1.
Tölvurnar / The Computers
2:37
min / 2.4 MB |
Ég
fékk lítinn Fender-magnara og Yamaha rafgítar í
fermingagjöf. Áður hafði ég spilað á
Hagström kassagítar sem mamma mín ætlaði að
læra á. Ég byrjaði að semja lög um leið
og ég hafði lært þrjú vinnukonugrip. Með
pönkinu fékkst sú aðferð viðurkennd. Ég
byrjaði strax að taka lögin upp og hér er sýnishorn,
líklega síðan 1978. Ég er 13 ára og stemming
var sú að tölvurnar myndu bráðum starta 3. heimstyrjöldinni. |
For
my confirmation I got a small Fender amp and an electric Yamaha guitar.
Before that I had used a Hagström guitar that my mom had intended
to learn to play. I started composing songs as soon I knew three chords.
With the punk wave that was perfectly acceptable. I started to record the
songs and this is a specimen, probably from 1978. I'm 13 and it was thought
the computers would cause WW3. |
2.
Ég er aumingi / I'm a poor wretch
3:42
min / 3.4 MB |
Fyrsta
alvöru hljómsveitin mín hét Dordinglar. Ég,
Steini og Haukur, sem síðar voru í S.H.Draum og bassaleikarinn
Sævar, sem skömmu síðar frelsaðist og leikur
nú með Páli Rósenkrans í Link. Við
æfðum stíft, spiluðum nokkur frumsamin lög og
Sultans of Swing með Dire Straits. Við lékum þrisvar;
einu sinni í Kópavogsbíó með Fræbbblunum
og Utangarðsmönnum (í apríl 1980) og svo tvisvar
í Hæfileikakeppni Kópavogs. Við unnum ekkert og
urðum svo fúlir að við hættum. |
My
first real band was called The Spiders. Me, Steini and Haukur, who later
were in S.H.Draumur, and the bass player Saevar, that later was born again
and now plays with singer Páll Rosenkrans in Link. We rehearsed
a lot, played few originals and Dire Straits' "Sultans of Swing". We played
three times; once in Kopavogur's cinema with Fræbbblarnir and Utangarðsmenn
(April 1980), and then twice at Kopavogur's Talent contest. We didn't get
any prizes so we got angry and split the band. |
3.
Bölvun fylgi þeim / They be damned
1:17
min / 1.2 MB |
F/8
var annað bandið mitt, þrusu pönk frá gullaldartímanum
í Kópavogi. Tryggvi söng, Bjössi á bassa,
Haukur trommaði, ég á gítar. "Beyttir" textar:
Löggan
hún hellti niður víni / sparkaði nokkrum gaurum inn
/ þeir gátu ekki varið sig barsmíðum / fantaskapur
lögreglunnar. Tekið upp í bílskúrnum
heima hjá Bjössa 1980, mömmu hans til lítillar
gleði eins og heyrist sé hlustað grannt á enda lagsins. |
F/8
was my second band, power punk from the golden age of Kopavogur. Tryggvi
sang, Bjössi on bass, Haukur on drums, me on guitar. "Strong" lyrics:
The
Police spilled our booze / kicked some guys into jail / They couldn't defend
themselves / Police brutality. Recorded at Bjössi's garage 1980,
not amusing his mom much, as you can hear if you listen closely to the
end of the song. |
4.
Hr. Dömubít / Mr. Lady beat
2:10
min / 2 MB |
Eftir
F/8 kom Geðfró. Tryggvi hætti, en Steini kom aftur og
við réðum söngkonuna Siggu Beinteins. Með frekju
bolaði ég Bjössa frá því ég
vildi sjálfur spila á bassa. Þá skiptum við
um nafn og kölluðum okkur Beri-Beri eftir lagi með Tappa tíkarrass.
Við spiluðum nokkrum sinnum en hættum sama kvöld og
okkur var boðið að vera með í Rokki í Reykjavík.
Ég var ekki að fíla Siggu sem söngkonu, eða
kannski vildi ég bara syngja sjálfur. |
After
F/8 came Gedfro. Tryggvi left, but Steini came back and singer Sigga Beinteins
(later to become famous in Iceland). I wanted to play bass so Bjössi
was fired. At that point we changed the band name to Beri-Beri after a
Tappi Tikarrass song. We played several times but split the same night
we were asked to appear in the film Rokk i Reykjavik. I wasn't digging
Sigga's singing style, or maybe I just wanted to sing myself. |
5.
Hunangsmaðurinn / The Honey man
3:57
min / 3.7 MB |
Þá
erum við komin til 1983. Nýtt band; ég, Steini og Haukur.
Ég byrjaður að syngja þrátt fyrir áköf
mótmæli Hauks sem hótaði að hætta. Við
erum bókaðir á fyrstu Músiktilraunir Tónabæjar
og vantar nafn. Svart Hvítur Draumur verður ofan á, eftir
lagi á leiðinlegri plötu sem ég keypti í
Safnarabúðinni, Do Ya Dream in Colour með Bill Nelson. Við
spilum á fyrsta kvöldi Músiktilrauna með þrem
öðrum böndum. Spilum 3 lög, þ.á.m. þetta
og verðum númer 3 á eftir Reflex og Sokkabandinu. Erum
fúlir en höldum samt áfram. |
Then
it is 1983. New band: Me, Steini and Haukur. I have started to sing despite
Haukur's protest, who threatens to quit. We are booked at Tonabaer's first
Battle of the bands and need a name. We become Black and White Dream after
a song on a boring record I bought at the Collector's Music store, Do Ya
Dream in Colour by Bill Nelson. We play at the first Battle ever with 3
other bands. We play 3 songs, including this. We end up at number 3, behind
Reflex and Sokkabandid. We are angry but still keep on playing. |
6.
Bensín skrímslið skríður / The Gasoline monster
crawls
2:28
min / 2.3 MB |
Safnarabúðin
hafði aftur áhrif þegar ég keypti þar plötuna
Prayers on Fire með The Birthday Party 1983. Mér finnst þetta
ferskt og geggjað og tónlistin hjá okkur verður geggjaðri.
Við spilum og spilum, förum m.a.s. til Bretlands og heimsækjum
pennavin minn John Robb, sem er þá í The Membranes.
Honum finnst nafnið hjá okkur snúið og stingur upp
á S.H.Draumur í staðinn. Við gefum út 10"
plötuna Bensín skrímslið skríður 1985. |
The
Collector's Music store is again a big influence when I buy there Prayers
on Fire by The Birthday Party. I dig those fresh crazy sounds and our music
becomes crazier. We play and play, even go to England where we visit my
pen pal John Robb, who is then in The Membranes. He thinks our name is
difficult and suggests S.H.Draumur. We release the 10" ep Bensín
skrímslið skríður in 1985. |
7.
Ég dansa við lík / I dance with a corpse
2:09
min / 2 MB |
Haukur
giftir sig og Birgir Baldursson kemur í staðinn. Ég fer
til Lyon í Frakklandi eftir stúdentspróf og ætla
að verða rithöfundur. Kaupi gítar eftir viku. Sem megnið
af plötunni Goð sem við tökum upp og mixum á 50
tímum í september 1987 og gefum út í janúar
1988. |
Haukur
gets married and Birgir Baldursson replaces him. I go to Lyon, France after
graduating and plan to become a writer. I buy a guitar after one week.
I write most of the album God which we record and mix in 50 hours in Sept.
1986 and release in Jan. 1987. |
8.
Grænir frostpinnar / Green popsicles
2:51
min / 2.6 MB |
Það
ber helst til tíðinda að Steini er kominn með konu og
barn á leiðinni og er að nema klassískan gítarleik.
Samt tekst okkur að draga hann með til Englands þar sem við
hitum upp fyrir Sykurmolana 1988. Svo tökum við upp 4 lög
og gefum út plötuna Bless. Svo erum við hættir. |
The
main news is that Steini has met a woman, is expecting a child and is studying
the classical guitar. Still we manage to drag him to England where we support
the Sugarcubes in 1988. Then we record 4 songs and release the ep Bless.
Then we split up. |
9.
Ástfangi / Prisoner of love
2:36
min / 2.4 MB |
Ég
fer að koma fram einn sem Dr. Gunni með trommuheilann Dr. Rhythm.
Ég er í Ham í 2 mánuði og kem einu sinni
fram með því frábæra band. Svo er bara stofnað
nýtt band - Bless - ég, Birgir og Ari Eldon á bassa.
Árið 1989 gefum við út 7 laga plötuna Melting. |
I
start to appear alone as Dr. Gunni with a Dr. Rhythm drum macine. I join
Ham for 2 months and appear with that great band once. Then there's just
a new band - Bless - me, Birgir and Ari Eldon on bass. In 1989 we release
the 7 track album Melting. |
10.
Nennekki / Wontbother
2:16
min / 2.1 MB |
Svo
höldum við áfram að drekka og spila. Um vorið 1990
kílum við á plötuna Gums. Hún er öll
á ensku því nú á að meikaða.
Ég sé enn eftir því að hún var ekki
á íslensku. Í nóvember förum við á
rosalegan túr um USA, 11 gigg á fimm vikum. Við komum
þunnir heim, erum ekki heimsfrægir ennþá og Ari
og Birgir nenna þessu ekki lengur. Gums kemur loksins út í
janúar og gerir lítið enda bandið dautt. |
Then
we keep on drinking and playing. In the spring of 1990 we make the album
Gums. It's all in English cause we wanna "make it". I still regret not
singing the album in Icelandic. In Nov. we go on a hell of an USA tour,
11 gigs in 5 weeks. We come back with a hangover, are not world famous
yet and Ari and Birgir decide they wont bother anymore. Gums finally comes
out in January and does little as the band is dead. |
11.
Heimavistin helvíti / The Boarding-school of hell
3:05
min / 2.9 MB |
Mér
finnst smá líf eftir í Bless garminum og endurvek
bandið. Pétur, sem byrjað hafði nokkrum mánuðum
fyrr, verður einráður á gítarnum, ég
fer á bassa og trommarinn Logi kemur inn. Við spilum nokkrum
sinnum 1991 og tökum þetta lag upp fyrir Skífu-safnplötu.
Anna Halldórs syngur bakraddir. |
I
still think there's some life left in the Bless corpse and reform it. Petur,
who had started in the band some months before, becomes the sole guitarist,
I move to the bass and the drummer Logi steps in. We gig several times
and record this track for a Skifan-compilation. Backing vocals by Anna
Halldors. |
12.
Eddi Hnífur / Eddi the knife
1:12
min / 1.1 MB |
Ég
einbeyti mér að sólódæminu í nokkur
ár og finnska firmað Bad Vugum ákveður að gefa
út smáskífuna Eins og fólk er flesk, sem Eddi
kom fyrst út á. Smáplöturnar verða 3 að
lokum (Vessar og Fuzz & Sway) og ég túra tvisvar (með
Ara Eldon á bassa) um Skandinavíu. |
I
focus on my solo thing for some years and the Finnish company Bad Vugum
decides to release a 7" called Eins og fólk er flesk which has Eddi.
There are 2 more 7 inches (Vessar and Fuzz & Sway) and I tour twice
(with Ari Eldon on bass) in Scandinavia. |
13.
Ljúgðu að mér / Lie to me
3:06
min / 2.9 MB |
Seint
árið 1993 förum við Þór Eldon að semja
lög saman. Við fáum Jóhann Jóhannsson til
að forrita fyrir okkur og söngkonuna Kristínu til að
syngja. Við förum í stúdíó 1. apríl
1994 og byrjum að taka upp. Þá föttum við að
Kristín er ekki alveg að ná þessu. Hringjum í
Heiðu sem er til. Platan æ kemur út fyrir jólin
1994 og verður svona líka vinsæl. |
Late
in 1993 me and Thor Eldon start to write songs together. We get Jóhann
Jóhannsson to program for us and the singer Kristin. We enter the
studio on the 1st of April 1994 and start to record. Then it becomes apparent
that Kristin is just not getting it on. We call Heida who is ready. The
record ae comes out before xmas 1994 and becomes rather popular. |
14.
Prumpufólkið / The Farting people
4:27
min / 2.1 MB |
Ég
hafði haft þá hugmynd lengi að gera barnaplötu,
almennilega pönk barnaplötu og ekkert væl. Það
gengur ekkert hjá Unun að meikaða (þrátt fyrir
ítrekaðar tilraunir) svo ég kíli áða.
Platan heitir Abbababb og kemur út í október 1997.
Mér til mikillar undrunar slær hún í gegn, aðallega
út af þessu lagi, sem hér er í skissu-formi.
Krakkahelvítin í hverfinu hlaupa enn á eftir mér
fretandi þegar þau sjá mig. |
For
a long while I had had the idea to make a children's record, a real punk
children's record and no soft shit. Unun's world domination plans are going
nowhere fast (despite lots of trying) so I do it. The record is called
Abbababb and comes out in Oct. 1997. To my surprise it's a big hit, mainly
because of this song, that is here in demo form. The bloody kids in my
neighbourhood still run after me farting when they see me. |
15.
Mexíkó / Mexico
2:18
min / 4.1 MB |
Í
gegnum tíðina voru margir meðlimir í Unun. Þór
hættir 1998 og við Heiða gerum plötuna Ótta eiginlega
upp á eigin spýtur. Við smölum í band, spilum
nokkrum sinnum fyrir jólin 1998 þegar platan kemur út,
en finnum fyrir litlum áhuga. Við spilum í Noregi og
Finnlandi áður en bandið ákveður að gefa
upp öndina í júní 1999. |
Many
people have been members of Unun. Thor leaves in 1998 and me and Heida
make the album Otta on our own. We get a live band together, play several
times when the album comes out before xmas 1998, but don't feel much interest
from the general public. We play in Norway and Finland before the band
splits up in June 1999. |
