17.05.07
Ég vil þakka Hamstrinum, klikkuðu paprikunni, Valkyrjunni
og öllum hinum fyrir gömlu góðu árin tólf.
Þakka ykkur kærlega fyrir að taka mark á vísbendingunni.
Bráðum verður megakúl að fíla Framsókn.
Eða ekki.
---
Samkvæmt könnun hjá Ómari
sem hefur kært Gauk
vilja fæstir bjóða Guðjóni A í mat.
Hvað er það? Heldur fólk að hann éti það
út á gaddinn? Aumingja Guðjón. Enginn vill fá
hann í mat og enginn vill fá hann í Ríkisstjórn.
Steingrímur Joð alveg á flippinu núna því
það er útlit fyrir að hann komist ekki að hinum
geypivinsælu "kjötkötlum" (er myndlíkingin "kjötkatlar"
ekki mesta klisja sem til er?). En er það ekki bara ágætis
niðurstaða og lýðræðisleg að S og D stjórni
skerinu saman? Lufsunni finnst það reyndar fúlt af því
hún þolir ekki S-lið en Sigurjón Kjartansson fær
líklega 1500 kall í veðmálspening frá Rokkunum.
Ég fæ allavega engan 1500 kall með mitt úrelta
DogB.
---
Sú staðreynd sló mig í dag að árið
1981 er líklega besta árið í íslenskri
tónlistarsögu. Þá var nýbylgjan fersk og
möguleikarnir gríðarlegir og allt í gangi. Þarna
komu út margar af bestu plötum Íslands, Tilf og Ekki
enn með Purrknum, Iður til fóta og Mjötviður mær
með Þey, Bjór með Fræbbblunum og spólurnar
með Fan Houtens kókó (bráðum væntanlegar
á disk, held ég). Og Fugladansinn með Ómari náttúrlega.
Þetta er borðleggjandi.
16.05.07
Á mánudaginn gekk ég upp á Hafnarfjall
sem er ágætis fjall og víst til
sölu. Ekki veit ég til hvers maður ætti að
kaupa það svo sem. Ferlega bratt allt og hrikalegt. Sé
ekki alveg blokkir þarna í hlíðinni og 10-11 búð.
Ég sá líklega tvo erni taka á loft þar
sem ég gekk upp. Held þetta hafi verið ernir, en annars
er maður alveg út á þekju í fuglategundum.
Þetta voru allavega hvorki smyrlar né dúfur. Við
Biggi fórum upp á tvo tinda, þann vestasta og svo Gildalshnúk,
sem er hæstur. Drulluhressandi alltaf að vera úti í
náttúrunni, jafnvel þó maður sé ekki
beint afskekkt og sá bílana fyrir neðan. Borgarfjörðurinn
eins og hitabeltislón ásýndum þó maður
vissi betur. Meira svona í sumar!
---
Ætli maður geti ekki gert margt vitlausara en að lesa
Moby
Dick í sumar? Herman Melville tók málstað
eyjaskeggja gegn hvíta manninum og sá fljótlega á
ferðum sínum að eyjaskeggjar ættu frekar að ferðast
um hinn vestræna heim og kynna sín gildi heldur en trúboðaruslið
sem fór eins og eldur um sinu kyrrahafseyja með sín úrkynjuðu
biblíuviðmið. Svo hvað þó menn fengju sér
smá mannakjöt við rétt tækifæri?
---
Nú heldur stuðbloggið Bobby
Breiðholt upp á afmælið sitt og ég hef
gefið þeim Spesíal ammælisgjöf. Jæja,
best að drullast til að "vinna" eitthvað.
13.05.07
Lýðræðið hefur talað. Lýðræðið
bullar bara. Kannski vinn ég bara 1500 kr í veðmálinu
eftir allt saman, enda spáði ég D og B áfram.
Leiðinlegt að Ómar fái ekki að vera með í
svona umræðuþáttum áfram, veifandi Sigmundmyndum
og syngjandi gömul dægurlög. Áfram Ómar!
segi ég enn og aftur.
---
Annars fannst mér merkilegast á kosninganóttinni
að heyra að Sigríður Klingenberg er ekki með leg
lengur.
12.05.07
Safnplatan Gefðu skít í skoðanakannanir og kjóstu
Ómar, aka Topp 5imm, er komin út:
Chic
- Good times: Sumar! Sól! Bassi! Diskó beibí!
1979! Hristu á þér rassinn og kjóstu Ómar!
1990s
- You made me like it: Lúðalingar frá Glasgow
(sjá mynd) sem einu sinni voru í því hálf
vonlausa bandi Yummy Fur. Nú nýkomnir með plötuna
Cookies, sem er stuðhlunkur. Ómar er líka í stuði.
Jón
Ólafsson - Merkilegt: Ikearöddin er komin með plötu
nr. 2, Hagamelur. Hér er sungið beint frá hjartanu í
síðbítlísku spilverksgrúvi. Ofsa huggulegt.
Ómar er líka huggulegur.
The
Human League - Seconds: Á metsöluplötunni Dare
má finna þetta þyngslalega núveif. Nýbylgjulegt
þunglyndi er besta þunglyndið en Ómar er ekki þunglyndur
(nema á myndinni sem á að sýna að hann sé
alvarlegur stjórnmálamaður.) Áfram Ómar!
Loved
Ones - The Loved One: Ein helsta sixtíssveitin í
Ástralíu. Í þessu einkennislagi kallast á
furðubít í erindum og hálf sillí viðlög.
Inxs gerðu vinsæla ábreiðu 1981, 15 árum síðar.
Ómar hefur líka gert ábreiður.
---
Ég og Dagbjartur komumst aldeilis í feitt á Listahátíð
í gær og sáum fullt af stútuðum bílum
og Risessuna. Svona eiga listahátíðir að vera! Listin
til fólksins. Í dag væri upplagt að sjá
útskriftarnemendur í kartöflugeymslunni. Þar eru
líka ónýtir bílar, skilst mér á
fréttamyndum.
---
Svo kýs maður Ómar. Alveg eins gott að styrkja
meistarann sem er búinn að leggja allt í sölurnar.
Það kýs einhver hitt liðið hvort eð er. Svo
er bara að vona að stjórnin falli og grænmetið
taki við.
---
Þeir hjá SS virðast annars hafa fundið
lausn á biðlistunum.
11.05.07
Það kom upp sú hugmynd að sleppa því
að horfa á Eurovision á laugardag og taka frekar Borat
á leigunni. Mjög svipað, bara miklu fyndnara. Áfram
Ómar!
---
Mér var send mynd af stóriðjuhamstrinum. Hið
rétta andlit. Áfram Ómar!
---
Ég kíkti í 4 ára gömul blöð
upp á safni. Ætlaði kannski að skrifa eitthvað
upp úr því á baksíðunni. Nennti ekki
að fletta mikið en það var áberandi að báðir
aðaldúddarnir, Halldór og Davíð, töluðu
rosamikið um að stöðugleikinn yrði að haldast.
Og hvað? Hélst stöðugleikinn? Áfram Ómar!
10.05.07
Sid Vicious væri fimmtugur í dag ef hann hefði ekki
drepið sig á heróíni þegar hann var 21.
árs. Hvað væri hann að gera í tilefni dagsins?
Kannski að grilla með Nancy ef hún væri ekki líka
dauð. Sid var brenndur og tvær kenningar eru uppi um hvar askan
endaði. Önnur kenningin er að mamma hans hafi misst krukkuna
á Heathrow og duftið farið í loftræstinguna,
hin kenningin er að mamman hafi dreift öskunni yfir leiði
Nancy, sem Sid drap á Chelsea hótelinu. Kallgreyið var
nú enginn súperbassaleikari og frekar þunnur gaur einhvern
veginn svona út á við, en John Lydon segir að heróínið
og Malcolm McLaren hafi spillt honum og grét örlög hans
bólstaflega í The Filty and the Fury.
---
Allir halda að ég sé einhver eurovisionfræðingur
og hafa spurt undanfarna daga hvernig Eika muni ganga. 50/50 segi ég
og þykist vita eitthvað. Ágætis ástæða
til að hitta vini sína og éta pizzu en ekki eitt lag
í þessari keppni sem kemst nálægt því
að vera ágætt. Ég er samt auðvitað ekki
nándar nærri eins neikvæður og Elvis 2 sem segir
á heimasíðu sinni:
Tónlist
gerir mig ekki oft reiðann lengur en ég held grínlaust
að ég myndi fagna því ef hryðjuverkamenn flygju
flugvél fullri af nítróglýseríni á
tónleikahöllina í Finnlandi og eyddu hverjum einasta
keppanda og áhorfanda þarna, fólk sem býr til
svona tónlist og er tilbúið að borga fyrir að
horfa á þetta á ekki skilið að fá að
draga andann, fokkíng rusl. Nei, uss, hvaða hvaða?!
---
Svarti listinn
til upprifjunar tveimur dögum fyrir kosningar. Ég nennti ekki
að uppfæra þetta en það mætti auðveldlega
tína til stöff eins og flýtimeðferð Jónínu
Bjartmarz, Árni Johnsen aftur á þing, grámygla
Jóns Sigurðssonar og bara þú veist, fullt af leiðindum.
ÓMAR á þing!
08.05.07
Veistu ekkert hvað þú átt að kaupa
kjósa. Þá er nú gott að til sé þetta
próf. Skv því er alveg öruggt hvar ég
á helst að merkja við:
Stuðningur við Sjálfstæðisflokk: 12.5%
Stuðningur við Framsóknarflokk: 20%
Stuðningur við Samfylkinguna: 25%
Stuðningur við Vinstri-Græna: 25%
Stuðningur við Frjálslynda flokkinn: 40%
Stuðningur við Íslandshreyfinguna: 50%
---
Töskubrúnn eldri herramaður í heita pottinum:
Ég er enginn rasisti en þessir helvítis sígaunar
eru nú alveg botninn. Stelsjúkir letingjar, drasl og viðbjóður
– úr landi með þetta allt! Ég gat auðvitað
ekkert sagt enda hef ég aldrei umgengist sígauna. Samkvæmt
bókinni Vandræði Valíu er þeir þó
ekki svo slæmir.
---
Tvær sýningar eru nú eftir af Abbababbi til sumars,
en svo hefjast sýningar á ný í haust.
---
Samkeppnin er kannski ekkert sjúklega hörð en þetta
er líklega besta kosningaauglýsingin í ár.
Dr. Lýður með gott flipp fyrir Frjálslynda.
---
Nú ríkir inniveður úti en útiveður
inni, þ.e. gluggaveðrið svokallaða með moldroki,
skítakulda og glampandi sól. Maður þarf að
fá sér þykkari gluggatjöld.
---
Ég er annars að hugsa um að gefa skít í
hvað skoðanakannanir segja og kjósa Ómar. Hann er
allavega sá eini sem segir það sem hann meinar og er ekki
fullur af skít eins og þetta lið allt.
05.05.07
Safnplatan Kinnfiskasogið dúndur er komin út, betur
þekkt sem Topp 5imm:
Seabear
- Libraries: Af glænýrri longpleiplötu The ghost
that carried us away. Krúttað kántrípopp úr
Vesturbænum sem er að gera sig. Bjartur gefur úr á
Ísl, en berlínska Morr seinna í heim. Flott plata.
Heyri ég Go-betweens í þessu lagi eða er það
tilviljun?
Simian - Sick:
Ensk hljómsveit á mixmag-safndiski með Soulwax. Heita
víst Simian mobile disco núna. Upptalning á því
hverju söngvarinn er leiður á. Alltaf gaman af svona jafntumlykjandi
neikvæðni. Gæti verið lag um íslensku kosningabaráttuna.
Queens
of the stone age - Sick sick sick: Meiri sjúkheit, nú
glænýr singöll frá Kvíns. Þetta tekur
í og lofar ekki upp í ermina á sér. Platan
Era Vulgaris von bráðar.
Chemical
brothers - Do it Again (Extended Mix): Stórhveli rekur á
land. Efnabræður, Kristín Ómarsdóttir og
vinur hans, með plötu handan við hornið (We are the night)
og greinilega allir í góðu stuði ennþá.
Bow
wow wow - Go wild in the country: Þegar Sid Vicious gaf upp
öndina sá Malcolm Mclaren fram á að hann þyrfti
ný hross í meikbúgarðinn. Hann var upptekinn af
klámi hafandi verið að skrifa klámmyndahandrit og
með kynlíf á heilanum. Söngkonan Annabella var 14
ára og fannst í þvottahúsi syngjandi Stevie
Wonderlag og hinir í bandinu voru gamlir sauðir úr Ants,
bakuppbandi Adam Ants sem McLaren hafði rekið út á
gaddinn. Malcolm setti nú bandinu fyrir, þeir ættu að
mellast sem mest þeir mættu í Soho til í komast
í gírinn og trommarinn var gerður út til að
afmeyja Önnubellu. Það tókst víst ekki. Samt
sem áður tókst Malkolmi að hræra upp nokkra
umfjöllun með vafasömum tengingum við ungu Önnubellu,
til dæmis með því að hafa hana bera á
plötuumslagi plötunnar See Jungle! See Jungle! Go Join Your Gang,
Yeah. City All Over! Go Ape Crazy (1981) sem þetta lag er af. Boy
George, þá þekktur sem Lieutenant Lush, átti
um tíma að vera meðsöngvari Önnu í bandinu,
en það gekk ekki. Þrátt fyrir djarfar heimsfrægðaráætlanir
Malcolms gekk meikið aldrei almennilega upp. Nýrómantískt
afríkubítið hitti aldrei almennilega nema í lokin
þegar afríkubítskóver af tyggjólummunni
I want candy tók flug. Á sama tíma sló hinn
brottrekni Adam Ant í gegn með hverjum smellinum af öðrum
og hló best sem síðast hló.
04.05.07
Hef verið að hlusta á Voltuna í morgun á
NME síðu hér
(innskráning
nauðsynleg). Nokkru áheyrilegra en lengi áður hjá
Björgu, eins og Stefán G kallaði hana einu sinni. Declare
Independence er þrumupönk.
---
Nýji hressi framsóknarmaðurinn af Suðurlandi
talar um að Kastljós sökkvi dýpra og dýpra
í kviksyndið með því að fjalla um Jónínu
Bjartmarzzz og landvistarleyfið. Djöfulsins kjaftæði.
Það sér hver sæmilega óþroskaheftur
maður að þetta er skandall og greinilegt dæmi um samtryggingarslefið.
Ég myndi nú frekar segja að Framsóknarflokkurinn
sökkvi dýpra og dýpra með því að
reyna endalaust að benda eitthvað út í loftið
fram hjá því augljósa. Þvert á
móti er gott af Kastljósi að halda þessu máli
til streitu. Mér er eiginlega alveg sama um það hvernig
þessar kosningar fara ef Framsókn verður slitin frá
kjötkötlunum. Hvers vegna á 10% afdankaður draslflokkur
endalaust að ráða helmingnum? Þetta er geðveiki
og ekki lýðræði fyrir fimmaura. Og vinstridótið
sem endalaust slefar í 45% fær aldrei að slefa ofan í
kjötkatlana. O jæja. Þeir fá djúsí
eftirlaun.
---
Kannski verður það illskársta ofan á hjá
manns lítilfjörlega atkvæði enn einu sinni þrátt
fyrir það sem ég var að þusa hér.
Og það illskársta er helvítis kommadraslið
VG með öllum sínum húmorslausu femínisitum
og klikkliði. Æi djöfulli veit ég það ekki.
Ef Samfylkingin væri ekki svona smeðjulega tækifærissinnuð,
sjarmalaus, foringjasnauð og full af Morfíslegu gjammi væri
þetta einfaldara val. Ómar kannski ef skoðanakannanir
sýndu manni ekki að maður væri að henda atkvæðinu
með því að kjósa hann. Ómar er náttúrlega
mikill meistari en vill maður sjá hann á þingi?
Vill maður nokkrum svo illt?
02.05.07
Í ræktinni: Djöfull er alltaf óeðlilegt
að sjá rígfullorðna karlmenn með ekkert hár
í klofinu.
---
Aumingja fyrsti maí. Fyrst koma einhverjir flipparar frá
Nóa síríus til að auglýsa Tópaz
í göngunni og svo er fyrsta frétt að Bjarni "rokk"
Ármannsson fái bla bla milljónir í blesskaup.
Dobbel anal penetreisjón heitir þetta á fagmáli.
---
Sjálfur fór ég austur fyrir fjall í sundlaugina
á Selfossi sem mætti nú alveg taka aðeins í
gegn. Sturturnar á síðasta snúningi og lítið
vatnsrennsli þar. Rauða húsið á Eyrarbakka
var alveg í góðu formi þó og sjávarréttasúpa
á 1990 kall rann niður með ábót.
---
Egill Harðar er með haug djúss á síðunni
sinni, þar á meðal glænýjan Jakobínurínu
síngul, tékkitt.
---
Munið: Það er miðvikudagur í dag, ekki mánudagur.
28.04.07
Stephen Hawking varð nýlega fyrstur fatlaðra til að
svífa í þyngdarleysi. Hann fór kollhnís
og fannst þetta vitanlega æði. Fyrirtækið Zero
G sér um flugið og eru nýlega byrjaðir að
gera út frá Las Vegas. Ein ferð er á 3750 dali
sem er smáaur ef dollarinn heldur áfram að lækka
svona. 250.000 kall fyrir að svífa í nokkrar mínútur,
hmm? Kannski verður þetta staðalbúnaður í
tívolíum eftir nokkur ár. En nú...
---
...Topp 5imm!
Wild
man Fischer - Merry-go-round: Horfði loksins á myndina
Derailroaded um þennan geðsjúka útlaga. Hann flæktist
um eftir hælisvist og söng lög á götum Los
Angeles. Þar komst Frank Zappa á snoðir um hann og tók
upp á arma sína. Frank hjálpaði honum að gera
tvöfalda plötu, An Evening With Wild Man Fischer. Þetta
er einmitt fyrsta lagið í þeim pakka og einskonar einkennislag
meistarans. Heldur fór geðveikin að hrjá hann þegar
á leið og Zappa hætti öllum afskiptum af honum þegar
Wild man hafði næstum hent flösku í Moon unit, sem
þá var smábarn. Wild man gerði þó
fleiri plötur í kringum 1980 með aðstoð gríndúósins
Barnes & Barnes. Í myndinni er hann orðinn ansi tjónaður
af geðveikinni og ruglinu. Nokkuð góð mynd og Wild man
Fischer er óefað einskonar ,,guðfaðir outsider tónlistarinnar".
Family
Fodder - Debbie Harry: Enskt kommúnupostpunk frá
1980 sem ég var að lesa um í bókinni
góðu. Fór alveg á mis við dæmið
til forna en náði mér í ferilsplötuna Savoir
faire sem lumar á þrælgóðum bitum. Lesa má
meira um bandið hér.
Art
Brut - Pump up the volume: Fyrsta plata þessara Breta (Bang
Bang Rock and Roll frá 2005) var eitt af því betra
sem maður hefur heyrt sl. ár, gormandi gott mix af The Fall
og Pulp, eða eitthvað. Í júní er von á
plötu nr. 2, It's a bit complicated, og fyrir undramátt internetsins
hefur mér tekist að heyra nokkur lög. Ekki á ég
von á gegnheilli snilld eins og síðast (nema það
hafi bara verið nýjabrumið þá?), en þetta
er alveg fínt, til dæmis þetta opnunarlag plötunnar.
Arctic
Monkeys - Brainstorm: Skildi nú aldrei almennilega hæpið
í kringum þetta band, ég meina ágætis
stöff en óþarfa hæp engu að síður.
Nú er að koma ný plata sem þetta er fyrsta lagið
á. Ágætis bretarokk eins og áður.
Black
Francis - Threshold Apprehension: Eða Frank Black eins og hann
kallar sig líka. Hef ekkert svo mikinn áhuga á þessu
lengur (eftir alltof mikið Pixies flipp fyrr á árum)
en því verður ekki neitað að náunginn kann
alveg að berja saman ágætis rokki. Hér er lag af
nýrri sólóplötu sem heitir Bluefinger og á
að koma út seinna á árinu. Það besta
sem ég hef heyrt frá honum lengi og meiri Pixísstæll
á þessu en vanalega.
---
Enn hefur engin menningarafurð
fengið 4 stjörnur það sem af er ári. Bind engu
að síður vonir við Inland Empire sem Græna
ljósið sýnir nú.
26.04.07
Áður en Framsókn fann upp á djúpvitra
slagorðinu sínu Árangur áfram - Ekkert stopp!
voru hugmyndafræðingar flokksins búnir að prófa
nokkur önnur slagorð. Til dæmis Meiri pening - OK!, Áfram
í stuði - ekkert kommarugl!, Stoppum komma - virkja meira!,
Ekkert vesen - Risahamsturinn rúlar!, Ókeypis brjóstastækkun
til 18 ára aldurs - ekkert rugl! og Árangur í vasann
- Allir fá hálfa milljón sem kjósa okkur! Hr.
Rokk og Rokkarnir eru annars með kosningaveðmál í
gangi, 2000 kall í pottinum. Ég segi D og B, Biggi segir
V,S og F, Elvar segir D og V og Sigurjón segir D og S. Ég
vinn.
---
Í fréttum: Fundist hefur pláneta
í 20.5 ljósára fjarlægð sem er hugsanlega
svipuð og jörðin. Hún er þó of langt í
burtu til að hægt sé að taka af henni mynd. Hún
er kölluð 581c. Prestar með hinn guðdómlega Prófessor
Vandráð í farabroddi drulluðu enn einu sinni yfir
þá samkynhneigða sem langar til að gifta sig í
kirkju. Ætli Jesús, sem danglaðist árum saman í
iðjuleysi með eintómum körlum í mussum, væri
hress með þetta? Maður skar undan sér á veitingahúsi
í London. Framsókn geldur afhroð.
25.04.07
Tók viðtal við Karl Ágúst Úlfsson
fyrir Fbl. Hann var í nákvæmlega eins peysu og ég
keypti mér í New York á dögunum og hann hafði
keypt hana í nákvæmlegu sömu búð og
ég, Urban Outfitters
á 14. stræti. Tilviljun eða guðleg forsjá?
Peysan er svona:
og er frá Ben
Sherman. Svaka hipp og kúl, eins og við Karl Ágúst.
23.04.07
Gekk að Helgufossi með Bigga. 2.5 km leið framhjá
Gljúfrasteini. Fórum niður með sundlaug Laxness.
Hún var volg. Freistandi að skella sér úr og oní.
Enginn sjáanlegur. Lögreglan þurfti að hafa afskipti
af tveim nöktum karlmönnum á fimmtugsaldri þar sem
þeir sátu í sundlauginni að Gljúfrasteini
í gær. En nei. Þetta er svæðið sem karlinn
gekk um. Upp köldukvísl. Þetta var náttúrlega
sældarlíf hjá karlinum. Eins og ættbálkarhöfðingi
í Afríku. Kagginn í hlaðinu, sundlaugin og Grímannsfell
út í garði og Auður í eldhúsinu. Þetta
er víst hægt þegar maður fær nóbel.
En Helgufoss er nokkuð kúl. 8 metrar. Óð berfættur.
Mjög lífsmarkandi. Á heimleið Árbæjarlaug
enn á ný og síðan ostabúðin Birtuhálsi.
Konurnar ólmar að gefa manni ost að smakka. Keypti hollenskan
Prima donna sem er svaka fínn.
---
Hér er
Borat að spila með Belindu hjá Conan. Klassík.
---
Rokk í Rvk var víst 25 ára um daginn. Jón
Ólafs var með fínan þátt að því
tilefni (sjá hér)
og ekki síðri var umfjöllun Freys Eyjólfssonar í
Geymt en ekki gleymt þar sem meistari Steinn Skaptason fór
á miklum kostum. Tilhlýðilegt hér.
Þáttur Freys fer í sumarfrí í júní
og í staðinn kemur Skemmtiþáttur Dr. Gunna þar
sem einyrkjar munu m.a. keppa í popppunkti. Mun meira síðar.
---
Hitti Gísla galdur í heita pottinum (í Árbæ).
Hann sagði mér að Trabant væru að taka upp nýtt
efni núna í Rvk með Filthy
Dukes gaurum á tökkunum. Hinir ógeðselgu hertogar
gerðu sem kunnugt er mixið vinsæla af The one svo þetta
stefnir í sveitta fitu.
21.04.07
Og nú hástökkvarar vikunnar á Topp fimm:
Ólöf
Arnalds - Englar og dárar: Unga konan með gömlu
röddina er að vinna svona þvílíkt á.
Var frekar frosinn fyrir þessu í byrjun en finnst þetta
frábært stöff í dag. Tékkið á
Við og við.
GB3
- Actress on a mattress: Ástralinn Glenn Bennie er GB3 og
hann er líka í Underground lovers, sem ég hef aldrei
heyrt í en á að vera eitthvað stórhveli ástralskt.
Önnur plata GB3 er Emptiness Is Our Business og kom út í
fyrra. Platan inniheldur þetta lag sem er samið af Grant McLennan
úr Go-Betweens, sem lést öllum að óvörum
í fyrra. Þetta hafði Glenn um samstarfið að segja
í Australian Music Online: "The highlight of the recording process
was working with the late, great Grant McLennan in Sydney in November last
year. The song we produced is called Actress on a Mattress. Grant flew
down from Brisbane and I flew up from Melbourne. We met on neutral territory
and worked in a fabulous studio on Sydney Harbour called Niki Nali. Our
backdrop was the Harbour Bridge and the memories of the day are strong
in my mind. It was the last time I was to see Grant before he died. We
spent the day with engineer Wayne Connolly who is brilliant and always
full of funny stories about the industry. Grant took over in the studio
and wove his magic. His last idea for the track before he walked off into
the night was for me to whistle part of the melody in the outro of the
song. Grant loved the idea but we ditched it in the final mix. Both Tim
Whitten (mixer) and I are cross at ourselves now for leaving it out. So
much so that we are doing a new acoustic mix that features the whistling.
Kind of a tribute to Grant."
Dave
Dee Dozy Beaky Mick and Tich - Hold tight: Grindhouse er nýjasta
nýtt frá Quentin Tarantino. Svaka z-mynda pakki, tvær
myndir og fjögur tilbúin sýnishorn. Sándtrökkin
hjá Kvintin hafa jafnan verið athyglisverð og í þessu
nýjasta er m.a. að finna þetta gamla stuðlag með
þessu enska stuðbandi frá sixtísinu. Gott fözz,
bít og fávitalega einföld en góð melódía
= Poppstuð!
The
Softlightes - Heart made of sound: Skruggugott indiepopp frá
Kaliforníu. Af plötunni Say No! to Being Cool. Say Yes to Being
Happy frá því í febrúar. Hér
má sjá gullfallegt myndband við þetta lag.
Talking
Heads - Warning sign: Fékk einn daginn svona rosalega þörf
til að fara í Geisladiskabúð Valda og fjárfesta
í fyrstu plötum Talking Heads. Þær voru ekki til
svo Soulseek kom sér vel. Hef ekki velt mér nógu vel
upp úr verkum sveitarinnar þótt ég þekki
auðvitað helstu lög. Í samvinnu við Brian Eno gerðu
þau þrjár plötur frá 1978-1980 sem líkjast
þróunarstökkum Bítlanna á Rubber Soul -
Sgt Peppers - semsé "viltasta" lagið á síðustu
plötu verður normið á þeirri næstu. Við
erum að tala um plöturnar More Songs About Buildings and Food
(1978), Fear of music (1979) og Remain in Light (1980). Hér er eitt
tiltölulega normalt og grúví af 1978-plötunni.
Eftir Remain sögðu þau skilið við Eno og fóru
í poppið.
19.04.07
Hvernig var eiginlega morðhótunarbréfið til ísbjarnarhúnsins
Knúts? Helvítis Knútur! Ég ætla að
drepa þig auminginn þinn. Skera þig á háls
eins og óður inúíti. Svolgra í mig úr
strúpanum. Hata svona poppstjörnur eins og þig. Bíddu
bara. Kveðja, XXX
---
Er það menningarsögulegt slys að hrörlegu kofarnir
þarna í Austurstræti séu brunnir til kaldra kola?
Að Fröken Reykjavík, Kebab húsið og Pravda,
með öllum sínum hnakkaskemmtunum, séu glötuð
að eilífu? Hmm... Jú kannski. Jörundur hélt
náttúrlega partí þarna sautjánhundruð
og súrkál og B.A.Robinson áritaði plötur
skömmu síðar. Og Karnabær. En svona er þetta.
Allir fá verndunaráráttu þegar það
er of seint. Þetta var náttúrlega orðið algjört
kofadrasl. Það er eins og það sé búið
að kýla tönn úr Reykjavík.
17.04.07
Sá Jóa á hjólinu tvisvar sinnum í
gær. Hann var glæsilegur til fara að vanda og auðvitað
á stórglæsilegu hjólinu. Fyrst var hann að
teyma hjólið upp Miklubraut gengt Fellsmúla. Afhverju
er hann í einkennisbúningi?, spurði Lufsan sem hafði
aldrei séð Jóa áður. Nú af því
hann er einkennismaður, svaraði ég. Þegar ég
var búinn í helvíti á jörð (Ikea,
Rúmfatalager o.s.frv.) sá ég Jóa aftur á
bakaleiðinni. Þá var hann að hjóla niður
Kringlumýrarbraut í nágrenni Nestis. Tveir Jóar
á hjólinu á einum degi: Það boðar eitthvað
gott. Kannski vorið.
---
Heiða segir mér
að besti róló í Rvk sé við Seðlabankann.
Framtíðaráform: athuga málið.
---
Framtíðaráform II: Skoða Helgufoss.
(Fimmvörðuháls. Heklu. o.s.frv. Þetta er allt að
gerast. Með hækkandi sól fer Ísland að verða
gífurlega áhugavert göngulega séð. Það
er kannski gluggaveður núna en það eru þó
fyrirheit.)
15.04.07
Þegar mín sósíalíska fjölskylda
keyrði til Akureyrar á hverju ári fannst pabba skást
að kaupa bensín hjá Esso í Þyrli í
Hvalfirði. Esso voru framsókn og því aðeins
skárri, fannst honum, en sjálfsstæðis-Shell í
Botnskála eða sjálfsstæðis-Olís í
Ferstiklu. Þessu hefur verið lýst í laginu Hvalfjörður
'78. Hér er demó af því ágæta lagi.
Demóið finnst mér finnst síst verra en Stóra
hvells-útgáfan (Dr.
Gunni - Hvalfjörður með öllu demo). En allavega.
Esso var því illskást í mínum huga af
ræningjunum þrem, þótt það sé
auðvitað háklassa drusluskapur að kaupa bensín
hjá öðrum en AO. Lógóið
hjá Esso var t.d. flott og kom mér í létta
nostalgíu enda var þetta merki á pylsubréfunum
á pylsunum sem ég fékk á meðan pabbi fyllti
Skodann í Þyrli. Þar var líka klinkspilakassi,
svona dót sem hékk upp á vegg og maður þurfti
að nota gífurlega puttatækni til að senda klinkið
í þartilgerðar raufar. Þetta er til á Árbæjarsafninu.
En nú er Esso dautt, amk á Íslandi, og komið N1
í staðinn sem er klént nafn og margnotað, t.d. barinn
N1 sem var þar sem Sirkus er núna og hljómsveitin N1+
sem átti tvö lög á safnplötunni Já
takk (Japis 1994). Samt auðvitað skiljanlegt að þjófafyrirtæki
vilji skipta um nafn, Shell og Olís fara kannski í þetta
líka. Ef sömu aðferð verður beitt getur Shell heitið
Tveir vinir og annar í fríi eða Fánar og Olís
getur heitið Röðull eða Bong.
---
Hélt ég sæi æsandi myndir af Björgólfi
gamla í sleik með 50 cent og fleira óguðlegt í
200 milljóna partíinu sem Séð og heyrt lofaði
á forsíðu. En svo voru auðvitað engar myndir
úr sjálfu partíinu heldur snyrtilega farið framhjá
grautnum með því að taka myndir af húsakynnunum
af netinu, skella útklipptum gömlum glansmyndum af helstu stjörnum
partísins saman við og smella svo myndum af veislugestum í
Leifsstöð þegar þeir voru að koma rauðnefjaðir
heim. Sjálfur myndir ég ekki vilja fá 50c í
afmælisveislu hjá mér enda ömurlegt rusl og ég
væri dauðhræddur um að hann biti mömmu mína
á barkann – eða eitthvað þaðan af verra. Nei,
10cc, væri nóg fyrir mig.
14.04.07
Þá erða Topp 5imm og allir út á gólfið.
Björk
- Earth Intruders: Træbalbít frá Timbaland
og gamalkunnug raddstef rjúfa innsiglið af væntanlegri
Voltu. Hef ekki heyrt meira af plötunni en maður getur ekki verið
annað en spenntur, til dæmis fyrir meintu pönklagi, Declare
Independance.
Santogold
- Creator: Santo og Gold, eitthvað lið í New York,
eru Santogold og hreinlega öpp og komming. Hér er stórborgarlegt
villimannabít sem alltaf má komast í gott stuð
við á þrektækinu.
Kings
of Leon - Charmer: Amerískt hjólhýsahyski
sem stundum rambar á góðan skít. Hér er
langbesta lagið sem ég hef heyrt af nýju plötunni,
Because Of The Times, og gaman að þessum spangólum í
söngvaranum. Það er eins og það sé verið
að stinga hann í punginn með nál.
Gui
Boratto - Beautiful life: Gui er brasilískur og Chromophobia
er hans fyrsta plata, úrvalsfín raftaktsplata með þessu
popplagi innan í sem er sungið af eiginkonu hans Luciana Villanova.
Vicarious
bliss - Limousine: Nýjasta nýtt frá þessum
franska náunga sem gefur út á hinu velmeinandi þrektækisfjörsleibeli
Ed Banger (Skint dagsins í dag?). Aðrir listamenn þar
eru t.d. "næstu Daft Punk" Justice, sem hljóta að fara
að koma með stóru plötuna sína bráðum.
Þeir hafa gefið út nokkuð glæsileg stuðlög,
þeirra allra nýjasta er þetta: (bónus: Justice
- D.a.n.c.e.)
---
Hef tekið til á hlekkjasíðunni og bætt
við drasli, t.d. Eurocovers
- endalaus eurokóver! og Funky
czech in - fönkaðir tékkar.
13.04.07
Föstudagurinn 13. abbaðist ekkert upp
á mig. Nema kannski að ég ætlaði að fara
í spinning en þá var búið að breyta
og kominn "gospel þrekhringur" í staðinn. Ég lét
mig hafaða. Dúndrandi hundleiðinlegt gospel en þar
fyrir utan ekkert jesúvæl. Óskar í Fíladelfíu
var þarna og tók mér fagnandi – allir eitthvað
voða glaðir og ánægðir með þetta. Örlítið
svona eins og byggja-hlöðu-atriðið í Witness, bara
sveittara. Ég sat á mér og fór ekkert að
öskra SATAN ELSKAR YKKUR í miðjum tíma.
---
Kurt Vonnegut dauður og kannski kominn tími
til að endurnýja kynnin. Ég las þetta komplett
og var mikið fan. Svo lét ég hann skrifa á bók
í Eymundsson 1987. Maður á aldrei að hitta goðin
sín og ég missti áhugann. Ekki það hann
hafi verið hranalegur. Bara eitthvað svona áhugalaus (sem
eðlilegt var kannski, löng röð). Hann sýndi þó
smá áhuga á útgáfunni af bókinni
sem ég lét hann árita, einhver obskjúr pokketútgáfa
af The Sirens of Titan sem ég hafði fundið í Frakklandi.
Ekki það, fyrir 1987 var hann hvort sem er búinn að
skrifa allt sitt besta stöff.
12.04.07
Baggalútar hafa ekkert verið í
sérstöku stuði upp á síðkastið en
koma nú sterkir inn eins og vasatölvur árið 2. Íslenskt
slúður slær í gegn er snilld, Vill
útrými fátækt enn meiri snilld, en forystugreinin
Bændur
mesta snilldin. Svona eiga bændur að vera.
---
Menn kveikja á graffitíinu. Þannig
skrifar Sigurgeir
Orri: Sæll, það vantar alveg kommentakerfi hjá
þér maður. Man eftir einu veggjakroti sem mér þótti
snilld og væri fyrirtaks titill á lagi: Fiskbúðin
sökkar. Einhver hafði spreyjað á skilti Fiskbúðarinnar
okkar hjá Langholtsvegi og breytt okkar í sökkar. Nú
man ég eftir öðru: Bónstöð í Hafnarfirði
var með stórt skilti sem á stóð BÓN,
einhver grínistinn bætti við ER fyrir aftan.
Nú ástæðan fyrir því
að ég lokaði innanpíkubleiku gestabókinni
var að ég nennti ekki að vera úttaugaður að
lesa hraunað yfir mig þar af einhverjum nafnlausum geðsjúklingum
út í bæ. Maður hættir að halda partí
ef það koma alltaf einhverjir og drulla út í horni.
Páll
Hilmarsson bendir einnig á B.A. eip eftir sig í mannfræði
sem má finna hér: reykjavik.gotuli.st.
Margt athyglisvert þar þó það gagnist ekki
í plötugerðinni enda verð ég að finna þessi
lagaheiti sjálfur. Nú er svo bara að klára Flatus
lifir enn, en eins og einhverjir muna kannski stóð upphaflega
til að sólóplatan Stóri hvellur héti Flatus
lifir. Í millitíðinni endurgerðu listamennirnir graffitíið
upp við Esju og bættu við "enn" svo nú er engin miskun
hjá Magnúsi.
11.04.07
Kannski er Jón Sigurðsson að lesa
bloggið og sér þetta um sjálfan sig, að mér
finnist hann minna á risahamstur með Tourette heilkenni. Eða
einhver sem hann þekkir segir honum frá þessu. Heyrðu
Jón. Ég var að lesa bloggið hans dr. Gunna og hann
segir að þú minnir sig á risahamstur með Tourette
heilkenni. Finnst þér þetta í lagi? Og auðvitað
finnst Jóni þetta ekki í lagi. Og hann verður ógeðslega
sár og fer að gráta. Og fyllist svo reiði og hatri
í minn garð. Og ekki er það gott. Niðurstaðan
er því sú að maður á ekki að vera
með svona leiðindi í garð fólks út í
bæ. Skamm skamm. Aðgát skal höfð í nærveru
sálar, jafnvel þótt hún minni á risahamstur
með Tourette heilkenni, eins og frelsarinn sagði. Þú
ert ekkert eins og risahamstur með Tourette heilkenni Jón. XB!
---
Veggjakrot er rusl. Krakkafífl geta ekkert
nema búið til forljót tögg. Hvar eru snilldarleg
komment á þjóðfélagið? Flatur lifir
enn er það eina af viti. Eða hvað? Ég var að
hugsa um að búa til konsept plötuna Flatus lifir enn
þar sem öll lögin eru nefnd eftir veggjakroti. Ég
byrja uppi við Esju á Flatusi og rúnta svo um bæinn
og leita að laganöfnum. Ég er búinn að finna
lögin/krotið "Spit" og "Satan over all". Kannski nenni ég
þessu samt ekkert.
---
Moodys eru búnir að lækka lánhæfismatið
– vonandi drepur sig enginn.
10.04.07
Finnst engum öðrum en mér að
Jón Sigurðsson minni á risahamstur með Tourette heilkenni?
---
Nú þarf maður ekki að standa
upp frá tölvunni og getur bara horft á hana á
kvöldin líka. Til dæmis í gegnum Tv-links
eða Alluc. Eða þá
South Park sem er hér.
08.04.07
Í dag er dagurinn til að horfa á
Life of Brian í xta skipti. Á undan er ekki amalegt að
kíkja á þessa
heimildarmynd um myndina.
---
Mín bíður Nói nr. 6
svo áður en ég gef mig á vald súkkalaðisins
kemur einn kámugur Topp 5imm:
Skátar
- Skálholt: Skátarnir eru mættir með bílabrautina
sína: Ghost of The Bollocks to Come, og tæta þar og
trylla í síðproggpönklegri snarstefjun. Búast
má við óeirðum. Hér er sungið um Skálholt.
Peter
Bjorn and John - Ancient curse: Við erum að tala um að
giggið er á föstudaginn, 13. apríl, á Nasa.
Þessir sænsku andskotar eru góðir eins og fólk
veit eftir Writer's Block. Hér er glimrandi b-hliðarlagið
af flautumasterpísinu.
Panda
Bear - Comfy in Nautica: Neil Lennox er Panda bear og hann er líka
í sýrusjoppuþjóðlagabandinu Animal Collective.
Býr með konu og barni í Portúgal svo nýjasta
platan Person Pitch er sólrík (segja menn). Minnir óneitanlega
á Beach Boys. Bara mun verra.
The
Residents - Easter woman: Páskaspez 1. Fyrsta lagið
á Commercial album (1980), 40 laga plötur þessara San
Fransisco flipphausa þar sem öll lögin eru um 1 mínúta
á lengd. Platan er ein af betri verkum Residents en ég var
mikill aðdáandi á tímabili og sánkaði
að mér stöffinu þeirra. Eitthvað hefur látið
af áhuga á síðari æviskeiðum.
Big
dipper - Easter eve: Páskaspez 2. Samferðamenn Pixies
og Throwing muses frá Boston sirka 1987 af plötunni Heavens,
fyrstu Big Dipper plötunni. Sveitin var skipuð gítarleikaranum
Bill Goeffrier sem hafði áður verið í hinni ágætu
The Embarrassment og meðlimum úr Volcano Suns. Mjög gott
80s gítarpopp og þetta bara eitt af fjölmörgum góðum
lögum. (Meira)
07.04.07
Fjöldapóstsgrín frá
tengdapabba:
Fátækt á okkar dögum
Við sem höfum það svo gott
og höfum allt til alls hugsum alltof sjaldan
um fólk sem býr í fátækt.
Þessi mynd sem ég sendi ykkur
nú tók ég með símanum mínum úti
á götu í
Osló á góðviðrisdeginum
28.mars og hún sýnir að fátæktin er alls
staðar.
Konan sem gengur þarna um í sínum
gatslitnu fötum, með allt sem hún á í
plastpoka snertir taug í okkur öllum.
Þetta er nokkuð sem við ættum
að hugsa um þegar við setjumst niður á páskum
með góðan mat og vín.
04.04.07
Ég dauðsé eftir því
að eltast við trend í netheimum. Til dæmis því
að hafa fengið mér mæspeissíðu. Þetta
er ekkert nema pláss fyrir eitthvað fólk út í
bæ að auglýsa tónleika eða endalaust add á
fólk sem vill vera vinir mínir. Auðvitað tek ég
því
samt fagnandi að einhver vilji vera vinur minn þótt það
sé bara á mæspeis. Ég mun hvorki fá mér
síðu á moggablogginu eða vísisblogginu. Heldur
halda áfram með þessa hráu síðu. Einhvern
tímann brýt ég hana kannski um á öðru
en netscape composer. Stundum er maður í stuði og bloggar
mikið, stundum er maður latur. Ef ég væri með
mogga eða vísisblogg gæti ég verið voða
snappí og tjáð mig um fréttir, til dæmis
svona:
Miðvikudagur,
4. apríl 2007
Kaþólikkar eru klikk
Hmm...
skildi vera miklar líkur á að karlgarmurinn fái
ekki dýrlingatign?
Vísir:
Jóhannes Páll færist nær dýrlingstign
En hvaða stuð er í því?
Ég held ég gefist ekki upp eins og aumingja Mengella. Það
er leiðindarmál að hún/hann/þau hafi hætt
því hún/hann/þau sem var/voru stundum sniðug.
Stutt en snarpt stuð.
---
Einu sinni var ég með asnalegan starðfræðikennara
í gaggó. Gamlan táfýlukall. Hann réði
ekkert við gröð krakkafíflin. Það var alltaf
einhver tensjón. Einu sinni var einhver pía endalaust að
tala við sessunaut sinn. Kennarinn margbað hana um að halda
kjafti en ekkert gekk. Á endanum missti hann stjórn á
skapi sínu og sagði: annað hvort hættirðu að
tala eða ég fer. Pían röflaði auðvitað
áfram svo kennarinn rauk á dyr. Þá kvað
í Böbba dúfu: Komdu aftur, það er svo gaman
þegar þú ferð! Ég man þetta eins og
gerst hafi í gær.
02.04.07
Alveg var ég viss um að viðtal
við Magna með fyrirsögninni "Frægðin eyðilagði
hjónabandið" myndi koma einn daginn, kannski samt ekki alveg
jafn snemma og má nú sjá í nýjustu Ísafold.
Þá var einnig viðbúið að viðtal við
Ágústu Evu um það hversu mikinn toll tók
af henni að leika Silvíu Nótt myndi birtast fyrr eða
síðar, en það gerðist sem sé í Kastljósi
í gær enda þarf að tjalda öllu til ef einhver
á að hafa áhuga á að kaupa þessa
plötu. Nú er bara að bíða eftir fleiri viðtölum
sem birtast fyrr eða síðar, til dæmis: "Ég
vissi alla tímann að þetta var vonlaust", viðtal við
Ingibjörgu Sólrúnu, "Eintómt vesen að eiga
einkaþotu – miklu skemmtilegra að vera blankur" Björgólfur
Thor fer á kostum og "Ég sé ekki eftir neinu", Dr.
Guðbjörg Kolbeins leggur spilin á borðið.
01.04.07
Amma, afi, mamma, pabbi og sonur á laugardagsrúntinum
í gær. Ferðinni heitið til Keflavíkur þrátt
fyrir dópistana í Kastljósi. Poppminjasafnið
að opna stórfína örlí rokksýningu
í Duus-húsi. Þar sluxuðu örlí rokkarar
með brilljantín, ekki svo elliærir að sjá.
Allir sem vettlingi gátu valdið á svæðinu:
Siggi Johnny, Garðar Guðmunds, Þorsteinn Eggerts, Einar Júl
o.s.frv. Á sviðinu Rúnar Júl og synir og hvílík
veisla! Það er ekki á hverjum degi sem maður fær
Helenu og Hvíta máva, Skapta og Allt á floti og Rúnar
og Fyrsta kossinn á korteri! Íslandsmet, myndi ég
halda. Einnig tók Einar Júl lagið og Þorsteinn
Eggerts Twist & shout. Dagbjartur hafði auðvitað mestan
áhuga á gamalli glæsibifreið sem stóð
á miðju gólfi, Chrysler New Yorker sirka 1958, og vélaði
mig til að opna fyrir sér vinstri afturhurðina sem var sú
eina sem var ólæst. Var hann þotinn undir stýri
og byrjaður að burra áður en nokkuð var hægt
að aðhafast. Ég var dauðhræddur um að hann
myndi flauta með þeim afleiðingum að við yrðum
ekki aðeins rekin út fyrir að vanvirða safngripi, heldur
myndu hinir fornu rokkhundar líklega líka fá hjartaáfall.
Allt fór þó vel að lokum og var sonurinn dreginn
út öskrandi þegar öll önnur brögð
höfðu verið fullreynd. Allir í Kef að sjá
rokkið! Með í pakkann má svo taka sýnisferð
að Wilson Muuga sem stendur þarna í fjörunni hjá
Hvalsnesi eins og strandað skip. Ekkert spes kannski.
31.03.07
Í dag byrjar Topp 5imm í poppinu
en endar í postpönkinu (svokallaða):
Underwater
Sleeping Society - Silence teaches you how to sing: Finnsk hljómsveit
sem er að gera nokkrar rósir heima hjá sér þessa
dagana. Platan heitir All other lights go out en þetta blístrandi
gæðapopp er að hefla veginn. Finnsku
strákarnir.
Silverchair
- Reflections of a sound: Silfurstóllinn er eitt alvinsælasta
band Ástralíu með fjórar plötur í
rassvasanum sem allar hafa farið á toppinn og leirað lagi
á allavega topp 3. Nýjasta platan er handan við hornið
og heitir Young Modern. Þrátt fyrir að koma af óáhugaverðum
fjöllum varðandi þetta band sýndi ég öll
merki poppaðrar heilabarkarhegðunar þegar ég heyrði
þetta glæsilega popplag, enda næs bítlaáferð
á því.
The
Earlies - Burn the liars: Enn erða bítlaáferðin
sem dregur mann að. Önnur plata Örlíanna er The Enemy
Chorus. Enn erða tilraunalegt en samt poppaðara en fyrr. Bandið
er skipað Bretum og Könum sem brúa bilið með tækninni
og standa í tónlistarlegu pennavinasambandi.
The
Desperate Bicycles - The medium was the tedium: Er loksins að
lesa bókina Rip It Up and Start Again: Postpunk, 1978-1984 e. Simon
Reynolds um tónlistina sem ól mig upp. Pönkið
var svo sem engin tónlistarleg bylting (rokk spilað hratt) en
það sem kom á eftir var það og allir möguleikar
virtust opnir. Allt var ferskt og nýtt og eitthvað nýtt
að gerast í hverri viku um leið og Fálkinn tók
upp úr kössunum. Þetta er mjög góð bók
sem tekur á Joy Division, Gang of Four, Wire, Contortions, Talking
Heads, The Fall og Cabaret Voltaire, svo eitthvað sé nefnt –
það sem síðar var kallað "postpönk" þó
ég minnist nú ekki að það hafi verið kallað
það þá. Hluti af byltingunni var DIY
- Do it yourself, sá hugsunarháttur að segja: við
þurfum ekkert útgáfufyrirtæki, við gerum
þetta bara sjálf. Því spruttu upp ótal
lítil merki og gáfu út músik og sum urðu
stór, eins og Factory og Rough Trade. Hljómsveitin sem gaf
tón inn í þessu DIY-i var þessi, Örvæntingafullu
reiðhjólin, sem gerði litlar plötur 1977 þar
sem útskýringar um plötuútgáfu voru prentaðar
á umslagið. Herópið var "It was easy, it was cheap.
Go and do it!" – og það á líklega ágætlega
við enn í dag á tímum mæspeis (eða kannski
ekki?). Hér
má ná í katalók reiðhjólanna eins
og hann leggur sig.
The
Slits - FM: Villimennirnir í The Pop Group og villikonurnar
í Slits eru hafðar í sama kaflanum í bókinni
góðu. The Slits byrjuðu sem algjörlega fákunnandi
hljómsveit en þær æfðu sig upp í snilldarplötuna
Cut (1979). Pródúseruð af Dennis Bovell, Budgie síðar
í Siouxsie & The Banshees trommar – platan er iðandi fínt
meistaraverk sem allir ættu að nálgast. Önnur plata
(síðri) kom 1981 en svo hvarf söngkonan Ari Up og varð
fyrst snartrúuð á Hælassí lassí en
svo skógardrottning og lifði með fólki með bein
í nefinu, bókstaflega. Hún snéri þó
aftur. The Slits fóru á bullandi kombakk í fyrra og
gerðu nýja EP plötu. Þær eru enn að og
í góðu stuði. (Bónus: The
Slits - Slits tradition – lag af 3ja laga kombakk Epinu "Revenge
of the killer Slits").
---
Mikið var leiðinlegt að sjá
minn gamla skóla MK skíta á sig á lokasprettinum
gegn MR. En þeir geta sjálfum sér um kennt að vera
svona fljótfærir í lokaspurningunni. Kópavogur
er (sem betur fer) áfram lúsertown. Áfram Breiðablik!
30.03.07
Og nú: Funheitar fréttir af
frægum Íslendingum (eins og gjarnan vill gerast hafi ég
hitt djúphálsaðan heimildarmann minn (hm)).
Bubbi Morthens er sífellt í
skotskífu unga fólksins, enda fáir sem hafa komið
ár sinn jafn vel fyrir borð (a hemm). Í menntaskólablaðinu
Verðandi er nr. 4 af Topp 11 leiðum til að vera hataður
það að "hlusta á Bubba Morthens". Bubbi hlær
þó alla leið í bankann og er skv. hm kominn á
nýjan 10.000.000 kr jeppa frá B&L. Gott hjá honum.
Glaðbeittur auglýsingamaður hringdi
í Bjögga Halldórs um daginn og falaðist eftir
lagi frá honum í auglýsingu. Til að Bó
gerði sér nú sem minnstar grillur um kaup og kjör
tók auglýsingamaðurinn það fram snemma í
samtalinu að þetta væri "svona ló-fæ auglýsing".
"Viltu þá ekki bara fá eitthvað ló-fæ
lag," svaraði meistari Bó.
Meira af Bó. "Hva, er það ekki
bara einhver Mugison með píku?" á hann að hafa sagt
um Laylowu.
Talandi um suðurríkjahreimsselfyssinginn.
Hún sló í gegn eins og alþjóð veit
og seldi víst um 8000 plötur í fyrra. Eitthvað munu
samningar við Cod Music hliðarmerki Senu hafa verið lélegir
og lítið runnið til listamannsins. Hefur Laylow því
fengið sig lausa frá útgáfunni eftir nokkuð
stapp.
29.03.07
Atli
Fannar hefur sett saman þessa fallegu tvífaramynd sem
er alveg við hæfi að endurbirta:
Þá tók ég eftir því að
sjálfur notaði ég "fokking" í næstu færslu
á eftir færslunni um það hve dópistar í
Rvk eru næntís fyrir að nota "fokking" í tíma
og ótíma. Talandi um að henda gleri í steinhúsi.
En nú sver ég við fánann og föðurlandið
að segja eða skrifa fokking aldrei nokkur tímann aftur enda
fokking glatað, nei ég meina dæmalaust glatað að
nota fokking.
---
Ah ég man eftir Hómersjoppunni á Hverfisgötu.
Kom samt aldrei inn í hana en skiltið var snilld.
28.03.07
Tók viðtal við Sverri Stormsker.
Hann er hress! Sjá nánar í Fbl á ld. Hann vildi
hittast á Hótel Holti sem er náttúrlega dúndurpleis
til að taka viðtöl. Allt vaðandi í Kjarval og leðursófum
og fáir á ferli. Tilvalið. Svo er Bsí ágætis
staður til að taka viðtöl á líka.
---
Æsispennandi þáttaröð
Kastljóss um dópista í Rvk er merkileg fyrir það
helst að dópistarnir virðast ekki geta sagt heila setningu
án þess að lauma inn í hana fokking. Þú
hefur engan fokking rétt á að leita í fokking
vösunum á mér, fokking bíttu í fokking
punginn á þér, o.s.frv. Greinilega mjög næntís
þessir dópistar.
27.03.07
Nokkuð er liðið frá síðustu
dagbókarfærslu enda var ég við skyldustörf
í borg tækifæranna í landi hamingjunnar, NYC,
USA. Sjöunda ferð mín til borgarinnar síðan
1988, en samt er maður alltaf jafn hissa. Hundleiðinlegt strik
í rkn setti að ég, þetta hrausta naut, varð
veikur á flugvellinum og fokking slefandi á mig fúll
tæm í útlöndum. Gröftur lak úr augum,
hálsinn hrár og ekki bragð á gerandi, Hallstöflur
bruddar í akkorði og sterkt amerískt læknadóp.
Annað augað gerðist blóðhlaupið og bólgið
svo ég minnti helst á Hómer Simpson. Hér er
mynd:
Samt var vitaskuld ekki um neina skítaferð
að ræða enda Steini Sleggja með í för og
bragð í háls snéri aftur á endanum. Eins
gott því eini tilgangur (ég segi það ekki,
líka hitta KJG og mettast af anda stórborgar) ferðarinnar
var að éta amerískt. 4 kíló af spiki bættust
við á viku svo geri aðrir betur. Martraðarkennt spinning
framundan. Það sem látið var ofan í sig var
ekki af verri endanum. Strax í morgunsár fyrsta dags dró
ég Steina á ekta diner í nágrenni Milford Plaza,
Cheyenne Diner á 411 9th Ave:
Þar fékk Steini sér eggjaköku sem hefði
auðveldlega getað fætt þorp í Burkina Faso en
ég tróð mig út af ektaútgáfu af
því sem þau á Gráa kettinum kalla Trukkarinn:
hnausþykkar pönnukökur, beikon og 2 egg, plús svaka
slummu af löðrandi sírópi. Svolgrað niður
með lapþunnu kaffi og rótarbjór. Svona fékk
ég mér daglega. Meðal annarra hápunkta í
margföldu magafylli voru þrjár ferðir á Brooklyn
Diner, bæði við Carnegie Hall og á Times Square.
Til hvers að fara eitthvað annað? Mæli með möltuðum
sjeik og rótarbjórsfloti. Í Carnegie Hall útibúinu
var mjög posh krád, allir í V-hálsuðum tennispeysum
og ríkidæmið lak af liði. Meiri skríll á
Tæmskver, enda stutt í hvítruslið sem svarmar um
brjálað torgið slefandi með myndavélar. Átum
á Bond 45, sem er stór
ítalskur staður með þjónum í svuntum
og manni fannst maður kominn til 1950. Átum á Virgil's
real bbq, skínandi staður á Tæmskver og Meskerem,
ódýr eþíópískur staður á
468 W 47th St, milli 9 og 10 ave. Þar puttaði maður stöffinu
í sig af brauði sem leit út eins og lak. Ljómandi.
NYC er skíturinn. Stórfenglegasta borg sem mannsandinn
hefur hraukað upp. Við fórum upp í Rockefeller og
skimuðum yfir ósköpin. Hallgrímskirkja myndi tínast
og Kárahnjúkastífla hverfa í hauginn. Fólk
eins og maurar. Ekkert eldgamla Ísafold neitt. Enginn fyrir alla,
enginn fyrir einn.
---
KJG er enn ólöglegur alien, orðinn grásprengdur
í vöngum en í gríðarlegu stuði enda með
7 sykurskeiðar í hverjum kaffibolla. Ekkert á heimleið
nema forsætisráðherra Hr. Ómar Ragnarsson sæki
hann á Frúnni í leynilegt rjóður.
---
Grín í Carolines
ágætt. Svo var það rokktúrinn hans Bobby
Pinn, Rockjunket. Allir aðrir
búnir að afbóka svo við Steini vorum bara tveir í
túrnum. Byrjuðum við heimili Joey Ramone og skröltum
í 2 tíma um East Village með Bobby sem var með þetta
allt á hreinu og ljósmyndir til staðfestingar. Fínt.
Sjá: Gem spa þar sem New York dolls og strákarnir héngu.
(Fékk mér víðfrægan egg cream, sem er einskonar
gerfi sjeik og ekki gott), fyrrverandi Fillmore East, fyrrverandi Exploding
Plastic Inevitable, húsið sem var framan á Physical graffity,
fyrrverandi heimili Charlies Parkers og Iggys Pops, jú neim itt,
og endað við leifarnar af CBGB's þar sem Steini tók
þessa fallegu mynd af okkur Bobby:
Mæri heilshugar með að fólk nýti sér
rokkþjónustu Bobbys í stórborginni. Það
er algjört möst að sjá sem flest svæði New
Yorkur enda er gríðarlega mikill stemmningsmunur eftir hverfum
og fljótt að breytast fílingurinn. Gott að hafa fylgdarmann
til að benda sér á söguna. Hann er með þrjá
túra í gangi fyrir utan þennan pönktúr:
bítlatúr, bob dylantúr og union square túr.
---
Gaman að komast úr fámenninu í maurmennið
og gott að komast aftur í fámennið úr maurmenninu.
Svona er þetta bara. Jing Jang. Nú er bara að sökkva
sér niður í íslenska molbúann, þaullesa
allt á moggablogginu og mynda sér skoðun á Spaugstofuguðsvorslandinu
eða hvaða risamál rekur næst á fjörur
örþjóðarinnar. Eða ekki.
---
Topp 5imm skjögrar í hús. New York spesíal
vinur minn:
LCD
Soundsystem - Someone great: Fyrir skömmu sagðist ég
ekki skilja velsældir James Murphy, aka LCDSS. En nú er ég
búinn að endurskoða hug minn enda búinn að vera
með nýju plötuna Sound of Silver á nokkru rípíti.
Um er að ræða mikla snilldarplötu eins og heyra má
af þessu lagi (nr. 04). Slínkí veggfóður.
Alan
Vega - Ice drummer: Þú ert klárlega birdbrain
ef þú þekkir ekki plötur Suicide út og inn.
Hinn hixtandi söngvari gerði sólóplötuna Alan
Vega þegar Suicide hætti í fyrsta skipti 1980 og hér
er jólalegt rokkabillípönk fyrir mannskapinn.
The
New York dolls - Personality crisis: Strákarnir fyrir utan
Gem Spa. Fyrsta platan kom 1973 og er frumpönk og springdýna
fyrir Malcolm McClaren og Lundúnapönkið. Slagari.
The
Dictators - The next big thing: Dictators voru skrollandi pönkmenni
áður en pönk varð til og gerðu plötuna Go
girl crazy árið 1975 (sem þetta lag er á), nokkru
áður en Ramones komu fram. Kannski meira fávitarokk en
pönk, en samt... Aðaldúddinn kallar sig Handsome Dick Manitoba
og sést hér á frægri mynd ásamt unnustu
sinni. Ljósmyndarinn tók myndina í þakklætisskini
fyrir að Handsome fann veskið hans í leigubíl og
kom því til hans. Handsome rekur nú rokkbarinn Manitoba's
í East village.
Ted
Leo and the Pharmacists - Bomb. Repeat. Bomb.: Ekki beint njújorkari
en býr þarna á austurströndinni. Traust rokk sem
skríður víða og minnir mismikið á margt,
Elvis Costello, Manic Street Preachers hafa t.d. skotið upp kollinum
þegar ég hef hlustað á nýjustu plötu
bandsins, Living with the Living, sem er skratti þétt og fín.
19.03.07
PPPönk er eitt af þessu geggjuðu
íslensku böndum sem allir ættu að hafa á takteinum.
Löngu hætt auðvitað en skildi eftir sig mæta plötu.
Nú komst ég að því að bandið gerði
eina plötu til sem má niðurhala og gæða sér
á hér. Það
er Maggi strump sjálfur sem bíður upp á þessa
sælustund. Neðar á sömu síðu skrifar Maggi
svo um Ælu sem eru að fara að æla sér yfir Breta.
Stuðbandinu Bag of Joys er svo gerð skil hér.
17.03.07
Dömur mínar og herrar: Topp fimm!
Bong-Ra
- Suicide speed machine girl: Geðveikt hollenskt stuð frá
Bong-ra af plötu hans frá því í fyrra,
Stereohype Heroin Hooker. Maður kemst í hátíðarskap
og ólmast á spikbrennslunni við ærandi geðveikisstuðið.
Shitmat
- Fido Dido Vs Simon Mayo: Opnunarlagið á nýjustu
plötu Bretans Shitmat. Auðvitað fer þetta um víðan
völl enda er þetta svona víðsvallartónlist
fyrir fólk sem þjáist ekki af flogaveiki. Gott á
spikbrennslunni ekki síður en í tívolí.
Thomas
Leer - Private plane: Háalvarlegt tilraunapopp úr
bresku svefniherbergi 1978. Thomas ræfillinn er óþekktur
með flestu en hafði mikil áhrif á þá
sem eftir komu sem sáu að hægt var að gera gott stöff
einn og óstuddur í herberginu sínu. Lesa má
sögu Tómasar
hér.
Virkar ekki á spikbrennslunni, nema sem síðasta lag fyrir
teygjur.
Thomas
Leer & Robert Rental - Monochrome days: Thomas og Robert Rental
(sem lést árið 2000) gerðu þessa plötu
saman árið 1979. Hún er í þessum sama hráa
tilrauna late seventís gír og var gefinn út á
merki Throbbing Gristle, minnir mig. Platan skiptist í nokkuð
poppað efni eins og þetta lag og síðan grárri
tilraunaveggi sem þarf meirapróf til að potast í
gegnum. Sleppur á spikinu.
Flís
& Dóra Jóhannsdóttir - Það er svo æðislegt:
Eins og fram hefur komið er músikin í Leginu voða
fín söngleikjatónlist með skemmtilegum textum. Út
er kominn diskur með tónlistinni og textum í vönduðum
bæklingi svo maður skilur loksins alveg alla textana. Til dæmis
segir á einum stað "ég var með nýrakaðan
pung" sem ég missti alveg af á sýningnni. Leg er tvímælalaust
næstbesti söngleikurinn á fjölunum þessa dagana.
(Bónus: Flís
& Kjartan Guðjónsson - Virkjallt - Rúnkforstjórinn
í góðu gríni í stuttu lagi).
---
Þar sem við Lufsan sátum hnípin og átum
California club á Grillhúsinu mátti sjá fína
fólkið arka skælbrosandi inn í fínt samkvæmi
í Listasafni Íslands. Búið var að kveikja
á tveimur stærðar bálkestum og maður í
smóking tók á móti gestum. Eini sem ég
kannaðist við var Hreiðar Mar í KB, en þetta leit
allt eins út og hann plús uppstrílað kvenfólk
í galadressum. Sá ekki Elton en Bogomil var þarna.
Kannski var verið að halda upp á að olíuforstjórarnir
væru sloppnir? Það ku annars helvíti gott að
troða upp á svona giggum. 10 mínútna grínatriði
á 100.000 og veislustjórn örugglega á millu.
Maður þarf einhvern veginn að komast inn í millaklíkuna.
Byrja að hanga á Vox og svona sjá hvort það
séu ekki lausar stöður í einhverju. Bara rugl að
vera í daglaunavinnu við hliðina á þessu.
16.03.07
Rás 2 í dag kl. 15: Abbababbliðið
mætir í góðu gríni og tekur lög úr
söngleiknum.
15.03.07
Fast
food nation er skínandi mynd gerð "eftir" skínandi
bók.
Kynnt er til sögunnar allskonar fólk og veltur myndin áfram
í smábænum Cody í Colorado. Í lok myndarinnar
sjáum við nokkrar beljur drepnar og verkaðar. Aumingja beljuaugun
horfa á mann úr hakkinu. Nokkuð gott bara. Skíturinn
lekur af skyndibitabransanum en hvað gerir maður? Heldur áfram
að éta eins og jórtrandi belja í girðingu
(frekari tengsl í myndinni). Þess má þó
geta að ég át byggborgara í kvöld en það
er svo sem ekkert sem koma skal.
13.03.07
Alltaf er gaman að framtíðarlýsingum.
Þegar ég tók viðtalið við Hugleik barst
talið að kvikmyndinni Idiocracy
sem hann sagði góða. Með nýjustu sjóræningjatækni
horfði ég svo á hana í gær. Myndin er eftir
Mike Judge, sem gerði m.a. Beevis & Butthead og snilldarmyndina
The Office Space. Í Idiocracy er lífinu árið 2505
lýst. Í stuttu máli eru allir orðnir slefandi
hálfvitar eins og er eðlileg afleiðing af því
að horfa á Jackass, America's Top model og fréttirnar
á Fox í 500 ár í viðbót. Heimurinn
hefur heimskast niður í lægsta hugsanlega samnefnara.
Allt er vaðandi í auglýsingum og sponsum. Fólk
drekkur bara orkudrykki og borðar á skyndibitastaðnum Buttfuckers.
Þetta er nokkuð fyndin mynd. Framtíðarsýnin
þarna minnir dálítið á það sem
ég skrifaði í þessum pistlií
DV fyrir einhverjum árum:
Árið 2100 verður loksins kominn
botn í öryrkjamálið því þá
verðum við öll orðin að löggiltum öryrkjum.
Orðið "öryrki" verður því fjarlægt
með lögum úr íslenskunni. Meðalþyngd Íslendinga
verður 200 kg og lífslíkur 200 ár. Almennt samþykki
verður nefnilega um það á Vesturlöndum að
spikfeitt sé fallegt og eintóm geðveiki sé að
sporna við eðlilegri spikmyndun. Stórfenglegar uppgötvanir
DeCode munu svo lengja meðalaldurinn.
Hver og einn liggur í alfletinu sínu
og nennir aldrei út úr því, enda lítið
að sækja undir bert loft nema eiturgufur frá álverksmiðjum
sem verður búið að troða út um allt og stingandi
augnaráð pólskra verkamanna að fara í og úr
vinnu. Í alfletinu verður búið að pakka öllu
sem við "þurfum" í dag í eitt tæki. Alfletið
verður það sem í dag kallast íbúð,
klósett, ísskápur, rúm, tölva, sjónvarp,
sími o.s.frv. Í Elko (sem þá heitir Beri Beri
eftir samrunann við Bónus, BT-tölvur, Rúmfatalagerinn
og Ikea ) verður hægt að fá tvær tegundir; deluxe
alfleti með innbyggðum Tælendingi, og venjulegt.
---
Vinsæl dægurtónlist er orðin
einstaklega einsleit og drepleiðinleg upp á síðkastið.
Ég er farinn að hafa andstyggð á mörgu af því
sem Rás 2 spilar. Þetta er allt einhvern veginn sama lagið,
sami fílingurinn. Tökum til dæmis lagið Grace Kelly
með þessum Mika gaur. Mér fannst það reyndar
allt í lagi í fyrstu 2 skiptin en nú fæ ég
andstyggðar tilfinningu þegar ég heyri það,
svona svipaða og gerist þegar maður er búinn að
vera of lengi í Rúmfatalagernum. Ekki bætir úr
skák að það er alltaf verið að spila þetta
helvíti í spinningtímum. Scissior Sisters eru nákvæmlega
eins. Einskonar tónlistarlegt "Friends", tónrænn skyndibiti.
Áðan heyrði ég í einhverjum Paolo Nutini sem
er alveg sama froðan. Sé pleilisti
Rásar 2 skoðaður verður samt að gefa þeim
kreditt fyrir mörg ágætis lög sem afsanna allt sem
ég var að segja, t.d. Amy Whitehouse, Peter Björn og John
og Ruby Ruby Ruby, sem er ekkert farið að láta á
sjá ennþá.
---
Sem mótvægi við alltumlykjandi
froðuna er ég að hlusta á frekar geðveikan skít
þessa dagana, hávaðastöff til að svitna við
í ræktinni. Lið eins og hollenska breikkorgaurinn Bong-ra,
bandaríska breikhávaðagaurinn End.user
og Shitmat, hinn breska
brjálæðing. Þá hef ég verið að
tékka betur á Bretanum Thomas
Leer, sem er einn fyrsti "svefniherbergislistamaðurinn". Ég
hef mikið dálæti á lagi hans Private plane af safnplötunni
Business Unusual sem ég eignaðist sem barn. Meira um þetta
í næsta Topp 5imm.
12.03.07
Þetta er Ted Haggard:
Hann er ægilega trúaður og eins
og margir trúaðir með kynlíf annars fólks
á heilanum. Hann fór mikinn í biblíuþvaðri
um homma sem hann hafði megnustu óbeit á, enda er samkynhneigð
viðurstyggð samkvæmt biblíunni o.s.frv. Ted brá
m.a.s. fyrir í þáttunum The root of all evil? Auðvitað
kom það svo á daginn að Ted er sjálfur þrælsamkynhneigður
og fékk fínan sörvis hjá nuddara út í
bæ. Nú er nuddbekkurinn þar sem gamanið fór
fram kominn á Ebay – hvað annað?! Sögufrægur
nuddbekkur til sölu hér.
Nuddarinn Mike
Jones mun árita bekkinn sé þess óskað
og einnig sendir hann með ævisögu sína I had to say
something.
---
Það var ofpakkað á Abbababb!
í gær. Sýningin hófst eitthvað um 20 mín
of seint út af því en allir skemmtu sér ótrúlega
vel þegar allt var komið í gang. Ég vona að
þetta komi ekki fyrir aftur.
---
Jón Gnarr er Georg Bjarnfreðarson
í væntanlegri sjónvarpsseríu. Eflaust þrumuskuð.
Líkt og nú er í tísku hefur Georg opnað
blogg.
---
Ég
sá Leg. Alveg 3 af 4.
---
Hef tekið að mér að gera vikulegt
heilsíðuviðtal í Fbl á laugardögum. Talaði
við Hugleik síðast. Maður er drullustressaður
að fá á sig karlpungastimpil eins og Egill ræfillinn
ef maður talar bara við karla. Því auglýsi
ég eftir áhugaverðum viðmælendum, helst af
kvenkyni náttúrlega.
---
Eurovisionmyndbandið hans Eiríks verður
frumsýnt í kvöld í lok Kastljóss og ég
og Birgitta Haukdal eigum að vera á svæðinu og tjá
okkur um það. Eflaust voða sniðugt.
10.03.07
Halelúja alla leiðina heim: 5opp Timm mættur á
svæðið eins og mygluð skinka:
Grinderman
- No pussy blues: Gleðitíðindi! Nick Cave hefur
fundið groddann á ný eftir allt biblíuvælið
og ballöðusukkið. Já! Grinderman er næstum afturhvarf
í sótsvartan skítaheim The Birthday Party, hljómsveitarinnar
sem ég hefði étið á mér annað eyrað
fyrir fyrir 25 árum. En bara næstum því, eða
kannski ekkert svo næstum því, en samt. Keif spilar
nú á gítar sem hann kann illa á og það
gerir mikið upp á hráleikann. Með honum í
bandinu eru nokkrir gaurar úr Bad Seeds og virðist línan
vera sú að vera sem sáðrásarlegastur í
textagerð, svitna í krikunum og rokka spikfeitt og pungþefjandi.
Svona eins og glæpahyskið sem þessir Ástralar eru
allir komnir af. Þokkalega! Platan heitir Grinderman og er komin
út.
Gus
Gus - You'll never change: "Það eru mestgustukin" segir
móðir mín oft, en Gustuk mun þýða Guðsþökk.
Gus Gus þýðir aftur á móti þrír
101-istar með nýja plötu (Forever) löðrandi í
sékjorbútí. Útgáfutónleikar á
Nasa 24. mars en hér er nett stuðlag þar sem Páll
Óskar og Aaron-Carl syngja bakvið. Þetta er kóver
upprunalega flutt af Bettye LaVette.
The
Mops - Blind bird: The Mops voru fyrsta sækadelíska
rokkband Japana, skriðu í gang sem GS (group sounds) í
kringum 1966 en urðu smátt og smátt sækadelískari.
Platan þeirra heitir Psychedelic sounds in Japan og kom út
1968. Þetta lag var bannað af því sungið var
"Please kill me". Það þótti ekki gott í Japan.
Motion
boys - Hold me close to your heart: Lag Motion Boys Waiting to
happend var helvíti gott og hér eru þeir komnir með
nýtt sem líka er helvíti gott. Helvíti gott
allt saman sem sé. Helvíti helvíti gott! Bandið
mun nú vera í hörku aksjón og er væntanlega
að vinna að sinni fyrstu plötu.
The
Police - Walking on the moon: Gleðitíðindi! The
Police komnir saman aftur í auramokandi túr og almenna gleði.
Nú er sólóferill Stínksins vitaskuld grútleiðinlegur
en Polís var ágætis band þótt ég
hafi nú afneitað þeim með hraði þegar alvarlegri
bönd eins og Wire og Joy Division komu hugvíkkandi inn. Ég
á samt mjög sterka minningu af því að vera
inni á billjard- og leiktækjastofu í Bankastrætinu
(líklega þar sem Sævar Karl var til húsa) og
þar stóð djúkbox og ég valdi einmitt skásta
lagið sem ég fann, þetta hérna gangandi á
tunglinu. Skömmu síðar stal ég krít af einu
borðinu (hafði ekki hugmynd um hvað þetta var en fannst
samt taka því að stela því. Svona var maður
mikill unglingafáviti). Undarlegt hvað heilinn á manni
geymir. Ég mun samt ekki leggja á mig löng ferðalög
til að sjá kombakk Löggunnar. Alveg í Höllina
samt.
09.03.07
Skemmtilegir tenglar í boði Unglingafáviti
ehf:
18+ Gamlar
lesbíur
hljóð Sveimhugi
wft Geirvörtulakk
spes Fríksjóbiblía
wtf Feitar
konur með partíhatta
bíó Það
er enginn að horfa
18+ Skordýraklám
18+ Svakaleg
kameltá
spes Trommuheilar
08.03.07
Allt hefur sína kosti og galla. Tökum
til dæmis það að búa á Íslandi:
Topp 5 kostir:
Skyr. Til dæmis Boozt og svo skyrbarinn
í 10-11, og þá er ég að tala um þann
í Hafnarfirði. Hann er einfaldlega geðveikt góður.
Rosalegt úrval af skyri og múslídrasli og ávöxtum
og risastór plastbakki til að skella þessu í og
á eingöngu 299 kall. 10-11 eru líka með skyrbar
í Lágmúla en sá er miklu verri og minni bakkar
að auki. Samt alveg ok.
Vatn. Kalt úr krananum og heitt
í potti. Gott gott gott.
Fjöll. Gaman að fara upp á
þau og líka niður.
Fólkið. Sem maður þekkir,
elskar og fílar.
Veður. 10% gott og þá
kann maður svo vel að meta það.
Topp 5 gallar:
Verð. Fáránlega hátt
þrátt fyrir nýskeða lækkun.
Veður. 90% drasl.
Laun. Lág. Ástæðan
fyrir vinnugeðveikinni.
Einangrunin. Meiriháttar mál
að komast í burtu. Maður skreppur ekkert í næstu
stórborg. Það er bara Akureyri eða éttu skít.
Þak yfir höfuðið. Meiriháttar
mál og ævilangt hark.
---
Djöfull er mér farið að hlakka
til að komast til New York! Hálfsársleg viðrun er
nauðsynleg.
---
Ég hef aldrei skilið afhverju fólk
finnst Seinfeld skemmtilegur. Drephelvítileiðinlegt og óþolandi
fólk í þessum þætti. Svo ekki sé
minnst á hin glötuðu bassasóló sem fylla
skorið.
---
Já auðvitað! Ég sé
það núna: Auglýsingabæklingur
frá Smáralind var borinn í hús í dag.
Á forsíðunni má sjá unga stúlku
á háum hælum í velþekktri stellingu úr
klámmyndum. Hún er tilbúin til þess að láta
taka sig aftan frá. Með munninn opinn býður hún
lesendum af karlkyni að setja skaufa sína upp í sig.
Auglýsingabæklingalöggan hefði náttúrlega
aldrei leyft þessum sora að komast í gegn.
---
Stranglers voru fínir. Gott að sólbekkjahelmútinn
er hættur, meira páver í þeim svona og svo sem
bara ok að gamli maðurinn með vökvapumpurnar var leystur
af með höggþungum unglingi. Mikið best of og unaðslegt
pönkefni að mestu, nokkur lög þó frekar leiðinleg
og skrýtið að juðast á Kinkslummu þegar
maður á alla þessa hittara. Fræbbblar einstaklega
lús á því, slatti af nýju efni sem lofar
góðu og klassík í bland. Fínt kvöld
á Nasa.
05.03.07
Klassískt Prins póló:
Þessara umbúða er því miður ekki
getið á þessari síðu,
en þar eru engu að síðar ýmsar afurðir
komma-Pólands kynntar og nuddaðar upp úr fortíðarslykju
(geri ég ráð fyrir, ekki kann ég pólsku).
---
Hey, blús þarf ekki endilega að vera svo leiðinlegur.
Hvað með t.d. Baby Gramps sem lítur svona út:
Hmmm, drengur minn. Mmph.. mmph... Mæli með að fólk
tékki á því sem Jútjúb
bíður upp á með þessari blúsgeit.
---
Einnig á Jútjúb: Bítlar
renna saman í Grátt. |