02.08.08
Íslenskur eðall ber nafn með rentboy. Nýjar
útgáfur af gömlum íslenzkum lögum, misvinsælum
og misgóðum, en öllum stórgóðum (að
sjálfsögðu). http://www.myspace.com/islenzkuredall.
Þetta eru demo einsog er, og hlustist sem slík. Gríðargott
og frábær hugmynd - Seinna meir er best.
---
Meira myspace (þó mér sé illa við það
helvítis fyrirbæri - þetta er svo hægt og hallærislegt).
Tesla
Girls er bráðhugguleg hljómsveit. Mæli með
laginu Ást við fyrstu sýn. Líklega eina DAF-kóverið
á íslensku til þessa. Wanker
of the 1st Degree er líka á myspace. Plata með honum
er í aðsigi.
---
Nú hef ég sáralítinn áhuga á
Eric Clapton, eða allavega tónlistarbauki hans sl. áratugi
(fínn sixtís og svona), en ég er samt að lesa
ævisögu hans með áfergju enda safaríkt stöff
og mér finnst gaman að lesa ævisögur poppara. Er
með íslensku þýðinguna sem Orri Harðarson
þýðir með glæsibrag. Aumingja Orri lenti í
algjörri hroðvirknismartröð því saurblaðið
titilsíðan - það eina sem Orri skipti sér ekki
af fyrir útgáfuna - er í algjöru rugli með
þremur stafsetningavillum. Fólk opnar kannski bókina
í bókabúð og þetta blasir við:
Hvernig er þetta hægt? En það er algjör
óþarfi að örvænta enda er restin af bókinni
ekki eftir þessu heldur vandvirknin uppmáluð og alveg
þrælskemmtileg lesning.
---
Quest
for Fire - Uchina
Ef Ham hefðu verið proggaðir Japanar og með flautuleikara
hefðu þeir kannski hljómað eitthvað líkt
Quest for Fire eins og þeir gera á plötu sem finnska
Ektro
útgáfan sendi nýlega frá sér.
30.07.08
Costa del Ægisíða:
Ég gat því miður ekki verið meira kúl
á svipinn enda með sólina beint í fésið.
---
Hinn stórgóði neytendabloggari Kári
Harðarson vísar í norskan virtúal
tíkallakassa. Þessir kassar eru mikil nostalgía
fyrir skarfa eins og mig. Maður eyddi ófáum tíköllunum
í þetta í gamla daga. Ég man eftir einum í
Þyrli í Hvalfirði. Nú held ég það
sé einn svona á Árbæjarsafni. Verst að maður
er alveg jafn slappur í virtúalinu og í alvörunni
í gamla daga.
---
Minni á æsilegan Plípp hérna á eftir
kl. 10.10. Lið rótara, Hrói rót og Golli rót,
etur kappi við Lið slasaðra (Bóas Rvk! og Guðmundur
Baggalútur – aldrei að vita nema hann hvetji til nauðgana).
Síðan verður dregið um röð næstu leikja,
enda er þetta síðasti leikurinn í 16-liða úrslitum...
29.07.08
Sprengjuhöllin
- Sumar í Múla
Trommuintró sem Brian Wilson gæti hlustað á
samfellt í tvö ár byrjar nýjan sumarsmell Sprengjuhallarinnar.
Svo flæða 13th Floor Elevatorleg vatnsorgel og glamrandi gluggakarmar
og B.Ebbahrjúf söngrödd saman til sjávar og landsmenn
þurfa ekki að hafa áhyggjur af neinu nema kreppunni™ og
fæðuörygginu™. En hvaða Múli er þetta?
Jón Múli? Múlakaffi? Einhver Múli úr
sameiginlegri æskuminningu? Skiptir ekki öllu.
---
Myndin hér að ofan er tekin á Laugaveginum. Í
náttúrunni er ágætt að leggja fésið
í svörðinn og minnast þess að þú
ert á leið þangað aftur. Til fullkominnar náttúruupplifunar
er ekki verra að fluga fari suðandi framhjá og að lækur
renni nálægt. Létt um máða steina, jafnvel.
Stundum sést þotuprump á himni. Þá geturðu
hugsað um eitthvað annað. Skarkala, skítugar stórborgir
og kámuga fingur. Myndina Into the Wild kannski ef þú
hefur séð hana.
Það er gaman út í náttúrunni.
Þarf bara helst að vera gott veður.
Hér er ég að klifra upp úr gilinu sem Syðri-Emstruá
rennur um. Þetta var smá lífsháski, ekkert
fyrir lofthrædda. Það besta við svona ferðir er
að þær lifa með manni. Maður sækir í
minningar og stillir þeim upp við hliðina á daglegu
lífi. Og fer að sæka sig upp fyrir næstu ferð.
Annars er leiðarlýsingin komin á Sund/fjöll.
28.07.08
Fjölskyldan tók massífan hvítan rusl laugardag.
Fyrst tívolí í Hafnarfirði með banjóleikandi
tivolíhetjum hafsins frá Bretlandi og gegnheilu rippoffi
og okri. Krakkarnir hafa gaman að þessu en ég hef ekki
áhuga á að láta hrista mig, hvorki gegn gjaldi
eður ei. Svo Smáralind á útsölur. Ég
keypti unglingajakka hjá Dressmann á helmingsafslætti
(3000 kjall) og er búinn að henda jakkanum frá Gap sem
ég hafði gegnið í streit í 3 ár og
var byrjaður að trosna all verulega. Dagurinn fullkomnaður
á KFC/Taco Bell í Hafnarfirði þar sem ég
skvapaði mig upp á fjögurra tegunda Big Bell Menu, alls
ekki slæmt væni minn. Á sunnudaginn bara pikknikk á
Reykjalundi og almennt afslappelsi.
---
Í síðasta 16-liða leiknum í Plípp
mætast Lið rótara og Lið slasaðra. Fulltrúar
rótara eru Hrói rót og Golli rót en slasaðir
eru Guðmundur Baggalútur (handarmeiðsl) og Bóas Rvk!
(rifið nýra). Búast má við gríðarlegum
átökum en keppnin fer að vanda fram kl. 10:10 á
Rás 2 á miðvikudagsmorgun.
---
Retro
Stefson - Montana
Unglingastuðsveitin góða er í gírnum og
stefnir á plötu í haust sem er auðvitað beðið
með glýju á bestu bæjum. Hér er sallafínn
forsmekkur. Það skemmtilegasta við bandið er að það
er ekki líkt neinu og tekur óvænta áhrifavaldana
og sullar þeim saman í eitthvað alveg nýtt.
26.07.08
Enn á ný leitast Björgum Íslandi við
að bjarga okkur og þessu örfoka landi sem er ekki einu sinni
með hæstu Big Mac vísitölu í heimi lengur.
Hugsjónafólkið berst gegn skrímslum kapítalismans
og eyðileggingarinnar. Öllum brögðum er beytt í
baráttunni eins og má lesa í þessari
frásögn saklauss fórnarlambs. Þar segir meðal
annars:
Þarna stóð ég ásamt félaga
mínum, Elvari. Sannkristnum sómapilti frá Sauðárkróki.
Ella vini mínum blöskraði algjörlega munnsöfnuðurinn
á þessari umræddu Miriam Rose. Þegar Elli hélt
að hámarki mótmælanna væri náð,
reif Miriam niður um sig buxurnar og otaði loðinni rottunni
í áttina að okkur og reyndi að spræna á
okkur. Eru þetta heiðarleg mótmæli?
Jú endilega ota rottunni sem mest, segi ég. Ég
er viss um að Friðriki Sóf myndi snúast hugur ef
hann fengi hrúgur af ilmandi mótmælarottum í
flasið. Ég myndi allavega lippast niður ef ég væri
vondur álkall.
---
Baggalútur láta ekki kalla sig nauðgara án
þess að mótmæla og fara
fram á afsökunarbeiðni hjá ráðskonunni.
Þetta er æsispenanndi atburðarrás, ekki ósvipuð
og í byrjun Tinna og Pikkarónanna.
---
Eleanoora
Rosenholm - Japanilainen puutarha
Diskó sem hvaða fjöldamorðingjahúsmóðir
gæti stolt dansað við. Frá Pori, Finnlandi, og það
er Noora Tommila sem syngur. Bræður hennar af munaðarleysingjahælinu
leika undir en myndir af þeim má finna hér.
Þess má geta að platan heitir Vainajan muotokuva og kom
út í fyrra.
The
Fibonaccis - Somnabulist
Einhverra hluta vegna minnir þessi finnska hérna að
ofan mig á listabandið The Fibonaccis frá LA á
9. áratugnum. Platan þeirra kom til Íslands og hljómaði
í samkvæmum Medúsuhópsins enda í svipuðum
fílingi. Vönduð heimasíða sveitarinnar er hér.
25.07.08
Djöfull klikkaði ég á því að
bjóða mig ekki fram gegn ÓRG. Ég hefði örugglega
unnið. Fyrst hefðu náttúrlega allir skammað mig
fyrir að eyða peningum skattborgara með þessari vitleysu.
Ég gæti haldið alveg jafn góð boð og ÓRG
en mynda vanda mig að vera ekki alltaf að bjóða sömu
silkihúfunum, listaliði eins og Rassa prump og Ólafi
Elíasson, sem Dorritti finnst sniðugt, eða nýríkum
plebbmillum eins og Björgólfi og hvaðþeirheita. Jæja
kannski Rassi fengi að koma en bara ef hann kæmi með gítarinn.
Þetta er náttúrlega svo óraunhæft að
ég nenni ekki að fara á flug yfir gestalistanum. Gylfi
Ægisson kæmi þó pottþétt mjög
fljótlega (og vonandi með mynd með sér).
---
Ég hef ekki "flaggað fyrir forsetanum" síðan
Kristján Eldjárn var ann.
---
Það sem maður skilur síst varðandi þessa
austurísku karluglu þarna með kjallarabaukið er hvernig
hann nennti eiginlega að standa í þessu.
---
"Maður þarf að velja hvort maður vill vera vera á
flottum bíl og vera þræll, eða vera frjáls
á druslu," segir
Salmann Tamini. Góður. Hvað ég gæfi nú
ekki fyrir að vera á skuldlausri drusli núna.
---
„Þetta
er fullmikið af hinu góða," segir Hjálmar Sigmarsson,
ráðskona Karlahóps Femínistafélags Íslands,
um hræðilegt nýtt lag með Baggalúti sem allir
heyra að hvetur til hópnauðguna og mannáts. Svívirðilegt!
Annars alltaf gott í gúrkunni að leyfa krökkunum
í Femínistafélaginu að tjá sig um eitthvað
þegar vantar funheitt efni.
---
Scars
on Broadway - Stoner-hate
Ég er alger amatör í hefímetali en System
of a down finnst mér þó geðveik hljómsveit
sem ég hef hlustað gríðarlega mikið á,
aðallega í ræktinni þar sem þetta þrælvirkar.
Þeir eru í einhverri pásu, eða allavega þangað
til þeir fá að fara í Eurovision fyrir Armeníu,
en nú hafa komið tvær plötur úr þeirra
ranni. Sólóplatan hans Serj Tankian var alls ekkert spes
og alltof hæg til að virka á bretti, en hinn aðalkallinn,
Daron Malakian, hefur nú gefið út plötu með
bandinu Scars on Broadway, sem SOAD-trymbillinn er líka í
ásamt öðrum tattúveruðum gaurum með kleinuhring
(ímynda ég mér). Sú plata, sem heitir bara
Scars on Broadway, er satt að segja mun skemmtilegri en sólóplatan
hans Serj. Slatti af hröðu efni og allnokkur leikur í gangi,
stundum þó full einföld tónlist einhvern veginn,
vantar þessa gríðarlegu uppátækjasemi sem
einkennir bestu lögin með SOAD. Mér heyrist hann vera að
syngja um Manson í þessu lagi. Er það ekki líklegur
sækóhippi?
24.07.08
Á hvaða tímapunkti var það ákveðið
að þessi nýjasta Batman mynd væri best mynd í
heimi? Mér finnst eins og það hafi verið löngu
ákveðið áður en myndin kom í bíó
og svo gekk það svona ægilega fínt eftir. Er það
af því að Heath er dáinn? Mig langar eiginlega
ekkert á þessa mynd. Sé hana í mesta lagi í
sjónvarpinu svona 2011. Eða sofna yfir henni eins og gerðist
með Batman Begins, sem átti líka að vera besta ofurhetjumynd
í heimi og blablabla. Langar satt að segja mun meira á
Iron man. Man eftir þeim karli úr blöðunum sem ég
fletti stundum þegar ég fór með mömmu til
Deddu, en sonur Deddu átti svona ofurhetjublöð í
hrönnum inn í herbergi og svo stalst maður í þetta.
Kannski ef sonur Deddu hefði átt Batmanblöð að
maður væri spenntari. Eru menn ekki almennt að sjá
þetta dót vegna æskuljómans? Svona eins og með
þessa fótboltadellu sem allir eru fastir í. Af því
þeir hafa haldið með þessum liðum síðan
í barnæsku? Áfram QPR!
---
Ég vildi frekar að einhver væri að gera myndir
eins og Blue Velvet eða Happyness. Lynch og Toddolský eða
hvað hann heitir sem gerði Happyness virðast heillum horfnir.
Það er ekkert framleitt nema eitthvað drasl með ofurhetjum
lengur. Bíóferðir mínar miðast helst við
barnamyndir núorðið. Ég er t.d. farinn að sæka
mig upp fyrir Transformers 2 næsta sumar. Dagbjartur er alveg brjálaður
í Transformers. Hasbro dótaframleiðandinn er alveg að
gera sig.
---
Nei nei, hvaða vitleysa og svartsýnisþrugl. Coen bræður
halda þessu við. Og margir aðrir. Lufsan er búin að
fá leyfi til að yfirgefa heimilið og sjá Mömmu
míu. Bara ef það væri nú einhver mynd sem
ég gæti farið á...
---
Í bakþanka mínum í dag reyni ég að
gera grein fyrir auðnarþörfinni.
Ég á enn eftir að skrifa leiðarlýsinguna af
Laugarveginum og setja í flokkinn Sund/fjöll. Hlýt að
komast í það bráðlega.
23.07.08
Núna á eftir kl. 10.10 er sjöundi þáttur
Plípp.
Þá eigast við Keflavíkurstelpur (Heiða og Elíza)
og Félag Sumarsmellaeiganda (Ingó frá Bahama og Bjössi
í Múgsefjun). Ætti að verða blóðugt
upp á axlir.
---
Okrið er oltið
vel yfir 1000 og enginn friður í augsýn. Mér var
nær.
---
Café d'Haiti við hliðina á Krúa Thai á
Tryggvagötu er sneddí lítið kaffihús þar
sem framandi blökkukona reiðir fram gott kaffi til drykkju og
teikaveis. Vinakaffi á Borgarnesi er ágætt kaffi- og
maulhús í gamla Nauthóli (kaffihúsinu í
Nauthólsvík) sem hefur verið fluttur til Borgarness.
Svo sem lítið afgerandi við staðinn, hvorki merkilegur
matseðill né afgerandi verð í hvora áttina
sem er, reyndar lipur þjónusta. Bara allt í lagi og
snöggtum skárra en Hyrnan. Dússi opnar náttúrlega
ekki fyrr en kl. 18 svo manni eru skorður settar. Tja, þetta
er nú kannski ekki stórt vandamál. Ekki eins og maður
sé alltaf svangur í Borgarnesi.
---
Mér tókst að klára Rokkað í Vittula,
sem ég greip með á Laugaveginn. Það er æðisleg
bók. Fullt hús! Annað nýtt á menningarafurðum
er Kung Fu Panda sem Db gefur óhikað fullt hús líka.
22.07.08
Í Borgarfirði sá ég "sumarbústaðinn"
sem KB-stjórinn er að reisa til minningar um sig upp á
hól. Í fjarska leit þetta út eins og ný
Bónusverslun sem væri verið að byggja í glænýju
úthverfi. Risastór byggingarkraninn stóð hreyfingarlaus
yfir þessu eins og váfrétt.
---
Ég heyrði líka í þyrlunni hans Óla
í Samskip eða hvað sem hann heitir. Hann er víst
alltaf að fljúga henni eftir laxveiðiánum sem eru
svo steindauðar dögum saman eftir á því laxarnir
fríka út yfir þyrlunni. En það má
ekki vera of nastí við Óla í Samskip því
hann dælir svoleiðis peningunum í rokkið með Kraumi,
stóð til dæmis undir sumargleði Kima records alla
síðustu viku. Samt eitthvað glatað við þetta...
---
Þetta
er gott pönk. Meira svona! Látum ekki gerfipönkið
komast upp með neitt múður. Þó gæti ég
alveg eins trúað að þetta stönt sé á
vegum auglýsingastofunnar. Það ætti a.m.k. að
nýtast símaáskrift jafn mikið að fá
frétt af liði að rífa niður auglýsingaplaggöt
eins og að setja gaddaól á Pétur Jóhann.
---
Ég sá að Flatus lifir!-veggjakrotið er kominn
á sinn stað, eða reyndar við hliðina á auglýsingaborðanum
uppi við Esju. Það er líka gott pönk. Meira pönk
takk, minna auglýsingarúnk.
---
Bubbi má ekki opna á sér kjaftinn án þess
að allt verði vitlaust. Þá koma allir út úr
skápunum sem þola ekki Bubba og fá tækifæri
til að spýta öfundssjúkir á skráplaust
Bubba grey, "sem á jeppa og trophywife upp í sveit", en ekki
þeir. Á sama hátt lekur slímið út
um skráargötin og fær ástæðu til að
slumma sér á Björk, Egil Helgason, Pabba Bjarkar™, eða
hvern þann sem vogar sér að blanda sér í
tuðið.
Hva, má ég ekki hafa skoðun?
Hva, má ég ekki hafa skoðun á því
hvaða skoðun þú hefur?
Hva, má ég ekki hafa skoðun á því
hvaða skoðun þú hefur á skoðuninni?
Hva, má ég ekki hafa skoðun á því
hvaða skoðun þú hefur á skoðuninni sem
þú hafðir á skoðuninni sem hann hafði?
Og svo framvegis.
Ekki nenni ég að blanda mér í þennan
bjánaskap, enda kann ég ágætlega við Bubba,
Björk og Sigur Rós og hlusta jöfnum höndum á
þau eftir því sem þau gefa eitthvað að
viti út og þau mættu öll sem eitt eyða allri
sinni orku í að mótmæla lélegu aðgengi
fatlaðra á opinberum stöðum með styrkktartónleikum
mín vegna. Hér er nokkur sýnishorn úr "umræðunni"
(sem vitanlega teygist í ýmsar fáránegar áttir
eins og vanalega):
- "Björk er gift nýlistamanni en Bubbi fyrrum fegurðardrottningu.
Bubbi á Range og Björk engan."
- "Ég mun styrkja kallin um 5.000 kr. ef hann lofar að eyða
honum ekki stax í hlutabréf, lax eða nýjan Range."
- "...heldur en sellátinn, lágmenningar-ædól-gúrúinn
og jeppakarlinn Bubbi Morthens. Hann hefur sungið um stál, hníf
og fiska á færibandi. Hvað meira? Ekki jack! Hann tapar
verðbréfum, gerist öfundsjúkur og fær límsniffsflassbakk."
- "Það er með ólíkindum að þurfa
hlusta á Bubba tala um hag alþýðunnar. Áhugamál
Bubbar nr: 1. 2 og 3 er Bubbi sjáflur. Það hefur hann
sýnt og sannað undanfarin ár. Bubbi gerir EKKERT nema
hann hagnist sjálfur á því. Það er
hans
vandamál."
Eða með öðrum orðum: Get a læf, eða jafnvel:
Zzzzzzz...
Þetta er þó nokkuð kúl innlegg: "Mér
er farið að finnast að fólk sé byrjað að
líta á álver sem einhverja þróunaraðstoð
við landsbyggðina eins og þetta sé eitthvað sveltandi
fólk í Afríku."
---
Í þætti Dodda litla og Andra Freys, Litly hafmeyjunni,
var ég beðinn um eitthvað guilty pleasures í músik.
Ég hugsaði mig lengi um og fattaði ekki neitt. Má
ekki hlusta á allt í dag? Er nokkuð hallærislegt?
Kannski ef ég væri leyni-Celine Dion fan að þetta
virkaði en ég er það sem betur fer ekki. Ég
fíla þó fullt af drasli sem er ekki kúl að
segjast fíla, enda væri annað óeðlilegt. Það
eru bara börn sem eltast við það sem á að
þykja kúl. Það hefur t.d. verið voða kúl
sl. 10 ár eða svo að fíla Beach Boys og vitna í
sýrusprettu Brians Wilsonar í listsköpun sinni, en á
sama tíma hafa Bee Gees þótt ekkert spes. Þó
eru Bee Gees frábærir og ég setti þá fram
sem mitt "guilty pleasure" þó þeir séu reyndar
ekki alveg nógu hallærislegir. Þeir eiga vitanlega mörg
skeið. Fyrsta sixtís skeiðið, sem er mitt uppáhalds
og endaði í fremur máttlausu gutli. Svo var gutlað
máttlaust þar til bræðurnir ráku tærnar
í diskóið með glæsilegum árangri. Hófst
þá síðara gullskeiðið, diskó Bee
Gees. En allavega hér er eitt magnað frá fyrsta tímabilinu:
The
Bee Gees - Holiday
Þeir sem brostu ekki í myndatökum voru fljótlega
reknir.
10cc
- Clockwork creep
Á meðan, segjum Nick Drake, þykir það fínasta
í dag til að segjast fíla, eða jafnvel vitna í
með innísig og vælandi tónsmíðum, er
hin stólpafína hljómsveit 10cc alveg úti í
kuldanum. Ég á allar plöturnar á vinýl
enda ekkert svo erfitt að finna þær á íslenskum
útsölustöðum, þetta var vinsælt band hérna
og svona. Þetta lag er af Sheet Music, ljómandi reffilegt
lag sem sullast í ýmsar áttir, progg en samt popp.
Algjör snilld.
Billy
Joel - Sometimes a fantasy
Billy Joel má alls ekki fíla, en ég geri það
samt. Hann er svo mikill lúði eitthvað en með góðar
melódíur. Svo hefur dempaða gítarhjakkið sjaldan
náð annari eins fullkomnun og hjá honum (heyr þetta
lag og hið magnaða It's still rock n roll to me, þar sem
gamli maðurinn reyndi að bíta af sér vonda nýbylgjukauða
1980.
The
Descendents - Myage
Ég er löngu hættur að hafa þemað guilty
pleasures í dag. Nú erða bara skítapönk frá
Kaliforníu af plötunni Milo goes to collage frá 1980.
Talandi um gott pönk og svona.
Wire
- One of us
Sú var tíðin að mér þótti
fyrstu þrjár plötur ensku artpönksveitarinnar Wire
með því allra besta. Sú skoðun hefur ekkert
breyst svo mikið síðan. Þeir eru enn að, eldgamlir
og lifraskemmdir. Object 47, ný plata, var að velta út
og þetta er fyrsta lagið á plötunni og minnir ansi
á gamlar gleðistundir.
21.07.08
Veðurbarinn útilegumaður rakar sig og kemur sér
í borgargír á ný. Óbyggðir með
moldarlykt minningin ein... þangað til næst.
14.07.08
Seinni hluta ágúst mun ég selja hluti úr
eignasafni mínu í Kolaportinu. Nánar auglýst
síðar.
---
En ég á stefnumót. Stefnumót við náttúruna.
Og þrjú hundruð túrista sem ég fæ
í flasið því ég labba Laugaveginn öfugt.
Bless á meðan.
13.07.08
Mágkona mín segir að bæði Björgólfur
Thor og Jón Ásgeir hafi verið á B5
í gær. B5, en ekki spilavíti í Mónakó?
Djöfull er kreppan orðin hörð.
---
Á Húnavöku kom Merzedes Club á eftir Abbababb!
og tók 6 lög. Þær raddir sem heyrst hafa um að
í sveitinni séu ekki færir hljóðfæraleikarar
hljóta að þagna snarlega því fagmennskan
lak af hverjum meðlimi. Flutningur var óaðfinnanlegur og
með nýtísku þráðlausum tækjum
tókst hljóðfæraleikurum að framkalla nákvæmlega
sama sánd og á plötunni. Söngkonan söng líka
gallalaust og hljómaði alveg eins og á plötunni,
sömu effektar og allt. Hvaða rugl er þetta í fólki
sem segir hana slappa? Hinn ógurlegi Gazmaður, sem nú
er orðinn svartur, gat hrist brjóstin í takt og stökk
af sviðinu og lét börnin þukla sig. Ceres skók
sig fimlega og hrópaði Blönduós! og fleira stuðhvetjandi.
Ég tel fullvíst að sveitin eigi mikla framtíð
fyrir sér og hlakka til að heyra plötu númer fimm.
---
Boðið var upp á markað og keypti ég 400 grömm
af bitafiski til að japla á á Laugaveginum. Einnig var
í boði 300 metra kaka og Hjörtur
Howser birtist á bílastæði enda fluttur á
Blönduós og kann vel við sig. Ég keyrði þvert
og endilangt um bæinn og sá margt flott, til dæmis leifar
af Krútti.
---
Í Hyrnunni fékk Heiða verstu pízzu í
heimi, offisjallí, en ég hafði vit á að éta
bara Sóma. Að vanda voru unglingar í Borgarnesi mættir
til að sniglast um, kaupa bland í poka fyrir 65 og glápa
á aðkomufólk. Því miður opnar Dússi
ekki fyrr en 18 því annars hefði það verið
málið. Landnámssetrið er of fínt. Borgarnes
er flottur bær og minnir á Hafnarfjörð með hrauninu
og gróðrinum.
---
Hræðilegt menningarslys sá ég á heimleið.
Viðbjóðsleg inn og útlánsstofnun hefur troðið
ógeðslegu risastóru auglýsingaskilti á
vegginn hjá malarnámunni í Esjunni svo að hið
fornsögulega FLATUS LIFIR! graffití (sem var orðið
FLATUS LIFIR ENN! á síðustu árum) er horfið
undir ferlíkið. Hryðjuverkahópurinn á bakvið
Flatus lifir hlýtur að íhuga mótleik við svona
ömurlegum tilburðum og skemmdarverkastarfssemi. Búúú
á auglýsingamennina!
---
Tveir rúnkarar eiga saman unaðsstund
í Atlavík.
12.07.08
FÁFV (Frægir á förnum vegi): Sá Utanríkisráðherra
á hjóli. Hún var með hjálm. Ég var
að kaupa ís hjá Hagamelsís sem eins og alþjóð
veit býður upp á besta ísinn fyrir utan hugsanlega
Brynju á Akureyri.
11.07.08
Cheap
Time - People talk
Zúri bloggar
sjaldan en er þó jafnan með puttann á púlsinum.
Í nýlegri færslu benti hann á Cheap Time sem
spila "í anda" Ramones og Buzzcocks. Þetta ku band
frá Nashville, Tennessee og er að grautast í pönkinu
af hressleika og með smjörsýrulegum hljómgæðum.
Þetta fannst mér eitt albesta lagið af hinni ágætu
plötu. Einfalt og ekkert helvítis vesen.
---
The
Vines - Merrygoround
Æ já, stundum vill maður bara eitthvað einfalt.
Áströlsku
Vines eru að gefa út plötu nr. 4, Melodia. Þeir
hafa nú stundum hitt nagla en oft verið hálf glataðir
í Oasisrugli. Söngvarinn Craig ku með Asperger og er stundum
með eitthvað rugl. Hér er skitsófrenískt lag
af glænýju plötunni.
---
Full mikið í lagt hjá 24st að segja að "barist
sé" um Popppunkt. Vonandi endar þetta á skjánum,
kannski einhvern tímann á næsta ári. Þetta
er allavega í útvarpinu núna og næst, á
miðvikudaginn, keppa Töframennirnir Ingó Geirdal og Bjarni
töframaður á móti systkinunum Ernu Hrönn í
Bermúda og Jenna í Brain police. Plípp!
---
Seljavallalaug
er nýjasta nýtt í Bakþönkum, reyndar Bakþanki
nr. 80. Það er naumast að hægt er að þusa.
Tók að mér, eftir langt hlé, að gagnrýna
plötu í dag í Fbl, sjálfa Merzedes Club, enda
hálfpartinn búinn að gera það hér að
neðan. Kannski maður gaggist á einhverjum fleiri plötum
svona ef maður er í stuði. Abbababb-hópurinn mun
svo vera að spila á Húnavöku
á morgun, ásamt einmitt MClub. Eins gott að ég
rakkaði ekki plötuna niður því þá
hefði ég verið buffaður svo ærlega í spað
að það hefði mátt smyrja mig oná hrökkbrauð.
Stuðið er á Blönduósi, troðið verður
upp um kl. 14 að mér skilst.
08.07.08
Mér hefur ekki blöskrað neitt í nokkurn tíma
nema þetta með Bíóbjössa og Ramses, en það
er sægur af öðrum sem getur – og hefur – tjáð
réttmæta blöskrun sína á því.
Svo gæti ég sagt eitthvað um niðurlægingu pönksins
en nenni því ekki. Í útvarpinu heyrði ég
lag með Teiti hinum færeyska af nýrri plötu, held
ég, fínt lag. Beinaxílafóninn minnir mig á
lag með Devo svo það kemur líka. Annars er maður
bara frekar andlaus en þokkalega hress enda sumar og það
styttist í Laugarvegsgöngu með náttúruóverdósi
og kúk í poka.
Teitur
- Catherine the Waitress
Sungið er um Kötu frá Skúvoy, gengilbeinuna
sem færði Teiti reglulega reyktan lunda og stropuð langvíuegg
á Kaffihúsinu Roð. Eða bara um eitthvað sem hann
sá á videó.
Devo
- The Day my baby gave me surprise
Af hinni alltof góðu breiðskífu Duty now for
the future frá því í gamla daga.
06.07.08
Á Höfn var humar. Ég gerði algjörlega það
sem maður gerir á Humarhátíð og át
bæði humarsamloku, langloku og heilu haugana af grilluðum
humri. Það lak humar út um eyrun á mér.
Og hvítlaukur. Gleðjast gumar. Setið var að humarsumbli
með Bjarna töframanni sem sýndi spilagaldra og blés
upp blöðrur við borð í tjaldi. Á leiðinni
heim stoppuðum við ekki bara til að liggja í hinni frábæru
Seljavallarlaug heldur keyptum líka heimalagaðan ís hjá
Jöklaís.
Leiðin á Höfn er gríðarfalleg en maður fer
þetta því miður of sjaldan.
---
Á leiðinni var meðal annars farið í hljómsveitarleikinn.
Hann felst í því að gengið er á hringinn
og fólk nefnir tónlistarfólk eða hljómsveitarnöfn,
aftasti staðurinn er notaður. Til dæmis TrabanT, T'PaU, UndertoneS,
SupertramP, PortisheaD, DevO, OffsprinG, GusguS, SaxoN, NefrennslI, InnvortiS...
og svo framvegis þangað til fólk gefst upp og hættir
að nenna þessu. Þá var líka hlustað á
væntanlega plötu Merzedes Club. Hún er alveg fín,
þannig, kannski bara ekki alveg nógu hörð (helst
að Basscop passi við alla þessa vöðva). Þetta
minnir einum of á tónsmíðar Mána Svavars
í Latabæ. Ef ég væri að gaggrýna hefði
ég líklega notað fyrirsögnina Solla stirða í
G-streng.
---
Í Plípp
næst verða tvö Eurovision-lið: Regína Ósk
og Sigga Beinteins (Eurostelpur) mæta Friðriki Ómari og
Eyjólfi Kristjánssyni (Eurostrákar). Það
ætti að verða yfirgengilega spennandi.
---
Beck
- Orphans
Bekkurinn kominn með nýja plötu og veröldin yppir
öxlum, enda áttunda platan hans. Honum er nær að
vera í Vísindakirkjunni. Nema hann sé það
ekki. Nokkuð er um liðið síðan Beck var ferskasti
skíturinn en mér heyrist hann engu að síður
nokkuð vel ferskmarineraður á þessari plötu –
tekur sixtíssækadelíuvinkil á þetta. En
últraferskur Beck er samt ekki jafn ferskur og einhver nýgræðingurinn
sem hefur nýjabrumið fram yfir. Hinn ofurfeimni Innipúki
Cat Power leggur Beck lið í þessu lagi og það
er Dangermouse sem pródúsar.
04.07.08
Hjólfákurinn minn dó í gær. Hvalfjörðurinn
varð hans hinsta för. Góðar stundir áttum við
saman, ég og Gary Fisher Yahoo. Ég hlýt að hafa
keypt hann 1996. Fínt hjól, náttúrlega enginn
lúxus, en beisik stöff sem var orðið þreytt.
Ég ætlaði að láta lappa upp á greyið.
Fór með í Örninn og mjög góður starfsmaður
á verkstæði var alveg með puttann á púlsinum
og lét mig láta nákvæmlega hvernig útlitið
væri, eins og læknir með sjúkling í aðgerð.
Það hefði kostað 40.000 kall að koma hjólinu
í form, skipta þurfti um eiginlega allt nema stellið og
dekkin, þetta var orðið svo lúið. Hægt er
að fá betri hjól á 35.000 kall svo Gary Fisher
fer á haugana. Ég þakka samveruna. Nú tekst
ég við það geysifrábæra verkefni að
kaupa mér nýtt hjól. Neytandinn blossar upp. Bera
saman. Skoða. Prófa. Tækninni hefur fleygt fram síðan
1996, þetta er allt komið með dempara, álstell og
vesen. Það er freistandi að halda sig við Gary
Fisher, en Örninn flytur reyndar bara inn betri týpurnar
núna svo maður er að horfa fram á 100 kall plús.
Þar sem upplagt væri að hjóla miklu meira dags daglega
en maður gerir og svo jafnvel til Akureyrar og/eða Hringinn í
framtíðinni, þá er kannski alveg eins gott að
láta bara vaða á góða og dýra týpu
strax. Frábært hjól er svo sem ekki meira en tvær
helvítis afborganir af helvítis Renault helvítinu
á myntkörfuláni Satans.
---
Talandi um Renault. Manstu eftir þessum:
Renault 4 voru
algengir á götunum hér en ég var búinn
a gleyma að þessir bílar hefðu verið til. Í
Belgrad var ég ánægjulega minntur á tilvist
þessara bíla á ný. Þar var allt fullt
af þessu.
03.07.08
Áríðandi tilkynning: Abbababb! hópurinn (ég,
Heiða,
Elvar
og Kristján Freyr +
sérstakur gestur: Felix Bergsson!) leika og syngja á
Humarhátíð,
Höfn, á föstudagskvöldið og á Húnavöku,
Blönduósi, laugardaginn 12. júlí.
---
Eftir æsispennandi keppni stóðu Jesúfeðgar
Pétur Örn og Guðmundur Benediktsson uppi sem sigurvegarar
í Plípp
í gær. Næst verð ég að fá konur
í þáttinn. Mig verkjar í kynjagleraugun enda
bara ein kona búin að taka þátt só far (Ólöf
Arnalds).
---
Serge
Gainsbourg - Evguénie Sokolov
Mér var sent þetta gullfallega lag sem fulltrúi
frets á Íslandi. Það er meistari Gainsbourg sem
flytur ásamt Sly og Robbie og fleirum. Kom út á reggae-plötunni
hans Mauvaises nouvelles des étoiles sem kom út 1981. Evguénie
Sokolov er einnig heiti á skáldssögu Gainsbourgs frá
því árinu áður sem byggir hugsanlega á
ævi Joseph
Pujol. Sá vann með neðri hringvöðvanum á
sér í Frakklandi á þarsíðustu og
síðustu öld og er hinn upprunalega prumpukarl.
02.07.08
Já, sem sé kominn með nýja stöðu.
En gamla góða okursíðan
er þó auðvitað enn í fullu svíngi.
---
Grímur orðinn bæjarstjóri Bí, Blö...
ég þarf alltaf að syngja lagið til að muna hvað
bærinn heitir, Búðardal. Það heitir reyndar
sveitarstjóri
Dalabyggðar. Innipúkinn verður svo líka. Alltaf
nóg að gera hjá Grími.
---
Creed er líklega versta hljómsveit í heimi. Nema
það sé Nickelback. Á heimasíðu
Birkis Fjalars eru línkar í glæsilega Creed-útfærslur
á jútjúb. Aldeilis fyndið stöff, sérstaklega
seinna myndbandið.
---
Núna á eftir kl. 10.10 á Rás 2: Æsandi
Plípp 4 með Krumma og Bó gegn Pétri Erni og Guðmundi
Benediktssyni (eþs 3 Jesúsar og Bó).
01.07.08
GWBush var við völd í 8 ár. Ef Obama verður
forseti í 2 kjörtímabil verð ég 51 þegar
næsti ameríski forseti tekur við. Það er ekkert
mál að sætta sig við að vera orðinn fertugur
og gott betur, en satt að segja er þetta fimmtugs-eitthvað
dáldið ógnvekjandi. Helvítis tími alltaf
að bögga mann.
---
Svo má alltaf gera eitthvað trix eins og sprengja Íran
til að hinir illu repúblikanar haldi velli. Djöflum alheims
hlýtur að vanta eitthvað gott núna. Það
er full mikil ró á heimsmálunum. Bara svona undirliggjandi
ógn og heimsendafílingur, en það vantar góða
skvettu á bálið. Ameríkanar eru farnir að
vera alltof kærulausir og Jay Leno alltaf að dissa Bush og svona.
Koma svo djöflar, gerið okkur hrædd og óörugg.
---
Og þá meina ég hræddari og óöruggari
en við erum núna með sífellda krepputalið, atvinnuleysis
og vaxtaokurshækkanasuðið – OG ÞETTA Á BARA
EFTIR AÐ VERSNA. Þá kemur gömul sígild lumma
upp úr digrum hálsum: virkjum okkur og álum aftur
til góðæris.
---
Enn á ný er Benedikt Lafleur hættur við Ermasundið.
Þetta er listinn
sem honum langar til að bætast á. Athygli fjölmiðla
minnkar við hvert sund. Þegar honum tekst þetta loksins
verður kannski enginn að fylgjast með.
30.06.08
Við mússu Múgabes! Ég sé ekki betur
en karlinn eigi ekki bara eina mussu með mynd af sjálfum sér,
heldur fleiri! Hér er hann í glæsilegri grænni
versjón.
Og hér í svartri:
Ætli hann einn megi vera í svona fötum? Hvað
myndi gerast ef Svangiræ birtist í svona? Ætli þetta
sé fjöldaframleitt? Getur einhver tuskubúð í
Kringlunni hafið innflutning? Ég er allur eitt ? um Múgabemussurnar.
Hann er kannski út úr heiminum og stjórnlaus morðhundur...
en aldrei var Hitler svona töff samt. Alltaf í sömu hallæris
nasistalörfunum.
29.06.08
Er það rugl í mér eða er gamli góði
Robert Mugabe stundum í litríkri jakkafatamussu með myndum
af sjálfum sér á? Djöfull er það kúl.
Flott ef Geir Haarde væri alltaf í svona dúndursýrðri
mussu með myndum af sjálfum sér á. Hann er kannski
mannæta og illmenni en á þó allavega töff
mussu. Múgabe, meina ég. Smá svona merki um geðsturlun
samt þegar maður er farinn að ganga um í fötum
með myndum af sjálfum sér á. Ætli sé
hægt að kaupa svona Múgabemussu einhvers staðar? Maður
yrði sko ekki alltaf mega halló í svona glæsiklæðnaði.
Jólagjöfin í ár.
---
Mennirnir voru svo elskulegir að gefa okkur Arnari Eggerti ilmandi
ný eintök af Hjaltalín og Sprengjuhöll á
vinýl. Af því við erum vinýlperrar, vildu
þeir meina. Ég fattaði þegar ég renndi nögl
yfir plöstunina að ég hef ekki komist í tæri
við nýjan vinýl svo árum eða áratugum
skiptir. Ég fann gamlan en spriklandi draug lifna á ný
í brjósti mér. Djöfuls gleði að fá
nýtt ilmandi ferskt plast í lúkurnar. Ég sannfærðist
endanlega um algjöra yfirburði þessa forms. CD er hreinlega
sorp. Ég er jafnvel að spá í að sleppa því
að gefa hina boðuðu sólóplötu Allt mjalla
á cd, bara beint í vinýlinn. En náttla digital
líka. Vera með einhvern díl, x fyrir niðurhal, xx
fyrir hal og plast. Útgáfa þessara platna hjá
strákunum er annars gríðarvel heppnuð. Þetta
er framfortíðin!
---
Mark Prindle er einhver rugludallur
með plötugaggrýni. Hann tekur m.a. fyrir Sigur Rós
og tekst í dómi
um nýju plötuna að blanda dauðu ísbjörnunum
inn í myndina. My point is this: until Iceland stops killing
all the adorable gigantic bears that wash up on their shore, I'm not going
to give any new Sigur Ros records higher than a 6. Já, ímynd
Íslands hefur boðið skaða af, bú hú...
---
Nei, ég nennti ekki í Laugardal, en ég fór
á Speed Racer.
28.06.08
Plötunar með Sprengjuhöllinni og Hjaltalín eru
komnar á vinýl og að því tilefni verða
böndin með stuð í Kolaportinu í dag á
milli 13-15. Ég mæti.
---
Nú á að víkka hugmyndina með Okursíðunni
og færa hana inn á síður Fréttablaðsins,
þar sem ég starfa hvort sem er. Það hefur þótt
rugl að nota þetta ekki þar. Okursíðan heldur
auðvitað áfram og verður pönk á meðan
það sem kemur í Fbl verður aðeins meira njúveif,
jafnvel popp, enda virðulegri miðill. Svo ef þú hefur
eitthvað á móti því að okurbréfið
þitt birtist hugsanlega líka í Fréttablaðinu,
þar sem farið verður dýpra í málið
og líklega með svari "okrarans", láttu þá
vita. Nöfn sendanda munu fylgja
með frá og með 902. færslunni, nema nafnleysis sé
sérstaklega óskað. Svo má svo sem senda meira
en okurdæmi, eins lengi og það tengist neytendamálum.
---
Næsti Plípp
verður geðveikur (miðvikud. 2/7). Þrír Jesúsar
og einn Bó, toppaðu það! Sem sé, feðgarnir
Pétur Örn og Guðmundur Benediktsson og móti feðgunum
Krumma og Björgvini Halldórssyni. Björgvin bað mig
um að hafa engar spurningar um ömmu Joeys Ramones.
---
Sá myndina Into the Wild í gær. Gagnrýnd.
---
Simon
& Garfunkel - A Simple Desultory Philippic (Or How I Was Robert McNamara'd
Into Submission)
Ég held það sé hreinasta sturlun að mæta
ekki á Paul Simon á þriðjudaginn. Hrúga
af góðum lögum sem stubbur hefur búið til bæði
sóló og með Art. Hann mætir með band og þetta
er fyrsta giggið hans í túrnum. Held þetta geti
alls ekki klikkað. Ég mæti allavega! (Þetta ólíklega
lag er af plötunni Parsley,
Sage, Rosemary & Thyme frá 1966. Ég hallast að
því að fíla Simon & Garfunkel frekar en sólóstöffið,
en lög eins og Kodachrome og Mother & Child reunion eru þó
vissulega frábær.) Art hlýtur að hafa verið
svona hvetjandi.
---
Maggi Strump er á hvílíkri útopnu í
mp3-blogginu
sínu. Hann er óþreytandi við að plögga
væntanleg Airwaves bönd. Þú kemur frá Magga
með fullan harðan disk.
---
Djöfull sé ég eftir að hafa verið að
væla þetta um góða veðrið í gær.
Nú er komið skítaveður og mér verður kennt
um allt. Ég er meira að segja búinn að rústa
Náttúrugiggi
turnanna tveggja. Ég skal hlusta tíu sinnum á nýju
plötuna með Garðari Cortez á fullu blasti til að
refsa mér.
27.06.08
Girl
Talk - Set it off
Nýja platan með Gregg Gillis er loksins komin út.
Gregg kallar sig Girl Talk og gerði frábæra plötu
fyrir tveim árum, Night Ripper, sem hefur komið sér mjög
vel á brettinu. Þetta er listilega saumuð bútasaumsmúsik,
samplað og skeitt saman í öfluga heild, gamalt notað
til að gera nýtt. Ég er búinn að bíða
lengi eftir nýrri plötu enda er alltaf not fyrir gott stöff
á brettinu. Og semsé, loksins er ný Girl Talk plata
komin, Feed the Animals, og hana má dánlóda og borga
fyrir það sem manni dettur í hug. Ég greiddi 6.66$,
af því það er svo töff verð. Sækist
hér.
---
Ólöf Arnalds syngur baráttulagið Af stað.
Ókeypis hér.
---
Nú væri fínt að fá smá rigningu
og rok. Í alvöru. Ég vil ekki hljóma vanþakklátur
en maður er orðinn þokkalega góður af léttþvalasvitafílingnum.
Hafa smá tilbreytingu í þessu, ha veðurguð?
24.06.08
Enn eitt hrunið: Pétur Blöndal og Ögmundur fengnir
enn og aftur í sjónvarpssal til að þusa sjálfsstýrðum
vaðli: Er hægt að hafaða meira fyrirsjáanlegt?
Verða þeir kallaðir aftur til í næstu viku þegar
Evran verður 150, bensínlíterinn 200 og lánin
hækkuð um 20%?
---
Íslenskt mál. Skv. orðabók er Láfa
"grófyrði um sköp konu og kvendýrs". Grófyrðið
er þó svo lítið í tísku að það
er ekkert gróft. Troddu þessu í láfuna á
þér, er nú bara krútt. Lágfóta
er hins vegar Tófa.
23.06.08
Ég segi það sama og ég segi alltaf í
góða veðrinu í útlöndum: Ekki skil ég
hvernig nokkur nennir að gera rassgat í þessu veðri.
Maður er bara búinn að sluxa og pikknikka og svamla og nennir
því varla heldur.
---
Næsti Plípp (á miðvikudagsmorgun á Rás
2) verður tímamóta. Þá keppa Hemmar (Benni
Hemm Hemm & Hemmi Gunn) á móti VKÓP Allstars (Blazroca
& Sesar A). Búast má við ótrúlegum
spena.
21.06.08
Nýji sumardrykkurinn Rímix er auðvitað kominn
á Gos. Maður
er alveg á tánum sko.
---
Ég átti 600.000 kall fyrir nokkrum árum (hafði
nurlað þessu saman árum saman) og keypti 10.000 hluti
í Decode sem þá var á genginu 60. Davíð
Oddsson og allir þessir kallar töluðu um fyrirtækið
sem það frábærasta síðan Jesús
ristaði brauð og ég sá fyrir mér stórgróða
á skömmum tíma. Núna
er gengið á 0.77 og 600.000-kallinn minn orðinn 7.700-kall.
Ég er brjálaður.
---
Nei ég er bara að ljúga. Glætan að mér
hefði einhvern tímann tekist að nurla saman í eitt
né neitt, hvað þá eitthvað jafn heimskulegt
og hlutabréf. Fyrst þyrfti ég að kaupa alla gítara
í heimi og fara í allar utanlandsferðir í heimi.
Það er líka alveg liðin tíð að maður
eigi pening eftir að Vísa kom til sögunnar. Og mér
drepleiðast líka peningar. Ég átti slatta af Evrum
um daginn og gerði ekki annað en fara á taugum yfir genginu.
Einn daginn átti ég svona mikið í íslenskum
og hinn svona mikið og svo þurfti maður að fara að
spá: hækkar þetta eða lækkar? Ég skipti
þessu svo auðvitað á vitlausum tímapunkti.
Ég væri líka alltaf á taugum ef ég ætti
einhver helvítis hlutabréf. Það vantar í
mig allt gambl-element. Ég vil vera kúl og segja: Fokk peningar,
ég hef ekki áhuga. En samt stjórna peningar manni
alltof mikið. Skapið fer eftir bankainnistæðunni. Manni
er rótt ef maður á fyrir skuldunum en allur á
iði og jafnvel andvaka ef allt siglir í rugl. Er því
ekki freistandi að gefa skít í vestrænt velmegunarrúnk
og enda í sjálfbæru peningalausu þorpi í
eyðifirði? Nýhippakommúnu með nokkra frjálsa
ísbirni á kantinum?
---
Við Biggi hjóluðum Hvalfjörð í gær
í geðsjúkri rjómablíðu. Með hjólin
í strætó upp á Akranes og svo gamli þjóðvegurinn
í bæinn. Ferstikla klikkaði ekki með pulsu og kók
og gamla yfirgefna þorpið í Hvalfirði er nokkuð
spennandi – minnir á Dharma í Lost. Hvað er í
öllum þessum bröggum? Hver á þetta? Er hægt
að kaupa þorpið á einu bretti og breyta í nýhippakommúnu?
Sjálfbært og heimsendalegt. Hægt að vera með
sölubás með grænmeti og listmuni fyrir þá
sem álpast þarna um. Meðlimir yrðu að yfirgefa
gamla lífið fyrir fullt og allt. Sá sem læddist
í burtu og færi í Smáralind yrði skotinn
við heimkomu. Nei, ókei, bara settur í "holuna" í
viku til að hugsa sinn gang.
---
Annar staður upplagður fyrir kommúnu er Ingjaldssandur.
Afskekkt fyrir vestan. Bara verst maður þyrfti að vera svo
handlaginn til að gera eitthvað gagn á svona stað. Það
þarf endalaust að ditta að og eitthvað endalaust vesen.
Ég yrði þá bara að sjá um listmunina
fyrir sölubásinn og grænmetið.
---
Svo þarf kannski ekki endilega að stofna nýja kommúnu.
Ganga bara til liðs við kommúnu sem er fyrir. Nóg
af þeim, sjá http://directory.ic.org/.
Eina starfandi kommúnan á Íslandi, samkvæmt
landfræðilega
listanum, er Sólheimar. Það er eðalpleis. Væri
vel til í að búa þar. Og enginn skotinn þótt
hann fari í Smáralind.
---
Ég hjólaði Hvalfjörð fyrir einhverjum árum
og þá tók það 6 tíma, Akranes-Esjuskáli.
Nú eitthvað meira sökum óflýtis. Rosagaman
og upplagt. Fáir bílar að bögga mann. Síðasti
spölurinn á 101 er hins vegar helvíti. Örmjó
rönd í vegakantinum til að hjóla á við
hliðina á aðvörunarrifflum sem vonlaust er að hjóla
á. Allir á 120, skröltandi tjaldvagnar, kerrur og 16hjóla
trukkar. Ég hélt ég myndi drepast. Rifjaði upp
brandarann Hvað er það síðasta sem fór
í gegnum hausinn á flugunni sem lenti á bílrúðunni,
rassinn, nema bara öfugt núna. Hvað var það síðasta
sem fór í gegnum rassinn á mér þegar
trukkurinn keyrði aftan á hjólið, hausinn.
---
Svo það misskiljist ekki enn frekar: Blogg á auðskildu
máli:
Megas: Sell-át. Sjá gamla grein hér.
/
Ísbjarnar-væl: Fólk, kommon! /
Ólafur F: Hættu að smæla, það
kaus þig enginn /
Góð-ærið: Búið. Húrra!!!
18.06.08
Vó, róleg á laginu... Sextán gestir hafa
bent mér á að lagið er
Narcotic með
þýsku hljómsveitinni Liquido.
Tveir sendu rétt svar á sömu mínútunni,
kl. 16:18, Búdrýgindi og Elmar Freyr Torfason. Þeir
aðilar þurfa að minna mig á gjafaeintak af Öllu
mjalla þegar hún kemur út, áritað auðvitað.
Mestu máli skiptir nú að ég get litið framan
í heiminn án þess að vera að raula þetta
helvítis lag inn í mér og ekki vitandi hvað þetta
er. Ég þakka þeim sem brugðust við á
hraða ljóssins! Greinilega mikið magn músiknörda
sem les þessa síðu. Var einnig bent á þessa
síðu í álika vandræðum. Mun skemmtilegra
er þó að spyrja gesti, já eða bara smyrja gesti.
---
Færi hingað orðaskipti af Gestabók:
Halli segir: Hva, má ekki Megas selja sig einsog aðrir.
Er hann eitthvað minna andlegur
fyrir það? Og af hverju er þessu alltaf stillt upp
sem einhverjum andstæðum
þ.e. bissness og list? Og þá að einhver sem
reynir að græða pening sé vondur
meðan hinn sem gerir það ekki er eitthvað voða
andlegur og góður. Ég meina
það þurfa allir að éta, sérstaklega
Megas. Er Megas ekki líka sellout þá að selja
plöturnar sínar? Eða fellur það í
andlega og göfuga flokkinn? Annars takk fyrir
skemmtilegasta bloggið á Íslandi.
Ég segi: Ég er alls ekkert að dissa Megas. Hef
sjálfur margoft selt mig. Ekkert að því.
Málið með Megga er bara að hann hefur hingað
til EKKI selt sig þrátt fyrir tilboð
þar að lútandi og því er um að
ræða ákveðin tímamót í poppsögunni.
Síðasta
vígið fallið, ef svo má segja (fyrir utan
hugsanlega Bjartmar, sem hefur kannski
bara ekki fengið nógu góð tilboð ennþá.)
---
Mín helsta martröð er að fá lag
á heilann og vita ekki hvað það er. Nú er ég
með eitt helvíti á heilanum, eitthvað svona leit
næntís, örlí tventís stöff, amerískt
líklega í sama flokki og Smash Mouth, Fastball, Cake, Eels,
Sugar Ray og það dót, poppað Weezer-dæmi eitthvað,
háskólarokk. Þetta var vinsælt á Íslandi.
Ég er búinn að bögga alla á Rás 2
með þessu, þeir kannast við lagið en geta samt
ekkert hjálpað mér. Svo áður en ég
missi vitið kemur hér lagið í munnlegri geymd:
Hvaða lag er þetta?
Sá sem fyrstur getur sagt
mér hvaða lag þetta er fær fyrsta eintakið
af sólóplötunni Allt mjalla þegar hún
kemur út.
---
Þar kom að því. Megas er búinn að
sella át. Hann smælar nú framan í heiminn í
Toyota-auglýsingu, fyrir 1.5 milljón heyrir maður. Oft
hefur Megas verið beðinn um lögin sín í auglýsingar,
Reykjavíkurnætur skilst mér í Flugleiðir
og eitthvað, en kallinn sagt nei hingað til, veit ekki hvers vegna,
ekki nógu vel borgað kannski eða mottó. Það
hefur þótt virðingarvert, að Megsar væri ekki
eins og sellátarinn Bubbi sem selur notaða bíla og rassgatið
á sér eins og drekka vatn. En nú er sem sé
síðasta arðan komin í kjaft kapítalistanna
og því ber auðvitað að fagna með ferð
í Kringluna. Nei, ekki alveg síðasta arðan. Ef mig
misminnir ekki þess meira er meistari Bjartmar enn án selláts,
ég er samt ekki viss. Minnist einhver að hafa heyrt lag með
Bjartmari í auglýsingu? Er Bjartmar andlegi leiðtoginn
nú þegar sellát Megasar er staðreynd? Annars er
þetta fín auglýsing hjá auglýsingastofunni
og aldrei að vita nema ég fengi mér Toyota ef ég
væri ekki þræll bílaláns á láni
15/36 og að auki á myndkörfudíl sem hækkar
og hækkar. Toyota Aygo væri þá málið.
Eyðir engu sú tík.
---
Gaman væri ef Megas væri kominn á bragðið
og færði sig upp á skaptið í þessum vel
borgaða bransa. Toyota fengju hann í stað Egils Ólafssonar
í að lesa, eða Megas væri í annarri hverri
auglýsingu veifandi Smjörva og grillkjöti. Vonandi.
---
Móðursýki og hálfvitagangur út af þessum
ísbirni. Ágætt er að benda fólki á
þetta
hjá honum Grími sem kallar á fókus.
---
Forsetinn dælir út Fálkaorðum eins og sælgæti.
Sé
ekki betur en Kjartan í Sigur Rós hafi fengið eina í
gær. Meira ruglið og eins og ég hef
bent á á að steypa þessa orðudruslu í
ál og senda á hvern kjaft fyrir það eitt að
þrauka á þessu veðurbarða vindrassgati.
17.06.08
Það hljóta að vera einhver not fyrir þennan
ísbjörn. Er ekki hægt að þjálfa hann
til að finna dóp? Hassbjörninn Herkúles fann 700
kg af hassi hjá ellilífeyrisþega sem var að koma
frá Færeyjum. Kannski getur löggan þjálfað
hann til að vera "varnar"-dýr. Lögreglan á Akureyri
neyddist til að nota varnarbjörninn á fulla unglinga á
Bíladögum. Sjö lágu í valnum. Svo má
bara drösla honum í Húsdýragarðinn og láta
hann vakna úr rotinu í selastíunni. Æðisgengið
og blóðugt náttúrusjó þegar selir
og björn takast á. Bannað innan 18 ára. Splatter.
Ágóði rennur til Kattholts. En það er auðvitað
vangefin hugmynd að drösla ísbjörnum aftur til Grænlands.
Þar er litið á þá sem meindýr. Svona
svipað og ef Grænlendingar kæmu deyfðum rottum í
poka aftur til okkar.
---
Segjum að það kæmu 17 ísbirnir í
viðbót. Á hvaða tímapunkti myndu fjölmiðlar
hætta æsingnum? Jæja, tólfti björninn bara
kominn, á síðu 16. Þetta var ísbjarnarblogg
vikunnar.
16.06.08
Birgir er ekki eingöngu byrjaður
að blogga aftur heldur líka búinn að kaupa sér
múffu. Ég bíð spenntur eftir múffurannsóknum
hans. Sjálfur keypti ég mér einu sinni harðgúmmíhosu
með titri og pumpu. Þetta var vægast sagt ömurlegt
hjálpartæki og þegar ég blóðþrútinn
og ófullnægður gafst upp gaf ég ónafngreindum
vini mínum tækið. Það nýttist honum ekkert
heldur. Nú geymir eilífðin tækið eins og hvert
annað titrandi smáblóm. Þrátt fyrir ömurlega
reynslu af einu hjálpartæki væri ég alveg til
í að reyna fleiri, enda hefur tækninni fleygt fram síðan
1986. Japanar
hafa náttúrlega forystu í þessum málum
sem fleirum. Maður kaupir sér samt ekkert svona, vitandi að
þetta gæti verið gagnlaust drasl, og ekki leigir maður
sér svona heldur. Hjálpartækjaleiga Gústa er
til dæmis dæmdur bisness til að mistakast. Kannski ætti
Goldfingeiri að kaupa nokkrar real dolls,
leigja húsnæði og selja út klukkutímann
á 5000 kall. Japanakrípin eru náttúrlega byrjuð
á þessu (myndband).
En ég tek undir með Bigga, samfélagið dæmir
karla að ræða svona sem viðbjóð en konur mega
ræða píkuna á sér út í eitt,
heiðvirðar þingkonur á sviði, ekkert mál,
og það þykir agalega fínt og snarlega viðurkennt.
Ég sæi Gunnar Birgisson og Árna Johnsen ekki beint
fá grænt ljós á Typpasögur í Borgarleikhúsinu.
---
Flautublásarinn í "Stóra bakarís-málinu",
hin svokallaða "Bakarís-stelpa", skrifar kjarnyrtan pistil sem
birtist á Okursíðunni
(#839) í dag.
---
Í næsta PLÍPP,
annarri umferð á miðvikudag, mætast lið Óttarra
(Felix, Proppé) og lið Frændsemi (Ólöf Arnalds,
Siggi Finns). Búast má við velsmurðupopphjóli.
---
Að sitja í farþegasæti í bíl sem
keyrir um Borgarfjörð og Húnavatnssýslu er ágætis
aðstaða til lagasmíða. ÞÞ (heitir líklega
annað á endanum), Ungakaka, Dyntótt og Einbreið brú
eru meistaraverkin sem komu út úr ferðinni, en þess
ber að geta að öll lögin eru stutt, gætu endað
í "syrpu". Var við ættarmót að Laugarbakka
þar sem Eiríksjökull bar meistaralega við himinn.
Þá var sólarlag einstaklega appelsínugult á
þessum slóðum, enda sest sólin ekki á þessum
árstíma heldur syndir í hafinu. Afgreiðslukona
í Shellsjoppu á Hvammstanga sagðist jafnan fara út
í Hindisvík til að fylgjast með sjónarspilinu
á Jónsmessu.
13.06.08
Breti með tennur frá helvíti hlær svo mikið
að löggan kemur og gasar hann. Sjá.
---
Einu sinni var ég á kafi í Ren & Stimpy og
fannst ekkert eins skemmtilegt. Svo fylltist allt af hundlélegum
R&S-klónum og ég misst snarlega áhugann. John
Kricfalusi, höfundurinn, bloggar hér.
---
Þessir hlekkir og rosalega margir aðrir eru á Boing
Boing, líklega besta blogglínkasafninu í dag.
Annað gott er á heimasíðu WFMU-stöðvarinnar,
hér.
Þess má geta að stöðin er besta
útvarpsstöð í alheimi og þar má
bæði hlusta læf og á eldri þætti mjög
langt aftur í tímann.
---
Hef loxinz klárað sjálfsævisögu Marks
E. Smiths, leiðtoga The Fall (gaggrýnt).
Hann hefur komið hingað þrisvar 1981, 1983 og 2004 þegar
ég var svo frækinn að hita upp fyrir hann 2svar á
2 geðsveittum giggum. Síðan þá hefur hann náttla
rekið alla í bandinu nema konuna og fengið nýja menn.
Sagnfræðileg heimildarvinna er kannski ekki alveg 100% í
bókinni eins og sjá má á eftirfarandi kafla
um fyrstu heimsókn hans til Íslands. Hér voru teknir
upp kaflar á Hex educational Hour plötunni, sem almennt eru
talin til helstu meistaraverka The Fall. Í Hljóðrita
sem eins og allir vita var búinn til úr hrauni og leit út
eins og snjóhús. Á umslaginu má svo sjá
myndir frá Íslandsferðinni, m.a. glæsilega mynd
af Ása "í Gramminu" í rútu.
12.06.08
Að móðgast
fyrir hönd annarra er Bakþanki dagsins. Ræ ræ
ræ...
---
Ég er að vona að bragðlaukarnir á mér
séu allir að koma til. Þeir voru í góðu
stuði í gær og hreinlega fóru á kostum,
maturinn sem Lufsan kom með úr Bónus var alveg æðislegur.
Fyrst jarðarber í öskju. Þau voru rosalega bragðgóð.
Vanalega fær maður bara bragðlaust rusl og helmingurinn ónýtur
í rándýrri öskjunni, en nú var ekki nema
eitt ber ónýtt og allt svona líka geðveikt gott.
Reyndar risastór ber og maður fór strax að fabúlera
um að þetta væri geislavirkt eða sprautað með
svínafósturvísum, eða hvað þetta erfðabreytta
dót er sprautað með. Það er víst fullt
af erfðabreyttu stöffi á markaði hér en okkur
er auðvitað haldið í neytendamyrkrinu með það
eins og annað. En góð voru berin allavega og askjan "ekki
nema á" 329.
---
Næst var komið að parmesan osti. Vanalega hef ég
rifið þetta oná mat og ekki fundið nema örlítinn
bragðkeim, en nú kom bragðið á fullum þunga
upp í kjaftinum á mér og svona líka massagott
bragð. Ég hef áhyggjur af þessu. Kannski er aukið
bragðskyn byrjunin á hræðilegum sjúkdómi.
---
Fyrsti PLÍPP
gekk án teljandi klúðurs. Poppblaðamennirnir höfðu
þetta, en það var eins og allur vindur færi úr
Tónleikahöldurum eftir að hafa verið með stöðuna
2-0 í "Taktu lagið". Þá hringdu þrír
inn í röð og völdu útgáfu Poppblaðamanna
á Blowin in the wind svo þeir unnu 2-3. Útgáfa
Tónleikahaldara á No woman no cry var þó tvímælalaust
betri að mínu mati. Í næstu viku keppa svo... tja,
það kemur í ljós í dag.
11.06.08
Á nýju plötunni, sem kemur út í haust,
verður að öllum líkindum kóverlag með nýjum
texta eftir mig sem heitir Rassgat. Rassgat er bæði net
og com.
---
Stundum læt ég mér detta í hug að blogga
ekki neitt í eitt ár og skrifa frekar eina bók í
öllum tímanum sem fer í bloggið. Það er
nú alveg hellings tími skal ég segja þér.
Mun vænlegra til árangurs í ódauðleikafílingi
að skrifa bók en blogga. Það þarf ekki nema
að ein tölva út í bæ hrynji að allt mitt
blogg sé farið fyrir bí, en kannski alveg að brenna
2000 bækur til að bók drepist endanlega (meira sé
mark takandi á Fahrenheit 751 (eða hvað sem það
var, nenni ekki að gúggla því). Svo les enginn
gamalt blogg en það er alveg séns að einhverjir lesi
svona bók alveg kannski 50 árum síðar. Einhver
frík að gera bókmenntaritgerð í HÍ
árið 2060 eða eitthvað. Ég lifi.
---
Tuttugu ný okurdæmi
síðan í gær. Nú er hinn aukni straumur að
þakka viðtali
sem birtist við mig vegna "Stóra bakarís-málsins",
sem má lesa allt um í línkum neðst í viðtalinu.
Skildulesning fyrir neytendur.
---
Ef þú ert að lesa þetta eldsnemma minni ég
á Popppunkt á Rás 2 núna klukkan 10.10. Æsispennandi
byrjun á Popplandsmeistari í Poppunkti 2008 (PLÍPP).
10.06.08
Melabúðin. Ég þoli ekki þá búð.
Jú jú, afgreiðslufólkið er ægilega ljúft
og almennilegt og kjötborðið þokkalegt en verðin
þarna gera mig brjálaðan. Og ekkert merkt. Að versla
þarna er rússnesk rúlletta. Maður tekur kannski
dós af ólívum og heldur niðrí sér
andanum við kassann... skildi þetta kosta 200 kall, 300 kall...
nei nei, 459 kr. Æi, ég held ég sleppi þessu
þá – svona fílingur. Algjört rugl. Ég tók
þá ákvörðun þegar ég greiddi
3000 kall fyrir 1/3 úr plastpoka, það sem átti
að vera heilsusamleg heilsubuffamáltíð með salati,
að sleppa frekari viðskiptum við þessa okurbúllu.
Nú þegar ég hef tekið þessa neytendasinnuðu
ákvörðun slepp ég náttúrlega við
að nuddast utan í viðskiptavini á þröngum
göngunum. Þarna verslar vesturbæjareðallinn, ekkert
nema einhverjar leirkerlingar, fiðluleikarar úr sinfóníunni
eða vælandi fyrrum bæjarstjórar eins og þessi,
og allir að snobba svona líka ægilega með buxurnur
á hælunum í þakklæti fyrir að kaupmaðurinn
á horninu sé nú enn við líði og á
kafi í meltingarveginum á því.
---
Keypti í fyrsta skipti bensín fyrir 8000 kall í
gær. Ég óskaði sjálfum mér til hamingju.
---
Fleet
Foxes - White Winter Hymnal
Nýjasta hæpið. Strákar frá Seattle,
ekki nema 21árs, að gera góða hluti á fyrstu
samnefndu plötunni, smá beach boys + þjóðlagaþrungið
öðlingspopp. Þegar ég heyrði þetta lag
fyrst minnti það mig mjög á þegar ég
heyrði fyrst í The Shins (hið magnaða lag New Slang).
Fleet Foxes strákarnir ættu að baða sig upp úr
hæpinu. Það eru 99% líkar á því
að þegar þeir gefa út plötu númer 3
að öllum verði orðið drullusama. Svona virkar bara
hæpmaskínan á flöktandi og dyntóttu öldinni.
09.06.08
Popppunktur snýr aftur! Og nú á Popplandi Rásar
2. Popppunktsmeistarar Popplands mun standa uppi í september eftir
æsandi 16-liða útsláttarkeppni. Að þessu
sinni eru liðin tveggja manna og gífurlega blönduð
en þó eru yfirleitt popparar af ýmsum sauðahúsum
í liðunum. Skrallið hefst núna á miðvikudaginn
kl. 10 (um morgun) í Popplandi. Fyrstu lið til að keppa
eru lið Poppblaðamanna (Atli Fannar og Biggi í Maus)
á móti Tónleikahöldurum (Guðbjartur
Finnbjörnsson og Grímur Atlason). Svo koma hin ýmsustu
og skrítnustu lið til með að keppa. Massíft stuð.
---
Viðbætur að vanda á okursíðu
og í sund/fjöll
þar sem gönguhópruinn Blómey fór í
fjölmenna ferð upp á þvert og endilangt Meðalfellið
í gær. Hvalfjörður er algjörlega málið
og ég er að hugsa um að hjóla hann aftur frá
Akranesi eins og ég gerði um árið. Þetta er
orðin náttúruparadís síðan göngin
komu.
06.06.08
Smá mistök hjá auglýsingadeild...
05.06.08
Maður hefði getað verið á fjöllum þegar
jarðskjálftinn kom. Jörðin hreinlega rifnaði undir
fótum manns og maður lá ofan í glænýrri
rifu þegar lætin voru yfirstaðin. Dustaði sig hríðskjálfandi
og skíthræddur. Snéri sér við og þá
kom ísbjörn og sló mann með hramminum, vamm... dauður.
En
hvað gera fréttamenn í næstu viku ef hvorki jarðskjálfti
og ísbjörn reka á fjörur okkar? Geimverulending,
eldgos, alþingismaður uppvís að mannáti? Við
skulum vona að það verði eitthvað. Annars erða
bara gúrka.
---
Séríslenskt gluggaveður. Eins og í Grindavíkurbók
eftir Guðberg Bergsson. Maður hættir sér á
hjóli í vinnuna. Geðveikur mótvindur á
leiðinni. Og frekjulegar vindhvinur annað slagið og moldrok.
Djöfulsins falsveður. Voða gott út um gluggann. En
maður fauk þá allavega í einum rikk heim til sín.
---
Mér finnst Bill ágætur en Hillary glötuð.
Hvað er ég? Helvítis karlremba? Obama lofar voða
góðu. Ég hef reyndar ekki látið dáleiðast
af ræðuhöldum hans en hann bíður af sér
góðan þokka, eins og sagt er. En ætli gamla hvíthærða
klessan vinni þetta ekki. Því verður eflaust komið
inn hjá amer-bolnum að Obama sé snobbaður uppskafningur
en McCain "einn af oss" og myndir af honum að gantast á rednekk-bar
munu ráða úrslitum. Eða kannski ekki!
---
Jón Ársæll hringdi í mig í gær.
Ég var farinn að undirbúa ræðuna um að
ég væri ekkert merkilegur, líf mitt væri alveg
glamúrlaust og að ég ætti ekkert að vera í
þættinum hans, þegar ég komst að því
að hann var bara að spyrja mig út í næsta viðfangsefni
sitt. Ég varð aðeins sár að hann skyldi ekki
ætla að gera þátt um mig en líka feginn.
Var farinn að sjá hann fyrir mér sofandi á stofugólfinu
með myndatökumanninum innan um barnaleikföngin í þrjá
daga. Leist ekkert á það að þurfa að svara
"Hver ertu?"-spurningum í þrjá daga samfleytt. Hálfgert
Jóns-tanamó.
Jón Ársæll er sem sé með besta þátt
sinn til þessa í bígerð og sýnir hann á
sunnudaginn. Hann fylgdist með undarlegasta og frábærasta
manni í heimi, Kristni Jóni Guðmundssyni, snillingi.
Hver ertu? spurði Jón. Ætli ég sé ekki bara
Pétur Pan, svaraði Kiddi. Sjón er sögu ríkari
á sunnudaginn!
04.06.08
Meiri músek, minna mas um dauðan ísbjörn...
Bo
Diddley - Bo Diddley
Dáinn Diddley (1928 - 2008). Ekki meira Bo Diddley bít.
Grúvei bít. Það voru ekki margir hljómar
í lögunum hjá honum, stundum bara einn. Var með
flotta gítarar, sérhannaða af Gretsch. Ég mun
eflaust lesa mér betur til síðar um ævi og störf
Bós.
Neon
Neon - Dream cars
Íslandsvinurinn Gruff Rhys úr Super Furry Animals og
Boom Bip í tribjút plötu um kallinn sem hannaði
kaggann í Back to the Future-myndunum (John DeLorean). Skratti skemmtileg
útkoma, mörg góð lög. Klárlega ein af
plötum ársins só far, stöff sem minnir mig á
bæði JJ Burnell, Young marble giants, Gorillaz og eitthvað
meira ungt og kúl og hipp.
Ladytron
- Black car
Liverpoolband, 4. platan Velocifero komin út. Electroklassað
popp. Æsandi. Voða. Ömurlegt umslag samt.
White
denim – Darksided computer mouth
Band frá Austin, Texas. Captain Beefheat og Meat Puppets í
blandara. Geðveilað pönkprogg á diskinn þinn.
Eins og mörg lög í einu í einu í einu.
Weezer
- Troublemaker
Sjötta platan komin (Weezer (Rauða platan)) og enn er þeim
legið
á hálsi að vera ekki eins æðislegir og
á fyrstu tveim plötunum. Veit það ekki. Þetta
er alveg ágætt sellátrokk. Ekkert flókið
við þetta. Miklu betra en margt.
03.06.08
Það er allt í tómu rugli á Mogganum
eftir að Stimmi hætti. Menn halda að plastálft sé
alvöru álft og birta þá svakalegu frétt
að kría hafi sest ofan á alvöru álft, sem
er í raun plastálft. Guðbjörn Magnússon,
æringinn sem fokkar svona í Mogganum og sendi þeim myndirnar,
segir álftina ekkert hafa kippt sér upp við það
þótt krían blakaði vængjunum... nei,
enda úr plasti. Mistökin aftan á blaðinu eru ekki
síður slæm. Þar er frétt um einhverja Hönnu
Grásleppusafn en með er birt mynd af fjórum stelpum.
Hvergi er reynt að útskýra hver þessara stelpna
sé Hanna Grásleppusafn sem talað er um í greininni.
Hanna Grásleppusafn. Voðalega er það eitthvað
bjánalegt viðurnefni annars.
---
Reykjavík! er í miðri plötuupptöku. Bóas
reif
á sér nýrað en nýtt lag liggur frammi,
Æjiplís,
og lofar góðu.
---
Bubbi
Morthens - Femmi
Hefi hlustað aðeins á nýju Bubbaplötuna.
Hún er nokkuð ágæt, mjög traust Bubba-plata,
heyrist mér við fyrstu umferð. Misjöfn lög sándlega
séð, ekki þessi leiðinlegi "heildartónn" sem
alltof margir halda að sé málið. Ferskir sprettir
inn á milli þar sem Pétur Ben gerir eitthvað kúl
(eins og í þessu lagi). Platan er fáanleg á
síma frá og með hádegi í dag (via Vodafone)
en cd kemur 11. apríl og 300 vynílplötur eitthvað
seinna.
01.06.08
Seven ages of rock, þættina sem Rúv sýnir
þessar vikurnar, ber að taka sagnfræðilega með
miklum fyrirvara. Það er náttúrlega bara verið
að gefa manni sýnishorn og auðvitað meikaði fyrsti
þátturinn engan sens því hvorki var minnst á
Elvis né Bítlana þótt verið væri að
tala um "fæðingu rokksins". Samt ágætis þættir,
þannig. Það verður bara að salta þá
vel.
---
Það er ekki hægt að vera annað en jákvæður
í garð þeirrar "bylgju" soulsyngjandi smápía,
sem vinsældir Amy Winehouse hafa leitt af sér. Þetta
er ágætis músik, sumarlegt og svalt stöff. Njótum
þess þar til næsti grafargröftur fer af stað.
Glamrokkrívæval hlýtur að vera á næsta
leiti. Við skulum gefa gömlum brýnum orðið um stund:
Lulu
- To Sir with love
Eitt af bestu lögum allra tíma söng Lulu í
samnefndri mynd um góða blökkumanna-kennarann, Sidney Poitier.
Magnþrungið lag.
Evie
Sands - I can't let go
Magnað lag. Enskur Northern-soul hittari frá 1967 með
söngkonu frá Brooklyn. Evie er enn
að. Nýjasta platan heitir Women in Prison. Ég sé
ekki betur en Michael Jackson hafi með lítaaðgerðum
verið að reyna að líta út eins og hún.
The
Shangri-Las - Remember (Walking in the sand)
Girl-grúppurnar voru heitar um 1963. Oftast þannig að
einhver gaur tók nokkar stelpur upp á arma sína og
dældi í þær hitturum. Þessar frá
NY áttu 2 hittara, þennan og Leader of the Pack. Sá
sem pimpaði
The Shangri-Las
var karakterinn George "Shadow" Morton, sem átti þá
stórkostlegu sándeffekt-hugmynd að blanda mávagargi
í þetta lag og mótorhjóladrunum í Leader
of the pack. Magnað lag.
Duffy
- Rockferry
Það er ekkert nýtt að dramatískt soul 7.
áratugarins sé endurvakið og hnoðað í
nýtt deig, Saint Etienne, hin nýsjálensku The Brunettes,
ensku Pipettes of fleiri. Það er bara nýtt að þessi
músik njóti einhverra vinsælda. Veilska Duffy er að
meikaða bigg tæm þessa daga með fyrstu plötunni
sinni, Rockferry. Kölluð Dusty II og hvað eina. Titillagið
er gott eins og margt á hinni fínu plötu hennar. Hún
lítur m.a.s. út eins og hún sé frá 1965. |