ATH:
OKURSÍÐAN HEFUR FENGIÐ NÝTT
HEIMILI - NÚ MEÐ KOMMENTAMÖGULEIKA!
Þrýstu með músinni HÉR!!!

---

OKUR! OKUR! OKUR!
Hér eru birt okurdæmi frá lesendum (og líka ábendingar um ekki okur). Nú stöndum við saman. Nú eða aldrei!
Láttu vita um okur

Gagnlegar síður:
Neytendahorn Dr. Gunna á Vísi / Talsmaður neytanda (Gísli Tryggvason) / Nískupúkinn (Samanburður á vöru og þjónustu)
Rafræn Neytendastofa tekur á fyrirtækjum með leiðindi, vitlausar verðmerkingar (með sektum!) og óútskýranlegt okur. / Hagsmunasamtök heimilanna
Vaktin (verðsamanburður á tölvuvörum) / Gsmbensín (Hvað kostar dropinn?) / Okurvextir.blogspot.com (Hvað gera stjórnvöld fyrir skuldsett íslensk heimili?)
Skotsilfur (um persónuleg fjármál og sparnað) / Kári Harðarson (hugleiðingar um neytendamál)
Athugið: Bréfið þitt gæti líka birst í Fréttablaðinu, nema þú sér sérstaklega á móti þvi. Nöfn sendanda fylgja með nema nafnleysis sé sérstaklega óskað.

(26.02.09):

#2004    Ég átti leið hjá bókabúðinni Office 1 á Reykjarvíkurveginum, keypti þar blek í Canon ip 5300 prentara sem kostaði 2.490kr. Í búðinni við hliðina á því, Tölvulistinn, athugaði ég með sama blekið þar og það kostaði 1.990kr. Þarna er 500 króna verðmunur  á vörum og búðirnar standa hlið við hlið. Spurningin er sú er þetta leyfilegt?
(Nb. Já, það er víst. Munurinn mætti meira að segja vera 50.000 kall. Frjáls álagning heitir þetta víst. Svo erða bara kúnninn sem verður að passa sig.)

#2003    Ég bara verð að láta vita af þessu. um daginn var ég í vinnu og varð orðin frekar svöng og þar sem ég fæ ekki matartíma þá ákvað ég að stökkva inn í Valgeirsbakari í Njarðvík í til að kaupa mér eitthvað sem ég gæti skellt í mig með hraði. Ég fæ mér rúnstykki með skinku og osti og svala og borga fyrir það 245.- ekkert að því, en ég var orðin svo svöng að þetta dugði mér ekki og þar sem ég var a ferðinni og átti leið framhjá Nýja bakarí í Keflavík þá fór ég þangað inn til að kaupa mér annað rúnstykki með sama áleggi en þar borga ég 350.-!!! það munaði 105.- og ég keytpi ekki svala í það skiptið. 
Ég ræð öllum frá því að skipta við Nýja bakaríð í Keflavík og snúa sér til Valgeirs.
Erna Sigrún

#2002    Verð á Bensínstöðvum. Ekki mikið okur en smá.
Hjá fyrirtækinu sem ég starfa hjá höfum við sölumenn kort frá öllum
olíufélögunum, Shell, Olís og N1.  Frá því að bankakreppan skall á höfum við
farið yfir og borið saman hvað vörurnar sem við kaupum kosta okkur og hefur
komið í ljós að Olís er oftast dýrast, ekkert okur en oftast nær dýrast.
T.d. algengustu tegundir af sígarettum kosta 730 kr hjá Olís en 725 hjá N1 og Shell.
Kókómjólk kostar 110 hjá Olís en 109 hjá N1 og Shell
½ lítri af gosi kostar 190 hjá Olís en 185 hjá N1 og Shell.
Þetta eru bara örfá dæmi um verð.
Tek það fram að verðinn hjá þeim breytast mjög hratt þannig að eitthvað af
þessum verðum gætu hafa breyst frá því seinast.
Ef þú hefur tök á því að láta taka verðkönnun á þessum fyrirtækjum þá væri það
mjög fróðlegt.
Að lokum vil ég þakka þér fyrir þennan vef.
Ein sem óskar nafnleyndar.
(Nb. Jú það mætti tékka á því við tækifæri. Mér finnst samt óþarfi að styrkja þessi pleis mikið nema fyrir bensín og þess háttar.)

#2001    Plastdrasl á eyrna-hitamæli. Ég keypti svona glærar plasthlífar á Braun eyrna-hitamælir í Lyf og heilsa í JL húsinu.
Rúmar 1700kr. fyrir plastdraslið. Þetta eru 40 stk og mér hefði orðið illt af því að borga 400kr. en í þetta skiptið varð mér hreinlega flökurt af okrinu. Hundómerkilegt, einnota plastdrasl sem kostar smáaura að búa til. Ég fæ hundrað PÖR af einnota hönskum fyrir minni pening.
Mér datt náttúrulega ekki í hug að kaupa rafhlöðu í tækið þarna…
Baldvin Björgvinsson

#2000    Fór í 1011 í gær og ætlaði að kaupa mér Hersey's súkkulaði og sá þá að 
það kostaði 310 kr. og hætti því snarlega við. Þegar heim var komið 
datt mér í hug að athuga hvort væri hægt að kaupa kassa af Hersey's á 
internetinu. Viti menn ég fann það og komið til landsins með Fed-Ex 
kostaði stikkið 220 kr. Það ber að athuga að þar af er Fed-Ex 
flutningskostnaðurinn 60% af vöruverðinu og búið að taka tillit til 
vsk og tolla.
Björn

(25.02.09):

#1999    Þú er nú líklega mest að fjalla um okur
en mig langar samt til að vekja athygli á nýju majonesi í Bónus, merkt þeim
mér finnst umbúðirnar svo sláandi líkar Gunnars majonesi.
Rauður sporöskjulaga hringur með merki seljanda efst fyrir miðju
orðið 'mayonnaise', (ekki majónes) með hvítum stöfum á miðjum rauða fletinum
og hvítan borða utan um.
Helsti munurinn er að innihaldslýsingu virðist vanta hjá Bónus
en skv. miða eru 600 ml. í dollunni frá Gunnars majonesi
en 540 ml. hjá Bónus.
Dollurnar eru jafn stórar, virðast vera frá sama framleiðanda.
Er þetta vörustuldur ?
er verið að blekkja neytandann til að halda að hann sé að kaupa áratugalanga uppskrift
í stað einhvers sem er nýtt og hefur ekki unnið sér sess á eigin verðleikum ?
Afsakið að myndin er óskýr, tekin á farsíma.
Ádni
(Nb. Veit ekki hvort þetta sé vörustuldur, meira svona umbúðastæling. Þetta er ekkert nýtt. Í næstu búðarferð ætti fólk t.d. að bera saman nachos frá Doritos og svo nýja tegund nachos frá Þykkvabæ. Sláandi lýkir pokar sem auðvelt er að ruglast á sé maður eitthvað utan við sig.)
(ATH: Gunnars majones er örugglega framleiðandinn af þessu majonesi sem er merkt Bónus.
Bónus hefur þann sið að "þvinga" íslenska framleiðendur til að framleiða fyrir sig vörur undir þeirra eigin
nafni og á lægra verði gegn því að framleiðendurnir fái að hafa vörurnar sínar í verslunum þeirra.
Flestar vörur undir bónus merkinu og þá sérstaklega vörur sem eru með stuttan líftíma eru framleiddar af innlendum
aðilum, og eru það nánast alltaf þeir sömu og eru að selja samskonar vöru undir sýnum eigin merkum.
Ef vara merkt bónus er borin saman við samskonar íslenska framleiðslu er oftast lítill sem enginn munur á útliti umbúða og magni.
Hinsvegar er líklegra en ekki að bónusvaran sé aðeins lakari að gæðum.
Ónefndur)
(ATH2: örstutt um þetta majones, þetta er framleitt af vogabæ í
hafnarfirði en ekki gunnars majonesi, þessi vara er algerlega sambærileg að
gæðum á við gunnars majones en er bara mun mun ódýrari fyrir neytendur, ca
20-30% lægra verð, þetta á líka við um bónus fetaostinn í krukkunum, bónus
sýrðarjómann, mjólku rjómann allt eru þetta nýjar vörur sem við erum að taka
inn og allar eru þær mun mun ódýrari en sambærilegar vörur sem hafa verið
til á markaðnum áður, okkar viðskiptavinir eiga það skilið að við hlaupum
okkur móð alla daga. kveðja guðm.m / Bónus)

#1998    Ég get ekki orða bundist yfir Keiluhöllinni. Hversu ofboðslegt okur á þar sér stað á hverjum einasta degi, á mínu heimili er Keiluhöllin iðulega kölluð Okurhöllin.
Það var nú þannig að besta vinkona dóttur minnar var ofboðslega spennt yfir því að halda afmælið sitt í Keiluhöllinni og bjóða um 25 krökkum í afmæli í Keiluhöllinni.
Þar sem ég hafði nú skoðað þennan afmælispakka á vefsíðu keiluhallarinnar áður þá vissi ég alveg um verðið þarna.
Og þar sem ég og pabbi stúlkunnar erum góðir vinir síðan í gamla daga og þekkjumst vel í dag þá sá ég mér nú ekki annað fært en að slá á þráðinn til hanns og spyrja hann útí þetta.
Hann var fyrst voðalega hrifinn af þessu og sagði “já pakkinn þarna kostar nú bara 1550 kr á hvert barn og þetta er bara lang sniðugasta lausnin að losna frá öllu veseni”
1550 krónur hljóma kannski ekkert svo hrikalega nema þegar maður fer að hugsa.
Ég gerði honum ljóst að um 25 börn væru að ræða þannig það myndi kosta fyrir þessi 25 börn, 1 leikur í keilu, 1 glas af gos og 3 mjög litlar pizzusneiðar heilan 38.750. Ég meina HALLÓ? 38.750 krónur fyrir 25 stk af 7 ára stelpum. Hvílíkt okur!!!
Er það nú afmæli. Ég tjáði honum að hann gæti fengið 10 pizzur af næsta pizza stað undir 10 þúsund krónum með gosi og öllu. Sko 10 heilar pizzur, með brauðstöngum og öllu gosi. Í staðinn fyrir 25x 3 litlar pizzusneiðar og eitt glas af gosi á mann.
Er einhver að fara að reyna að segja mér það að keiluleikurinn sem fylgir þessu kosti þá 28.750 fyrir 25 stelpur…
Þetta er okur á alvarlegu stigi og að sjálfsögðu bakkaði félagi minn útúr því að halda afmælið í Okurhöllinni.
Að svona afmælispakki fyrir 25 stelpur skuli kosta í heildina 38.750 krónur er óafsakanlegt.
Hvílíkt okur!! Ég bara á ekki til orð.
Hafa fjölskyldur virkilega efni á því að halda afmæli barnanna sinna á þessari búllu?
Og þá sérstaklega núna í kreppunni?
Mín fjölskylda fer aldrei þangað sökum okurs þannig ég hef ekki orðið fyrir barðinu sjálfur á Okurhöllinni en ég vildi bara láta vita að þessu því mér finnst ég vera hetja að hafa bjargað blásaklausum vini mínum frá því að borga 38.750 krónur fyrir afmæli dóttur sinnar og 25 litlar stelpur í afmæli þarna.
Orðlaus Pabbi 

#1997    Mig langar að láta þig vita af lélegri þjónustu hjá Nýju Sendibílastöðinni. Ég veit ekki endilega hvort að þetta heyrir undir okur en allavega lélega þjónusta. Ég þurfti að láta flytja fyrir mig þvottavél á dögunum og hringdi rétt fyrir 8 að morgunlagi í Nýju Sendibílastöðina og tek fram að ég sé ein á svæðinu og það þurfi að vera trilla með svo að hægt sé að koma þvottavélinni upp í bílinn því að ég treysti mér ekki að lyfta henni. Nú svo kemur bíll með einhverjum öldungi undir stýri sem að sjálfsögðu treystir sér ekki til að koma þvottavélinni upp í bílinn einn með trilluna þannig að ég varð að lyfta henni með honum. Síðan segir hann við mig já þú ert náttúrulega með peninga til að greiða fyrir bílinn því að ég tek ekki kort. Frábært mér var ekki sagt það þegar ég hringdi. Fyrir algera tilviljun átti ég 5000  kall í veskinu og slapp við að fara í hraðbanka klukkan 8:00 um morgun. Síðan keyri ég á eftir manninum niður í Sundahöfn þar sem þvottavélin átti að fara á bíl. Þá er komið að því að borga og ég dreg upp veskið og hann segir 3400 krónur. Ég bið hann um kvittun en nei það er ekki í boði......við segjum bara 3400 segir hann ég slæ af 500 kalli segir hann og brunar svo í burtu.
Ég stóð eftir alveg gapandi yfir þessum viðskiptum. Síðan hringi ég á Nýju-Sendibílastöðina og segi mínar farir ekki slétttar og þá segir símastúlkan að þessi flutningur sé greinilega ekki skráður vegna þess að símtalið hafi borist fyrir opnun skiptiborðs og þá taki bílstjórarnir sjálfir símann. Hún býður mér svo að framkvæmdastjórinn hafi sambandi við mig sem og hann gerir nokkrum dögum seinna. Eina sem framkvæmdastjórinn gat sagt var það að þetta atvik endurspeglaði ekki fyrirtækið það væru 2 bílstjórar sem að væru ekki með posa og það væri vaninn að láta vita um það fyrirfram og svo þegar ég spurði út í nótulausu viðskiptin þá sagði hann að hann gæti svo sem haft samband við bílstjórann og látið hann gefa mér nótu en þá myndi hún ekki hljóða upp á 3400 krónur. Ég get ekki betur séð en að bílstjórinn hafi verið að ná sér í svartan pening þarna í algerri óþökk minni sem hef engan áhuga á nótulausum viðskiptum og var aukin heldur mjög óánægð með þjónustuna sem þessi maður veitti mér. Það er alveg á hreinu að það verður aldrei skipt aftur við þetta fyrirtæki á mínu heimili. 
Óskar nafnleyndar

(23.02.09):

#1996    Sprengjudags vörusvik! ...veljum íslenskt?
Fór á föstudag í Nóatún í Austurveri til að kaupa "Saltkjöt og baunir- túkall" sem er sennilega ein íslenskasta mataruppskrift sem til er hér á landi. Það er flott saltkjötið hjá þeim af íslenska lambinu.  Þegar kom að rófu innkaupum þarna brá mér heldur mikið, því þær voru flest allar á stærð við fótbolta!  Tveir afgreiðslumenn upplýstu mig um að þetta væru innfluttar rófur, þar sem ekki væru til íslenskar á markaðnum og hjá Nóatúni?  Við nánari skoðum kom í ljós að þessir "fótboltar" voru frá Bretlandi, nánar tiltekið Skotlandi.
Ég sagði nei-takk, breskar rófur borðar mitt fólk ekki á Sprengidaginn eftir það sem á undan er gengið við þarlenda. Í Fréttablaðinu og Morgunblaðinu um helgina eru heilsíðu auglýsingar frá Nóatúni þar sem stendur " Sprengidagurinn" og einnig " Íslenskt, úrvals grænmeti sem meðlæti" ásamt mynd af rófum  .....þetta eru vörusvik og fölsun í auglýsingu að mínu mati .....veljum íslenskt - hvað?
Fór í aðra ónefnda verslunarkeðju þar sem nóg var til að meðalstórum íslenskum rófum sem hæfa hinum alíslenska sprengidegi ...áfram Ísland. 
Og til að kanna orð Nóatúnsmanna um vöruskort á íslenskum rófum hringdi ég í Sölufélag garðyrkjumanna, þar sem mér var tjáð að til væri nóg af íslensku rófum, en Nóatún verslaði ekki við þá?  Þeir vilja heldur eyða takmörkuðum gjaldeyri núna í innflutning á risa rófum frá Bretlandi.
Við neytendur borðum ekki breskar rófur á Sprengjudaginn  ....skamm-skamm Nóatún!
Sprengidags unnandi.

#1995    Það er endalaust verið að plata okkur íslenska neytendur. Halda Bónusfeðgar og aðrir „lágvöruverslana“-rekendur að við séum alger fífl? Eitt dæmi: Kattasandur, Best friend – fresh & easy, kostaði í Bónus f.a.h. (fram að hruni) ísl kr. 298, en kostaði í gær í Bónusi Faxafeni (hvað sem hann kostar svo í dag og á morgun), ísl. kr. 849!  Er þessi hækkun í einhverjum takt við verðlagsþróun hér a.m.t. gengi og öllu? Spyr sá er ekki skilur útreikninga hér.
Nei takk, ég læt ekki hafa mig að fífli lengur. Er hætt að styrkja snekkjueigendur sem reka Hagkaup, Bónus, 10-11 og  eigendur Krónunnar og  hvað þetta heitir allt saman. Beini mínum viðskiptum framvegis að Nettó og kaupmanninum á horninu. Með von um að þeirra hagnaður fari ekki beint í Karabíska.
Eygló
(ATH: hérna er skýring á því af hverju kattasandurinn hefur hækkað
eins og raun ber vitni, þetta eru breytingar frá jan 08 til dagsins í dag,
þessi ágæti maður talaði um að varan hefði kostað 298 kr og það er rétt, hún
kostaði það frá lok ársins 2005 út árið 2007 en eftir það hefur hallað á
ógæfuhliðina.
Erlent innkaupsverð frá framleiðanda í Kína hækkar á síðasta ári um 54%.  
Gengi ,(EVRA) á sendingu sem er verðlagt eftir núna er ca 80 % hærra en
gengið sem var verðlagt eftir í jan 2008
Kostnaður vegna flutnings, erlendis og sjóflutningar, hefur hækkað talsvert
á tímabilinu bæði vegna gengis og hækkanir flutningafyrirtækja.
Innkaupsverð hefur hækkað um ca 180 % vegna gengis og erlendrar hækkunar.
Útsöluverð Bónus hefur hækkað um 136% vegna kostnaðarverðshækkunar.
Erlend hækkun er vegna hækkunar frá framleiðanda í Kína, sem er skýrð með
hráefnis- og kostnaðarhækkunum, þetta er ekki hefðbundin kattasandur sem er
búin til úr sandi eða leir, heldur er þetta vara sem er framleidd frá
grunni.   
Búast má við að verð lækki, ef gengi styrkist frá því sem það er.  
gerum okkar besta, keðja guðm.m / Bónus)

#1994    Langar bara benda á Dominos og þessa svo kölluðu "Megaviku" my fokking 
ass!!! 1290 kall og svo 300 kr fyrir skíta aukaálegg. þeir ættu sko að 
kalla þetta "kreppu viku" !!! ertu að fokking djóka hvað það er verið 
að spara í álegginu á þessar pizzur! það mátti telja ananasbitana 
þessa 3 kjúklinga bita sem voru á 15"pizzunni. það mátti sjá 
brauðbotninn standa upp úr  álegginu útum allt á allum 3 pizzunnum , 
þar sem osturinn var í mg og áleggið á víðavangi! 3 pizzur illa á 
settar þurrar og vondar +ananas og kók 4450 takk fyrir!
Einn ósáttur
(Nb. Ég keypti nú hjá þeim eina Domino´s Mystique á megavikunni og er gríðarlega sáttur við þau kaup, svo... Wilsons eru líka með tilboð þessa vikuna, 1000 kall stór pizza 2 álegg, held ég að það sé) 

#1993    Þannig er mál með vexti að kærastan mín fór með smápeninga sem við áttum upp í Spron í Spönginni. Gjaldkerinn setti peningana í talningarvélina og kom svo aftur að borðinu og spurði kærustuna mína hvort hún væri með reikning hjá Spron. Hún er ekki með reikning þar og þá sagði gjaldkerinn að þetta kostaði 500 kr. og nota bene þá var þetta um 3000 kr. í smápeningum. Hún hringdi í mig og ég sagði henni að fara í Glitni, þar sem hún er með reikning ef að hún þyrfti að lenda í sama bullinu þar. Þar skipti þeir klinkinu án vandræða og spurðu ekki einu sinni hvort hún væri með reikning þar.
Þegar hún kom heim þá hringdi ég í Spron og þar sem gekk illa að ná sambandi við Spöngina hjá skiptiborðinu og ég mátti ekki fá beint númer í Spöngina þá bað ég um einhvern sem vissi allavega eitthvað um gjaldskrána hjá þeim. Ég fékk samband við konu þarna og hún sagði að þetta væri svona í öllum bönkum en ég sagði henni frá Glitni og þetta væri í fyrsta skipti sem ég heyrði um svona gjaldtöku. Þá sagði hún mér að þær hafi greinilega ekki haft brjóst í sér að rukka kærustuna mína um meira þar sem í raun kostaði þessi "þjónusta" 1650 kr. Þannig að ef að kærastan mín hefði verið rukkuð um 1650 kr. eins og á að vera þá hefðum við tapað um 60% af peningnum við það að nýta okkur þessa "þjónustu" hjá Spron.
Ástæðan fyrir þessari gjaldtöku, samkvæmt konunni hjá Spron er að það tekur tíma að setja í talningarvélina og eru þetta vanalega langar afgreiðslur. Það hlýtur að vera nokkuð sárt fyrir gjaldkerana þarna að eftir nám og fleira að vita að þessi blessaða talningarvél er hæstlaunaðasti "starfsmaðurinn".
Ég spyr mig líka hvernig það er ef ég myndi vilja skipta 1000 kr. úr klinki í seðla, myndi ég þá skulda bankanum 650 kr aukalega eftir þá heimsókn? Fáránlegt kerfi!
Arnþór
(Nb. Þegar ég vann í Landsbankanum var ég oft á talningavélinni. Bara gaman að því. Engum hefði dottið í hug að rukka sérstaklega fyrir þá þjónustu, enda er það fáránlegt!)
(ATH: Fór inn á Kaupþing við Hlemm um daginn til að skipta klinki, var ekki rukkaður um krónu né spurður um hvar ég væri í viðskiptum (Ég er hjá SPRON en ætla að koma mér þaðan í snarhasti, farnir að bera þess merki að vera gjaldþrota fjármálastofnun, hræddur um að þeir mælist ekki hátt í næstu ánægjukönnun). 

#1992    Mér brá heldur betur í brún þegar ég fór síðast í Bónus. Nú hefur ekki 
verið til síðan um áramótin, 2 lítra Sprite í Bónus. Oft hef ég spurt 
hverju þetta sætti því alltaf fékkst gosið í öðrum verslunum eins og 
Hagkaup og Nettó.
Svörin voru mismunandi og loðin en nú síðast fékk ég skýrt svar hjá áfyllingarmönnum Vífilfells. 
Bónus er hætt að panta inn 2 lítra Sprite og Sprite Zero. Þegar spurt var 
hvers vegna var fátt um svör. Það er ekki eins og þetta sé óvinsæl 
vara, þetta var rifið út þegar þetta var til.
Þannig að nú fá þeir inn mikið meiri pening frá þeim sem drekka 
Sprite, sem neyðast til að kaupa 2 eins lítra flöskur í stað einnar 2 
lítra. Þetta eru ekki góðir viðskiptahættir. Ég fyrir mína parta 
versla mitt ropvatn framvegis í Hagkaup, þar get ég allavega fengið 2 
lítra á lægra verði en í Bónus.
Brynja

#1991    Vantaði DVD spilara um daginn og kíkti í Elko. Samkvæmt ráðleggingum 
frænda míns, þá benti hann mér á að kaupa spilara sem styður HDMI, þar 
sem það auki myndgæðin.  Sölumaðurinn sýnir mér þá spilara og ég vel 
þann sem mér leist best á.  Því næst þurfti ég að finna snúruna og þá 
sýnir hann mér snúruna, sem kostaði 3.995.-  Mig lá ekki á þessum 
spilara svo ég ákvað að kanna hvort ég gæti ekki fundið þessa snúru 
ódýrari á netinu.  Hana fann ég á amazon.co.uk í Bretlandi fyrir 1,9 
pund eða um það bil 310 krónur, eða rúmlega 1000% dýrari.
Auðvitað á eftir að bæta við sendingarkostnaði til Íslands og tollum 
og virðisaukum o.fl.  En tollur og vsk. af 310 krónum eru einhverjir 
tíkallar.  Nauðsynlegt að taka það fram að þetta voru sambærilegar 
snúru, báðar HDMI í HDMI og gerðar úr gulli að einhverju leiti (sem 
leiðir myndina betur).  Ég þurfti tvær snúrur, þannig að með því að 
skoða þetta tókst mér að spara mér ca. 7.000 krónur.
Greinilegt að Elko vinnur þannig að þeir selja tækin á aðeins lægra 
verði en nauðsynlega aukahluti rándýra með.
Óska nafnleyndar
(ATH: Nokkur orð varðandi okur nr. 1991 á vefsíðunni þinni en þar er vísað til verðs á HDMI snúrum hjá ELKO.
Til eru margar gerðir af HDMI köplum og eru þeir vitaskuld misgóðir eftir því. Í Elko höfum við verið með ýmsar gerðir til sölu en sá ódýrasti hefur verið á 2.495 og dýrasti á 5.495 (1,5 meter). 
Munurinn á þessum snúrum er gagnaflutningsgetan. Ódýrari snúrurnar fylgja version 1.2 en þessari dýrari fylgja version 1.3 en munurinn þarna á milli er margfaldur, í gæðum talið. Fólk sem er með háskerpuspilara á borð við Blu-Ray spilarana og síðan háskerpusjónvarp hefur verið ráðlagt að versla sér betri snúrurnar en við höfum yfirleitt bent á þessar ódýrari þegar fólk er að versla sér HDMI kapla fyrir DVD spilara með uppskölun, eins og er í þessu dæmi. 
Hvort tengin á kaplinum séu gullhúðuð eða ekki skiptir í raun engu máli því merkið sem fer í gegnum kapalinn er ávallt stafrænt ólíkt skart-tengjunum. Þess vegna er ekki verið að horfa á tap á gæðum. Þess ber að geta að snúrurnar sem merktar eru 1.3 staðlinum eru í raun og veru einu snúrnar sem taldar eru geta sinnt FULL-HD merkinu (1080p) skikkanlega.
Ódýrari snúran hefur reyndar ekki verið til hjá ELKO um nokkurra vikna skeið enda uppseld hjá birgja. Þess vegna hefur ódýrasta snúran sem viðkomandi viðskiptavinur hefur séð verið á 3.995. 
Ég ráðlegg öllum sem hafa áhuga að lesa um HDMI á Wikipedia síðunni en þar er að finna mikið magn af ótrúlega góðum upplýsingum um þessar snúrur. Sér í lagi hérna: http://en.wikipedia.org/wiki/HDMI#Versions
Bendi líka fólki á að gera verðkönnun því HDMI snúra á 2.495 verður að teljast gott verð!
Starfsmaður Elko)

(21.02.09):

#1990    KFC auglýsir grimmt um þessar mundir. Auglýsingar þeirra byrja
svohljóðandi: "byrjum árið á hollum lífstíl, réttur mánaðarins á KFC er
tortilla með grænmeti og sweet chilli sósu aðeins 699 krónur. KFC núll
grömm transfita.
Mig langar að vita hvort það sé hægt að koma með svona fullyrðingar þ.e að
maturinn sé algjörlega laus við alla óhollustu. Hvað með allt hitt sem er
í matnum hjá KFC? Telst það hollusta? Mér þætti gaman að fá svör við því.
Önnur tilgangslaus pæling. Hver hefur ekki tekið eftir því að sjá
verðmerkingu við einhverja vöru: Þessi vara er á tilboði og nemur
verðlækkun 20% eða TILBOÐ 20 prósent verðlækkun. Svo kemur maður á kassann
og þá er verðið það sama og var á hillumerkingunni. Það er vegna þess að
það er búið að reikna afsláttinn inní verðið sem er uppgefið við vöruna.
Fólk ætti að passa sig á þessu.
Tryggvi 

#1989    Vil benda á þessa nefnd...
http://www.neytendastofa.is/Pages/270
Hún er mikilvægt tæki fyrir okkur neytendur til standa í hárinu á fyrirtækjum sem brjóta af sér og ætla að komast upp með það.
Það er nokkuð fræðandi að lesa úrskurði nefndarinnar. Einnig veit ég að þeir eru ekki allir birtir.
Veit um dæmi þar sem TAL tilkynnti um skilmálabreytingar í tölvupósti líkt og Síminn gerir þessa dagana...
Það gekk til baka fyrir viðkomandi sem kærði (en ekki alla...????) hugsanlega náðist sátt áður en nefndin úrskurðaði.
Nafnlaus

#1988    Mig langaði að senda þér línu því það er allt of sjaldan sem fólk 
hrósar góðri (eðlilegri?) verðlagningu á vörum og þjónustu. 
Veitingastaðurinn Ítalía hefur verið í miðbænum um árabil og stendur 
alltaf fyrir sínu. Góður matur og góð þjónusta. Og ekki skemmir 
verðmiðinn á matnum fyrir. Við hjónaleysin skelltum okkur á 
föstudagskvöldi á Ítalíu og fengum vel útilátinn mat og góða vínflösku 
með. Borguðum rétt rúmlega 8 þúsund krónur fyrir sem er bara nokkuð 
gott fyrir notalegan og góðan veitingastað í miðbænum. Við förum 
pottþétt oftar á Ítalíu á næstunni.
Brynja

#1987    Ég var rukkaður um 290kr fyrir hálfan líter af Egils kristal í Keiluhöllinni í Öskjuhlíðinni í gær. Ég varð að koma þessu á framfæri. Þetta er náttúrulega algjört rugl.
Þorsteinn Þorsteinsson

(20.02.09):

#1986    Ég vil koma á framfæri staðfestum grun um skort á verðmerkingum og gerviútsölu á svokölluðum "Tax Free" dögum Hagkaupa sem nú standa yfir. Ég fór í Hagkaup í Kringlunni í dag og ekki nema brot af snyrtivörunum voru verðmerktar. Búið var að brjóta upp á verðmiðann á langflestum vörunum þ.a. fullt verð sást ekki. Þegar ég skoðaði strimilinn sá ég hversu himinhátt fullt verð var, miklu hærra en ég hafði séð það auglýst hjá þeim nú fyrir skömmu. Svo virðist sem þeir hækki verðið rétt fyrir Tax Free daga og gefi svo 20% afslátt af því okurverði!  Þetta er auðvitað bara leið til að ginna viðskiptavini til að verlsa á útsölu. Fyrir utan það að virðisaukaskattur er 24,5% en ekki 20% eins og Hagkaup virðist standa í trú um! Þetta fyrirkomulag hefur verið á hjá þeim um um langa hríð núna og engin segir neitt við þessu. Sjálf er ég sem neytandi búin að fá mig fullsadda af þessu svínaríi og veit að þið hin látið ekki bjóða ykkur þetta heldur!
Þórunn
(ATH: Vildi benda á varðandi endurgreiðslu á virðisaukaskatti, þá í tengslum við tax-free daga Hagkaupa (#1986). Gefum okkur að vara kosti 1000kr, lagður er skattur 24.5% á hana, þá er verðið 1245kr. Ef ég gef mér 24.5% afslátt af 1245kr þá kostar varan 940kr. Með því að gefa  19.6787% afslátt af 1245kr þá fæst upprunalegt verð eða 1000kr. Þannig að 20% afsláttur er rétt gefinn.)

#1985    Nú hefur Eimskip hækkað verðið með Herjólfi. Sem er líklegast eðlilegt ? Miðað við allt. Málið er að ef að fólk átti einhvað inni á afsláttarkortinu sínu þá hefur það rýrnað sem nemur hækkuninni, vegna þess að þú átt ekki einhverja afsláttarmiða inni heldur er þetta bara peningainneign. Var að velta því fyrir mér hvort þetta sé löglegt.
Þorsteinn

#1984    Ég fór í Hagkaup Skeifunni á mánudag. Þar var afgreiðslukona í kvenfatadeild að plokka verðmiða af sokkum. Hún var með plastpoka með fullt af "gömlum verðmiðum" Þegar ég fór var ekki komið "nýtt" verð á sokkana, en varla var hún að lækka verðið...Til umhugsunnar.........
Sigríður Einars

#1983    Hef verið að versla í Húsasmiðjunni undanfarin ár  og er farið að ofbjóða okrið hjá þeim. Tók saman nokkur dæmi sem ég sendi með þessum pisli.
Að meðaltalið hefur vöruverð sem ég tilgreini hækkað um rúm 63% á einu ári en það sem ég skil ekki er að sumar vörur hafa hækkað um rúm 100% og ein um 600% sem getur ekki talist eðlilegt. 
Húsasmiðjan hefur ekki tekið á sig launahækkani á síðasta ári en hafa aftur á móti lækkað laun starfsmenna á gólfi um tugi þúsunda með afnámi næturvinnu.
Í mars 2008 var evran á um 122 kr en er núna á um 146 kr eða um 20 % hærri.  Vörur erlendis eins og timbur og f.l. hafa lækkað á heimsmarkaðsverði um 30 til 70%.
Sem ætti að skila sér í lækkandi vöruverði hér heima eins og gerist með olíuna. Einnig hefur Húsasmiðjan tekið af allan afslátt af viðskiptavinum en hann var 15 til 25 %. 
Sem sagt verð hefur hækkað að meðaltali á vörum sem ég tók til um 63%, erlendar vörur lækkað um 50%, laun lækkað um 10% og afsláttur tekinn af um 20% því má segja að Húsasmiðjan er á hafa um 143% hærri álagningu núna en var fyrir ári síðan og var hún þó allnokkur, geri aðrir betur.  Ef þetta er ekki okur hvað er þá okur. 
Nær væri fyrir Húsasmiðjuna að lækka verðin til samræmis við þann sparnað og erlendar lækkanir ásamt lækkun gengisvísitölunnar úr 230 í 190  til að koma byggingariðnaðinum af stað aftur.
Okur eykur aldrei sölu það dregur úr sölu sem leiðir til enn frekari hækkunnar og að lokum fara þau fyrirtæki á hausinn sem okur stunda.
Okur leiðir líka til þess að aðrir sjá sér fært að koma inn á markaðinn.
Múrbúðin hefur ekki farið þessa leið sem Húsasmiðjan fer, enda hefur stór aukist salan þar í kreppunni.
Munum að olían var hæðst í um 200 kr og væri nú í um 150 ef ekki hefði komið til hækkunnar frá ríkinu, vegna lækkunar á heimsmarkaðsverði og lækkunar á gengisvísitölunni.
Húsasmiðjan hefur ekkert lækkað aðeins hækkað.  Er ekki kominn tími á að hvíla verslun í okurbúllum eins og Húsasmiðjunni.
Einn búinn að fá nóg af okrinu.

#1982    Símabær þakkar frábærar viðtökur vegna GSM endurvinnslunnar sem Gunni kynnti svo vel í Fréttablaðinu.  Við höfum varla haft undan eftirspurn og margir neytendur hafa gert afar góð kaup og nýtt peninginn í aðra hluti á meðan.  Við viljum launa okursíðunni og lesendum hennar greiðann með húsráði sem tengist hleðslurafhlöðum í t.d. fartölvur og síma.
Er batteríð alveg handónýtt svo þú nærð ekki einu sinni gögnum úr tækinu þínu?  Þá geturðu fryst rafhlöðuna í t.d. sólarhring og gefið henni svo nokkra klukkutíma við stofuhita áður en hún er endurhlaðin. Ég las fann þetta húsráð á netinu og sagði örvæntingarfullum kúnna frá því, Kúnninn kom himinlifandi til baka því þetta virkaði svo ég sagði fleirum frá því og það er sama sagan, þetta virkar einfaldlega en hve varanlega veit ég ekki.
Ég kann ekki að lýsa því tæknilega hvað frystingin gerir en hugsanlega einhverskonar hreinsun vegna ískristalla. Þá get ég ekki fullyrt hve lengi þessi “viðgerð” virki en það breytir ekki því að þarna er komin hagnýt lausn til að redda sér tímabundið eða bjarga gögnum úr dauðum búnaði  Ég vara hinsvegar við að setja frosna rafhlöðu beint í hleðslu og bendi fólki á að finna frekari upplýsingar í gegnum leitarvélar.
Gylfi Gylfason
Símabær ehf

(19.02.09):

#1981    Keypti í gær bakka af nautahakki í Hagkaupum í Seltjarnarnesi.  Fékk hann á 50% afslætti af því hann var á síðasta söludegi. Uppgefið kg. verð er 1.549.- kr. og þyngd 480 gr. eða verð kr. 744. Á afsláttarmiða er uppgefið söluverð kr. 744.- sem er rétt, en þá er þyngdin allt í einu orðin 510 gr. og verðið kr. 395.- Í raun ætti verðið að vera kr. 371.- svo að þeir græða kr. 24.- á þessu. Meðfylgjandi er mynd af verðmiðunum.
Steinarr Kr. Ómarsson
(Nb. Kannski bara mannleg mistök?)
(ATH: Tók enginn annar eftir því að pökkunardagur er sagður annar á umbúðunum, 16. febrúar í staðinn f. 12. febrúar á miðanum undir? Fannst þetta bara undarlegt.)

#1980    Hjá Pennanum í Hallarmúla kostar 1 blokk af postits (gulu miðunum) 550 krónur!!! Gulir miðar fást hjá Póstinum í Ármúla (önnur tegund) og kosta 67 krónur minnir mig.
Hrönn

#1979    Við vorum þrjú sem fórum í  Bláa Lóninu um síðustu helgi.  Er ég spyr hvað ég þurfi að greiða segir afgreiðsludaman    "4500.-" fyrir þrjá aðila. Ég spyr þá hvort þeir séu búnir að lækka verðið í 1500 per miða.  Þá segir daman: nei við erum með tilboð í gangi "tveir fyrir einn" Þannig að miðinn kostar 3000.- per aðila sem vil fara í Bláa Lónið. (þetta er ekki allt.) 
Er ég spyr hvers vegna þeir hafi hækkað verðið þá segir daman að þetta sé reiknað út frá 20 evrum og þær séu 3000.- í dag.
Er ég síðan skoðaði matseðilinn á Lava matsölustaðnum þá er þar réttur sem kostar 21 evru(minnir mig) en á íslensku kostar hann 2600.-
Þannig að mismunur á genginu er töluverður á milli  evra í aðgöngumiða eða   evra á matsölustaðnum
Óskar nafnleyndar

#1978    Lenti í því um daginn að það sprakk hjá mér og í ljós kom að dekkið var ónýtt. Við nánari skoðun kom í ljós að dekkin voru öll slitin og á síðasta snúningi. Ég hringdi því á nokkur dekkjaverkstæði til að tékka á verði á nýjum heilsárs 14” dekkjum (185/65/14):
Barðinn í Skútuvogi: Tilboð 51.500 kr allur pakkinn með umfelgun (ónegld vetrardekk líklega á um 11.400 kr/stk)
VDO Borgartúni: Cooper dekk  á 10.100 kr/stk.
Betra grip Lágmúla: nokkrar týpur í boði: Daytone 700 á 14.657 kr/stk, Loftbóludekk á 17.492 kr/stk og  Sóluð dekk á 8.481 kr/stk.
Vaka Eldshöfða: milestone dekk á 9300 kr/stk. Umfelgun og ballansering á 4800 kr/gangurinn. 
Þegar hér var komið sögu sá ég að þetta færi líklega aldrei undir 40.000 kall. Fór því á netið og googlaði “dekk til sölu” 14”.  Þannig fann ég gefins 14” álfelgur sem ég þurfti að vísu að sækja upp á Akranes. Og lítið notuð negld vetrardekk á 5000 kr/ 4 stykki. Er því kominn með fín dekk á álfelgum undir bílinn fyrir 10.000 kall (umfelgun kostaði 5000 hjá Nýbarða í Garðabæ með afslætti). Það greinilega margborgar sig að leita fyrst í smáauglýsingum á netinu, þó að í þessu tilfelli hafi ég líklega verið óvenju heppinn.
Andri

#1977    Mig langar að benda á það að á vefsíðunni sinni undir Fréttir ( neðst á síðunni ) birti Síminn hækkun á verðskránni sinni sem tekur gildi frá 1. Mars 2009. Þar á meðal ætlar Síminn að hætta með eitt sitt helsta „trick“ til að fá viðskiptavini í ADSL sjónvarpsþjónustu sína „Myndlykill sem kostar ekki neitt“. En frá 1. Mars 2009 mun áskriftargjald á myndlykli frá Símanum hækka frá 0 kr í 600 kr fyrir þá sem eru ekki með áskrift af öðrum miðlum annað hvort frá Skjánum eða 365. Þetta er augljóslega töluverð hækkun á þjónustu hjá Símanum. Fulla verðskrábreytingar má sjá hér, en breytingin veldur að meðaltali hjá viðskiptavinum 6,1% hækkun á símreikningi þeirra.
Ennfremur brýtur Síminn um leið skilmálana sína þar sem að í skilmálum þeirra stendur að verðbreytingar skuli tilkynna skriflega, en ég sem kúnni hjá þeim hef hvorki fengið tilkynningu í gegnum tölvupóst né í venjulegum pósti og rakst eingöngu á þessa verðbreytingu fyrir tilviljun þegar ég var að leita að annari frétt á vef þeirra. Ég tel þetta brot á skilmálum og ætla að láta reyna á uppsögn mína á ADSL viðskiptum þeirra ( þrátt fyrir að eiga einn mánuð eftir af samningi  ) vegna brota á skilmálum af þeirra hálfu þar sem verðlagshækkunin tekur gildi 1. Mars og þeir hafa ekki tilkynnt mér hana skriflega mánuði fyrir ( eins og stendur í skilmálum þeirra ).
Þetta finnst mér mjög lélegt að ætla að reyna koma inn 600 kr hækkun inná notendur án þess að einu sinni láta þá vita og kalla þessa viðskiptahætti Símans lélega og OKUR. Annað hvort hafa þeir breytt þessu eftir að ég sá þetta fyrst, eða þá að ég hef misst af því. Það er ennfremur hækkun á leigu á router fyrir SpeedTouch routera sem flest allir viðskiptavinir Símans ( sérstaklega þeir sem eru með Skjáinn ) eru með frá 0 kr í 350 kr. Þannig að heildarhækkunin er 950 kr á mánuði fyrir þá sem eru bara með fríustöðvarnar hjá Símanum.
Davíð Fannar Gunnarsson

(18.02.09):

#1976    Hingað til hef ég verið frekar léleg í að huga að verðlagi og þess háttar.
En nú er ég, eins og aðrir, aðeins að vakna til meðvitundar um mikilvægi
þess að standa á varðbergi og þar af leiðandi vil ég koma á framfæri til
þín hneykslanlegu atviki sem ég er ansi hrædd um að margir neytendur hafi
fallið í síðustu daga.
Þannig er að maðurinn minn fór í morgun í nýja verslun Krónunnar í
Hafnarfirði.  Alla helgina hafa verið auglýst tilboð þar og
tilboðsbæklingar bornir í hús.  Við fengum meðal annars þessa bæklinga og
fannst spennandi að sjá að kjúklingur var á 40% afslætti.  Þar af leiðandi
keypti maðurinn minn eitt stykki heilan kjúkling.  Kílóverðið á
kjúklingnum var 988 krónur og hann var 1,751 gr. þannig að þessi
kjúklingur kostaði 1.747 krónur og við stóðum að sjálfsögðu í þeirri trú
að þarna kæmi til 40% afsláttur á kassanum eins og kemur fram í
áðurnefndum bæklingum og er merkt með límmiða á sjálfum kjúklingnum. Fyrir
rælni þá ákváðum við hjónin nú einu sinni að fara yfir innkaupalistann og
átta okkur á hvað hlutirnir væru að kosta og þá komumst við að því að það
hafði bara aldrei komið til þessa 40% afsláttar.  Þannig að við urðum af
því að fá 699 króna afslátt!  Ég þori að fullyrða að það hafa MJÖG margir
einstaklingar fallið í þessa grifju.  Ég vil að sjálfsögðu ekki trúa því
að þetta sé með ráðum gert hjá forsvarsmönnum Krónunnar en ég vil endilega
að þessu sé komið á framfæri til neytenda þannig að ALLIR skoði nú
strimlana og passi að fá þann afslátt sem þeim ber að fá miðað við
auglýsingar.
Nafnleysi óskað 

#1975    Ég er einn af þeim sem fer sjaldan á kaffihús. En þegar ég geri það þá langar mig að fá mér eitthvað gott. Við hjónaleysin ákváðum að kíkja á Café Milanó á laugardaginn var 14-02-2009 og fá okkur eitthvað gotterí þar sem að það var jú Valentínusardagur. Í staðinn fyrir blómin eða konfektið þá ákváðum við að setjast niður og njóta þess að fá okkur eitthvað gott og spjalla. Smurbrauð varð fyrir valinu og Coke light með, enduðum svo á að fá okkur eina kökusneið saman. Ekkert af þessu var verðmerkt í kælinum en við vorum svo sem ekki að velta fyrir okkur verðinu þar sem þetta var jú bara smörrebrod og gos. Þegar það kom svo að því að greiða reikninginn þá datt restin af dauðu lúsunum úr höfði mér þar sem að reikningurinn hljóðaði upp á 4010- krónur.
Mér varð næstum á orði að spyrja hvort ég fengi hlutabréfin í fyrirtækinu send í pósti eða hvort að límósínan sem myndi keyra okkur frítt heim á eftir biði fyri utan? Var þetta falin myndavél ??? nei nei. Þessar 4010 krónur skiptust svona.

Smurbrauð, krónur 1190x2
Coke light í gleri, (290ml) krónur 350x2
Kökusneið með rjóma, krónur 930
Samtals 4010 krónur.

Þess má til gamans geta að helgina áður áttum við leið um Húsasmiðjuna Skútuvogi en þar var Kaffigarðurinn að bjóða upp á smurbrauð á 190 kall. Ég gat ekki séð að þessi smurbrauð hafi verið eitthvað veglegri en þar og geri ráð fyrir að Húsasmiðjan hafi verið að selja þetta á kostnaðarverði og kannski örlítið betur. Sem segir mér það að álagningin á Milanó sé u.þ.b. 600-650%. Einnig geri ég ráð fyrir að Mílanó skipti kökunum upp í 12 sneiðar sem þýðir að ein kaka fari á 11.160- kr. Það er ekki slæm ávöxtun. En eitt er ljóst. Ég fer aldrei aftur á Café Mílanó.
GGG

#1974    Vildi koma með enn eina söguna um hversu varhugaverð bílaumboð landsins eru, a.m.k. Hekla. Þannig er mál með vexti að það logaði EPC ljós í mælaborðinu í bílnum hjá mér og þurfti ég að láta tengja bílinn við einhverja tölvu í Heklu til að láta greina hvað væri að. Það var allt gott og blessað, nema hvað eitthvað virðist hafa gerst meðan bíllinn var inni hjá þeim (ca 20 mínútur), því þegar ég fæ bílinn afhentan virkar rafmagn í rúðum ekki, ekki fjarstýrða læsingin né ljós inni í bílnum. Ég tala eðlilega um leið við Heklu og fyrirtækið ákveður að athuga hvað væri að og hvort orsök þessarar bilunar væri að finna hjá þeim. Nú þarf ég að taka fram að undir eðlilegum kringumstæðum myndi ég aldrei fara með bílinn í viðgerð á verkstæði Heklu, ekki eingöngu vegna verðlagsins heldur líka vegna þess að faðir minn á og rekur bílmálun og er því með mjög góð tengls inn í þennan bransa (o.þ.a.l. góða díla). En þar sem þessi bilun kom mögulega upp meðan bíllinn var tengdur við þessa tölvu hjá þeim, samþykkir Hekla að taka bílinn inn á verkstæði í forskoðun til að athuga hvað fór úrskeiðis, mér að kostnaðarlausu. Ég fæ síðan símhringingu daginn eftir og mér tjáð að einhver varahlutur sé ónýtur, sem þurfi að panta að utan og muni kosta mig 80.000 krónur. Þar sem ég er vel tengdur inn í bílabransann afþakkaði ég það og fékk inni á verkstæði hjá kunningja föður míns. Þar kom í ljós að það eina sem þurfti að gera var að skipta um 1 öryggi!!! Þetta tók ca 2 mínútur og var mér að kostnaðarlausu. Það er langur vegur á milli að kaupa og skipta um öryggi eða kaupa (óþarfan) varahlut upp á 80 þúsund krónur sem síðan útheimtir sjálfsagt nokkura klukkustunda vinnu við að setja í á verkstæðinu (hver klukkutími er á 13.500). Þannig ef við gerum ráð fyrir ca 4 klst vinnu þá hefði það kostað um 134.000 krónur að laga bílinn í Heklu, viðgerð sem ætti ekki að kosta meira en 500-1000 krónur. Mér blöskraði þetta mjög mikið og varð hugsað þeirra einstaklinga sem búa ekki jafnvel og ég og leita alltaf til bílaumboðanna í góðri trú. Vona að þessi saga verði þeim víti til varnaðar og að þeir fái a.m.k ráðgjöf annars staðar frá ef gera þarf við bílinn.
Tjörvi

#1973    Ég fór í Krónuna á Bíldshöfða og þar keypti ég hveiti og kostar það samkv. Kassastrimli:
Heilhveiti 2 kg. 260 kr.
Hveiti 2 kg. 244 kr.
Í Kjarval á Hellu kosta þessar vörur samkv. verðmerkingu á hillu.
Heilhveiti 2 kg. 425 kr.
Hveiti 2 kg. 364 kr.
Í báðum tilfellum erum við að tala um Kornaxvörur. Þetta er okur og ekkert annað.
Brynjar Svansson

#1972    Ég keypti rúðuvökva hjá N1 í desember og kostaði 5 lítra brúsi þá um 900 kr.
Í dag þegar átti að endurnýja þessar birgðir þá kostar hann 1210 kr. 35%
hækkun takk fyrir. Í desember voru allar verðhækkanir komnar fram og get ég
ekki betur séð em að fyrirtækið sé hreinlega að hækka sína álagningu.  Ég
var ekki sáttur og kannaði aðeins í kringum mig og fékk 5l rúðuvökva  á MAX1
á Bíldshöfða 5 sem er beint á móti N1 brúsann á 890 kr.
Árni

#1971    2 lítra Pepsi Max í 10-11 Arnarbakka á 339 kr.
Reynir

#1970    Herru, fór að vesla i húsasmiðjunni um daginn,kaupa slatta af timpri og vissi eg að þeir voru að auglýsa 10prósent inneign þegar veslað væri í husasmiðjunni,en vitið menn,það átti ekki við um þegar veslað væri í timbursölunni,þannig að þessi auglysing er ekkert nema plat:)
Buxi 

(11.02.09):

#1969    Brandari ársins í neytendamálum, eða lélegasti stærðfræðingur ársins, er í Vetrarhöllinni í Smáralind.
Þetta systkinatilboð í vindlausan hoppukastala í Smáralind slær allt út í markaðsmálum. Afsakið léleg myndgæði á símamynd, ég hló svo mikið að ég gat ekki haldið símanum stöðugum. Fyrir utan okrið fyrir 10 mínútur þá er þessi afsláttur einhver óræð tegund af snilld.
Sérstaklega þetta frábæra loforð í lokin:  "o.sfrv." Maður heldur bara áfram að græða og græða!
Það segir svo sína sorglegu sögu að börnin fengu að fara samt sem áður, enda er maður oftast varnarlausastur gegn þessari tegund af "þjófnaði."
Það hefur því líklega verið stærðfræðingurinn snjalli sem hló alla leið í bankann.
F.

#1968    Mig langar að benda á óvenjulega innheimtu skilagjalds Pennans/Eymundssonar á bókum. Okkur hafði verið gefnar nokkrar eins bækur í skírnargjöf dóttur okkar, svokölluð "Dagbók barnsins", og þegar við ætluðum að skila þeim í verslun Eymundssonar í Kringlunni var okkur bent á að vegna þess að gefendur bókanna höfðu ekki fengið skipti-límmiða hjá Eymundssyni við kaupin þyrfti nú að innheimta 250kr skilagjald á bókunum. 
Okkur þótti þetta nú frekar undarlegt og eiginlega ómerkilegt af fyrirtækinu að rukka fyrir slíka "þjónustu" þar sem verið er að greiða til baka í formi inneignar.
Dagbók barnsins kostar 1.730kr. Þetta er því frekar há upphæð af þeirri bók. 
Hvað finnst lesendum um þetta? Er þetta kannski bara algjört smámál :-)
Margeir Örn Óskarsson 
(Nb. Kannski smámál, en samt. Þetta er ný leið fyrir fyrirtækið að ná inn aur og kennir manni kannski bara það að fá alltaf skiptimiða þegar maður kaupir bækur sem gjafir. Eiginlega ættu búðirnar ekki að selja bækur öðruvísi en með þessum miðum.)

#1967    Mig langar að benda á lélega viðskiptahætti Bakarameistarans. Þeir auglýsa tilboð mánaðarins sem er auðvitað bara gott en í auglýsingunni stendur "Rúnstykki og Kringlur 80 kr stk." Þarna álpaðist ég inn í dag og þá átti þetta ekki við um spelt- og þriggjakornarúnstykkin. Mér finnst ansi lélegt að orða auglýsingu svona ef þetta á ekki við um allar tegundir, bara þær ódýrari þar sem maður mætti ætla að hinar tegundirnar tvær væru dýrari í framleiðslu, ekki satt? 
Ég bendi á http://i42.tinypic.com/a2zmgi.jpg máli mínu til stuðnings.
Anna Arnarsdóttir
(ATH: Góðan dag, mig langaði bara að benda #1967 á að í Bernhöftsbakaríi eru öll
rúnnstykki á 50kr. Ég geri mér ferð niður í miðbæ, sérstaklega um helgar, til
að ná mér í ódýr og góð rúnnstykki! Birna)

#1966    Vildi bara benda á villandi auglýsingar Tryggðarkortsaugl. frá N1. Þar auglýsa þeir blákalt – 5 kr. afslátt af eldsneyti og –15% af vörum. Í sumum auglýsingum eru bara þessar tölur og ekkert meir. Í heilsíðum er svo í löngu máli útskýrt að 5 kr. fást með því að leggja saman kr. afslátt og afslátt í formi vildarpunkta. 15% eru bara af bílatengdum vörum. Í heilsíðunum er slegið upp tölum með risasparnaði hjóna. Þar er síðan kostulegur útreikningur á öllu sem þau þurfa að kaupa hjá N1 til að spara þessa upphæð.
Sævar

#1965    Dóttir mín á páfagauk sem við höfum alið á fóðri sem fæst í 500 gr. poka í Bónus.  Ég tek það fram að páfagaukurinn er við besta heilsu!
Þessi poki kostar í augnablikinu kr. 259.   En um daginn var þetta ekki til í Bónus, uppselt.  Fór því í Krónuna þar sem ég vildi ekki láta aumingja páfagaukurinn verða svangann.  Keypti þar kassa með 500 gr. af páfagaukafóðri.  Önnur tegund að vísu, en fóðrið samanstendur af sömu fræjum.  Og gettu hvað þessi kassi kostaði?   Kr. 699!!!!!!
Sem sagt: Páfagaukaeigendur: EKKI fara í Krónuna!
Karólína

#1964    Hver slær hendinni á móti helmingsafslætti í dag? Við kljúfum kreppuna í tvennt til hagsbóta fyrir heimilin því á 2fyrir1.is finnurðu aðeins og eingöngu 2 fyrir 1 tilboð eða vörur og þjónustu á 50% afslætti!
Semsagt: Alltaf helmingsafsláttur! Ekkert minna! Þetta kallar maður alvöru búbót á hinum síðustu og verstu …
Landsmenn hafa líka tekið framtakinu fagnandi. Við opnuðum fyrir ókeypis skráningar þann 12. desember og hér stöndum við í dag:
Skráðir notendur: 10.059
Útprentuð tilboð á dag: 50 að meðaltali (Yfir 2500 útprentanir síðan 12.12.2008)
Fjöldi samstarfsfyrirtækja: 28
Það er ókeypis að skrá sig á 2fyrir1.is – engar skuldbindingar, ekkert rugl, engar refjar og ALLTAF 50% afsláttur eða 2 fyrir 1 af vörum og þjónustu.
Dæmi um samstarfsaðila:
Argentína steikhús
Fosshótel
Rauðará
Tapas Bar
Dalía blómabúð
Fitness Sport
Löður
Vegamót
Gyðjan snyrtistofa

Gunnar Andri

#1963    Segir allt sem segja þarf. Þ.e.a.s. verðin  - http://pizzahut.is/maxie/files/File/matsedlar/TA%20Feb-Mar%202009.pdf

#1962    Maðurinn minn þarf að taka blópþrýstislækkandi lyf. Cosar Comp.  Honum var boðið samskonar lyf á ódýrara verði.  Svo fór hann að athuga þetta og kom þá í ljós að samheitarlyfið var 100 kr dýrara en Cosar Comp.  Yfirleitt þiggur maður samheitarlyfið hugsunarlaust.  En neytendur þurfa greinilega að gá að sér.
Sigrún

#1961    Vildi bara deila með ykkur einni okursögu sem ég finn engan botn í. Ég lenti
í því óhappi um daginn að týna bíllyklunum og átti enga varalykla. Því fór
ég upp í Heklu og ætlaði að fá þá til þess að smíða nýja handa mér.
Allt í lagi með það, þeir sögðust geta orðið við því en það myndi kosta
24.000 krónur! Fyrir hvað? Að skera út lykil?
Betra verður það þó ekki. Fyrir þessar 24 þúsund krónur fékk ég BARA
lykilinn. Enga fjarstýringu með til þess að geta opnað bílinn úr fjarlægð.
Það kann að vera ákveðinn lúxus en mér fannst þó skrýtið að ég væri að
borga 24 þúsund og fengi ekki eina skitna fjarstýringu með. Það kostar
víst 20 þúsund krónur aukalega að fá fjarstýringuna... 44 þúsund krónur
semsagt fyrir lykilinn með fjarstýringunni - Ein afborgun af bílnum.
Ég lét mig hafa þetta og pantaði lykilinn án fjarstýringu. Þegar ég kom að
sækja hann og til þess að borga, þá létu þeir mig fá lykilinn sem var eitt
það vanskapaðasta fyrirbæri sem ég hef á ævi minni séð. Venjulega er
fjarstýringin áföst við lykilinn sjálfan og hægt er að fella lykilinn inn
í hana. Í þetta skiptið var búið að taka fjarstýringuna af lyklinum og
láta mig fá hálfan lykil sem djóklaust lítur út fyrir að hafa verið
sagaður í tvennt. Ég get ekki einusinni fest lykilinn á lyklakippu!
Geta þetta talist eðlilegir viðskiptahættir? Hekla er hér komin í
yfirburðastöðu þar sem þeir geta í rauninni haldið bílnum í gíslingu or
rukkað mann um hvaða fjárhæð sem er.
Vonandi getur þú bent fólki á þessa peningagildru.
Guðmundur Páll Líndal

#1960    Í haust áður en bankahrunið mikla skall á með öllum sínum þunga, seldi hið lítilfjörlega bakarí Kornið í Lækjargötu öll brauð á 199kr á miðvikudögum. Síðan ákváðu þeir að verða bjargvættur litla mannsins í kreppunni og buðu öll brauð á 219 kr sem er 10% hækkun. Get ég vel skilið þá hækkun í ljósi hækkandi gengis í haust. Núna um daginn sá ég að öll brauð kosta 289kr sem er 45% hækkun síðan í október. Snúðar, vínarbrauð og annað bakkelsi hafa líka hækkað að jafnaði um 25%. Hver borgar 200 kr fyrir einn snúð? Þetta er ekki hægt, ég hélt að þegar þetta bakarí kæmi í miðbæinn myndi það færa okkur miðbæjarpúkunum eitthvað nýtt og ferskt. Nei OKUR og aftur OKUR þetta er dýrasta bakaríið í 101. Þetta er hrein svívirða og hvet ég alla til að snúa sínum viðskiptum eitthvað annað. Gömlu handverksbakaríin í 101 eru með langbestu verðin.
Palli

(07.02.09):

#1959    Þetta er ekki okur-ábending heldur ábending um svívirðilegan blekkingarleik Húsasmiðjunnar: http://yddarinn.blog.is/blog/yddarinn/entry/796403/

#1958    Það er dýrt að vera með njálg á þessum tíma. Pakki með 32 töflum af Vanquin 50mg kostar 7999 í Lyf og Heilsu! Fullorðin manneskja þarf að taka 8 töflur, 2 fullorðnar þurfa að taka 16 töflur. Svo eftir 2-3 vikur þarf að gera þetta sama. S.s. einn pakki dugar (vonandi) á tvær fullorðnar manneskjur. Ég þakka fyrir að vera ekki með stórfjölskyldu!
Óskar nafnleyndar
(ATH: Það er hagstæðara að leita til læknis og fá uppáskrifað Vermox, fyrir utan að það virkar mun betur en rauða litarefnið í Vanquin (Vermox er breiðvirkara ormalyf sem eyðileggur meltinguna í kvikindunum).  6 töflur í pakka kostuðu ca. 2000 kr að mig minnir í Lyf og Heilsu.  Hver tekur eina töflu, og er það endurtekið eftir 2-3 vikur og svo aftur eftir 2-3 vikur.  Margborgar sig og virkar betur.  2 skipti fyrir 4ja manna fjölskyldu kostar.)

#1957    Í hvert skipti sem ég fer í Ámuna að versla, þá er öllu stungið í poka og svo gefið upp verðið sem ég á að borga.
Svo kíki ég á nótuna og þá kostar pokinn 17kr.!
Er ekki venjan að spyrja hvort maður vilji poka ef hann kostar?
Og annað, það stendur á kvittuninni:

Samtals: 2.280.-
Afsláttur: -1
Til greiðslu: 2.281.- 

Þarna er stolið krónu af manni í hvert skipti sem maður verslar! Ekki há upphæð, en engu að síður til skammar, og glæpsamlegt afthæfi!
Svavar
(Nb. Kannski spurning að hafa orð á þessu við afgreiðslumanninn?!)

#1956    Hér að neðan sést gott dæmi um haugalýgi og vafasama viðskiptahætti, BT er að auglýsa vaxtalausa helgi og í raun eru þeir að rukka 11,25% vexti sé miðað við hvað nákvæmlega eins tölva kostar í Tölvutek (neðar á síðunni).

#1955    Elektro kveikjari í Olís Álfheimum kostar 391kr ef að það er ekki rán um miðjan dag þá veit ég ekki hvað. 

(06.02.09):

#1954    Ég kem stundum við í Krónunni á Bíldshöfða til að kaupa í matinn. 19. janúar s.l. keypti ég þar Toro grýtu Bolognaise og kostaði hún þá 398.-kr.pakkinn. Nú í dag, 4. febrúar 2009 er verðið á þessum pakka komið upp í 490.- kr. pakkinn. Mér finnst nokkuð mikið að slíkur pakki hafi hækkað um 23% á aðeins 15 dögum. Það er alveg ljóst að maður kastar mörgum krónum á því að versla í Krónunni.
Óskar

#1953    Samanburður á verði millum Apple store í USA, Ástralíu og Apple umboðinu á Íslandi:
Í Apple búðinni í USA (www.apple.com) er verðið á iMac 24" 
24" iMac2.8 GHz 
2.8GHz Intel Core 2 Duo
2GB memory
320GB hard drive
8x double-layer SuperDrive
ATI Radeon HD 2600 PRO with 256MB
Free shipping!
http://store.apple.com/us/browse/home/shop_mac/family/imac
USD: 1,799 * 114 á gengi dagsins (5.febrúar) = kr. 205.086
Í Apple búðinni í Ástralíu (www.apple.com.au) er verðið á sama iMac 24"
AUD: 2.399 * 73 á gengi dagsins (5.febrúar) = 175,127 kr 
Í Apple umboðinu á Íslandi kostar þessi sama tölva í dag littlar kr. 359.990 
Mismunur við USA: kr. 154.904
Mismunur við AUD: kr. 184,863
Það mætti því kaupa sér TVÆR iMac tölvur í Ástralíu og bland í poka fyrir afganginn og svo gott sem það sama í USA.
OKUR!!
Makkaaðdáandi 

#1952    Ég hef átt iPod síðan um mitt ár 2005 og hann hefur virkað eins og draumur allan tímann, þangað til upp á síðkastið, svo ég fór til Apple og ætlaði að láta gera við hann. þar var mér sagt að vegna aldurs tækisins (3 1/2 árs) mættu þeir ekki gera við hann! er þetta réttlátt? 
Bryndís 

#1951    Ég fór í dag í Bónusverslun á Vesturlandi og á meðal þess sem ég sá var Sensodyne tannkrem. Ég leit á verðið á tannkreminu og sá að lítraverðið á Colgate var eitthvað um 2.800 krónur. Þarna var líka Euroshopper tannkrem á um 1000 krónur lítrinn. Svo sá ég Sensodyne tannkremið: Það kostaði bara 664 krónur lítrinn. Frábært! Ég hlýt að taka það, óvenjulega gott verð reyndar. Áður en ég tók þetta ódýra Sensodyne tannkrem varð mér litið aðeins til vinstri í hilluna. Þar var sams konar verðmiði, á sams konar vöru. Þar stóð að lítraverðið væri 6.640 krónur, en ekki 664 krónur eins og verðmiðinn hægra megin gaf til kynna. Ég tek það fram að þetta var sama varan og greinilegt að mistök höfðu átt sér stað við gerð miðans, þar sem augljóslega vantaði eitt núll í lítraverðið. Ég er ekkert að fjargviðrast sérstaklega yfir því að lítraverðið hafi misprentast, enda geta mistök átt sér stað hvar sem er.

Nú kemur að skemmtilegasta partinum. 
Ég fann unga og vingjarnlega stúlku sem vann í versluninni og sagði henni af því að ég vildi sýna henni mistök í verðmerkingu sem gæfu til kynna að verðið væri tíu sinnum lægra en það væri í rauninni.

Ég: Sjáðu, hérna er verðið 664 krónur, en hérna 6.640. Þetta er sama varan og þess vegna heldur fólkið að þetta sé 10 sinnum ódýrara en það er í raun.
Hún: Já, fólk skoðar ekkert þetta verð (sagði hún um lítraverðið eins og það væri bara til skreytingar)
Ég: Hvað meinarðu!!!??? Fólk verður að vita lítraverðið ef það á að meta hvað hlutirnir kosta. Alveg eins og það notar kílóverðið til að meta verðið á kjöti... 
Hún: Allavega þekki ég engan sem gerir það...
Ég var bara heppinn að sjá þetta áður en ég gerði þessi „góðu kaup".
Mér finnst þetta vekja upp enn meiri spurningar um verðvitund þjóðarinnar ef starfsfólk verslana skynjar ekki einu sinni mikilvægi þess að sjá rétt einingaverð...
Kristinn Leifsson

#1950    Vildi koma með ábendingu varðandi bleyjumarkaðinn á Íslandi. Á sjálfur 4ra mánaða son og höfum við hjónin gert óformlega gæða- og verðkönnun. Höfum komist að því að Europris bleyjurnar sem fást í Bónus er að meðaltali 50% ódýrari en sambærilegar bleyjur (Pampers, Friskies og Huggies), ~15kr/stk á móti 30-35kr/stk. Jafnframt eru þær rakadrægari. Er þetta einnig reynsla annarra foreldra sem við þekkjum. Orðið á götunni er að bleyjuútbrot komi síður með þessum bleyjum. Sel það ekki dýrara en ég keypti það. Tel VIP bleyjurnar í Krónunni ekki með í þessarri úttekt þar sem gæði þeirra eru mjög léleg.
Erik Eriksson

#1949    Þurfti að fá þér þrennskonar lyf. Hringdi í tvö apótek, Lyf og heilsu í Mosó og Rimapótek í Grafarvogi og náði með því að spara mér rúmar 3.800 kr. 
 
Lyf og heilsa  Lyf og heilsa 
Amitriptyline 10 mg. 28x6 3.400,-   850,-  Mism.  2.550,-  eða  75%.
Pakodín 100 stk. 1.526,-  1.220,-  Mism.  306,-   eða  25%
Ovestin  2 mg  30x3 4.950,-   3.960,-  Mism.  990,-  eða  20%
 Samtals:  9.876,-   6.030,-  Mism.  3.846,-  = 38,9%

Sesselja Guðmundsdóttir

#1948    Það er ótrúlegt hvað fyrirtæki meta lítils núverandi viðskiptavini sína og langtímaviðskiptasambönd. Í tíu ár hef ég verið viðskiptavinur World Class og mánaðargjaldið verið dregið af Visa kortinu mínu allan þann tíma án hléa. Undanfarið hefur WC auglýst ýmis tilboð eins og gengur og gerist. Borga einn mánuð, fá annan frían, og tilboð til ýmissa stofnana og fyrirtækja um ókeypis líkamsrækt með einhverskonar sektarfyrirkomulagi.
Hringdi ég á skrifstofuna og spurði hvort að þessi fínu tilboð væru ekki í boði fyrir alla viðskipavini en fékk það svar að þannig virkaði þetta ekki.  Sagði ég þá upp kortinu mínu enda finnst mér að þeir kúnnar sem eru búnir að vera lengst í viðskiptum eiga að vera með bestu kjörin og tilboðin. Var uppsagnarfresturinn á samningnum heilir 6 mánuðir sem ég vissi svo sem af þegar ég gerði samninginn. Var síðan að fara yfir yfirlitið í heimabankanum og sá þá að upphæðin hafði hækkað úr ca. 12.875 í 14.420. Fannst skrýtið að fá enga tilkynningu og hringdi því WC. Fékk þau svör að þetta væri eðlileg vísitöluhækkun eins og kveðið væri á um í samningnum og ætti því ekki að koma á óvart. Þau hefðu líka ákveðið í góðmennsku sinni að hækka „bara“ um 12% en ekki 18% sem þau hefðu alveg mátt gera.
Það er ótrúlegt að World Class skuli vera að hækka verðskrána á sína traustu kúnna á meðan þeir bjóða nýjum kúnnum upp á ókeypis líkamsrækt og ýmis önnur tilboð. Eins sé ég ekki betur en að kúnnum hafi fjölgað verulega undanfarið sem ætti að draga úr þörfinni á að hækka verðskrána. Heyri á mörgum gömlum kúnnum að þeir eru hundfúlir út í WC og ætla annað með sín aukakíló.
Ragnar

#1947    Mig langar að láta ykkur vita um vægast sagt dýrt skyr, 200 gr dós sem er selt í Átak, líkamsrækt á Akureyri. Verðið á 200 gr. dós er ekki NEMA 350 krónur. Eins svona skyrdós í Bónus kostar um 90 kr. Ef þetta er ekki RÁN, hvað er þá rán?
Trausti

#1946   Get ekki orða bundis vegna þess að dóttir mín var að segja mér 
frá því að hún hafi ekki getað notað debet kortið sitt sem ég gaf 
henni í jólagjöf og var frá Kaupþing-banka (Gjafakort) 
Hún ætlaði sem sagt að greiða reikning sem var upp á rúmar tíu 
þúsund og rétti gjaldkera kortið en fékk þá svar að ekki væri hægt 
að borga reikninga með þessu korti (Þetta var í kaupþing-banka) 
Ég hefði nú haldið að þetta kort væri sama og peningar en svo 
er víst ekki. 
Af hverju er alltaf verið að gera fólk að "fíflum"? spyr sá sem ekki veit 
Er enginn mettnaður í bankakerfinu til að vera mannleg. 
Gísli Sigurgeirsson

#1945    Mig langar að segja þér smá sögu af undarlegum og jafnvel ólöglegum viðskiptaháttum.
Málið er að ég á inneignarnótu í Byggt og Búið, útgefna 08.12.2008 í Smáralind.
Í dag átti ég erindi í Smáralind og sé þá að það er rýmingarsala í Byggt og Búið og ákveð að drífa mig að versla fyrir inneignarnótuna svo að hún yrði ekki ónýt.
Ég tíni saman nokkra hluti og fer að kassanum til að gera upp, dreg upp mína inneignarnótu en þá er mér sagt að ekki sé hægt að taka við henni,
inneignarnótur gilda ekki á rýmingarsölunni, mér þótti þetta undarlegt og spyr hvar þetta sé auglýst og lít í kringum mig til að athuga hvort mér hafi yfirsést einhver auglýsing um það en hvergi var hana að finna og staðfesti afgreiðslumaðurinn það.
Rökin fyrir því að ég gat ekki notað inneignarnótuna voru þau að þetta væri til þess að koma í veg fyrir að farið yrði með vöruna í Byggt og Búið í Kringlunni og henni skilað þar og þá á fullu verði. Ég verð að viðurkenna það að þegar ég hlustaði á þessi rök fór um mig undarleg tilfinning, við skulum bara kalla það reiði, mér var mjög misboðið. 
Nú vildi ég gjarnan fá að vita hvort svona vinnubrögð eru lögleg, allavega eru þau siðlaus og ekki þessari verslun til sóma.
Þorbjörg Hannesdóttir

#1944    Í Hafnarfirði er lítil (krúttleg 20 fermetra) fiskbúð sem heitir Litla fiskbúðin. Þar er hægt að kaupa sér í soðið alla daga vikunar (nema sunnudaga) mjög ódýran GÓÐAN fisk. Kílóverð á ýsu án roðs og beinhreinsuð er 890 en með roði 790. Stundum er tilboð en þá fer ýsan niður um 100 kr. Litla fiskbúðin á því heiður skilið að geta loksins boðið almenningi GÓÐAN fisk á viðráðanlegu verði. Litla fiskbúðin er í norðubæ Hafnarfjarðar (fyrir aftan Samkaup). og er rekin af feðginum. (að ég held). 
Einn fastakúnni

#1943    Þar sem ég og konan erum ad fara ad fjölga íslendingum um einn nú í februar til ad skuldir Íslendinga dreifist á fleiri hendur, þá hef ég verid ad skoða bílstóla. Nidurstadan virdist ekki vera gód fyrir tryggingafélögin sem eru dugleg ad auglýsa sig bædi í blödum og á netinu sem lang hagkvæmasta kostinn.

Sjóvá auglýsir 40% afslátt fyrir vidskiptavini sína sem eru í stofni og tala þá um af ALMENNU verdi.
   Dæmi tekid af heimasídunni:

   Britax eclipse si fyrir 9-18 kg ALMENNT VERD 34395 stofnfélagar 20637
   þú semsagt sparar heilar 13758 kr.   hmm...

   Nákvæmlega sami stóllinn i Olavia&Oliver..
   Britax eclipse si fyrir 9-18 kg 23900 án nokkurs afsláttar,en bodid er
   uppá 5% stgr afslatt þar svona almennt.
   23.900  Þad er eins gott ad tad er ekki ALMENNT verd þvi þá þyrfti Sjóvá
   ad selja þessa stóla á 14340 midad vid 40% afslátt.

Svo auglýsir VÍS stóla til leigu sem er ágætur kostur fyrir marga sérstaklega þar sem 3 stærdir eru í bodi þannig ad þegar barnid vex uppúr stólnum skiptirdu honum bara upp í þann næsta bara slétt skipti og ekkert vesen.  Einn stór galli, fyrsti stóllinn og sá sídasti eru uppseldir og er bidlisti i gangi, þá gæti farid svo ef madur er (heppinn) ad fá stól ad þegar barnid vex uppúr honum þá er ekkert annad i stödunni en ad kaupa sér næsta stól. Allaveganna þá hljóma þessi tilbod hjá tryggingafélögunum mikið betur en þau raunverulega eru.
Jörgen Sigurðsson
(Svar: Sæll Jörgen , 
Mig langar til þess að byrja á að óska ykkur til hamingju með væntanlega fjölgun núna í febrúar. 
Það skiptir svo sannarlega miklu máli að huga vel að öryggi barna í bílum og hefur það verið Sjóvá mikilvægur þáttur að geta stuðlað að því.
Fyrir þá sem eru viðskiptavinir í STOFNI hjá okkur standa til boða  barnabílastóla tilboð, bæði hjá N1 og  Ólavíu & Óliver. Þessar verslanir eru með mismunandi vöruframboð, en eitthvað af sömu stólunum. Hinsvegar er verðlagningin ekki sú sama hjá þeim, þrátt fyrir að um sömu vöru sé að ræða. Það er alfarið í þeirra höndum að sjá um að verðmerkja sínar vörur og svo er það okkar að semja um afláttarkjör fyrir okkar viðskiptavini. 
Dæmið lítur því svona út: 
                                   Britax Eclipese SI fyrir 9-18 kg

Ólavía og Óliver Verð 23900 / með afslætti 16.730 krónur
N1 Verð 34.396 / með afslætti 20.638 krónur

Ég vona að þið getið nýtt ykkur þetta tilboð og einnig vill ég segja ykkur frá Sjóvá Forvarnahúsinu ef þið eruð með einhverjar spurningar varðandi öryggi barna, hvort sem það er í bílum eða á heimili. 
Gangi ykkur vel, 
Eva Björk – Sjóvá)

#1942    Ég og unnusta mín fórum í hagkaup Garðabæ um daginn að versla okkur Ferrari barnabílstól, mér fannst þetta ágætis hugmynd því ferrari er frægt merki fyrir gæði. En allt kom fyrir ekki og þegar ég ætlaði að festa stólinn í bíllin þá brotnaði festingin sem heldur beltinu utanum stólin og heldur stólnum föstum í bílnum. Ég fékk þá stólnum skilað og endurgreitt. Eftir á að hyggja sá ég hvað er málið,  það er þessi sveif sem er notuð til að herða niður stólin er úr plasti og er algjört drasl.
Ármann

#1941   Langar að benda á mikinn verðmun á barnabílstólum af sömu gerð. Britax first class fæst bæði í Ólafíu og Óliver Glæsibæ á 29.900 og hjá N1 á 39.415. Ég spurði starfsmann (Örnólfur) N1 hvernig stæði á þessum verðmun og hann gaf þá skýringu að hann skildi þetta ekki þar sem Ólafía og Óliver keyptu stólana af þeim. Ég er sjálf í stofni og fæ því 40% afsl af stólunum hjá N1 en 30 % hjá Ólafíu og Óliver en þrátt fyrir minni afsl sem slíkan þá verður stólinn alltaf ódýrari hjá Ólafíu og Óliver.
Finnst svona einkennilegt þar sem við erum ekki að tala um einhverjar nokkrar krónur í verðmun á sömu vörunni heldur tæpar 10.000 kr og það munar um minna.
Andrea

(04.02.09):

#1940    Langar að benda á hársnyrtistofu sem er ekki OKUR.  Herraklipping 2900, dömuklipping 3100. Engar tímapantanir bara mæta á staðinn, góðir fagmenn. Stofan  heitir Hárflikk og er á horni Miklubrautar og Lönguhlíðar í litlum bílskúr, Lönguhlíðarmeginn. Ef frekari upplýsinga er óskað er síminn 8625186.
Einsi

#1939    Ég var í Strax Samkaup verslun áðan og ætlaði að kippa með mér 2l Coke flösku og verðið barði mig allveg fast í fésið. 330 kr fyrir tveggja lítra flösku! Hvað er að gerast þarna??
Ekki langt síðan ég gat farið í bónus og keypt 2l coke á 99-120 kr. Dýrustu sjoppur og video leigur hafa verið að selja flöskuna á 250-270 kr er það dýrasta sem ég hef séð en þegar svona fyrirtæki er farið að selja flöskuna á 330 kr og fela sig bakvið kreppuna svona eins og baugur/hagar gera með 10/11  er bara fáránlegt. Þeir eru semsagt bara búnir að ákveða að laga framlegðina hjá sér svona helv mikið með 300% plús kr álagningu? Þeir eru að fá flöskurnar á sama verði inní búðir samkaups og allra hinna en þetta verð er bara bull.
Kókisti

#1938    Nú er svo komið að endurnýja þarf eitt og annað í pennaveski guttans 
(7 ára) og er hann m.a. orðin uppskroppa með tréliti.
Í dag 3. febrúar 2009 fór ég á stúfana og byrjaði á því að fara í 
Eymundsson í Hafnarstræti á Akureyri.
Þar kostuðu 24 Faber Castell trélitir 3400 krónur (rúmar) sem þýðir að 
hver litur í pakkanum kostar rúmlega 141 krónu.
Mér fannst þetta heldur dýrt þannig að ég ákvað að kíkja í fleiri búðir.
Næst lá leið mín í Office1 á Glerártorgi og þar kostaði sama vara 24 
Faber Castell trélitir 1799 krónur eða um það bil 75 krónur liturinn.
Þetta finnst mér ótrúlegur verðmunur á sömu vöru.
Sólveig

#1937    Langar að segja frá okurverði úti á landsbyggðinni.
Lét kaupa fyrir mig í Bónus, 10 stk smjörlíki og 10pk kaffi. Þetta kostaði kr.7.700.-. Í minni heimabyggð kostar samskonar karfa kr.13700.-
Mismunurinn er s.s. kr.6.000.-
Nafnleyndar óskað

#1936    Keypti mér máltíð mánaðarins á KFC en þurfti að kaupa mér gos aukalega því að máltíðum mánaðarins fylgir ekki gos á KFC.
Einnig fórum við fjölskyldan á American style þar sem auglýst er að sá yngsti borði frítt en þegar til kom þurfa víst að vera fjórir í fjölskyldunni til að tilboðið gildi Þetta kalla ég vörusvik.
Valgerður María

(03.02.09):

#1935    Værir þú til í að setja eftirfarandi í umræðuna í neytendahorninu?
Þetta varðar eitrið ASPARTAM

Sjá viðhengi og eftirfarandi vefsíður.
http://video.google.com/videoplay?docid=-566922170441334340

http://vald.org/greinar/040808.html

Siggi Jensson / www.ymislegt.net / þar fæst einnig Tinna svunta!

(ATH: Ekki drekk ég gos með Aspartam, reyndar ekkert gos, bjór er miklu „hollari“, amk. betri, en Aspartam umræðan hefur kostað mikinn æsing hér heima (þar sem allar samsæriskenningar eru gripnar á lofti) og hefur alltaf farið aðeins í taugarnar á mér, veit ekki hvað er satt og rétt en sbr. http://www.vantru.is/2007/01/26/08.00/ þá er amk. ekki gefið að þetta sé stórhættulegt og allt í lagi að hafa bæði sjónarmiðin á hreinu. Valgarður)

#1934    Ég keypti 715 gr. Cherioospakka (hunangs) í Hagkaupum á laugardaginn. Það er nú ekki í frásögur færandi nema að ég skrifaði hjá mér verðið á hillunni og bar svo saman við verðið sem kom upp á kassanum. Það var svolítið skemmtilegt. Á hillunni stóð 577 það sem ég borgaði var 699. Það var ekkert mál að fá mismuninn endurgreiddan en maður er nú ekki að bera þetta saman á öllu sem maður kaupir. Ætli þetta sé algengt? Það er frekar dapurlegt að geta ekki treyst að vörur séu rétt verðmerktar. Ég hélt að það væri búið að argast svo mikið í þessu að þetta væri nú orðið í lagi. En heldur betur ekki.
Sigrún Finnsdóttir

#1933    Ég hef sjaldan verið jafn svekktur og með Sporthúsið sem er að auglýsa vilt og galið. Ég fell fyrir þeim pakka og tók árs samning. Eftir 2 mánuði sá ég að Sporthúsið er alls ekki minn staður og fór. Ég meiddist einnig aðeins og stoppaði þetta allt. Ég sagði upp samningi með 3 mánaða uppsagnarfresti. Það er semsagt að gefa þeim 3 mánuði frítt. 
Og ekki nóg með það, þá greiðir maður sér samningsgjald einnig við byrjun. Eftir 3 mánuði hélt ég áfram að fá 4.900 kr í bankann. Ég hringdi og fékk þær upplýsingar að ég hefði sagt upp samningi og ætlaði mér ekki að vera þarna áfram. En þá kom í ljós að ég hafi verið settur á fyrirtækjasamning sem er ekki hægt að rifta. Þannig að ég þarf að greiða alla 12 mánuði þótt ég mæti ekki og þótt ég hafi skrifað undir uppsögn. Sporthúsið er núna að auglýsa grimmt til að fá ungt fólk inn til sín úr skólunum og binda það niður í ár. Ef krakkarnir hætta þá eru þau samt að borga í ár. Þetta er ekkert annað en stuldur á peningum. Fólk hefur yfirleitt alltaf þá hugmynd að þú getir hætt ef þér líkar ekki staðurinn eða eitthvað kemur upp, en það kemur Sporthúsið alveg í veg fyrir með því að stela af þér peningum.
Þetta er klárlega rán og siðlaust, það getur vel verið að þetta sé í skilmálum, en ef fólk vill komast í burti þá er það einfaldlega ekki hægt. Fólk getur ekki farið annað því það þarf að greiða af sporthúsinu. Þannig að það er að neyða sig til að mæta þangað. Það vill enginn vera að borga af 2 stöðum á sama tíma heldur.
Erling Valur Ingason

#1932    Ég þarf að láta aðeins vita um það sem ég kalla OKUR OG SVINDL.
Ég fór í gær 1.feb. í Intersport í Lindum Kópavogi, var ég að leita að snjóbretti fyrir 6 ára
Barnabarn mitt.  Þegar ég kem þangað inn þá sé ég bretti og er það merkt 12.990,- og taldi
Ég mig hafa himin höndum tekið og ætlaði að kaupa þetta bretti.
Nei aldeilis ekki brettið var merkt á plastinu með fyrrgreindu verði en svo var stór miði undir 
Brettinu og þar stóð 22.990.-  fannst mér þetta nú heldur betur vera eitthvað sem ekki var í 
Lagi, en afgreiðslumaðurinn stóð fast á sínu og sagði að þetta væri eitthvað ekki rétt verð.
BRETTIÐ KOSTAÐI 22.990,- OG EKKI KRÓNU MINNA  en svo var 20% afsláttur af þessu verði.
Þau svör sem afgreiðslumaðurinn kom með voru með ólýkindum. 
Þetta hefur kannski verið verðið á gömlu sendingunni og svo var það hækkað.
Nei ég get ekki sætt mig við þetta og það engan veginn.
Tel ég að þarna komi hið sanna í ljós varðandi ÚTSÖLURNAR núna.
Verðið er hækkað eins og í þessu dæmi um 10.þúsund krónu og svo veittur skitinn 20% afsláttur.
Ég ákvað að kaupa ekki brettið en lét þessi í stað heyrast vel í mér að þetta væri það alvesta svindl
Sem ég hefði orðið vitni af og ætlaði ekki að versla þarna hvorki núna né seinna.  Og ég ætlaði að 
Láta vita af þessu.
Það er með eindæmum hvað hægt er að gera núna á þessum síðustu og vestu dögum.
Ákvað að senda þetta til þín, en þetta er sennilega það sem gert er til að ná upp í „Næstu“ sendingu.
Bergþóra M. Jóhannsdóttir

#1931    ÉG FÓR Í Múlakaffi og keypti Þorrabakka fyrir 2 og borgaði 4500 kr (hefði mátt vera 2500). En nennti ekki að fara annað svo ég lét taka mig í görnina. En viti menn það reyndist ekki vera neinn hvalur í pakkanum, svo ég fór í galleri fisk og kjöt og keipti flís á 3000 kr kílóið þetta var görnin tvö svo ég ráðlegg engum að fara á þessa staði til að ná sér í forna menningu.
Sigurjón Guðmundsson

#1930    Ég fór á útsölur í dag mánudaginn 2. febrúar 2009, ég fór í Debenhams í Smáralind, þar sem er auglýstur er 20%aukaafsláttur,  til viðbótar þeim sem áður hafði verið gefinn,sem virtist vera mest á bilinu 30 til 50%.
Ég hugsaði strax, ókei, það er 70% afsláttur af einhverjum vörum og leist vel á það.
Nú ég sá þarna fallega úlpu (fullorðins) sem hafði kostað kr: 14.990,- og var hún auglýst með 50% afslætti og 20% viðbótarafslætti, ég með hana að afgreiðsluborðinu til þess að fá endanlegt verð á hana.  Jú úlpan kostaði kr: 5.996,- og fannst mér það ásættanlegt og fjárfesti í flíkinni.
Ég fór svo heim og fór að skoða þetta betur, þar sem þessi endanlega upphæð stóð eitthvað í mér og ég fór að reikna út afsláttinn.

Debenhams reiknaði þetta svona:
fullt verð kr. 14.990.-
50% afsláttur kr: 7.495,-
verð eftir 50% afslátt kr: 7.495,-
20% afsláttur af 7.495,- kr: 1.499,-
og verðið því kr: 5.996,-

Ég varð mjög hissa, því ég skildi þennan viðbótarafslátt þannig að, það væri 70% afsláttur af flíkinni, og afgreiðslustúlkan sagði það meira segja við mig, að svo væri.

En samkvæmt minni reiknivél að þá liti verðið svona út
fullt verð kr: 14.990,-
70% afsláttur kr: 10.493,-
og endanlegt verð hefði þvi verið kr: 4.497,-

munurinn er því kr: 1.499,- sem mér finnst ég hafa verið snuðuð um.
Þannig að heildarafsláttur í þessu tilfelli er 60% en ekki 70%, og það getur nú munað um minna,
það eru reyndar spjöld um alla verslun, þar sem tiltekið er upphaflegt verð, verð m/50% afslætti og verð með viðbótar 20% afslætti. En ég gat ekki séð að það væri tekið fram á þeim, hvernig þessir afslættir væru reiknaðir út.
En ég er alveg viss um að meirihluti fólks, lætur heillast af þessu tilboði og heldur að það sé að fá 70% afslátt, mér þykja þetta frekar slæleg vinnubrögð og svona frekar til þess að svekkja viðskiptavininn heldur en til þess að gleðja hann.
Ég vil þó taka fram að Debenhams er mjög oft með góð helgartilboð og mjög góðan afslátt af vörum og hef ég mikið nýtt mér það, þó sérstaklega í barnadeildinni.
En ég vildi bara vekja athygli á þessu, þar sem ég flaskaði á þessu, að þá geta aðrir líka lent í því.
Ingibjörg R Þengilsdóttir

#1929    Ég ætlaði að kaupa 35w halogen peru (svona stóra í kastara) í Krónunni og sem betur fer rak ég augun í verðið 1990 kr stk, þar sem mig vantaði 3 stk.... nei takk, ákvað að vera perulaus áfram frekar en að borga tæpar 6000 kr fyrir 3 perur.
Fór í byko stuttu seinna og þar var stykkið á rúmar 700 kr.
hefði getað fengið stykkið á 500 kr ef ég hefði vilja aðeins minni.
Íris

(02.02.09):

#1928    Við hjónin fórum í gær í Mál og menningu á Laugavegi til að kaupa afmælisgjöf
handa vini okkar sem er fertugur. Fundum góða bók á þokkalegu verði og vantaði
svo kort til að fylgja með. Konan mín fann einfalt kort en sá ekki verðin í
standinum. Á meðan verið var að pakka gjöfinni, skrifaði hún í kortið og ég
borgaði. Ég hrökk aðeins við þegar konan á kassanum gaf upp verðið. Bókin
kostaði 3.990 kr. sem ég vissi, en kortið var á 795 kr!! Hvaða álagning skyldi
vera á því? 500% eða hvað? Þetta er óþolandi græðgi og því miður gátum við ekki
skilað kortinu því konan var byrjuð að skrifa í það. Hvað er eiginlega í gangi
með þetta lið? Ég meina hvers lags djöfulsins okur er þetta eiginlega. Þetta
verð er alveg út úr Q. Á sama tíma og bókaverslanir eru með útsölur, þar sem by
the way er hægt að gera ágætis kaup, taka menn sig til og selja fólki afmæliskort
á kr. 795!!!!!. Það er greinilegt að maður verður sífellt að vera á varðbergi
gagnvart kaupmönnum hér á landi. Lykilatriði er að finna út hvað hlutirnir
kosta áður en greitt er fyrir þá. Ég tek það fram að við hjónin höfum mjög
sterka verðvitund, og vorum því allt annað en sátt við þessi viðskipti. Þetta
skemmir klárlega fyrir viðkomandi fyrirtæki, og munum við hugsa okkur um
tvisvar áður en við styrkjum svona lið aftur. Ég meina get a grip, 795 kr.
fyrir lásí afmæliskort!
Jakob Aðils

#1927    Mig vantaði blek í dag þannig að ég kom við í Bóksölu stúdenta á leiðinni
heim úr skólanum. Blekið sem mig vantaði (Canon 3e Black) kostaði þar
2888kr og ég fékk nett áfall. Í byrjun janúar þá hafði ég keypt sama blek
á 1998kr í Eymundsson þannig að ég ákvað að fara þangað og athuga verðið
áður en ég fjárfesti í þessu rándýra blekhylki. Viti menn, verðið var
ennþá 1998kr. Þarna munar tæpum 900kr á einu blekhylki !!! Ég hringdi í
Bóksöluna og fékk þá skýringu að Eymundsson hlyti að eiga gamlan lager.
Veit ekki hvað er til í því en mér finnst þetta samt aðeins of mikill
verðmunur.
Óskar nafnleyndar
(ATH: Ég keypti mér um daginn blek í verslun í Ármúla 31 sem heitir Vitamin.is/Blek.is. Þetta eru "feik" blek en virka hinsvegar fullkomnlega. Prentaði út ljósmyndir með þvi og það kom alveg eins út eins og orginal blekin. Hver segir að þú verðir að nota orginal blek og pappír til að fá út góð gæði? Þú verður bara að fara í verslunina með númerið á blekinu í prentarann. Ég keypti 3x svar og 1x blátt 1x gult og 1x rautt og þetta kostaði um 3000kr. Elín)

#1926    Langaði að benda ykkur á verðið á einni peysu & einum bol útsölunni hjá Zöru í Smáralind.
Læt hérna mynd fylgja með, hún segir held ég allt sem segja þarf.
Vinstra megin byrjaði varan í 1,495kr & á útsölu er hún á 1,495kr 
Hægra megin byrjaði varan í 1,795kr & á útsölu er hún á 2,295kr ..
Þarna græddi ég sko á því að versla á útsölu, NOT!
Áslaug

#1925    Ég er í Ferðamálaskóla Íslands. Ég borgaði mín skólagjöld uppá 350.000 ISK og í
staðinn átti ég að fá kennslu á íslensku þar sem allt námsefni er á ensku. Svo
þegar við byrjum í Amadeus bókunarkerfinu þá kemur í ljós að enginn kennari er
í þessu fagi heldur kennir kerfið þetta sjálft og að sjálfsögðu Á ENSKU, maður
spyr kennarann út í þetta og maður fær svör alveg út í bláinn sem komast ekki
nálægt því sem ég var að spurja. Þannig ég þarf að mæta í tíma þar sem enginn
kennari er reyna að krafla mig í gegnum þetta á menntaskóla enskunni minni, það
er enginn til að leita hjálpar til með kerfið því maðurinn sem situr yfir okkur
hefur enga þekkingu á kerfinu. Á ég að þurfa að senda fyrirspurnir mína út til
IATA?
Þetta er kanski ekki okur en þetta er í alla staði laaaangt frá því að vera
ásættanlegt, en þar sem skólinn er einkarekinn hvert á ég að leita? Ég er búin
að leita til Menntamálaráðuneytisins en var vísað þaðan út á grundvelli þess að
skólinn væri einkarekinn. HVERT FÖRUM VIÐ ÞÁ!?
INGA HRÖNN

#1924    Ég fór í kvikmyndahús í kvöld og tók eftir því eins og oft áður að viðskiptavinir  nýja kaupþings fá sérstakan afslátt ef þeir greiða með korti nýja kaupþings. Ég er viðskiptavinur nýja glitnis , sem er eins og nýji kaupþing og nýji landsbankinn allir orðnir ríkisbankar. Ég spyr hvort þetta sé löglegt ?
Jónas

(30.01.01):

#1923    Ég fór, eins og margir Reykvíkingar gera á laugardögum, í nammiland í Hagkaup. Það á að vera svo ódýrt- maður fær nammið á hálfvirði. Fyrir ofan nammistandinn stóð stórum stöfum: 50% afsláttur á laugardögum. Mér finnst ég alltaf vera að græða- fyrir hver 2 nammi sem ég tek, fæ ég eitt gefins. 
Þarna stóðum ég og dóttir mín, köfuðum okkur leið í gegnum mannþröngina með hlaupkarla undir skónum. Ég náði tveimur broskörlum og við og við kallaði ég á dóttur mína til að athuga hvort hún hefði nokkuð troðist undir í öllum látunum. Fólk hamstraði, keypti jafnvel 3 troðfulla poka af alls konar nammi. Ég valdi nokkur nammi fyrir mig og spúsann, tók 2 af hverju og gafst loks upp eftir að finna að mér var orðið mjög heitt- leið eins og ég væri að reyna að komast fremst á Sálartónleikum, svo mikill var troðningurinn. 
Mér verður litið á fimmtuga konu þarna í mannþrönginni. Allir í kring virðast hverfa og ég fylgist með henni. Hún opnar nammiboxið á jarðaberjahlaupinu, treður höndinni ofan í, tekur eina lúku og setur í troðfullan pokann. Ég horfi á hana með vanþóknun og finn að mér verður óglatt. Hún tekur eftir mér og horfir skömmustulega á mig, snýr sér við og finnur sér leið út úr nammilandinu. Ég segi dóttur minni mjög hátt að við skyldum bara hætta við að kaupa nammið þar sem við værum að kaupa bakteríur, útskýrði fyrir henni háttsemi konunnar og sagði henni að sumir væru bara of dónalegir til að nota skeið. Hún lítur á mig með tárin í augunum og segist vera búin að velja besta nammið og að hana langi eiginlega ekki til að skila því.  Ég segi henni að næst munum við fara út í sjoppu á laugardögum í stað þess að ferðast alla leið í Hagkaup í nammilandið. 
Við komum að kassanum, borgum og göngum burt. Ég hef þann sið að skoða miðann sem ég fæ frá afgreiðslustúlkunni og rek ég þá upp stór augu, 975 krónur kílóið af sælgæti!!! Á venjulegum degi eru þetta sem sagt um 2000 krónur kílóið! Ekkert skrýtið að Okurkaup (það ætla ég að kalla Hagkaup héðan í frá) skuli ekki láta verðið standa fyrir ofan nammilandið. Þess ber að geta að í sjoppunni í Grafarholtinu kostar kílóið bara 1690 krónur á venjulegum degi.
Ég heiti því héðan í frá að versla ekki nammi þarna aftur - þó ég fái sýkla í kaupbæti.
Inga Jessen (http://www.atvinnulaus.blog.is)

#1922    Mér datt í hug hvort þú vissir af því hvað tryggingar á bifhjólum eru háar hér á skerinu? Ég fékk um daginn yfirlit frá VÍS um mínar tryggingar, þar var að finna listaverð upp á 680þ fyrir árs tryggingu fyrir bifhjól. Síðan kemur afsláttur vegna viðskipta bla bla bla og endanleg tala um 99þ. Ef maður skoðar þetta að þá er það slysatrygging ökumanns sem er aðal þátturinn í þessu okri. Fyrir 4.árum fékk ég tilboð frá Danmörku og Noregi fyrir samskonar hjól og ég var að tryggja hér og  þá var verðið um 4.000 dkr nkr úti en hér heima fékkstu gíróseðill upp á 480.000 þ og síðan hófst prúttið við umboðsmanninn um hvað ættir að borga. Það er merkilegt að enn í dag þarf maður að ganga á milli tryggingarfélaga og biðja um tilboð til að reyna að lækka pakkann og allt kemur það upp hjá þeim æææ þú átt mótorhjól þar fór í verr. Síðan er vaðið í ósmurða görnina á manni og ekki boðið vaselín (sorry er pisst út í þessa okurhunda).
Hannes H. Gilbert

#1921    Langar að benda á eina verslun sem ég hef sérstaklega tekið eftir að beinlínis að okra á viðskiptavinum og ég bara fæ ekki skilið að nokkur versli þar lengur. Sú ágæta verslun heitir Olís. Það gekk endanlega fram af mér þegar dekkjahreynsirinn sem ég greiddi um 800 krónur fyrir fyrir cirka ári síðan kostaði tæpar 1.800 í dag. Líter af ísvara kostar þar núna tæpar 1.200 krónur og ég gæti lengi haldið áfram. 
Fyrst við erum að tala um olíufélögin má líka benda á að það er ekki lengur neinn teljanlegur munur á því að nýta sér þjónustu starfsmanna á plani og að dæla sjálfur. Var á Ítalíu í sumar og þar var þessi munur cirka 12 kr. ISK en hefur hér verið 2 Krónur svo lengi sem ég man eftir mér. Skil ekki hvað fólk er sofandi yfir þessu. Það er greinilega tilbúið að vinna frítt fyrri þessi góðu félög sem hugsa svo mikið um hagsmuni viðskiptavina sinna eða þannig. Eins er áhugavert að sjá hvað Atlansolía er tilbúin að taka þátt í sukkinu þrátt fyrri fallega byrjun. 
Vilhjálmur 

#1920    Á bls. 17 í fréttablaðinu 29.01.2009 er auglýst
rýmingarsala í Byggt og búið Smáralind. Auglýstur er lágmarksafsláttur
30% og allt að 80%. Ég var í þessari búið í dag og þar var ekki ein
vara á meira en 30% afslætti. Talaði meira að segja við starfsmann sem
tjáði mér að allt í búiðinni væri á 30% afslætti. Þetta finnst mér
svindl á háu stigi til að lokka fólk í búðina.
Nafnleyndar er óskað
-----
Okur #1774 - 1919 eru hérrrrrrrrrrrrrrrrrrrrnaa.

Veistu um svakalegt okur? Láttu vita!