31.12.09
Ótvírætt merki um að jólin séu
að verða búin:
Ekkert nema vondasta makkintossið eftir í dollunni. Og mandarínurnar
farnir að vera vondar á bragðið.
---
En það eru náttla jól þar til á
þrettánda. Og nú er gamlárs. Ég hef keypt
mér vindil í Björk. Úrvals Balmoral á
1500 kall. Kostaði 1000 í hittifyrra. Í fyrra gleymdi
ég að kaupa vindil. Fann um kvöldið að mig dauðalangaði
að reykja árið út. Fór á Mímisbar
á Hótel Sögu og ætlaði að kaupa eitthvað,
en útlendur barþjónn var bara með leiðindi
og sagði að ég ætti að fara á bensínstöðina.
Eins og hún væri eitthvað opin kl. 8 á gamlárskvöld.
Varð að láta mér Capri nægja, sem er auðvitað
skítt. Ég var flugeldasjúkt barn en hef ekki enn æst
Dagbjart upp í þetta. Við förum samt og styðjum
hjálparsveit á eftir.
---
Ég fór á frumsýningu Mömmu Gógó
í gær eins og fínn maður. Hér eru allir
að klappa að mynd lokinni. Friðrik Þór fór
sem betur fer ekkert að væla um niðurskurð á ríkisstyrkjum
heldur sagði bara takk. Ég get því miður
ekki tjáð mig meira um þessa mynd, en bendi á Fbl
á laugardaginn.
---
Ég er ekki búinn að sjá Bjarnfreðarson,
en maður drífur sig nú í þessu langa æðislega
fríi sem er framundan. Fór hins vegar á Avatar í
3D með Dagbjarti. Það var nú gaman. Mig langar eiginlega
aftur. Þetta er bara indjána og kabboj mynd í geimnum
og svaka ævintýri og upplifun. Haukur morðingi segir á
Facebookinu sínu að hann hafi æsts upp fyrir bláu
stelpunni og urðu nokkrar umræður þar um. Sjálfur
hugsaði ég aldrei með neðra á Avatar, datt það
ekki í hug. Bara ekkert við þriggja metra bláar
geimverur sem kveikir í mér. Bogi Reynisson kom með skemmtilegt
komment - sagði að Haukur ætti að tékka á
Þorgerði Katrínu, hún væri líka stór
og blá. He he. Nú er að vona að Haukur útlisti
þetta frekar á kvikmyndabloggi sínu, Snobbhænsn.
---
Ha, Icesave? Æi fokk maður. Ekki það plís.
Ef Bjarni Ben og Froðufellir eru á móti einhverju þá
svona hallast maður að því að vera með því
þótt það sé skítt að þurfa
að skeina Björgólfi Thor, sem á sama tíma
er bara í stuði að kaupa gufu. Hvar er þetta helvítis
Nýja Ísland?
---
Ég get alveg komið með myndlíkingu og það
af sjónum meira að segja. Skipið er sokkið. Í
björgunarbátnum ættu menn að róa í
sömu átt til að komast frá niðursoginu. Þeir
gera það ekki heldur róa sitt í hvora áttina
svo báturinn snýst bara í hringi og allir eru orðnir
dúndrandi sjóveikir um borð. Margir ælandi.
---
Stundum, í verstu geðvonskuköstunum, er maður orðinn
ógeðslega leiður á að vera Íslendingur.
Vonar bara að við segjum fokk jú að borga Icesave, hér
fyllist í kjölfarið allt af breskum herþotum og þessu
helvítis fávitaskeri verði komið í erlenda
forsjá því íslenskir embættismenn eru
svo miklir fávitar. Nei, allir Íslendingar eru XD-krossandi
fávitar. Við erum fávitaþjóð í
fávitalandi. Í verstu geðvonskuköstunum, sagði
ég.
---
Ég átti ekkert að lesa svo ég gróf
og fann ÞÞ í Fátæktarlandi eftir Pétur
Gunnarsson sem ég hafði fengið þegar hún kom
út 2007 og einhverra hluta ekki lesið, kannski af því
ég las þetta,
sem er það fyrsta sem gúgglið færir manni. Ég
er alveg ósammála Sigurði því bókin
er frábær. Kannski ekki eins frábær og Þórbergur
sjálfur en maður fyllist nokkrum eldmóði við
að lesa þetta - vill vera duglegur og einbeittur eins og ÞÞ.
Lifa lífinu! ÞÞ var allur í kjellingunum og það
er alltaf gaman af svona listamannaklíkum eins og í Unuhúsi
og Mjólkurfélaginu. Ungt og leikur sér. Djöfull
væri nú sniðugt að gera biopic um ÞÞ/HKL
á þessum tíma, 1920-30. Fortíðin er alltaf
svo spennandi.
---
Ég ætlaði að vera búinn með RLPK-pródjektið
(50 stk) fyrir jól en svo gerðist ég morgunsvæfur,
latur og þungur á mér. Missti blogglöngun, eins
og getur gerst. Held þó ótrauður áfram núna.
Ég er allur að koma til.
(39/50)
The Grassroots - Midnight confessions
Ég hélt ég væri sæmilega að mér
í 60s rokki en hafði þó aldrei heyrt þetta
fyrr. Þetta þónokkuð grúví lag mun
hafa verið vinsælasti síngull The Grassroots (#5 í
USA), en annars er það bara wiki
ef þú nennir.
---
Og svo bara Gleðilegt ár! Nú er maður búnað
massa kreppuna 2009. Svo massar maður dobbölkreppu 2010 og svo
kemur blússandi fönkítæms þegar Sjall og
Framsókn komast aftur til valda 2011. E'haggi?!
24.12.09
Kæru
vinir, til sjávar og sveita, mínar hugheilustu JÓLAKVEÐJUR!!!
---
Eftir allnokkra umhugsun hef ég komist að eftirfarandi:
Bestu plötur ársins 2009 - íslenskar
1. Hjaltalín - Terminal
2. Bloodgroup - Dry land
3. Morðingjarnir - Flóttinn mikli
4. Hank & Tank - Songs for the birds
5. Múm - Sing Along To Songs You Don't Know
5. Feldberg - Don't Be A Stranger
6. Hjálmar - IV
7. Hermigervill - Leikur vinsæl íslenzk lög
8. Hallur & Halldóra - Disaster songs
9. Kimono - Easy Music For Diffficult People
10. Caterpillarmen - Adopt a monkey
Bestu plötur ársins 2009 - útlendar
1. Micachu & The Shapes - Jewellery
2. Ovens - Ovens
3. Green Day - 21st Century Breakdown
4. The XX - XX
5. White Denim - Fits
6. Gossip Music For Men
7. God help the girl - God help the girl
8. Lily Allen - It's Not Me It's You
9. Prodigy - Invaders Must Die
10. Jarvis Cocker - Further Complications
Ég hef ekki með Insol og Dr. Gunna Inniheldur, sem klárlega
ættu að vera þarna líka. Af erlendum plötum
hef ég náttúrlega ekki heyrt nema brot, svo þessi
listi eru gerðir með miklum fyrirvörum. Ég hef líka
líklega aldrei hlustað jafn lítið á heilar
plötur á þessu ári. Maður gerist sí-randomaðri
í hlustun og pleilistavæddari.
---
38/50
The Edwin Hawkins Singers - Jesus, lover of my soul
Þá er nú aldeilis tími fyrir einn nettan
gospelsöng. Þetta er B-hliðin á Oh happy days, sem
Edwyn samdi einmitt líka. Lesið um hann
og lagið á
wiki (ef þér viljið).
23.12.09
Jó jó jó jó - hátíð nálgast
í bæ og Insol er kominn út:
Insol
- Þakklátir tímar
Hér erum við að tala um lag af einni albestu plötu
ársins, glæsilegri safnplötu með verkum meistara
Insol. 18 lög í allt, magnað innraslíf og hvert
einasta lag er frábært. Það væri hörmulegt
ef þú færir á mis við þessa frábæru
plötu. Hún fæst í öllum bestu búðunum.
Megas
& Senuþjófarnir - Græna jólamamban
Samstarfi Megasar og Senuþjófanna er lokið. Uppgefin
ástæða: þreyta. Þetta er vitanlega slæmt
því Megas var þarna í þéttum og
góðum félagsskap sem gat af sér fjórar
fínar plötur. Það er vonandi að hann finni aðra
góða menn til samvinnu. Það síðasta sem
bandið gerði var þetta gullfallega jólalag. Það
var tekið upp 10. des sl. Senuþjófana skipuðu: Guðmundur
Pétursson, Guðmundur Kristinn Jónsson, Sigurður
Guðmundsson, Valdimar Kolbeinn Sigurjónsson og Kristinn Snær
Agnarsson. Hitt jólalagið með köppunum, Ég sá
pabba krassa á jólatréð, má enn dánlóda
hér.
---
Minnir Helga Möller einhvern annan en mig á gaggandi hænu
þegar hún syngur lagið Þetta aðfangadagskvöld,
þetta aðfangadagskvöld? Þetta er samt eina lagið
þar sem hún minnir mig á hænu - í öllum
hinum er hún geðveikislega kúl og flott. Vert er að
vísa á jólalagahaug
Stafræns Hákonar, sem hefur gert tvö fögur tribjút
á jólaMöllerinn auk þess að luma á
fleiri þokukenndum jólaslögurum.
20.12.09
Sá þessa nýju Tarantinomynd sem fólk sem
ég þekki hélt ekki vatni yfir. Helvítis miðjumoð
bara, ef þú spyrð mig. Er búinn að kaupa jólagjafnirnar
og gera jólainnkaupin í Fjarðakaupum. Þar á
meðal hinn árlega pakka af Lucky Charms. Fékk djúsí
enska köku í Pipar og salt, Klapparstíg. Er kominn með
sex brakandi fersk ný pör af MAN BASIC nærbuxum frá
Dressman, svo það má skella þessum jólum
á mín vegna. Það er allt reddí.
---
Heimsendir
- Hótel Volkswagen (Jólasveinn í kröppum dansi)
Áður en Tvíhöfði var Tvíhöfði
voru Sigurjón og Magga Stína með vikulegan þátt
á Rás 2, Heimsendi. Þetta er svona 1995. Það
komu gestir í þáttinn og það var röflað
og það voru leikin lög. Jón Gnarr lagði lóð
á vogarskál stuðsins og kom með leikþætti.
Þarna kveiknaði mörg snilldin. Framhaldsleikritið Hótel
Volkswagen var á dagskrá og hér er jólaspesíal
af kraumandi heitri og ævagamalli kassettu. Ahhh... hvað er betra
en að láta Hótel Volkswagen koma sér í
jólaskap!
---
37/50
Gautar - Okkar dans + Tvífarinn
Beat-músik frá Sigló og allir í góðu
stuði. Fleiri stórglæsilegar myndir af Gautum og öðrum
böndum frá Sigló má sjá hér.
16.12.09
Sá tvær bíómyndir og hef lesið allar
íslensku poppævisögurnar í ár. Sjá
Menning
fyrir alls ekki mjög ýtarlegt álit. Er hér að
hlusta á Þú og ég - 3ju plötuna Aðeins
eitt líf (hvað segja trúaðir við því?),
en er almennt of undinn akkúrat núna til að nenna frekari
bloggi. Læt þó ekki undir hælinn leggjast að
varpa fram tveimur rlpk. Í báðum tilfellum er um að
ræða B-hliðar smella:
35/50
Patrick Hernandez - Born to be alive (instrumental B-side)
Frekari uppl:
sjá wikipedia
36/50
Steam - It's the magic in you girl
B-hliðin af Na na hey hey kiss him goodbye. Það var reyndar
ekkert band til sem hét Steam, en þessir stúdíókallar
létu það ekkert stoppa sig. Eðal tyggjó. Meira
á Wiki
eða heimsækið Tor Pinney,
sem var aðal í gervibandinu en snéri sér fljótlega
að siglingum og ævintýramennsku.
09.12.09
Afsakaðu hvað ég skrifa þér lítið
þessa dagana. Það er bara svo mikið að gera í
vinnunni, mar. Liggur við að maður fari að öfunda
atvinnuleysingjana. Nei, uss... það má ekki segja svona.
Lítið svo sem af mér að frétta. Maður
bara vinnur og vinnur og kemur svo heim og er með litlu fallegu klíkunni.
Dagbjartur meikar það nú biggtæm í Nóa-konfekts
auglýsingaherferð en ég er ekki búinn að fá
einn einasta konfektkassa ennþá og ekki hann heldur. Ég
hitti reyndar einhverja gaura að steggja þegar ég kom
út með börnin af Arthur 2 í Smáralind (spoiler
alert: Hún endar á "to be continued"). Ég selebið
þurfti auðvitað að pósa með börnin með
steggnum og einhver þessara gaura spurði hvort strákurinn
í Nóa auglýsingunni væri ekki sonur minn. Jú
jú, sagði ég og benti á Dagbjart: Það
er þessi (frekar fúll að hann héldi að ég
ætti endalaust af krökkum) og þá varð hann
ægilega glaður og heimtaði að fá að taka í
spaðann á "legendinu", eins og hann kallaði Dagbjart. Játaði
svo að vera starfsmaður Nóa.
---
Áður en ég dreg mig á asnaeyrunum að kassa
og glápi á skammt af Medium eru hér tvö lög
handa þér:
Pascal
Pinon - Ósonlagið
Þetta kallar maður almennileg afköst: Fjórar
14 áta stelpur úr Hagaskóla búnar að gefa
út fínan post-krútt disk sem fær Aminu stelpurnar
til að snúast á ruggustólunum. Meira á
mæspeis
eða út í búð (sé hún almennileg)
þar sem 11 laga diskurinn fæst.
---
(34/50)
The Coasters - Zing! Went the strings of my heart
Þessir
voru fínir. Sungu slatta fyrir Lieber og Stoller og áttu
allavega tvo smelli sem hafa verið kóveraðir á íslensku:
Along Came Jones (A a, og þá kom Andrés önd
- Laddi) og Charlie Brown (Jói Jóns - SAS tríóið
1959). Annar súpersmellur með þeim þarna í
lokin á fiftís var svo Yakety Yak og þetta lag er B-hliðin
af þeim singli.
05.12.09
Það er búið að vera brjálað að
gera í vinnunni. Ég held að stærsta Fbl í
sögunni hafi komið út í dag svo maður hafi staðið
í ströngu. Þetta er bara vertíð. Það
hafa líka staðið yfir flutningar í vinnunni. Ég
er kominn á kontor eins og fínn maður beint á
mót Páli Baldvini en er ekki út á miðju
gólfi eins og áður. Þess vegna var kakó
og kökur í gær og Ari Eldjárn kom og var með
uppistand. Hann er helvíti góður. Enda emjaða liðið.
Svo sá ég allavega tvo í viðbót af þessum
Mið-Íslandsgaurum í Unicef rauðanefsdæminu
á Stöð 2. Berg Ebba og Jóhann. Báðir
ágætir, en dáldið tens kannski. Maður þarf
greinilega að fá bæjarleyfi næst þegar hópurinn
er með gigg. Maður var svona að svissa á milli Unicef
og Bítlamyndarinnar Help! Nú tel ég Bítlana
besta band í heimi, en mamma mía, hvílík leiðindi
sem þessar myndir þeirra eru. Hard days night er reyndar ókei
en það sem á eftir kom í bíógerð
er sorp. Eins og þessi Help! Vá, hvað þetta er glötuð
mynd og ógeðslega leiðinleg. Sixtís sorp. En mússikkinn
vitanlega snilld og gaman að sjá þá mæma.
---
Maður hefur ekkert komist í ræktina og svo er Lufsan
að læra fyrir próf svo ég kemst ekki einu sinni
eftir vinnu. Afsakið, en ég má ekki vera að þessu
- bloggið um Icesave og kreppuna þarf að bíða
aðeins (é ræt). Ég þarf bara að gera
eitthvað í ræktinni svo ég hlaupi ekki í
smákökuspik. Það er svoleiðis haldið að
manni smákökum og konfekti. Hér kemur samt smá
í eyrun á þér:
Cosmic
Call - Owls
Svona þegar þú nefnir það þá
hef ég aldrei séð uglu, a.m.k. ekki úti í
náttúrunni. Þetta er öðruvísi á
Akranesi þaðan sem Cosmic Call koma. Þau gáfu út
ágæta EP plötu á árinu. Hér syngja
þau um náin kynni af uglum, en eins og allir vita er Akranes
þekkt fyrir uglubyggðir sínar við rætur Akrafjalls.
(33/50)
Hljómsveit Svavars Gests og Ragnar Bjarnason - Limbó rock
+ Limbó dans
Menn héldu að rokkið væri bóla sem myndi
hjaðna fljótt. Áður en Bítlar komu askvaðandi
var talið um tíma að limbó yrði nýjasta
æðið. Menn voru mikið í því að
finna upp allskonar æði og dansspor, twist og ýmiskonar
rugl. 1963 stukku Svavar og Raggi á limbólestina og gerðu
4laga EP með eintómum limbólögum. Ég nennti
ekki að finna mynd af bandinu og Ragga til að hafa með en þegar
ég var að leita fann ég athyglisverða myndasíðu
á síðu Eyþórs Þorlákssonar
gítarleikara.
04.12.09
Tíminn er ekkert grín. Einu sinni voru þúsund
ár í 2010 og eftir 1000 ár verða 1000 ár
liðin síðan 2010 var. Pældu í því!
Og hvar verður þú þá? En allavega. Í
kringum árið 3000 verður fólk að spá í
The Beatles. Þá verður gerður svona
þáttur um þessa dularfullu hljómsveit. Þetta
er mjög gott grín þó tíminn sé ekkert
grín.
---
En fáum mússikk. Alltaf meiri mússikk:
Bloodgroup
- First to go
Dry land heitir nýja Bloodgroup platan og hún er gríðarlega
góð. Miklu alvarlegri en hin og dúndur flykki, hreint
út sagt. Ég er að hugsa um að útnefna hana
næst bestu plötu ársins. Terminal er best og Morðingjarnir
þriðja best. Ég er svona að spá í því
já.
FM
Belfast - Frequency (Retro Stefson RMX)
Hér er æsandi rímix fyrir yðar hlustandi ánægju.
(32/50)
The Dakotas - Magic carpet
Bítlaband frá Manchester, hér í nettum
sörf/Shadows fílingi. Þeir spiluðu stundum með
Billy J. Kramer og eru að sjálfssögðu ennþá
að!
02.12.09
Kiljan í kvöld. Ég og Óttarr Proppé
röflum við Egil um poppbækurnar í ár. Á
svipuðum tíma (eða kl. 22) Dr. Gunni hitar upp fyrir Dónadúettinn
á Kringlukránni. Hvað er Dónadúettinn?
spyrðu kannski. Nú, alveg magnað band sem var að gefa
út plötuna Venjulegt kynlíf. Hún er sem sé
kynnt í kvöld á Kringlukránni. Fáum uppáhaldslagið
mitt í öllum heiminum með Dónadúettinum:
Dónadúettinn
- Dagbjört og Rúna
29.11.09
Í árslok fara allir á fullt að finna besta
hitt og þetta ársins. Þetta verður miklu verra í
ár því nú verður allt á fullu við
að finna besta hitt og þetta áratugarins líka.
Því áratugurinn er víst á enda brátt.
2000 - 2009 er áratugur. Svo kemur 2010. Vó, djöfull
þýtur þetta áfram. Á tveimur stöðum
hef ég séð Is this it með Strokes kosna bestu plötu
áratugarins. Kid A líka og Illinois með Sufjan
leiðinlega Stevens. Sigur Rós og Björk skreita þessa
lista svo yfirleitt líka. Ágætis byrjun oftast talin
með því hún er talin til 2000 erlendis (kom út
þá) þótt hún hafi komið 1999 hér.
Ég nenni varla að hugsa út í þetta svona
áratugalega séð. Bara fínt að taka hvert ár
fyrir sig.
---
Ricky Gervais aðdáendur athugið: Áður en
hann varð frægur fyrir Office var hann með útvarpsþátt
á XFM. Hér
eru einhverjir búnir að taka alla þættina saman.
(31/50)
The Rolling Stones - Bitch + Let it rock
Bitch er líklega uppáhalds Stóns lagið mitt.
Hér er það á b-hliðinni á Brown sugar
+ annað slappara lag. Smáskífan er frá 1971.
26.11.09
Ég skil ekkert í þessu, en ég held að
skammdegið hafi náð að bíta sig í mig.
Nú sef ég eins og aumingi til allt upp í kl. 07:30
á morgnanna. Ég dauðskammast mín. Það
er af sem áður var að maður spratt upp kl. 05:00 í
miklu stuði og kaffið sauð á könnunni. En allavega.
Þetta rjátlast vonandi af manni með hækkandi sól.
---
Sjálfsstæðisflokkurinn ber ábyrgð á
liði sem skeit upp á bak í Landsbankanum og skilur eftir
sig skuldahaug. Samfylkingin ber ábyrgð, líklega þó
aðeins minni, á liði sem skeit upp á bak í
Baugi o.s.frv. og skilur eftir sig skuldahaug. Svo er ætlast til
að manni þyki annar skítahaugurinn skárri en hinn.
Þetta er alveg sami haugurinn, þannig. Ég yrðu fegnastur
ef allt þetta lið hyrfi úr lífi mínu eins
og útrásarvíkingur á flótta í
fansí djobb í Lúxemborg. Einu ríkukallarnir
sem eftir væru yrðu eins og Alli ríki. É ræt,
ætli þurfi ekki meira en eitt stk allsherjahrun til að
breyta mannlegu eðli. Samt verður náttúrlega ekkert
nýtt Ísland fyrr en þvottavélin hefur lokið
sér af. Það er lágmark að mönnum sé
leyft að fara almennilega á hausinn.
---
Ekki það að ég eyði ennþá tíma
mínum í að hugsa mikið um þetta. Maður
fær svona hruns-noju annað slagið.
---
Ömurlegir Bakþankar
í dag og nammi namm þetta
gerir þig feita(n)...
---
Fjölskyldan fer í svínaflensubóluefnissprautu
á eftir. Þetta er því hugsanlega síðasta
bloggið á meðan ég er ekki heilaþveginn af
samsæri lyfjaframleiðandans Baxter.
---
(30/50)
Dickey Lee - Laurie (Strange things happen)
Táningatragedía frá 1965 frá Dickie Lee
sem hefur setið í stólum í 30 ár - myndir.
Skv. wiki er lagið "related to the urban legends known as the vanishing
hitchhiker and Resurrection Mary". Sjá.
24.11.09
(29/50)
Valli og Víkingarnir - Til í allt
Þorgeir Ástvaldsson og meðlimir Start settu í
tvö stuðlög sem Valli og Víkingarnir 1982. Úti
alla nóttina (Oaa hele natten) sló í gegn en B-hliðin,
Til í allt, var bara B-hlið og enginn í stuði fyrir
það. Ágætis stuðrokkari engu að síður
eins og heyra má. Platan var notuð sem aðgöngumiði
(ásamt öðrum plötum sem var límt yfir, geri
ég ráð fyrir) fyrir Íslandsmeistarakeppni plötusnúða
í Tunglinu 1990.
23.11.09
Það er sætt og það er 1971 og það
er svona:
(28/50)
The Sweet - Done me wrong all right
20.11.09
Listaverkaöflun ársins hefur átt sér stað.
Fyrir valinu varð mögnuð Tinna-mynd eftir meistara Ísak
Óla og sveppurinn úr Dularfulla stjarnan í kaupbæti.
Tinni var líka á listaverkaöflun síðasta
árs (glæsileg mynd eftir Gylfa Ægisson, hvers ævisögu
ég er nú að spóla mig í gegnum) og þá
er kannski að vera komið nóg af Tinna. Þótt
það sé náttúrlega aldrei of mikið af
Tinna. Nú hefur verið opnuð heimasíða
Ísaks Óla og þar má m.a. gera pöntun
í verk. Þau eru á mjög ásættanlegu
verði og því er mynd eftir Ísak Óla jóla-
jafnt sem tækifærisgjöfin í ár!!!
---
Besti flokkur Jóns Gnarrs
er kominn með heimasíðu. Þetta er tvímælalaust
besti flokkurinn. Ég er búinn að skrá sig meðlim
og mun þetta því vera 3ji flokkurinn sem ég er
í. Að vera í flokki hefur ekkert upp á sig nema
stanslaust bögg um að mæta á fundi. Ég hef
ekki mætt á einn einasta fund og mun ekki gera (nema á
alla fundi Besta flokksins að sjálfssögðu). Ég
verð þó að viðurkenna að ég var næstum
því hlaupinn af stað þegar ég fékk
nýjasta fundarboðið frá VG: Sósíalískar
umræður um stöðu láglaunakvenna.
---
Nýja Ísland virðist helst ganga út á
eitthvað vesen. Þetta er eins og að búa í blokk
þar sem daglega er verið að reyna að fá mann á
húsfund til að ræða teppið á ganginum eða
litinn á veggjunum. Mér er drullusaman! Ég vil fá
frið til að vera í næði með fólkinu
mínu og horfa á sjónvarpið!!! Fékk einhverja
helvítis teygju frá Innovit sem ég á eflaust
að gera eitthvað við en ég nennti bara ekki að lesa
3 A4 blöð sem fylgdu með. Það er brjálað
að gera í vinnunni for kræing át lád! Sendið
þessar teygjur á atvinnulausa. Og eins gott að ég
var ekki slembiúrtaksvalinn á þennan þjóðfund
í Höllinni. Andskotann ætli ég nennti að hanga
heila helgi yfir engu. Sorrí. Hið fullkomna þjóðfélag
er þar sem maður verður ekki var við húsfundina.
Að hlusta á umræðuþætti og velja á
milli skít og drullu á fjögurra ára fresti er
alveg nóg fyrir mig, jafnvel þótt það sé
innihaldslaust prump og ekkert komi út úr því
nema sama gamla ekki neitt. Eða þú veist. Vottever maður.
---
Herra Biskup, Karl Sigurbjörnsson, er á Facebook. Hann
þarf náttúrlega að tala við Guð, verandi
helsti umboðsmaður hans á landinu. Þá getur
komið svona skemmtilegt:
---
Og alveg algjörlega óskilt: Hnakkus
lætur vaða á prestana. Aumingja prestarnir. Þeir
virðast meina vel, sbr. grein 8 presta í Fbl í gær
um að stjórnmálamenn ættu að hætta þessu
rifrildi endalaust, en bara verst að góðmennskan er grundvölluð
á bulli, þ.e. eldgamla hindurvitnaruglinu í Biblíunni.
Ég væri annars alveg til í að vera prestur ef maður
gæti það án þess að trúa Guð
og Jesú dótinu.
---
Hjaltalín
- Hooked on Chili
Hólí mólí! Haldið hestunum! Hjaltalín
mæta með hnallþóru mikla eftir helgi (TERMINAL (plötu
2)), en á Gogoyoko byrjaði gleðin í dag! Það
er mikið sem þarf að melta við þessa plötu,
en niðurstaðan held ég að þetta sé algjör
snilld. Ekki auðmelt plata, en gjörsamlega þess virði
að gefa sig í hana. T.d. fannst mér Stay by you ekkert
sérstakt lag þegar ég heyrði það fyrst
en svo vinnur það á eins og andskotinn. Held að restin
af plötunni muni gera það sama.
Fréttatilkynning frá Gogoyoko: Hlustaðu á
nýja plötu hljómsveitarinnar Hjaltalín í
heild sinni frítt - og kauptu á sérstöku tilboðsverði
frá og með föstudeginum 20. nóvember á gogoyoko.com.
Ný hljómplata hljómsveitarinnar Hjaltalín,
Terminal, kemur í verslanir mánudaginn 23. nóvember.
Platan verður hins vegar aðgengileg öllum gestum gogoyoko.com
frá og með föstudeginum 20. nóvember. Frá
og með þeim degi geta allir notendur síðunnar hlustað
á plötuna í heild sinni frítt - og keypt hana
á sérstöku tilboðsverði alla helgina.
Ný plata Hjatlalín, Terminal, verður seld á
sérstöku tilboðsverði alla helgina sem er 7,9 evrur,
það er u.þ.b. 1.460 krónur. Sömuleiðis
mun fyrri plata sveitarinnar Sleepdrunk Seasons (4,5 evrur, 832 kr) og
smáskífan Suitcase Man sem inniheldur þrjár
útgáfur af laginu (1 evra, 185 kr) vera á tilboðsverði.
gogoyoko.com er tónlistarbúð og samfélag
á netinu þar sem þú getur keypt tónlist
beint frá tónlistarmönnunum og hlustað á
alla tónlist ókeypis.
Allir geta skráð sig sem notendur á gogoyoko.com,
það er einfalt og fljótlegt að skrá sig - og
kostar ekkert.
gogoyoko.com er rekin af íslenska sprotafyrirtækinu
gogoyoko ehf. Vefurinn opnaði nýverið í Skandinavíu,
þar sem viðtökur fjölmiðla og annarra hafa verið
vonum framar, og á næstu misserum mun gogoyoko.com opna á
fleiri markaðssvæðum.
---
(27/50)
The Monotones - No waiting
Ein af ótal bítlasveitum sem fallin er í gleymskunnar
dá. Voru frá Southend-on-sea og gerðu 4 smáskífur
fyrir Pye útgáfuna. Eru ekki á Wiki (þar er
reyndar fjallað
um annað band sem hét það sama) en fann smá
um þá á Garage
hangover.
19.11.09
Mig er alltaf að dreyma skít en er alltaf jafn blankur.
Ég bind þó vonir við 75 milljón krónu
desember vinning HHÍ og er þegar farinn að spá
í hvað ég eigi að gera við vinninginn. Æ,
nú er ég búinn að djínxa þessu. Maður
er annars bara í lága drifinu í skammdegi og vinnuþrældómi,
svo blöggið er líka í lága drifinu. Segi
ég afsakandi.
---
Hin frábæra og ofurvinsæla heimild (24.000 búnir
að skoða skv. Amx)
um gúddtæms Baugs í Mónakó hefur verið
fjarlægð
af youtube v/ copyright claim by Sagafilm ltd. Vonandi er verið
að færa myndbandið yfir í góðærisálmu
Þjóðminjasafnsins as ví spík.
---
Snorri
Helgason - Queen street
Sóló frá Snorra. Horfnir eru sniðugu Sprengjuhallartextarnir
og allt á ensku sem maður nennir lítið að spá
í. Fín mússik eins og við var að búast.
Dáldið lágstemmt og inn í sig á köflum,
en smá rokk líka. Hér er eitt gott sem minnir gríðarlega
á eitthvað af allra fyrstu plötum The Cure. Hér
er fréttatilkynningin:
I'm Gonna Put My Name on Your Door, fyrsta
sólóplata Snorra Helgasonar er komin í helstu plötubúðir
landsins á vegum Borgarinnar. Snorri er vel þekktur sem gítarleikari,
söngvari og aðallagahöfundur Sprengjuhallarinnar og eftir
hann liggur eitt vinsælasta lag þessa áratugar, Verum
í sambandi. Hér er hann einn á ferðinni með
11 popplög í blússkotnum og einföldum búningi.
Frábærar lagasmíðar og einlægur og vandaður
flutningur skilar hér plötu sem á eftir að marka
spor í íslenska útgáfusögu og lifa í
menningararfi þjóðarinnar um aldur og ævi, hvorki
meira né minna. Platan inniheldur meðal annars lagið Freeze
Out, sem hefur notið mikilla vinsælda á öldum ljósvakans
síðan snemmsumars, og nýjasta slagarann, Don't Let Her.
Upptökum á plötunni var stýrt af Kristni Gunnari
Blöndal og Styrmi Haukssyni og meðal þeirra er lögðu
hönd á plóg voru Kristinn Gunnar Blöndal, Birgir
Ísleifur Gunnarsson, Teitur Magnússon og Sigurður Tómas
Guðmundsson. Útgáfutónleikar verða í
desember...
...en Snorri fer fyrst með Hjaltalín og Sigríði
Thorlacius & Heiðurspiltunum um landið á næstu
dögum:
19. nóv Blönduós Félagsheimilið (Forsala:
Potturinn og pannan)
20. nóv Húsavík Gamli Baukur (Forsala: Gamli
baukur)
21. nóv Egilsstaðir Sláturhúsið (Forsala:
Menningarsetrið Egilsstöðum)
22. nóv Höfn Pakkhúsið (Forsala: Menningarmiðstöð
Hornafjarðar)
24. nóv Keflavík Frumleikhúsið (Forsala:
Tónlistarskóli Reykjanesbæjar)
26. nóv Sauðárkrókur Mælifell (Forsala:
Ólafshús)
27. nóv Dalvík Menningarmiðstöðin (Forsala:
Kaffihús Menningarmiðstöðvarinnar)
28. nóv Akureyri Græni hatturinn (Forsala: Eymundsson)
29. nóv Borgarnes Landnámssetrið (Forsala: Landnámssetrið)
---
(26/50)
Ævintýri - Lífsleiði
Smáskífan Illska/Lífsleiði er það
þyngsta sem Björgvin Halldórsson gerði á hippaárunum.
Og líklega á öllum ferinum. Þetta er seinni smáskífa
Ævintýris (sú fyrri var með samnefndu stuðlagi,
sem var upphaflega B-hliðarlag með Marmalade sem heitir Time is
on my side). Þrátt fyrir hugmyndir þar að lútandi
kom því miður ekki LP með þessu þunga
Ævintýri og menn skelltu sér í kántrípoppið
skömmu síðar, nema Biggi Hrafns og Siggi Karls sem tóku
enn á í þungarokkinu með Pétri Kristjáns
í Svanfríði. Ég biðst velvirðingar á
þessu gauðrispaða eintaki, þetta stöff ætti
auðvitað að vera til í toppgæðum, en þetta
er skárra en ekkert.
17.11.09
Var í bústað í Húsafelli. Þetta
er svæði sem maður þekkir ekki mjög vel. Gríðarlega
flott. Rétt hjá er undrið Hraunfossar og Barnafoss. Það
er búið að poppa svæðið upp túristalega
og aðgengi er gott. Ég tók mynd:
Steinhörpuleikarinn Páll á Húsafelli býr
þarna rétt hjá. Sá hann ekki, en labbaði
upp á fjall. Sá jeppa og heyrði skothvell. Á leiðinni
heim eru Kleppjárnsreykir, en þar er grænmetiskassi
og sjálfssali. 200 kall fyrir úrvals hélaðar gulrætur.
---
Í bænum fór ég í Kost
á sunnudaginn. Það var yfirþyrmandi biðröð
og æsingur í fólki að sleppa loksins undan ægivaldi
Baugsfeðga (eða bara sjá nýja búð). Mér
sýndist þetta vera flott en nennti ekki að kaupa neitt,
það hefði tekið minnst hálftíma að
komast á kassann. Eitthvað er þarna af stórhættulegu
en ógeðslega góðu ammrísku drasli (þó
ekki rótarbjór) sem maður athugar í betra tómi.
Jón Gerald stóð við innganginn og heilsaði öllum.
Ég ræddi stuttlega við hann og óskaði til hamingju
með búðina. Hann sagðist ekki fá kattamat frá
innlendum byrgjum en var samt nokkuð viss um að þetta tækist.
Sagðist svo aldrei hafa opnað búð áður og
dæsti.
---
(25/50)
Hot Butter - At the movies
Lagið Popcorn
er heimsfrægt og allir með það á tæru.
Upphaflega útgefið 1969 af höfindinum Gershon Kingsley
en náði heimsútbreiðslu þegar Hot
Butter tók það 1972. Hér er B-hliðin á
Popkorni. Lagið á meira að segja heimasíðu.
13.11.09
Nú ættu allir að vara sig því það
er föstudagurinn þrettándi. Ef þeir trúa
svona rugli, það er að segja. Hér er svoleiðis
allt vaðandi í glænýju stöffi. Úlla
la.
Me,
the slumbering Napoleon - Thanksgiving
Ammríska slöggrokkið áður en Nirvana gerðu
það vinsælt er íslenska tríóinu Me,
the slumbering Napoleon hugleikið. Það má gera að
því skóna að þeir eigi Jesus Lizard, Minutemen
og Shellac plötur í safninu. The Bloody core of it er erfið
plata (og samhangandi - það skýrir snögga endinn)
sem er komin út. Þeir ætla að kynna og gleðjast
á Havarí í dag kl. 17.
Megas
& Senuþjófarnir - Kvöld í Atlavík
Sílspikaður 27 laga læfpakkinn Segðu ekki frá
(með lífsmarki) er kominn út. Það kallar á
verslunarferð fyrir yður, herra minn og/eða frú. Nú
er það svart, mar, það er ekki eftir Bjartmar... Besta
bandið sem Megas hefur spilað með lengi, segja menn. Allavega
fyrsta bandið í langan tíma sem glápir ekki á
nótnablöð allan tímann sem það spilar.
Æsandi tíðindi.
BB
& Blake - Spy
Megahipp plata BB&Blake er komin út. Fréttatilkynningin
er á ensku, svo kúl er bandið. Ég vísa
að öðru leiti á viðtal
í Föstudegi Fbl í dag: Icelandic dynamic pop duo
BB&BLAKE are filmmaker Vera Sölvadóttir and actor Magnús
Jónsson. They have teamed up to deliver highly danceable pop ditties.
Their first album BB&BLAKE is now available. They are eager to seduce
you on Saturday 14th of November where they will be playing their new
singles at Sódóma along with very special guests: Barði
Jóhannsson, Ingvar E. Sigurðsson, Árni Kristjánsson,
Unnur Birna Björnsdóttir, Hlynur Sölvi Jakobsson, Jara,
Hekla Magnúsdóttir and more. Everyone is welcome to join
the party starting before midnight.
(24/50)
Bee Gees - Barker of the U.F.O.
Það má ekki gleyma Rispaða litlaplötu klúbbnum
þó allt sé að verða vitlaust í íslenskum
útgáfum svona rétt fyrir jól. Hér er
B-hliðin á Massachusettes laginu með Bee Gees (e.þ.s.
Patreksfjörður með Halla og Ladda). Strax árið
1967 voru menn farnir að snúa við trommubítum. Á
þessum tíma voru bræðurnir studdir af tveimur gaurum
sem síðar duttu úr skaftinu (hafðir neðanlega
á myndum svo hægt væri að klippa þá
af seinna).
12.11.09
Það er skýrt merki um að maður sé búinn
að missa vitið þegar maður er byrjaður að líma
myndir af einhverjum upp á vegg heima hjá sér. Kannski
búinn að kroppa augun úr andlitinu og teikna typpi framan
í myndirnar, eða horn og hala. Ætli svona sé til
í alvöru? Ætli allir geðsjúklingar séu
jafn klisjulegir og geðsjúklingar í bíó
og sjónvarpinu (t.d. í Medium í gær)? Svo kemur
löggan og sér myndavegginn og segir ó mæ god.
---
Nokkrar ómerkilegar vangaveltur um dauðann eru í
Bakþanka sem ég kýs að kalla Dánir
og dauðir.
---
Vegna "spikmúffunnar" sem ég minntist á í
fyrradag vill Hannes taka fram að þetta fyrirbæri var alltaf
kallað "Dómínóshringurinn" í Breiðholtinu,
að sjálfsögðu með vísan í hið
upprunalega orð "björgunarhringur".
---
Þrjár nýjar spikfeitar bækur komnar á
náttborðið: Villi Vill e. Jón Ólafsson og
Sjúddirarírei um Gylfa Ægis eftir Sólmund Hólm.
Einnig Færeyskur dansur e. Huldar Breiðfjörð. Nú
þyrfti maður þrjá extra tíma í sólarhring
til að lesa og ekki byrja að dotta á meðan.
---
Bróðir
Svartúlfs - Rólan sveiflast enn
Af sex laga stuttskífu þessara Sauðkræklinga
og nærsveitamanna. Gerðarlegt raPP/roKK sem er alveg að gera
sig. Unnu Músiktilraunir í vor og eru líklegir til
frekari afreka. Þetta er uppáhaldslagið mitt á
plötunni. BS
á Gogoyoko.
---
(23/50)
T. Rex - Free angel
Þegar ég var að meikaða einu sinni með Unun
fórum við á Fall tónleika í London. (Þetta
voru bæ ðe vei hundleiðinlegir tónleikar og Mark E
Smith í mikilli fýlu). Við vorum út í sveit
að taka upp á ægilega fínu sveitasetri (gúdd
tæms) og á leiðinni í bæinn keyrðum við
framhjá trénu sem
Marc
Bolan keyrði á og dó 1977. Hann var reyndar ekki
undir stýri heldur í framsæti á Austin mini
og í engu belti. Vonlaust. Hér er hann á bakhliðinni
á
20th century boy fjórum árum fyrr, sprelllifandi og hress.
11.11.09
Vertíðin hellist yfir. Bóka og plötu. Sífellt
bætist í. Dúettinn Hank og Tank ku ætla að
mæta með plötuna sína fyrir jól. Hún
ku full af angurværum drykkjublús. Hér má sjá
gullfallegt myndband við lagið Forsaken
place, tekið á Sirkus.
---
(22/50)
Nancy Sinatra - One jump ahead of the storm
Reynt með iðnaðarrokkslegt diskó árið
1980 (kántrí hinum megin). Nancy orðin fertug og lítið
gekk. Enn nokkur ár í retróið.
10.11.09
Útsendari Satans hjá auglýsingastofu hringdi og
bað um Dagbjart í Nóa Síríus auglýsingu.
Hann á að borða súkkulaði og fá borgað
fyrir það. Ég sagði við Lufsuna að ég
væri algjörlega á móti þessu því
Sigga pönk og vinum hans gæti sárnað og misst svo
gjörsamlega og endanlega allt álit á mér og líklega
mannkyninu öllu að þeir myndu fjölmenna heim til okkar
og gera aðsúg um miðja nótt. Eða kveikja í
hjólinu mínu. Hún sagði að henni væri
drullusama hvað einhverjum kjörklefaskítandi auðnuleysingjum
fyndist, ef Dagbjarti langaði að gera þetta þá
mætti hann það. Ég maldaði í móinn
og tók sérstaklega fram að Siggi væri enginn auðnuleysingi
heldur hörkuduglegur hjúkrunarmaður og fjölritari
smábæklinga um draumaveröld stjórnleysis. Leikstjóri
auglýsingarinnar, sjálfur Reynir Lyngdal, vill fá
Dagbjart eftir frækna frammistöðu hans í Kjörís
auglýsingunni. Ég er nú bara svona að taka þetta
fram ef ske kynni að strákarnir á Aftöku væru
að hugsa um að skella í nýja yfirhrauningu af þessu
tilefni. Þetta er allt Lufsunni að kenna. Það hljóta
allir að vera ánægðir með að feðraveldið
er óþekkt hugtak heima hjá mér.
---
Fólkið í
Walmart er fögur síða. Það mætti gera
svona síðu á Íslandi sem héti Fólk
í búðum. Það er ekkert endilega bara flott
fólk í einni ákveðinni búð. Ég
myndi halda að Nammibarinn í Hagkaup á laugardögum
væri góð veiðilenda. Þar fjölmenna unglingar
og fá sér kíló af sykri eða meira. Ég
hef tekið eftir að margir nammigrísir eru offeitar fermingastelpur
sem láta hvapið ekkert flækjast fyrir sér heldur
flagga því á milli stretsbuxna og magabols. Bjóða
upp á svokallaða spikmúffu. Þarna treðst fólk
yfir hlaupköllum og smartís og er í geypilega góðu
stuði. Áfram Ísland.
---
(21/50)
Robert Wyatt - I'm a believer
Trommarinn í Soft Machines átti síðar eftir
að verða funheitur upp úr 1980 í hjólastólnum
sem hann endaði í eftir að hafa stokkið niðraf svölum
á fylliríi 1973. Hér er hann ári eftir slysið
með gamalt Monkees lag í létthippaðri rokkútgáfu.
Wiki.
09.11.09
Má.nu.dagur. My.rk.ur. Öm.ur.legt ve.ð.ur... Væri
auðvelt að detta í þunglyndi og sjálfsvorkun
í dag ef maður nennti því.
---
Marteinn í sjónvarpinu á föstudaginn var,
eh, athyglisverður. Gaman að Kallakaffi sé komið á
stjá á ný. Svo kláraðist Fangavaktin með
takmarkaðri flugeldasýningu. Þættir númer
3 og 4 höfðu gefið til að kynna að snilldin yrði
ægileg en svo hjaðnaði niður þátturinn í
einhverja tilfinningavellu. Næst verður maður bara að
skoða bíómyndina Bjarnfreðarson. Menn hljóta
að vera að spara púðrið fyrir hana.
---
(20/50)
Clint Eastwood - I talk to the trees
Klintarinn talar við trén sem hlusta ekki á hann.
Úr kósí kúrekamyndinni Paint your wagon frá
1969. Á sömu mynd var Lee Marvin með strigabassaslagarann
Wandering star sem er einmitt hinumegin á þessari litluplötu.
08.11.09
Það besta við 9-5 er að vera í fríi
um helgar. Maður var bara að spóka sig oní bæ
í góða veðrinu. Ef dagurinn var lag með Villa
Vill var hann "Ég labbaði í bæinn". Nema ég
keyrði. Jónas var að fá
sér arabískt drullukaffi Á Café Haiti. Ég
að fá mér au lait teikavei. Það var einróma
álit að Reykjavík væri í fremstu röð
þegar kæmi að kaffihúsamenningu. Allt vaðandi
í frambærilegum möguleikum á því
sviði. Miklu betra kaffi hér en í Gent, sagði hann,
en Gent miklu flottari á öllum öðrum sviðum.
---
Ég ákvað að sökkva mér oní
litluplötu kassana. Fyrst í yfirþyrmandi en frábæru
búðinni Lucky á Hverfisgötu. Þar sagði
strákurinn að stykkið af litlu kostaði 500 kall svo
mér leist ekkert á þetta. Svo í Portið.
Þarna var einhver Vestur-Íslendingur að leita að plötum
með Þey. Það er náttúrlega alveg vonlaust.
Sárasjaldan að maður rekist á efni frá íslensku
nýbylgjunni, nema þá helst á brjáluðu
yfirverði. Ég fattaði ekki að benda honum á að
tékka á Gvendi dúllara eða Videósafnaranum,
en báðir eru í Portinu. Hefði verið séns
að fá Þey þar. Ég keypti hinsvegar tvær
plötur með Mud og Robert Wyatt fyrir klink hjá konunni
í básnum næst útihurðinni vestan megin.
---
Seinna í Klinkið, sem hefur nú flutt sig um set í
Skeifunni. Er flutt að Fákafeni 9. Keypti eðal rótarbjórinn
IBC, Shasta black cherry gos (sem er gott) og tvo kassa af karamellupoppi.
Svo í framtíðarborgina Kópavog, en þar er
allt orðið svo ógeðslega flott á Hamraborgarhæðinni
að ég næ því varla. Manni fannst það
algjör ruglhugmynd þegar maður heyrði fyrst að ætti
að byggja yfir þetta á milli brúnna svona 1982.
Þarna er Tónlistarsafnið
og ég var mættur til að sjá gítarsýninguna.
Hún er gríðar góð og fólk ætti
að hafa hraðann á því hún er bara opin
til 17. nóv. Fullt af áhugaverðu dóti. Þessi
gítar af "tegundunni" Strengir er nú bara einhver þunn
fjöl með Framus borði, en athyglisvert framtak engu að
síður:
Svo var þarna ónýt gítarsnúra úr
eigu Ritchie Blackmore hirt á tónleikum Deep Purple í
Höllinni 1971:
Hér
má lesa upplýsingaspjöldin fyrir munina á sýningunni,
en best er auðvitað að fjölmenna (opið daglega frá
14 til kl. 22). Hin almagnaða pönksýning er svo á
neðri hæðinni, en hún er bara opin til kl. 16 (alla
vega í gær). Þetta safn er á góðu
flugi þessa dagana og góðir menn sem leggja því
lið, t.d. Bjössi Thors sem hér
er með videóviðtal við meistara Steina í Eik.
---
Kláraði loksins One
train later, ævisögu Andy Summers, gítarleikara The
Police. Hún er ágæt, ekkert yfirmáta djúsí
þó. Hann reynir aðeins of stíft að vera gáfulegur
og skrifar á köflum tilgerðarlegan texta. Nú er
góssentíð og ævisögur Villa Vill og Gylfa
Ægis komming öpp. Koma út e. sirka viku. Veit ekki hvort
þær toppi Magnúsar Eirikssonar ævisöguna
Reyndu aftur, en ég á von á góðu enda söguritarar
Jón Ólafs og Sólmundur Hólm með næman
skilning á efninu og topp menn. Í framhaldi af nýtilkomnum
áhuga á Þóri Baldurssyni væri sniðugt
að maður reddaði sér And
Party Every Day: The Inside Story Of Casablanca Records. Casablanca
var svona sirka álíka mikið rugl og íslensku "gömlu"
bankarnir, nema þeir skilja ekkert eftir sig - ekki tonn af snilld
á bakkkatalók eins og Casablanca.
---
(19/20)
The Beatles - Baby, you're a rich man
Kemur hér Bítlagaul frá 1967, B-hliðin á
All you need is love. Þessi tvö lög eru hér með
opinberlega tvö uppáhaldsBítlalögin mín
(sé hægt að velja) og þetta lag var mikið spilað
í Bless-partýum 1989, svo og Magical Mystery Tour öll.
Tókum við Biggi Baldurs þá jafnan Stebba Gríms-takta
yfir gleraugnaslöngu-í-körfu-legu flautunni sem er í
laginu.
07.11.09
Ég er faglega sáttur við viðtal
mitt við Þóri Baldursson í blaðinu í
dag. Mig hefur lengi langað að heyra hina mjög svo merkilegu
sögu Þóris um leiðina um Savanna, diskóið
og Casablanca records. Þetta viðtal er allavega betra en ekkert.
Svo hef ég verið að tékka svona á kallinum
á netinu en það er ekkert komplít í gangi
yfir afrek hans. Smá á Allmusic
og Wiki.
Það þyrfti náttúrlega að koma diskógrafíu
Þóris í verk enda mjög mikið og merkilegt
dæmi allt saman. Hann sendi mér nokkrar myndir til að
skreyta viðtalið og hér er outtake, Þórir með
moog í Castle stúdíó í Milano, ætli
þetta sé ekki svona 1977.
En allavega. Margt vissi ég barasta ekki. Til dæmis að
eiginkona Þóris var Nina
Lizell, sem söng með engum öðrum en Lee Hazlewood
inn á hina frábæru plötu Cowboy in Sweden. Þetta
var 1970 svo þau Þórir hafa varla verið búin
að kynnast þá. Þórir var hluti af því
sem var kallað "Munich Machine" og af ferlinum eru störfin í
Musicland í Munchen (oft sem hægri hönd Giorgie Moroder)
safaríkust, a.m.k. fyrir músiknörda. Casablanca bruðlævintýrið
og diskófriskóið í New York er vitanlega mjög
djúsí stöff líka. Þórir er með
mikla ferilsskrá og henni hefur fáránlega lítið
verið flíkað. Annað sem ég vissi ekki er að
hann vann með Grace Jones í New York 1979. Mest á plötunni
Muse, sem er týndi sauðurinn í katalók Grace og
hefur ekki einu sinni verið settur á CD skv. Wiki.
Diskóið var að deyja um þessar mundir og Grace var
komin út á tún með diskósándið.
Hún endurnýjaði sándið sitt á næstu
plötum og sló í gegn. Kom meira að segja til Íslands,
söng á Safarí (ég var svo nálægt
að ég hefði getað snert hana) og rústaði
herbergi á Hótel Loftleiðum (segir sagan). Á Muse
syngja þau Þórir og Grace saman dúett, létt-bdsm-aðan
diskósmell sem er djöfull grúví - et voila:
Grace
Jones og Þórir Baldursson - Suffer
(Þetta endar svona snögglega því lögin
renna saman á hlið A.) Um lagið segir Þórir
í emaili: Vorum að taka upp grunna fyrir Grace í studio
Sigma Sound (sem er í Fíladelfíu) producer Tom Moulton.
Nýtt lag sem Grace kunni ekki svo ég söng skratsvocal
fyrir hana. Þetta lag var í miklu uppáhaldi hjá
Tom (sem var annaðhvort kominn úr 'macho/mustache' skápnum
eða ekki - ég pældi ekkert í því)
nema þegar hann mixaði gerði hann þetta skratsvocal
að aðalmálinu án þess að spyrja mig. (shoot
first, then ask) Ég hefði aldrei samþykkt þetta
en þar sem ég er alla jafna dagfarsprúður og seinn
til vandræða lét ég þetta kyrrt liggja. Hefði
sennilega getað kært hann og Salsoul records. Hér
er svo ágætis discograf
fyrir "Thor" Baldursson.
---
Meira af Þóri. Hann átti míní-útrás
árið 1967 þegar Decca gaf út með honum tveggja
laga plötu. Síðustu tvö Savanna LPin voru tekin upp
í London með Tony Russell. Hann hreyfst af lagi Þóris,
Brúðarskórnir. Tony þessi hafði sambönd
og fékk Decca til að gefa lagið út. Ljóðið
(eftir Davíð Stefánsson frá Fagraskógi)
hefst á línunni "Alein sat hún við öskustóna..."
Þegar þessu var snarað á ensku kom "Alein sat hún"
út sem "Arlene Chatreaux", sem varð enski titillinn. Á
B-hliðinni var "The Tin Soldier Painter", upphaflega lag sem Þórir
hafði samið fyrir heimildarmynd um Surtseyjargosið. Þess
má geta að út er kominn algjörlega spikfeitur pakki
með Savanna tríóinu, heildarsafn á 3 diskum með
veglegum bæklingi og alles. Ég játa á mig algjöra
fáfræði um Savanna, en nú þarf maður
að taka sig á. Til þess mæli ég eindregið
með nýja pakkanum, og ætli maður fari svo ekki sjálfur
að skima eftir LP-unum.
---
(18/50)
Elvis Presley - Dixieland rock
Við háheilaga hrærivél Stínu stuð!
Er ekki Elvis bara mættur í RLPK með kjaft og almenn leiðindi?
Kemur hér kokhraustur upp á dekk eins og hann sé eitthvað
og syngur B-hliðina á King Creole, algjört ör-lag
en gott stuð íðí.
05.11.09
Aðdáendaklúbbur minn lætur ekki deigið
síga upp í rassgat auðvaldsins. Það gerist
fyrr en nokkrum árum seinna, skv. hefð. Hann birtir lofrollu
og myndasyrpu um mig. Fjörugur umræður eru við færsluna
um ágæti mitt. Það virðist vera í tísku
um þessar mundir. Bestur er Þorkólfur, sem er reiðastur
og róttækastur og væntanlega mest kúl. Hann hefur
af djúpvisku komist að eftirfarandi: Gunni hefur aldrei haft
hugsjónir. Hann var smábarn að aldri þegar pönkið
stóð yfir. Hann er of latur , heimskur og hagkvæmur til
að einu sinni nenna að reyna að rista djúpt. Enda myndi
hann þá villast í botnlausu tómi því
sem plebbaheilinn er. Hefur reynt sem fjölmiðla yfirborðsfífl
að ljúga sig upp á pönkvagninn eins og lenska er
hérlendis. Þar að segja sögufölsunin.
Þetta er nákvæmlega sama tuðið og 1981 þegar
mussulið þess tíma hélt því fram að
Fræbbblarnir væru ekki pönk. Sætt.
---
Sem sé, mussuliðið er í miklu stuði fyrir
mér og tippafýlu í terlínsbuxum-Hitlersæskan
líka. Þabbasonna! Allir svona hressir? Maður er eins og
nautasteik á milli tveggja rakra hamborgarabrauða. Ekki geðslegt.
Maður ætti kannski að draga sig snöktandi í skel?
Hætta að vera til af því allir er svona gasalega
reiðir út í mann? Bú hú hú. Best
að mér er svo hjartanlega sama hvað þessi haugur af
leiðindaliði er að væla. Dáist reyndar að
þeim fyrir að nenna þessu. Topp fólk!
---
Ekki vælir Tom Jones:
(17/50)
Tom Jones - Looking out my window
Kolanámupopparinn í góðu stuði 1968. Og
samdi meira að segja lagið sjálfur.
04.11.09
Það er mjög næs að aumingja litla vesæla
Ísland skuli toppa lista Lonely
planet yfir ákjósanlega viðkomustaði á
næsti ára. Þetta er sú útgáfa sem
ég nota á ferðalögum enda er þetta lang besta
útgáfan. Húrra! Nú fer allt upp á ný!
Segjum það allavega bara og þá er helmingurinn kominn.
Hálfa glasið er hálf fullt, ja?
---
Facebooksíða
Reptilicusar leitar vina. Skráið ykkur gallhart indöstríal
stuðið!
---
Ívar
Bjarklind - Nesti og nýir skór
Ívar Bjarklind er mættur með plötu númer
2. Fréttatilkynningin: Út er komin önnur sólóplata
Ívars Bjarklind, Tíu fingur og tær. Hún inniheldur
átta alíslensk popplög, unninn og útsett af Orra
Harðarsyni, en þeir félagar unnu einnig saman á
fyrstu einherjaskífu Ívars Blóm eru smá (2006).
Tónlist Ívars nýtur sín best þegar húmar
að og hugurinn reikar, enda angurværðin allsráðandi
í textagerð hans og flutingi. Fyrir því hefur Orri
svokallaðan sans; hljóðheimur, spilamennska og smíðar
haldast fast í hendur og mynda trúverðuga heild. Tíu
fingur og tær er með öðrum orðum kærkomið
mótefni við alltumlykjandi Júróvisjon-, karókí-
og grínmúsík Íslands. Allur ágóði
af sölu plötunnar rennur til Styrktarfélags krabbameinssjúkra
barna.
Útgáfutónleikar verða haldnir á
Græna Hattinum, Akureyri, föstudaginn 13. nóvember og
á Batteríinu föstudaginn 20. nóvember. Hljómsveitina
skipa: Ívar Bjarklind, söngur, Orri Harðarson, gítar,
Ragnar Emilsson, gítar, Friðrik Sturluson, bassi, Jón
Ólafsson, píanó, Erik Qvick, trommur. Notalegheit
verða í hávegum höfð, en bandið spilar nýju
plötuna í heild sinni, ásamt því að
rifja upp fáein eldri lög Ívars.
---
(16/50)
Conny - Ob 15, ob 16, ob 17 jahre alt (Mein daddy)
Það eru Conný dagar í RLPK. Connie Francis
í gær en nú erða hin þýska Conny,
acht so Cornelia
Frobeoss, sem rokkar stíft 1959.
03.11.09
Bent mér var á Marel1939,
sem er mikill meistari. En ég kann engin deili á honum. Ég
finn allavega engan Marel sem er fæddur 1939. Hann syngur kristilega
músik og auglýsir sig með því að hringja
random í fólk og segjast spila á gítar og syngja.
Veit einhver hver maðurinn er?
---
Ceres
4 - Ekkert val
Ceresinn er tilbúinn með plötu tekna upp fyrir Merzedes
Club aurinn og kemur með hana á næsta ári. Hann
er mun minna pönk en vanalega og því meiri njúveif
popp. Jón Ólafsson, Stebbi Magg og fleira prólið
er með Ceresnum svo þetta er þétt og gott. Hér
er harðgert kreppunjúveifpönk sem fær hárin
til að rísa.
---
(15/50)
Connie Francis - Lipstick on your collar
Fifties Connie
í góðu stuði 1959. Löngu síðar kom
glæsileg og hrá rokkútgáfa
með áströlsku The Saints.
01.11.09
Tempó innrömmun (Hamraborg 1-3, Kóp) hélt
upp á afmæli í gær. Tíu ár eru
liðin síðan núverandi eigandi, Ási bróðir,
tók við af pabba, sem keypti reksturinn 1978. Þar á
undan hafði Tempó innrömmun verið til árum eða
áratugum saman í Reykjavík. Tempó er ódýrasta
og besta innrömmunin í bænum og selur auk þess
myndir, bæði frummyndir og eftirprentanir. Þarna bjóðast
nú myndir af tveimur frelsurum. Jesúsi, sem er klassískur,
og Davíð Oddssyni, sem meirihluti þjóðarinnar
telur að geti leitt þjóðina út úr ógöngunum.
Davíðs-myndin er eftir Árna Björnsson og kostar
ekki nema 40.000. Þótt Davíð sé ögn
sturlaður til augnanna og með blóðhlaupið hægra
auga held ég engu að síður að þetta sé
jólagjöfin í ár.
---
Allt er til. Og hafi einhver áhuga þá verður
því reddað. Klósettpappírs-safnið er
hér.
Gríðarlegra fræðandi. Og hér
er síða áhugamanna um að kreista bólur og
þeirra sem hafa unun af að sjá vessa spýtast úr
kýlum. Verulega rómatískt.
---
Athygli sjófaranda er vakin á því að
Hallur Ingólfsson verður í Rokklandi í dag. Hallur
var trommari Ham á fyrstu plötunni (Buffalo Virgin). Hann var
trommari Gypsy sem sigraði Músíktilraunir árið
1985. Hann leiddi síðan hljómsveitirnar Bleeding Volcano,
Þrettán og Vítissóta og sendi núna á
dögunum frá sér plötu undir nafninu Disaster Songs.
Hallur hefur líka á undanförnum árum samið
tónlist fyrir meira en 30 leikrit og danssýningar. Hallur
verður heiðursgestur Rokklands í dag!!! skrifar Óli
Palli.
---
(14/50)
Royal Teens - Planet Rock
Þetta er B-hliðin á frægasta lagi Royal
Teens, Short shorts (metnaðarfullur flutningur á Youtube).
Kom út 1958.
31.10.09
Hrekkjavaka í dag. Maður hefur stundum séð fullar
búðir í Ameríku af hrekkjavökudóti
í október, en þetta er eitthvað seint hingað.
Helst að Partýbúðin sé að ýta á
málið. Dagbjartur fór þó í glæsilegt
hrekkjavökupartí í gær og kom heim með hauskúpur
og köngulær. NGríðar kúl. Kannski maður
leigi Addams Family í kvöld. Rispaði litluplötu klúbburinn
býður vitanlega upp á hrekkjavökulegasta lagið
sem fannst, eða allavega nafn sveitarinnar: Hinir rokkandi draugar
frá Danmörku:
(13/50)
The Rocking ghosts - There's a difference
Ein af helstu bítgrúppum Danmerkur. Eru víst enn
að skv. heimasíðunni. |