#1059    Ég er ein þeirra sem þarf að greiða skattinum fúlgu fjár næstu mánuðina. Eitthvað sem engin leið er að komast undan, ja nema þá kannski með því að skjóta sig. Ég fór til tollstjóra áðan til að semja um greiðsluna þar sem ég sá ekki fram á að geta borgað þær upphæðir sem áætlað var á mig fram til áramóta. Það var í sjálfu sér lítið mál - hinsvegar þarf ég að greiða 26,5% vexti af öllum herlegheitunum! Um mánaðarmótin verður dregið af launum mínum umsamin upphæð en 1.sept. næstkomandi mun reiknast 26,5% vextir af mismuninum fyrir ágústmánuð, á ársbasis og svo koll af kolli. Þessir vextir eru þeir allra hæstu á landinu þó víða væri leitað. Þeir eru fáránlega háir að mínu mati.
Líkt og margir aðrir á ég einnig von á rukkun frá LÍN á næstu vikum og ég ákvað því að athuga hvort það væri möguleiki að fá undanþágu frá september greiðslunni svona í ljósi þessa alls. Niðurstaðan: Maður þarf eiginlega að láta saga af sér útlim til að fá undanþágu hjá LÍN.
Ég vona að ómagar og ónytjungar þessa lands muni njóta launanna minna næstu mánuði því ég mun svo sannarlega ekki gera það. 
Brynja
(ATH: Ég rak augun í færslu 1059, og ég vildi bara benda á að það er möguleiki fyrir þá sem að eru í skuld við LÍN og telja sig ekki hafa fjárhagslegt bolmagn til að borga LÍN geta kært synjun á undanþágu til borgunar til stjórnar LÍN. Þessi aðili gæti vísað í þessi lög 
10. gr.
Námsmaður sem hefur haft svo lágar tekjur á fyrra ári að honum reiknast ekki viðbótargreiðsla og fjárhagur hans hefur ekki batnað á endurgreiðsluárinu, getur sótt um undanþágu frá fastri ársgreiðslu ef lánshæft nám, atvinnuleysi, veikindi, þungun, umönnun barna eða aðrar sambærilegar ástæður valda þessum örðugleikum hjá lánþega eða fjölskyldu hans. Skal hann þá leggja fyrir sjóðstjórn upplýsingar um eignir sínar, lífeyri og annað það sem stjórnin telur máli skipta. Stjórninni er þá heimilt að veita undanþágu að hluta eða öllu leyti eftir atvikum. Sjóðstjórn setur nánari almennar reglur um framkvæmd þessa heimildarákvæðis.
Þessi aðili ætti að setja sig í samband við einhvern hjá stúdentaráði HÍ, Pétur Markan að mig minnir og fá hjá honum leiðbeiningar um hvað hann á að gera. Einnig eru þau hjá SÍNE mjög hjálpsöm þegar kemur að svona málum.)

#1058    Get ekki orða bundist. Lét skoða bílinn minn í byrjun júlí hjá Frumherja á Höfn. Var mér bent á við skoðun eftirlitsmanns að gat væri á púströrinu og þurrkublöð orðin lúin. Kostaði þessi skoðunar aðgerð rúmlega sjö þúsund krónur, sem var greitt á staðnum. Keyrði ég út með grænan miða og frest út júlímánuð til að lagfæra. Allt í lagi með það! Lét síðan lagfæra það sem að var fundið. Við endurskoðun hjá Aðalskoðun í Hafnarfirði þurfti ég enn að greiða kr. 2800 til viðbótar! Kannski ekki há upphæð, en það tók skoðunarmanninn minna en 3 mínútur að setja bílinn í gang og hlusta og síðan að líma nýjan miða á númeraplöturnar. Bara spyr. Hverning í ósköpunum er hægt að innheimta slíka upphæð fyrir nákvæmlega ekki neitt!
Hélt í einfeldi minni að þetta væri frítt og greitt með fyrsta skoðunargjaldinu. Mitt álit. Algjört okurfyrirtæki með lögverndaða greiðsluþvingun, þar sem klippt yrði af bifreiðinni, ef ég hefði neitað að greiða þetta uppsetta okurverð!
Alfreð Guðmundsson

#1057    Við hjónaleysin vorum að fara að elda uppáhaldsréttinn okkar og 
gleymdum að kaupa Cashew hneturnar sem eru alveg ómissandi. Þar sem 
við uppgötvuðum það eftir lokun Bónus skrölti bóndinn í Hagkaup og 
keypti 150gr poka af hnetunum góðu á kr. 401 og blæddi mjög að borga 
þessa upphæð fyrir hnetur. Daginn eftir skrapp ég í Bónus, fann 
nákvæmlega sömu hneturnar frá sama framleiðanda á kr. 259 - eða 54,8% 
lægra takk fyrir!! Fengum þarna ágætis áminningu af hverju við 
verslum aldrei í Hagkaup.
Sigurlaug

#1056    Ég held að Hótel Valhöll eigi heimsmetið í okri, að minnsta kosti Íslandsmet. Við fórum þarna, ég, konan og mamma gamla, og okkur svimaði svo þegar við sáum verðlagið að það lá við að við dyttum í vatnið þegar við fórum út. Ég man eftir súpudiski á 1250 kr. stk. og vöfflu á 990 kr. Það hefði kostað okkur þrjú tæplega sjö þúsund kall að fá okkur vöfflur og súpu. Við fórum nú bara í Þjónustumiðstöðina og fengum okkur samlokur.
Orri

#1055    Rakst á þetta á femin.is. Þessir segulskartgripir eru líka til sölu í útlöndum á mest 5 evrur.  Kosta 4.900 á femin.is 

(Sett inn 31.07.08):

#1054    Ég ætlaði að kaupa batterí í Húsasmiðjunni um daginn AA Duracell
þar sem þau kostuðu 695 krónur. En þá var eitthvað vesen á
viðskiptavini sem var á undan mér svo ég nennti ekki að bíða
endalaust og var frekar pirraður því þetta er eini kassinn í búðinni
og fór út. Jæja það var ekki til í N1 svo ég ákvað að fara bara
í vélsmiðju hérna í bænum sem er þekkt fyrir að vera dýr. Ég
fékk 4stk AA Duracell á 395kr 43.2% munur. Svo tók ég eftir að Coca
Cola 1/2 líter er á 150kr þar en 175 kr í N1. Þetta er bara algjört
bull. Hvað er að kaupmönnum í dag? Húsasmiðjan er allaveg að flippa
út miðað við fleiri greinar hérna á þessari síðu. 
Já svo er annað, ég keypti Peltor heyrarskjól með útvarpi
bara venjulegt í húsasmiðjunni á útsölu 13990 en svo sagði félagi
minn að það kostaði 6990 í Dynjanda en það nýja á markaðinum
13990 með tengi fyrir ipod. Ég gat ekki skilað heyrnarskjólinu því
þau voru á útsölu og líka að ég var búinn að merkja þau. Þetta
er svívirðilegt okur það ætti að híða svona fólk. Jón Sigurðsson
forseti fengi magasár yfir okri eins og þessu.
ÓAF

#1053    Mér langaði að vekja athygli á því að allir bankarnir bjóða þeim sem eru 60 ára og eldri verðtryggða reikninga á góðum vöxtum sem eru ekki bundir.  Ef maður er hins vegar á aldrinum 19-59 þá á maður ekki sjéns á verðtryggðum reikningum nema að hafa þá bundna í langan tíma.
ÁG

#1052    Fór á bensínstöð N1 við Reykjavíkurveg í Hafnarfirði um daginn, þar sem mig vantaði 10 amp. öryggi í billinn minn. Á Reykjavíkurveginum kostaði stykkið 90 kr. Í verslun N1 við Dalshraun 17, sem er í nokkur hundruð metra fjarlægð, kostar sama öryggi 25 kr. stykkið. 
Þröstur Sverriss.
(nb. Gamall lager?)

#1051    Það er mér ævinlega jafn mikil ánægja að greina frá sjálftöku Íslandspósts á "þjónustugjöldum".
Fyrr í þessum mánuði gerði ég pöntun á Amazon.co.uk á bókum. Virðisaukaskattur á bókum er 7% og heildarverðmæti pöntunar með sendingarkostnaði var: 

Item(s) Subtotal: £39.04 
Postage & Packing: £9.93 
Grand Total: £48.97 

Ef ég greiddi eingöngu virðisaukaskatt af verðmæti vöru s.s. 39.04 GBP, við værum hluti af Evrópusambandinu og VSK væri því greiddur í upprunalandi (Bretlandi) þá hefði ég ekki þurft að greiða nema brot af því sem síðar varð.

Íslandspóstur er nefnilega eina fyrirtæki landsins sem lætur neytendur greiða sér sérstakt þjónustgjald ofan á almenna verðskrá vegna þjónustu sem fyrirtækið innir af hendi fyrir ríkið s.s. innheimtu virðisaukaskatts (full póstburðargjöld eru auk þess greidd).
Þessi sjálftaka Íslandspósts fer fram á grundvelli alþjóðasamninga og vitnar fyrirtæki til reglna sem í gildi eru t.d. í Noregi. Í bæði Noregi og Bretlandi er hins vegar lágmarksverðmæti skilgreint áður en til gjaldtöku kemur. Þannig er miðað við að ekki séu greidd nein gjöld ef verðmæti er innan við 2-3 þúsund krónur enda er þessi gjaldtaka mjög súr ef verðmæti vöru er lítið eins og ég sýni með dæmi hér síðar.

Það sem er furðulegt við þetta, er að Íslandspóstur mismunar vörum. Þannig er hingað flutt ókjör af efni sem ekki er innheimt vsk af. Erlend tímarit, blöð ofl. sem allt ber sama vsk og bækur. Líklega er það vegna þess að þeim þykir líklegt að ef þeir myndu reyna að rukka þjónustugjöld fyrir hvert tímarit yrði þessum reglum breytt.

En snúum okkur að mínu dæmi. Heildarverðmæti - FOB 7936,57 - FOB gengi GBP er því 203,30 krónur og krónurnar mínar enn minna virði en ég hélt. Af þessu greiði ég 7% VSK 556 krónur. 
Svo hefði ég mátt búast við því að greiða Íslandspósti 450 krónur fyrir að sjá um innheimtu á VSK fyrir ríkið.
Vegna þess að Amazon ákvað að senda þetta í tveimur hlutum - svona til þess að ég þyrfti ekki að bíða of lengi - þá greiddi ég hins vegar 900 krónur til Íslandspósts og afhending er samt sem áður á sama degi.

Skoðum nú aðeins hvað þetta þýðir.

Kaupverð með flutningskostnaði: 7936 krónur
Kaupverð með VSK ef við værum í ESB: 7936 krónur (því í Bretlandi er ekki VSK á bókum)
Kaupverð ef ég hefði fengið þetta í einum pakka: 8942 eins og ég hafði gert ráð fyrir
Kaupverð með okri Íslandspósts: 9392

Verðmunur utan og innan ESB - 1456 krónur!

Ég hef raunar aldrei áttað mig á því afhverju ég er látin greiða þetta "Tollmeðferðargjald". Ég þarf t.d. ekki að greiða sérstakt gjald í næstu verslun vegna þess að verið er að innheimta VSK þar. En það er alveg ljóst að á meðan þessar reglur eru svona - þá malar Íslandspóstur gull af smásendingum til Íslendinga og raunar er hvati fyrirtækisins mjög sterkur til þess að gera sem mest af því að telja sendingar tollskyldar. Það er raunar hlægilegt að ef bók kostar 1000 krónur, fær íslenska ríkið (við) 70 krónur en Íslandspóstur 450 krónur. Jafnframt eru þeir duglegir við að opna gjafasendingar og þá er ævinlega farið fram á reikninga - sem oftast fylgja ekki gjöfum. Það er raunar sorglegt að þurfa stöðugt að segja vinum erlendis að gera mér ekki þann bjarnargreiða að senda mér gjafir. Slíkt kosti mig bara erfiði, tíma og leiðindi.
Sigmundur Halldórsson
(ATH: Fyrir utan þetta óheyrilega "þjónustugjald"; sem er fáránlega hátt,
þá hef ég oft pirrað mig alveg óskaplega yfir því að maður sé látinn borga toll
OG virðisaukaskatt af PÓSTBURÐARGJALDI (Postage & Packing (UK)/Shipping and Handling (USA)) hjá Íslandspósti. Hvernig í ósköpunum getur póstburðargjald verið toll- og virðisaukaskatt skylt??? Ég bara skil ekki þessa röksemmdafærslu.)

#1050    Svo óheppilega vildi til að ég þurfti að redda einum hlut í klukkubúðinni Tíu ellefu á Hverfisgötunni. Á undan mér var feitlaginn drengur að kaupa sér örbylgju-pizzu og eftir að afgreiðslumaðurinn hafði rennt kortinu í gegn og afhent kúnnanum kvittun staldraði drengurinn aðeins við. "Bíddu, pizzan var sögð kosta 689 kr. í kælinum en ég er að borga 869." Þegar verslunarstjórinn hafði athugað málið kom í ljós að kúnninn hafði rétt fyrir sér. Pizzan var vitlaust verðlögð og munurinn var ekki tíu krónur eða tuttugu heldur tvö hundruð krónur. Þess ber þó að geta að drengurinn fékk tvö hundruð krónurnar tilbaka. En ekki er víst að allir séu jafn athuglir og hann.
Freyr Gigja 

#1049    Ég fór í bankann um daginn til að fá greiðsluþjónustu. Þá kom í ljós að undanfarin 7 ár hefur verið tekin upphæð milli 800-2000 á mánuði af Vísareikningum mínum til að greiða fyrir netfangið "@mmedia.is". Ég bað um netfangð árið 2001 og að afborgun yrði tekin af vísakortinu.Hef hins vegar ekki notað netfangið í um 6 ár og sökum almennrar heimsku, búin að steingleyma þessari átómatísku skuldfærslu. Í byrjun var upphæðin um 2000 kr. á mánuði en var komin í "einungis" 800 kr núna um daginn þegar ég uppgötvaði herlegheitin. Þar sem ég er greinilega Zombie með vísakortið og hafði ekki skoðað gaumgæfilega hverja færslu gegnum tíðina - sem maður ætti svo sannarlega að gera- þá er ég núna nokkrum tugþúsundum króna fátækari og Ogvodafone þeim sömu krónum ríkari.
Droplaug Erlingsdóttir

#1048    Svo sem kvenna er siður, ákvað ég um daginn að prófa nýja hárgreiðslustofu. Ég bý í vesturbænum og í göngufæri við eitt flottasta hótel bæjarins, sem hýsir þessa stofu. Er með stutt hár og vildi tveggja lita strípur og lagfæringu á klippingu. Til að gera langa sögu stutta, enduði þessi ósköp þannig að klippingin var eins og óviti hefði komist í hnakkann á mér og strípurnar mjög lélegar. Ég komst að því að stúlkan sem annaðist mig var nemi á 3ja ári. Ég hringdi og kvartaði, þar sem ég borgaði rúmar kr. 13.000.- fyrir meðferðina, en sú kvörtun bar engan árangur . Nú vildi ég bara vita hvort þetta væri viðtekin venja hjá betri stofum bæjarins að plata inn á mann nemum og rukka fullt fyrir, einhvern tíma var maður spurður hvort nemi mætti annast mann fyrir þá minna verð. Eða þarf maður kannske að taka fram við pöntun að fyrir fullt verð vilji maður fulla þjónustu??
Elísabet

#1047    Við hjónin og 12 ára sonur okkar fórum og skoðuðum Draugasetrið. Mér finnst ég sjaldan eða aldrei hafa verið hafður að eins miklu fífli. Fyrir þetta heimskulega uppátæki mátti ég punga út 7.180 kr – 2 x 2.700 fyrir fullorðna og 1.780 kr. fyrir strákinn.
Jónas Hallgrímsson
(ATH: Mig langar að koma með athugasemd varðandi færslu #1047. Þar bendir Jónas Hallgrímsson á að verð fyrir fullorðna í Draugasetrið sé 2700 kr. og 1780 kr. fyrir börn. Á heimasíðunni er eftirfarandi verð aftur á móti gefið upp:
Aðgangseyrir á Draugasetrið
1.500.- fyrir fullorðna
990.- fyrir 12-16 ára
tekið af http://www.draugasetrid.is/Default.asp?Page=261)
(Nb. Vetrarverðið komið?)

#1046    Fann mig knúinn til að koma með eitt gott dæmi um okur. Þannig er mál með vexti að kúplingin í bílnum þarfnast skiptingar og fór ég þá að litast um eftir góðu verði, byrjaði á að hringja á nokkra staði en þeir áttu ekkert til. Mér var þá bent á að Poulsen gæti verið með gripinn. Allt í góðu, ég hringi og viti menn, þeir eiga glænýja kúplingu, pressu og legu saman í pakka á 13 þúsund krónur...sem verður nú að segjast að er alls ekki mikið. Ákvað að athuga hvað sami pakki myndi kosta hjá Heklu og viti menn, ekki nóg með það að þeir áttu ekki allan pakkann heldur vildu þeir rukka 52 þúsund krónur fyrir! Það er ágætt hjá þeim að smyrja 39 þús ofan á lægsta verð...þekki fleiri dæmi þar sem þeir ofrukka svona svakalega.
Það þarf varla að taka það fram mér dettur ekki í hug að versla við Heklu aftur. Og þakka sömuleiðis starfsmönnum Poulsen fyrir frábæra þjónustu.
Börkur Þór Björgvinsson

#1045    Ég skellti mér í Sambíóinn á Akureyri um daginn í sumarfríinu. myndin sem varð fyrir valinu var the dark knight nýjasta batman myndin.
Ég rak augun í miðaverðið 900kr á miði.is en var ekki svo klár að fjárfesta í miða þar þannig að ég fer á staðinn. Þar stóð fyrir ofan miðasöluna miði kr 1000kr. Jæja ég tapaði 100 kalli þar. 
Svo kemur röðin af mér og ég rétti afgreiðslu stúlkunni kortið og hún hleypur burt og segir 1050? þegar hún kemur til baka spyr ég afhverju það kosti 1050 þegar það stendur að það kosti 1000. Hún gefur mér þá skýringu á að þetta sé álag sem bætist ofan á þar sem þetta var sýning klukkan 23.
Ég varð svo hneykslaður að ég ákvað að skrifa hér inn. Hef tekið eftir að það eru miðnætur sýningar fyrir sunnan á sömu mynd, ætli það sé álag þar líka á miðaverð eða ætli bíóstjórinn fyrir norðan sé að hala inn tekjur fyrir auknum launakostnaði? það er nógu dýrt fyrir og ég efast um að afgreiðslufólkið fái eitthvað hærri laun fyrir. 
Ég hafði það ekki í mér að versla mér popp og kók í hléi, gat ekki ímyndað mér hversu mikið álag yrði á því þegar klukkan var orðinn svona langt gengin yfir miðnætti.
Hilmar Kristjánsson
(ATH: Ég fór í bíó í fyrsta skipti í langan tíma s.l. þriðjudag. Vissi nú alveg að miðaverð hefði hækkað (t.d. vegna lesturs þessarar síðu). Fór í Kringlubíó (á The Dark Knight) kl. 17:00 (virkur dagur, fyrsta sýning) og miðinn kostaði 1.050 kr. (Svo, 2.100 kr. fyrir 2). Á miðanum var ekkert sundurliðað verð eins og sumir hafa sagt frá hér, heldur stóð bara: Verð: 1.050 kr.)

(Sett inn 29.07.08):

#1044    Fór í B. Ormson í dag að sækja fjarstýringu á Pioneer magnara sem mér var sagt að ætti að kosta 7000-10500 kr þegar ég pantaði hana 16.6.08. Þegar ég ætla að taka hana í dag 28.7.08 þá á hún að kosta 21000 kr. Skýringar eru gefnar af afgreiðslumanni gengisbreyting og erlendar hækkanir. Gengið er NOK. Það hefur hækkað ca. 3% á þessum tíma. Ég neitaði að taka hana og bað hann að segja yfirmanni sínum að ég skildi taka hana á kostnaðarverði sem hann sagði vera 11000 kr. Það var hringt í mig síðar í dag og boðið 20 % afsláttur sem yrði þá um 17000 kr. Ég afþakkaði og sagðist ætla að skoða málið til morguns ef reiði mín yrði mér ekki til trafala.
Dagbjartur R. Sveinsson

#1043    Ég bara varð að skrifa þar sem mér blöskraði verðlagið á einum Kellogs K special kassa með berjum. Á mínu heimili er borðað mikið af þessu annars góða morgunmat og kostar kassinn yfirleitt rúmar 500 krónur og ég keypti einmitt einn á föstudaginn var í Hagkaupum sem er nú ekki ódýrasta búðin í bænum, kassinn þar kostaði 515 krónur.  Í dag fór í Krónuna í Hafnarfirði að versla og tók einn kassa af þessu Kornfleksi og setti í körfuna en þá varð mér litið á verðið stóð 798 krónur, ég tók kassann, 100% viss að þetta væri bara rangt verð og rétt verð kæmi í ljós þegar ég færi að borga. Nei, kassinn kostaði 798 krónur, að sjálfsögðu hætti ég snarlega við að versla hann. Mér finnst ansi mikill verðmunur þarna á, Krónan er ekki alltaf ódýrust.
Linda

#1042    Fyrir sumarfríið fór ég með son minn í Útilíf í Smáralindinni til þess að kaupa á hann góða gönguskó fyrir fríið. Gerði alveg ráð fyrir því að eyða slatta af pening í þetta handa 10 ára guttanum. Við förum og skoðum og finnum fína skó á hann. Þar sem þeir voru til sýnis kemur fram að þeir ættu að kosta 9990 kr. Við förum nokkuð sátt á kassann og þegar stúlkan sem var að afgreiða gaf okkur loksins tíma til að afgreiða okkur, var að brjóta saman úlpu á borðinu, þá rukkar hún okkur um 11.990 kr. Ég þóttist viss um að hafa tekið vel eftir og sagði henni að það gæti ekki staðist, án þess að segja orð, labbar hún í burtu til þess örugglega að ath verðið og kemur aftur eftir nokkrar mín og fer eitthvað að fikta við kassann og ég segi þá við hana, passar það ekki að þeir hafi kostað tæpar 10 þús. “Jú, sagði hún og bætti svo við, þetta er alltaf að gerast”. Mér brá ögn við, ekki bara við það að blessuð stúlkan kunni ekki lágmarkskurteisi, veit reyndar ekki af hverju hún var að vinna í þjónustustarfi, heldur þegar hún sagði að þetta væri alltaf að gerast. Hvað ef ég væri nú með margar flíkur og dót, þá man ég ekki alltaf nákvæmlega krónutöluna á hverri flík. Auðvitað geta gerst mistök en eins og þetta kom út í þessi tilfelli þá missti ég dáldið traust. Veit ekki hvort mig langi að versla þarna aftur, verð samt að koma því að að strákukrinn sem afgreiddi okkur í skódeildinni, veitti framúrskarndi þjónustu.
Guðrún Helga

#1041    Mig langar að benda á að nýjuasti diskurinn af "Pottþétt 47" kostar 1.999 í
Hagkaupum en 2.677 í Skífunni eða rétt rúmlega 26% munur. 
Þegar ég spurði út í verðmunin hjá starfsmanni Skífunar komu undarlegar
útskýringar til og ein af þeim var að Hagkaup tæki ekki við skiladiskur.  Þegar
ég ræddi nánar við viðkomandi starfsmann og benti vinsamlega á að rök hans
stæðust ekki þá reif hann bara kjaft að sagði að ég gæti bara farið í Hagkaup
og keypt diskinn þar, honum væri sko alveg sama! 
Venjulega læt ég margt yfir mig ganga en ákvað að benda á þennan mismunu
þ.s.viðbrögð viðkomandi starfsmanna og röksemdarfærsla var alveg út úr öllu
korti sem og verðmunurinn!
Elísabet

#1040    56 stykkja pakki af Pampers Midi Active Fit númer 3 kosta 1410 kr. í Bónus í Mosó en 1199 kr. í Krónunni í sama bæ...
Karlkynsáhugamaður um bleyjuskiptingar
(ATH: Í Samkaup Strax á Þórshöfn kostar 56 stk. pakki 2.195!! Geri aðrir "betur"! Lauslega reiknað, miðað við að barn noti 6 bleyjur á dag þá kostar það tæpar 90.000 á ári að vera með bleyjubarn. Það greinilega margborgar sig að fara að taka upp gömlu góðu taubleyjurnar aftur, það er líka umhverfisvænna:)
Bleyjumamma)

#1039    Í góða veðrinu í síðust viku ákvað ég fá mér ís hjá Ruby tuesday.  Hann er góður þar. Svona ís-shake einhvern veginn.  Minnti að hann væri dýr, þess vegna fær maður sér ekki alltaf ís hjá Ruby.  Minnti að hann væri um 400 kall.
Panta 2.  "1.780krónur"  Ert'ekki að grínast!?  "Nei, við erum með svona spes ís" var svarið!  890,-kr. stykkið!!!!!  Þetta var svona eins og miðstærð af shake í venjulegum ísbúðum.  Þar sem hún var búin að búa hann til (greinilega alveg frá grunni á 10mínútum) þá hættum við ekki við!  Ég skammast mín fyrir að hafa tekið þessu hljóðalaust.  Ég át ísinn með mesta móral í heimi! Bara passið ykkur á þessum.
Ingileif

#1038    Ákváðum að taka sunnudaginn snemma og skelltum okkur í Keiluhöllina í Öskjuhlíðinni.  Höfðum farið áður á þessum tíma (uppúr opnun á sunnudegi) og það var nóg að gera. Tókum strax eftir því að það var einn bíll á bílastæðinu. *skrítið*  En jæja, drifum okkur inn.  Pöntuðum braut fyrir 4 og þá var okkur bent á nýtt fyrirkomulag.  Nú þarf maður að borga eftir tíma, en ekki eftir fjölda leikja.  Núnú,... allt í lagi.  Ætluðum að taka 55 mín og fyrir 4.  "4.200krónur".   Ha?  Nei,... ert'ekki að grínast?  Stóð á blaðinu 2.400,- (tók illa eftir - sé núna á verðlistanum að það hefði átt að vera 3.400,-kr.) fyrir kl. 17:00.  En þar sem kveikt var á Diskóljósunum þá kostaði þetta tvöfalt.  Diskókeila!!!  Klukkan 11:00 á sunnudagsmorgni!!!???  Þar sem við vorum með börn, sem voru orðin spennt að fara í keilu, þá ákváðum við að taka 25mín og bara fyrir 2 börn - í stað þess að hætta við. 

Niðurstaðan er sú:
1 keilu-leikur fyrir 3 í maí (í rólegheitum - 1 klukkutími ca.) kostaði okkur 2.000,-kr.  (2 fullorðnir + 1 barn)
1 keilu-leikur fyrir 2 í júlí  (ekki í rólegheitum - 25 mínútur)  kostaði 2.100,-kr.   (2 börn)

Núna sé ég blessuðu verðskránna á netinu:
Verðskrá: 
Dagverð virka daga til kl: 17:00: 1/2 Tími 1.200kr. 1. Tími 2.400kr. 2 Tímar 4.800kr 
Kvöld og helgarverð: 1/2 Tími 2.100kr. 1. Tími 3.400kr. 2 Tímar 6.800kr 
Diskó keila 1/2 Tími 2.100kr. 1. Tími 4.200kr. 2 Tímar 8.400kr 

Diskókeila er á:
Miðvikudögum    20:00-24:00
Föstudögum      20:00-02:00
Laugardögum   11:00-15:00 og 20:00-02:00
Sunnudögum    11:00-15:00

Vil benda fólki á þetta!
Ingileif.

#1037    Fór í 10-11 núna í dag að versla mer fanta 1/2L og brá heldur í brún þegar
ég var búinn að borga flaskan kostaði 195kr ekki nóg með það þa stóð 185kr
á hilluni síðan fór ég í europris þa var sama flaska 109kr veit að 10-11
er dýrari verslun en að þeir komast með 86kr mun það er bara með ólíkinum.
Hörður Ottó Friðriksson

#1036    Unnusti minn var staddur á akureyri um helgina og ákvað að fá sér miðstærð af
ís í boxi með heitri sósu á N1, heita sósan var ekki til svo hann fékk 2-3 msk
af ídýfu á ísinn í staðinn... Fyrir herlegheitinn borgaði hann 990kr!!!!!!!! Hann sagði ha við
afgreiðslumanninn sem svaraði að þetta væri bara verðið hjá þeim.
1 ltr af ís í boxi er á um 7-900kr og oft fylgja 1-2 sósur með í mörgum
ísbúðum. Og miðstærð með heitri sósu er á milli 340-480.kr í flestum sjoppum svo þetta er all svakalegt okur!
Ónefnd

#1035    Hverfisverslunin í mínu hverfi er 10-11 og versla ég stundum þar en þó ekki oft, bara helst það sem vantar allt í einu. Ég hef þó stundum keypt sallatbox þar. 
Þau voru alltaf í kringum 400 kr.  Fyrir þó nokkru ætlaði ég að kaupas mér svona box en snarhætti við þegar ég sá að verðið var komið upp í 1199 kr. 
Ég skil ekki að nokkur kaupi þetta þegar ennþá er hægt er að fá samskonar box á 419 kr. Í Nóatúni. Það er næstum því 3 fyrir 1. Þetta finnst mér okur 
Ingibjörg Björnsdóttir

(Sett inn 28.07.08):

#1034    Fór til að kaupa DVD mynd handa syninum "Sammi Brunavörður" fór í BT
skeifunni þóttist viss að þar væri ódýrt fann þarf eitt stykki á 2200kr,
fannst þetta ótrúlegadýrt fyrir eitthvað sem er bara ca 40min á lengd. 
Labbaði yfir í ELKO fann þarf 4dvd bundið saman 2xSammi Brunavörður og 2x
Elís Björgunarbátur 2400kr. !!!!
BT er þarna með OKUR!
Nafnlaus

#1033    Litla sem mér brá um daginn þegar ég pantaði mér pizzu á Dominos og vildi auka skinku. Svo fannst mér pizzan svo dýr að ég fór að skoða þetta betur, þá sá ég að auka skinka kostar 495 krónur......!!!!! Ég fæ heilan skinkupakka í Bónus fyrir minna en þetta!
Thelma Hrund Hilmarsdóttir Kralj

#1032    Barnamatur hefur hækkað óeðlilega mikið í Bónus. T.d. í mars kostaði Gerber sveskjumaukskrukka 33 kr í Bónus, í dag kostar sama litla krukkan 69 kr. Sem sagt hækkun um 109% á 5 mánuðum. Einhver hækkun er sennilega eðlileg í ljósi breytinga á gengi o.fl. en 109% hlýtur að vera óeðlilegt.
Þorgerður Þráinsdóttir

#1031    Fór á útsölu hjá Intersport upp á höfða og sáum peysu handa 2 ára dóttur okkar en hún átti að kosta 4999 kr á 30% afslætti þannig að við ákváðum að bíða aðeins, en seinna um daginn áttum við leið framhjá nýju Intersport búðinni í Lindunum og þar var sama peysa á 60% afslætti en samt á 5999. kr  KAPITALISTA SVÍN!!!
Guðmundur Bragason

#1030    Nú er maður alltaf að reyna að borða hollari mat og reynir því að vera að kaupa grænmeti og ávexti. Í flestum tilvikum verslar maður í Bónus þar sem þar er einfaldlega ódýrast. Ég fylgist alltaf með verði, bæði í gegnum tíðina og milli hillu og afgreiðslukassa. Og vil benda fólki á það að í nánast öllum tilvikum er Krónan mun dýrari en Bónus. Skil ekki hvernig þeir geta komið út nánast sama og Bónus í verðkönnunum.
En aftur að grænmetinu þá er það búið að vera síðan í vor, mars/apríl, að mjög margt grænmeti og ávextir eru skemmdir þegar heim er komið og maður ætlar að nota það eða bara daginn eftir. 
Bara sem dæmi jarðaber úr Krónunni. Þau voru mygluð daginn eftir og fóru því í ruslið, þau voru þó á tilboði á 229 minnir mig, en samt dýrt. 
Og eins kirsuberjatómatar, ákvað meira að segja að kaupa lífrænt ræktaða því þeir voru á næstum sama verði, þeir voru meira og minna skemmdir þegar heim var komið. 
Svo keypti ég mangó í vetur, minnir hafi verið í Bónus, og ég geymdi það þar til það var nógu þroskað og mjúkt til að borða það (um 5 daga) þá byrjaði ég að skera það og borðaði smá bita. Var þá ekki bara stór hvít lirfa í einum bitanum og ég næstum ældi og borða ekki mangó í dag.
Og undanfarið hef ég keypt sætar kartöflur, bæði Bónus og Krónunni. Önnur hver hefur verið skemmd. Ein var skemmd eftir viku í ísskápnum mínum, sem ég tel ekki góðan geymslutíma á svona grænmeti. Næsta á eftir sem ég verslaði var bara ekki bleik/appelsínugul heldur gul, eins og rófa og bragðaðist ekki eins og sæt kartafla. 
Svo ég tali nú ekki um, reyndar fyrir mörgum árum, tómata sem ég keypti í 10-11 og voru morandi í hvítum ormum, sem varð til þess að ég borðaði ekki tómata í nokkur ár og í dag sé ég alltaf fyrir mér ormana í hvert skipti sem ég sker tómata! Það er viðbjóður. Talandi um andlegan skaða.
Hvernig á maður að geta verslað grænmeti, sem er nógu dýrt fyrir, ef það er bara svona oft skemmt?
Íris

#1029    Veit ekki hvort þetta hefur komið hérna áður, en Kringlan bíður uppá "2
fyrir 1" í bíó á fimmtudögum gegn miða sem maður fær þegar maður verslar í
Kringlunni. Svo ákváðum við kærastan að nýta okkur þetta og fara að sjá
mynd sem okkur langaði að sjá, en þegar á hólminn var komið var mér tjáð
að miðinn gildir ekki á "nýlegar" myndir (myndin var frumsýnd 2 dögum
áður).
Þegar miðinn er glögglega skoðaður stendur "Nema annað sé tekið fram í
miðasölu" smáu letri fyrir neðan flennistórt "2 fyrir 1 í Kringlubíó!".
Og Kringlubíó eru ekki með margar sýningar í gangi á sama tíma, og því
annaðhvort að fara á einhverja aðra mynd (sem er sjaldan hægt), snúa við
og fara heim (frekar fúlt eftir að vera búinn að plana bíó og hafa sig
til) eða láta taka sig í enn eitt skiptið í skraufaþurrt Ra... , skella
2000 kr á borðið og búa til bréfaskutlu úr "2 fyrir 1" miðanum.
nb. Afhverju stendur ekki "Gildir ekki á nýlegar myndir" og enn fremur
hvernig er nýlegt skilgreint? Þarf myndin að vera búin að vera viku í
sýningu eða kannski mánuð? Eða fer það bara eftir hentugleika?
nb 2. Gosflaska kostar 250 kr í bíóum!!
Bjarnþór Egilsson

#1028    Þar sem tannlæknar mega ekki auglýsa þá er ég nýbúinn að skipta um tannlækni sem heitir Örn Ernst Gíslason og er með stofu á Hverfisgötu 105, hann er bæði ódýr og MJÖG góður!
Ónefnd

#1027    Ég skrapp í Samkaup og sá þar frekar ómerkilegt amerískt grill á 39.900,-. Þeir eru hins vegar svo óheppin þar að innan í lokinu á grillinu er miði frá heimalandi þess þar sem stendur að þetta grill kosti $138.- eða 11.100 krónur. Og það í smásölu erlendis. Samkaup er ekki að borga smásöluverð ytra. Benti verslunarstjóra á þetta, sem skeiðaði strax af stað og sagðist ætla að plokka miðann af. Svona miði hefði verið á kassanum en límt hefði verið yfir hann. Eru Íslendingar til í að borga hvað sem er fyrir hlutina?
Hjörleifur Jóhannesson
 

(Sett inn 25.07.08):

#1026    Um daginn vorum við í fjölskyldunni í útilegu, við vorum samtals fimm. 
Við höfðum keypt það sem héldum að væri tvöfaldur pakki af SS pylsum
sem voru auglýstar á sérstökum afslætti í Bónus á Egilstöðum. Við 
tókum annan helmingin af þessu með okkur út í óbyggðir og reiknuðum 
auðvitað með því að vera með 10 pylsur, þ.e. 2 pylsur á mann.
Í óbyggðunum kom hins vegar í ljós að við höfðum látið blekkja okkur. 
Í pakkanum voru einungis 9 pylsur og verðið á þeim þar af leiðandi 
afskaplega venjulegt. En það sem var verst, var að við vorum lengst 
úti í rassgati og engin búð nálæg og þess vegna þurfti eitthvert okkar 
að sætta sig við að fá bara eina pylsu, sem var auðvitað sorglegt í 
meira lagi eins og sjá má á myndinni hér að ofan. Útilegan okkar var 
eyðilögð. Svona getur græðgi Sláturfélags Suðurlands leitt til 
fjölskylduharmleiks. Maður hefur vanist því frá blautu barnsbeini að 
í stórum pakka af SS pylsum séu 10 stk., hér var um lúmskulegar 
söluaðferðir að ræða í þeim tilgangi að telja manni trú um að 
pylsurnar væru óvenju ódýrar.
Þórður og fjölskylda

#1025    Í dag fékk ég tilboð frá Netklúbb Kortsins sem vakti áhuga minn. En GÁP auglýsti 5 Mongoose Tyax Elite fjallahjól á sérstöku tilboði eða á aðeins 39.900 en almennt verð var samkvæmt auglýsingunni 62.900,-
Þar sem það var tekið skýrt fram í auglýsingunni að „Fyrstir koma. Fyrstir fá.“ þótti mér réttari að hringja í verslun GÁP og kanna hvort að hjólið væri enn til. Í símanum var mér sagt að hjólið væri til og ég gæti einungis keypt það með því að koma á staðinn. Ég fékk því leyfi til að fara fyrr úr vinnu svo ég gæti nýtt mér þetta „frábæra tilboð“. 
Áður en ég lagði af stað kíkti ég snöggvast inn á síðu GÁP til að sjá betri mynd af hjólinu og sá þá að samkvæmt heimasíðu GÁP væri verðið 49.900 á sömu týpu. Hmmmm. Ég kíki samt. Þegar ég mætti svo í verslun GÁP og hafði upp á afgreiðslumanni sem þekkti til tilboðsins var mér tjáð að hjólið væri ekki til í minni stærð. Ég varð fyrir þó nokkrum vonbrigðum og spurði hvort að von væri á því. Kannski á morgun var svarið. Ég spurði þá afgreiðslumanninn hvort að
hann gæti kannað það fyrir mig. Hann var nú ekkert á því en spurðist að lokum fyrir. Ég fékk þá þau svör að hjólið kæmi kannski á morgun en það væri ekkert víst. Á tali hans kom loks fram að hjólið væri til á lager en hann vissi ekkert hvenær það kæmi í verslunina. Ég spurði þá hvort að ég gæti keypt hjólið til að nýta mér þetta tilboð en það var ekki hægt. Hann þyrfti að vera með hjólið í búðinni svo ég gæti keypt það. Ég spurði þá næst hvort ég gæti tekið hjólið frá? Nei var svarið, en ef ég hringdi á morgun þá gæti ég tekið það frá. Ég spurði því næst hvort að það væri rétt að ég gæti ekki tekið hjólið frá núna heldur yrði ég að hringja á morgun. Já var svarið. Ég spurði þá hvort að afgreiðslumaðurinn gerðir sér grein fyrir því hversu heimskulega það hljómaði að ég yrði að hringja inn á morgun svo hægt væri að taka hjólið frá þegar ég stæði fyrir framan hann. Svona vinnum við þetta, sagði hann. Ég spurði því næst hvort ekki væri hægt að skrifa þetta niður á miða og taka hjólið frá. Miðar týnast bara var þá svarið.
Nú var ég orðinn frekar pirraður og sagði við viðkomandi að ég gæti mjög auðveldlega gengið yfir götuna og keypt hjól hjá Erninum. 
Gerðu það þá bara var svarið. Ég rölti þungur í brún yfir götuna og von á svipuðum mótökum frá starfsfólki Arnarins. Það var þó ekki raunin og var tekið vel á móti mér og endaði ég að eyða rúmum 60 þúsundum. Ég fæ nýja hjólið mitt á morgun. Þeir ætla meira að segja að senda mér sms þegar það er klárt.
Óskar nafnleyndar

#1026    Ég keyfti GEVALIA kaffi (12 í kassa) hjá heildsölunni Innes um leið og ég fór með kaffikönnuna mína í viðgerð hjá þeim, ég borgaði og þegar heim var komið þá kíkti ég á nótuna þá kostaði einn pakki af kaffi 682 krónur,ég gerði mér ferð í Bónus þar var sami pakkinn á 340 krónur ég hefði geta keyft 24 kaffi pakka í Bónus fyrir sama verð.
Ég hringdi í Innes og spurði hvort þetta væri ekki einhver vitleysa í tölvunni hjá þeim það svar sem ég fékk að þeir væru alltaf með nýjasta verðið.
Sigurður

#1025    Hef alltaf keypt 10 kg. pakkningar af pedigree hundamat í Bónus sem kostuðu 1789 kr. Einhverra hluta vegna hætti Bónus með þessar pakkningar og um tíma var ekki til nema litlir pokar. Síðan eftir mánuð eða meira komu í Bónus 7 kg. pakkningar sem kosta í dag 1789 kr. eða sama og 10 kg. kostuðu mánuði áður………….  Skítt……
Bara svo það sé á hreinu, þá er ég að tala um Bónus í Njarðvík, hef ekki hugmynd hvort þetta sé í öðrum búðum.
Jóhanna

#1024    Ég ákvað að kíkja um daginn í Europris, enda ný komið hérna á Akureyri. Ég skoðaði, og jú sumt virðist vera á góðu verði en ekki eins ódýrt og maður hefði haldið miðað við að þetta virðist vera þrep fyrir ofan byrðarsalana, en það er það sem blekkir fólk, enda blöskraði mér þegar ég var búin að sjá 5 stk Snickers í pakka á 199 kr og síðan í nammihorninu þá var það á 329 kr og síðan 10 stk snickers í pakka á 899 kr. Tek það fram að þetta var allt í sömu stærð af snickers samt allt mismunandi verð. Maður hefði geta keypt 4 pakka af 5 stk snickers á 199 kr og samt fengið tvöfalt meira magn og yfiir 100 kr í afgang í staðin fyrir að kaupa 10 stk í pakka. 
Ég skil líka ekki hverning bíóin hafa endalaust komist upp með þetta samráð sitt sín á milli, þeir hækka verð saman og síðan skipta þeir myndum á milli sín og eru því aldrei í samkeppni og aldrei virðist vera neitt sagt yfir þessu en er það sem þau eru að gera ekki skilgreining á samráða fyrirtækja? 
Ég vona innilega að Neytendasamtökin standi síðan við loforð sitt og fari að sekta verslanir og fyrirtæki sem eru með rangar verðmerkingar eða jafnvel engar verðmerkingar (Held að bíóhúsin eigi eftir að koma hræðilega út úr því þar sem þeir ekki með neinar verðmerkingar)
Hrafnhildur

#1023    Ég er áskrifandi á neti hjá Tal. Þar eru auglýstir mismunandi pakkar (http://tal.is/index.aspx?GroupId=517) .
Í langan tíma var ég með 12mb hámarkshraða. Borgaði 5990kr á mánuði fyrir það. En í þessum efnahagsþrengingum hef ég þurft að draga úr útgjöldum og skipti yfir í 1mb tengingu fyrir 2990kr á mánuði. Ég finn ENGAN mun á 12mb og 1mb tengingu. Mér er farið að gruna að þetta sé einhverskonar blekking. Erlent niðurhal er ótakmarkað hjá báðum tengingunum þannig það er ekki málið. Þetta er ráðgáta fyrir mér. Á meðan þessi ráðgáta er óleyst mun ég halda mér við 1 mb tenginguna.
Ingi Vesturbær

#1022    Það var tilboð á egils kristal í krónunni um daginn...6 x 0.5 lítri
kostaði 730 en ef maður keypti bara eina 0.5 l. flösku þá kostaði hún 103
kr...svo ég keypti frekar 6 flöskur en að kaupa þær innplastaðar í kippu
og benti starfsmanni krónunnar góðfúslega á hvað þetta væri nú vitlaust!
Greinilegt að krónumenn halda að fólk kunni ekki einn plús einn...
Íris Jónsdóttir

#1021    Ég hef þennann mánuð verið að fylgjast með olíuverði, gengi dollars og dæluverði hjá Olís, enda versla ég þar með 6kr afslætti (sýni þó ekki afsláttinn minn í útreikningunum hér að neðan). Alla virka dag í hádeginu tek ég þetta saman og set upp í exel.  Eins og sjá má hefur olían lækkað um 11% frá síðustu mánaðarmótum en dæluverð um 1-2%. Þykir mér það nú frekar óeðlilegt enda greinilega svigrúm til lækkunar. Ég væri alveg til í að fá diselinn minn á 172 kr. (10% lækkun)

Sjá TÖFLU

Ég held það sé kominn tími til að sparka ærlega í þessa bensínmafíu hér á klakanum, merkilegt finnst mér hvað lítið hefur heyrst frá FÍB, neytendasamtökunum og neytendastofu.
ÓSKAR NAFNLEYNDAR 

(Sett inn 24.07.08):

#1020    Ég var að koma frá Vestfjörðum og fullyrði að mýtan um að allt sé dýrara úti á landi sé dauð. Borðuðum t.d. á flottasta fiskistað landsins, Tjöruhúsinu á Ísafirði þegar ég átti afmæli, fengum þar tvíréttað með tveimur glösum af víni á mann, gosi fyrir krakkann og afmæliskökusneið og kaffi á eftir fyrir 7400 krónur! Rétt er að taka fram að forrétturinn var útibú frá plokkfiski barnsins (sumsagt hennar skammti skipt á þrjá og svo gat hún fengið alla þá ábót sem hún vildi), seinni vínglösin voru gefin þar eð við vorum búin að bíða í heilan hálftíma eftir matnum (sic, ekki þætti það langt í bænum) og afmælistertan var frí. Held svo að kaffið sé innifalið. Besta var þó að maturinn var ekkert annað en ÓLÝSANLEGA góður! Fyrir sama rétta- og drykkjafjölda á einhverjum lásí millidýrum pastastað í Reykjavík hefðum við aldrei sloppið undir 15 þúsund kallinum. Og þá er ekki verið að bera saman gæðin. Til samanburðar má líka taka til “fisk dagsins” á Thorvaldsen sem hefur á tveimur árum farið úr 1290 krónum með súpunni innifaldri í 2190 krónur án súpu. Fiskurinn er svo yfirleitt einstaklega naumt skammtaður þar en fiskipönnurnar á Tjöruhúsinu voru svo troðfullar að við gátum ekki komið niður matarbita daginn eftir sökum ofáts.
Tvö önnur dæmi eru:
Risa paninibrauð með fullt af kjúklingi og beikoni og fíneríi með frönskum á Langa Manga á Ísafirði: 850 kall. Sambærilegt á sæmilegu kaffihúsi í bænum aldrei undir 1200-1300 kr.
Brauð í Gamla bakaríinu á Ísafirði: 350 krónur. Sambærilegt brauð hjá bakarameistaranum 475 krónur.
Það er ÓDÝRARA úti á landi. Allavega á Ísafirði
Hallveig Rúnarsdóttir

#1019    Ég fór um daginn í Mosfellsbakarí á Háaleitisbraut. Þar ætlaði ég að kaupa 
heilhveitihorn og bað afgreiðslustúlkuna um að setja ost og skinku á það. 
Ég hætti snarlega við kaupin þegar hún tjáði mér að þetta kostaði 515 kr!! 
515 kr fyrir smurt heilhveitihorn! Mér var svo brugðið að ég gekk bara út, 
það á ekki að láta bjóða sér þetta og nú beini ég viðskiptum mínum annað!
Margrét Guðmundsdóttir

#1018    Við afleggjara að Dettifossi eru Grímsstaðir þar sem við hjónin ákváðum að
fara með börnin og leyfa þeim að pissa og jafnvel að fá okkur kaffibolla í
leiðinni. Það voru engar verðmerkingar uppi við og maður vissi svo sem að
þetta yrði dýrara en gengur og gerist en óraði fyrir því sem koma skyldi.
Við enduðum með að borga 2.100 kr. fyrir 2 Svala, 1 kaffibolla, 1
súkkulaðibolla og 1 sneið af epplapæ. Ef maður setur þetta upp í einhverri
mynd þá var þetta kannski 200 fyrir hvern Svala, 350 fyrir kaffið, 550
fyrir súkkulaðið og 800 fyrir epplapæ. Það má líka taka fram að kaffið var
hefðbundin uppáhelling og súkkulaðið líklega Swiss Miss.
Ég fer annað næst þegar börnin þurfa að pissa.
Freyr Guð og fjölskylda 

#1017    Við hjónin fórum í Húsasmiðjuna í dag til að kaupa 3 cylindera úr krómi  í einum pakka, pakkningin af þessu kostaði þar 13.870 en nákvæmlega sama pakkning af ASSA cylinderum kostaði 8.838 kr hjá Byko. Þetta fannst okkur brjálæðislegt ...OKUR. 
Pallaskrúfur voru líka á uppsprengdu verði í Húsasmiðjunni eða 52 kr stk. takk fyrir,voru þó á mun skárra verði í Bykó eða 42 kr. stk.og spáið í það hvað þarf margar slíkar í einn pall!
Helga Jónsdóttir.

#1016    Okurverð á Kornax hveiti fyrir brauðvélar! Var orðin hveitilaus og bý í Árbænum og skellti mér í Krónuna að kaupa hveiti, kúmen og mjólkurduft en ekkert af þessum vörum var til þar. Næst lá leið mín í Bónus og sama sagan þar, ekki til. Þá datt mér í hug að athuga í Nóatúni, rosa köld og þar áttu þeir ekki til kúmenið og mjólkurduftið en hveitið áttu þeir til og skoðaði ég verðið um leið og ég skellti 2 kílóa pokanum í körfuna, heilar 498 krónur. Eitthvað vafraði ég meira um búðina og fannst allt frekar dýrt og hugsaði með mér að þessar vörur væru sjálfsagt allar til í Nettó í Mjódd og hætti við kaupin í Nóatúni skilaði hveitipokanum og fór allslaus út. Nettó átti allar þessar vörur til og kostaði hveitipokinn þar heilar 279 krónur, mismunur uppá 219 krónur og keypti ég að sjálfsögðu 3 poka því ég baka mikið í brauðvélinni. Þetta er langt frá því að vera eðlilegur mismunur og Nóatún á villigötum í verðlagningu. Fór sæl og ánægð út úr Nettó og mun ekki beina viðskiptum mínum að Nóatúni hér eftir, það er stutt síðan að maðurinn minn borgaði 60 krónum meira fyrir piparsósupakka í Nóatúni heldur en í Bónus. Þetta safnast saman í miklar fjárhæðir og það marg borgar sig að hafa gott verðskyn þegar verslað er í matinn. Hrósaði happi yfir að vera ekki tekin í bakaríið og hreinlega rænd. Okur!!!!  Næst fer ég beint í Nettó og fæ allt þar og spara bensínið í leiðinni.
Hvernig lifa verslanir með svona háa álagningu?  Ég hef ekki efni á að versla þar, hvað með þig???
Björk Emilsdóttir

#1015    Mig langaði að láta vita af okri hjá Tölvuversluni Start.is en ég hef verslað mikið af DVD diskum þar. Í mars 2008 kostaði 25 stk.16X í spindle 990 kr. og í maí 2008 voru þeir komnir uppí 1.290 kr. og núna í júlí eru þeir komnir uppí 1.990. Þetta er rúm 100% hækkun á nokkrum mánuðum. Algjör OKUR! Það er hægt að fá sömu dvd diskana hjá Tölvutek í Borgartúni á 1.490 kr með sama verð í marga mánuði. 
Páll Þórir

#1014    Við hjónin keyptum okkur sumarferð í Bretlandi. ½ mánaðar ferð – flug, og flott hótel með morgunmat fyrir 75.000.- ( Okkur bæði nota ben )
Svo þurftum við að bóka ferð til Bretlands frá Íslandi og þá kom upp OKRIÐ. Ferð með Icelandexpress 112.000.- fram og til baka ( innifalið: sala á samlokum frá Júmbó – þröng sæti og stutt flug !! ) – Icelandair . Að endingu borgum rúmar við 100.000.- Kr. Fram og til baka. Takk takk.
Ok ok. Nú gerðum við smá vitleysu í bókunninni ( klaufar á þessar tölvur ) og þurftum að hafa samband við söluskrifstofu Icelandair.
Jú takk. 36.000.- kall kostaði það okkur að láta laga vitleysuna. 18.000.- á mann (samt var bókunin hjá okkur aðeins ein bókun á hjón.)
Jú takk, minn venn . Þegar íslenskir okrarar eru annarsvegar þá er sko ein bókun ekki ein bókun – hún er hjón í sitthvoru lagi og það skal kosta 18.000.-þúsund kall á mann!!!!
Það er eins gott að þetta er ekki svona í leigubílum á íslandi. Þú hoppar upp í leigubíl og segist ætla að fara í Árbæ nr 7. en mismæltir þig – áttir við 17. BREITINGARGJALD 10.000.- KALL. Hvað er eiginlega í gangi hjá þessum flugfélögum á Íslandi?
½ mánaðar sumarferð með hóteli og öllu – flugi- hóteli og morgunmat í Bretlandi kostar 75.000.- En flug frá Íslandi og heim aftur kostar 112.000.- 
Ég bara spyr. Er eitthvað annað í mjólkinni hjá ykkur en minni ??
Sigga (hrikalega flughrædd með íslenskum flugfélögum).

(Sett inn 23.07.08):

#1013 Greifinn á Akureyri er merkilegt veitingahús sem allir sem koma til Akureyrar verða að koma við á. Það sem er aðalega merkilegt við þetta fornfræga veitingahús er þó verðlagið á matseðlinum. Jú jú það kostar að fara út að borða og ég veit um staði slakari að gæðum sem rukka svipað mikið fyrir einn sveittan hammara en þegar veitingahús rukkar 110 kr. Fyrir smá tómatsósudrull er mér nóg boðið. OKUR!!!!!
Nafnleynd 

#1012    Ég og minn maður erum gengin niður úr íþróttaskónum okkar og ákváðum því að splæsa á okkur tveimur pörum semsagt, einu á hvort okkar. Við lögðum því leið okkar í "lágvöruverslunina" Intersport Bíldshöfða sunnudaginn 20. júlí sl. Þar er heilmikið úrval íþróttaskóm á "útsölu". Skórnir eru ýmist á 20, 30 og 40% afslætti. Við byrjum á að róta í úrvalinu og sjáum fljótlega að skókassarnir eru með verðmiða sem hafa verið settir yfir aðra verðmiða! Og að sjálfsögðu kroppuðum við efri miðann af til að tékka á verðinu sem var undir.... og viti menn og konur, undantekningalaust voru verðin LÆGRI á miðunum sem voru undir! Dæmi: Íþróttaskór sem kostuðu 13.990 kr. voru á 20% afslætti, en miðinn undir sagði að skórnir voru á 11.990 kr. Á "útsölunni" kosta því skórnir 11.192 kr. eða 798 kr. frá upprunalegu verði. Sá sem lætur plata þessa skó inn á sig er því í raun aðeins að græða 798 kr. kaupunum en ekki 2.798 kr. eins og maður er látinn halda!! Þetta er náttúrlega svívirðilegt svindl og ekkert annað, jú og OKUR. Ég fékk þá hugmynd um að heimta þessar 20% verðlækkun af neðri miðanum en maðurinn minn mælti frekar með því að við skyldum koma okkur þaðan út og við gerðum. Það verður bið á því að ég fari í lágvörumarkaðinn Intersport aftur. 
Það þýðir lítið fyrir forsvarsmenn Intersport að skýla sig á bak við bága stöðu krónunnar og hækkandi gengi því þessa skó var búið að verðmerkja með tilliti til þess gengis sem varan var leyst út á!! Og hana nú. Látum ekki taka okkur í skræfurþurrt bakaríið á þessum “útsölum”!!! 
Hildur Rúnarsdóttir 
ps. Ég tek undir með Gumma #978 með barnamatinn. Ég er reyndar ekki svona köld eins og hann að fara í Nóatún eftir barnamat en hef rekið mig á mikinn verðmun á barnamat í Bónus og Krónunni. Gerber barnamatur í krukkum nr. 2 er á verðbilinu 54-69 kr. í Bónus (fer eftir bragðtegund) en í Krónunni eru þær allar á 99 kr. Þetta gerir 30% verðmun á dýrustu krukkunni og 45% verðmun á ódýrustu krukkunni í Bónus sem er náttúrlega OKUR hjá Krónunni.

#1011    Vil benda á okur hjá Franch Michelsen úrsmíðameistara á Laugaveginum. Ég fór um daginn þangað með armbandið mitt í viðgerð en einn krókur sem heldur armbandinu
saman hafði slitnað og ég þurfti nýjan. Mjög lítið mál að ég held að laga
svona. Eftir tveggja vikna bið (er víst mikið um sumarfrí núna en þau ætluðu að
hringja í mig þegar það yrði tilbúið sem þau gerðu síðan ekki) er það loksins
tilbúið og er kostnaðurinn hvorki meira né minna en 1800 krónur! Ég trúði ekki
mínum eigin eyrum. Þetta er pinkulítill krókur og ég trúi ekki að það hafi
verið mikið mál að laga þetta. Fór með armbandið í viðgerð fyrir nokkrum
mánuðum vegna sömu ástæðu og þá hjá Jóni og Óskari og það kostaði nokkra
hundraðkalla. Semsagt, okur og léleg þjónusta. 
Kristín86

#1010    Langaði til að benda á mikinn verðmun á hinum geisivinsælu buff höfuðfötum
sem börn nota mikið t.d. undir hjálma. Þessi Buff fást víða meðal annars í
Hagkaup þar sem þau kosta 2.299 en aðeins 1.490 í Baby Sam. Þetta er 800
kr. Rán! um hábjartan dag.
Sigrún Bragadóttir

#1009    Ég ákvað um daginn að kaupa mér strauborð. Ég byrjaði á því að renna í Byko á Breiddinni til að athuga með þokkalegt strauborð. Þar var til ein tegund af strauborði og kostaði hún rétt tæpar 10.000kr. Mér fannst það heldur mikið fyrir strauborð og ákvað að renna við í Rúmfatalagerinn á Smáratorgi og athuga hvort ég fengi ekki eitthvað aðeins ódýrara. Þar var til nákvæmlega sama strauborð og í Byko (sami framleiðandi og sama stærð) á 4990kr. Í Rúmfatalagernum var einnig hægt að fá aðra tegund af strauborði, nokkuð sambærilega á 2990kr. 
Hildur Tryggvadóttir

#1008    Fór um helgina á tjaldsvæðið í Þjórsárveri ( rétt fyrir utan Selfoss)  og þar er rukkað 1500.- fyrir fyrstu nóttina og svo 1200.- fyrir þá næstu, það er kannski allt í lagi EF aðstæðan væri í lagi!!!!!!!! 
(Þetta er verð fyrir þá sem eru ekki með útileigukortið, og eru með tjaldvagn og stærra ( s.s. ekki tjald )) 
En fyrir hvað er verið að borga ???? Það voru 4 salerni ( 2 fyrir KVK og 2 fyrir KK ), svo var 1 sturta og 1 vaskur fyrir uppvask. En málið er að það gátu svona 3 vaskað upp og þá var heita vatnið búið ( veit ekki hvernig það ætti þá að vera hægt að fara í heita sturtu )  svo voru útisalernin 2 orðin stífluð á laugardagskvöldinu. 
Mér finnst þetta vera okur fyrir litla sem enga aðstöðu og þar sem maður er með tjaldvagn og hefur þá engan vask eins og þeir sem eru í hjólhýsi til að vaska upp í. Ef ég ætti að giska að þá voru um svona allavegna 100 hjólhýsi/tjaldvagnar þannig að það var ansi margir á svæðinu. 
Ja allavegna ætla ég ekki þangað aftur. 
Elsý Vilhjálmsdóttir

#1007    Var að versla í 10-11, Grímsbæ. Keypti:
Tópas, stór pakki 179 kr !!!
Prins Póló 99 kr
Extra tyggjó, venjulegur 109 kr !!!
Lítil kók ó gleri 135 kr !!
Alls 522 krónur  og geri aðrir betur!!!!
Mér gjörsamlega blöskraði þetta okur.
Nafnlaus
(nb. Já en þú hefðir getað verslað þetta kl. 4 um nótt! Nei í alvöru, þú ferð ekki í 10-11 eða aðrar álíka nema þú sért að biðja um að láta ræna þig.)

#1006    Kom við á Geysi í gær. Ofbauð verðlagningin. Einn diskur af kjötsúpu kostaði 950 kr. Er þetta ekki okur? Langar hins vegar að benda á mjög hóflega verðlagningu hjá nýju kaffihúsi á Norðurfirði. Mjög notalegt nýtt kaffihús.Þar kostaði nýbökuð vaffla með rjóma sultu og súkkulaði og GOTT kaffi með áfyllingu aðeins kr. 650.
Margrét S. Pálsdóttir
(nb. Helvíti langt að fara í sunnudagsbíltúrinn til Norðurfjarðar samt!)

#1005  Við fjölskyldan höfum haft gaman af að fara í Kringluna að borða. 
Fórum í dag að borða hjá Rikka Chan. Komumst þá að því að maturinn hefur hækkað um ein 20% og skammtarnir hafa minnkað heilan helling. OKUR!!!!!
Bjarki H 

#1004    Byko rukkar útskriftargjald vegna sendra gíróseðla kr. 400. Þau mistök urðu á afgreiðslukassa að afgreiðslustúlka setti vöru í reikning sem átti að staðgreiða. Þetta var leiðrétt á staðnum er varð til þess að síðar kom rukkun fyrir 400 kr. útskriftagjald. 
Þar sem þetta gjald var ekki greitt fyrir 10 dag mánaðarins hækkaði það í 603 krónur og þegar ekki var búið að borga 20. hækkaði það í 1.184 kr. Þetta er ekki bara okur, heldur "sjálftaka" Sem ég held að sé pent orð yfir þjófnað!
Sigurður Bárðarson
(ATH: Ég hef lent í þessu líka hjá þeim og þetta er bara sjálfvirkt í 
tölvunni. Þ.e. að senda út gíróseðil ef reikningur hefur verið 
notaður, og eins að það reiknist vextir sé það ekki greitt. Ég hringdi 
á skrifstofuna hjá þeim og fékk gjaldið niðurfellt, það var ekkert mál 
og þeir hinir almennilegustu!)
(ATH: Til að undirstrika hversu ómerkilegir Byko eru þá borga þeir aldrei seðilgjöld af reikningum sem þeim eru sendir, leggja alltaf inn beint inn á reikning viðkomandi aðila (ef þeir geta) upphæðina án dráttarvaxta og seðilgjalda því þeir setja sinn eigin tíma á hvenar þeim þóknast að borga reikninga, og sá tími er ekki stuttur. Ætli ég gæti farið til Byko og tekið út vörur og borgað þegar mér hentar án vaxta eða nokkurs kostnað??)

#1003    Nú hef ég ekki stundað dekkjaverkstæði mikið enda með menn sem skipta 
undir hjá mér bæði vor og haust frítt. En ég lenti í því að það sprakk 
undir bílnum hjá mér um daginn. Ekkert stórmál, ég skipti bara um dekk
enda varadekkið mitt eins og hin 4.  Ég átti svo leið í Kópavoginn og 
ákvað að láta bæta dekkið sem sprakk hjá Bílaáttunni. Góð þjónusta og 
viðgerðin tók innan við 5 mínútur, þ.e. að taka skrúfuna sem ég hafði 
keyrt á og bæta í gatið. 2000 kr fyrir pínkulitla bót og smá límklessu 
takk fyrir!
Nafnlaust

#1002    Ég fór i Bónus í dag og keypti gróðurmold sem er framleidd á Flúðum "Flúðamold".   í júníbyrjun kostaði 20 lítra poki 389, eða þar um bil, og í dag kostaði sami poki 459.  Gengismunur ???  eða launahækkanir (efast um að starfsfólk kannist við það), aukinn framleiðslukostnaður ??? - þar sem þetta er lífrænn úrgangur - SPURNING?  Það er með ólíkindum að vörur sem hafa EKKERT með gengismun að gera, né nokkuð örugglega LAUNAHÆKKANIR, skuli geta hækkað sem þessu nemur á rúmum mánuði.
Þórunn

#1001  Við erum þrjár mæðgur sem ákváðum að freista gæfunnar og versla okkur "SÓLAR-LOTTÓ" hjá ferðaskrifstofunni Plúsferðum, förinni var heitið viku til Costa del Sol. 
Ég var búin að skoða alla gististaði vel inná á plusferdir.is áður en sú ákvörðun var tekin og auðvitað gæti maður átt von á stórum vinnig í LOTTÓ-inu og var það að lenda á eitt af glæsihótelunum sem Plúsferðir bjóða uppá.. 
Svo biðum við spenntar eftir úrdrættinum í lottóinu og viku fyrir brottför fékk ég sendann á e-maili uppgefinn gististaðinn Apartamentos Tropicana - og fékk einnig í emailinu link inná sumarferdir.is og jú þar fann ég þetta fína 4 STJÖRNU TROPICANA HÓTEL, en ég hringdi strax í Plúsferðir til að fá þetta staðfest af því ég sá að á TROPICANA HÓTELIÐ var gert ráð fyrir 2 persónum í herbergi en við vorum þrjár ...... Plúsferðir fræddu mig þá á því að það væri einhver vitleysa að linkurinn væri inná Sumarferðir... en að við hefðum fengið úthlutað stúdíó-íbúð á Apartamentos Tropicana  sem væri bara hinum megin við götuna við TROPICANA HÓTELIÐ einfaldar og snyrtilegar íbúðir sögðu Plúsferðir ... svo var mér bent á að myndir væru af  Apartamentos Tropicana  inná plusferdir.is ... jú jú það passaði ég kíkti á myndirnar og leist bara ágætlega þær og lýsinguna á Gististaðnum okkar Apartamentos Tropicana....
Við komum á  TROPICANA HÓTELIÐ seint á mánudagskvöldinu 7. júlí þar skildi Plúsferðarfarastjórinn okkur eftir og sagði að hér myndu við fá lykla af íbúðunum og svo byrjaði svaðilförin og það var að finna gististaðinn sem okkur 22 íslendingum var úthlutað í þessari SÓLAR-LOTTÓ viku... Einu vísbendingarnar sem við fengum var frá spænskum starfsmanni í lobbýi TROPICANA HÓTELSINS og hann benti út í myrkrið og sagði HÆGRI og aftur til HÆGRI og viti menn í þeirri götu sem var frekar drungaleg var EKKERT sem bar nafnið Apartamentos Tropicana eins og ungur frændi minn sagði þegar hann sá myndirna hjá mér þá leit Hótelið út að utan eins og þetta væri tekið í Bagdad....og nú skulið þið sjálf dæma af myndunum hvernig við áttum að finna gististaðinn sem er algjörlega ÓMERKTUR.
Við fundum af einskærri tilviljum gististaðinn og viti menn að þegar við komum inní  íbúðina þá fengum við nú algjört áfall ALGJÖR KOMPA og okkur datt ekki einu sinni í hug að taka uppúr ferðatöskunum og ákváðum að mæta strax næsta morgun á fund hjá fararstjóra Plúsferða við buðum  honum með okkur uppí íbúðina til að fá það á hreint hvort það væri þetta sem Plúsferðir eru að bjóða okkur uppá og viðurkenndi hann að svo væri EKKI rafmagnsvírar hangandi útúr veggjunum og að þetta væri ekki mönnum bjóðandi og vildum við fá okkur færðar á annað hótel en þegar ferðin okkar var hálfnuð og við sáum að við fengjum ekki annað hótel þá  fyrir tilviljun urðu við vitni af að íbúðin við hliðina á okkur var að losna svo við fengum að færa okkur þangað og var sú KOMPA aðeins skárri. Spænskur húsvörður hótelsins samþykkti að við fengjum að skipta um íbúð en það væri með einu skilyrði að við myndum EKKI kvarta yfir að loftkælingunni í þessari íbúð hún væri svolítið hávær, við lofuðum því en það rann nú á okkur tvær grímur þegar við lögðumst til svefns þessa fyrstu nótt í aðeins skárri íbúð í nístings gaddi og með þyrluhljóð í eyrunum...
Húsvörðurinn góði gleymdi að segja okkur að loftkælingin var ekki bara hávær einnig var EKKI hægt að slökkva á henni...Ég tók að mér hlutverk Þórðar rafvirkja næstu kvöld og sló út rafmagninu á íbúðinni eða öllu hótelinu við vorum ekki alveg vissar!!!!!!!!!!!!!!
Það má taka fram að við erum allar vanar að ferðast bæði á einföldum og fínni hótelum, en þetta var langt fyrir neðan það sem kallast einfalt :-(
ER ÞETTA EITTHVAÐ LOTTÓ SEM PLÚSFERÐIR BJÓÐA UPPÁ? Í OKKAR AUGUM ERU ÞETTA VÖRUSVIK 
Við sendum kvörtunarbréf strax til Plúsferða en núna 8 dögum seinna hafa þeir ekki enn haft fyrir því að svara okkur...
Svanhvít Stella Ólafsdóttir



(ATH: Í framhaldi af athugasemdum þínum biðjumst við velvirðingar á því að vegna sumarleyfa hefur dregist að svara umleitan  þinni.   Okkur þótti leitt að heyra  að þið voruð ekki ánægð með gistinguna  á Tropicana.  Þegar ljóst var að ferðaskrifstofan átti nokkur óseld sæti  til Costa del Sol en engar gistingar var ákveðið að reyna að fá viðbótargistingar og setja upp Sólarlottó.  Vikan var seld  á kr 39.900.  (flugsæti til Costa del Sol kostar 44.900 kr).  Venjulega er verið  að nota gistingar sem við erum að selja allt sumarið og  þekkjum vel í Sólarlottóið, en ekki að þessu sinni. Við leggjum okkur fram um að skoða allar þær gistingar sem við erum með á boðstólum.  Að þessu sinni gafst ekki tími til þess þar sem stutt var í brottför og urðum við að treysta á umboðsskrifstofu okkar erlendis.  Það kom svo  í ljós að íbúðirnar á þessu hóteli eru mjög misjafnar og hafa þær verið teknar úr sölu. 
Um leið og við þökkum ykkur fyrir ábendinguna, viljum við biðja ykkur innilega afsökunar ef aðbúnaðurinn á hótelinu hefur valdið ykkur óþægindum en vonum að Costa del Sol hafi staðið undir væntingum ykkar, 
Bestu kveðjur
Þjónustudeild Plúsferða og Sumarferða)

(Sett inn 21.07.08):
#1000    Við fjölskyldan fórum í Árbæjarsafnið einn daginn sem var alveg yndislegt að öllu leyti....nema kaffihúsið var bara djók. kvart biti úr flatköku með hangikjöti 450 kr!!! Litil gos 300 k, kökusneið 650 kr, kleina 300kr þvílík bilun.  Eyðilagði ánægjuna af annars yndislegum stað. Mæli með ferð þangað en NESTI er málið.
Óskar nafnleyndar

#999    Ég fór í Bónus í Holtagörðum í gær og keypti m.a. tvöfaldan pakka af
cheerios á 538 kr. Skrapp svo yfir í Hagkaup til að kaupa nokkra hluti
sem fást ekki í Bónus. Þar kostaði samskonar pakki 499 kr. Ekkert
tilboð var í gangi á þessu morgunkorni í Hagkaupum.
39 kr. eru kannski ekki mikill peningur en það kom mér á óvart að
Bónus skildi vera dýrari en Hagkaup í einhverju tilviki.
Pumaskór sem kosta 9.990 kr í Útilífi kosta 12.990 kr í Intersport sem
þó gerir sig út fyrir að vera lágvöruverslun.
Guðrún Helga 

#998    Ég er vafalaust einn af mörgum viðskiptavinum OB bensín sem er með lykil og fékk því sent sms skilaboð 17. júli varðandi afslátt, sem átti að gilda fyrir þann dag og næsta, þ.e. 18.júlí. Ég set skilaboðin hérna eins og þau bárust. “5 kr. afsláttur af eldsneyti hjá ÓB í dag og á morgun = 7 kr. fyrir þá sem eru með ÓB lykilinn. ÓB ávalt ódýrir.”
Eins og ég skil svona tilboð þegar komið er að dælu (diesel ) og uppsett verð við dælu er 186.50 þá stend ég í þeirri meiningu að afslátturinn gildi frá því verði. En þegar ég var búinn að slá lykilinn inn þá kemur upp verðið 184.50, sem er aðeins 2ja krónu afsláttur m.v. að vera með
lykil.  Ég hafi samband við Olís og fékk samband við markaðsstjóra og  kvartaði undan þessu tilboði (sem var ekkert tilboð), sem hann viðurkenndi að loknum umræðum að væri klaufalega auglýst. Hvergi kom fram hjá ÓB frá hvaða verði þessi auglýsti afsláttur gilti. Þeir virðast líta á síðustu eldsneytislækkun sem tilboð en ekki raunverulega verðlækkun.
Mér finnst þetta skrítin markaðssetning og lélegir viðskiptahættir og vildi helst ekki fá svona sms skilaboð, sem ég hef þar að auki aldrei beðið um að fá í símann.
Elís E Stefánsson

#997    Sem flugmaður með atvinnuflugmannsréttindi er mér virkilega brugðið vegna viðskiptahátta Fluglækningastofnunar, sem er, þrátt fyrir nafnið, einkarekin læknisstofa. Því miður er maður ekki að vinna sem slíkur, fyrir utan einstaka flugkennslu. Til að viðhalda réttindum atvinnuflugmanns þarf maður að endurnýja læknisvottorðið á hverju ári, sem gert er í kjölfar læknisskoðunar. Einkaflugmenn þurfa núorðið að gera það einungis á fimm ára fresti. Þetta er sama skoðunin að mestu, eina sem munar er gildistíminn á skírteininu. Fyrir tveimur árum kostaði þessi skoðun fyrir atvinnuflugmann 7.600 kr. með hjartalínuriti. Núna: 20.000 án hjartatékks. Þetta er yfir 163% hækkun á tveimur árum. Fyrir einkaflugmenn er hækkunin enn meiri, því hún var ódýrari en atvinnuflugmannstékkið fyrir tveimur árum, en nú er hún á 21.000. Ef við reiknum dæmið; til að viðhalda læknisvottorðinu fyrir atvinnuflugmann kostar það 20.000 á ári; en 21.000 á fimm ára fresti fyrir einkaflugmann. 
Fluglækningastofnunin segist hafa hækkað verðskrána til samræmis við gjaldskrár sambærilegra lækna á Norðurlöndunum. Ekki veit ég hvað til er í því, en ef fleiri myndu temja sér þennan hugsunarhátt myndu vextir lækka um 70%, verðbólgan hverfa, matarkarfan yrði ódýrari og bílar myndu lækka um 20%. En þessi hækkun fluglæknana í Reykjavík nær engri átt og er bara ein önnur hækkunin sem dynur á flugmönnum um þessar mundir.
Haraldur Diego

#996    Microsoft Windows Vista Ultimate 64bit FULL w/ SP1
$319.95 frá Microsoft
$189.00 frá ktiusapc (ebay)
í íslenskum krónum
25.369,60 frá Microsoft
14.983,92 frá ktiusapc (ebay)
svo reyndar bætist aðeins á innflutningskostnaður og þannig en ég fékk mitt á svona 20 þúsund allt í allt. og ég fékk 32 OG 64 bita útgáfu í sama pakka á þessu verði.
En að kaupa þetta Á íslandi kostar MUN meira en það...
53.750 hjá att.is (stendur ekkert hvort þetta sé 32 eða 64 bit) OKUR
22.900 hjá tölvutækni (bara OEM (fæst þá bara ef þú kaupir tölvu líka))
24.900 hjá kísildal (ekki okur ef þetta er satt...)
22.900 hjá start.is (bara OEM (fæst þá bara ef þú kaupir tölvu líka))
22.900 hjá tölvuvirkni (bara OEM (fæst þá bara ef þú kaupir tölvu líka))
23.900 hjá hugver (bara OEM (fæst þá bara ef þú kaupir tölvu líka))
23.900 hjá digital task (bara 32 bit OEM (fæst þá bara ef þú kaupir tölvu líka))
26.900 hjá tölvulistanum (bara OEM (fæst þá bara ef þú kaupir tölvu líka))
Ég athugaði verðin þó aðeins með vefverslunum fyrirtækjanna, notaði vaktin.is til að finna fyrirtækin. Ekki öll sýna þessa vöru í sínum listum.
Ég man líka eitthvertíma eftir að hafa heyrt um verð nálægt 70 þúsund fyrir þennann pakka, man þó ekki hvaðan.
Kannski maður ætti bara að fá sér Linux og hætta þessu veseni (linux er frítt stýrikerfi, til í allskonar útgáfum)
Gunnar Guðvarðarson

(Sett inn 18.07.08):

#995    Mig langar til að benda á gott Ekki-okur. Á hinum akfína stað Matstofan (aka Dússabar) í Borgarnesi hefur Dússi ekki séð ástæðu til að hækka hjá sér matseðilinn frá því í ágúst 2007 og þar má til dæmis fá alvöru Pinoy burger með öllu fyrir aðeins 750 kr.  Einnig er hægt að fá þar Jolly burger með öllu fyrir 850 kr. ef maður vill gera sér sérstaklega glaðan dag.   Þá hefur Dússi ekki séð ástæðu til að hækka gos á matseðli frá árinu 2004. Þetta kallar meður EKKI-okur.
Guðni Halldórsson

#994    Þetta fjallar ekki um okur ­ heldur nýjustu verðhækkanir og súrrandi verðbólgustuð á íslenskum kaupmönnum. Þeir eru býsna ósvífnir í verðhækkunum þessa dagana. Ég keypti mér poka af fílakaramellum í Nóatúni 17. júlí sl. Merkt hilluverð var 398 kr. en þegar pokanum var rennt í gegn var ég rukkuð um 525 kr.  Það er 31.9 prósent hækkun á einu bretti !! Takk. Ég vakti athygli á misræminu og fékk endurgreiddan mismuninn - athugasemdalaust - að öðru leyti en því að kassastúlkan sagði þreytulega: “Það erum ekki við sem verðleggjum þetta”. Karamellurnar í pokanum voru 25 talsins þannig að stykkjaverðið er 21 króna (miðað við 525 kr. fyrir pokann), en 16 krónur á “gamla verðinu”. Til gamans má geta þess að sömu karamellur kosta 15 krónur í lausasölu í Borgargrilli við Miklubraut. Miklu betra að kaupa þetta í nætursölu þar heldur en í Nóatúni.
Sjálfsagt fer að styttast í að kaupmenn auglýsi eins og þeir gerðu í gamla daga þegar ég var ennþá á reiðhjóli og í takkaskóm: Eigum fyrirliggjandi nokkrar frystikistur á gamla verðinu .... !!
Lana Kolbrún Eddudóttir 

#993    Maðurinn minn skrapp í Bónus um daginn og keypti þar grísagúllas frá Íslandsgrís. Á pakkningu stóð "Stolt kjötmeistarans" þannig að maðurinn minn var ægilega ánægður með kaupin. Sérstaklega í ljósi þess að gefinn var 20% afsl. við kassa af kílóverði (sem var 1869 kr). Allt í góðu. Þegar heim kom og ég byrjaði að elda matinn var fyrsta mál á dagskrá að steikja gúllasið. Sem hefði kannski ekki verið neitt mál nema vegna þess að það var óvinnandi vegur. Ástæðan? Jú, það streymdi stöðugt meira og meira vatn úr gúllasinu þannig að það soðnaði í stað þess að steikjast. Þetta endaði með því að ég hellti dágóðum skammti af vatni af pönnunni, svo miklu reyndar að mér blöskraði og ákvað að vigta gúllasið þegar mesta vatnið var runnið úr því. Viti menn. Gúllasið, sem var áður 508 grömm var allt í einu orðið 393 grömm! Þannig að úr þessu hálfa kílói rann meira en desilítri af vatni - rýrnunin var rúmlega 23% ef ég hef reiknað þetta rétt. 
Ef þetta eru ekki vörusvik, þá veit ég ekki hvað!
Við erum hér með hætt að kaupa nokkuð af þessu merki - ef þetta er stolt kjötmeistarans, þá langar mig ekki að komast að því hvernig restin af vörunum er.
Hólmfríður Gestsdóttir

#992    Ég hefsvo sem ekki staðið við grátmúrinn mikið hvað varðar verðlagningu en ég held að að ég verði að segja frá þessu þó mér þyki það sárt. Fór nefnilega um daginn í það ágæta fyrirtæki sem hét bílanaust hér áður en N1 hefur yfirtekið og keypti mér kerti í Terrano og reyddi þar fram  með viprur í andlitinu 6700 kr. fyrir fjögur ngk kerti í bílinn. Hins vegar þar sem ég þeyttist um landið tók minn eðli Terranó að haga sér eins og rotta með rúllustigafælni og fretaði út í eitt upp allar brekkur. Þannig að ég endaði með að fara í Stillingu í kópavogi og þar keypti ég fjögur Champion kerti og borgaði fyrir 2700. kr. Sem ég svo skrúfaði í með herptar rasskinnar og viti menn terranó rokkaði eins og geimskutla. Ég fór svo aftur í Bílanaust og fékk þar bara spékoppa frá afgreiðslumönnum eins og eg væri launbarn jólasveinsins enda vinna þeir bara 8-5 og ráða bara hvað þeir hafa í nesti í vinnuna. Ég hef hins vegar öðlast nýja trú Terranóinum mínum en hvað varðar N1, ja ég tek ekki margar ákvarðanir í minni fjölskyldu en svo lengi sem ég finn til í rassgatinu (sem verður mörg tungl) verður ekki verslað við N1 einn á mínu heimili.
Doddi Skjól, Akureyri

#991    Intersport / Útilíf / Adidasbúðin
Ég skoðaði Adidas peysuí þessum þremur búðum. Hún kostaði 5990 í Útilíf,
rúmar 3500 á útsölu (áður á 5990 ) í Adidasbúðinni en 7000 á útsölu í
Intersport (Kostaði áður 9990). Og Intersport segist vera ódýrastir og eru
með verðvernd!! En það er annars áhugavert að sjá útsöluna í Útilíf. Hún
er samsafn af afgöngum fyrri ára, en “venjuleg” vara er á engum afslætti.
Flott útsala í Adidasbúðinni þar sem allt er með 40% afslætti og þeir hafa
ekki hækkað verðið fyrir útsöluna. Hrós dagsins til Adidasbúðarinnar. Pú
dagsins á Intersport og raunar Útilíf líka fyrir lélega útsölu.
Nafnlaus

#990    Fór í Hagkaup í Holtagörðum um liðna helgi og þar var auglýstur 35%
afsláttur af kryddlegnum kjúklingalundum. Ég ákvað að skella mér á þær þar
sem dagsetningin var líka mjög góð á þeim en oft loðir við að afsláttur
sé á vörum hjá þeim sem eru við það að renna út.
kem að kassanum og þá reiknaðist afslátturinn ekki inn.
Ég vildi fá leiðréttingu á því og það var svo sem ekkert mál og labbaði
með piltinum alla leið út í hinn endanum á versluninni til að sýna honum
afsláttarmiðann (leið eins og glæpamanni).
Fyrir 2 helgum síðan fór ég í N1 verslun í Grafarvogi fyrir ofan
kirkjugarðinn. Srákurinn fékk að velja sér ís fyrir ferðalagið og varð Snikcers ís fyrir
valinu. Ósköp aumingjalegur og lítill cone. Þegar ég er búin að greiða
fyrir vöruna fór ég að reikna saman og fannst þetta bara alls ekki geta
passað. Þegar ég leit á verðmiðann duttu augun nærri úr höfðinu því ísinn
litli kostaði ekki "nema" 479 kr.!!!!
Ég varð vond móðir því ég tók hann af barninu og sagði við hann að ég
skyldi kaupa fyrir hann risaís annarsstaðar og skilaði helvítinu. Fékk
endurgreitt af skömmustulgeu starfsfólki sem hefur væntanlega líka
blöskrað verðið og keypti ís aanrsstaðar fyrir drenginn á helgmingi lægra
verði og mun stærri.
Hanna Stefánsdóttir

#989    Keypti MS Bíomjólk MEÐ JARÐARBERJUM í KS á Sauðárkróki.  Verðið kom mér ekkert á óvart, en ég las innihaldslýsinguna:
-Léttmjólk sýrð með Biogarde gerlum, sykur, JARÐARBER (3%) !!!!!!!!, rauðrófuþykkni, bragðefni.
-Er réttlætanlegt að segja að eitthvað sé með jarðarberjum ef nauðsynlegt er að setja rauðrófuþykkni fyrir lit!?
-Réttara væri að taka fram að vara gæti innihaldið snefil af jarðarberjum, svona eins og gert er á súkkulaðistykkjum; Gæti innihaldið snefil af hnetum. 
-Svona eru allar jarðarberjamjólkurvörur á Íslandi!! LÝGI!!!
Jóhann Guðmundsson

#988    Við ákváðum að skella okkur til Reykjavíkur í "Fjölskyldu"og húsdýragarðinn, fjórar með börnin okkar, 11 stk.  Samtals vorum við 14 og borguðum okkur inn kr. 4500. Svo þurftu börnin auðvitað að fá dagpassa sem kostuðu 1500 kr hver. Við keyptum 7 stk. Og þar sem að fjögur barnanna voru ekki alveg með aldur til þess að fara í stóru tækin voru keyptir stakir miðar 16 stk. Samtals voru þetta 18.000 kr. Þetta er svo sem allt í lagi þar sem að þetta skiptist á þrjár fjölskyldur.  En merkingar og aldurstakmörk  eru ekki til staðar á nokkuð mörgum tækjum og lentum við illa í því.  Systir mín og mágkona fóru með tvær fjögurra ára í ökuskólann og máttu þær bíða í meira en korter eftir að röðin kæmi að þeim og á meðan þær biðu horfðu þær upp á tvo stráka hrækja niður af brúnni á krakkana sem að keyrðu undir brúnna, ekkert heyrðist eða sást til starsmanna en þegar systir mín fór að svipast meira um sá hún einn starfsmann með skeiðklukku að taka tímann á ökuferðunum hjá krökkunum.(þær eiga að vera ca. 3 mín)  Svo kom röðin að stelpunum þeirra og konan lítur á þær og segir: Hvað eruð þið gamlar ?  Fjögurra segja þær og þá var þeim vísað í burtu því að þetta er bara fyrir sex ára og eldri !!!! Ekkert merkt og ég vil taka það fram að þær voru fremstar í röðinni í góðan tíma, þannig að það hefði alveg verið hægt að pikka í þær eða láta mömmurnar vita.  Þær stóðu jú líka í röðinni með stelpunum.  Systir mín ákvað að hafa upp á einum starfsmanni þarna og kvarta yfir lélegum merkingum við ökuskólann, hún sagði að hún væri bara nýbúin að taka miðann niður því að þær Stelpurnar voru auðvitað svekktar og amma ákvað að bjóða bara hópnum upp á ís.... Ekki tók betra við.  Mamma og systir mín fara í röðina við sjoppuna og ég og mágkona mín smölum liðinu okkar saman og bíðum.  Loksins kemur röðin að þeim og mamma segist ætla að fá fimmtán barnaísa með dýfu.... Stelpan í sjoppunni segir: ha, vá það gengur ekki... þær segja bara ha???? 
Stelpan: já fimmtán ísa, sérðu ekki röðina? 
Þær: Jú við vorum í henni.
Stelpan: það er allt of mikið ég stend ekki í því.
Þær: Viltu frekar að við förum þrjár í röðina og kaupum fimm ísa hver ?
Stelpan: jaaa ....
Okkur var svo misboðið og það er greinilegt að þetta er ekki ætlað fyrir stórar fjölskyldur. 
Inga Ágústs.

#987    Hinn sívinsæli LR Henning dietkúr hefur hækkað úr 19.000 krónum í rétt tæpar
27.000 krónur á hálfu ári, þá er miðað við startpakkann, hvað er í gangi!! Sjá
www.dietkur.is en ég ætlaði að versla mér aftur startpakka, en snarhætti við
þegar ég sá að pakkinn hafði hækkað um 8 þúsund krónur...ég segi að þetta hafi
bara hækkað svona vegna vinsælda kúrsins, þetta er svívirða!!
Alva Ævarsdóttir. 

#986    Hafði mjög gaman af því að kaupa Tilda hrisgjón í Krónunni í gær. Mig vantaði grjón og sá það út að ég yrði að kaupa eitthvað annað en Tilda. 1kg basmalti hrísgrjón kostaði 749kr þetta er græðgi og geðveiki. Svo þegar ég var búin að kaupa mér 0,5kg af heilsugrjónum sem kostuðu 250kr sá ég að hægt var að kaupa 0,5kg basmalti hrísgrjón á 149kr en þau voru í suðupoka... Svo ég labba út með 0,5kg af tilda í suðupokum.... og 0,5kg af heilsugrjónum fyrir 400kr. Borgar sig að skoða, enda er 749kr geðveiki fyrir 1kg af grjónum
Kristjana Ósk Birgisdóttir 

#985    Ég náði mér í 16” pizzu á Pizza höllinni um daginn. Fínasta pizza en ég prófaði að mæla hana vegna þess að mér hefur fundist 16” pizzur hafa minkað undanfarin ár. Þessi 16” pizza var hvorki meira né minna en 14”. Alltaf verið að svindla á manni.
Ólafur Hrafn Hilmisson

#984    Ég má til með að deila reynslu minni með lesendum af verðlaginu hjá Hans Petersen. Um daginn fór ég að láta umrædda verslun framkalla myndir fyrir mig og bað jafnframt um að tekin yrðu út rauð augu á sex myndanna. Starfsmaðurinn sagði mér að það væri aukakostnaður, en þegar ég spurði hann hvað það kostaði vissi hann það ekki. Þar sem ég veit að þetta er auðvelt að gera í Photo Shop hugsaði ég með mér að þetta gæti nú ekki verið mjög dýrt og sló til. Þegar ég síðan sótti myndirnar kom í ljós að það að taka út rauð augu kostar aðeins litlar kr. 450.- á mynd. Takið eftir – á mynd! Var ég því rukkuð um heilar kr. 2700.- fyrir þessar sex myndir. 
Þegar ég lét í ljós óánægju mína og furðu var mér sagt: ,,... að þetta væri sko handgert í Photo Shop og það tæki tíma og væri dýrt”. Ég hringdi í Ljósmyndabúiðina í Skipholti og fékk þau svör að nákvæmlega eins aðgerð kostaði hjá þeim kr. 180.- Ég lét ekki þar við sitja heldur hafði samband við skrifstofu Hans Petersen sem fannst verðið afar eðlilegt þar sem þeirra vinnubrögð væru betri og í því lægi verðið. Ég sagði þeim að ég væri félagi í Neytendasamtökunum og myndi láta þá fá þetta mál í hendur sem ég hef nú þegar gert og vona að þeir láti til sín taka. Hafið þetta í huga ágætu verðlagsvaktendur – látum ekki bjóða okkur slíkt. 
Kristín Helgadóttir
(ATH: Vil bæta við okur #984, ég ætlaði að láta "framkalla" um 80 stk af digital myndum og renndi við í Hans Petersen og bað um að fá þær samdægurs, það var lítið mál, en ég þyrfti í staðinn að borga 55 kr. pr. mynd. Þetta þótti mér frekar dýrt (4.400kr.) ég afþakkaði og brunaði upp í Ljósmyndavörur (Fuji) í skipholti, þar fékk ég myndirnar til baka eftir klukkutíma og var rukkaður um 29 kr. pr. mynd eða 2.320 kr.
Með öðrum orðum Hans Petersen er 89,6% dýrari en Ljósmyndavörur (Fuji).
Jón Ingi Björnsson)

#983    Ég skrapp í 10-11 í Staðarbergi í Hafnarfirði því mig vantaði þvottaefni. Þar fæst hið ágæta Neutral sem er án allra aukaefna og þvær vel. Verðmerking í hillu var 779 krónur fyrir pínulítinn pakka, 850 grömm. Ansi dýrt og enn undarlegra er að varan er skýrt merkt 390 kr. pr. kíló. Þegar á kassan er komið kostar þessi litli pakki hinsvegar 899 krónur og hefur þá hækkað um 120 krónur við það að fara í mína körfu og úr henni aftur. Kílóverðið er hinsvegar áfram hið sama. Í Bónus á Völlunum kostar sama þvottaefni í tveggja kílóa pakkningu aðeins 389 krónur - 2 kíló á 389 krónur.  Er 10-11 ekki á villigötum með verðlagningu á þessu tiltekna þvottaefni?
Hjörtur Howser

#982    Í apríl fór maðurinn minn í langferð sem hófst í Keflavík, hann var
með 14 kíló yfirvigt og var rukkaður útá velli um 70.000.- krónur,
fyrir alla leiðina sem var  Keflavík - Frankfúrt - Madríd - Banjul.
Honum þótti þetta okur og fór fram á að borga aðeins þann hluta sem
Icelandair átti tilkall til Frankfurt sem var  14.000.- kr. Í
Frankfurt var hann síðan rukkaður um 7000.- kr og ekkert eftir það
mismunurinn semsagt 50.000.- kr.
Þegar heim var komið forvitnaðist ég um hverju það sætti að munurinn
væri svona mikill, þjónustufulltrúi Icelandair sagði mér að þeim væri
uppálagt að að rukka fyrir alla leið og að kílóið kostað 50 evrur í
Evrópu. Etthvað var ég ósátt við útskýringarnar og hafði samband aftur
við Iclandair eftir tvo eða þrjá daga og þá var sama svarið nema að
kílóið í evrópu var komið í 100 Evrur eða 12000.- íslenskar krónur.
Því miður á ég bátt með að trú því að það sé satt, 100% munur á milli
daga er ekki trúverðugur.
Ég vil koma þessu á framfæri til allra þeirra sem fara í tengiflug að
það margborgar sig að greiða ekki yfirvigt fyrir alla leið á
upphafsstað ef að hann er ísland.
Auður Friðriksdóttir

#981    Núna er Smárabíó búið að ganga fram af mér þrisvar í röð svo ég hugsaði með mér - hingað og ekki lengra, ég verð að deila þessu með öðrum!
Fyrsta skiptið vorum við hjónin að fara með börnin í bíó á mynd sem var bönnuð innan 12 ára (Hulk). Börnin eru innan við 12 ára en í fylgd með fullorðnum svo ég taldi mig geta keypt barnamiða handa börnunum. En Smárabíó bíður ekki upp á það- heldur þurftum við að kaupa 4 miða á 1000 kr. stykkið. Við fórum síðan í Sambíóin með börnin að sjá Indiana Jones, sem er líka bönnuð innan 12 ára (já, við erum auðvitað ferleg að fara með börnin á bannaðar myndir en það er önnur ella). Þar var að sjálfsögðu hægt að kaupa 2 barnamiða og 2 fullorðins- plús fyrir Sambíóin.
Annað skiptið var ég á hraðferð og syni mínum vantaði afmælisgjöf handa vini sínum. Við höfum oft verslað bíómiða í Sambíóum í afmælisgjafir (á barnabíómiðaverði) og þar sem ég var stödd í Smáralind þá skaust ég í Smárabíó með það í huga að kaupa afmælisgjöfina. Ég fer í miðasöluna og bið um gjafakort á barnabíómiða, en miðað við fyrri reynslu hefði ég getað sagt mér það sjálf að það væri að sjálfsögðu ekki hægt. Mér var boðið að kaupa gjafabíómiða á 1000 krónur, en þeir selja ekkert sem heitir barnabíómiða-gjafakort. Annars plús fyrir Sambíóin.
Þriðja skiptið sunnudaginn 13 júlí. Við hjónin ætluðum með börnin í bíó svo ég skimaði yfir bíóauglýsingar Fréttablaðsins. Þar stendur mjög skýrt að það kostar 550 krónur á fyrstu sýningu dagsins í Sambíóum. Smárabíó auglýsir hins vegar "tilboðsverð" á fyrstu sýningar dagsins, en það kemur hvergi fram hvert tilboðsverðið sé. Þar sem við búum stutt frá Smáralind þá hentaði okkur best að fara þangað en ég ákvað samt að hringja í miðasöluna og athuga hvert tilboðsverðið væri. Miðasalan opnaði hins vegar ekki fyrr en 12.30 og myndin byrjaði klukkan 13:00 svo við fórum á staðinn og biðum í biðröð. Og viti menn- tilboðsverð Smárabíó-manna var 650 krónur. Ef ég hefði álpast í Álfabakkann í bíó hefði ég sparað mér 400 krónur- og það er bara heilmikið á þessum síðustu og verstu. Það sem fer líklega mest af öllu í taugarnar á mér er þó að menn komist upp með að auglýsa "tilboðsverð" án þess að það komi fram í hverju tilboðið felst. 
Berglind Ósk Kjartansdóttir 

#980    Fyrir ári síðan auglýsti KB banki fjarfestingarleiðir , svokallaðir Gull og Silfur leiðir með höfuðstólstryggingu. Fimmhundruð þúsund krónur var lágmarksupphæð sem hægt var að fjarfesta. Samkvæmt opinberum tölur hefur KB banki ekki gengið illa í fyrra – var með um 39miljarða kr. hagnaður en við fengum í dag 500þ kr. okkar til baka – ekki einni krónu meira en þá upphæð sem við fjárfestum í Silfur ávöxtunarleið fyrir ári síðan. Ekki var nú silfrið mikið sem við fengum að árinu liðnu. Í raun og veru fengum við ekki einu sinni upphæðina til baka því verðbólgan er búin að taka sína sneið. Skilur einhver þetta???
Esther Brune

#979    Mig langar til þess að láta vita af okri á ferðum á milli Reykjanesbæjar og Reykjavíkur.  Önnur leiðin með SBK kostar hvorki meira né minna en 1200kr aðra leið 2400kr fram og til baka.  Þetta er algjörlega fáránlegt verð. Sendi hérna með verðlista SBK 
Skagamenn komast svipaða vegalengd með strætó og borga aðeins venjulegt strætógjald eða nota grænakortið.  Væri nú gaman ef ráðamenn í Reykjanesbæ myndu beita sér fyrir strætóferðum á milli.
Þórey Guðný Marinósdóttir

#978    Ég fór í Nóatún að kaupa barnamat. Ég keipti 14 krukkur af Garber með hinum ýmsu bragðtegundum og Nestle 370 GR Hafragraut fyrir ungabörn. Afgreiðsludaman rukkar mig um 2638 krónur. Ég borga en hugsa að það geti ekki staðist þannig að ég kíki á miðann þegar ég fæ hann og sé að krukkan er á allt frá 129kr til 149 kr stikkið og Hafragrauturinn á 845kr. Ég skila öllu umsvifalaust og fæ ekki annað en inneignarnótu í staðinn. Ég fer í bónus og kaupi allt það sama, nema þar kostar krukkan 54 til 69kr stykkið og Nestle hafragrauturinn kostaði 389. Heildarupphæðin er því nú 1.280 krónur fyrir allt það sama. Sparnaður 2638 - 1280 = 1358kr.
Tekið skal fram að þetta var Bónus og Nóatún á Selfossi. 
Gummi 

#977    Ég var sendur í búð gærkvöldi því þegar verslað var vegna baksturs í Bónus fyrr um daginn hafði gleymst að kaupa sykur og lávöruverslanirnar voru lokaðar. Því varð ég að fara í einu matvöruverslunina sem var opin sem heitir Samkaup á Akranesi.
Ég fór þar og tók 3 x 2 kíló af sykri og var hver poki merktur 289 kr stk. Þegar kom á kassa tók ég eftir því að þá var verðið 339 kr stk og gerði ég athugasemd við það, þá sagði stelpan á kassanum að 289 kr væri vitlaust verð en rétt verð væri í tölvunni, ég sagði henni að það væri ekki rétt því að hilluverð væri alltaf rétt verð og fyrir því væri nú landslög sem segðu svo og bað ég hana að leiðrétta verðið í kassanum í samræmi við merkt hilluverð. Þá bar að annan eldri starfsmann sem sagði mér að það hefði bara ekki verið leiðrétt hilluverð og rétt verð væri verðið sem væri í kassanum. Sótti hann þá hillu miðan og kom í ljós að fullyrðing mín um verðið var rétt og endurtók ég þá að það væru nú bara lög gegn svona viðskiptaháttum og bað um að ef þau gætu ekki leiðrétt verðið þá hringdu þau i einhvern sem gæti það. Eftir að ég beið mjög lengi og margir afgreiddir fram fyrir mig þá var ég loks afgreiddur með miklum trega á hilluverðinu. En ekki fékk ég nokkra afsökun eða nokkur hlut frá þeim.
Mér finnst forkastalegt að Samkaup á Akranesi hækki vöru úr 289 í 339 sem er Okur! og hafi eitt verð í hillu og annað í kassa. Verslunin uppfræðir starfsfólk ekki á nokkur hátt um hvernig á að taka á því þegar upp kemst um svik verslunarinar á viðskiptavinum sýnum.
Og loksins þegar maður fær leiðréttingu þá er ekki einu sinni beðist afsökunar.
Það þarf ekki að taka fram hvar ég versla ekki á Akranesi
Hafþór Pálsson

#976    Fór um daginn í bíó og vitið menn, miðinn kominn í kr 1.050,-.  Hefur hækkað um kr. 205,- á skömmun tíma.  Þetta er andskoti vel í lagt.  Miðaverð var lengi kr. 800,-.  Það var þegar gengisvísitalan fór yfir 150 stigin hér um árið.  Síðan lækkaði vísitalan en ekki lækkaði miðaverðið.  Ég vil meina að kvikmyndahúsaeigendur hafi enga ástæðu til þess að hækka verðið núna.  Keypti mér lítin popp og litla kók og var rukkaður um rúmlega kr. 400,-.  Sem sagt; bíóferð upp á tæpar kr. 1.500,-
Siggi Helgi

#975    Ég á Daihatsu Cuore sem er einn heilbrigðasti bíll sem fáanlegur er en hlutir bila. Hjá mínum fór kúplingsvír nú um daginn og eiga engir slíkan nema umboðið ef umboð skal kalla, Brimborg sinnir þessu bílmerki svotil ekkert og enginn þarábæ veit hversvegna.Vírinn var hægt að panta og það er svosem ekki hægt að kvarta undan verðinu sem er 6000 en hjá Bílahlutum kostaði vírinn notaður! úr gömlu hræi 5000. Það er okur.
Daihatsu eigandi.
(ATH: Í fyrsta lagi er Daihatsu sinnt varahlutalega og þjónustulega eins og kemur glögglega fram í kvörtuninni og verð á nýjum hlut hagstætt m.v. notaðan hlut. En varðandi sölu á nýjum Daihatsu bílum þá hafa bílarnir undanfarin ár ekki verið samkeppnishæfir í verði og því hefur Brimborg ekki getað boðið þá á Íslandi á verði sem íslenskir neytendur eru tilbúnir til að greiða fyrir þá. Þetta hafa starfsmenn Brimborgar verið upplýstir um og full djúpt í árinni tekið að halda því fram að enginn viti hvers vegna Daihatsu hefur ekki verið seldur hér á landi undanfarin ár.
Með kveðju 
Brimborg ehf.
Egill Jóhannsson, forstjóri)

#974    Faðir minn fór fyrir stuttu í Griffil Skeifunni 11 til þess að kaupa svart
blekhylki í Canon ljósmyndaprentarann sinn. Hann fær aðstoð starfsmanns
við að finna hylkið, tjáir honum að þetta sé IP3300 týpan sem honum vanti
hylkið í. Starfsmaðurinn finnur hylki og faðir minn borgar fyrir það.
Þegar hann kemur heim opnar hann sölupakkningarnar sem hylkið er í og sér
strax að þetta er ekki rétta hylkið, sölumaðurinn hafði selt honum hylki í
IP3000 sem er eldri týpa og notar ekki sömu hylki, hann sleppir því að
opna plastið sem hylkið sjálft er í.
Þegar hann kemur aftur í Griffil og ætlar að fá rétta hylkið þá neita
starfsmenn að taka við því sökum þess að það er ekki í "söluhæfum
umbúðum".
Vissulega var sölupakkningin (pappaaskja) opin að ofan en hylkið var ennþá í INNSIGLUÐU plasti. Mér finnst það hneykslanlegt að viðskiptavinurinn þurfi að líða fyrir augljós mistök starfsmanns.
Arnar Sigurður Ellertsson
(ATH: Ég bara varð að skrifa vegan OKURS nr. 974 (maðurinn sem fékk vitlaust prenthylki í Griffli og var neitað um að skipta í rétt hylki). Svona á maður ekki að láta yfir sig ganga. Ég veit að mörgum finnst erfitt að vera “með læti” eða “rífast” við starfsfólkið, en maður verður bara að standa á sínu (eins og maðurinn í OKRI 977 sem var að kaupa sykurinn á Akranesi, gott hjá honum!). Í þessu tilviki var það starfsmaður sem lét manninn hafa vitlausa vöru. Ef starfsmenn neita að leiðrétta mistök, þá í fyrsta lagi reynir maður að fá að tala við einhvern hærra settan. Ef sá vill ekki leiðrétta mistökin er ég með leið sem virkar nánast alltaf. Hún er ekkert mjög skemmtileg (fyrir flesta) en hún virkar. Maður verður bara að vera nógu andskoti leiðinlegur og erfiður, þannig að þeir endi með því að gera það sem maður vill, bara til að koma manni út úr búðinni. Ef með þarf getur maður stoppað alla afgreiðslu í einni röð á meðan, svo fullt af pirruðu fólki sé að bíða og stafsmanninum finnist skárra að láta undan en að allt stoppi.
Það er rétt fólk! Make a scene! Ef það er eina leiðin til að fá réttlætinu framgengt, þá það. Og það fyndnasta er, vitiði hvar ég lærði þetta trick? Hjá varðstjóra!
Perla Haraldsdóttir.)

#973    Á leið okkar til útlanda í rauðabítið á dögunum ákváðum við skötuhjúin að fá okkur léttan árbít hjá Kaffitári í Leifsstöð. Keyptum við okkur tvo bolla af kaffi latte ásamt skinkufylltu croissanti og rúnnstykki. Þetta losaði rúmar 1700 krónur. Mestu munaði um rúnnstykkið sem var skreytt graskersfræjum og fyllt kjúklingabaunakássu (hummus) og smávegis salati: 640 krónur, takk fyrir. Ég hefði skilið verðlagninguna ef humar eða hráskinka hefðu verið áleggið en ekki baunasalat. OKUR!
Kristrún Jónsdóttir

Okur #903 - 972 eru hér.

Veistu um svakalegt okur? Láttu vita!