24.08.07
Ég er "8" og "people's person" skv. landsfrægri spákonu í blaði í dag. Lufsan er enn að flissa út af þessu.
---
Í sama blaði sé ég að Gunni Bjarni í JBJ hljóp heilt maraþon, 42 km. Helvíti gott hjá honum. Sé líka að Fóstbr eru að koma á dvd - það verður hægt að kaupa boxsett og allt til styrktar langveikum börnum. Eitt selt a.m.k.
---
Lærdómur gærdagsins: Vatnsmelónur eru vatnslosandi. 

23.08.07
Nafnið á handáburðinum sem Lufsan fékk í afmælisgjöf er fyndið. A.m.k. ef maður hefur séð Borat.

---
Í Bakþönkum dagsins skrifa ég um Mika. Meistara Mika eins og ég kýs að kalla hann í dag.
---
Ef ég hef einhvern tímann tíma langar mig að setja saman stórkostlegt klukkutímalangt workout mix trakk, sérhannað til að spilast á meðan fólk hamast í klukkutíma á bretti eða annars slags líkamsræktartæki. Trakkið á að heita Hlauptu keppur hlauptu. Í augnablikinu er það hin þrumugóða plata Night ripper með Girl Talk sem er að gera hvað bestu hlutina á brettinu og all langt er síðan System of a Down sungu sitt síðasta þar.
---
Freyr Eyjólfsson er í einskonar baráttuherferð fyrir rithöfundinn Chuck Klosterman. Hann lánaði mér tvær bækur og ég er að staulast í gegnum Sex, drugs and Choco pops. Alveg ágætis stöff. Chuck eyðir þónokkru púðri í að mæra Billy Joel og í því tilefni ætla ég nú að setja Glass house á fóninn.

22.08.07
Hitti Albert í Kringlunni. Hann sagði mér að Chocolate rain væri það heitasta. 7 milljón sinnum hefði verið horft á Súkkulaðirigningunaá Jútjúb. Allt vaðandi í grínútgáfum og Wiki tjáir sig um málið. Svona gengur þetta fyrir sig á netinu. Annars er þetta víst mestáhorft á jútjúb. Furðulega vinsælt miðað við slappleika. Mér finnst nú Mahir Çagri alltaf bestur. 
---
Stórkostleg frelsistilfinning. Ég var að fatta það núna að ég hef ekki pirrað mig á Framsóknarflokknum í marga mánuði.
---
Afhverju kalla blaðamenn Fbl Jógvan "fola"? Er það af því að hann er Færeyingur eða hafa þeir séð á honum skaufann?
---
Haustlitirnir. Ég hlakka til þeirra.

21.08.07
Hér eru dýpstu skilaboðin sem þú munt lesa á innihaldslausum bloggrúnti þínum í dag:

---

19.08.07
Oft er djúpt á íslenskuna og þá grípa margir til ensku þegar rétta orðið kemur ekki. Kannski hafa þeir líka séð álíka atriði í enskumælandi sjónvarpsþætti, en ekki íslenskum, og því er þetta allt því að kenna. Til dæmis ef ófrísk kona er spurð hvort hún hafi fengið óslökkvandi löngun í eitthvað furðulegt á meðgöngunni, þá er alltaf spurt hvort hún hafi fengið eitthvað skrítið cravings. Ég hef ekki heyrt neinn segja: hefurðu fundið fyrir óslökkvandi löngun í eitthvað óvenjulegt, gæskan – en síðast í gær heyrði ég þetta með kreifingið. Og ég er ekkert að púa á það, bara að benda áða. Fátt er leiðinlegra en sípúandi íslenskuhermenn, sbr. fullkomlega réttmætt tuðið í Nirði P. vikulega í Fbl. 
---
En allavega, kannski er ég óléttur því ég hef fengið tvö óvenjuleg kreifing að undanförnu. Hið fyrra var gífurleg löngun í Fresca. Nú er Fresca einhver bragðþynnsti drykkur sem völ er á, en samt fann ég í huga mér Fresca renna gómsætt niðrí maga. Hugrenningatenglsin kviknuðu þegar ég horfði á Simpsons-þátt þar sem indjánar láta Simpsons-feðgana drekka það sem þeir síðan segja að sé bjarnarhland. Það er ekki fyrr en indjánarnir segja að þetta sé Fresca sem Hómer og Bart spýta drykknum út úr sér. (Annar drykkjartengdur brandari úr þáttunum er þegar Hómer velur krabbadjús fram yfir Mountain dew og drekkur 17 dósir á endanum.) Ég er reyndar ekki enn búinn að opna Frescaflöskuna sem ég keypti og eiginlega er kreifingið löngu farið. Samkvæmt Fresca á Wiki á drykkurinn nokkuð kúl sögu. Kom fram 1963 og er orðinn költ eins og Tab, annar lúserdrykkur frá Coca-Cola (samt ekki eins mikið lúser og Fruitopia-línan). Þar að auki er minnst á Fresca í Ham-laginu Transilvanía.
---
Hitt kreifingið mitt var öllu smávægilegra, en það var óstjórnleg löngun til að heyra lagið Spinning wheel með Blood, Sweat & Tears. Iggy Pop var að dissa lagið í Pitchfork-viðtali og ég bara varð að heyra það. Ég man eftir þessu úr útvarpinu, það hefur margsinnis verið spilað þar í gegnum árin, og er eitt af fáum vinsælum hippalögum sem er með gargandi blæstri. Ágætis lag svo sem.

18.08.07
Tilkynning: Enginn Skemmtiþáttur í dag, bara m-næturgigg í beinni. Abbababb! í Landsbankanum kl. 15. Svo hefjast sýningar að nýju 9. sept og miðasalan von bráðar. 
---
Því þá ekki T5? Tvö stelpupopp og þrjú sjóðheit og glæný íslensk:

The Bird & The Bee - Fucking boyfriend: Dúett frá LA með svona líka vænan hittara af fyrsta LPinu sem djassgeggjararnir hjá Blue Note gáfu út í ársbyrjun. Hugglegt og rafmagnað batikpopp, minnir stundum á Beach Boys, stundum á Cardigans, platan mjög góð í það heila, en Fökking kærastinn einna fyrstur inn.

Candie Payne - One more change: Hressandi stelpnagrúppupopp frá Candie, sem er upprennandi, frá Liverpool og systir trommarans í Zutons. Af fyrsta albúminu I Wish I Could Have Loved You More sem kom í maí.

Retro Stefson - Medallion: Sjóðheit og glæný upptaka af þessum magnaða gleðipoppara. Nú vill maður bara fleiri lög og helst plötu frá þessu almagnaða stuðbandi. 

I Adapt - Historical Manipulation In A Nice Suit: Mammaþín gefur út í næstu viku plötuna Chain like burden með I Adapt sem eru búnir að harðkjarnast á kantinum síðan 1700 og rauðkál. Hér taka þeir angurværan sprett yfir jarðsprengjusvæði.

VilHelm - Shine on silver star: Villi nagnlbítur eþs VilHelm er kominn með fyrstu sólóplötuna The Midnight Circus eþs Miðnætur sirkusinn. "Þetta eru rólegar og rómantískar rökkursögur," segir Villi. "Í sumum lögum er ég bara einn með kassagítar en í öðrum fékk ég aðstoð vina minna." Haldnir verða tvennir útgáfutónleika, aðrir í Deiglunni, Akureyri, á Akureyrarvöku kl. 20:00. Hinir verða á  ORGAN, á bakvið Gaukinn, í Reykjavík, miðvikudaginn 5. september. Þeir hefjast kl. 21:30.

17.08.07
Eins og ég spáði er Megasarfár. Fbl greinir frá í dag að Frágangur sé að seljast vel. Og ef einhver er efins um að Megas sé kominn inn úr kuldanum nægir að líta á Cherrios-pakka þar sem Megas er í liði með Steini Steinarr, Sigmund Freud, Woody Allen og fleiri velþekktum Cherrios-ætum:

Gullfalleg mynd af meistaranum þar að auki.
---
Það er ekki þverfótað fyrir risagiggum. Sumum finnst KB vera að stela veislunni af Rás 2 með því að halda þetta risagigg sitt daginn fyrir menningarnótt. Rás 2 heldur einmitt sitt árlega risagigg þá. Maður gæti verið nastí og sagt að vonandi mætir enginn á KBgiggið af því þeir græða svo ógeðslega mikið og hefðu betur lækkað þjónustugjöldin. En það væri nú bara leiðinlegt. Er þetta ekki ágætis framtak hjá bankagreyinu? Bankastjórinn, þessi sem borgar 400.000.000 í skatt, var á brettinu við hliðina á mér í gær og virtist hinn indælasti maður. Hló og skríkti eins og smákrakki þegar hann ræddi við einkaþjálfarann. Ég reyndi að hugsa ekki neitt um yfirdráttinn minn og gáði hvort 5000kallar dyttu úr vösunum hans. Mér er fyrirmunað að vera kúl í nágrenni við milljónamæringa. Þetta er svipað og ef maður með auka höfuð út úr bringunni hefðu verið á brettinu við hliðina á mér. Frík sem maður getur ekki annað en kíkt á í laumi.

16.08.07
Dagbjartur vildi endilega taka smábarna biblíu á bókasafninu enda með 40 gluggum til að opna. Hann kallar bókina reyndar dýrabókina. Þó mér sé í mun að hlífa barninu við daunillu biblíukjaftæði tók ég bókina og skáldaði nýjar sögur við myndirnar. Þetta er náttúrlega ævagömul leiðindadella og meiðandi lesning fyrir trúlausu, sbr.:

Já sonur sæll, þeir sem gera ekki eins og Jesús segir eru heimskir.
---
Annars þýðir takmarkað að tjónka við barnið. Það fer sínu fram. Ef hann vill Latabæjarbuff á hausinn þá fær hann Latabæjarbuff á hausinn. Ekki ætla ég að vera skrýtni pabbinn sem neyðir son sinn til að vera með Sonic Youth buff á hausnum.
---
Aldrei þessu vant horfði ég smá á Ópru. Hún var ægilega djúp. Fyrst kom Michael Moore að plögga Sicko. Allir klöppuðu og hann iðaði í spikinu af gleði á milli þess sem hann fór með föðurlandsástarjátningar sem uppskáru meira klapp og meira ið í spiki. Það er örugglega gott að bylta amerísku heilsugæslunni en þetta er kannski ekki mál sem maður nennir að sjá heila kvikmynd um. Svo talaði Ópra við einhvern Cormac McCarthy, ægilega frægan rithöfund sem ég hef aldrei heyrt minnst á. Hann var voða svona rithöfundur af gamlaskólanum, pollrólegur í gallajakkavinnuskyrtu, en ég stórefast um að ég nenni að lesa nýjustu bókina hans, The Road, sem Ópra var að sleppa sér yfir.

15.08.07
Gigg! Abbababb! gengið leikur og syngur fyrir landsmenn í mínum gamla vinnustað, Landsbankanum í Austurstræti, kl. 15 á laugardaginn. Þá stendur yfir hin ömurlega m-nótt. Eftir giggið hleypur maður heim og læsir að sér til að vera ekki laminn og nauðgað í hinum suddalega miðbæ.
---
Í Grímsey búa 99 manns. Því er þægilegt að reikna hvað skandalaferjan (500 millur) kostar mikið á mann: 5.050.000 kr. Er það nokkur ofrausn? Héðinsfjarðargöng kosta amk 7.000.000.000 kall. Deilt í íbúa Siglufjarðar og Ólafsfjarðar (2500 manns) er það 2.8 millur á kjaft. Pínöts.

14.08.07
Oft er tuðað um "hlutverk" Ríkissjónvarpsins. Mörgum finnst það vera að sýna heimildaþætti, en öðrum gæti t.d. þótt það vera að forða okkur frá því að allar stöðvar á landinu séu útúrvellandi af raunveruleikarusli og skít. Í gær horfði ég næstum því án þess að sofna á þýskan heimildaþátt um sveppi. Ég er margs fróðari, veit t.d. núna að ástralski kolkrabbasveppurinn hefur dreift sér um alla Evrópu eftir að ónefndur einstaklingur bar gró af honum með sér yfir úthöfin á skósóla. Einhver pakkadíll virðist vera í gangi við þýska framleiðendur því annað kvöld verður sýndur þýskur heimildaþáttur um popp og pólitík. Gæti alveg verið áhorfsins virði.
---
Þegar haustar kemst maður í bíóstuð. Á morgun hefjast bíódagar Græna ljóssins. Margt er þar spennandi, t.d. For your consideration, nýjasta myndin frá öfum mockumentsins, liðinu sem gerði Spinal Tap, Waiting for Guffman, A mighty wind og Best in show, sem eru allt eðalmyndir svo engin ástæða er til að vænta annars af þessari. Ég er búinn að sjá Fast food nation, sem er alveg 3 stjörnu mynd, veit ekki hvort ég nenni Sicko og svo eru þarna nokkrar sjokkmyndir, t.d. Zoo um karla sem ríða hestum eða láta þá ríða sér. Æi veit ekki hvað ég græði á svoleiðis, kannski er maður bara vaxinn upp úr því að finnast dýraklám merkilegt, eða einhver afbrigðilegheit almennt. Jú annars, einu sinni sá ég mjög skemmtilega mynd um leður og plastlið í Danmörku og ég man atriði úr þeirri mynd mun meira ljóslifandi en úr tonnum af amerískri afþreyingu. Aldrei að vita nema maður mæti því galvaskur á Zooið. En allavega fimmfallt húrra fyrir Ísa fyrir að vera með kveikt á Græna ljósinu.
---
Hannes fer upp fyrir Gnúp
Stærstu hluthafarnir í FL Group halda áfram að auka hlut sinn í félaginu. Oddaflug B.V., sem er í eigu Hannesar Smárasonar, forstjóra FL Group, festi kaup á eins prósents hlut í FL fyrir helgi. Kaupverðið nam tæpum 2,1 milljarði króna.

Gnúpur? 2.1 milljarðar? Oddaflug B.V.? Það verður að segjast að ég skil ekki rassgat í þessari eða öðrum álíka fréttum. Og mikið helvíti er ég glaður með það.

13.08.07
Fór og kíkti á lífræna stuðheimilið Sólheima sem er svona hálfgert Disneyland með fötluðum í stað Mikka mús. Lufsan segir að nú eigi maður að segja fatlaður og ekki þroskaheftur eða vangefinn svo það sé nú alveg á hreinu. Boðið er upp á flottar listsýningar en ég keypti ekkert í þessari ferð. Einnig lífrænt kaffihús og gamlan slökkvibíl sem gaman er að hanga utan í. Mjög gott að tékka á Sólheimum annað slagið sem sunnudagsbíltúr. Því miður varð ég ekkert var við Reyni Pétur að þessu sinni. Berjavertíðin er annars yfirvofandi og nauðsynlegt að mæta bráðlega með fötu á hlíð. 
---
Egill Helgason talar um nýaldarhippabæinn Glastonbury í nýrri færslu. Ekki hef ég komið þangað en bærinn Woodstock í NYfylki er líklega svipaður. Þar er allskonar svona stuðrugl í gangi, nýaldarkukl og fleira skemmtilegt, stólpípur og orkusteinar. Í Skotlandi kíkti ég á eco-bæjarfélagið Findhorn. Fínt að koma þangað þótt ég sé líklega ekki nógu góður smiður til að gera mikið gagn í svona pleisi. Á Íslandi má kannski segja að Sólheimar sé í svipuðum stíl og margt á Seyðisfirði. Svo var ég að tékka á þessari síðu og sé að Snæfellsás-community er líka eco-þorp. Ég vissi nú ekki einu sinni að það væri til nokkuð sem héti Snæfellsásþorp. Reyndar vorum við Þór Eldon einu sinni að flækjast þarna í fjörunni á Hellnum og gengum fram á Gulla og Guðrúnu Bergmann og (að mig minnir) einhvern indjána í miðju atriði. Þau voru með bál og indjánatrommu og börðu og ákölluðu guðina. Mig minnir að við höfum látið okkur hverfa hljóðlega. En alveg eins gaman að þessu og að gaufa með vísakortið í Smáralind. Kannski verða ekkert nema eco-þorp í framtíðinni og hinir andlegu framtíðaríbúar jarðarinnar horfa með fyrirlitningu til kapítalískrar neysluhyggju samtímans. Hvað veit ég.
---
Það er aldeilis stuð á Jakóbínurínu. Dissa allt innipúkasettið á einu bretti í nýju Greipvæn viðtali og segjast ekki eiga sér andleg skyldmenni innanlands fyrir utan Singapore Sling. Vonandi verður platan þeirra nógu góð til að standa undir svona hressandi yfirlýsingum.

12.08.07
Mosfellsbakarí, Samtökin Börnin heim, Kron og Kron Kron kynna með þónokkurri taugaveiklun, safnplötuna Bíræfni bankaræninginn snýr aftur, eþs Topp 5: 

Elíza - Empire fall: Empire fall er fyrsta Elízan sóló og fínasta plata þar sem skröltandi högghamrar eins og þetta titillag deila borði með rólegri dúnsængum sem koma við í 60sinu með sérstakri áherslu á Nico og Velvet. 

Klassart - January sun: Systkinabandið Klassart frá Sandgerði er að gera góða hluti. Fyrsta platan er hin fínasta og tilvalin fyrir þá sem fíla Mazzy Star, Cowboy Junkies, kántrí, blús og allra handa láfreyðandi sofna í sófa stöff.

The Besties - Space song: Bandaríska bandið Besties gefur út á sama merki og Dýrðin og spilar ekki ósvipað bláaugnadúkkulísupopp. Í kvöld verður bandið á Paddy's í Keflavík ásamt Hellvari og Vicky Pollard en á miðvikudaginn á Organ með Jan Mayen, Foreign Monkeys og Dýrðinni. Hér er speislag af Singer (2005).

Durutti Column - Jaqueline: Tony Wilson er dáinn. Lést úr hjartaslag á föstudaginn, var 57 ára. Hann kom Manchester á kortið sem tónlistarborg og er stofnandi Factory Records, Hacienda klúbbsins, o.s.frv. Sjáið 24 hour party people (aftur). Þar má t.d. sjá gífurlega tryggð Tonys við hljómsveitina Durutti Column, sem er aðallega feiminn náungi Vini Reilly spilandi algjörlega innísig lágstemmur. Tony skíttapaði á mörgu og var skítsama. Heimurinn þarfnast fleira fólks sem er sama þótt það tapi peningum eins lengi og það er að gera eitthvað skemmtilegt. Það er hagfræði pönksins. Pú á gróðrapúnga! Tapaðu öllu og þú ert frjáls!

Young Marble Giants - Brand new life: Weilska tríóið YMG stakk alltaf snyrtilega í stúf við annað stöff upp úr 1980. Þau gáfu út hjá Rough Trade sem var ávísun á gæði á þessum tíma og eina stóra platan þeirra Colossal youth er hreinasta snilld. Þar töppuðu þau inn á sjaldgæfa snilldarformúlu, höktandi gítar og bassa, fælinn skemmtaratrommuheila og söngrödd Alison Statton, sem geislaði innan í sig. Það eru töfrar í þessu sem borgar sig ekki að kryfja. En allavega, Domino Records hafa nú pakkað þessari plötu og öðrum upptökum YMG inn í defíneraðan megapakka. Bandið ku í blússandi kombakki og PF gefur þessu 9.3. Semsé allt á uppleið hjá YMG og endanleg staðfesting á snilldinni staðreynd.

11.08.07
Í dag á Rás 2 kl. 16:08 - Ögn samkynhneigður Skemmtiþáttur Dr. Gunna með hörkuspennandi sólópunkti á milli Elízu Newman, sem gaf út fyrstu sólóplötuna sína Empire Falls á dögunum, og Smára Guðmundssonar úr blúsbandinu Klassart sem kom með fyrstu plötuna sína nýlega. Þau eru bæði af Suðurnesjum svo ég geri ráð fyrir að rokkþekking sé yfirþyrmandi og því eru spurningarnar níðþungar (eða svona...)
---
Nú er hið mikla leyndarmál orðið opinbert, þetta með rosaskemmtiþáttinn í Sjónvarpinu þar sem ég og 8 aðrir (Barði, Gummi Jóns, Maggi Eiríks, Magnús Þór, Fabúla, Svala, Hafdís Huld og Andrea Gylfa) eigum að leggja fram 3 poppsmelli hvert og láta þjóðina velja úr. Þetta er hið mikla leyndarmál sem ég ýjaði að um daginn og Fréttablaðið fór hamförum yfir og hélt að ég og Þorvaldur Bjarni værum á leiðinni í Popppunktslegan þátt. Nei, slíkur þáttur bíður. En nú er sem sé málið að ég komi með þrjá heilalímandi gullsmelli og leggi fram til dóms. Þetta dæmi verður í gangi í allan vetur þar til eitt lag stendur uppi í febrúar eða eitthvað og verður framlag Íslands í Serbíu í maí í "gaypride á sterum". Ég er langt kominn með tvö lög, annað er ofursætt popp og fjallar um ást í ísbúð og er textinn saminn í gegnum email með sjálfri Mengellu (eða kannski Ólafi Sindra?). Hitt er karl/konu dúett og á að vera nútímalega sándandi human líg míts Timbalake. Þriðja verður kannski karlmannleg ballaða í anda Neil Diamond og Glen Campbell.

10.08.07
Gönguklúbburinn Kattahryggir er kominn úr ferð sinni yfir Fimmvörðuháls sem var vægast sagt dúndurstuð. Hér kemur ferðalýsing, sem er aðallega ætluð þeim sem eru að spá í að ganga þessa frábæru og fjölbreyttu leið.
Fimmvörðuháls 1043 m XXXX
Frá Skógum að Básum í Þórsmörk eru ca. 23 km, sem maður getur farið rösklega á 7 tímum eða 10 tímum á góðu drolli með kaffipásum og miklu glápi. Fyrstu 2-3 tímana er gengið upp með Skógaá þar sem stórglæsilegir fossar eru með jöfnu millibili. Ég hef ekki tölu á þeim en þetta voru allavega 10 stk þar til maður kom loks að vaði þar sem brú er yfir ána. Þá tekur við eins klukkutíma öræfalabb í smá upphækkun alla leið að Baldvinsskála sem er nothæfur þótt í hálfgerðu eyði sé. Enn breytist landslagið enda er maður nú kominn á milli Eyjafjallajökuls og Mýrdalsjökuls. Skítugan snjó þarf að ösla og klakahröngl og smá svell -- létt þó, amk á sumrin. Þetta er klukkutíma brölt upp á hæsta hluta leiðarinnar. Margt í umhverfinu þarna minnir á leiðina upp á Hengil. 

Mýrdalsjökull á hægri hönd er rosalega flottur að sjá en Eyjafjallajökull til vinstri er mun ljótari, minnir helst á skítugt þakið á Laugardalshöll. Jökladrunurnar eru dulúðlegar. Hæst uppi utan á smákletti er minningarskjöldur um fólkið sem varð þarna úti 1970, það var illa búið og hreinlega örmagnaðist í vonsku veðri. Veðrið var gott hjá okkur en þarna uppi var þó rok og auðvelt að sjá hvernig þessi blettur getur snarlega breyst í veðravíti. 

Nú blasir við unaðsfögur sýn yfir hálendið og leiðin er niðrí móti það sem eftir er. Dáldið hefí skriður og svo Heljarkambur sem maður gengur haldandi sér í keðjur. Þetta er svona álíka erfitt og klettarnir í Esjunni. Nú tekur við marflöt Morinsheiði, korterslabb og svo niður hlíðar Heiðarhorns. Nú heldur maður að maður sé á grænni grein og á góðri siglingu til Bása en fyrr en varir er maður þó kominn í skelfilegasta kafla leiðarinnar, Kattahryggina. Þarna kemur rassinn sér vel til niðurferðar, haldandi í ótryggar keðjur og eitt 10 metra einstigi þarf maður að hlaupa með þverhnýpi til beggja hliða. Best er að fara þetta með því að horfa bara beint niður á skóna sína, en ef lofthræðslan er alveg að fara með mann má hreinlega skríða þarna yfir. Svo er frábært að koma í aðstöðu diskóferðafélagsins Útivistar í Básum, en það er lang flottasti staðurinn af þessum þrem þar sem eru skálar í Þórsmörk (hinir eru Langidalur og Húsadalur, og jafnast ekki á við Bása í náttúrufegurð.)
Eftir gönguna var hreinn unaður að fá sér kússkúss í máli og svo koníak, kaffi og kúbuvindil. Ég gisti í skála með frönskum göngustelpum sem voru að koma Laugarveginn og áður en ég sofnaði sá ég endalaust fyrir mér gönguna, þverhnípi og næstu stiku, næstu stiku. Þótt ég reyndi að skipta þessari sýn út fyrir erótískar stellingar með frönsku stelpunum kom göngusýnin alltaf til baka. Svo fannst mér ég ennþá vera með 10 kg bakpokann á bakinu. Loks sofnaði maður og svaf eins og grjót enda orðinn eins og hálfgerður steinkarl í skrokknum þrátt fyrir teygjur. Rútan á leiðinni til baka fór kl. 13:30 og stoppaði bæði hjá skálum í Langadal og Húsadal, sem eins og áður segir eru ekki eins flott pleis og Básar, Langidalur þó flottari en Húsadalur. Á báðum þessum stöðum er sjoppa og m.a.s. lítill heitur pottur í Húsadal:
Þórslaug, Þórsmörk XX
Lítill og grunnur heitur (eiginlega volgur) pottur með takmarkaðri búningaskiptaaðstöðu en 2 sturtum. Auðvitað magnað að hita vöðva eftir labb, en fyrir utan heppilega staðsetninguna er takmarkað stuð í Þórslaug. 
---
Næsta sumar erða svo tvímælalaust Laugavegurinn, 54 km ganga frá Landmannalaugum að Þórsmörk, sem maður splittar líklega upp í 3 daga. Metið var nýlega slegið þegar einhver ofurmaður hljóp Laugaveginn á 4 og hálfum klukktímutíma. Það er alltaf söknuður að koma til byggða og eiginlega finnst manni flatneskjuleg restin af Suðurlandi forljótt rusl eftir að hafa verið í náttúrufegurðinni í Básum. En maður venst svo sem fljótt aftur á steypuna og gott er að vita af hinu á sínum stað.

Það var ekki laust við að maður væri þreyttur þegar skrölt var í rútunni heim.

06.08.07
Lee Hazlewood hefur stimplað sig út. Ég veitti honum (og Nancy) fyrst athygli eftir að ég las Nick Cave mæra hann óskaplega í blaðaviðtali sirka 1983. Sankaði að mér plötum næstu 10 árin og á nokkra orginala á viníl sem karlar í útlendum 2nd hand búðum þurftu að sækja bölvandi oní kjallara. Svo var áhugi minn að mestu farinn annað þegar endurútgáfudæmið skall á á vegum trommuleikarans Steve Shelley í Sonic Youth. Ég spurði Steve reyndar útí Lee þegar ég fór með honum (og Grími) á Paul McCartney og hann var greinilega ekki á því að Lee væri svo æðislegur gaur. Dæsti bara eitthvað og sagðann difficult, difficult. En Lee með töffaralegu röddina og döpru textana og frábært samstarf hans og Nancy Sinatra lifir lengi á hinum ýmsu formötum og hér er Lee-Topp-fimm:

Lee Hazlewood - If it's monday morning: Af Requiem for an almost lady frá 1971. Klassískur Lee og ágætt lag til að hlusta á ef fólk er að drepast á mánudegi.

Nancy Sinatra - Lightning's girl: Massakúl Lee-lag sem Nancy söng. Lee samdi haugana ofan í Nancy, gegnheila poppsnilld eins og Summer wine, Sugar town, Friday's child og svo auðvitað These boots are made for walkin'.

Nancy & Lee - Some velvet morning: Hugsanlega besta lag Lees og eitt af topp 10 bestu popplögum allra tíma. Komst víst í 26 sæti á bandaríska listanum þrátt fyrir gífurlega furðulega uppbyggingu. Er á fyrstu dúetta plötunni Nancy & Lee (1968). 

Lee Hazlewood - Pour man: Af plötunni Love and other crimes sem kom líka út 1968. Mér tókst að væla þessa plötu út úr John nokkrum Henderson sem hljómsveitin Bless gisti hjá í Chicago 1990.

Nancy & Lee - Arkansas coal (suite): Af Nancy & Lee again (1972) sem ég var svo heppinn að fá í Safnarabúðinni fyrir alllöngu á 200 kall. Platan er pressuð á "dynaflex" sem var ótrúlega þunn og létt plata en samt í toppgæðum. Dynaflexið er lofað fram og aftur í plötunærhaldinu en varð aldrei toppvara. Platan sjálf er líka fín eins og t.d. þetta opnunarlag eftir Lee. Árið 2004 kom svo þriðja dúetta platan þeirra Nancy & Lee 3 sem fór ótrúlega hljótt. (Á myndinni má sjá Lee og Nancy með Duane Eddy í stúdíói 2003.) 

05.08.07
Maður er svo slappur að það tekur tvö kvöld að skrölta í gegnum eina dvd mynd. Nú varða ein vinsælasta myndin í dag, Smokin' aces sem er: Stíliseruð ofbeldisrúnkfantasía sem byrjar ókei en fer síversnandi er á líður. Ben Affleck er blessunarlega drepinn snemma í henni XX.

03.08.07
Organ opnar í dag þar sem Skuggabarinn var í bakhúsi í Hafnarstræti. Spurning hvert drykkjumennirnir fara þá? Eða eru þeir kannski allir orðnir þurrir og farnir að vinna í banka? Í kvöld bíður Orgar upp á ókeypis gigg með Esju, The Way down og Pornopop, svo Innipúkinn 2007, og svo eitthvað og eitthvað, en svo þann 10., föstudag eftir viku, er komið að Vetiver frá Usa. Endurbirti að því tilefni toppfimminnlegg frá því í fyrra:

Vetiver - You May Be Blue: Flott lag af plötunni To Find Me Gone, sem mönnum þykir góð. Þjóðlagakennt hippanýbylgja og lið í sömu táfýlu og Devendra, Newsom og það gengi allt. 
---
Skemmtiþátturinn verður algjört skronster á morgun og alveg nýr þáttur því Freyr Eyjólfsson sér um hann með mér í tilefni Verslunarmannahelgarinnar (helgi sem lætur alla skjálfa í stígvélunum yfir væntanlegum fréttum af nauðgunum og þjóðvegadauða). Við leggjum upp með að spila stuðlög og fáum tvo frábæra gesti, Shady Owens, sem treður upp með Stuðmönnum í Húsadýragarðinum á sunnudag og Bobby Harrison, sem treður kannski upp með Stuðmönnum líka, hvað veit ég?
---
Annars er það helst að frétta að ég stefni á að ganga Fimmvörðuháls í næstu viku og er þegar kominn með martraðir fyrir hryllingi eins og Kattarhrygg og Heljarkambi, sem maður neyðist til að klöngrast yfir á leiðinni. Er nefnilega ekkert svo brattur þegar að hengiflugi kemur þó ég geti gengið sleitulaust tímum saman jafnt á jafnsléttu og upp temmilegan halla. Vonandi verður bara veðrið gott og vonandi þarf ég ekki að skíta mikið á leiðinni. Skítandi göngufólk er nefnilega bölvuð plága þarna og lortar undir hverjum stein, skildist mér á fréttum í gær. Þar var hvatt til að fólk tæki notaði skeinipappír með sér til að vernda náttúruna. Er það nú ekki einum of? Sjálfum finnst mér fátt meira hressandi en að sitja á hækjum mér með allt úti og láta goluna leika um mína annars aðþrengdu prívatstaði. Til dæmis er eitt eftirminnilegasta atriðið í fjallgöngusögu minni þegar ég neyddist til að ganga örna minna í holu á milli Syðri og Ytri Súlu. Ahh, holan.
---
Helgin verður án efa algjör lognmolla og ýkt tsjill. Maður lítur eflaust á Innipúka, þó ekki nema til að útvarpa þaðan á vegum Rásar 2, og Stuðmenn með Shady hljómar ekki svo illa, enda framlag Shadýar til íslenskrar tónlistarsögu glæsilegt og Stuðmenn náttúrlega klassík þótt eflaust megi álykta að þeir hafi hætt 25 árum of seint.

02.08.07
Maður þarf að redda sér tekjublaði svo maður geti borið sig saman. Nema ég sé svo ómerkilegur að komast ekki á blað. Alveg er ég samt viss um að 49.798 krónurnar sem ég greiði til skattsins renna beinustu leið í rekstur íslenska sendiráðsins í Japan.

31.07.07
Plötusnúður Rauða hersins e. Wladimir Kaminer er góð bók. Æska og uppvöxtur í móðurlandi sósíalismans eru uppistöðurnar í þessu magnaða herlagadiskóteki þar sem Wladimir Kaminer er með puttana á tökkunum. Hann er einn helsti sérfræðingur heims í rússneskri popptónlist og danskvöld sem hann skipuleggur, svonefnt „Rússadiskó“, er ógleymanleg lífsreynsla öllum sem á hlýða, segir í Bókatíðindum. Ég er reyndar bara nýbyrjaður en bókin lofar mjög góðu. Það getur vel verið að maður leiti að fleiri bókum eftir Kaminer. Þar sem hann bjó sem barn var geðveikraspítali nálægt og þar héngu oft mongólítar fyrir utan. Hann dauðöfundaði mongólítana því þeir þurftu ekki að verða neitt þegar þeir urðu stórir, þeir voru mongólítar og þjóðfélagið gerði ekki meiri kröfur til þeirra. Gefum Wladimir orðið: 

---
Það er eitthvað sem gerir mig sólginn í austantjaldsstöff, sérstaklega lýsingar á sniðuga þunglyndinu sem var gullöld Ráðstjórnarríkjanna. Líf annarra og Lilja 4-ever eru t.d. með betri myndum sem maður hefur séð undanfarið. Kannski þetta sé tilkomið vegna þess að á tímabili héldu foreldrar mínir að hamingjan og dýrðin væri að finna í Rússlandi. En það stóð nú örugglega stutt. Heima var fullur skápur af áróðursritinu "Fréttir frá Sovétríkjunum", stórkostleg heilaþvottablöð um ágæti kommúnismans. Þau nýttust mér vel þegar ég stóð í því að hanna og búa til plötuumslög fyrir ímyndaðar hljómsveitir, full af myndum af traktorum, sterkbyggðu fólki og innviðum verksmiðja. Það hafði víst einu sinni komið kall með eitt blað og svo kom þetta endalaust þótt pabbi reyndi að segja tímaritinu upp. Það þýddi ekkert að segja blaðinu upp og aldrei var hann heldur rukkaður. Þetta var því svona forveri Fréttablaðsins, má segja. Ég held sé kominn tími til að sveima í fornbókabúðum til að komplítera Fréttir frá Sovétríkjunum – eða ekki. 
---
En það ríkti svo sem einskonar kalt stríð á heimilinu. Sagan segir að pabbi hafi farið með sjónvarpið á verkstæði og látið búa svo um hnútana að kanasjónvarpið næðist örugglega ekki. Ég veit ekki hvort þetta er flökkusaga eða eitthvað sem var tæknilega framkvæmanlegt. Ég fór stundum í Sölu varnarliðseigna en passaði að segja ekki mapa frá. Einu sinni keypti ég Kissplötu og dauðskammaðist mín fyrir að draga hana inn á heimilið. Þar fyrir utan var hún hundleiðinleg, fannst mér, svo það var siðferðislegur léttir þegar ég losaði mig við hana.
---
Fall Sovétríkjanna er lýsandi dæmi um að það sem öllum finnst mikilvægast í heimi á einum tímapunkti er léttvægasta ekkert á öðrum. Svona fer um allt. Sjáið bara Varnarliðið. Áratugum saman reifst fólk um það en eftir að það fór er öllum skítsama – þetta skiptir engu máli. Tíminn jafnar allt út og gerir jafn þýðingarlaust. Því er glatað og tilgangslaust að eyða tíma sínum í kjaftæði. Og flest er kjaftæði.

29.07.07
Fréttamenn athugið: Er erfitt að fylla fréttatímana í gúrkutíðinni? Fáið þá Steingrím Joð eða Ögmund til að þusa um það sem hæst ber. Palestínu, Natoæfingar, bla bla... auðveld og skilverk leið til að búa til a.m.k. 5 mínútna leiðinda"frétt". Fréttaþusið er í boði VG sem er með fleiri á lager ef SJ og Ö verða þreytandi. Fjögur ár framundan af þusi, vei frábært, gaman að vera í stjórnarandstöðu, hei.
---
Decode og Íslenskur heimilisiðnaður kynna með megnustu fyrirlitningu safnplötuna Þetta er vonlaust, yfirgefið skútuna! e.þ.s. Topp Fimm:

Bat for Lashes - What's a girl to do: Bat for Lashes er Natasha Khan, sem er tæplega þrítug og býr í Brighton. Henni hefur verið líkt við hið heilaga þríeyki Björk, Tori Amos og Kate Bush, en það er nú örugglega bara útgáfufyrirtækið að búa til auðveldan leiðarvísi fyrir tímatæpa hlustendur. Fyrsta platan heitir allavega Fur and gold og þar má finna þetta skínandi popplag sem er sirka 50/50 girlgroup og David Lynch (svo ég búi til auðveldan leiðarvísi fyrir tímatæpa lesendur). Voða fínt.

Midnight Juggernauts - Shadows: Dystopia heitir væntanleg fyrsta fulla plata þessa ástralska sintadansbands sem tekur fram að ELO sé einn helsti áhrifavaldur sinn og er búið að vera að gera andfætlinga okkar brjálaða síðustu misserin með dansidansipoppiminn. Nú er vonandi að einhver arðræninginn kaupi lag í auglýsingu svo bandið fari sömu leið og samfætlingarnir Jet og Wolfmother og komist á heimskortið. Hér er rosa nettur smellur.

Jay Reatard - My family: Jay er pönkmenni frá Memphis, Tennissí, sem hefur dælt út og dundað síðan hann var 15 ára 1998, bæði einn og í böndum eins og The Reatards, Lost Sounds og The Final Solutions. Blood visions er fyrsta sólóplatan hans og kom út í fyrra, 15 laga popppönkplata smekkfull af hoppandi kæti og almennu rugli. Stuð.

Pissed jeans - Bad Wind: Ímignu gallabuxurnar frá Penissylvaníu afturhverfa til drullurokksins (sjá næsta lag) og eru að vekja lukku með annarri plötunni sinni, Hope for men (útg. SubPop). Spurning hvort drullurokkið komi nú sterkt inn eða hvort þetta sé bara skammvinnur fornleifauppgröftur. Þetta lag sleikir allavega hreðjar og textalega þykja þeir ímignu sterkir og slaga upp í fyrstu verk Costellos þar sem ömurlegheit þess að vera strákbjáni og vinna í glötuðu starfi eru steikt upp úr varnarfitu sinnuleysis og kaldhæðni (bónus: Pissed Jeans - Ashamed of my cum, af fyrri plötunni, Shallow):

I'm always so full of cum
Never run out not even once
And I say "Hey man, don't touch that stuff"
"You know it's just not right!"
I'm always so full of cum and it makes my brain get really numb
And I - I gotta gotta gotta gotta get something all done

Yeah - I'm ashamed of my cum
Never satisfied, even after I'm done
I'm ashamed
And it makes me feel it everywhere

"Hey man, I don't think about that stuff"
You know I beat it beat it beat it and beat it 'til you know that I'm done
I'm always so full of cum and it makes my brain get really dull
You know when I think about you, it's just not right

Yeah - I'm ashamed of my cum
Never satisfied, even after I'm done
Yeah - I'm ashamed of my cum
Never run out even after I'm done
Woo, I'm ashamed of my cum
Never satisfied, even after I'm done
I'm ashamed
We're all ashamed of our cum
Never satisfied even after we're done
We're all ashamed of our cum
Never satisfied even after we're done 

Killdozer - Cotton balls: Einu sinni var drullurokk ekki viðurkennd söluvara á markaðstorginu. Það var hressandi en breyttist með Nirvana. Fyrir Nirvana sullaðist ameríska drullurokkið í skítugu undirgrándi og enginn var að fylgjast með nema tímarit eins og Forced Exposure (kom síðast út 1993 og hefur breyst í bráðgáfaða diska og plötusölu í dag) og útgáfur eins og Touch and go (enn í góðu stuði) og Amphetamine reptile (svo til hætt). Kaldhæðni var leiðarstefið og "mér er drullusama"-attitjúdið. Slakkerar héngu við fót og skógarhöggsmannaskyrtur voru enn ekki stimplaðar grugg, enda gruggið enn ekki fætt. Drullurokkið gat af sér góðan haug af fínni tónlist sem maður lapti innflutta sirka 1986-92. Meðal helstu snilldarinnar má nefna Jesus Lizard, Butthole surfers, Big Black og svo hið sexfætta skriðdýr sem er Killdozer. Frá Madison, Wisconsin, spilandi hægt, þungt og rymjandi og oft takandi kóverlög (bónusdæmi: Killdozer - American pie) og oft syngjandi um sveitalubbalega hluti og með lag um Ed Gein, sem fjöldamyrti sig í sögubækurnar og er einn frægasti sonur Wisconsin. Þetta lag um bómull er af plötunni Little baby buntin' og er mjög lýsandi. Meðal annars drullurokks sé fólk komið í drullustuð má nefna Lubricated goat frá ástralíu (sem ég sá á tónleikum 1990 en þeir tónleikar eru nú ekki minnisstæðir fyrir annað en risa útúrdópaða blökkumanninn sem ætlaði að berja Grím), No trend (mæli með hinu gullfallega Too many humans), skituuppábakbandið Flipper og protogruggbandið Mudhoney. 

28.07.07
Vér feðgar vorum á Akureyri. Höfuðborg norðurlands á stóran stað í huga mínum, enda hef ég örugglega farið þarna á hverju ári, fyrst til að heimsækja ömmu og afa í Stórholtið, síðar til að heimsækja Oddnýju systur. Akureyri er stórfenglegt pleis enda í fegursta firði landsins, Eyjafirði. Ég skoðaði fasteignaauglýsingar með nokkrum áhuga í dagskrárblaðinu, þarna er svona helmingi - 1/3 ódýrara að kaupa sér húsnæði en á mölinni. Held að flutningur strandi þó á Lufsinni sem vill ekki flytja úr bænum. Meðal hápunkta í ferðinni var eftirfarandi:
* Jólagarðurinn. Alltaf sígildur og salt water taffy-karamellurnar eru að gera góða hluti.
* Kjarnaskógur. Frábær garður fyrir alla. Lætur Húsdýragarðinn, Öskjuhlíð og Elliðaárdal líta úr eins og aumingja.
* Frúin í Hamborg. Skransala sem mun flytja í stærra húsnæði í ágúst. Eigandinn ætlar að koma upp sérstöku vinýlplötuherbergi. Tók ágætan skrans á plötunum og keypti fimm:
# Safnplatan Hottest Hits, From the vaults of Treasure Island - raggí safnplata með umslagi sem ég kannaðist við frá því í gamla daga. Merkimiði frá Vöruhúsi Kea, fyrri eigandi: Elín Ása Geirdal.
# Sjö tomma með Change útg. Orange, Yaketty-Yak, smacketty-smack.
# Ítalska Bítlasafnplatan The Beatles in Italy.
# Deildarbungubræður - Saga til næsta bæjar - stuðpopp frá 1976. Merkimiði frá Hljómver (2400 kr), fyrri eigandi Bára Margrét Stefánsdóttir.
# Fischer-Z - Word salad. Plata sem ég átti sem unglingur. Keypt aftur til nostalgíubrigða. 
* Brynjuís. Besti ís á Íslandi, punktur.
* Heilsuhornið í Glerártorgi (sem nú er í undirbúningi að stækka um 2/3). Þarna fann ég rótarbjór, engiferöl og fleiri exótíska drykki sem fást bara þarna á öllu Íslandi (sjá gos).
* Hjalteyri. Draugaleg yfirgefin síldarverksmiðja. Vildi ekki vera þarna í myrkri. Fjaran ágæt í kring. Þarna er líka ágætis kaffihús, Kaffi Lísa.
* Sakka. Bær í Svarfaðardal sem við komumst í heimsókn til vegna fjölskyldutengsla. Dagbjartur fór hamförum á traktorum og fleiri ökutækjum auk þess að fá egg hjá landnámshænum. 
* Tók viðtal og sólópunkt við þá stórmeistara Helga Þórsson og Rögnvald Gáfaða úr Helga og Hljóðfæraleikurunum og Hvanndalsbræðrum. Útkoman verður flutt í sérstakri Akureyrar-útgáfu af Skemmtiþættinum í dag kl. 16:08.
---
Svo komum við heim (Brú í Borgarfirði mættu alveg hafa ekki alveg svona gömul pulsubrauð og Landnámssetrið í Borgarnesi mættu alveg hafa fleira fólk að vinna við matsölu. Kaffihúsið Við árbakann á Blönduósi er þó að gera mjög góða hluti.) og fórum á Simpsons myndina með íslensku tali. Íslenskan böggaði mig nú lítið nema smá fyrst og þetta er alveg ágæt mynd, segjum 3 og 4. Ekkert geðveikt meistaraverk enda erfitt að teygja formið í heila mynd. Maður var dálítið farinn að líta á klukkuna undir það síðasta. Þarf að sjá þetta með ensku tali áður en ég skrifa dóm.

25.07.07
Er ekki próteinsjeik kolvetnisjöfnun? Eða skyr og harðfiskur frekar. Svona fæðubótarusl er nú náttúrlega bara rusl. Einu sinni keypti ég svona Hydrokött fitubrennslutöflur og át samviskusamlega í mánuð. Gerði ekki djakksjitt.
---
Át á Sjávarbarnum sem er beint á móti gamla Ellingsen sem er núna Saltfélagið. Ég var listalaus vegna kverkaskítsins og fann eiginlega ekkert bragð svo ég sleppi að rýna staðinn í þetta skiptið, en ég held engu að síður að það sé alveg hægt að mæla með þessu. Hlaðborðið kostar 1200kall í hádeginu sem er glæsilega gott verð því það er svo mikið í boði. Allskonar fiskiréttir, heitir og haldir og líka kjötbollur. Hráefnið ferskt, svaka almennilegt starfsfólk (Magnús kokkur og félagar) og ekkert rugl. Fer aftur og smakka þá það sem kokkurinn kallaði hina frægu sjávarréttarsúpu. Svo fór ég á Saltfélagið til að hlæja inn í mig af ógeðslega dýra dótinu sem má fá þar. Bara sökkers sem kaupa designdrasl á svona uppsprengdu verði. Hundómerkilegur leðurstóll á 350.000. Frekar færi ég nú til heitu landana í mánuð með fjölsk og keypti stólgarm í Ikea á 10.000, eða 3000 í Góða hirðinum – ekki eins og mig vanti stól svo sem. En það er nú í lagi mín vegna þótt grey hafi fundið sér tilgang í lífinu með því að sanka að sér dýru dóti. Það nauðgar þá engum á meðan. Tja nema í American Psycho. Ég get alveg viðurkennt á mig designáhuga og væri alveg til í að skreppa í t.d. Moma búðina í NYC þar sem maður þarf ekki að gráta úr sér horin þegar maður skoðar verðmiðana. Í síðust ferð minni þangað fjárfesti ég í úrvals Orka gúmmí ofnahanska og glæsilegum rafknúnum saltstaut frá einhverju voða fínu design. Nei í alvöru, ég er ekki bara einhver Ikea gaur, þótt ég þoli ekki okur.

24.07.07
Öruggan stað til að vera á - vælið... hefur löngum toppað auglýsinga-græna bólu-listann en nú hefur ný auglýsing náð toppnum: Hafðu það grillvænt og gott alla daga-vælið... er komið á toppinn.
---
Munurinn á Rás 2 og Bylgjunni kristallast í því að á Bylgjunni er búið að blíbba út "fucking" í nýju Green Day-útgáfunni af Working class hero, en ekki á Rás 2. Annað er eftir þessu. Hvaða Íslendingur fær annars hland fyrir brjóstið þegar hann heyrir "fucking" í útvarpinu?
---
Gott viðtal núna í Síðdegisútvarpinu: draugfullur Megas að atast í sallarólegum Frey Eyjólfssyni. Hápunkturinn var "Árni, Bjarni, nei Magni". Frágangur er kominn á fóninn. Frágangur góður.
---
Næsti Skemmtiþáttur er Akureyskur. Akureysk tónlist, akureysk óskalög og í sólópunkti mætast tveir meistarar: Helgi Þórsson úr Helgi og Hljóðfæraleikararnir og Rögnvaldur Gáfaði úr Hvanndalsbræðrum. Nýkomin er ný plata með HogH og skást of Hvanndalsbræður er sjóðheit í verslunum. Sem sé, alveg magnaður helvítis þáttur kl. 16:08 á Rás 2 á laugardaginn.

23.07.07
Lúkas kominn í leitirnar. Ég nenni nú ekki einu sinni að segja eitthvað fyndið. Stærsta frétt dagsins er þó auðvitað að nýjan platan með Megasi er komin í búðir, Frágangur.
---
Ef maður fer í apótek og segir ég er með kverkaskít, áttu eitthvað? fær maður bara Strepsil og verkjalyf. Það tottar að fá kverkaskít um mitt sumar. 

22.07.07
Rollingunum vantar greinilega aur því þeir léku fyrir 700 bankabubba í höll í Barcelona. Heimildir eru misvísandi um þóknun, en hún var annað hvort 5.400.000 pund eða dollarar. Hellingsmunur þar á, 660 millur eða 322 millur. Þá vita íslenskir bankabubbar sirka hvað kostar að fá alvöru band í partíið sitt í staðinn fyrir glataðar lummur og drasl. Þá er bara að byrja að safna eða hækka bara yfirdráttarvextina og þjónustugjöldin. Koma svo!
---
Tónlist punktur is er ágætis apparat. Popparar eru þó mishrifnir af þessu og mörgum finnst þeir ekki fá nóg fyrir sinn svokallaða snúð. Bubbi Morthens lætur ekki rugla neitt í sér og fór fram á 50 kall hærri greiðslu á hvert lag en í boði var. Þess vegna kostar hvert Bubbalag núna 149 kall á meðan lög hinna auminganna kosta 99 kall. (öppdeit: Djöfulsins vitleysa. Það er fullt annað en Bubbi á 149 kall lagið, m.a.s. ég sjálfur.
---
Sumt er þó ókeypis, eins og t.d. 290 myndbönd sem má glápa á. Þarna eru m.a. 4 Ununar-myndbönd. Ég var nú búinn að gleyma tilvist margra þeirra. En þetta er ekki allt, mig rámar í 5 Ununar-myndbönd í viðbót: Ísklumpavideóið sem Sjón leikstýrði. Það tók heilan dag í frystigámi og kostaði 500 þúsund kall sem var álíka mikið og ég hafði í kaup það árið (1996 eða 7). Svo held ég að það hafi aldrei verið sýnt, kannski einu sinni. Myndband við Ýkt döpur sem var gert á Rúv og sportaði Heiðu í hárgreiðslustól. Myndband við Sumarstúlkublús líka af Rúv. Sportaði mér með hárkollu. Annað videó við Lögungafólksins (eða ensku útgáfuna Kung Fu Blue) sem gerðist á Prikinu og var með voða kúng fú. Líklega var það besta videóið okkar. Svo mesta flippið: Ást í viðlögum myndband sem Jóhann "Rækja" Sigmarsson leikstýrði. Það tók heila nótt í Laugarásbíói. Þór nennti ekki að mæta svo það var staðgengill í fötunum hans. Jonni lagði mikinn metnað í þetta og lagði svaka lestarteina um allt bíó. Þeir voru svo aldrei notaðir. Þegar myndbandið var loks tilbúið biðu hljómsveitarmeðlimir spenntir og leist ágætlega á framan af. Eftir sirka 2 og hálfa mínútu af 4 mínútna lagi kláraðist myndbandið skyndilega. Hva, er ekki meira?, spurðum við. Æi nei, svaraði Jonni, þessi myndbönd eru hvort sem er aldrei spiluð í fullri lengd í sjónvarpinu!
---
Hér er fullum afköstum haldið og nú kynnir Rio Tinto með stolti safnplötuna Ef þú ert á móti áli flyttu þá til Azerbajan, hippabeljan þín, eþs Topp 5:

Ragnhildur Gísladóttir - Draumaprinsinn: Geðveikt flott lag og ýkt töff örlí 80s hljóðgerflaútsetning eftir meistara Magnús Eiríksson. Var í súrleginni kvikmynd Hrafns Gunnlagussonar, Okkar á milli (í hita og þunga dagsins) 1982. Lagið er eitt af 100 á nýja 80's pakkanum frá Senu. Svo haldið sé áfram að minnast á Unun, þá lékum við þetta lag einu sinni á tónleikum í Háskólabíói árið 1995. Þá var verið að veita "Hallbjörninn", verðlaun í stuttmyndakeppni menntaskólanna, í fyrsta og eina skipti. Mig minnir að við höfum líka spilað Contact með B.Bardot og eitt enn, líklega Einkalíf. 

Valgeir Sigurðsson - Evolution of waters: Og meiri Ununar-tengsl: Hér er hljómborðsleikarinn Valgeir með lag af sinni fyrstu sólóplötu. Getum Valgeiri orðið: "Ég kláraði hana í vor en þetta er fyrsta sólóplatan mín og hún er gefin út af mínu eigin útgáfufyrirtæki," segir Valgeir en platan heitir hinu stóra nafni Ekvílibríum. Þegar hann er beðinn um að lýsa tónlistinni segir hann: „Þetta er einhvers konar blanda af akústískum og elektrónískum tónum og flest lögin eru instrúmental. Þó eru fjögur sem sungin eru af gestasöngvurum en það eru þeir Will Oldham eða „Bonnie Prince Billie", Don MCarthy og Ástralinn J. Walker sem syngja inn á plötuna fyrir mig." Hér er annað lagið sem Bonnie syngur en platan kemur út 9. ágúst.

Jan Mayen - The sexual connection: Örstuttur en sprengimagnaður tryllir af næstu plötu Jan Mayen, So much better than your normal life, sem er væntanleg í ágúst. Þar er stíft tekið áðí enda gæðaplötu að fylgja, hinni ýkt kúl fyrstu plötu JM. Fylgist spennt með.

Bryndís Jakobs og Shady - Ljáðu mér eyra: Veðramót, kvikmynd Guðnýjar Halldórsdóttur um stúlknahryllinginn á Breiðavík (sem tók víst við þegar strákahryllingnum var lokið) verður frumsýnd 7. sept. Tónlistina gerðu mæðgurnar Ragga og Bryndís og dregur hún dám af períódu myndarinnar, örlí seventís. Hljómsveitin sem leikur undir heitir SHADY (gott nafn!). Hér er sýnishorn úr sándtrakki. Bryndís og Dóri DNA eru skrifuð fyrir lagi og texta. 

Trúbrot - Ég sé það: Talandi um Shady (Owens) þá er nú ekki hægt annað en að leyfa henni að eiga síðasta orðið. Hér er magnað lag sem hún dúettar með meistara Rúnari af sjötommu Trúbrot frá 1970. Hitt lagið á plötunni er meistaraverkið Ég veit þú kemur. Andrésar andar hljóðin í endanum á laginu eru auðvitað hliðarverkanir grasneyslu en á þessum tíma var Trúbrot svo mikið í grasagarðinum að Vikan birti stríðsfyrirsögnina: Já, við reyktum marijuana. Því miður varð viðvera Shadýar ekki nógu mikil í íslensku rokki og hún flutti til Bandaríkjanna þaðan sem pabbi hennar var.

21.07.07
Þetta er úr Blaðinu í dag:

Listakonan Brissó er að gera góða hluti.
---
Fór í bústað hjá Krissrokk sem var voða fínt þar til Ísland breyttist í Ísland aftur með súld. Þarna á Borg í Grímsnesi var sundlaug og fjall sem ég notaði og hef sett í viðeigandi síðu. Bústaðurinn var fínn en umhverfis allt manngert og ekki fullgert. Þetta var dálítið eins og að vera í Norðlingaholti, bíst ég við. Óþarfi að örvænta því 18 holu golfvöllur ku á leiðinni. Talandi um golf þá eru það nú meiri helvítis fíflin sem ráða yfir golfútsendingum í Ríkissjónvarpinu. Maður ætlar að sýna stráksa lögbundið barnaefni kl. 18 en nei nei, bara eitthvað helvítis golf í gangi síðan um morguninn. Löngu kominn tími til að Rúv annað hvort komi sér upp sérstakri íþróttastöð eða leyfi Sýn bara að hafa þetta.
---
Í Laugardalshöll er Sena með markað. Keypti Simpsons 8 til að komplítera (sæmilegt verð 3999) en annars er þetta nú engin stórkostlegur snilldarmarkaður. Sérstaklega ekki þegar maður hefur gefið cda upp á bátinn.
---
Í dag kl. 16:08 er Skemmtiþáttur og Orri Harðarson og Ívar Bjarklind ætla að keppa í sólópunkti. Óskalögin verða úr Slakka (samnýttar sumarleyfisferðir) og Topp 10 að þessu sinni verður yfir óvænta arftaka Emilíu í Nælon.
---
Dagbjartur er í sumarfríi, Elísabet liggur og sýgur Lufsuna svo við feðgar erum í allskonar aksjón. Fórum í gær til Kef og nutum listisemda bæjarins. Því miður var Vatnaveröldin í sundlauginni lokuð vegna þrifa og þessi sundlaug fær því ekki dóm að svo stöddu. Leist nokkuð vel á hana samt. Ólsen Ólsen er góð hamborgarabúlla en þeir eru með Rifja-Ólsen og allskonar "Ólsen" sem er það sama og Hlölli og Nonni í höfuðborginni. Fínn staður. Ekki er hægt að segja það sama um sjoppuna Nýung sem samkvæmt lókalíbúa átti að vera með besta ísinn. Starfsmenn Hollustuverndar kæmust í spikfeitt þar. Rör var sprungið svo gólfið var á floti. Ísinn var volgur og frá MS sem er ekkert spes. Þarna voru svo tvær gríðarlega hættulegar tyggjókúluvélar. Maður borgar 50 kall fyrir eina kúlu sem kemur út eftir ferðalag inni í vélinni. Önnur vélin hjó í sundur kúluna og þegar ég borgaði aftur festist nýja kúlan í leifunum af gömlu kúlunni. Hér var Dagbjartur orðinn nokkuð fúll. Hin vélin skilaði reyndar kúlu en kúlan var mygluð með stærðar myglubletti. Ég hélt að tyggjó gæti ekki myglað en það er greinilega allt hægt í Kef. Kannski þetta væri gott mottó fyrir Kef:

Komið til Kef - þar sem tyggjókúlur mygla

Alls ekki verra en mottó Bolungarvíkur:

Endastöð sem kemur á óvart

Starfsstúlkan óð bleytuna til að endurgreiða mér tyggjókúluútgjöldin og var ekkert nema almennilegheitin. Síðasta stoppið var svo pólverjabúðin Jubo á Iðivöllum. Þetta er önnur tveggja pólskra búða í Kef. Fjárfest var í malt-stælingunni Karmi og allskonar exótísku nammi. Allt var þetta hræbillegt enda varla hægt að bjóða Pólverjum sem eru vanir hræódýrum mat annað. Keflavík er magnaður staður og hefur nokkurn veginn haldið exótíkinni þrátt fyrir að Kaninn sé farinn.
---
Úrslit eru ljós í HVAÐ ER FALLEGASTA ORÐIÐ Á ÍSLENSKU:

17.07.07
Ég hélt að Ísland væri hamingjusamasta þjóðríki í heimi en samkvæmt þessu erum við bara í 64. sæti á eftir allskonar liði, t.d. bæði Kyrgyzstan og Hondúras. Hvernig stendur á því?
---
Húsnæði Safnarabúðarinnar er til sölu. Búðin hefur verið starfandi í ein 34 ár og er mikil stofnun í tónlistarlífi landsins, eða öllu heldur verslunarsögu landsins. Nú er spurning hvort einhver sjái sér leik á borði og taki við búðinni eða hvort henni verði lokað og þarna komi matsölustaður eins og hvatt er til í auglýsingunni.
---
Hvað er fallegasta orðið á íslensku? Taktu þátt í laufléttri sumarkönnun. Allir fara í pott sem verður dregið úr. Fimm úr þeim potti fara í annan pott sem síðan verður dregið úr. Sá heppni fer aftur í fyrri pottinn og má ekki eiga von á neinu.

16.07.07
Þegar ég vaknaði brann ein spurning á mér: Er Elízabet Taylor lifandi eða dauð? Eftir gúggl hef ég komist að því að hún er lifandi.
---
Hefði ég vitað að þessi hola sem var verið að grafa út í Viðey væri fyrir friðarsúlu Yókóar Ónó hefði ég án efa veitt henni meiri athygli.
---
Mikið væri nú gaman ef hægt væri að fletta blaði án þess að sjá út undan sér myndir af viðbjóðspakkinu Beckham. Í sjónvarpinu sá ég út undan mér það nýjasta í smáhundatískulínu Parísar Hilton. París má eiga það að hún er nógu heimskuleg í framan til að vera meinleysisleg en Viktoría lítur út fyrir að ömurlegasta tík í heimi. Æi, nú hef ég dregið sjálfan mig niður á lægsta mögulega plan. Ég sem ætlaði að komast í gegnum lífið án þess að skrifa nokkurn tímann "París Hilton".

15.07.07
Hérna ætti ég kannski að vera með einhverja lista yfir bestu plötur ársins til þessa, vegna þess að árið er hálfnað, en sannast sagna dettur mér ekkert í hug í fljótu bragði nema Of Montreal platan og Battles platan. Bestu plöturlistar bíða því áramótanna. Svo er þessi plötuhugmynd alveg á útleið, eins og ég hef bent á, og hlustunarmynstrið meira í shuffle og einstökum lögum en 10-15 laga plötuflykkjum þótt hljómsveitir séu flestar fastar í því fari ennþá. Reyndar hafa Ash gefið það út að nýja platan þeirra sé sú síðasta og héðan í frá geri þeir bara lög - "The way people listen to music has changed, with the advent of the download the emphasis has reverted to single tracks", einmitt, en hverjum er nú kannski ekki alveg sama hvað Ash gera. Fáð'ér bara Topp fimm:

The Brunettes - Structures and cosmetics: Ný-sjálenskt krúttdúó sem hefur sungið um ís og nammi og fleira krúttlegt síðan um aldamót. Fyrsta platan þeirra, Holding hands feeding ducks, var mjög fín, en á nokkrum epum og einu lp enn var svo sem ekki mikið í gangi. Nú hefur Sub Pop gefið út nýja plötu, Structures and cosmetics, þar sem dúóið spýtir í lófana. Hér er hið dimma titillag sem er ekki lýsandi (restin er mun meira djollí), en flott engu að síður og hljómar eins og úrvalslag með Nancy og Lee. 

Caribou - Eli: Caribou er Daniel V. Snaith, Kanadamaður að nálgast þrítugt sem hefur gert haug, fyrst undir nafninu Manitoba (þurfti að breyta um nafn þegar Handsome Manitoba úr prótópönkhljómsveitinni The Dictators hótaði lögsókn. Ég og Steini vorum einmitt leiddir að bar Handsome í pönktúrnum i NY). Plata Caribou frá 2005 The milk of human kindness var einmitt ein af bestu plötum þess árs (#6 sé ég í gömlu bloggi) svo það var tilhlökkunarefni að tékka á nýju plötunni Andorra sem nú er komin. Hún er fjandi góð. Melódískt og ljúfpoppuð, minnir oft á eðal sólbakað barrokkrokk eins og Left Banke, The Zombies eða stöffið hans Curts Boettchers. Samt er þetta nýtt stöff og engin kopíulæti í gangi.

Digitalism - Idealistic: Þýskir skrattar sem gefa út á franska Kitsuné Music merkinu. Ekki mjög ósvipaðir örlí Daft Punk þessir Digitalism drengir og fyrsta platan þeirra, Idealism, ágæt. 

Dragonette - I get around (Midnight juggernaut mix): Til þess að hafa góðan hljóðheim í ræktinni er ég farinn að leita uppi góðar safnplötur. Kitsuné Maison vol. 4 er ein slík og þar er margt um fína spretti sem má spretta úr spori við. Kanadíska hljómsveitin Dragonette sem hér fær gasagóða snyrtingu frá hinum áströlsku Midnight Juggernaut (sem koma með fyrstu plötuna sína bráðlega) ku vera á uppleið og hefur staðið í upphitunum fyrir Duran Duran, New Order, Basement Jaxx og Sugababes les ég á wikipedia sem þú getur sjálf/ur lesið ef þú vilt vita meira.

Cut copy - Going nowhere: Ástralskir strákar í svona 80s áhrifuðum diskónjúveiffíling eins og annar hver maður er í í dag. Af annarri nýlegri safnplötu, Digital penetration vol. 1, sem er ekki síður spretthörð.
---
Ég vakna yfirleitt á milli 5 og 6 og sé því stöff út um gluggan sem flestir sofa af sér. Núna er náttúrlega slangur af rennandi-af-unglingum og liði að drattast heim til sín, sumir einir, sumir með deyja-ofan-á með sér. Þá þakka ég hamingjunni fyrir að þessu leiðindaskeiði sé lokið í lífi mínu og að það séu liðin ár síðan ég fór út á hið svokallaða líf (ef undan er skilið hið árlega fyllirí sem í fyrra var farið í Liverpool en er ekki líklegt að af verði í ár vegna stækkunar). Annað er þó mun furðulegra og það er það svakalega magn af Kínverjum sem ganga hér fyrir gluggann og allir eru þeir með myndavélar með sér. Árrisulir ferðamenn eða agentar frá kínverska sendiráðinu að njósna? Og þá að njósna um hvað? Hulin ráðgáta.
---
Nú er Siggi pönk orðinn hættulegasti maður á landinu, skilst mér. Ýmist á manni að finnast "aðgerðir" SavingIcelandtrúðslæti eða maður er smáborgari ef manni finnst þetta trúðslæti. Mér einhvern veginn stendur á sama, væri kannski fúll ef ég væri að flýta mér og lenti í miðri skrúðgöngu, en blessaðir unglingarnir mega flippa fullir af heilagri reiði fyrir mér, eins og hvert annað götuleikhús frá Hinu húsinu. Það verður 90% af þessu liði komið í sorglega millistéttapakkann fyrir fertugt hvort eð er og ágætt að láta minna sig á að það eru ekki allir vafrandi í Kringlunni með slefuna á hökunni. Þó sú slefa sé reyndar subbulega sæt, enda mettuð allsnægtum nútímans. Eins gott að sökkva sér í þær allsnægtir því þær standa stutt og við munum öll farist í eyðimörk global warming. Eða ekki. Svo er þetta eflaust gott fyrir fréttastofur í gúrkunni sem geta þóst vera rosa merkilegar í beinni og allt og hvílt sig aðeins á gassniffandi hálfvitum á meðan. 

14.07.07
Bráðum fá eigendur Aygo og fleiri smábíla að leggja frítt í miðbænum. Væri ekki góð hugmynd að þeir sem eru með dauða máva á húddinu fái líka að leggja frítt? 
---
Fréttamenn Stöðvar 2 athugið: erótískt nuddandi mellur á Egilsstöðum skv. smáauglýsingum Blaðsins. Drífa sig á staðinn með kameruna.
---
Kl. 16:08. Skemmtiþáttur á Rás 2 með Stafrænum Hákoni og Sindra Seabear í æsispennandi sólópunkti.

13.07.07
Ég get ekki af því gert en mér finnst eins og allir sem kenna sig við mæður sínar hljóti að hafa verið misþyrmt af föður sínum í æsku eða átt ömurleg samskipti við karlinn. Líklega er ég þó bara fastur í hlekkjum vanans.
---
Íþróttahelmútar hafa líklega aldrei heyrt minnst á máltækið sá vægir sem vitið hefur meira.
---
Líklega ætti ég hafa þriðja bloggið um eitthvað sem er "líklega eitthvað" eins og t.d. að líkt og Jónas finnist mér það ekki taka því fyrir minna en þrjár færslur á dag. Eða bara sól. 

12.07.07
Laufléttri og sumarlegri smásögu minni sem ég sendi inn sem Bakþanka dagsins var vitanlega hafnað enda vill blað sem er sent á öll heimili ekki hafa menn að fá úronum á baksíðu sinni fyrir framan börn og gamalmenni. Þetta kom þá í staðinn. Hér kemur bakþankinn sem birtist ekki, fyrir þig, blogglesandi góður, sem ert náttúrlega hér á eigin ábyrgð og ekki mér að kenna þótt þú sjáir þetta. Þetta er svona létterótísk saga í anda Ellýjar, nema bara með körlum svo þetta er viðbjóður.

Fyrsta íslenska klámmyndin

Þetta var stór dagur hjá Sigga. Allt hans líf hingað til, eða að minnsta kosti síðan hann fann miðjustykkið á sér rísa í fyrsta sinn, hafði verið upphitun fyrir það sem nú var um það bil að gerast. Öll fyrri afrek hans – þegar hann fékk áritunina hjá Ron, þegar hann opnaði síðuna, þegar hann lét búa til bolinn – allt var þetta hjóm eitt miðað við drauminn sem nú var um það bil að rætast.

Hann var í bílskúrnum hjá Óla vini sínum og handlék kameruna spenntur. Óli og annar vinur hans, Gummi, sátu vandræðalegir á fermingasófanum í nærbuxum og sokkum einum klæða. Ertu nokkuð með flöffer?, spurði Óli til að brjóta ísinn. Ha ha, kannski mömmu þína? botnaði Gummi og hló. Þegiðu fávitinn þinn!, skipaði Siggi fúll en tók snöggt viðbragð þegar bankað var á bílskúrshurðina. Jæja félagar, nú fer að hitna í kolunum, sagði Siggi og opnaði út.

Helvítis vonbrigði. Þetta var bara karlinn hann Jónas sem Siggi hafði einu sinni unnið með á bensínstöð. Andskotann var hann að vilja hér? Hafði Siggi ekki afþakkað aðstoð hans kurteislega? Nei, andskotinn! Karlhelvítið reif sig úr öllu á mettíma og hlammaði sér á milli Óla og Gumma, strjúkandi á sér skottið.

Jæja, hver eru beibsin?, spurði Jónas iðandi í skinninu og bætti við: Er þetta vígvöllurinn? Hann hnykkti hnakkaspikuðu höfðinu í áttina að dýnunni sem stóð í horni við hliðina á vetrardekkjastæðu. Ha, jú, sagði Siggi. Tja, stelpurnar hljóta að fara að koma, en hérna, ég var nú eiginlega ekkert búinn að samþykkja að þú fengir að vera með.

Hvað meinarðu?, spurði Jónas reiðilega og greip ósjálfrátt um hnén á Óla og Gumma. Þeir kipptust við og litu ringlaðir hvor á annan. Hví ættirðu ekki að vilja að landsins mesti foli leiki í þessari mynd þinni? Ég skal segja þér það karlinn minn að myndin þín verður algjör hittari með þetta í henni. Jónas spratt á fætur og greip þéttingsfast utan um þettað á sér til að leggja áherslu á orð sín. Eitthvað misreiknaði hann sig því snögglega lippaðist hann niður, rak upp stutt gól og afgreiddi ekkert sérlega snyrtilega sendingu yfir gólfið og skálmarnar á buxunum hans Sigga. Honum varð svo mikið um að hann afgreiddi sendingu úr öðrum enda yfir Jónas.

Djöfulsins rugl er þetta!, vældi Óli og skimaði eftir gólftusku. Þá gall í Gumma: Varstu ekki með videóið í gangi, Siggi? Þetta smellpassar í viðbj-flokkinn!
---
Viðey hefur lítið skánað. Sá hvergi þessi seglhjól sem eiga að vera þarna. Hinsvegar mátti fá hjól ókeypis sem var ágætt. Alltaf rok í þessu vindrassgati. Breyta þessu bara í gólfvöll eða eitthvað.
---
Ég var nú bara að komst að því núna að um Gissur Björn Eiríksson er fjallað á hinu stórskemmtilega 365 projecti. Hér er það. Og það sem meira er þá er 365 prójektið nú aftur farið í gang fyrir 2007.

11.07.07
Tilkynning:
Sjöttu Skemmtiþátturinn
Skemmtiþáttur Doktors Gunna er á dagskrá Rásar 2 á laugardögum. Í næsta þætti (14.07.07) verður magnað fjör, fastir liðir eins og klikkaðasta lagið, topp 10 og óskalög, sem að þessu sinni eru óskalög Ræbbbla. Í spurningakeppninni Sólópunkti takast á þeir Sindri Már Sigfússon í hljómsveitinni Seabear og Ólafur Josephsson sem er hljómsveitin Stafrænn Hákon. Hljómsveitin Seabear sendi frá sér sína fyrstu plötu á dögunum, The Ghost that carried us away, en fimmta platan með Stafrænum Hákoni var að koma út og heitir Gummi. Skemmtiþátturinn hefst strax á eftir fjögur fréttum og stendur til kl. 18.
---
Fólk þarf að vera sérlega miklir fávitar til að ég taki eftir því. Ég hef t.d. margoft farið í TGIF og ekki fundist ég vera umkringdur spikfeitum heilaleysingjum sem hafa í mesta lagi lesið DaVinci lykilinn. Ég sé að nágranni minn Ágúst Borgþór lenti í að vera næstum kafnaður í fávitahrúgu og blogg hans um það rataði í Blaðið. Skemmtilegast í þessu öllu er komment einhvers Leifs sem tekur upp hanska meintra fávita og skrifar langa færslu þeim til varnar. Ah internetið, er það ekki yndislegt? 
---
Ef ég væri rasisti myndi ég benda á Naustið, sem nú lítur út eins og kínverskt hof, og segja: Sjáiði! Sjáiði! Fæðingastaður kokteilsósunnar kominn í soyasósuna!
---

Dollarinn í sögulegu lágmarki og ef ég væri sniðugur ætti ég núna að kaupa eitthvað frá USA áður en tekið verður fram fyrir hendurnar á Davíð Oddssyni og gengið lagfært. Dollar á 60 kall er grín. Mér dettur náttúrlega ekkert skárra í hug en að kaupa mér gítar og er dáldið heillaður af eftirlíkingum Eastwood á Mosrite og Airline gíturum. Þetta eru gítarar sem eru eins og fiftís drossíur með strengi, sérstaklega þotuhönnunin hjá Airline. Líklega ódýr merki upphaflega en nú eru orginal gítarar rándýrir og sjaldséðir. Johnny Ramone kom Mosrite á kortið og Jack White hamrar jafnan á rauðan Airline. Þess má geta að Danny Pollock átti svipaðan Airline gítar og þótti mikill viðburður að sjá hann spila á gítarinn með Utangarðsmönnum. Skömmu síðar var gítarinn kominn í hendurnar á Langa Sela með Oxzmá. Spurning hvar þessi eini Airline Íslands sé í dag? Ekki er vitað til þess að Mosrite gítar hafi komið til Íslands.

10.07.07
Dagbjartur í sumarfríi og ég í sumarfríi og allir í sumarfríi. Pönkararnir í Ræbbblunum voru ekkert nema almennilegheitin og skófu drulluna af hjólinu mínu. Gerði óskalög Ræbbbla með þeim í leiðinni. Vér feðgar settum loft í dekkin á leiðinni heim. Skömmu síðar hvellsprakk á framhjólinu og við í Örninn eftir nýju dekki enda þetta orðið 10 ára og að niðurlotum komið. Alltaf gaman að hjóla. Fórum líka í Löður en þar getur maður verið Karíus og Baktus með brjálaðan tannbursta fyrir utan bílinn. Hjóluðum svo oní fjöru. Hvar er flottasta fjaran krakkalega séð með mest djúsí stöffinu? Ægisíðan er ágæt. Maður ætti kannski að fara að tékka betur á fjörum í nágrenninu. Sá mann með mótmælaskilti fyrir framan tryggingafélag í Ármúla. Telur að á sér hafi verið brotið. Þá eru komnir tveir með skilti í bænum, þessi og Helgi Hós. Vantar bara einn í viðbót og þá væri hægt að gera "óskalög manna með mótmælaskilti". Keypti pólskar pylsur frá Kjarnafæði. Samt er ég eiginlega á móti þessu Kjarnafæði kompaníi vegna asnalegu auglýsinganna með tannskakka stráknum sem klínir snyttu framan í sig í danskri snyttubúð. Á það að vera lystaukandi? Keypti þrjá fulla poka af mat og drasli og auðvitað í Bónus. Það er geðveiki að versla annars staðar. Ég hugsa þegar ég kem að kassanum með fullan vagn, jæja þetta kostar 8000 kall. En svo kostar það alltaf minna, kannski 5000 kall. Húrra fyrir Bónus. Mér er skítsama þótt þeir steli sláttuvélum frá sjálfum sér. Svo er Jóhannes alltaf að raða í hillur þegar honum leiðist. Ætli Jóhannes megi ganga inn í allar Bónus búðir á landinu og byrja að raða í hillur? Það sást til hans nýlega í Bónus á Akureyri þar sem hann staflaði klósettpappírsrúllum í hillur. Jón hlaupari stóð rétt hjá og glápti á hann stóreygður. Þetta ætti Björgólfur (hinn vinsæli millinn) að gera líka. Kannski leysa bankagjaldkerana af annað slagið. Maður mætti og þá væri bara Björgólfur í gjaldkerastúkunni í teinóttu og búinn að setja upp lítið bankamannakaskeiti. Krónan á ekki skít í Bónus, miklu minna til og dýrara. En auðvitað fæst ekki allt í Bónus, sérstaklega eitthvað gúmmilaði sem maður þarf. Og maður þarf gúmmilaði því lífið er of stutt og tilgangslaust til þess að sleppa því að fá sér gúmmilaði. Það mætti halda að ég sé einhver sökker fyrir Bónusfeðgum, en Hagkaup er auðvitað þar sem er skemmtilegast að versla. Ætli Hagkaup í Kringlunni sé ekki uppáhaldsbúðin mín, eða í Smáralind. Þetta á auðvitað ekki skít í stórverslanir erlendis, stenst hvorki samanburð úrvals- né verðlega, en á íslenskan mælikvarða eru þessar búðir mest djúsí. Ég gef ekki mikið fyrir okrið í Nóatúni. Þangað er ég hættur að fara til annars en að kaupa Wrigleys tyggjó og Nutella. Það er ítalskt súkkulaðismjör en ekki franskt eins og ég hélt (svona lærir maður alltaf eitthvað nýtt með hjálp internetsins). Einhverra hluta vegna fæst þetta ekki í Baugsbúðunum. Talandi um Ítalíu þá hef ég bara aldrei komið þangað, hvað þá til Grikklands, þaðan sem nú berast nú fjölskyldulífslýsingar daglega í boði Egils Helga. Maður þarf endilega að tékka á þessum slóðum. Ítalskur kúltúr er nokkuð traustur, Pasolini og Fellini náttúrlega, maturinn, kaffið, gellurnar og vespurnar, en lítið kannski að gerast þarna í músik, tja jú jú, Morricone og ítalskt diskó er nú ekkert slor. En Grikkir, hvað hafa þeir greyin? Feta ost og Lesbos? Maður þarf að skoða þetta allt, það er ljóst. Hér er að lokum auglýsing fyrir tónleika sem fara fram á morgun. Ungdeild Ásatrúara (sem ég er í engum tengslum við) heldur þetta og hin frábæra hljómsveit Pönkbandið Fjölnir treður m.a. upp:

09.07.07
Í dag eru bestu giggin sem tónlistarmenn fá þau sem fara fram fyrir ríkukallanna í veiðihúsunum þeirra eða í veislum erlendis. Menn fá auðveldlega 200kall fyrir veiðihúsagigg og ég veit ekki hvað, millu?, fyrir veislu. Það þarf að hjakka ansi lengi á Players til komast í svona verð. Verst að þessir ríkukallar eru náttúrulega svo yfirgengilega plebbalegir að vilja bara fá Nínu aftur og aftur og aftur. Það er eina lagið sem þeir þekkja og elska. Stebbi og Eyvi eiga því eiginlega þennan markað aleinir eða strákarnir í Dúndurfréttum sem geta hermt eftir öllu, þar á meðal Stebba og Eyva. Ónefndur tónlistamaður sagði mér að hann hefði oft tekið svona gigg en hreinlega hætt að nenna því þrátt fyrir fúlgurnar. Þarna væru alltaf sömu karlarnir og sömu kerlingarnar þeirra drekkandi sömu drykkina á sama fylliríinu biðjandi um Nínu aftur og aftur og aftur. Yfirgengileg leiðindi. Ef ég væri ríkikall fengi ég Insol í veiðihúsið mitt eða Gissur Björn með skemmtarann. Eða bara Stefán G með bassann. Hmmph, drengur minn.
---
Krípí þessi kross með ónýtu bílunum upp á á leiðinni austur fyrir fjall. Þar var tilkynnt um 2 látna þegar við fórum austur í grill í bústað hjá tengdó en orðnir 3 látnir þegar við fórum til baka. Ætli skiptarinn sé alltaf á standbæ á bakvöktum?
---
Enn bætist í fríðan flokk documenta um tónlistarfólk á brúninni því fyrir nokkru kom út You're gonna miss me um Roky Erickson. Roky þessi er geðveikur sýruhaus og sagður hafa fundið upp sækadelíuna með 13th floor elevators. Í svipuðum dúr má benda áJandek on Corwood um hinn dularfulla og skemmtilega hundleiðinlega Jandek, The devil and Daniel Johnston um geðveika öðlinginn Daniel; Derailroaded, um hinn geðveika og bitra Wild man Fischer. Ég á nú bara þær tvær síðast nefndu en stefni á hinar líka.
---
Um daginn vatt sér að mér maður í banka og fór að ræða músik. Kom fram í máli hans að nokkrir Íslendingar hefðu í Lundúnarferð 1965 séð bæði Bítlana og Rolling Stones troða upp. Einn af þeim mun hafa verið Halldór Ásgrímsson. 

08.07.07
Live earth fór alveg framhjá mér fyrir utan að kl. sirka 09 í gærmorgun sá ég einhverja japanska þungarokkara skaka sér við ruslatunnuendi. Ég var líklega eina mannveran á skerinu sem sá það atriði. Klukkan sirka 23.30 opnaði ég aftur og þá voru FOB að taka ruslatunnuendi.
---
Vinur minn Steinn Skaptason hefur loksins opnað vefdagbók hjá Mogga. Steinn er sérfræðingur í íslenskri poppsögu eins og þeir vita sem sáu til hans í Popppunkti um árið. Æfingahúsnæði og hljómsveitarútur eru honum hugleikin fyrirbæri og fyrsta færslan er einmitt um æfingahúsnæði í Kópavogi á 8. áratugnum. Þetta verður eflaust almögnuð vefdagbók fyrir rest.
---
Ég ætla að gifta mig í dag. Nei segi svona.

07.07.07
Skemmtiþáttur í dag kl. 16:08! Kolbrún úr Myst mætir Kötu úr Mammút í Sólópunkti, óskalög sóldýrkanda í Nauthólsvík, Topp tíu - stystu íslensku plöturnar, og margt fleira!
---
En nú: Topp 5imm enn og aftur og nú erða bara glænýtt og undursamlegt  íslenskt efni: 

Megas - Freyjufar: Eins og ég segi þá er Megasarfár í aðsigi. Hér er sýnishorn af Frágangi. Ég hlakka til að kaupa mér eintak og liggja með textablaðið (sem vonandi fylgir með) fyrir framan mig. Glæsilegt! Megas loksins í tónrænu lúxusumhverfi. (úr fréttatilkynningu) Frágangur, ný plata Megasar og Senuþjófanna kemur í verslanir 23. júlí næstkomandi. Senuþjófarnir eru: Guðmundur Pétursson, Guðmundur Kristinn Jónsson, Sigurður Guðmundsson, Nisse Törnqvist og Mikael Svensson. Upptökur fóru fram í Hljóðrita Hafnarfirði. Fyrstu stórtónleikar Megasar og Senuþjófanna verða í Bræðslunni Borgarfirði Eystri laugardagskvöldið 28. júlí. Þar munu Megas og Senuþjófarnir leika lög af Frágangi ásamt úrvali af eldra efni Megasar. Lögin á Frágangi eru:

Og umslagið lítur svona út:

Þetta er fyrri Megasarskammturinn í ár, platan Hold er mold kemur í haust. Eins og áður hefur komið fram fjallar eitt lagið á Frágangi um feril Bubba og annað um mök við Silvíu Nótt. Í Megasarfréttum má bæta við að Megas syngur lag á Íslandslögum 7, smekklegri safnplötu sem Björgvin Halldórsson sér um. Megas er víst gríðarlega skýrmæltur í þessu lagi og mun ástæðan vera sú að hann var með glænýjar tennur þegar upptakan fór fram.

Morðingjarnir – Eiturlyfjafíklar: Pönkræflar með glænýtt og hressandi gott pönklag. Jafnvel áhrif frá Fræbbblunum. Ekki er það verra. Spilirí framundan í hinu æsilega þungapönkfestivali Eistnaflugi um næstu helgi. Morðinginjaspeis.

The Way Down - Bring me the sun: Nonni Dead er kominn í útgáfu með Dead Records og fyrsta afurðin er 3 tommu 9 laga epið See you in hell með The Way Down, sem er tríó Ara Eldons, Riinu og Magga trommara úr Bleiku böstunum. Eins og heyrist er ekkert verið að sækja vatnið yfir lækinn heldur keyrt á grómteknum eðalheitum. Útkoman (pott)þétt. 

Stafrænn Hákon - Svefn: Hinn svifgjarni og valíum bryðjandi tónlistamaður Stafrænn Hákon færist meira í fang með hverri plötu og nú er sú nýjasta komin út og heitir Gummi. Fimmta platan hans, takk fyrir, og nú er meira að segja sungið í flestum lögunum. Í laginu hér, Svefni, leggur Birgir í Ampop sitt til málanna og kemur öllum í háttinn á mettíma. Góða nótt! (Heimasíða).

Curver – Föstudagur: Curver með 10 ára gamalt unglingaástarlag af Sjö plötunni, nú endurútgefin í tilefni dagsins. Curver fagnar útgáfunni kl. 19 á Sirkus Í KVÖLD. Þess má geta að sýnishornið hér er LP ripp sem ég gerði en ekki af nýju endurútgáfunni. (úr fréttatilkynningu): Goðsagnakennda platan Sjö með Curver verður endurútgefinn laugardaginn
næsta þann 07.07.07. Sjö gengur öll út á töluna 7 og kom út á vínill plötu 07.07. árið 1997 í 77 eintökum. Nú verður hún endurútgefin út í sérstakri viðhafnarútgáfu í 77 númeruðum eintökum á DVD-disk. Platan er stafrænt endurhljóðjöfnuð (digitaly remastered) en einnig verður nú hægt verður að hlusta á plötuna í 7.1 mono. Um 50 mínútna langt útvarpsviðtal sem Andrea Jónsdóttir tók við Curver um tilurð plötunnar á sínum tíma fylgir sem aukaefni á disknum. DVD-diskurinn kostar 777 kr. verður fáanlegur í öllum betri hljómlötuverslunum.
Upprunalegur texti af plötunni: Talan 7 er án efa ein merkilegasta talan í menningu okkar. Hún hefur skipað stórann sess í trúarbrögðum manna sem og í hjátrú ýmiskonar. Meðal annars var hún heilög tala í kristni á miðöldum (komið frá gyðingdómi), og í Bibblíunni segiur að Guð hafi skapað heiminn á sex dögum og hvílt sig á þeim sjöunda. Dagar vikunnar eru 7, heimsálfurnar eru 7 og tölfræðingar segja 7 sé algengasta happatalan hjá fólki. margar bækur hafa verið skrifaðar um töluna 7 þar á meðal bókin 777 eftir Aleister Crowley.
Hér á eftir fylgja upplýsingar um hvernig gerð plötunnar var háttað og tengslum hennar við töluna 7.
Í 7 daga vaknaði ég klukkan 7:00 á morgnana eftir 7 klukkutíma svefn. Til að vakna tók ég 7 armbeygjur og fór svo í 7 mínútna sturtu eftir átökin. Frá klukkan 7:00 til 24:00 hafði ég 17 klukkutíma til að semja og taka upp grunn að lagi á 7 hljóðrásir. Ég mátti ekki hafa unnið í laginu áður þannig að öll lögin urðu til frá grunni á þeim vikudegi sem það er kennt við. Næstu 7 daga vann ég frá 17:00 til 24:00 og laggði lokahönd á upptökurnar. Með því vann ég upp þá 7 tíma sem ég svaf í fyrri vikunni og því er hægt að segja að platan sé unnin á akkúrat 7 heilum dögum þ.e. 7 x 24 tímar. Á hverjum degi tók ég eina Polaroid-mynd og eiga myndirnar að lýsa vinnsluferlinu, allt frá því að ég samdi lagið á gítar (Sunnudagur) til hljóðblöndunarinnar (Laugardagur). Einnig tengjast, myndirnar séreinkennum hvers lags fyrir sig. Þess má geta að skemmtileg tilviljun olli því að það tók mig og Sigurð Svein einmitt 7 klukkutíma að setja upp umslag plötunnar en það var ekki fyrirfram ákveðinn tími.
Á plötunni byrja lögin 7 á 7 mínútna fresti þannig að ef t.d. lag er 4 mínútur 3 mínútna bið að næsta lagi og vitanlega máttu lögin eki vera lengri en 7 mínútur. Þetta gerir plötuna 49 mínútna langa þ.e. 7 x 7 = 49. Til að hafa plötuna jafn langa báðum megin ákvað ég að skipta miðvikudegi í tvennt en það er einmitt 7 mínútna langt lag. Þannig er 3 og hálf mínúta af Miðvikudegi á fyrri hlið plötunnar en 3 og hálf mínúta á seinni hlið hennar, semsagt 24 og hálf mínúta á hvorri hlið.
---
Sá Dreamgirls. Ekki gott.

05.07.07
Steini Sleggja ætlaði að berja mig fyrir mjólkurgreinina í dag. Sagði mig hafa vanvirt hið heilaga karlkyn og gengið til liðs við uppreisnaröflin. Ég baðst vægðar og sagði honum að þetta hefði verið eina aðferðin til að koma "júllum, túttum og bobbingum" aftan á mestlesna blað landsins án þess að komast í klandur. Fv talskona femínisma færir þær góðu fréttir að karlar geti víst mjólkað ef maður gúgglar bara nógu mikið. Ég fékk nú bara eintóman viðbjóð þegar ég sló inn "milking men". Kannski gestir hafi leiðbeiningar?
---
Dreymdi svaka mikinn skít í nótt. Var í Central park sem var undirlagður í gulleitri drullu sem virtist koma úr mér. Býst við milljörðum inn á reikninginn minn nema þetta hafi bara verið fyrir því að Elgurinn fékk sprengiskitu og rústaðu samfellunni. 

04.07.07
Veður er góð síða. Landakort er góð síða.
---
Í næsta Skemmtiþætti fá konur loksins að komast að. Kata úr Mammút mætir Kolbrúnu úr Myst.
---
Fyndnast í blöðunum í dag er fréttin (Fbl., bls. 30) af millanum Ólafi í Samskipum sem er búinn að fá sér þyrlu og gerir nú nágranna sína í sveitasælunni gráhærða með þyrluhávaða. Dýr fælast og ekki heyrist mannsins mál í fermingaveislum en Ólafi er auðvitað drullusama -- "Á ég að hringja í þig og spyrja hvort ég megi lenda á Reykjavíkurflugvelli?" spyr hann blaðakonuna með þeirri auðmýkt sem nokkrir þúsundkallar í veskinu geta einir fært manni. Kannski getur Ólafur fengið Elton John til að koma með í þyrlunni og látið hann síðan jarma úr súperhljóðkerfi til að gera sveitafólkið endanlega geðveikt? Eða kannski bara keypt allt Snæfellsnes svo hann geti ærslast á þyrlunni í friði? Ha ha, hvílíkt grín!