fór í Ikea í gær og þegar ég kom inn mættu mér stórir útsöluborðar í anddyrinu. Undir þeim stóðu tveir sófar og hugsaði ég með mér að það væri ekki nema von að þeir væru á útsölu – svo ljótir þóttu mér þeir og því hlytu menn að gefa ríflegan afslátt.  Smekkur manna er reyndar misjafn en einhvern veginn giska ég á að áklæði sófans falli að smekk fárra...fyrir utan það hvað Klippan sófinn er nú sérlega óþægilegur að sitja í.  Ég hikstaði hins vegar þegar ég sá verðmiðann – mér reiknast til að afslátturinn sé heil 6% - þ.a. nú er bara að grípa tækifærið og fá sér einn Klippan – jungle style!  Sparaðu 2000!!!
(Ég vil kannski ekki beint kalla þetta okur – Ikea er svo sem ekki þekkt fyrir okur-  en mér finnst hreinlega asnalegt að stilla upp hlutum og kynna þá á útsölu í anddyri búðar þegar um er að ræða 6% afslátt af verði sem er svo væntanlega tugum prósentum hærra en það var fyrir ári síðan....sem er svo reyndar annað mál).
Hildur

#1858    Við hjónin búum erlendis og ákváðum fyrir nokkru að skella okkur til Íslands yfir jólin og eyða jólunum með vinum og fjölskyldu. þegar að það kom að því að velja flug komu 2 flugfélög til greina, SAS og Icelandair. verðið var mjög svipað en munaði þó nokkrum krónum og var SAS ódýrara. Þar sem kreppan var skollin á þótti okkur það vænlegri kostur að velja Íslenskt og keyptum flugmiða fyrir okkur tvö fram og til baka frá Bergen fyrir litlar 150.000 kr, flugið var ágætt þrátt fyrir að hafa ekki fengið að njóta nýja vel auglýsta afþreijingarkerfisins þar sem það var ekki í vélunum sem við notuðum.
Vð vorum svo óheppinn að ættingjar og vinir voru búin að safna sama einhverjum aur sem þau keyptu svo gjafir fyrir og gáfu okkur um jólin þannig að við vorum með 12 kg í yfirvikt. Í Leifsstöð var okkur sagt að fara inn í söludeild og greiða fyrir þessi 12 kg.
Þegar þangað er komið er okkur boðið að setjast og berum við fram erindið.
Já þið eruð með 12 kg í yfirvikt, það gera svo gott sem 26.000 kr. Ég spurði hvort að þetta væri grín, en afgreiðslukonan var greinilega ekki að lenda í þessu í fyrsta sinn og sagði að þetta væri bara svona og við hefðum engan annan kost en að borga annars yrði farangurinn skilinn eftir.
Við borguðum 26.000 og flugum heim. Það var svekkjandi að sjá fólk koma með allt að 3 töskur í handfarangur án þess að því væri sýnd nokkur athugasemd.
Ég er virkilega svekktur yfir því að borga þessa yfirvikt fyrir tvær flugleiðir, annarsvegar til Oslo og síðan til Bergen. En hvað getur maður gert, skipt um flugfélag, verslað við SAS sem hafa ekki verið að rukka fyrir yfirvikt sem þessa. Allavega hef ég ekki fengið nein viðbrögð frá Icelandair þar sem ég sendi þeim e-mail og lét óánægju mína í ljós.
Ingþór
(+ Þegar um yfirvikt er að ræða þá ætti að forðast að borga Icelandair yfirviktina nema fyrir þeirra legg. Þeir rukka margfalt á við önnur flugfélög (t.d. borgaði ég aðeins $20 í mars fyrir 6 eða 8 kg yfirvikt á 9000km leið frá New York til Puerto Montt í Chile). Í Noregi þarf maður hvort eð er að fara sjálfur með töskurnar í gegnum tollinn svo að þar er auðvelt að borga SAS fyrir framhaldsflugið, ef þeir rukka á annað borð. En með svona dýra miða mætti líka athuga hvort uppfærsla í Saga Class væri ódýrari. Þar er 30kg farangursheimild og má hafa 2 töskur í handfarangri.
Einar Jón)

#1857    Núna þegar ég sé hvað margar verslanir eru eiginlega bara að svindla á fólki á útsölunum þá vil ég benda á Gallerí Keflavík. Ég fór á útsölu hjá þeim um daginn og þar var allt í versluninni á 50% afslætti. Þú gast gengi' að öllum vörum þarna inni með þá vissu að það væri afsláttur af henni. Ég gerði mjög góð kaup þennan dag keypti 2 kjóla 2 skópör og eina peysu á rúmlega 17000. Gott að vita að það er ennþá hægt að gera góð kaup. Og já ég hafði skoðað bæði skópörin og annan kjólinn fyrir jól og það passaði allt með verðið.
Erna Sigrún

#1856    Ég kíkti á útsölu verslunarinnar Ritu í síðustu viku. Þar sá ég kjól sem hafði kostað 15.900 en á útsöluverðið var 6.990. Nú vill svo til að ég keypti mér nákvæmlega eins kjól á útsölu Ritu í sumar og borgaði 3.900 krónur fyrir! 
Sigríður 

#1855    Langar að benda á að James bönd í Skipholti leigja nýjar myndir á 500.- og gamlar á 200.- og hefur verð ekki hækkað í mörg ár. Eins safnast upp  punktar ef nýrri mynd er skilað fyrir k. 21.00 og er sjöunda hver mynd frí. Hjá Heimamynd á Langholtsvegi, færðu nýja mynd og gömul fylgir með fyrir kr. 600.- Myndi segja "góð verð" á báðum stöðum. 
Sigrún

#1854    Ég fór og keypti mér svínarif í matinn og rifin frá Kjarnafæði urðu fyrir valinu. Borgaði 2400 krónur fyrir 2 pakka, svona laugardags treat. Litu vel út og lyktuðu jafnvel betur, alveg löðrandi í sósu. Well mín hennti þeim inní ofn og ætlaði svo að sökkva tönnunum í herlegheitin. En óboy óboy þetta voru bara bara bein. Ég var heppin að ná einum munnbita úr hvorum pakka fyrir sig. Aldrei séð annað eins. Meira að segja litli ræfilslegi rifjaskammturinn frá Dominos gefur af sér meira kjöt heldur en var í þessum 2 pökkum. Ferlega fúlt á þessum síðustu og verstu að setja þetta í sölu. En sósan var góð, vildi ekki að hún færi til spillis þannig að ég reyndi að skafa hana af beinunum ofan á bökuðu kartöfluna mína sem endaði á að vera aðalrétturinn:(. Þurfa að fara að breyta logoinu hjá sér held ég. Hagkvæmt fyrir heimilið ætti að að þýðast Hallæri fyrir heimilið. Jæja búin að ausa. 
Guðfinna Lind Hentze

#1853    Ég er með eitt dæmi hér, þar sem ég var að fá bréf frá 365, og mér tilkynnt að nú verði að innheima „áskriftargjald“ fyrir aukamyndlykil, en fyrir er greidd leiga kr. 595, en þetta áskriftargjald er 490 kr. Ég er að greiða áskrift af stöð 2 og sport, ásamt enska boltanum, en nú þarf ég sem sagt að fara að greiða sérstakt áskriftargjald bara til þess eins að geta horft á fleiri rásir, sem ég er þó að greiða fyrir. Ég tel að með þessu orðalagi sé þarna sé verið að tvíinnheimta fyrir sama hlutinn, væri ekki einfaldara fyrir þá að segja sannleikann og tilkynna allt að 100% hækkun á afnot af aukamyndlykli. Þess má svo geta að móttökuskilyrði hér á Akranesi eru víða mjög slæm, myndin stöðugt að frjósa, og hefur svo verið hér mjög lengi, þrátt fyrir að marg kvartað hafi verið undan þessu, en ég get staðfest það, þar sem ég starfaði lengi við umboð þeirra hér á Akranesi, en það hefur ekki verið gert neitt í málinu, allt frá því að sendir var settur upp á Sementverksmiðjunni fljótlega eftir að stöð 2 fór í loftið, en íbúafjöldinn hefur nánast tvöfaldast síðan þá.
Einar Jónsson

#1852    Mig langar að hrósa einu fyrirtæki hér í bæ. Það er veitingastaðurinn
Skalli við Vesturlandsveg. Þannig er að ég á mikil viðskipti við þennan
veitingastað. Ég átti þar leið hjá í desembermánuði. Fjárfesti ég í
ostborgaratilboði og lét bæta við baconi. Minnir að ég hafi greitt 150
krónur fyrir auka bacon. En allavega ég fæ matinn minn og kem heim. Þegar
ég ætlaði að byrja að borða borgarann þá hafði viðkomandi gleymt að setja
baconið inní. Ég hringdi og bað um yfirmann staðarins. Eigandinn sjálfur
svaraði. Hann baðst afsökunar á þessum mistökum og bauð mér að eiga inni
baconborgaramáltíð. Ég kom síðan þar við nokkrum dögum síðar til að taka
það út. Allt stóðst eins og var lofað. Og gott betur. Á meðan ég beið var
mér líka boðið uppá súkkulaðistykki. Svo þegar ég fór var ég beðinn
afsökunar á þessum mistökum og boðinn velkominn aftur. =) Hrós fyrir
Skalla Vesturlandsvegi!
Nafnleysi

#1851    Hagkaup Holtagörðum enn að skíta á sig. Ég átti þar leið hjá eftir prófin.
Ég hafði lofað syninum að ég ætlaði að baka með honum fyrir jólin. Sökum
anna í prófatíð hafði ég ekki tíma til þess fyrr en eftir prófin. Jæja ég
kaupi smákökudeig frá Jóa Fel og eitthvað smávegis til viðbótar. Ég greiði
fyrir vöruna og labba út. Á leiðinni út pípir í hliðinu. Ég stoppaði strax
og sá að öryggisvörðurinn var að leita á öðrum. Svo kalla ég til unga
mannsins og segi að það hafi pípt í pokanum hjá mér. Hann skoðar ofan í
pokann og spyr svo: ertu með kvittun? Nei sagði ég, en ég borgaði vöruna.
Já, þú verður að koma með mér inn aftur og sýna mér hvar þú borgaðir þ.e á
hvaða kassa þú varst. Hann rífur af mér pokann og labbar inn og ég á
eftir.
Ég sagðist hafa verið á þessum kassa og bendi á stúlkuna sem afgreiddi
mig. Það voru 3 að bíða þannig að ég þurfti að bíða eftir að búið var að
afgreiða alla. Svo kemur að mér. Ungi maðurinn biður konuna um að prenta
út strimilinn. Hún gerir það. Hann fer yfir vörurnar og segir svo þetta er
allt í lagi þú mátt fara.
Bíddu nú aðeins, svaraði ég. Gæti ég fengið þetta endurgreitt? Af hverju,
spurði konan? Ég sætti mig ekki við svona vinnubrögð sagði ég. Ja, tu
verða að fara a þjonustubord og fa inneignanotu. HA!? Já, þú verður að fá
inneignanótu. Ég heimtaði að fá að tala við yfirmann. Eftir c.a 5 mín kom
kona úr fínu skrifstofunni sinni. Ég sagði frá vandamálinu og ég vildi fá
þetta endurgreitt. Já, verslunarstjóri sér um allt svona. Er hún við spyr
ég? Já, svo var hringt inní búðina og konan á leiðinni. Svo humlaði
strákurinn útúr sér að þetta væri líklegast bilun í hliðinu því ég væri
ekki sá eini sem hefði lent í þessu. Eftir að hafa beðið í 5 mín til
viðbótar tók ég vörurnar og labbaði út.
Semsé mistök Hagkaups varðandi það að hafa ekki öryggishliðið í lagi
kostaði mig 30 mín auka bið.
Takið eftir nokkrum atriðum, það bað mig enginn afsökunar nema ungi
maðurinn. Hann bað mig afsökunar þegar ég gafst upp á að bíða.
Mér var ekki boðin endurgreiðsla strax heldur inneignarnóta.
Auk þess horfði fólk í kringum mig á mig eins og ég væri einhver þjófur.
Ég hringdi morguninn eftir til að kvarta. Þar svaraði mjög elskuleg kona
sem baðst afsökunar fyrir hönd fyrirtækisins og bauð mér endurgreiðslu.
Ég svaraði því miður er ég nú þegar búinn að nota vörurnar. Þá get ég bara
beðist afsökunar fyrir hönd fyrirtækisins.
Ég tek það skýrt fram að ég mun forðast Hagkaup Holtagörðum eins og ég
mögulega get framvegis!
Nafnleynd

(11.01.09):

#1850    Er með ábendingu varðandi verslunarhætti Zöru. Ég keypti mér peysu þar í vikunni á útsölu. Fannst þetta reyndar engin brjáluð útsala, dró peysuna upp úr risa hrúgu og hugsaði sem svo að peysurnar í svona hrúgu ættu að vera á 1000 kall en ekki 1990 og 2990 eins og reyndin var. Ég keypti mér þó peysu þar sem hún hafði kostað 4900 kr áður en kostaði nú 2990 kr. Ekki alslæmt. Nema þegar ég kem heim og plokka af verðmiðann er verðmiði þar undir sem á stendur 3590 kr. Það sem ég græddi á þessari útsölu var s.s. 600 kr. Sömu sögu er að segja af peysu sem systir mín keypti á útsölu hjá þeim, þegar hún plokkaði nokkra verðmiða af og sá upphaflega verðið,- hafði hún grætt 600 kr. þegar upp var staðið. Mér finnst ekki skipta máli hvenær þeir hækkuðu verðið, - hvort það var rétt fyrir útsölu eða einhvern tíman í haust. Þeir eiga ekki að hækka verð á vörum sem komnar eru inn í búðina og búið að verðmerkja einu sinni.
Læt hér fylgja með myndir þessu til sönnunar.
Heiðbjört

(Nb. Það er mikið pælt í þessum verðmiðum hjá Zöru. Meðal annars hér: http://blogg.visir.is/drgunni/?p=220. Verslunin tók þá ákvörðun að hækka með verðmiðum sem voru límdir ofan á gamla í staðinn fyrir að kroppa gömlu af. Kenna hækkun evrunnar um hækkun vöru. Og þeim er svo sem vorkun enda hækkaði evran um 86% eða eitthvað í fyrra.) 

#1849    Ég bý í 101 og versla oft í Bakaríunu Korninu Lækjargötu. Mér brá í morgun þegar ég keypti svokallað "andabrauð" sem ég kaupi oft enda með nokkur barnabörn sem heimsækja afa sinn reglulega og fer ég þá með þau niður á Tjörn að gefa öndunum. Þetta andabrauð var gefins ekki fyrir  mörgum árum síðan en hefur svo kostað 100kr. En í morgun kostaði brauðið 150kr. 50% hækkun á ónýtanlegu brauði til neytanda. 
Sigurður Ingi

#1848    Fór með 3 litlar dömur eftir sund í Grafarvogi á N1 í Húsahverfi og keypti
handa þeim toppís, borgaði fyrir þrjá slíka 1490 kr !!
Hvernig getur toppís kostað 500 kr stykkið ???
Elísabet J

(10.01.09):

#1847   Í Krónunni út á Granda (Fiskislóð) í gær var Neutral þvottaefni á tilboði í risapakkningu, heil átta kíló sem duga áttu heilli fjölskyldu í hálft til eitt ár. Venjan er auðvitað að risapakkningar séu hlutfallslega ódýrari en smærri pakkningar, a.m.k. er það venjan með kók, sbr. verðmun á 0,5 l af kóki og 2,0 l af sama. Þetta er eitthvað sem neytandi bíst við og gerir ósjálfrátt ráð fyrir. Þvottaduftspakkningin stóra kostaði 3298 kr. sem gerir kílóverðið 412 kr. Sama þvottaefni í sömu búð á sama tíma var líka til í tveggja kílóa pakkningu. Slík pakkning kostaði 589 kr., kílóverðið þar er 295. Altso miklu ódýrara! Með því að kaupa fjóra pakka ef minni gerðinni fær maður sama magn en þarf aðeins að greiða samtals 2356 kr. samanborið við 3298 á stærri pakkningunni. Sparar sér semsé næstum þúsundkall við að taka ekki mark á tilboði Krónunnunar. Það kann auðvitað að vera að þetta séu mistök en maður fyllist grunsemdum.
Hallgrímur J. Ámundason

#1846    Ég var stödd í Ellingsen á "risa" útsölunni nú eftir jólin með útlenskum vini mínum sem var að versla sér útilegudót. Þegar hann fór á kassann til að borga þá tók ég eftir að lítil handöxi sem hann var að versla sér var 400 krónum dýrari en verðmerkingin á hillunni sagði til um svo ég benti afgreiðslukonunni á þetta. Hún fór sjálf og náði í strikamerkinguna á hillunni og sagði okkur að þetta þyrfti að fara í gegnum þjónustuborðið því hún hefði ekki heimild til að breyta verðinu sjálf á kassanum. Það var svo sem allt í lagi en þá tók við önnur afgreiðsludama sem bað okkur um íslenska kennitölu til að geta breytt verðinu. Þetta finnst mér stórkostlega fáránlegt, þ.e. að krefja viðskiptavininn um kennitölu svo hægt sé að leiðrétta verðið í búðinni. Hvernig hefði þessi útlenski vinur minn á að fá þetta leiðrétt ef að ég hefði ekki verið með honum. Mér hefði fundist nær að þau hefðu bara notað kennitölu verslunarstjórans til að laga sín eigin mistök.
Soffía

#1845    10-11 og Krónan, 750 kr eða 317? hvaða verðmunur er það eiginlega á nákvæmlega sömu vöru?
Í gær sá ég uppáhalds kexpakka heimilisins í "lífrænu deildinni" í 10-11, kex sem kallast "fruit break" frá MOLENAARTJE. 
Ég var síðan í Krónunni í dag og í lífrænu deildinni þeirra var sami kexpakki á 317kr. Ég veit að við greiðum meira fyrir vörur sem seldar eru í þessum sólahringsverslunum, en er þetta ekki gott dæmi um ruglið! 
Hulda
(Nb. Jú. Og ruglið er að nokkur skuli láta bjóða sér að versla við klukkubúðir.)

#1844    Canon prentarinn minn byrjaði að krumpa öll blöð sem hann tók inn í sig, og ég varð að fara með hann til umboðsaðilans Nýherja í viðgerð. Þeir voru snöggir að finna sælgætismola frá tveggja ára syni mínum inn í prentaranum, og rukkuðu mig aðeins skoðunargjald upp á 4.700 kr en ekkert tímagjald. Þar sem sambærilegur prentari er núna á 19.900 kr, en ég fékk þennan Fyrir Kreppu á 9.900 kr, var ég nokkuð sáttur við þetta enda var prentarinn ónothæfur og þeir redduðu þessu á innan við sólarhring.
Jón Arnar Guðmundsson

#1843    Mig langaði að segja þér frá stutta sögu úr Skífunni. Um þessi jól fékk ég DVD disk frá Skífunni í jólagjöf sem ég hugðist skipta. Þar sem mér leiðist að bíða í röðum ákvað ég að bíða þangað til að jólahátíðin og áramótin væru afstaðin og skipti disknum ekki strax. Í gær komst ég að því mér til mikillar óhamingju að ekki er hægt að skipta vörum sem verslaðar voru um jólin eftir 3.janúar. Innsiglið á disknum er merkt með smáu letri þar sem þetta kemur fram. Ég hafði semsagt fjóra daga milli jóla og nýárs til að skipta disknum og einn dag eftir áramót þar sem 2.janúar var væntanlega vörutalningadagur og verslunin því lokuð.
Ég sendi Neytendasamtökunum tölvupóst og spurðist fyrir um hvort þetta væri löglegt því yfirleitt er 14 daga frestur til að gera athugasemdir við reikninga. Svarið sem ég fékk var að: "Því miður er enginn lögbundinn skilaréttur hér á landi og geta verslanir því sett sínar eigin reglur."
Skífan er því ekki að brjóta nein lög. Ég reyndi þá að selja diskinn sjálfur en komst að því að þessi umræddi diskur er töluvert ódýrari í lágvöruverslunum og því nánast ómögulegt að selja hann "notaðan" á netinu fyrir ásættanlegt verð. Ég hringdi í Skífuna til að spyrjast fyrir um ástæðu þessa undarlegu viðskiptahátta. Starfsmaður í versluninni sagði að þetta væri eitthvað sem yfirmenn ákveða (skiljanlega) - nú væru útsölur og þeir tækju ekki vörur til baka.
Nafnlaus

#1842    Ég fór í Skífuna að skila 2 geisladiskum. Báðir dískarnir voru
ómerktir en annar var með útgáfumerki frá Senu (eiganda Skífunnar).
Starfsmaðurinn sagði mér að það kostaði mig 190 krónur, á stykki, að
skipta diskunum vegna þess að þeir væru ekki merktir Skífunni.
ég borgaði sem sagt 380 krónur fyrir  að fá að skipta geisladiskum. 
Sigurður Halldórsson

(09.01.09):

#1841    Vantaði hrærivél fyrir heimilið og sá Bosch, 550w hrærivél + aukahlutir, auglýsta hjá Byko á 22.900 kr. (að vísu á tilboði frá upprunalegu verði sem er 28.500). Þegar ég leitaði að samanburði við aðrar verslanir sá ég að nákvæmlega sama vél, með sömu aukahlutum, var á 59.900 hjá Smith og Norland. Talandi um svimandi álagningu hjá sumum verslunum!
Sævar

#1840    Pfaff hefur auglýst útsölu sína stíft. Þar trúir "frú Pfaff" okkur fyrir því að afslátturinn sé alveg sérstaklega mikill í ár, 40-60%. Ég fór, með það í huga að verða mér úti um Sennheiser heyrnartól. Þegar ég kom í verslunina sá ég ekki betur en 15% afsláttur væri allsráðandi með einstaka undantekningum. Ég spurði afgreiðslumanninn hvaða vörur væru með 60% afslátt og eftir smá umhugsun fann hann fáein ljós. Jólavörur voru allflestar með 50% afslætti.
Það er athyglisvert að þrátt fyrir 15% afslátt af heyrnartólunum er hægt að fá þau ódýrari í flestum tölvuverslunum.
Þóra

#1839    Ég hef undanfarið verið að hvetja dóttur mina til að taka strætó í stað þess að söngla sífellt um að láta sækja sig eða skutla sér hingað og þangað.  En þar sem þessar ákveðnu ferðir eru kannski 2-3 í viku er frekar óhentugt að kaupa svokallað grænt kort .  Ég ákvað því að athuga með strætómiða.  Það kom upp úr krafsinu hins vegar að það er ekkert hagstætt að kaupa strætómiða fyrir 13-18 ára ungmenni.  Stök ferð kostar 100 kr en 16 ferðir kosta 1600.  Á meðan yngri börnin sem einnig borga stöku ferðina á 100 kr fá 20 miða kort á 750 kr.   Fullorðnir græða á að kaupa kort, stök ferð hjá þeim kostar 280 kr en 11 miða kort 2500.  Öryrkjar og aldraðir borga jafn mikið og unglingarnir fyrir 16 miða kort eða 1600 kr.  Ég bara spyr af hverju fá unglingarnir ekki afslátt ef þau kaupa miða?  Þetta finnst mér ekki sanngjarnt. 
Auður

#1838    Mig langar að segja verðsögu af 50w.Osram kastaraperu í Bónus kostar þessi pera 798 kr í Bykó kostar hún 1633 kr en í heildsölu til rafvirkja kostar svona pera 375 kr. Kannski eru til fleiri verð ég hef ekki kannað það.
Sigurður. 

#1837    Í dömudeild Next í Kringlunni stendur yfir útsala.  Þangað fór
viðskiptavinur í gær (miðvikudag 7. jan.) og hugðist kaupa sér buxur og
þurfti vitaskuld að máta buxurnar áður en kaup væru ákveðin.  En þá kom það
undarlega í ljós eða að mátunarklefarnir voru lokaðir.  Viðskiptavinurinn
lýsti yfir undrun sinni á þessu og sagðist ekki geta keypt buxur sem hún
gæti ekki mátað.  Þá fékk hún það svar að hún gæti farið með buxurnar uppá
salerni og mátað þær þar!!!  Þá spurði konan hvort að þjófavörnin myndi ekki
flauta þegar að hún færi með buxurnar út.  Og fékk þá það svar að hún yrði
að borga þær áður.  Og ef þær ekki pössuðu að þá gæti hún komið til baka og
fengið þær endurgreiddar.  Eins og þið rétt getið ímyndað ykkur hætti þessi
viðskiptavinur við öll kaup.
Hún sagði vinkonu sinni frá þessari ótrúlegu sögu í dag og þær fóru saman
til að kanna hvað yrði sagt í dag.  Vinkonan spurði hvar mátunklefinn væri
og þá svaraði afgreiðsludaman því að þeir væru lokaðir.  Og þá var sagt
"þeir voru líka lokaðir í gær".  Og svarið sem þær fengu var að í gær var
undirbúningur að útsölu, sem var ekki rétt því að útsala var hafin.  En í
dag að það væri regla að mátunarklefarnir væru alltaf lokaðir fyrsta daginn
í útsölu hjá þeim.  Þá var sagt við afgreiðsludömuna að svona
verslunarháttum hefðu þær aldrei kynnst fyrr og þetta væri versluninni ekki
til framdráttar.  Afgreiðsludaman sagði þá að hægt væri að fara og máta á
klóinu og ef flíkin passaði ekki að þá væri hægt að fá hana endurgreidda
eftir viku (breyting frá í gær).  Vinkonurnar sögðu þá að þar sem þær til
þekktu væri oftast ekki hægt að fá skilað útsölu vörum.  En þá væri líka
hægt að máta flíkurnar án þess að fara á sameiginlegt kló
verslunarmiðstöðvarinnar til að máta.
Þetta er afar skrýtin framkoma gagnvart neytendum og reyndar alveg með
eindæmum ótrúleg.  Lítilsvirðin gagnvart neytandanum er algjör.  Þessar
ágætu vinkonur yfirgáfu verslunina og þær munu ekki stíga fæti sínum þar inn
næstu árin.
Fyrir hönd vinkvennanna.
Dolli þjónustulipri

(07.01.09):

#1836    20% AFSLÁTTUR NÚNA!
NÝTT!    FRÁBÆRT ÁRAMÓTATILBOÐ! 
20% afsláttur af einkaþjálfun ef þú bókar fyrir 20. janúar.  Misstu ekki af þessu einstaka tækifæri.
Bókaðu þig strax hjá þjálfara og þú hefur stigið fyrsta skrefið í átt að þínu besta formi.  Forgangsraðaðu og settu ÞIG í fyrsta sæti.
Sendu póst á einkathjalfun@hreyfing.is og láttu vita hvenær þú vilt byrja og hvaða tími dags hentar þér og við finnum þjálfara sem hentar þér.

Þetta er auglýsing á heimasíðu Hreyfingar.  Við vinkonurnar hugsuðum okkur gott til glóðarinnar til að koma okkur aftur í gang eftir sluks síðustu mánaða og fannst þetta náttúrulega frábært tilboð - en vildum vera saman s.s. í "hópeinkaþjálfun".
Sendi því póst á ofangreint netfang og fæ svar fljótlega.  Þá kemur í ljós að hér er aðeins um að ræða tilboð fyrir einstaklingsþjálfun ekki hópeinkaþjálfun!  Engu að síður kemur það ekki fram neinsstaðar á heimasíðunni!
Ofan á allt þetta er einkaþjálfun hjá þessu fyrirtæki orðin svívirðilega dýr eftir að þau fluttu!

* sama fyrirtæki er með ágætis tilboð sem þau kalla ánægjutilboð.
Ánægjuábyrgð!
Þú hefur 30 daga til að ákveða hvort þér líkar vel í Hreyfingu og vilt halda áfram.  Ef þú vilt hætta innan 30 daga greiðir þú aðeins fyrir einn mánuð (m.v. þann binditíma sem þú samdir um).
Glæsileg nýárstilboð og kaupauki fylgir með!
Smáletrið segir: *Kaupaukagjöfum skal þá skilað eða greiða fyrir þær skv. verðskrá.
Gætir því allt eins átt von á að þurfa að greiða hátt í 50þúsund fyrir þessa 30 daga, miðað við að besti pakkinn sé tekin og allt sem fylgir í því!

Hvet fólk til að lesa smáa letrið og kynna sér hlutina vel áður en gengið er til samninga!
Óskar nafnleyndar

#1835    Mig langar að benda á eitt mesta okur sem ég veit um þessa dagana og það er aðgangseyrir í Bláa lónið. Í dag kostar 3.400 fyrir einn fullorðinn einstakling að fara í lónið.
Ekki er boðið upp á maka eða fjölskylduafslátt né hálfsdagspassa. Eitt verð fyrir alla fullorðna, frítt fyrir 11 ára og yngri. Öryrkjar og 11-15 ára greiða 1.200 krónur.
Ég spyr þá: fara íslendingar í Bláa lónið eða eru þarna bara ferðamenn að láta okra á sér?
Óskar nafnleyndar

#1834    Ég var, eins og svo margir aðrir, í Kringlunni fyrir jólin. Ákvað að fá mér ís í ísbúðinni hjá Hagkaup. Og í fyrsta sinn á ævinni hætti ég við að kaupa mér ís af því að hann var of dýr. Lítill bragðarefur/hræringur var kominn í 790 krónur hjá þeim. Miðstærð á 890 og stór á 990 krónur. "Venjulegt" verð fyrir lítinn bragðaref hefur verið á ca. 500 krónur. Mig grunaði að ísinn hefði hækkað undanfarið en þetta var of mikið. Tæpar 800 krónur fyrir smá ís og smá nammi. Ég sá fram á að fá aldrei ís aftur. Fór í verðkönnunarleiðangur í Fákafenið í Erlu-ís. Vissulega hefur verðið þar einnig hækkað en var samt viðráðanlegra. Hjá þeim í Fákafeninu kostaði lítill bragðarefur 590kr, miðstærð 690kr og stór 790kr. Dýrt....en aðeins skárra. 
Heiðdís

#1833    Ég fór í N1 í gær og verslaði kókdós, hún kostaði 180 kr.......  Nú vil ég benda á það að þegar vaskurinn var lækkaður á vörur þá lækkaði hann mikið á vörur eins og gos og fleira í þeim dúr eða úr 24,5 niður í 7% en þá kostaði gosið í plasti á stöðum eins og N1 og Select svona 140 til 150 kr.  En 150 kr flaskan ætti að hafa lækkað niður í svona 129 kr. Svo má benda á annað að gos í plasti er að kosta um 190kr lágmark og t.d. sá ég flösku af kristal+ með sítrónu bragði sem kostaði 216 krónur.  Þannig að þarna sjáum við það að flaskan hefur hækkað á stuttum tíma úr það sem eðlilegt væri 129 kr. Í 190 kr.Ég spyr, er þetta í lagi, eru þessar bensínbúllur ekki að svindla all rosalega á okkur. Ég skora á neytendur að skoða það hvort það sé einhver þörf á því að versla við þessar okurbúllur.
Eðvarð

#1832    Mér datt í hug að segja frá tölvupósti sem ég fékk um daginn frá einhverju sem heitir ÓB-klúbburinn (líklegast vegna þess að ég  er með ÓB-dælulykil).  Hann leit út eins og sést hér að neðan, sem sagt ,,risaútsala „ í Ellingsen (sem  Olíuverslun Íslands rekur) og mér var boðið forskot á útsöluna 2. og 3. janúar. Það hefur komið fyrir að ég hafi átt viðskipti við Ellingsen enda er mikið vöruúrval í versluninni og ég ákvað að líta þar við föstudaginn 2. janúar.  Það er skemmst frá því að segja að í þessari risastóru verslun voru nokkrir gönguskór sagðir á útsölu og svo var einn rekki inni í miðri verslun með skilti sem á stóð ,,tilboð“. Þar var hægt að fá rúllukragapeysur á dömur sem kostuðu 890 kr. (ekki var tekið fram hvað þeir áttu að hafa kostað áður) og síðan einhverjar örfáar flíspeysur, sem ég kíkti nú ekkert á. Þetta var nú allt og sumt og annað fann ég ekki á afslætti á því sem þeir kalla ,,risútsölu“. Mér finnst sorglegt eftir öll þau viðskiptasvik sem Íslendingar hafa þurft að lifa við undanfarið að fyrirtæki eins og Olíuverslun Íslands skuli ekki hafa meira viðskiptasiðferði en þetta.
Sigurður Einarsson

#1831    Ég vildi nefna og já eiginlega taka undir það sem einn hafði nefnt hérna áður. þannig er mál með vexti að eg var að versla í bónus mánudaginn 5jan og sá þar heilann frosinn kjúkling sem verðmerktur var á 545 stk. og mer fanst það annsi fint verð og áhvað að grípa mer tvo þannig. Svo er eg kem á kassann þá fylgdist eg serstaklega með þegar kjúllunum var rennt í gegn og viti menn fyrri var á 680kr og hinn seinni á 665kr. Og bendi eg afgreiðsludömunni á það og hún segir bara þetta er verðið sem kemur upp á kassanum hja mer og eg svara henni nú um hvernig það sé verðmerkt i búðinni og hún vill ekkert gera þannig að eg bið hana að taka þá báða til baka, en það gekk ekki betur en svo að hún bætti þeim við en mínusaði þá ekki frá, og eg segji afsakið fröken en eg vildi að þú tækir þá til baka en ekki að þú rukkaðir mig fyrir tvo auka kjúlla, og hún varð bara óó vilduru þá ekki. þá svaraði eg nei ekki vildi eg borga tvöfalt verð fyrir þá og hvað þá fjórfalt hehe. svo að lokum mínusaði hún þá af mer og eg bað hana að hóa á verslunarstjóra og láta laga merkingarnar sem hun sagðist ættla gera, en svo stóð eg þarna í eflaust 5min að bíða eftir verslunarstjóra sem kom aldrei og er eg ANSI viss um að þessari verðmerkingu var aldrei breytt.
Guðjón Pétursson

#1830    Ég varð hneykslaður á þessari frétt sem var á mbl.is (hér) um hversu Guðmundur Stefán Maríasson, formaður SVFR er að hreykja sér um að verð á veiðileyfum í langflestum tilvikum haldist óbreytt milli ára. Nú ætti einmitt að vera tíminn til að lækka verðið og það verulega. Seinustu árin á "góðæristímunum" hafa bankarnir keyrt verðið upp með kaupum á veiðileyfum á alltof háu verði. Hinn almenni veiðimaður hefur lengi dreymt um að veiða í bestu ám landsins á góðum tíma en þá hefðu þeir þurft að punga út einhverjum hundrað þúsund köllum fyrir það. Svo áttu nú bankarnir líka til að leigja heilu vikurnar í ánum fyrir sína kúnna, þannig að maður hefði ekki komist að þrátt fyrir að vera búin að safna allt árið fyrir kannski einum veiðileyfadegi í góðri á. Ég get ekki alveg séð líka hvernig gengið hafi mikil áhrif á veiðileyfaverð, þar sem árnar eru leigðar af landeigendum í íslenskri mynt og svo selt veiðimönnum. Þvert á móti væri tækifæri núna að selja útlendingum veiðileyfi með veikingu krónunnar. T.d dæmi í nýjustu söluskrá SVFR. Leirvogsá ein stöng í einn dag dýrsti tími 92.400 kr. Þetta er hneykslanlega hátt verð og er sannarlega löngu orðið tímabært að leiðrétta þetta. Gagnrýni mín er ekki eingöngu á SVFR, heldur öll félög, þá sérstaklega Lax-á, sem geta verið ansi veruleikafirrtir þegar kemur að þessum málum. Ég hvet alla veiðimenn að panta engin veiðileyfi þetta árið og bara bíða, þá verða félögin þvinguð til að lækka og kannski einn góðan veðurdag getur hinn almenni borgari bleytt færið í Laxá á Ásum á besta tíma án þess að fara á hausinn. Ég hef verið félagsmaður í SVFR í 15 ár en hef nú sagt mig úr félaginu!
Óskar nafnleyndar

#1829    SÍMINN  OKRAR,  Eindagi símreikninga frá SÍMANUM var 2. janúar sem í fyrsta skipti var venjulegur bankadagur en  margir  bankar  voru aðeins með opið frá kl. 13 – 16  SÍMINN  nýtti sér þetta og hélt sig við að hafa eindagann 2. dag mánaðarinns eins og venjulega meðan flestir aðrir gjalddagar sem eru venjulega 2. hvers mánaðar færðust yfir á 5. janúar. (mánudagur) En trúlega héldu flestir að bankarnir væru lokaðir 2. janúar eins og hingað til.
Greiddi ég reikning minn frá SÍMANUM  5. janúar og þurfti þá að greiða kr. 450. í vanskilagjald og kr. 208 í dráttarvexti.
Þá er spurningin sú, hvað voru margir sem lentu í sama og ég og hvað ætli SÍMINN hafi grætt mikið á vanskilagjöldunum og dráttarvöxtunum ??
Ármann Jóhannsson

(06.01.09):

#1828    Yfirleitt eru auglýstar útsölur allt að 30-70%. En svo þegar maður mætir í Smáralindina eða Kringluna þarf að leita að útsöluvörum sem eru á góðum afslætti og eru þær flíkur yfirleitt mjög fáar. Þetta var svo áberandi þegar að ég fór með konunni í "Mollin" um helgina. En þó eru jákvæðir punktar, t.d. fataverslunin Ellos í Kringlunni 7, Húsi verslunarinnar(VR-húsið). Þar er allt með 50% afslætti og fyrir eru verðin mjög hagstæð. Mig langaði til að vekja athygli á þessu vegna þess að þar er alvöru útsala og tilvalið að nýta sér í kreppunni.
Lárus Ólafasson

#1827    Mér finnst mjög áríðandi að þetta komi fram svona öðrum til varnaðar. Aðilar frá Pixmyndum (www.pixmyndir.is) hafa verið að fara á milli skóla og taka bekkjarmyndir.  Þessir aðilar selja svo myndirnar í gegnum vefsíðuna sína. Sú breyting var gerð eftir að foreldrar kvörtuðu yfir að fá myndirnar sendar heim án þess að biðja um þær. 
En það sem málið mitt snýst um er að ég borgaði bæði bekkjarmynd og einstaklingsmynd af dóttur minni og þá með Vísakorti.  Myndirnar kostuðu 3500 kr. 
Tíminn leið og aldrei komu myndirnar til okkar en þetta átti að taka 7-10 daga að berast okkur heim. þessir aðilar eru búsettir í Svíþjóð, ekki með skráðann síma á heimasíðunni en það er hægt að hafa samband með að senda þeim póst.
16 október sl. borgaði ég þessar myndir en í lok október þá höfðu þeir samband og sögðu að bankahrunið hefði gert þetta eitthvað erfitt, gætu ekki losað pening og eitthvað. Jú ég tók því bara gott og gilt en bjóst við eins og þeir sögðu að myndin hliti að fara detta í póstkassann hjá mér.  Í dag er 5 janúar og enn er myndin ekki komin. Ég er búin að senda þeim marga tölvupósta til að athuga með þetta en þeir hafa ekki einu sinni fyrir því að svara þeim pósti til baka.
Mér finnst þetta lélegir viðskiptahættir og eigilega bara þjófnaður. 
Óskar Nafnleyndar

#1826    Fór í Smáralindina í gær og gaf 2 ára stráknum ís. Ég bað um ungbarnaís í brauðformi og ísinn náði rétt svo uppfyrir brauðformið. Ég var látinn borga 180 kr fyrir þennan litla ís fyrir barnið!!! Hvað var um 100 kr.ísana sem var alltaf í boði? Ég mun ekki oftar kaupa ís í ísbúðinni í Smáralind!!!
Margrét

#1825    Mig langaði bara að vekja smá athygli á þeim mun sem er að verða á vörumerkingum verslana. Ég er alveg viss um að margir hafi sömu sögu að segja, en ég er sífellt að lenda í því þegar ég er að versla inn fyrir heimilið að þegar á kassann er komið er verð þeirra vara sem ég er að versla allt annað en auglýst er í hillum verslunarinnar. Ég er farin að venja mig á það að skoða alltaf verðmiðana í hillunum og stundum skrifa ég verðin bara á innkaupamiðann og fylgist svo með þegar þetta er skannað inn eða tek miðann hjá þeim og fer yfir þetta. 
Ég er samt orðin rosalega þreytt á því að þurfa að passa það að starfsmenn þessara verslana vinni vinnuna sína! Það er ekkert fylgst með þessum hlutum og búðirnar komast upp með þetta án nokkurra vandkvæða. Ég hef lent í þessu í öllum búðum en sérstaklega í Hagkaupum. Þangað fór ég í gær og var að kaupa tiltölulega dýrar vörur, ýmislegt úr heilsuhillunum og slíkt og passaði mig á að fylgjast með hvað þetta kostaði en skrifaði það þó ekki niður. Svo fer ég og borga og tek strimilinn hjá þeim. Þegar ég er að fara yfir strimilinn kem ég auga á að 5 vörur (af þeim 12 vörum sem ég keypti) eru allt í einu orðnar miklu dýrari en þær voru inni í verlsuninni. Á einni vöru, poka af frostnum soya baunum, munaði heilum 200 krónum á verðinu í hillunni og verðinu á kassa. Ég fór og lét lagfæra þetta og fékk pening til baka, alls 500 krónur. Hvað ætli maður sé að gefa þessum verslunum mikinn pening í hvert skipti sem maður fer að versla en nennir ekki að skoða strimilinn? 
Ég geri það allavega ekki lengur og hvet alla til þess að passa vel uppá peningana sína. Þetta var kannski ekki há fjárhæð sem munaði en það er sama, ég ætla ekki að vera að styrkja Hagkaup með þessum hætti. 
Vilborg Anna Garðarsdóttir

#1824    Á laugardag fór ég í hina ágætu verslun IKEA og festi kaup á m.a. Salong blómavasa, verðið í búðinni var 795, sem passar við auglýsingu í Fbl sama dag. Skoðaði svo strimilinn seinna fyrir tilviljun og þar er verðið 1.290! Vil eindregið vara við svona vinnubrögðum, bæði verslun og neytendur, því nenni ég þeim klukkutíma sem tekur að keyra báðar leiðir og hanga í biðröð fyrir tæpan 500 kall? Nei, ég mun einfaldlega ekki versla þarna framar.
Friðrik

#1823    Við fórum í IKEA,  þar var útsala. Við ætluðum að skoða púða, hann kostaði um 365 kr. áður en þeir hækkuðu í okt. þá fór hann upp í 745. kr nú er hann á útsölu og þá kostað hann áður en hún byrji 990.kr og á útsölu 699. kr. Fleiri dæmi um svona vinnubrögð hjá þeim. Rúmföt kostuð 995 kr. hækkuðu verðið í haust í 1200. kr.  Útsala, verð núna 2.500 kr., með afsl. 1.800. kr. Svo er hægt að halda áfram, eru menn að gera okkur að fíflum?
Við fórum í Húsasmiðuna í dag 05,01,09  ætluðum að kaupa höldur, verð á pakka var 435. kr.  komum að kassa, verð á pakkanum var 1,298 kr.  Við höfum farið í fleiri verslanir og má segja að flestir hafa hækkað verðið og gefa síðan afsl. og oftast hærra en varan kostaði.  Ég held að menn séu að tapa sér. 
Bjartur

#1822    Eldsmiðjan tekur orðið 450kr heimsendingargjald sama hvar þú ert.  Það 
er ekki auglýst á vefnum hjá þeim og er ekki tekið sérstaklega fram 
þegar pantað er í síma. 2L gos er á 350kr.
Ein 16" pizza, 16" hvítlauksbrauð og 2L gos sent heim kosta u.þ.b. 
4700kr.
Einn sem er farinn að sækja tvennutilboð hjá Dominos!

#1821    Þann 22. des  keypti ég Columbia dömu gönguskó hjá Ellingsen fyrir tæplega 15.000 kr. Í dag sá ég svo að þeir auglýsa risaútsölu þ.á.m. gönguskó á 20-50% aflætti.  Ég gerði mér ferð til þeirra,  ákveðin í að kaupa alveg eins skó á dóttur mína. Í ljós kom að skórnir eru nú allavega 500 kr dýrari á þessari risaútsölu þeirra. Ég fór að þjónustuborðinu og kvartaði yfir þessu og fékk þá skýringu að þeir hefðu sett eitthvað af gönguskóm á jólatilboð fyrir jólin. Síðan hafi þeir verið settir á upprunalegt verð rétt áður en þessi risaútsala fór af stað.
Anna

#1820    Mig langar að hrósa bræðrunum Ormsson. Fékk Jamie Oliver pott í jólagjöf sem ég ákvað að skila um seinustu helgi. Þegar ég mætti á svæðið, sá ég að það var 20% afsláttur af pottunum en þrátt fyrir það, fékk ég inneignarnótu hjá Ormsson upp á upphaflegt verð sem var fyrir útsöluna. Þeim þótti það sjálfsagður hlutur og er ég ánægður með þessa tilteknu þjónustu. 
Jón Ágústsson

(05.01.09):

#1819    Þannig er mál með vexti að ég pantaði tíma á nuddstofu þann 29.desember síðastliðinn á stofu sem heitir Japanska Baðið. Þessi stofa er í Skúlagötu 40 í Reykjavík. 
Tíminn fyrir nuddið á þessum stað kostar 5500kr. og ekkert athugavert með það en svo eftir nuddið spjallaði ég svo örlítið við eiganda staðarins og svo hélt ég heima á leið. 
Í gær var ég að skoða stöðuna á debet reikningnum mínum í heimabankanum og tók allt í einu eftir að allt í einu var 5500kr verið tekið út af reikningnum mínum og ég hugsaði fyrst eins og sumir kortapósar rukka svolitið seinna eins og á börum í miðbænum t.d. en svo fór ég að skoða færslurnar betur þá var verið að rukka mig tvisvar frá sama stað. 
Þetta er orðið kannski eitthvað ruglingslegt sem ég er að segja en ég var rukkaður tvisvar um nuddtímann. 11000kr fyrir tímann í staðinn fyrir 5500kr. Í heimabankanum voru tvær færslur, þann 29.desember 2008 krónur 5500kr og svo 3.janúar 2009 aftur 5500kr
Ég hringdi um leið og ég fattaði þetta á stofuna sem er aðeins með gsm númer og talaði við eigandan að stofunni og að það hefur verið einhver mistök og sagði að hún hafi rukkað mig tvisvar sinnum fyrir. 
Þá svaraði hún, ha nei nei manstu við spjölluðum saman í smá tíma og það kostar 5500kr og sagði að það hafi verið einhver Aðalspá og hún hafi verið að spá fyrir mér og eitthvað. 
Þetta er eitthvað bull, hún rukkaði mig aldrei fyrir þetta og ég hafði ekki hugmynd um að maður þyrfti að borga fyrir þetta og hún nefndi það aldrei. Það er verið að svindla rækilega á mér.
Steinar Arason

#1818    Nú kostar orðið 1100 krónur að fara í bíó hjá Sambíóunum, hvað er í gangi? Blessunarlega geta viðskiptamenn Kaupþings þó enn nýtt sér tilboð sé borgað með Kortinu, þá kostar miðinn 750 krónur. Spurning hvað það endist lengi.
Berglind Inga Guðmundsdóttir

#1817    Verslunin Vínberið á Laugavegi selur gos og aðra drykki í kæli.  Dæmi 
um verð þar er 200kr fyrir 0.5L af Pepsi.  Ef gengið er u.þ.b. 100 
metra ofar á Laugaveg þá er hægt að kaupa 2L af Pepsi á 87 krónur í 
Bónus.  Hvað er þetta annað en okur?
Hef stundum farið í Samkaup í Suðurveri sem er næsta verslun við mig. 
Get ekki sagt að það verði framhald á því eftir að ég horfði á 
verslunarstjórann bera inn fulla poka úr Bónus inn í verslunina - 
frekar fer ég sjálfur í Bónus þegar hann er opinn (Samkaup er stiginu 
neðar en 10-11 í verðlagi).
Óskar Nafnleyndar

#1816    Vildi bara láta vita, Max raftæki er búið að vera með tilboð í desember á DVD-diskum 2stk á ca.989 kr, þar á meðal var slatti af Disney-diskum.  Ég var búin að sjá þarna í Kauptúni ákveðin disk og mætti nokkrum dögum síðar til þess að versla hann í einn pakka en þá voru skyndilega allir Disney-diskarnir farnir.  Þeir voru í hillunum með barnaefninu en ekki lengur á tilboðsborðinu.  Diskurinn sem að ég ætlaði að kaupa var sem sé til á 2.299kr.  Ég gerði athugasemd við þetta og strákurinn sem að afgreiddi mig skoðaði diskinn og sá einhvern miða á honum sem að sýndi að þessi diskur ætti að vera á afsláttarborðinu. 
Síðan á laugardaginn 2.janúar þá auglýsa þeir DVD á tilboði á 489 kr.  Ég fór og enn voru ekki neinir Disney-diskar á borðinu.  Ég spurði afgreiðsludömuna hvort að ekki hefði verið fyllt neitt á borðið síðan fyrir jól og hún sagði að Disney-diskarnir væru sennilegast bara alveg búnir.  Ég rölti þá inn í verslunina og í barnaefnishilluna og viti menn, þarna voru í það minnsta 3 titlar sem var birt mynd af í auglýsingunni nema hvað að þeir voru verðlagðir á kr.2.299.  Ég fór á kassann og fékk afgreiðsludömuna til þess að kíkja á auglýsinguna á heimasíðunni og hún gat ekki annað en að selja mér þá á kr.489 þar sem að mynd af þeim var beint fyrir framan hana - en mikið eru þetta nú úldnir viðskiptahættir.
Hér er auglýsingin: http://max.is/max_auglysingar/auglysing_1.html
Þannig að ef einhver kannast við að hafa verslað þessa diska á rúmlega kr 2þús - þá ætti sá hinn sami að hafa samband við Max aftur.
Soffia

#1815    Ég fór í Bónus og Hagkaup áðan. Í Bónus keypti ég heilan kjúkling frosinn, við frystirinn stóð "HEILL
KJÚKLINGUR 545 KR." og ekkert meir en það - þegar ég kom á kassa átti að rukka
mig um 545 kr KÍLÓIÐ - sem sagt einn kjúklingur átti að kosta 698 kr. - hélt nú
ekki og eftir að hafa bent kassastarfsmanni á mistökin borgaði ég 545 kr á
STYKKIÐ.
Einnig vil ég benda á varðandi í Bónus, um miðjan desember keypti ég Libresse
2*14 stk dömubindi á 498 kr - í dag þurfti ég að borga heilar 729 kr fyrir
nákvæmlega eins pakka. 231 krónu meira fyrir þessa nauðsynjavöru !!
Einnig eru bleyjur (einnig nauðsynjavara á þessu heimili) 1969 KRÓNUR !!! pakki
sem ekki fyrir löngu kostaði 1198 kr :(
Jæja leið mín lá svo í Hagkaup þar sem ég keypti frosin rúnstykki, 15 stk saman
í poka. Merkt verð í frysti var 299 kr - á kassa var ég rukkuð um 399 kr !!!
Sýndi starfsmanni mistökin og fékk rúnstykkin á réttu verði - 299 kr.
Það margborgar sig að hafa augun opin og bera saman hilluverð og verð á kassa !
Langar að koma með eina jákvæða athugasemd líka:
mig langar að benda fólki á að versla pizzur hjá Wilsons pizza - 16"pizza m/2
áleggstegundum, ostabrauðstangir og 2l.gos á aðeins 1990 kr. :)
Inga 

#1814    Vildi benda á hlægilegt okur á N1 Hringbraut en þar kostar 1L flaska
af Kristal plús rauðum _320_ krónur!!!! Þeir selja ekki 2l flöskurnar eins
og margar aðrar búðir og ég var að hugsa hvort að ástæðan væri ekki bara
að þeir gætu ekki mögulega verðlagt 2l flösku ef 1L kostar 320 krónur.
Hvað ætti 2l flaskan að kosta, 600 krónur ? Fyrir utan það að þetta er
kolsýrt vatn með oggulitlu bragði! Algjörlega óskiljanlegt. Hjörtur

#1813    Vildi bara benda fólki á að húsasmiðjan/blómaval telur dót sem er 
notað til að skreyta jólapakka fyrir jólin ekki til jólaskrauts og því 
ber það engan afslátt. Allir jólaborðar (með hreindýrum og jólasveinum 
nota bene) og slíkt er ekki jólaskraut, því þetta er víst vara sem 
þeir halda fram að þeir selji allt árið um kring.

#1812    Mig langar að segja frá einu dæmi sem gerði mig mjög reiða.  Sonur minn sem er eins árs fékk 3 eins bækur í jólagjöf. Þær voru keyptar í Hagkaup, Bónus og Office 1 og kostuðu alls staðar það sama.  Við ákváðum að skila öllum bókunum því hann átti næstum eins bók.  Í Hagkaup og Bónus fengum við innlegg fyrir upphaflegri fjárhæð 1.690 en í Office 1 fengum við einungis 1.090 krónur þar sem við vorum ekki með miðann ( en það var skiptimiði á bókinni).  Við ræddum þetta við gefandann þá sagði hann okkur að það hafi verið lagt hart að honum að setja miðann í kassa því það yrði dreginn út einn heppinn viðskiptavinur.  Það er því ekki nein leið til að líta á þetta öðruvísi en sem glæp.  Það er eitt sem víst er að þarna verður ekki verslað aftur.
Ína

#1811    Ég sendi um daginn email á 66°norður vegna 50% hækkunar hjá þeim á dúnúlpu frá því í fyrra. Það sem ég fékk til baka var nú frekar kómískt. Þar segir sjálfur forstjórinn mér að með því að leggja saman 73% gengishækkun og 17% verðbólgu væri hægt að réttlæta 100% hækkun og þau séu nú nokkuð góð að hafa bara hækkað þetta um 50%. Það er nú nokkuð ljóst að 73+17 eru náttúrulega 90 og það eru nú fáir sem myndu trúa því að verðbólgan reiknist beint sem hækkun, hvað þá að svona samlagningardæmi fyrir smákrakka myndi ganga upp í svona aðstæðum. Er það þá ekki hann sem er að blása í glóðir verðbólgunnar? Mér fannst þetta kjánalegt svar og hálfgerð móðgun við mig og auðvitað aðra neytendur sem langar að styðja íslenska framleiðslu. Ég fór svo og keypti mér Zo-On dúnúlpu á "gamla verðinu" sem 66°norður eru orðnir of fínir fyrir, og studdi þar með annað íslenskt fyrirtæki sem gerir neytendum kleyft að kaupa vörur sínar, þrátt fyrir árferðið. 
Anna Samúelsdóttir

#1810    Tengdarforeldrar mínir gáfu mér rúmteppi frá Ilvu í jólagjöf og staðgreiddu
það 8900 kr. Síðan kemur í ljós að rúmteppið er of lítið og við förum og
skilum því þann 27 desember. Þá höfðu útsölurnar byrjað og Ilva vildi taka
við því en bara á afsláttarverðinu sem var 50% ódýrara nema að við gætum 
sýnt fram á kvittun. Núna er ekki vani að senda kvittanir með jólagjöfum
og þarna er klárlega ekki verið að gera fólki kleift að skila og fá það
verðgildi sem gjöfin var keypt á viku áður. Vildi bara benda á þetta þar
sem mér finnst frekar sérstakt að byrja með útsöluna á fyrsta virka degi
eftir jól og mér finnst þjónustan ekki vera í háum gæðaflokki.
Guðmundur Ingi Björnsson

#1809    Mig langar að benda á að ekki eru allsstaðar raunverulegar verðlækkanir í gangi þar sem verið er að auglýsa útsölur.
Ég fór á útsölu hjá Heimilistækjum í dag og var að spá í kaffivél. 
Ég hafði farið þangað með tengdapabba þann 22. des. síðastliðinn og keypt kaffikönnu að gerð Philips - HD7686SV og kostaði hún þá kr. 8.995.
Á útsölunni í dag kostaði hún kr. 14.995 sem er 67% hækkun. Það skal tekið fram að þessi vara var ekki sögð vera á tilboði, en aðrar kaffivélar sem voru þarna á tilboði voru á sama verði ef ekki dýrari en fyrir jólin t.d. Philips - HD5405 sem kostaði fyrir jól kr 15.995 en kostar nú 16.995 á tilboði en 19.995 var sagt vera upphaflega verðið.
Pétur K. Hilmarsson

(03.01.09):

#1808    Ég rakst inn á síðuna abvarahlutir.is um daginn og þar tók ég eftir að þeir gefa sig út fyrir að vera “ódýrir” í bílavarahlutum. Þegar ég fór að kanna málið þá eru þeir með þeim dýrustu á markaðnum. Ég þarf að skipta um tímareim, strekkjarahjól, vatnsdælu og pakkdósir í Toyota Corolla ’93 árgerð og verðmunurinn á N1 Bíldshöfða og AB-varahlutum er nálægt 300%.
Tímareim, strekkjarahjól, vatnsdæla og 1 pakkdós kosta um 42.000kr í AB-varahlutum en tímareim, strekkjarahjól og vatnsdæla kostuðu mig 16.355 kr í N1.  Ein pakkdós hjá AB-varahlutum kostar 1946 kr en í Kistufelli kostar ein pakkdós 896 kr.  Mér finnst bara rétt að þetta komi fram þar sem þeir eru ALLS EKKI!! ódýrir á markaðnum.
Það getur verið að þeir séu “ódýrir” í bremsuklossum en í öðrum vörum þá eru þeir mun dýrari en aðrir.
Óskar Nafnleyndar 

#1807    Langaði að benda á lélega viðskiptahætti hjá tveimur söluaðilum sem ég hef átt í viðskiptum við. Mig hefur lengi langað að kaupa til heimilisins rjómasprautu með gashylki, en þar sem þær eru frekar dýrar þá hef ég ekki látið verða af því. En ég hef fylgst með verðinu núna undanfarna 2 mánuði og beðið eftir að þær fari á tilboð eða lækki. Í nóvember s.l. auglýsti Húsasmiðjan 30% afslátt af allri búsáhaldavöru. Ég vissi að rjómasprauta (hvít) var í kringum 7000 kr. þar deginum áður og ætlaði að nota tækifærið og fá mér eitt stk. með þessum fína afslætti. En viti menn verðið var komið yfir 10.000 á tilboðinu. Í dag kostar hún um  8.000. Í desember þá opnaði ný Nettó verslun í Grafarvogi og þar fékkst sama rjómasprautan á 5.900. Ný búð og nýtt verð á sprautunni gerir maður ráð fyrir. Ég var búin að ákveða að skella mér að kaupa hana fyrir jólin en var ekki búin að því þegar tilboðsmiði kom heim frá þeim þar sem þeir buðu alla sérvöru með 30% afslætti og matvöru með 10% aflætti til 22. desember. Ég var alveg himinlifandi og rauk af stað og hvað heldur þú – sprautan kostaði þá 8.900. Búið að hækka um 3.000 þegar tilboðið tók gildi. Þetta kalla ég hreint og klárt SVINDL. Sama rjómasprautan kostaði 6.900 kr. í Hagkaupum milli jóla- og nýárs.
Valdís Guðbjörnsdóttir

#1806    Kippa með sex 250 ml kók flöskum  á 1140 í 10 11 í kópavogi þegar 2 lítra kók kostar 349 er hægt að kalla þetta annað en græðgi og okur. Og þetta var jólatilboð.
(Nb. Mörgum finnst nú meira spennandi að drekka kók úr glerflösku en 1140 er auðvitað kreisí verð. Eins og við er að búast af 10-11.)

#1805    Í byrjun desember gáði ég hvað Abba - Mamma mia DVD diskurinn kostaði en þá var sama verð á honum nánast alls staðar 2699-2799. Hagkaup og Skífan voru t.d. með sama verð sem mig minnir að hafi verið 2699 frekar en 2799. Þegar stutt var til jóla ca. 10 dagar þá var diskurinn kominn upp í 2999 kr í Hagkaup og Skífunni. Ég fór m.a. í Hagkaup í Kringlunni og þar var standur framarlega í búðinni með disknum og þar stóð skýrum stöfum verð 2999 kr. Lækkað verð, 3299, og srikað yfir 3299 kr.!!! Hvers konar viðskiptahættir eru þetta? Ég spyr. Ég þarf varla að taka það fram að ég hef ekki enn keypt diskinn:) Ég stefni á að fylgjast með hvert verðið á disknum verður núna strax eftir jól þegar fólk kemur að skila og skipta, spurning hvort það hafi ekki lækkað?
Annað sem ég hef verið sérstakur áhugamaður um er verðlagning á vínberjum síðustu vikurnar fyrir jól og fram að áramótum. Það er undarlegt hvað verðið hækkar alltaf um 200-300 kr/kg. á þessum árstíma. Getur verið að þau séu sérvalin, handtínd og send með einkaþotum til landsins á þessum árstíma? Eða tengist það hinum sívinsælu Waldorfsalati sem er á borðum landsmann um jól og áramót? Ég keypti vínber í salatið í ár eins og ég er vön en ákvað að fara sparlega með skammtinn að þessu sinni og nota hlutfallslega meira af eplum og öðru góðgæti í salatið. Þess má geta að vínber eru oft á tilboði aðra daga ársins:) 
Brynja

#1804   Þar sem ég vinn í verslun er maður með augun opin fyrir verði í öðrum verslunum á vörum sem við seljum þó einkum bókinni Förðun vegna þess að verðið á henni breyttist mjög mikið hjá okkur þ.e.a.s var alltaf að rokka upp og niður.  En í dag sá ég auglýsingu í Fréttablaðinu um útsölu hjá Office 1 þar sem bókin er sögð með 50% afsl. á 3.990 en kostaði áður 5.990 (sem er augsjáanlega ekki 50% afsl.) en það sem ég var búin að fylgjast með þessu þá hafði ég líka séð aðra auglýsingu 22.des í sama blaði frá Office 1 en þar er bókin auglýst með 50% afslætti á 1.995 kostaði áður 3.990 (það er allavega réttur afsláttur) svo ég velti fyrir mér hvað er rétta verðið á þessari bók (mig minnir að hún hafi kostað mest 4.200 hjá okkur) Ég er bara að spá í það hvort það sé verið að fara illa með fólk en ég segi bara það er eins gott að fylgjast vel með.
Guðbjörg

#1803    Ég fór í Heilsuhúsið í Kringlunni þann 19.des s.l. og keypti ýmislegt og þ.á.m. Ultra Omega 3-6-9, 90 hylki frá Natures Plus. Mér svelgdist á þegar ég var rukkuð 3.456 kr. fyrir eina dollu en lét mig hafa það þar sem ég tel mig þurfa á þessu ofurvítamíni á að halda, enda námsmaður sem þarf að virkja sellurnar.
Svo ber heldur betur til tíðinda! 
Ég fór í Nettó í Hverafold í dag og rekst á þessa nákvæmlega sömu dollu á 1.899,- (Ultra Omega 3-6-9, 90 hylki frá Natures Plus). Ég keypti eina og bar þær saman og þær eru bara ALVEG eins og frá sama framleiðanda, sami hylkjafjöldi og alltsaman – og ekki á tilboðsverði!!!
Talandi um okurprís hjá Heilsuhúsinu – þeir þurfa eitthvað að fara að athuga álagninguna hjá sér því ég mun ekki versla þar aftur nema að gera rækilegan verðsamanburð áður.
Hildur V.

#1802    Langar að segja þér stutta sögu – verðsögu. Ég var staddur í Pennanum í Hafnarstæti á Akureyri rétt fyrir jólin sennilega 22. desember. Þegar ég hafði náð í það sem mig vanhagaði og var á leið að kassa gekk ég framhjá rekka með prenthylkjum í bleksprautuprentara. Ég vissi að það var stutt í að ég þyrfti að kaupa litahylki (HP 344) og ætlaði að grípa eitt með. Þegar ég sá verðið kallaði ég á aðstoðarmann og spurði hvort þetta væri öruggleg rétt verð, það stóð að hylkið kostaði 9560 krónur? Starfsmaðurinn leit á þetta og sagði júbb þetta er rétt verð. Venjulega hafa þessi hylki kostað á bilinu 2800-3800 í Tölvulistanum, BT eða Office 1 svona eftir aðstæðum. Þá sagði ég við manninn ,,vá ég hélt að þetta væri verðið á öllum rekkanum ?”. Maðurinn leit á mig eins og ég væri fífl (sem getur svo sem vel verið að ég sé) og sagði svona er ísland í dag”. Ég þakkaði fyrir aðstoðina og hélt minn veg án þess að kaupa blekið. 
Seinna sama dag fór ég í BT og þar kostaði samskonar blekhylki 3580, og það keypti ég.  Umræddur prentari heitir HP 2350. Hafi dýrasta verðið sem ég vitna í hjá BT, Tölvulistanum og Office1 sem er uþb 3800 verið á gömlu gegni og gamlar byrgðir getur verið að þetta sé eðlileg hækkun þ.e. úr 3800 í 9560 hér langt yfir 100% hækkun sem ég stór efast um að geti talist eðlileg á nokkurn hátt, eða hvað finnst þér? 
Páll Jóhannesson

#1801    Mér var algerlega misboðið eftir viðskipti mín við verslunina Everest þannig var að ég sá auglýsingu frá þeim á netinu bretta-pakkatilboð og hringdi en var þá sagt að varan væri ekki til lengur þetta var 15. des og í dag 29. des er enn verið að auglýsa sama tilboð,jæja ég panta samt pakka hjá þeim en borga 10000kr meira, sölumaðurinn lýsti brettinu sem dökkbláu eða svörtu með smá bleiku í og skórnir hvítir no 38-39,þegar varan kemur í pósti til mín rétt fyrir jól faldi ég hann án þess að opna(mistök)og pakkaði síðan inn, þetta var jólapakki til dóttur minnar, á aðfangadagskvöld kom síðan í ljós að brettið var ljósblátt með stórum bleikum blómum og svörtum uglum ekki alveg smekkur 15ára dóttur minnar og skórnir no35-36.Ég hringdi í verslunina og segi frá þessu og var maðurinn hinn almennilegasti segist ath málið síðan hringir hans yfirmaður og segist ekki trúa að ég hafi fengið þessa lýsingu ég sé að lýsa bretti sem kosti um 30000 kr meira hann geti endurgreitt mér eða ég keypt þetta bretti og borgað mismuninn ops jólagjöfin orðin aðeins dýrari en ætlað var,þessi maður sem sagði sig eiganda verslunarinnar bauð mér engan afslátt eða neitt var virkilega dónalegur sagði fólk oft reyna að fá dýrari vöru með því að kenna versluninni um mistök,samt gat ég alveg lýst brettinu og með skóna hafði hann enga skýringu hann lét alveg í ljós að mér væri ekki trúandi þegar ég sagði að í mínum viðskiptum hefði eg ekki upplifað að vera ekki treyst sem kúnna þá lét hann út úr sér:að árið 2008 treysti maður ekki kúnnanum, hvað er málið? Ég má semsagt endursenda jólagjöfina og hann borgar mér til baka þegar varan er komin inn á gólf til hans eins og hann orðaði það svo ég verð að treysta honum og dóttir mín fær ekki bretti í jólagjöf það munar um 30000kr í viðbót á þessum tímum, eins og hún var glöð. Ég gat nú ekki þagað yfir þessari ömurlegu þjónustu og ummæli eigandans gagnvart okkur neytendum til háborinnar skammar.
Rósa

(02.01.09):

#1800    Ég er mikill sushi aðdáandi og keypti 40 bita veislubakka hjá Sushismiðjunni í
dag á hvorki meira né minna en 8.800 kr (220 kr hver biti). Bölvað okur.  Á
heimasíðu þeirra stendur að slíkur bakki kosti 6.000 kr (á helgartilboði að
vísu sem ég tók ekki eftir).  Raunverulegt verð er ekki birt á síðunni.
Ég var að hugsa um að kaupa 60 bita bakka fyrir 8.500 kr. hjá O´sushi (142 kr
hver biti) sem voru reyndar óþarflega margir bitar og fullmikill peningur fyrir
mig, þessvegna valdi ég að panta hjá smiðjunni eftir hinum villandi
heimasíðuupplýsingum.
Sushismiðjan er kannski ekki vísvitandi að blekkja fólk en maður situr samt
eftir með súrt bragð í munni og þá tilfinningu að maður hafi verið snuðaður.
Óskar nafnleyndar

#1799    Ég hef verið á níkótín tyggjói í nokkurn tíma og hef reynt að versla það í Lyfjaveri á Suðurlandsbraut þar sem Nikotinell 2 mg myntu tyggjó stór kassi hefur kostað 4900 kr. Ég var að versla í Kringlunni fyrir jólin og ætlaði að kaupa tyggjó í apótekinu þar (Lyfju) en pakkinn þar kostar 7900 kr. Þar var mér sagt að um áramótin þá myndi allt níkótín tyggjó hækka um 20% og að ekkert apótek megi vera ódýrara semsagt eitt verð fyrir allt landið. Ég fer með einn kassa á viku sem þýðir að það er töluvert ódýrara fyrir mig að reykja en að tyggja.
Jessica Thomasdóttir
(Nb. Apótek mega stunda verðsamkeppni. Það er fjótgert að hringja í nokkur apótek og bera saman verðin. Lyfjaver, Skipholtsapótek og Garðsapótek hafa komið vel út skv. minni reynslu.)

#1798    Við hjúin ákváðum að halda upp á afmæli mitt með því að fara á Ask á Suðurlandsbraut. Þar var hægt að fá 3ja rétta máltíð á 2990 kr. og hún var ansi vel útilátin. Góður matur á góðu verði. Við fórum mjög sátt og södd frá þeim. Takk fyrir okkur Askur :)
Rannveig

#1797    Mig langar að koma að hve hneyksluð ég er á skipulaginu í sambandi við pakkajól Bylgjunnar. Eins og svo margir þá fór ég í Smáralindina nokkrum dögum fyrir jól og gekk framhjá jólatrénu sem fólk var hvatt til að setja eina auka gjöf undir. Þá voru mjög fáir pakkar undir trénu og ég var frekar hissa og fannst leiðinlegt hversu dræm þátttakan var, en fékk þá að vita að pakkarnir væru mjög reglulega teknir undan trénu. Ok, allt í góðu með það -leit bara frekar illa út. En verra var það þegar ég fór í Smáralindina laugardaginn eftir jól (27.desember). Þegar ég gekk framhjá jólatrénu þá voru fullt af pökkum ennþá undir trénu! Hvað er það!? Það er augljóst að þessir pakkar fóru ekki til barna fyrir jól, hvað ætli verði gert við pakkana? Var fólk að eyða pening til einskis? ..allavega ekki í þann málstað sem það hélt. Mér finnst til skammar að fólkið sem keypti pakka og setti undir tréð sjái pakkann sinn svo ennþá liggjandi þarna eftir jólin! Afhverju var ekki jafn duglegt starfsfólk að fjarlægja pakkana þá eins og fyrir jól?
Óskar nafnleyndar

(30.12.08):

#1796 Office one voru með jólabækur núna fyrir jólin og meira að segja á 15% afslætti og sumir vinsælir titlar voru seldir með 50% afslætti í nokkra daga og fannst mér þetta frábært framtak í kreppunni. Núna er Office hins vegar byrjaðir með útsölu þar sem bækurnar eru "langflestar" með 35-50% afslætti sem þýðir að ef ég keypti bók með 15% afslætti fyrir jól og gaf í jólagjöf þá er hún búin að lækka um 20-35% þegar sá sem ég gaf bókina ætlar að skila henni.. Það væri svo sem kannski fyrirgefanlegt þar sem sá hinn sami gæti fengið aðra bók á 35-50% afslætti en óheppni mín heldur áfram þar sem ég bý á Akureyri og þar er búið að fjarlægja "mjög marga" bókatitla og endursenda til höfuðborgarinnar þannig úrvalið er af mjög skornum skammti. Þetta finnst mér heldur skrítin vinnubrögð. Skiptimiðinn á bókum gildir til 6.janúar og get ég ekki séð af hverju þeir gátu ekki haldið öllum þessum jólabókum í búðinni þangað til þá, frekar en að lauma þeim í burtu helgina eftir jól.
Ein óánægð

#1795    Fór á BSÍ á aðfangadag til að taka forskot á jólgleðina og fékk mér 2 pylsur og kókómjólk fyrir þetta borgaði ég yfir 800kr. Þá setja þessir miklu höfðingjar 30% álag um jólin. Þetta er sú grófasta svívirða og dónaskapur gagnvart neytendum sem ég hef nokkurn tíman séð. Svona sjoppur eiga allir að sniðganga.
Páll Ragnarsson

#1794    Nú eru verslanir að undirbúa ‘útsölur’. Ég fékk göngubuxur í jólagjöf frá konunni sem keyptar voru í Útilíf 20 desember. Buxurnar voru of stórar og fór ég og skipti.  Konan sagði mér að buxurnar kostuðu 16.990 og er með kassakvittun sem staðfestir það.  Ég fór og fékk eins buxur og bara einu númeri minni og á þeim stóð 16.990.  Ég fór á kassan með buxurnar sem ég var að skila og buxurnar sem ég tók í staðinn og konan á kassanum skannaði gömlu buxurnar inn og nýju buxurnar út, allt í einu voru báðar buxurmar komnar í 18.990 2000 krónu hækkun, ss búnar að hækka rétt fyrir ‘útsölu’. Það sorglega er að þetta er ekki einsdæmi um hækkun rétt áður en útsala eða tilboð fara í gang.
Kristinn Guðlaugur Kristinsson

#1793    Ég þurfti að kaupa 5l brúsa á annan dag á jólum. Þá var ekki mikið opið en mér verður hugsað til bensínstöðva og bensínbrúsa. Í Select í Breiðholtinu kostaði svona brúsi 3695 kr. En eftir smá leit finn ég nákvæmlega sama brúsann í Select hjá Smáralindinni. Þar kostaði hann 1295 kr. 
Benedikt Kristinsson

#1792    Ég vildi bara minna á ósanngjarna gjaldtöku bankanna á okkur vinnandi fólkinu. Við vitum þetta öll en þetta á til að gleymast.
Ég fékk þrisvar sinnum á mig svokallaðan FIT kostnað á debetkortareikninginn minn hjá Glitni á aðfangadag. Ég skildi ekki neitt í neinu þar sem ég hafði fengið útborguð laun þann 22. desember og átti því að eiga innistæðu, fyrir utan það að ég var ekki búin að kaupa neitt þann 22. - 24. desember. Ég hringdi því í bankann og fékk þau svör að fyrirtækin þrjú sem ég hafði keypt hjá þann 20. og 21. des. hefðu skilað inn svona seint. Ég var auðvitað ekki sátt þar sem ég stóð í þeirri meiningu að ég gæti séð stöðuna á reikningnum mínum í heimabankanum og þegar þessi fyrirtæki rukkuðu mig í gegnum bankann var kominn peningur fyrir færslunum en samt var ég rukkuð um FIT kostnað. Eina svarið sem ég fékk þegar ég benti stúlkunni í þjónustuveri Glitnis á hversu ósanngjarnt þetta væri gagnvart neytandanum var það að svona væri kerfið ófullkomið, hún vissi ekki til þess að fyrirtækjum beri að skila inn uppgjöri á ákveðnum tíma og ég þyrfti bara að skrifa niður allar færslurnar mínar til að fylgjast með stöðunni... 
Svanhildur

(29.12.08):

#1791    IKEA "útsalan":
Ég fór í ágúst í IKEA að skoða skrifstofustóla. Fann þar einn sem mig langaði mjög í, en
hann var auðvitað aðeins dýrari en flestir hinna, og aðeins dýrari en ég hafði hugsað mér
að borga (ég keypti fínan stól í Rúmfatalagernum u.þ.b. 2-2 1/2 ári fyrr á 6 þús. kall -
reyndar á tilboði úr 10 þús.). Þessi í IKEA kostaði 20 þús. Ég þurfti því að bíða aðeins
með að kaupa hann en var ekkert stressuð útaf því þar sem IKEA er jú með sama verð allt
árið, ekki satt? 
En þá kemur í fréttunum að IKEA sé að hækka verð í fyrsta sinn síðan verslunin byrjaði.
Gæinn hálfgrátandi í sjónvarpsfréttunum, honum fannst svo leiðinlegt að þeir þyftu að gera
þetta, en þetta væri jú útaf genginu o.s.frv. o.s.frv... 20-25% hækkun að meðaltali.
OK, maður skildi þetta nú, þó súrt væri. Svo fer ég í IKEA aðeins seinna og jú, jú,
stóllinn "minn" hafði hækkað úr 20 þús. í 25 þús. eða 25% alveg eins og þeir höfðu
tilkynnt.
Svo ég ákveð að bíða og sjá hvort hann fari á útsölu eftir jól. Nú, ef ekki, þá bara
neyðist ég til að kaupa hann á 25 þús. kall. Enginn skaði í að bíða og sjá hvort ég fæ
hann ódýrari, lá ekki það mikið á.
Svo fylgist ég vel með hvenær útsalan á að byrja. Sé auglýst að útsalan byrji 27. des. Ég
mæti á svæðið stuttu eftir opnun til að vera örugg.
Það fyrsta sem ég tók eftir var að þarna var alls ekki margt fólk. Hafði búist við
hálfgerðri örtröð eins og er oft á ísl. útsölum. 
Næsta sem ég tek eftir er að það er ekki afsláttur af nema smá hluta af vörunum. Og þær
sem eru á afsl. eru ekkert á neitt miklum afsl. Einstaka sófar sem voru mjög dýrir voru
kannski með ágætis afsl. 
Svo kem ég í skrifstofu deildina og finn stólinn minn, en nei, þá var hann auðvitað ekki á
afsl. og ekki nóg með það, HANN HAFÐI HÆKKAÐ!!! úr 25 þús. í 30 ÞÚS!!! Ég var mjög
hneyksluð. Hvað á það að þýða að koma svona grenjandi í fréttunum og segja: "Við viljum
ekki hækka, við bara verðum" og hækka síðan MEIRA þegar enginn sér til. Mér finnst þetta
hrikalega skítlegt og mikil óheilindi hjá verslun sem gefur sig út fyrir að vera svo
hagstæð og vera alltaf að reyna að vinna fyrir viðskiptavininn. Þarna hafði stóllinn
hækkað aftur um önnur 20%, eða 50% í heildina!!! Það er engin smá hækkum, 50%!
Jæja, allavega ætlaði ég að kaupa 4 aðra hluti þarna og þess ber að geta að 2 voru á
útsölu; báðir á 1.490, áður 1.990, en hinir 2 ekki. Þar af var hlutur uppá 23.000 sem
hafði kostað í sumar 15.000 en, nei, engin afsl. núna (svo ég keypti hann að sjálfsögðu
ekki heldur). Sá hlutur hefur sem sagt hækkað um 53% og enginn afsl. á útsölunni!
Þess ber kannski líka að geta að ég ætlaði að versla þarna fyrir u.þ.b. 60-70 þús. en fór
út með vörur f. tæp 7 þús. Þannig að ég eyddi bara 10% af upphæðinni sem IKEA hefði getað
fengið ef þeir höguðu sér eins og manneskjur.
Svo var nær ekkert starfsfólk þarna. Tók mikinn tíma að finna einhvern strák sem var að
vinna þarna og hann gat ekki svarað neinu því hann "var bara í þessari deild í dag". Ég
bað um yfirmann til að útskýra málið, en, nei, enginn yfir deildinni að vinna. Það var
ekki hægt að fá að tala við NEINN til að spyrja um skýringar á þessu.
Tek það fram að ég er auðvitað byrjuð að leita að skrifstofustól annars staðar.
Ingibjörg Karlsdóttir.

#1790   Í Húsasmiðjunni fæst þessi litli, sæti plasttappi (á stærð við skyrtutölu) sem mun ætlaður til að hylja skrúfugat framan á blöndunartæki !!!
Þórður Árnason

#1789    Var búið að nefna rúðupiss á síðunni? Europris: 4 ltr 396, 100% hækkun á 6 mánuðum, en bíddu bara ! Olís Norðlingaholti í gær (annan jóladag) 2,5 ltr á 795, þetta var of  mikið fyrir mig, ég hætti við.
Garðar

(26.12.08):

#1788    Mig langar til að vekja athygli á gríðarlegum verðmuni á blekhylkjum í Canon prentara. Ég á Canon Pixma IP 4000 prentara og hef jafnan keypt blekhylki í hann hjá Tölvulistanum þar sem þeir voru ávallt ódýrastir eftir því sem ég hafði reynt.
Þegar ég keypti litahylki í prentarann hjá Tölvulistanum 1. október sl. þá kostaði það kr. 1.490.  Þann 20. desember sl. þurfti ég að kaupa litahylki (Cyan) í prentarann og fór ég þá í Tölvulistann í Hæðarsmára í Kópavogi og kostaði hylkið þá kr. 2.490.  Ég hváði við en afgreiðslumaðurinn sagði að allt prentarablek hefði hækkað gríðarlega.  Ég átti síðan leið í ELKO í Skeifunni  þann 23. desember sl. og kíkti þá á verðið á  samskonar bleki í prentarann minn. Viti menn, CYAN blekið þar kostaði aðeins kr. 1.395.  Ég keypti því þar 5 hylki sem þarf í prentarann minn.  Ég get ekki séð að hægt sé að rökstyðja slíka hækkun hjá Tölvulistanum og hvet því alla sem þurfa að kaupa samskonar blek að versla frekar við ELKO eða aðra sem hafa blekið á lægra verði á meðan Tölvulistinn breytir ekki verðlagningu sinni. 
Sverrir

#1787    Ég ætla að byrja á því að lýsa yfir óánægju minni og ofur-gremju með viðskipti mín við Icelandair. Þeir voru svo elskulegir að selja mér flugmiða frá Bretlandi til Íslands og aftur til baka á litlar 58.340 íslenskar nýkrónur. Það var vissulega hressandi að borga nærri sextíu þúsund krónur fyrir miðann en svosum ekkert sem ég mæli með. Þegar komið var inní vélina mátti berja augum framtíðarlega afþreyjingar skjái fyrir hvern farþega, en þegar betur var að gáð voru þeir einungis þar til að sjúga aðeins fleiri krónur útúr hinum fátæka farþega. Þú getur hlustað á tónlist eða horft á kvikmynd, borgar reyndar 400 krónur fyrir heyrnartól, þú getur farið í Tetris, borgar reyndar 2000 krónur fyrir stýripinna. Ef þú vilt leggja þig og halda hita á þér, getur þú keypt rafmagnað flísteppi og uppblásinn plastpúða á 800 krónur. Þvílík þægindi! Svo er ekki boðið uppá mat í vélunum, en þú getur keypt þér t.d. langloku á 600 króunur og 330 ml bjór á 500 krónur. Frábært! Ég hefði semsagt auðveldlega getað bætt 4300 krónum (7%) ofan á hinn fokdýra miða með því að nýta mér þjónustuna um borð. Svo var 45 mínútna seinkun á brottför eftir að komið var um borð og ég svo heppin að vera með tvær litlar óþolinmóðar manneskjur í sætunum fyrir aftan mig, sem mundu eftir því að sparka í stólinn minn og gefa frá sér óp með reglulegu millibili svona til að hressa upp á stemninguna. (Ekkert við börnin að sakast). Ef boðið hefði verið uppá (boðið uppá eins og í "ókeypis") t.d. barnaefni og nasl fyrir hina ungu Íslendinga, hefði mátt minnka gremju mína. En ekki eins og maður hafi mikið val – Iceland Express eru ekki mikið ódýrari síðast þegar ég athugaði. Húrra fyrir samkeppni! Var ekki örugglega búið að borga Hannesi Smára allar starfslokagreiðslur? 
Svo er annað sem mig langar að röfla yfir, svona almennt – Hvað er verið að þvælast með hann Gunnar I. Birgisson í stjórn LÍN? Hefur hann einhvern skilning á "neyð" námsmanna? Mér heyrist ekki, námsmenn eru víst bara "óþolinmóðir" í hans huga. Má hann ekki missa sig í þessari nefnd - hefur hann ekki nóg annað að gera? Það er fullt af fólki atvinnulaust, hann er búinn að vera oddviti sjálfstæðismanna í Kópavogi frá 1990, formaður bæjarráðs Kópavogs frá 1990, formaður stjórnar LÍN frá 1991, bæjarstjóri Kópavogs frá 2005…. 
Sara
(Nb. Jú, Hannes ku hafa fengið einhvern smáaur þegar hann hætti og Gunnar er náttúrlega ómissandi við öll tækifæri.)

#1786   Ég keypti myndavél stafræna í BT 11.01.2008, ágæta myndavél. Nú er hún biluð, annað hvort hleðslutækið, batteríið eða myndavélin sjálf. Fór í BT í gær áður en ábyrgðin dettur út. Viti menn, mér er tjáð að ég hafi keypt þetta fyrir HRUN BT, kominn nýr eigandi (Jón Ásgeir) og þeir beri enga ábyrgð á tækjum og tólum sem keypt voru fyrir eigandaskipti. Hvernig getur þetta staðist? 
Oddný

#1785    Ég var að skoða spil fyrir jólin - keypti Scrabble og Partý spilið í BT á viðráðanlegu verði. Ég sá hins vegar Partý extreme spilið í Debenhams á kr. 7100 og fannst frekar dýrt - hef alltaf talið að Debenhams væri með sanngjörn verð. Í næstu búð við - Pennanum/Eymundsson sem ég hef alltaf álitið okurbúllu kostaði sama spil kr. 5600. Í Hagkaupum kostaði þetta sama spil einungis kr. 4600. Það sem sló öllu út er búðin sem ég taldi að ætti að vera ódýr leikfangaverslun - Toys r us - en þeir voru að auglýsa 25% afslátt sem mér fannst snilld. Þar var þetta sama spil á kr. 10.990. Ég hefði sem sagt getað fengið 2 spil í Hagkaup fyrir þetta verð! Allar aðrar vörur voru líka miklu dýrari - þannig þrátt fyrir að reikna 25% afslátt þá var enn ódýrara í Hagkaup þar sem enginn afsláttur var. Þetta gersamlega sló öllu við og auðsýnilega fleiri búnir að átta sig á þessu þar sem að þrátt fyrir 25% afslátt þá var ekkert að gera í búðinni!
Anna

#1784    Vinn í ráðuneyti og fékk eina rauðvín og eina hvítvín í jólagjöf. Fór í gær ÁTVR og skilaði en þá upphófst mikið vesen. Starfsmaðurinn þurfti að finna út "gamla verðið" og taka af mér flöskurnar á Því verði en ég þurfti að kaupa á verði dagsins. Er þetta hægt? Þetta er skv skipun fjármálaráuneytisins til ÁTVR, starfsmennirnir kunna þeim litlar þakkir. Vona bara að ég fái eðal-timburmenn af þessu koníaki sem ég keypti dýrum dómum.
Kristján

(23.12.08):

#1783    Langaði bara að benda á meistarana í Laugarásvideo, sem enn rukka 500 krónur fyrir leigu á mynd og verðið hefur ekki breyst í mörg ár hjá þeim.
Talsvert ódýrara en hjá meðal annars Bónusvideo eða á Skjánum.
Birta

#1782    Ég má til með að benda á þá staðreynd að það þarf ALLTAF skoða hilluverð þ.e auglýst verð og bera svo saman við verð á kassa. Ég var að versla í Nettó á Akureyri súkkulaðibitakex sem er ekki með sykri heldur ávaxtasykri og ætlað fyrir sykursjúka. Einn kexpakki á hilluverði 229kr. Ok ég ákvað að skella mér á þetta og keypti nokkra pakka, en viti menn á kassanum kostaði pakkinn 313. kr það gerir 84kr mismunur á hillu og kassa…84kr væri í raun fínt verð fyrir einn kexpakka en ekki 313. og þar að auki þegar ég benti á mismuninn þá þurfti ég að fara á annan kassa til að fá leiðrétt…sem ég að sjálfsögðu gerði.
Akureyringur

#1781    Alveg er ótrúlegt hvað sumir reyna að okra á viðskiftavinum sínum. Aðgangur að Bláa lóninu var 1800 krónur síðasta vetur, (fram í  Júní, en þá hækkaði hann í 2400, sumargjald !).  En núna, frá fyrsta Okt. kostar 2800 krónur (vetrargjald)  að dýfa tánum í dýrðina, þetta er hækkun uppá 50 - 60 % .  Ekki er gefinn neinn afsláttur, þótt að framkvæmdir hafi staðið yfir í lóninu, gestum til óþæginda.
Þá er kaffiterían alveg sér á báti.  Kaffi (í pappamáli), súkkulaðibita kaka og hálf flatkaka með hangikjöti kostaði mig 1450 
krónur !! Engin furða að maður sjái afar sjaldan íslendinga í lóninu.
Kaffið í Select hefur hækkað um Ca. 30 - 35 %, þótt þú borgir ennþá sömu upphæð fyrir sopann, 164 kr. En þeir eru lúmskir, og reyna að plata fólk.
Nýverið minnkuðu kaffiskammtarnir úr vélunum, úr 2,35 dl. í 1,6 dl. Þeir halda samt áfram að sýna mynd af sneisafullu máli, en afgreiða ekki fullt.
Ég kvartaði undan þessu í sumar, og þá breyttu þeir þessu, og komu líka með ný mál, sem gefa ekki upp magn (sem á að vera samkv. lögum, trúi ég.  En þeir klikkuðu á lokunum, þar sterndur 8 OZ. sem er uþb. 2,36 dl., en skammturinn er aðeins 5,35 OZ. Semsagt:  Svindl og okur.
P.S. Ég held að kaffið kosti ennþá aðeins 50 krónur í Skalla við Vesturlandsveg, og þar er kaffið afgreitt í könnum, og þú færð fría ábót.
Börkur Hrólfsson
(+ Nú í dag er aðgangseyririnn að Bláa lóninu kominn í 3400 !!.  Úr 1800 
í mai, í 3400 í dag, næstum 90% hækkun á sjö mánuðum !!
Börkur Hrólfsson)

#1780    Ég var að koma úr Kaupþingi í Árbænum þar sem ég ætlaði að nýta mér að kaupa gjafakort handa þremur börnum fyrir 2ooo krónur á hvert kort. Mjög sniðugt, ég beið í tuttugu mínútur eftir afgreiðslu, svo kom röðin loksins að mér og afgreiðslukonan fer að ná í 3 kort og skrifar 2000 á hvert spjald undir kortið.  Svo spyr hún hvort ég sé í viðskiptum við bankann. Ég sagði að svo væri ekki og þá breyttist nú allt saman, ég skyldi gjöra svo vel að borga aukalega 450 krónur fyrir hvert kort aukalega, semsagt 1350 krónur kostaði það mig að kaupa þessi blessuðu kort.  Ég sagðist bara myndi finna einhvern sem væri í viðskiptum við bankann til að kaupa fyrir mig kortin.  Auðvitað ætla ég ekki að gera það því ég skipti við svona peningaplokkara.  Það sem hefði átt að kosta mig 6000 krónur hefði þá orðið 7350 krónur.
Það kemur hvergi fram í auglýsingum sem ég hef séð þar sem fólk þarf að vera viðskiptavinur bankans til að geta keypt þessi kort sem eru í boði án aukagjalds sem er 450 krónur.
Valgerður Vigdís Þráinsdóttir. 

#1779    Ég er einn af þeim sem framkalla ennþá myndir og geri mikið af því. Ég er vanur að fara með myndirnar til Hans Petersen en um daginn rakst konan mín á fyrirtækið Ljósprent á Garðatorgi Garðabæ. Þar var tilboð 29 kr. myndin þ.e.a.s. 200 eða fleiri. Hún ákvað að prófa og var mjög ánægð með myndirnar þó að þjónustan væri ekkert til að hrópa húrra fyrir. Svo núna fyrir jólin fór ég aftur og lét framkalla nýjan búnka og lenti þá í því að bæði stóðst ekki tíminn sem þetta átti að taka og svo týndust myndirnar og eftir nokkrar ferðir í Garðabæinn (ekkert í leiðinni fyrir mig) fékk ég myndirnar. Ég ákvað svo að fá 5 af þessum myndum framkallaðar aftur og fór því af stað aftur. 
Spurt var hvort hægt væri að framkalla fyrir jól og því var svarað játandi og hægt væri að sækja myndirnar eftir kl 17. Eftir kl. 17 er ég mættur þarna og þá er ekki byrjað að vinna þetta en það var gert á meðan ég beið. Þegar svo kom að því að gera upp brá mér heldur betur í brún því framköllunin kostaði 1000 kr. fyrir 5 myndir! Þegar ég kváði og sagðist finnast þetta ansi dýrt þá var hreytt í mig að þetta ætti með réttu að vera 1500 kr. í þessu árferði! Mér finnst bara lágmark að láta mann vita ef eitthvað lágmarksverð er í gildi áður en framkallað er svo maður geti snúið sér eitthvað annað. Konan mín hringdi og vildi fá útskýringar á þessu himinháa verði, var mjög kurteis en fékk ekkert nema dónaskap og komment eins og  „vertu bara ekkert að koma hérna aftur“  „hafðu bara þína skoðun á því og vertu blessuð“ og svo var skellt á! :Þ Já það er alveg kristaltært að það verður ekki farið þarna aftur – getur maður nokkuð annað en vorkennt svona fólki? Allavega ljóst að jólaandinn hefur ekki gripið það. 
Jón Ólafur Halldórsson

#1778    Mig langar að segja ykkur frá leið minni í Húsasmiðjuna. Ég fór þangað einn daginn og sá þar flottann útigalla á son minn,góður galli á 3990 kr. Ákvað að kaupa gallann 4 dögum seinna og fór þá aftur í Húsasmiðjuna,og á þessum 4 dögum var gallinn búinn að hækka í 8999 kr.... ég gekk út og tók ekki þátt í þessu rugli.
Margrét 

#1777    Vildi koma því á framfæri okrinu í Hagkaup Lítill blár Robot kall kosta 2499 í Hagkaup í Smáralind,en klukkustund síðar kostar hann 3999 kr í Hagkaup Skeifunni. Tomy nætur ljós barna er verð merkt 1389 kr á hillumiða í Hagkaup í Smáralind, en kostar klst síðar 3999 kr í Hagkaup í Skeifunni. 
Ef þetta er ekki okur, Hvað er þá OKUR?
Eygló Guðmundsdóttir 

#1776    Tekið af visir.is:
Jólabjórinn hefur hækkað um allt að helming
Samkvæmt könnun Neytendasamtakanna hefur jólabjórinn í ár hækkað um allt að helming frá því í desember í fyrra. Hér er átt við Viking í gleri 33 cl. út úr verslun hjá ATVR.
Viking kostaði 174 kr. flaskan í fyrra en kostar nú 260 kr. sem er 49% hækkun.
Sá bjór sem hefur hækkað minnst er Royal Xmas i dós en hann fór úr 169 kr. í fyrra og upp í 208 kr. núna. Royal Xmas er Þó sterkari en Viking eða 5,6% á móti 5,2%.
Sá bjór sem hefur hækkað næstmest samkvæmt fyrrgreindri könnun er Egils Malt í gleri sem hækkaði um 42% milli áranna.
Neytendasamtökin greina frá þessu á heimasíðu sinni og taka fram að ekki sé um tæmandi könnun að ræða.
Íslensku bjórarnir hafa hækkað hvað mest!
Einar Ómar

#1775    Mig langað að benda á Ótrúlega þjónustu sem við hjónin fengum hjá Skíðaþjónustunni á Akureyri um helgina sem leið, Þann 20 des sennilega kl 5
Okkur langaði að gefa syni okkar hjól um jólin og vorum á Akureyri í helgarferð. Stúlka í afgreiðslunni á Hótel Kea mælti með skíðaþjónustunni, og af stað við fórum.
Það tók ungur strákur á móti okkur og sagðist nær eingöngu selja sleða eða skíðavörur og því væri kærkomin tilbreyting að reyna að selja hjól.
Fyrst sýndi hann okkur nokkur hjól sem héngu innar,  bæði notuð og ný, en hafði engin verð á þau. Hann bara vissi að það væru NÝ verð á þeim öllum.  Það var það eina sem hann var viss um.
Svo sýndi hann mér nokkur hjól fram í búð en þau voru verðmerkt. Ég bað hann að finna fyrir mig eitt 24" hjól helst á góðu verði.  En þá byrjaði hann aftur, ég þekki ekki 24" hjól en bað mig að finna það fyrir sig. en klykkti  svo út að lokum að verðin á hjólunum væru ekki rétt sko. Það væri sko allt að hækka, hann tók eitt dæmi um hjól sem var verðmerkt ca38.000 kr en sagði að þetta hjól færi aldrei undir 60.000 + Mér gekk illa að skilja þetta því ekki var um nýjar sendingar að ræða enda sagði sölumaður að hjól seldust ekki Á þessum tímum.
Verslunin var sneisafull af hjólum að því er virtist vera frá síðasta sumri og jafnvel notuðum hjólum. Samt vorum við fullvissuð um að öll hjól hefðu hækkað verulega í verði.
Einu hlutirnir sem ég ályktaði af þessari heimsókn er að það virðist vera hækkað eftir gengi krónunar án tillits til þess hvort hækkunar var þörf. Verðmerkingar í verslun voru einskis verðar þar sem allar vörur (hjól) áttu eftir að hækka  Þrátt fyrir að um gamlar birgðir og notuð hjól væri að ræða. 
Þetta eru þeir sem nýta sér kreppuna til að taka kúnnann í óæðri endann og okra.
Ég man það næst þegar ég á leið um Akureyri að forðast að kíkja inn í Skíðaþjónustuna á Akureyri
Að lokum þá áttum við þarna frábæra helgi og versluðum vel fyrir jólin hjá góðum fyrirtækjum sem buðu upp á góða þjónustu og þolanlegt verðlag
Hugi

#1774    Ég lagði leið mína í Lífland á föstudaginn var til að kaupa smá jólagjöf handa heimasætunni. Ég sá voða hentugan bleikan burstakassa með bleikum burstum, ofsalega heppilegt og vinsælt þegar maður er þriggja ára. En hvað um það, ég skoðaði þetta vel og vandlega, og fannst heldur mikið að reiða fram 3.990.- krónur fyrir herlegheitin og fór því út. Næst lá leið mín í Hestar og menn í Ögurhvarfi, og viti menn, þar var til samskonar kassi og í Líflandi, nema í Hestar og menn kostaði hann 2.750.- alveg sami kassi, alveg sama innihald!!! Það þarf nú varla að taka það fram að bleiki burstakassinn úr Hestar og menn fór með heim og bíður nú eftir að jólapappírinn verði rifinn utan af sér á aðfangadag.
Kristrún Lísa
-----
Okur #1604 - 1773 eru hérrrrrrrrrrrrrrrrrrrrnaa.

Veistu um svakalegt okur? Láttu vita!