25.06.10
Dr. Opinskár eitthvað að röfla í blaðinu.
Ég gleymdi reyndar alveg að koma því að að
ég er í svörtum Man Basic nærbuxum frá
Dressman. Annað forsíðuviðtal?
---
Nei nei, þetta er ágætt viðtal. Manni finnst
bara alltaf asnalegt hvernig hlutunum er slegið upp í "æsifréttastíl".
Sérstaklega þegar það kemur út eins og maður
sé að væla. En svona er þetta bara. Sköllótt
fésið á mér verður svo starandi á mig
í öllum sjoppum héðan til Patreksfjarðar (Pönk
á Patreksfirði). Verð að muna að skipta um skyrtu.
Verst að það er of heitt fyrir hárkolluna.
---
Ágætt HM-prógrammið hjá Þorsteini
Joð. Flæðir fínt og maður nennir að horfa
þótt maður sé ekkert forfallinn fótboltaáhugamaður
(ég nenni reyndar bara að fylgjast með þegar er HM).
Kostar víst ekki nema 2.8 millur, sem er algjört pínöts
fyrir prógramm sem sýnt er oft á dag í heilan
mánuð. Fáránlegt að einhver nenni að tuða
yfir því. Fleiri konur í settið? Tja, alveg mín
vegna. Var samt ekkert að pæla í því, það
er ekki það fyrsta sem mér dettur í hug: Hmm, kynjahlutfallið
er nú eitthvað skakkt hér. Ég er ekki með
kynjahlutfall á heilanum. Ég sé samt alveg fyrir mér
að kjarnorkukonur eins og Lana Kolbrún Eddudóttir, Kolbrún
Bergþórs og Tobba Marínós gætu tekið
að sér einn þátt. Væri eflaust athyglisvert.
---
Við Felix erum alveg kynjahlutfallaðir og reynum eins og við
getum
að hafa konur í Popppunkti. Skárra væri það
nú. Held við höfum skafið upp flest kvennabönd
á landinu í gegnum tíðina. Eigum samt eitthvað
eftir, Grýlurnar, Kolrössu, Heimilistóna - ekkert víst
að Grýlurnar myndu nást saman - þær eru nú
lítið að hittast og rifja upp gamla tíma, held ég,
Kolrassa gæti verið vesen af því Elíza býr
úti en það er nú eiginlega bara athugunarleysi
að hafa ekki fengið Heimilistóna með í þessa
seríu - það er of góð hugmynd til að klikka
á henni. Gengur bara betur næst. En talandi um Kolrössu
þá er það náttúrlega frekar poppfræðilega
merkilegt að bandið ætli að koma saman og spila á
Eistnaflugi
Laugardaginn 10. júlí. Ég held það sé
alveg ástæða til að skella lagi með þeim
á fóninn:
Bellatrix
- Daredevil
Af plötunni It's all true, sem Fierce Panda gaf út 2000.
Sú plata var að mig minnir síðasti þátturinn
í meikdraumagöngu bandsins. Þau voru helvíti dugleg
og héngu árum saman í London við fótskör
rokksögunnar og spiluðu á hverjum klósettrúntinum
á eftir öðrum. Voru hæpuð í vikublöðunum
og fóru í gegnum þá vél alla. Loks tók
raunveruleikinn við og bandið splittaðist í allar áttir.
Það er þó alltaf stutt í rokkið eins
og mun heyrast á Eistnaflugi. Skilaboð frá bandinu af
Facebook:
Kolrassa
Krókríðandi vakna af værum þyrnirósar
blundi -for one night ONLY - til að stíga á stokk á
bestu rokk hátíð Íslands Eistnaflugi! Þetta
er einstakur viðburður og í fyrsta skipti sem Kolrassa kemur
saman í nær áratug. Allir upprunalegir meðlimir
munu stíga á stokk . Elíza , Bíbí, Sigrún
, Anna Magga, Kalli og fyrsti trymbill hjómsveitarinnar Birgitta
Vilbergs óje. Klassísk rokk lög af plötunum Drápa
, Kynjasögur og Köld eru kvennaráð verða flutt
í fyrsta sinn í ára raðir og verður allt hækkað
í 11!
24.06.10
Dreymdi hræðilegan draum. Varð vitni að pyntingum
á leikaranum John Cleese. Hann lá emjandi á bekk og
búið var að rústa á honum annarri löppinni.
Mölbrotin beinin stóðu upp úr lærinu, sem
var búið að fletta skinni og kjöti af. Ég sá
aldrei framan í pyntarann, en hann virtist hafa mjög gaman
að þessu. Aldrei kom í ljós af hverju var verið
að pynta John, eða frá hverju hann átti að kjafta.
Kannski var þetta eitthvað út af Kaupþings-auglýsingunni?
Sjálfur væri ég glataður á svona pyntingarbekk.
Myndi kjafta frá öllu strax. Það þyrfti ekki
nema að sveifla slípirokki við eistun á mér
að þá væri ég farinn að gala. Djöfulsins
viðbjóður. Hvaða sjúku mannleysur og ræflar
fást til að vinna svona "störf"? Og hvaða sjúku
mannleysisræflasamfélög leggja blessun sína yfir
svona?
---
Hugmyndir eru uppi um að koma út nýju Popppunkts-spili
fyrir jólin - Popppunktur 2 - íslenska tónlistarspilið.
Það er náttúrlega búið að vera að
spyrja mig um þetta árum saman. Fyrra
spilið kom út 2004 og var geðveikislega massíft.
2.5 kíló með 940 spjöldum og rúmlega 4000
spurningum, borði, bjöllu, hjóli, köllum og svo framvegis.
Ef það yrði gert annað eins núna myndi líklega
þurfa að selja spilið á 15.000 kall eða eitthvað
(því það var betra gengi á krónunni
2004!) Nýja spilið verður því örugglega
eitthvað öreigalegra, en ekki verra fyrir það. Það
þarf að stíla verðið inn á 5-6 þús
kall út úr búð svo það sé raunhæft
að einhver kaupi þetta. Spilasala mun samt vera nokkuð góð
núna í kreppunni. Fyrir jólin í fyrra komu
út 3 ný borðspil og gengu víst öll nokkuð
vel.
---
PP-spurningakeppnin er á Pönki
á Patró á laugardagskvöldið eftir eða
fyrir tónleika Pollapönk. Á sama tíma stendur
yfir fjórði PP-þátturinn í sjónvarpinu.
Þar erum við að tala um ungu rokkböndin Mammút
og Agent Fresco, sem eiga það náttúrlega sameiginlegt
að hafa unnið Músíktilraunir (2004 og 2008). Þetta
er drullugóður þáttur náttúrlega:
-
---
Skakkamanage
& Prins Póló - Partýþoka
Spikfeita sumarsafnplatan Hitaveitan er komin út. Allt fullt
af stuði og kæti í sumarfílingi. Sjáið
sílspikaðan lagalistann til dæmis hér.
Hér er sýnishorn af safnplötunni, lag sem er stílað
á Skakkamanage og Prins Póló, sem er nokkurn veginn
sami hluturinn, en þó ekki. Plötu í fullri lengd
mun vera að vænta frá Prins Póló í
haust sem eru dúndurtíðindi (ellegar Dúndurfréttir)
því Prins Póló er svo skemmtilegur. Húrra
fyrir kökugerðarmanninum!
23.06.10
Ég verð ekki formaður strætó, enda bara
varaborgarfulltrúi. Aðeins AÐALborgarfulltrúar mega
taka þetta djobb að sér skv. nokkurra ára gömlum
lagabreytingum. Einar Örn tekur því djobbið líklegast
að sér. Hins vegar sé ég um Popppunkts-spurningakeppni
á Patreksfirði á laugardagskvöldið (sjá
nánar hér).
Ég má það altént, nema það finnst
einhvers staðar í smáa letrinu að ég megi
það ekki. Smáa letrinu í samþykktum sveitarstjórna
Vestfjarðarkjálkans þá væntanlega. Aðeins
AÐALborgarfulltrúar frá Reykjavík mega sjá
um spurningakeppnir á Vestfjörðum, ekki vara.
---
Ha, nei nei, ég er ekkert sár og svekktur - hvað
þá bitur og með laskaða sjálfsmynd!
---
Misskipting heimsins er gargandi augljós. Það hlýtur
að vera lokamarkmið allra jafnaðarmanna að allir í
heiminum hafi það sirka jafn gott og séu þar af
leiðandi með svipuð laun, því laun og peningar
eru mælikvarði á líðan og hamingju. A.m.k.
í þeim kapítalíska veruleika sem þegjandi
samkomulag ríkir um. Meðallaun á Íslandi á
mánuði voru 334 þús í fyrra, skv. þessu.
Verg landsframleiðslu per haus (heitir það það
ekki?) á Íslandi var 38,023$ á ári skv. þessu.
Við erum alveg nálægt toppnum þrátt fyrir
hrun og væl. Sé þessi tala, 38.023$ skellt inn hér:
http://www.globalrichlist.com/
kemur í ljós að meðal Íslendingurinn er nálægt
þess ríkasta í veröldinni, við erum á
3.74% toppi þeirra auðugustu í heiminum. Séu forsemdurnar
á þessari Global síðu notaðar virðist sem
850$ sé meðal árslaun heimsins = sirka 8.500 kr. á
mánuði. Það væri meðaltalið ef gæðum
heimsins væri nákvæmlega jafnt skipt á milli
þessara milljarða sem hírast hérna í tómu
rugli og tilgangsleysi. Þá hlýtur fólk að
spyrja sig: er algjör jöfnuður spennandi tilhugsun? Ert þú
til í að vera með 8.500 kr á mánuði, eða
verður alltaf eitthvað annað upp á teningnum á
gamla góða einangraða Íslandi? Þetta er líka
eftirtektarvert: "The world's 225 richest people now have a combined
wealth of $1 trillion. That's equal to the combined annual income of the
world's 2.5 billion poorest people."
---
Dagbjartur Óli sagði mjög góðan brandara
upp úr eins manns hljóði um daginn:
Ég veit um eyju sem er bara fyrir álfa.
Ha, nú?
Já, Eyjaálfa!
---
Við fórum öll á Toy Story 3. Eins og við
mátti búast var þetta stórfengleg mynd og ég
grenjaði mest af öllum í fjölskyldunni. Vegna dramatíkurinnar
í myndinni og af tilhugsuninni um peningaausturinn sem þarf
til að koma 4 manna fjölskyldu á glænýja 3D
mynd og fóðra hana svo með poppi og kók.
---
Þeyr
- 2999
Er staddur í Þey í greinaskrifum mínum um
íslenskt rokk fyrir Grapevine. Fyrri hlutinn birtist í nýjasta
blaðinu. Mjötviður mær þótti ansi góð
plata þegar hún kom út og þykir enn. Í
þessu lagi, 2999, má í byrjun lagsins heyra í
jarðýtu sem skrölti framhjá Hljóðrita
þegar var verið að taka plötuna upp. Þetta er
eitt af tilraunalögunum á plötunni, minnir jafnvel á
Fan Houtens Kókó, sem Þeysarar fíluðu á
þessum tíma, eðlilega. Á mínu heimili var
bara til einn plötuspilari (Grundig í stórum skáp)
sem var í stofunni og því þurfti ég að
liggja þar og hlusta. Þetta var náttúrlega allskonar
rugl músík fyrir foreldra mína að þola,
Crass og Pop Group og Purrkur Pillnikk og Fræbbblarnir og hvað
þetta var, en aldrei sögðu mapa neitt heldur létu
þetta afskiptalaust. Nema einu sinni og því man ég
það svona vel. Það var þegar ég var að
hlusta á Mjötvið mær, nánar tiltekið lagið
Hva-Than, sem inniheldur hommalegar stunur og spurninguna hvaðan kemur
þessi helvítis skítafýla? Þá snappaði
pabbi loksins og skipaði mér að lækka í þessu
helvítis rugli. Sem og ég gerði.
---
Á sama tíma var Sigurjón Kjartansson 12 ára
á Ísafirði og skrifaði þetta í hrifningarvímu
eftir að hafa séð Þey í Ísafjarðarbíói
í mars '81. Birtist í Dagblaðinu skömmu síðar:
21.06.10
Fór austur fyrir fjall, eins og það heitir. Keypti
hverabrauð með hunangi í Hveragerði. Nokkuð næs.
Sundlaugin á Selfossi er nú alveg málið - 4 stjörnu
laug. Mjög krakkavæn. Sá að á Selfossi er
kominn úti veitingavagn með grænmetisfæði til
mótvægis við hinn fræga pulsuskúr. Spurning
hvernig grænmetinu gengur en við tékkuðum ekki á
því enda á leið til mapa í bústaðinn
á Þingvöllum. Pabbi minn er að verða 84 ára
og honum finnst gaman að vinna. Honum finnst eiginlega ekkert skemmtilegra.
Hann er húsasmíðameistari og er búinn að byggja
ótal viðbyggingar við sumarbústaðinn. Það
heldur honum gangandi, að hugsa um þetta og framkvæma,
kaupa efnið í Byko og fara með það í sveitina.
Þá fer hann í gallann og smíðar. Segist
vera orðinn styrður og hrörlegur, en mamma segir að hann
lifni allur við þegar hann byrjar að smíða. Nú
er hann byrjaður á litlu gistihúsi fyrir tvo og segist
ætla að klára það í sumar. Mamma rorrar
um bústaðinn á meðan, les og sefur, gefur fuglunum
og smyr oní pabba. Þau eru að fíla þetta
í botn.
---
Gestur Baldursson lánaði mér dularfulla litla plötu.
Það er ekki vitað hverjir standa á bakvið hana
svo allar ábendingar eru mjög vel
þegnar.
The
Gayser - Gas odour / Rock
'n' roll homotion
Þetta band gefur sig út fyrir að vera íslenskt,
eins og sjá má á bakhliðinni. Að öllum
líkindum er þjóðernið uppspuni til að passa
betur við nafn sveitarinnar, The Gayser. Útgefandinn Bad Oxygen
virðist vera finnskt, en annars finnst lítið sem ekkert
við gúggl á þessari plötu. Innihaldið
er ágætt skítaprótópönk í
anda The Stooges. Tekið upp í Frozen popcicle studio 666 í
Reykjavík, ha?
19.06.10
Kirsuberjahakkarinn #2 komst í spikfeitt í Nóatúni
(mynd: Dagbjartur Óli). Stæðurnar af hálfskílóa
kirsuberjaöskjum, sem kosta innan við 500 kall stk! (465 eða
eitthvað). Ég hakkaði einni svona í mig á
mettíma yfir hinum hundleiðinlega Eng-Als landsleik. Og átti
það svo sem alveg inni því ég hafði gengið
á Þverfellshorn fyrr um daginn. Það er erfiðara
en mig minnti (nema ég sé farinn að hrörna). Allt
upp í móti. Hef ekki farið upp síðan 2008.
Klettabeltið efst er alltaf jafn skerí en ég slapp óbrotinn
út úr þessu. Uppi var svo svartaþoka og ekkert
að sjá:
---
Hljómsveitin
Hjólið - Hjólið / Hljómsveitin
Gústavus - Helgin
Safnplatan Eitt með öðru sem Tónaútgáfan
gaf út 1976 sýnir popplífið á Akureyri
um miðjan stuð áratuginn mikla. Þarna eru hljómsveitirnar
Hjólið og Gústavus, sem voru væntanlega lókal
hetjur á þessum tíma og spiluðu pjúra stuðrokk.
Best heppnuðu lögin á plötunni eru þessi tvö.
Hjólið mitt með Hjólinu er tyggjópoppsnilld
e. Snorra Guðvarðsson. Textinn er líka skemmtilegur og minnir
á Gunnar Jökul sem var bæði með lögin Kaffið
mitt og Bíllinn minn - en hann minnir líka á svipuð
dæmi sem voru í gangi þarna um miðjan seventís,
lög eins og Mamma gefðu mér grásleppu. Gústavus
eru með hreinræktað seventís-stuðrokk og fylliríis-texta
þar sem séns rýmar óhikað við lens.
Gaman að sjá notkun gæsalappa á textablaðinu.
Engar heimildir fann ég um Gústavus en eina mynd af Hjólinu:
(úr Dagblaðinu 1976)
Safnplötunni fylgdi vandað textablað svo hér koma
textarnir. Athygli vekur að Ingimar Eydal leggur Gústavus lið
og leikur á synthesizer. Hækkaðu í botn, fáðu
þér Appelsín og ímyndaðu þér
að það sé Valash... Reyndar skilst mér að
það sé búið til Valash þegar Bíladagar
standa yfir á Akureyri - þekkir það einhver? Er
hægt að panta flösku?
18.06.10
Peningaplokk og biðraðir og maður endalaust að fá
risablöðrur í andlitið = 17. júní.
Jæja, þetta er nú bara einu sinni á ári.
Það var allt iðandi sniðugt í bænum, nema
uppblásinn fótboltavöllur sem var vindlaus svo miðjan
lagðist ofan á fótboltastrákana. Gaman var að
sýna krökkunum alvöru músík með Retrön
í Havarí. Gott band. Maður vafraði bara um tímunum
saman í þjóðhátíðarfílingi.
---
-
Næsti stórleikur í PP
er annað kvöld, þegar stálin stinn mætast:
Bjartmar og Bergrisarnir á móti Fjallabræðrum.
Hrútafnykurinn verður alls ráðandi og örstutt
í mjög gott stuð.
---
Helena
og Hljómsveit Ingimars Eydal - Ó, hvað get ég
gert
Mér er nú yfirleitt alveg sama hvaða fólk
fær Fálkaorður, en það var samt verulega gaman
að sjá Helenu Eyjólfs fá eina í gær.
Hún er frábær artisti og almennileg og góð
kona eins og kom í ljós þegar ég bókaði
hana sem leynigest í Brúðkaupsveislu í fyrra.
Til hamingju Helena! Hér eru lag af 4-laga 7" EP sem SG gaf út
1967. Þetta lag eftir Þorvald Halldórsson, en textann
á Ómar Ragnarsson - eins og alla hina á plötuni.
Erla
Stefánsdóttir - Gallagripur
Erla var líka í Akureyrar-beatinu eins og Helena. Söng
með bæði Hljómsveit Ingimars Eydal og Póló,
en með Póló söng hún ofurhittarann Lóan
er komin á 7" 1967 (þessi stórfína mynd af henni
með heysátuna er einmitt framan á þessari 7").
Hér er hins vegar komið árið 1976 og Erla syngur
You wont see me Bítlanna (kom út á Rubber Soul) á
safnplötunni Eitt með öðru. Þarna mátti
heyra ýmsa norðanmenn, en útgefandi var Tónaútgáfan.
Lítið fór fyrir þessari plötu, enda enginn
hittari á henni, en hins vegar skrýtin bönd eins og
Hljómsveitin Hjólið (með lagið "Hjólið"
- upplagður kandidat í "Úr glatkistunni" í náinni
framtíð), hljómsveitirnar Gústavus og Völundur
og einnig norðanmenn eins og Óðinn Valdemarsson. Íslenska
textann sem Erla söng gerði Jónas Friðrik, en þeir
sem spila undir hjá henni eru Sævar Benediktsson á
bassa, Árni Friðriksson á trommur, Brynleifur Hallsson
á gítar, Ingimar Eydal á píanó og um
bakraddir sáu þær Helga Hilmarsdóttir, Gyða
Halldórsdóttir og Kristín Sigtryggsdóttir.
17.06.10
Ef það má ekki vera þjóðrembdur í
dag hvenær má þá vera þjóðremdur?
Áfram Ísland! Til hamingju með daginn. (myndir úr
umfjöllun National Geography um Ísland 1951)
16.06.10
Hér er flott mynd frá því í gær
sem Birgir Ísleifur Gunnarsson (í Stóns/Motion Boys/Last
Boy) tók. Þegar Jón Gnarr var búinn með
ræðuna hjólaði ég heim og hlustaði á
restina af fundinum á netinu. Fannst alveg óþarfi að
hanga þarna á stöppuðum pöllunum. Ég
tók upp á kassettu þegar Hanna Birna tilkynnti um kosningu
í stjórn Strætó BS. Hún var með tilraunastarssemi
og eitthvað nýtt.
---
Það eru reyndar áhöld
um það hvort ég sé löglegur í Strætó
djobbið og þá verður það bara þannig.
Ekki nenni ég að fara í fýlu út af því
að ég sé ekki stjórnarformaður Strætó
bs! En allavega, þangað til annað kemur í ljós,
ef þið sjáið mann með hárkollu og sólgleraugu
undir stýri í svörtum VW Passat þá er það
ekki ég. Iggy Pop klikkar
svo ekki með sitt Chairman of the bored.
---
Það vantaði ekki nema sex mörk upp á að
spá mín um 7 - 2 sigur Norður Kóreu á Brözzum
rættist. Áfram Norður Kórea!
---
Bjartmar
og Bergrisarnir - Sagan
Nýtt lag með Bjartmari! Af plötunni væntanlegu.
Bjartmar og Bergrisarnir keppa einmitt við Fjallabræður í
næsta PP og það er eins gott að missa ekki af því.
Bjartmar spilar á Sódómu Reykjavík í
kvöld - miðvikudagskvöldið 16. júní, kl
22:00 - 1000 kall inn og ekkert rugl. Hér er fréttatilkynningin:
Samtímaskáldið
Bjartmar Guðlaugsson hefur stofnað nýja hljómsveit
sem ber heitið Bjartmar og Bergrisarnir. Bjartmar hefur þar sankað
að sér góðum hluta af heitasta rokkungviði landsins
og hefur stefnan verið tekin á útgáfu nýs
geisladisks sem verður troðfullur af heilsárssmellum. Nokkrir
kitlarar hafa þegar fengið að hljóma í útvarpsmiðlum
landsins eins og lögin "Feik meik" og "Í gallann Allan" ásamt
því að nú er komið nýtt lag í
spilun sem heitir "Sagan." Til að hita þjóðina upp
fyrir geisladiskinn munu Bjartmar og Bergrisarnir stefna á víðreisn
um landið þar sem að ný lög verða flutt ásamt
því að allir helstu smellir Bjartmars verða fluttir
í eins rokkuðum búningi og völ er á. Slagarar
Bjartmars skipta tugum og eiga lög eins og "Týnda kynslóðin",
"Hippinn", "Fimmtán ára á föstu" og "Sumarliði
er fullur" fastan sess í hugum þjóðarinnar um ókomin
ár.
Sonus Futurae -
Myndbandið
/ Skyr
með rjóma
Sonus Futrae var að öllum líkindum fyrsta hljómsveitin
á Íslandi sem kenndi sig við tölvupopp. Kristinn
Þórisson, Þorsteinn Jónsson og Jón Gústafsson
skipuðu tríóið. Þorsteinn og Kristinn urðu
útspekúleraðir fræðingar að ég tel,
en Jón er kvikmyndagerðarmaður
í Kanada í dag. Hann einn hélt áfram í
tónlist eftir stutt æviferli Sonus Futurae, gerði sólóplötuna
Frjáls 1983 og svo plötu með hljómsveitinni Afris
1986. Plata Sonus heitir Þeir sletta skyrinu.....sem eiga að,
og var með gullfallegri mynd af Helga Hós (e. GVA) að sletta
skyri á bakhliðinni. Þetta var sex laga plata og hér
eru bestu lögin. Myndbandið er með hinu frábæra
textabroti: Merkilegt hvað margir halda að band þetta sé
bölvaldur / Skiljið ekki að byltingin er bylting á
við örtölvur!
Árið áður hafði Grafík sent frá
sér lagið Videó, svo það er ljóst að
uppgangur myndbandsins (VHS v/s BETA!) var poppurum hugleikinn á
þessum tíma. Talandi um: Gaman að heyra af þessum
sjónvarpsþætti. Þessi myndbandaleiga á
Hlemmi á sér stoð í raunveruleikanum. Þetta
var alræmd leiga (var líklega þar sem Ban-Thai er núna)
með nokkuð þétt úrval af ljósbláum
klám- og ofbeldisspólum. Maður fór þarna
stundum á árdögum videósins - leigði þá
bæði tæki og spólur og svo var legið yfir þessu
heilu helgarnar. Gúdd tæms!
Sonus Futurae ýtarefni: Viðtal
Helgarpósturinn ág 82 / Viðtal
Mogginn okt 82 / Viðtal
Tíminn des 82
15.06.10
Jón Gnarr er orðinn borgarstjóri! Hér er hann
í pontu að halda jómfrúarræðuna, sem
fjallaði m.a. um margföldunartöfluna, Sirkus Billy Smart,
Múmmínpabba og að Reykjavík og Kardimommubær
væru orðnir vinabæjir. Mjög góð ræða!
Hann klikkti út með kvóti í Bítlalag -
All you need is love, love is all you need - sem er kannski frekar skrýtið
því þeir sem hafa hlustað á Tvíhöfða
ættu að vita að bæði Jón og Sigurjón
þola ekki Bítlana. En allavega, þetta er fínt
kvót, sem passar Besta flokknum. Svo: Til hamingju Reykjavík!
---
Sjálfur er ég stjórnarformaður Strætó
bs!
---
Valdataka Besta flokksins fer fram í dag. Þetta er búið
að vera undursamlegt ævintýri sem er rétt að
byrja í dag kl. 16 þegar Hanna Birna lætur Jón
Gnarr fá lyklana að borginni. Besti byrjaði vitanlega sem
djókflipp en vatt svona líka upp á sig. Það
er ekki lengur djókflipp þegar 20.666 manns greiða manni
háheilög atkvæði sín. Hér er fyrsta
viðtalið sem birtist við Jón um flokkinn:
Stefna flokksins var nú frekar lítið göfug í
byrjun, að moka sem mest undir rassinn á foringjanum og vinum
hans. Líktist hann þannig mörgum hinna flokkanna. Síðan
hefur mikið vatn runnið til sjávar og nú fær
Besti tækifæri til að sanna sig sem "ekkert rugl"-flokkur
sem setur hag venjulegs fólks í forgang og ætlar að
láta náungakærleik vera sitt hreyfiafl. Það
er ekkert víst að það klikki (svo ég vitni
í Einar Ágúst).
---
Fyrst er getið um nýja borgarstjórann í blöðum
árið 1987 þegar hann sigraði í ljóðakeppni
Þjóðviljans með ljóðinu Speglar. Hann
átti líka ljóðið í öðru sæti,
Amsterdam. Gerður Kristný átti ljóðið
í þriðja sæti. Árið eftir gaf Jón
út fyrsta verkið sitt, súrrealísku ljóðabókina
Börn ævintýranna. Fyrsta viðtalið við Jón
er líklega þetta Lesbókarviðtal
frá 1988 e. Hrafn Jökulsson - "Það sem heillar mig
mest við geðveiki er hið tæra og hreina augnablik hinnar
algeru sturlunar," segir Jón og var kvótið viku síðar
endurbirt í Pressunni í svona "Kvót vikunnar" smádálki.
Skáldsagan Miðnætursólborgin kom út hjá
Smekkleysu 1989 og var Jón þá tíður gestur
á Smekkleysukvöldum þar sem hann las upp úr verkum
sínum - oftast undir óánægjubauli áhorfenda
sem vildu rokk en ekkert skáldarugl. Súrrealíska skáldið
Jón dó svo með eitísinu og fljótlega upp
úr því fann hann fjölina sína í
gríni. Mér fannast aldrei neitt varið í Jón
skáld (allavega ekki við hliðina á snillingnum Jóhamri),
en ég man að ég hugsaði þegar ég heyrði
fyrst Hótel
Volkswagen í útvarpsþættinum Heimsenda að
þetta
væri algjör snilld og upphaf nýrra tíma. Það
reyndist rétt.
---
Yoko
Ono Plastic Ono Band - The sun is down
Heyrði um aðila sem hefur það að atvinnu að
snúast í kringum útlendina, jafnt fræga og ófræga,
sem koma til Íslands. Hann bar þeim flestum vel söguna.
Öllum nema körlunum frá Magma (sem töluðu mjög
niður til alls þess sem íslenskt er, enda helvítis
arðræningjar sem ber að varast) og Yoko Ono. Hún er
víst algjör tík. Kemur fram við fólk eins
og algjör nóboddí og er hvöss og andstyggileg.
Kannski það sé japanska yfirstéttaruppeldið?
Það kom ný Yoko plata í fyrra, Between My Head
and the Sky. Hún stílaði plötuna á Yoko Ono
Plastic Ono Band, sem er fyrsta þannig síðan 1973. Það
er fínt lið með henni, Sean litli, kærastan hans og
Cornelius hinn japanski snilli. Yoko er alltaf blaðrandi um ást
og kærleika, en er svo með hina hendina á bankabókinni
og svipunni. Hún mætti byrja á að sýna þessa
ást alla með því að koma fram við fólkið
sem stjanar í kringum hana eins og fólk, en ekki eins og
skepnur. Skammastu þín Yoko Ono!
---
Devo
- Don't shoot (I'm a man)
Ein af tíu bestu hljómsveitum allra tíma er snúin
aftur með Something for Everybody, níundu hljóðversplötuna
og þá fyrstu síðan Smooth Noodle Maps kom út
1990. Þetta eru orðin gamalmenni, söngvarinn Mark Mothersbaugh
varð sextugur í maí (djísús kræst!),
svo ég ætla ekki að reyna að segja að þetta
stöff sé ferskt og geðveikt kúl. Samt, þetta
er ágætis plata. Svo fara þeir á túr og
ætli maður reyni ekki sitt ýtrasta til að ná
þeim, enda er DEVO ein af 10 bestu hljómsveitum allra tíma,
eins og ég var að enda við að segja.
---
Ruddinn
- Not the end of the road
Svefniherbergisrokkarinn Bertel, aka Ruddinn, lætur ekki deigan
síga og hamast nú við að klára þriðju
plötuna sína. Í Not the end of the Road, lag og texti
eftir Ruddann, syngur Heiða og Bretinn Jed Stephens spilar á
bassa. Lagið er forsmekkur af þriðju plötu Ruddans sem
mun bera nafnið I need a vacation. Heiða syngur með Ruddanum
í 5 lögum. Hún syngur einsömul í 2 lögum
og á texta í laginu "Too distant for us". Á plötunni
kemur hinn dularfulli Soulviper einnig fram í laginu "Supersonic
Situation". Stefnt er á að klára plötuna í
haust.
12.06.10
Ég vaknaði með ógeðslega gott lag á
heilanum í morgun: Nausea með X.
---
Hlustendagetraunin í fyrsta PP var níðþung:
Hvar var Grammið fyrst með verslun? Sjálfur hélt
ég að fyrsta búðin hefði verið á Vesturgötu
(#53 b). Þar man ég eftir búðinni fyrst. Þarna
fór maður og lét Einar Örn rugla í sér.
Var of stressaður til að rífa kjaft við þennan
brjálaða söngvara í Purrki Pillnikk. Búðin
var í þessum skúr og líka í kjallaranum.
Allt fullt af slefandi spennandi plötum, enda er maður eins og
eitt opið sár fyrir tónlistarbakteríum þegar
maður er 15-16 ára. Grammið hafði þó verið
allra fyrst við Hverfisgötu. Í húsnæði
sem Bílastæðasjóður var þar þar
til nýverið. Næstum því við hliðina
á Gráa Kettinum. Síðan flutti búðin
á Vesturgötu 53b og síðan í kjallarann á
Hverfisgötu 50, þar sem Hjá Báru var. Verslunin
endaði síðan á Laugavegi 17, bakhúsi, beint
á móti BMM. Þarna var Popphúsið
Plötuportið (Popphúsið var í Bankastræti)
áður og síðar voru þarna allskonar hippalegar
búðir og æfingarhúsnæði (sem gekk þá
aftur undir nafninu Grammið). Nú er búið að rífa
þetta og gera garð. Jólamarkaðurinn var þarna
í fyrra.
---
Það verður önnur hlustendagetraun í þætti
kvöldsins (Feldberg - Hjaltalín), sem verður ekki síður
níðþung (og ó-gúgglvæn). Það
er rosaleg þátttaka í þessu, allavega hátt
í 500 svör (og flest "Vesturgata"). Fólk sendir á
popppunktur@ruv.is.
---
(Þessi mynd er tekin á Rykkrokki um haustið
1987. Sjón er með Triumph beltissylgjuna sem var uppsprettan
að Johnny Triumph)
Ég eyddi miklu púðri í að fatta súrrealisma
á svipuðum tíma og ég fór í Grammið.
Íslensku súrrealistarnir í "Medúsu-hópnum"
voru gríðarlega spennandi og ég fór á flest
sem hópurinn stóð fyrir. Galleríið þeirra
hét Skruggubúð og var í litla kofanum við
Suðurgötu þar sem VG er/var. Fór þangað
og glápti gáttaður á spennandi verkin. Keypti
heftin og ljóðabækurnar, svo ekki sé nú
talað um spólurnar tvær með Fan Houtens Kókó.
Ég fann hvað súrrealisminn er en "skildi" það
ekki. Kannski á maður bara að skilja það þannig
- ekki skilja heldur finna? Einu sinni skrifaði ég ritgerð
um súrrealisma í MK og ætlaði að taka viðtal
við Sjón. Mætti heim til hans og mömmu hans á
Bárugötu klukkan svona ellefu um miðjan virkan dag, en
Sjón var svo þunnur að hann nennti ekki að tala við
mig. Mér fannst það ekkert voðalega súrrealískt
enda dáldið vesen að taka strætó frá
Álfhólsvegi á Bárugötu. Varð örugglega
ógeðslega fúll og fór í Grammið og
hlustaði á reiðustu verk Crass í gegnum headfóns
og kreppti hnefana í súrrealískri heift. Nei nei.
Hér
er Víðsjá að ræða súrrealisma (og
Besta flokkinn) í sínum bráðskemmtilega gáfumannastíl
með tilgerðarlegri "nútímatónlist" undir.
Dúndur stöff! Ég skrifaði nokkur súrrealísk
ljóð á þessum tíma og fékk klapp
á bakið frá Medúsumönnum. Það var
nú ekki slæmt - svona álíka og þjálfarinn
í amerískri hafnarboltamynd myndi klappa á bak litla
stráksins. Mitt besta súrrealíska ljóð
heitir Nauðgunarhraðlestin. Ég finn það nú
ekki sama hvað ég leita. En ég fann ljóðaheftið
Beðið eftir Hauk eftir mig og Steina gítarleikara í
S.H.Draum. Við sömdum þetta á meðan við biðum
eftir Hauk trommara á æfingu og gáfum svo út
í 5 eintökum. Sýnishorn!
List í dósum
andvaka,
fáðu þér eintak eða tvö
þrír apar
því umbúðirnar eru komnar úr prentun
kræktu glóð í frosinn lim mávsins
og yljaðu þér á kuldanum
---
Vax
- Hot in here
Austfirska bandið Vax er stuðband gott og vaxandi (ho ho).
Ég hitti þá á fylliríi á Aldrei
fór ég suður 2008 og eftir það báðu
þeir mig að spila á bassa í þessu hressa
stuðlagi. Það var nú lítið mál.
Þeir spila á Föstudagsforleik á Bræðslunni
í lok Júlí, en eru annars bara að vinna að
plötu sem verður 3ja skífan og kemur út með
haustinu. Að auki er hljómborðsdeild VAX að spila inn
með Bjartmari Guðlaugs og verður að spila með honum
á Sódómu 16. júní ásamt Bergrisunum.
11.06.10
Einu sinni reyndi ég að vera fótboltaáhugamaður
og halda með Breiðablik. Mætti á fullt af leikjum
og hékk yfir þessu. Breiðablik tapaði a.m.k. helmingnum
og þá hefði ég átt að vera fúll,
en mér var eiginlega alveg sama hvort liðið tapaði eða
sigraði. Í síðasta leiknum sem ég mætti
á vann Breiðablik HK 11-0 og mér fannst það
svo mikið óverkill að ég hef ekki nennt á
leik síðan. Þetta eru bara einhverjir gaurar að eltast
við bolta. HM er allt annað mál. Fyrir það fyrsta
er þetta bara á 4 ára fresti og svo er allur heimurinn
undir. Ég nenni samt ekki að vera með hátimbraðar
lýsingar á póstmódernísku sammannlegu
innihaldi keppninnar (eins og kaffilattélepjandi finnst voða
sniðugt um þessar mundir), þetta eru ennþá
bara gaurar að elta bolta.
Enn og aftur er Wiki
mín helsta heimild og uppspretta upplýsinga. Ég ætla
auðvitað að halda með mestu lúser liðunum. Kemur
þar Norður Kórea sterk inn. Liðið hefur ekki spilað
á HM síðan 1966 (var náttúrlega allt annað
lið þá enda 44 ár síðan!), en þá
lenti landið öllum að óvörum í 8. sæti.
Þeir hafa annað hvort ekki tekið þátt í
keppninni síðan, eða dregið sig úr keppni á
síðustu stundu. En nú er sem sé N-Kórea
mætt í G-riðli. Þetta er náttúrlega
stórundarlegt fríkland (og eitt af axis of evil, hvorki meira
né minna) og ég er viss um að það eru eintómir
heilaþvegnir stórsnillingar í liðinu. Eru ekki
allir heilaþvegnir í N-Kóreu? Þeir hafa eflaust
mesta löngun allra liða að gleðja leiðtogann og vera
stolt þjóðarinnar. Þeirra bíður rottuát
og pyntingar ef þeir standa sig ekki. Fyrsti leikur Norður Kórea
er á móti Brasilíu 15. júní (sama dag
og Jón Gnarr verður borgarstjóri!) og verður það
eflaust heimssögulegur viðburður því N-Kórea
mun rústa Brasilíu í leik sem lengi verður í
minnum hafður, 7-2. Hér
er smá um liðið á sportrás BBC.
Svo held ég auðvitað með Eyjaálfuliðunum
Ástralíu og Nýja-Sjálandi og öllum í
Afríku því þar vilja menn sanna sig. Annars tekur
maður bara afstöðu eftir hverjum leik. England - USA á
morgun er t.d. góður leikur og ég mun náttúrlega
halda með USA. Djöfull er gaman að þessu!
---
Næsti PoppPunktur
(vinsælasti þátturinn í
dag!) er á dagskrá annað kvöld. Fínn
leikur - Hjaltalín á móti Feldberg:
---
Nóra
- Bólaheiðfall
Hin ágæta Nóra var að gefa út plötu.
Það kom fréttatilkynning: Reykvíska hljómsveitin
Nóra er um þessar mundir að gefa út sína
fyrstu hljómplötu. Hún nefnist „Er einhver að hlusta?“
og er væntanleg í verslanir í dag, föstudaginn
11. júní. Aðdáendur hafa beðið plötunnar
með eftirvæntingu en lag af plötunni, „Sjónskekkja“,
sat á vinsældalista Rásar 2 í fimm vikur fyrir
áramót.
Að þessu tilefni býður Nóra til útgáfuhófs
á Íslenska Barnum við Austurvöll í dag, föstudaginn
11.júní klukkan 17:00. Hljómsveitin spilar lög
af plötunni, auk þess sem sérstök Nórutilboð
verða á barnum.
Platan var tekin upp í Tankanum á Flateyri síðasta
sumar og upptökum stjórnaði Önundur Hafsteinn Pálsson
en um hljóðblöndun og hljómjöfnun sá
Axel Árnason. Nóra gefur plötuna út sjálf
en um dreifingu sér Record Records. „Er einhver að hlusta?“
inniheldur 10 frumsamin lög sem öll eru sungin á íslensku.
Systkinin Egill og Auður Viðarsbörn leiða þar
saman raddir sínar en aðrir meðlimir eru Frank Arthur Blöndahl
Cassata, Hrafn Fritzson og Bragi Páll Sigurðarson. Þau
hyggjast fylgja plötunni vel eftir í sumar með tónleikahaldi
og uppákomum, bæði í borginni og víðar
um land. Hægt er að hlusta á þrjú lög
af plötunni á facebook
síðu sveitarinnar.
Hljómsveit
Birgis Gunnlaugssonar - Lokkar og hey
Áfram heldur hið endalausa pródjekt Bítlarnir
á íslensku! Hér er lag Pauls A World without love,
snúið yfir á íslensku af Birgi sjálfum.
Þetta kom út á 8 laga 12" árið 1988, en
upprunalega árið 1964. Þá með Peter og Gordon,
en Peter þessi var bróðir stelpunnar sem Palli var að
slá sér upp með á þessum árum. Þetta
er frægasta lagið með Peter og Gordon. Hljómsveit
Birgis Gunnlaugssonar spilaði á hinum ýmsu stöðum
(Þórskaffi, Hótel Sögu...) seventís, eitís,
næntís, núllís og er eflaust enn að. Textinn
er ef til vill versti texti sem gefinn hefur verið út á
íslensku og er þar nokkru til að jafna. Ís lokkar
og hey, þarna lá eitt deig, þú ert sæt,
hreint ágæt, hér við Laugarnes... (ég hefði
nú haft "Laugalæk" því það rýmar
næstum því við ágæt.)
(DV 16. júní 1988)
10.06.10
Ég ætlaði alltaf að tékka á Fabrikkunni
þótt mér hafi nú fundist hæpið um
staðinn fullgróft. Simmi og Jói hljóta að
vera einhverskonar snillingar - hæpsnillingar? - því
hæpið skilaði svo geðveikum árangri að það
er búið að vera stútfullt síðan staðurinn
opnaði. Alltaf fullt og biðröð í hádeginu
og á kvöldin, svo það er mesta vitið - nema maður
vilji endilega hanga í röð - að mæta svona á
milli kl. 17 og 17:30. En ef það er biðröð lætur
maður taka niður nafnið sitt og fer út og gónir
upp á háhýsið eða eitthvað. Fer smá
rúnt, eða fær sér kaffi á Kaffitári.
En allavega. Matseðilinn er spennandi og skemmtilega uppsettur
á blaði. Pleisið er Ikea hittir Hard Rock, bara töff
og þægilegt. Afgreiðslufólkið ekkert rugl heldur
almennilegt fagfólk. Ég skellti mér á Fabrikkuborgarann
(1.295 kr. með frönskum) - "stolt staðarins". Hann kom fljótt
og lítur svona út:
Er mildur undir tönn og bragðast mitt á milli þess
að vera djúsí, slísí og heilsusamlegur.
Verulega góður bara og ég er strax farinn að slefa
yfir öllum hinum hamborgurunum sem ég ætla að prófa.
Lufsan fékk sér Ungfrú Reykjavík, eitthvað
kjúklinga-spelt dæmi með pestó. Var mjög ánægð
með hann. Það heyrðist ekki múkk í krökkunum
því þeir voru með headfóns að horfa á
teiknimyndir. Þau borðuðu matinn sinn upp til agna þar
að auki (samlokur og franskar). Í eftirrétt kom besta
skyrkaka sem ég hef smakkað á ævinni og Jóa
Fel súkkilaðikaka sem var fín. Matseðilinn má
skoða á
netinu og eins og sést er staðurinn með fín verð
miðað við sambærilega staði. Íslensk tónlist
var spiluð á þægilegum styrk en ég myndi
taka Söknuð Villa Vill út. Alveg óþarfi að
minna mann á að maður drepst í miðjum borgara.
Fullt hús stiga og ég skelli mér aftur við fyrsta
tækifæri!
---
Pollapönk
- Kjólakallinn
Meira pollapönk með þeim Botnleðjubræðurum
(+ Adda og Guðna úr Spock, Mugison o.s.frv.) er komin út
- 15 laga ýlfrandi gott barnapönkrokk kvikindi. Þéttari
og betri plata en sú fyrri, meira í hana lagt, eins og sagt
er, en fjörið og hnyttnin allt um lykjandi sem fyrr. Megnið
af þessu hefði getað verið Botnleðjulög, en
þá hefðu textarnir verið öðruvísi
og eitthvað meira hipp og kúl í gangi. Menn fá
nebblega svo mikið frelsi ef þeir segjast vera að gera barnamúsík.
Þá getur maður bara gert það sem manni sýnist
og þarf ekki að þykjast vera eitthvað hipp og kúl.
Steinka Bjarna -
Bjössi
bolla / Ellimóð
Steinka Bjarna, stjarna af Revíukynslóðinni, söng
Strax í dag á Sumar á Sýrlandi Stuðmanna
og meistari JFM dreif eðlilega í því 2 árum
síðar (1977) að gera heila plötu með ofurhressu
kellunni (hún var 54. ára þegar platan kom út).
J.M.-Sextettinn spilaði undir (Jakob, Þórður og Tómar
Stuðmenn + popplandsliðið) og þetta var 14 laga stuðplata
með mynd af Steinku og Ámundi Ámundasyni útgefanda
(ÁÁ records) að djúsa í kagga framan á.
Þetta var stuðmúsík - mest kóverlög
en allt með íslenskum textum - sem fékk vonda dóma
alls staðar - gagnrýnendur skyldu ekki til hvers þessi
plata hafði verið gert - "hún höfðar hvorki til
unga fólksins né fólks af revíukynslóðinni",
þeim fannst textarnir ömurlegir og söngurinn lélegur.
Helsti smellur plötunnar varð þó hið fjöruga
stuðlag Bjössi bolla - Lag eftir "Johnson" - sem ég veit
nú bara ekki hvaða lag er upprunalega. Hitt sýnishornið
hér er lagið Ellimóð, góður blús
eftir Steinku sjálfa, bæði lag og texti. Steinunn, sem
var systir söngkonunnar Hallbjargar Bjarnadóttur, lést
árið 1994. Þá kom þetta í Mogganum:
Andlát
STEINUNN BJARNADÓTTIR, söng- og leikkona, lést á
Charing Cross sjúkrahúsinu í Fulham í London
á annan dag jóla, tæplega 72 ára. Steinunn Lilja
Bjarnadóttir Cumine fæddist á Akranesi 15. febrúar
árið 1923. Hún varð snemma þekkt fyrir söng
og leik, kom fram ásamt Hallbjörgu systur sinni og lék
í ýmsum revíum og leikritum. Hún stundaði
nám við Royal Academy of Dramatic Arts í London árin
1946-1950 og útskrifaðist þaðan með mjög
góðum vitnisburði. Að námi loknu fluttist hún
til Íslands og giftist Alfreð Kristinssyni. Þau skildu.
Synir þeirra eru Bjarni Geir og Kristinn Halldór. Steinunn
fluttist á ný til London árið 1967, þar
sem hún giftist eftirlifandi eiginmanni sínum, Douglas Cumine,
og bjuggu þau í Kensington.
Ýtarefni: Mynd
af Steinku og Stuðmönnum frá 1975 / ViðtalÁrna
Þórarinssonar við Steinku í Helgarpóstinum
1981. þar má m.a. lesa þessa snilld:
09.06.10
Meistari Haffi Haff kynnir frumraun sína, Freak, á þrennum
tónleikum á Nasa í dag. Ég ætla að
reyna mitt ýtrasta til að komast á ókeypis fjölskyldugiggið
kl. 17:00. Miðað við lögin sem hafa heyrst só far
þá er Freak með mest líklegustu plötunum sem
maður getur notað á brettinu í sumar.
---
Spurning dagsins: Hvort viltu frekar að Kínverjar kaupi
Ísland eða að Davíð Oddsson verði aftur forsætisráðherra?
(og yrði þá "raðherra"). Eða kannski bara bæði?
Er Davíð ekki bestur bara og Kínverjar topplið? Það
eru allavega alltaf jakkafataklæddir Kínverjar eitthvað
að sniglast hérna fyrir utan og áðan sá ég
svaka bílalest í lögreglufylgd leggja upp frá
Hótel Sögu. Örugglega Kínverjarnir að fara
að skrifa upp á gjaldeyrisskiptasamninginn.
---
Voðalega er Grenjaðarstaðir asnalegt nafn. Sorrí
fólk sem býr á Grenjaðarstöðum.
---
Moses
Hightower - Vandratað
Hljómsveitin Moses Hightower með flúnkunýtt
lag, Vandratað. Það er af fyrstu plötunni sem kemur
út öðru hvoru megin við mánaðamótin
júní/júlí og heitir því viðkunnalega
nafni Búum til börn. Ef svo líklega vill til að
þú vitir ekkert hverjir Moses Hightower eru má benda
á Facebooksíðuna.
Útgáfutónleikarnir verða 8. júlí.
For
a minor reflection - Dansi dans
Ósungin Sigur Rósar músík, mjög bráðnandi
ísjaka dreymið. Fyrsta platan þeirra heitir Reistu þig
við, sólin er komin á loft... en nú er komin ný
plata sem heitir álíka þjálu nafni, eða
Höldum í átt að óreiðu. For a minor reflection
er að gera góða hluti og hér er lagið sem greip
fastast, allavega í fyrstu umferð. For a Myspace.
Ljótu
hálfvitarnir - Hafið blátt
Þriðja platan komin með þessu ljóta hálfvitastöffi
sem þú þekkir. Allt við það sama og rúmlega
það. Náskilt hálfvita-fyrirbæri er hin ágæta
rokksýning Rokk, sem fer á svið Þjóðleikhússins
annað kvöld og á föstudagskvöld. Hér má
kaupa
miða.
Ellý
Vilhjálms - Unz ég fann þig
Ekki Bítlalag, per se, ekki frekar en Twist & Shout, en
útgáfa Bítlanna á Till there was you á
With the Beatles er líklega þekktasta útgáfan
af þessu lagi.
Þetta er eina Broadway-lagið sem Bítlarnir tóku
upp. Útgáfa Ellýjar kom út árið
1966 á LP plötunni Lög úr söngleikjum og kvikmyndum
(SG-009).
Ísl texta gerði Þorsteinn Valdimarsson.
08.06.10
Herbert var mjög hress heim að sækja. Vinur minn Steinn
Skaptason var að láta hann fá sólóplötu
með Ómari Óskarssyni, Middle class man, sem Herbert söng
inn á nokkur lög. Þessi plata kom út 1974 og er
líklega það fyrsta sem Herbert söng inn á
plötu. Herbert leyfði okkur að heyra nokkur ný lög
af nýrri sólóplötu sem væntanleg er á
árinu. Ég heyrði ekki betur en þetta væru
allt meira og minna súperhittarar. Áður höfðum
við Steinn tékkað á nytjamörkuðum. Fann
nýsjálenska maóríaplötu - Rotorua whaka
maori concert party - í Nytjamarkaði Kristniboðssambandsins
í Austurveri (200 kr.) og One on one með Cheap Trick (300 kr.)
í Nytjamarkaði Samhjálp. Fann þar einnig jólaplötuna
Jólastund (200 kr.)
---
Fór loksins og fékk mér sushi á hinum góða
sushi-stað SuZushii í Kringlunni. Fór einnig í
sundlaug sem ég hafði ekki komið í áður,
Garðabæjarlaug - hún slapp við góðærið.
Þessu hefur vitaskuld verið gerð skil í veitingah
og sund/fjöll.
---
Ljótt er að sjá myndir af öskugrárri
Þórsmörk (t.d. í Fbl í dag) og lesa um
spjöllin, t.d. hjá Páli
Ásgeiri. Það eru engar ýkjur að segja að
Þórsmörk - þá sérstaklega svæðið
í kringum Bása - sé alfallegasta svæði landsins.
Það er alltaf verið að minna mann á að ekkert
er öruggt í lífinu. Fyrir hrun hélt maður
að allt yrði æðislegt og öruggt á Íslandi
það sem eftir væri. Alltaf nóg af peningum og vinnu.
Sérstaklega vinnu. Ég man að maður sagði oft:
"Hvað sem má nú segja um Ísland, þá
er allavega alltaf hægt að fá vinnu hérna". Það
að allt yrði alltaf æðislegt var svona sú tilfinning
sem árin á undan hruni höfðu innrætt manni
(kannski af því maður var svo vitlaus og óraunsær).
Svo bara einn daginn: Púff! Sama núna. Eldgos upp úr
þurru og Þórsmörk orðin grá. Samt leggur
enginn árar í bát. Það er bara að bretta
upp ermarnar og sjá það besta í stöðunni
(eins og t.d. einn skálavörðurinn í sjónvarpsfréttum
í gær - að allt sé í steik kallaði hún
"einstaka náttúruupplifun"). Það er alveg óþarfi
að væla. "Ekkert hefur sligað þessa þjóð
meira en endalaus og botnlaus jákvæðni og bjartsýni",
segir Jónas. Kannski má þá bara biðja um
jákvæðni og bjartsýni, sem er ekki botnlaus og
endalaus, heldur raunsæ. Það færi enginn í
sokkana ef þjóðin væri sliguð af neikvæðni
og svartsýni. Ég meina, við drepumst öll fyrr eða
síðar og sólin brennir öllu sínu vetni á
endanum. Ef við fáum þá ekki loftstein í
hausinn á morgun. Ætlarðu að leggjast fyrir og væla
þig í kör út af þessu eða halda bara
áfram og reyna að hafa gaman aððí?
---
Sverrir
Stormsker - Söngur veiðimannsins
Stefán Hilmarsson syngur frumsamið lag Sverris, sem vitnar
í She loves you á köflum. Þetta var síðasta
lagið á jólasafnplötunni Jólastund (Skífan
1987) og þurfti að lyfta og færa arm plötuspilarans
til að "njóta Stormskers", eins og stóð á
bakhlið plötunnar.
06.06.10
Ýmis frábær augnablik hafa komið upp í
Popppunkti í gegnum árin. Þegar Rúnar Júl
hitti ekki á dartspjaldið með pílunni, þegar
Pétur Kristjánsson hoppaði á bítlaskónum
sínum, þegar Steinn Ármann nærri gerði út
af við Krumma í Mínus í "poppglímunni"
(sem var bönnuð fljótlega eftir það) og þegar
enginn vissi hver Rósa Ingólfs var í "leynigestinum"
og hún var nær dauða en lífi af hiti innan í
einhverjum bangsabúningi. Í þættinum í
gær bættist við þennan "golden moments"-sarp þegar
Björgvin Halldórsson lék Iggy Pop fyrir Halla og Ladda.
Klassík!
---
Sá í Mogganum að Kjartan í Sigur Rós
ætlar að klára síðustu Sigga Ármann
plötuna. Frábært!
---
Ég var einu sinni úti að keyra á meðan
"kosningabaráttan" stóð yfir og þá kom Anarchy
in the UK á Rás 2. Þá fattaði ég
eins og hvað Besti flokkurinn er. Hann er pönkið sem allir
hötuðu þegar það kom fram. Progghundar vældu:
Þetta er ekki músík! Þetta lið kann ekkert
að spila! Sjáið útganginn á þessu! Ojjj!
Og þegar nýja tónlistin var komin til að vera héldu
progghundar áfram að væla í aðsendum blaðagreinum.
Ég fann eina bráðskemmtilega og pirraða. Prófaðu
að setja "Agnes" inn í staðinn fyrir "Ragnar":
(DV 27. janúar 1982)
---
Egill
S - Djúggedí Gúgg
Spikfeit safnplata er á leiðinni frá Kima útgáfunni.
Hitaveitan heitir hún og kemur út seinna í mánuðinum.
Þetta er 14 laga skronster og lögin eru með Memfismafíunni
og Óttari Proppé og Möggu Stínu, Morðingjunum,
Reykjavík! og Mugison, Agli S, Retron, Me, the slumbering Napoleon,
Snorra Helgasyni, FM Belfast, Metro Sirion (Retro Stefson og Miri saman),
DJ Flugvél og Geimskip, Skakkamanage & Prins Póló,
Hjálmum og Helga Björns, Hjaltalín, og Sudden Weather
Change saman með Nóló. Hér er lagið með
Agli S, gríðargott og ferskandi, eins og glænýr
ilmsteinn í pissuskál sálarinnar (eða eitthvað
svoeliðis). Þess má svo geta að á Rjómanum
og á Grapevine má
sækja samvinnulagið Sumarást með Reykjavík!
og Mugison af þessari sömu safnplötu.
Ómar
Ragnarsson & Hljómsveit Magnúsar Ingimarssonar - Gamli
kagginn
Seríunni "Bítlarnir á íslensku" er hvergi
nærri lokið því sífellt berast fréttir
af lögum sem ég hafði ekki hugmynd um. Hér kemur
nú eitt metnaðarfyllsta innleggið til þessa, enda
hefur þetta lag ekki verið gefið út, heldur er þetta
ofursjaldséð upptaka úr Útvarpssal. Hljómsveit
Magnúsar Ingimarssonar flytur ásamt Ómari Ragnarssyni
lagið Gamli kagginn (Yellow Submarine). Ómar á sjálfur
textann sem hann hefur sagt að fjalli um ferðlag frá RVK
til Kirkjubæjarklausturs, fyrir þann tíma sem sæmileg
brú var yfir Markarfljót. Upptakan var upphaflega flutt í
þættinum „Söngur og sunnudagsgrín“ árið
1967. Þetta hefur aldrei komið út og varla heyrst síðan
þetta var flutt í þættinum um árið.
Upptakan er reyndar mjög löskuð, bandið gamalt og beyglað
eins og heyrist á köflum.
05.06.10
Stuð í Rvk. Ég ofan á Æsufelli 4 og
allt fullt af fjölmiðlafólki. Það sést
varla út úr augum fyrir öskufalli af eldgosi í
Eyjafjallajökli og verið er að tilkynna að Jón
Gnarr verði næsti borgarstjóri... Vá, fríkaður
draumur, maður!
---
Sko. Grín og ekki grín. Er allt bara eitt stórt
grín? Uuu... já pretty much. Lífið verður
allavega ekkert auðveldara ef það er þungt og þróað
og flókið og erfitt og dimmt. Ég þreytist ekki
á að benda á Geðorð
Geðræktar þar sem fyrsta boðið er einmitt Hugsaðu
jákvætt, það er léttara. Erfiði skal
tæklað með léttleika, en samt auðvitað ekki
með einhverju rugli og flissi út í loftið. Hefur
fólk alveg gleymt myndinni La vita è bella þar sem
Roberto Benigni grínaði sig í gegnum útrýmingarbúðirnar?
Reyndar væmin og leiðinleg mynd, en kemur kannski pointinu til
skila. Hvort haldiði að skili meiri árangri til að efla
móralinn ef ráðamenn koma fram eins og náinn ættingi
þeirra sé nýlátinn (eins og manni finnst svipurinn
á Jóhönnu og Steingrími stundum vera), eða
séu bara léttir áðí, frískir og
öryggir með sig? Hvað er annars það versta sem gæti
gerst fyrir okkur? Tortíming jarðarinnar?
---
Bolir Besta flokksins verða til sölu í Kolaportinu
í dag. Lækkað verð!
---
Og alls ekki gleyma POPPPUNKTI
í kvöld á Rúv kl. 19:40! Fyrsti leikurinn á
6. önn. Útúrsteiktur leikur, HLH á móti
KK band!
---
Guðlaugur Þór fékk
ógeðslega mikinn pening frá allskonar liði. Verst
þykir mér að sjá að reiðhjólasalan
Örninn hafi látið hann hafa 75.000 kall - eða tvisvar
sinnum það sem ég greiddi fyrir mitt góða Trek
hjól. Til hvers í andskotanum var Örninn að láta
Guðlaug Þór hafa 75.000 kall? Ég bara skil þetta
ekki.
---
Óðmenn
- Þær sviku
Hið sögufræga og frábæra tvöfalda
albúm Óðmanna er að koma út á CD á
vegum Shadoks í Þýskalandi “world wide“, en útgáfan
hefur þegar endurútgefið albúmið á vinýl
(og fullt
af öðrum íslenskum hippaplötum). Einmitt í
ár eru 40 ár frá því að albúmið
kom fyrst út á merki Parlophone. Jóhann G Jóhannsson
driffjöður Óðmanna kom fram með Bjössa Thor
og bandi í Salnum í gærkvöldi og kemur aftur fram
á aukatónleikum þar í kvöld (Jazz &
Bues hátíð Kópavogs í Salnum - sjá
hér).
Flutt verða lög eins og Spilltur heimur og nokkur lög af
tvöfalda albúminu auk Cream laga eins og Sunshine Of Your Love
o.fl. Massíf snilld!
03.06.10
Siggi Ármann 1973 - 2010
Fallinn er frá Siggi Ármann - Sigurður Ármann
Árnason. Um þennan geðþekka trúbador og Kópavogsbúa
heyrði ég fyrst árið 2001 þegar Jóhann
Jóhannsson og Sigtryggur Baldursson voru að gera plötu
með honum. Smekkleysa gaf plötuna út og hún hefði
líklega orðið undir í flóðinu ef strákarnir
í Sigur Rós hefðu ekki kveikt á henni. Þeir
tóku Sigga undir sinn verndarvæng - ef við orðum það
dálítið klisjulega - og fyrir þeirra atbeina gerði
Siggi það verulega gott. Hann hitaði upp fyrir Sigur Rós,
bæði hér heima og svo á ferðalögum um
heiminn. Ég rak póstverslun Smekkleysu á þessum
tíma og platan hans Sigga, Mindscape, fór nú að
seljast af þónokkru afli. "Trúbadorinn sem Sigur Rós
fílar" varð ansi heitt "vörumerki".
Viðkvæmnisleg og súpereinlæg lög Sigga
voru í hrópandi andstöðu við útlit hans
og atgervi. Hann var kraftalega vaxinn enda líkamsræktarmaður,
og þegar ég fékk hann í útvarpsþátt
til mín til að velja óskalög, spilaði hann hart
núrokk - Be quiet and drive (far away) með The Deftones, Bullet
in the head með Rage against the machine, og reyndar A forest líka
með The Cure. Það var þessi mótsögn sem
virkaði vel og gerði hann spennandi -"viðkvæma heljarmennið"
var frumleg lýsing sem var vænleg til árangurs.
Önnur plata Sigga, Music for the addicted, kom út 2006.
Í millitíðinni hafði hann gert læfdisk í
takmörkuðu upplagi með kóvermynd eftir Jónsa
í SR (Siggi Ármann í Listasafn Reykjavíkur
2003). Það voru flóknari útsetningar á þessari
annarri stúdíóplötu, en fegurðin og einfaldleikinn
í tónlist Sigga enn á sínum stað. Lagasmíðarnar
voru mun sterkari en á fyrstu plötunni og ljóst að
Siggi var að þróast mikið og þroskast sem höfundur.
Um Music for the Addicted segir á Tónlist.is: Siggi
Ármann hefur skapað sér sess sem einn sérstæðasti
trúbador þjóðarinnar og er þessi plata unninn
í samvinnu við tónlistarmenn á borð við
Jóhann Jóhannson, Kjartan Sveinsson og Sigtrygg Baldursson,
auk margra annarra. Siggi Ármann lék sem upphitunar atriði
fyrir Sigur Rós á tónleikaferð þeirra um
Bandaríkin og Kanada haustið 2002 og hefur verið að
vinna að Music for the Addicted síðan þá. Gætir
margra nýrra grasa á plötu þessari ef miðað
er við fyrri verk Sigga Ármanns.
Síðustu misserin hringdi Siggi nokkrum sinnum í mig
og sagðist vera að vinna að nýrri plötu. Ég
var farinn að hlakka til að heyra meira en verð víst
bara að gera mér að góðu það sem kom.
Eftir lifir minningin um góðan dreng og sannan listamann. Hvíl
í friði Siggi Ármann.
Siggi
Ármann - Every second
Af fyrri plötu Sigga, Mindscape 2001. Einfalt og ljúft.
Siggi
Ármann - Big boys cry
Af seinni plötunni, Music for the Addicted 2006. Enn einfalt og
ljúft, en meiri þungi og breidd í útsetningum
og lagasmíðarnar orðnar mun sterkari en á fyrri plötunni.
Þetta er meistaraverk Sigga.
---
Andartaksþögn á meðan maður veltir fyrir sér
lífinu, dauðanum, tilgangnum, tilgangsleysinu og öllu þessu
dóti.
---
Og svo bara áfram með smjörið: Það er
allt hægt ef maður vill. Það er t.d. hægt að
fá Rí-mix aftur í búðirnar ef maður
stofnar Facebook
síðu þar að lútandi. Sjálfum finnst
mér Rí-mix ekkert spes, en það er gaman að
svona gostengdum samfélagsmálum samt!
---
Það er allt að verða kreisí á Betri
Reykjavík, sem er iðandi hresst spjalltorg um málefni
borgarinnar, umræðuvettvangur grasrótarinnar. Fólk
leggur fram hugmyndir og annað fólk setur fram meðmæli
eða mótmæli. Svaka lýðræðislegt.
Þjónar borgarbúa eiga svo að lúslesa síðuna
og bregðast við af skynsemi.
---
Ég var að minnast á 16 eyrnahlífabúðir
hér í gær og velta upp þeim möguleika að
ég komi Erðanúmúsík kassettum onlæn.
Fékk svo email þar sem kemur fram að allt með hljómsveitinni
16 eyrnahlífabúðir sé þegar fáanlegt
onlæn.
---
Alasdair
Roberts - Unyoked oxen turn
Ég hef nú satt að segja aldrei hlustað á
Alasdair fyrr en núna og þetta er samt mjög spennandi
stöff. Hann er að spila með Benna Hemm Hemm í kvöld
í íslensku óperunni. Allt um það hér!
Þetta lag er af plötunni Spolis sem Drag City gaf út
í fyrra. Og svo er hér Alasdair
á wiki.
---
Alasdair lætur ekki staðar numið eftir giggið með
Benna heldur kemur hann einnig fram á þrennum aukatónleikum.
Þann 4. júní kemur hann fram á Venue við
Tryggvagötu 22 ásamt gestum. Það verða heiðursmennirnir
Eysteinn Pétursson, sem kemur fram í fyrsta skipti í
langan tíma, og Markús Bjarnason sem sjá um upphitun.
Tónleikarnir hefjast kl. 21 og miðaverð er 1.500 kr. Forsala
miða er í Havarí. Alasdair mun einnig spila í
Havarí fyrir búðargesti fyrr um daginn, eða kl. 17.
Svo mun hann leika fyrir Hörgdæla í Leikhúsinu
á
Möðruvöllum þann 6. júní.
Um Alasdair Roberts:
Alasdair Roberts er skoskur lagahöfundur og söngvari sem
hóf ferillinn í jaðarrokkbandinu Appendix Out.
Sú hljómsveit komst á samning hjá hinu virta
útgáfufélagi Drag City frá Bandaríkjunum.
Eftir að sveitin lagði upp laupana þá hóf Alasdair
að gefa út eigin tónlist hjá Drag
City. Eftir hann liggja 3 breiðskífur og 1 stuttskífa
sem allar hafa komið út hjá Drag City ásamt allskyns
hliðar- og samstarfsverkefni, meðal annars með Íslandsvininum
Will Oldham. Plötur Alasdair hafa í hvívetna fengið
góða dóma og hann er í augnablikinu á tónleikaferðalagi
með Joanna Newsom.
Markús Bjarnason:
Markús er mörgum kunnugur einna helst sem söngvari
þeirra frábæru hljómsveita Skáta og Sofandi.
Skátar hættu fyrir nokkru síðan en
hljómsveitin Sofandi hefur ekki verið starfandi síðustu
ár en það kann að breytast innan tíðar.
Markús hefur unnið að sólóefni síðasta
árið,
hefur komið fram í nokkur skipti en er nú loks tilbúinn
með plötu. Platan Now I know kemur út í næstu
viku hjá Brak-hljómplötun og
inniheldur 7 æpandi góða smelli.
Eysteinn
Pétursson - Ókindarkvæði
Eysteinn Pétursson er eðlisfræðingur sem starfar
hjá Landspítalanum. Hann syngur og spilar íslensk
þjóðlög með sérstökum hætti
og tróð upp í ófá skipti á námsárum
sínum í Kaupmannahöfn, hann hefur þó haft
sig hægan seinni ár. Eysteinn hefur unnið að plötu
síðustu misseri með syni sínum, Svavari Pétri,
úr Skakkamanage, Létt á Bárunni, Prins Póló
og Rúnk. Hann kemur fram á tónleikunum með gítar
að vopni og mun spila fáein lög af væntanlegri plötu
sinni.
02.06.10
Er ekki kominn tími til að setja kassettu-útgáfur
Erðanúmúsik onlæn? Til dæmis safnkassetturnar
Rúllustiginn og Snarl 1, 2 og 3? Hver myndi til dæmis ekki
vilja hlusta á 16 eyrnahlífabúðir akkúrat
núna?
---
Besti vann heimavinnuna sína í gær. Hér
er hinn glæsilegi Fjármálahópur að berja
saman niðurstöður sínar til að setja í púkkið.
Barði er mjög öflugur enda hefur hann aldrei farið á
hausinn. Niðurstöður okkar Bjössa og Barða voru að
stunda ætti "Ömmuhagfræði", halda í og efla
það besta í borginni, finna tekjur á nýjan
og frumlega hátt og skera niður fullt af fitu, beisiklí.
Hér er fyrsta vínarbrauðið sem ég sé
á þessu mjög svo undarlega ferðalagi. Er þetta
það sem koma skal? Þetta er ferðalag sem ég
í villtustu draumum hefði ekki getað órað fyrir
fyrir svona 3 mánuðum. Eins og Biggi Baldurs vinur minn sagði
þá er þessi staðreynd að jafn ólíklegir
menn og Jón Gnarr, Einar Örn og Óttarr Proppé
séu að setjast sem ráðandi meirihluti í borgarstjórn
eitthvað sem ekki hefði verið hægt að upphugsa í
draumi, hvað þá í "alvörunni". Um kvöldið
mættu fulltrúar Samfó og fólk kynnti sig. Virtist
mikill húmanískur samhugur í öllum enda mikil
krafa í samfélaginu um að ekkert lélegt verði
gert, heldur bara það besta. Það er reyndar ekki til
króna til að gera neitt en það er aukaatriði!
Jón Gnarr lánaði Degi B fyrstu seríuna af The
Wire (eins og sjá má myndrænt á Facebooksíðu
Besta) og Dagur lofaði að kíkja á hana. Sjálfur
er ég nú ekki kominn lengra en að sofna yfir fyrsta þætti
fyrstu seríu.
---
Og vá: Djöfull var síðasti þáttur
Lost glataður! Allir lausir endar skildir eftir laflausir (eins og
við var að búast). Ég sé samt ekki eftir neinu.
Þetta var mjög gott framan af. Ég vissi alveg að
handritshöfundarnir voru búnir að missa plottið eftir
sirka aðra seríu en ég hélt áfram að
horfa, þó ekki væri fyrir annað en að horfa
á gullfallegt landslag á Hawaii.
---
En hér er ein sería sem þarf ekkert plott: Sjötta
sería POPPPUNKTS hefst
á laugardaginn kl. 19:40. HLH flokkurinn og KK band etja kappi í
dúndur steiktum og mjög skemmtilegum leik. Ég tók
myndir á símann minn:
- |