sequences_fb
Mark Lewis, James Castle, Emma Heiðarsdóttir, Jason de Haan, Karin Sander, Ceal Floyer, Kristján Guðmundsson, Sæmundur Þór Helgason, Kristinn Guðbrandur Harðarson, Roger Ackling, Hildur Bjarnadóttir
SEQUENCES IX
12. 10. 2019 - 17. 11. 2019
 
Laugardaginn 12.október klukkan 17.00 opnar sýning í Kling & Bang, sem hluti af Sequences real time art festival. Í Kling & Bang verða sýnd verk eftir Mark Lewis, James Castle, Emma Heiðarsdóttir, Jason de Haan, Karin Sander, Ceal Floyer, Kristján Guðmundsson, Sæmundur Þór Helgason, Kristinn Guðbrandur Harðarson, Roger Ackling og Hildur Bjarnadóttir

UM SEQUENCES

Sequences real time art festival er listamannarekin myndlistarhátíð sem haldin er annað hvert ár í Reykjavík. Sequences er sjálfstæð, alþjóðleg myndlistarhátíð, sem beinir sjónum sínum sérstaklega að verkum í rauntíma. Frá upphafi hefur verið lagt upp með að þar ríki andi frumkvæðis, tilrauna og áræðni. Meðal fyrri listamanna sem sýnt hafa á hátíðinni eru Joan Jonas, David Horvitz, Hekla Dögg Jónsdóttir, Guido van der Werve, Ragnar Kjartansson, Emily Wardill, Ragnar Helgi Ólafsson, Carolee Schneemann, Rebecca Erin Moran, Finnbogi Pétursson og Alicja Kwade svo örfáir séu nefndir. Sýningastjórar fyrri hátíða hafa verið íslenskir og erlendir listamenn og sýningarstjórar og má þar nefna Margot Norton, Markús Þór Andrésson og Alfredo Cramerotti. Stofnaðilar og ábyrgðaraðilar Sequences eru listamannareknu sýningarstaðirnir Kling & Bang (st. 2003) og Nýlistasafnið (st. 1978) og Kynningarmiðstöð íslenskrar myndlistar en að auki standa að hátíðinni listamenn sem virkir eru í listmannareknu senunni í Reykjavík hverju sinni. Sequences er rekin án hagnaðarsjónarmiða.


Níunda hátíðin verður haldin 11. - 20. október 2019. Sýningastjórar eru myndlistamennirnir Hildigunnur Birgisdóttir (f. 1980) og Ingólfur Arnarsson (f. 1956). Þau eru bæði virk í íslensku listalífi sem myndlistarmenn, kennarar og sýningastjórar en verkefnið er stærsta samstarfsverkefni þeirra af þessu tagi til þessa. Undirtitillinn, real time art festival, vísar til upphaflegrar áherslu hátíðarinnar á tímatengda miðla og verk sem unnin eru í rauntíma. Að þessu sinni er orðið rauntími slitið í sundur og afstæði hugtakanna (raun/tími) kannað. Hildigunnur Birgisdóttir og Ingólfur Arnarsson takast þar á við spurningar um veruleika og hjáveruleika, rauntíma og afstæðan tíma með víxlverkun þeirra listaverka sem stefnt verður saman.


https://sequences.is/DAGSKRA

Sequences real time art festival er listamannarekin myndlistarhátíð sem haldin er annað hvert ár í Reykjavík. Frá upphafi hefur verið lagt upp með að þar ríki andi frumkvæðis, tilrauna og áræðni. Stofnaðilar og ábyrgðaraðilar Sequences eru Kling & Bang (st. 2003), Nýlistasafnið (st. 1978) og Kynningarmiðstöð íslenskrar myndlistar. Sequences er rekin án hagnaðarsjónarmiða.
 
 
 
 
 
Grandagarğur 20 - 101 Reykjavík kob@this.is