#1773    Margar sögur fara af dugnaði Símans við að ná aurunum af viðskiptavinum sínum. Nýverið komst ég að raun um að ofan á allt annað rekur Síminn langdýrustu vídeóleigu landsins.
Við höfum haft internetáskrift hjá Símanum í rúman áratug.og fyrir nokkrum árum var bætt við því sem þá hét Skjábíó / Sjónvarp Símans. Við höfum nú lítið notað möguleikann, en prófuðum í nóvember að taka eina bíómynd á leigu. Myndin kostaði kr. 690 – eins og margsinnis var ítrekað og staðfest þegar verið var að velja hana. 
Við erum með reikninga vegna símanúmers og internetáskriftar hjá Símanum sjálfkrafa skuldfærða af kreditkortum og höfðum því engar áhyggjur af þessu meir.
Okkur duttu þó allar dauðar lýs úr höfði þegar reikningur kom inn um lúguna 15. desember. Hann var ekki frá Símanum – sem við gerðum samning við um sjónvarpsáskriftina – heldur frá einhverju öðru fyrirtæki sem heitir Skjárinn. Reikningurinn var fyrir leigu á bíómynd í Skjábíó og hljóðaði upp á 940 kr., þar af eitthvað sem heitir útskriftargjald upp á 250 kr.
Þótt þetta sé greinilega eitthvað annað fyrirtæki en Síminn er þjónustusími Símans gefinn upp fyrir þá sem vilja gera athugasemdir við reikninga. Þar var mér sagt að Sljárinn væri bara allt annað fyrirtæki en Síminn – jafnvel þótt Síminn ætti Skjáinn með húð og hári. Síminn gæti þess vegna ekki rukkað sína viðskiptavini fyrir úttektir hjá Skjánum!!!
Mér var ekki sagt hvernig Síminn gat framselt viðskiptasamning við okkur um Sjónvarp Símans til Skjábíós, án þess að spyrja okkur leyfis. Það er mál fyrir Póst- og fjarskiptastofnun að athuga seinna meir.
Það er erfitt að átta sig á öllum þversögnunum í dæminu og hvernig þessi fyrirtæki geta verið með sameiginleg afnot af símalínu, internettengingu, viðskiptaupplýsingum, starfsmönnum og eflaust fleiru, en geta samt ekki skuldfært einfalda úttekt skv. áður gerðum samningi.
940 kr. eru eflaust hæsta gjald sem nokkur vídeóleiga í heimi tekur fyrir gamla bíómynd. Ég hef tilkynnt Símanum að ég muni greiða 690 kr. fyrir þessa bíómynd en ekki krónu meir. 250 krónurnar geta þeir sótt með innheimtuaðgerðum.
Hvað græddi Síminn á þessu? Jú, við á þessu heimili munum aldrei framar leigja mynd af þessari okurbúllu. Við munum líka hlusta af athygli næst þegar sölumenn hinna síma- og internetfyrirtækjanna hringja í okkur, í staðinn fyrir að hlusta ekki og kveðja kurteislega í byrjun símtals.
Ívar Pétur Guðnason

#1772    Var að koma úr Smáralind,,og ætlaði að fá mér Bragðaref í ísbúðinni þar,sem ég fæ mér annað slagið,síðast þegar ég keypti mér lítinn Bragðaref kostaði hann 450.kr.fyrr í haust nú kastar hann 790 .Þetta er 76% hækkun ,,og ekki er þetta innflutt, alíslenst,,,a.m.k.obbinn af þessu litla nammi sem fer í ísinn,sem er íslenskur líka,hreint og klárt okur,þarf varla að taka fram að ég hafði ekki geð á að kaupa mér ís þarna.
Gísli Gylfason

#1771    Konan keypti jólakrans með lýsingu á 1.500 kr. fyrir nokkrum jólum síðan. Núna fyrir jólin gafst peran upp og var því ekki um annað að ræða en að kaupa nýja peru. Ég fór í BYKO og keypti þar peru en þurfti að reiða af hendi 1.896 kr. fyrir hana. Ég strögglaði aðeins við aðstoðarmanninn í lampadeildinni, en hann reyndi að fullvissa mig um að álagningin væri í algjöru lágmarki og gott ef verðið var ekki frá því fyrir bankahrun! Ég stóðst ekki mátið þegar heim var komið og athugaði verð á Ebay, þar var 1 stk. verðlagt á 1 pund og einnig var boðinn pakki með 10 stk. á 3,99 pund. Það skal tekið fram að um fast verð er að ræða, en póskostnaður er ekki innifalinn í þessum verðum, en þetta eru þó smásöluverð en ekki innkaupsverð frá birgjum (heildsöluverð) sem ætla má að sé einhverri álagningu lægra.
Ætti kannski frekar að skilgreina OKRIÐ í BYKO  sem ÞJÓFNAÐ?
Egill H Bjarnason
ps. Væri ekki betra að vera í Evrópubandalaginu og geta pantað eitt og annað frá aðildarlöndunum án þess að þurfa að borga toll, tollafgreiðslugjald og virðisaukaskatt ofan á verðið þegar varan berst hingað.

#1770    Það er með endemum hvað er okrað á skrifstofuvörum hjá
Pennanum/Eymundsson. Nefna má sem dæmi Bantex skilrúmamöppur
(harmonikkumöppur). Ein slík, með 12 hólfum, kostar í dag 3.340 kr.
Gat ekki fundið verð á alveg sömu möppu erlendis, en sambærilegar möppur
(og jafnvel betri) kosta t.d. á Amazon.co.uk 5.67 pund, eða 1.034 kr á
gengi dagsins í dag.
Það er eitthvað mikið að þegar vara kostar þrefalt meira á Íslandi en í
öðrum löndum. Kann þetta fólk ekki að reka verslun?
Ásgeir

#1769    Ég á 9 ára dóttur sem þarf að fá gleraugu og sagði
augnlæknirinn okkur að  Tryggingastofnun ríkisins greiddi fyrir þau. Við
fórum af stað til að skoða og byrjuðum á að fara í Gleraugnasmiðjuna. Þar
fann dóttir mín falleg gleraugu og ákváðum við að taka þau, þá er okkur
sagt að Tryggingstofnun ríkisins greiði  7000 krónur, hefur það örugglega
dugað einhvern tímann fyrir gleraugum en ekki í dag. Þegar búið var að
reikna 7.000 krónurnar inn í verðið áttum við að greiða 25.000 krónur, ég
átti ekki til orð, þvílíkt OKUR. Við hættum við að kaupa gleraugun og
ákváðum að kanna verðið annarsstaðar. Við fórum í verslunina Augað en þar
var verðið svipað og í Gleraugnasmiðjunni.
Þá sagði strákurinn minn mér að það væri tilboð í Prooptik
gleraugnaverslununum. Við fórum þangað og viti menn, þar voru
augnumgjörðir fríar fyrir börn og þegar 7.000 krónurnar voru reiknaðar inn
í verðið, þurftum við aðeins að borga 4.900 krónur fyrir gleraugun. Við
vorum mjög ánægð, dóttir mín með gleraugun og ég með VERÐIÐ og þjónustuna.
Sólveig G. Jörgensdóttir

#1768    Ég hef staðið í smá stappi við Kaupþing undanfarið vegna skuldbreytingar á láni. Ég hafði ekki spáð mikið í það en þegar ég fór að skoða seðlana þá eru þeir með tilkynningargjald upp á 730 kr. Ekki seðilgjald, engin greiðsluseðill sendur - tilkynningargjald. Umboðsmaður alþingi hefur gert athugasemdir við þessa innheimtu yfir höfuð - þótt hún sé yfirleitt 50 kr.! Hvað þá þegar hún er 730 krónur?!
Ég hef krafist þess (prinsipmál) að þeir lagi þetta þegar láninu skuldbreytt. 
Og þetta eru svörin:
Varðandi tilkynningar- og greiðslugjaldið verður það samkv. gjaldskrá Kaupþings banka hf., sem er nú Kr. 510,-  Ef lánið er með sjálfvirkri skuldfærslu lækkað það í Kr. 225,- og ef ekki er sendur út greiðsluseðill lækkað það um Kr. 75,- til viðbótar og getur því lægst orðið miðað við núverandi gjaldskrá Kr. 150,-
Glæpamenn! Fyrir utan að þetta er greinilega gjaldskrá gamla Kaupþings sem var glæpaveldi að maður myndi halda að nú væri lag að breyta henni í takt við breytt eignarhald og breyttar þjóðfélagsaðstæður.
HBB. 

#1767    Látið Húsasmiðjuna ekki plata ykkur. 50% afsláttur af jólaskrauti
endaði sem tæp 5% af heildarinnkaupum í mínu tilfelli. Allt er þetta
leikur að orðum hjá þeim.
Jólaseríur eru t.d. undanskildar þessum afslætti... þrátt fyrir að
teljast jólaskraut. Ástæðuna segja þeir vera þá að öðruvísi treysti
þeir sér ekki til að bjóða "sama verð og í fyrra".
Mér er nokkuð sama um ódýrustu seríurnar þeirra þannig séð. Marglit 50
ljósa sería kostar 589kr,  en dýrari seríurnar hjá þeim eru þannig MUN
dýrari í ár en hefðu verið!
120 ljósa útisería kostar því 2239kr og inniseríur í barnaherbergi
kosta nú 1999kr og er enginn afsláttur veittur þar.
Já og svo flokka þeir allt í jólaskraut eða "jólavöru" og það er ekki
afsláttur af jólavörunni þeirra. Þessir skilmálar eru hvergi auglýstir
eða tilkynntir í verslun, heldur eitthvað sem grandalausir kúnnar
komast fyrst að á kassanum þegar á að fara að greiða fyrir vöruna.
Svo nokkur orð um Elko:
Útvarps-Vekjaraklukka sem varpar tímanum á vegg/loft kostaði rúm
4þúsund fyrir síðustu jól. Núna auglýsir Elko sömu tegund á um
10þúsund. Eðlileg hækkun??
Almennt séð hefur maður tekið eftir þvi í mörgum verslunum, að
verðmerkingar á hillum og vöru er ábótavant. Einnig er eitthvað um það
að varan sé einungis verðmerkt á hillu, -enda auðveldara að hringla
með vöruverð þannig, -skipta bara unm "hilluverð" og þurfa þá ekki að
endurverðmerka allt heila klabbið! 
Elínborg

#1766    Föstud. 19/12 ætlaði ég að kaupa 3 rafhlöður í lítið handljós hjá BYKO í Kauptúni.  Þar var boðið upp á 2 stk. á spjaldi á kr. 1.632, eða 816 kr. stk.  Ég hefði því þurft að kaupa 2 spjöld, eða 4 stk. á samtals 3.264 kr.  Reyndar höfðu þessi batterí hækkað um ca. 10% frá því daginn áður.  Mér fannst þetta nokkuð dýrt, svo ég gerði mér ferð í Rafborg við Sundaborg 7, þar sem rafhlöður sömu gerðar voru seldar í stykkjatali á 176 kr stk. 
Það skal tekið fram, að tegundin í BYKO var Duracell LR44 alcaline, en í Rafborg Panasonic LR44 alcaline, sem eru alveg sambærileg þótt sitthvort vörumerkið sé.  Þarna er sem sagt BYKO að selja alveg sambærilega vöru 464% dýrar en Rafborg.
Reyndar hefði ég svo þurft að borga 3.264 kr. fyrir 4 stk í BYKO þótt ég þyrfti ekki nema 3, í stað þeirra 528 kr. sem ég borgaði fyrir 3 stk. í Rafborg. 
OKUR er eiginlega alltof vægt orð um svona verðlagningu, réttara væri að kalla þetta RÁN.  Því miður hefur BYKO, sem fyrir margt löngu var í fararbroddi um lágt verð á verkfærum og byggingavörum, breyst í hreinræktaða okurbúllu á þessu sviði.
Því er ráðlegt að leita annað ef menn vilja ekki láta ræna sig.
Því má svo bæta við að þeir sem eru með BYKO kort, sem eiga að gefa 10% afslátt á öðru en tilboðsvörum, ættu að gæta þess að fá réttan afslátt því í síðustu tvö skiptin sem ég verslaði þar, var afslátturinn ekki nema um 7,1%.  Það er því ekki aðeins okrað á kúnnunum, heldur einnig beinlínis reynt að svindla á þeim.
Sverrir

#1765    2 kg humar frá Hornafirði í Nettó: Kr. 2.990, eða 1.500 kr. kílóið. Við
erum að tala um toppvöru, þ.e. stóra og lítt gallaða skelbrothala, ekki
eitthvað súpudrasl. Ef þetta eru ekki matarkaup ársins, þá skal ég hundur
heita - Allir í Mjódd!
Óskar P. Einarsson.

#1764    Ég fór í Bóksölu stúdenta í gær og mér til ánægju var þar hægt að kaupa heimsbókmenntir á gjafaverði. Að vísu var þar um að ræða bækur ritaðar á enskri tungu en engu síður afar ánægjulegt að geta splæst í Pollyanna á  350 kall.
Sævar

#1763    Fimm mánaða sonur okkur hjóna þarf þessa dagana að drekka sérstaka þurrmjólk sem á að ganga úr skugga um hvort hann sé haldinn einhverju óþoli. Þessi mjólk er rúmlega helmingi dýrari en venjuleg þurrmjólk og er það kannski eðlilegasti hlutur í heimi sökum eðli vörunnar. Þessi sérstaka þurrmjólk heitir Nutramigen. Þann 15. des síðastliðinn keyptum við skammt af þessu dóti á 2886 krónur í Lyf og Heilsu. Í dag 18. des kostar þessi þurrmjólk einhverra hluta vegna 4066 krónur, hefur hækkað um 1220 krónur eða tæp 43%. Þetta verð virðist vera svipað verð og annars staða en í Lyfju kostar hún 4088 krónur. Það er ekki eins og við eigum einhvað val. Ekki getum við keypt aðra tegund. Við hættum heldur ekki að kaupa þetta. Kostnaðaraukinn á mánuði hjá okkur nemur rúmlega 12000 krónum. Niðurgreiðsla fæst frá hinu opinbera í svona tilfellum sem eitthvað vegur upp á móti þessu en hækkunin getur ekki talist eðlileg og greinilega ekki verið að gæta hófs í verðhækkunum.
Eyjólfur og Elín
(Nb. Ath verðin annars staðar, t.d. í Lyfjaveri. Lyfja og Lyf og heilsa hafa margsinnis komið hér upp í okurdæmum).
(+ Langar að benda Eyjólfi og Elínu á að taka nótur fyrir öllu þessu og  
hafa samband við Tryggingastofnun (sjá nánar http://www.tr.is/foreldrar-og-born/Lyf/naering-og-serfaedi/)  .  Það eru allar líkur á því að þau geti sótt um næringastyrk og þá  
væntanlega fengið endrugreiðslu að hluta miðað við ákveðið hámark sem  
tilgreint er í lögum.  Læknirinn þeirra hefði reyndar átt að hafa vit  
á því að benda þeim á þetta ásamt því að skrifa út vottorð ef að um  
óþol er að ræða.
Sjálfur þarf ég að kaupa tilbúna þurrmjólk (s.s. ekki duftið).  Alveg  
þangað til í ágúst/september var krukkan (100ml) ódýrast á 122kr, en  
hækkaði svo á einum degi í 229kr - vel að merkja þá er ennþá verið að  
selja mjólk úr sömu sendingu sem rennur út í janúar 2009.  Mér  
reiknaðist sem svo að mjólkurreikningurinn hefði hækkað úr tæpum 43þ  
upp í 85þ á mánuði (fengum reyndar næringastyrk upp á heilar 13200).   
Það verður svo fróðlegt að sjá hvort þessi mjólk fáist í enda janúar  
þegar þessi sending verður útrunnin.
Óskar nafnleyndar)

#1762    Keypti blek í Canon bleksprautuprentara  (8) í Tölvulistanum 11. apríl og þá kostaði hylkið 1.690 og fannst mér það dýrt enda sex hylki í prentaranum. Keypti í gær tvö hylki áfyllingu á sama stað. Nú kostar hylkið 3.290 kr. Þetta gera tæp 20.000 fyrir öll sex hylkin! 95% hækkun á hálfu ári. Kíkti á ELKO.is þar kostar hylkið 1.995. Hefði því sparað 2.590 með að kíkja fyrst á netið. Ætla að reyna að skila þessu. Þetta er okur!
JónasJ

#1761    Dóttir mín fékk Barbíhús í afmælisgjöf frá frænku sinni í maí síðastliðinn og kostaði húsið frænkuna þá 3990 kr. í Hagkaupum.  Nú kostar þetta sama hús tæpar 8200 kr í Hagkaupum og tæpar 13000 kr. í Toys´r´us.  Í BYKO fæst þetta sama Barbíhús á 6780 kr.  Ég mun aldrei versla í okurbúllunni Toys´r´us.
Bryndís Lára Torfadóttir

#1760    Í tilefni jólanna fór ég að athuga með vídeóvélin, og viti menn batteríin voru bæði ónýt, þar sem að þetta er Sony vél, hringdi ég í Sony Center til að athuga með verð á batteríum, 13.900 stk , ég hváði, og var viss um að drengurinn hefði farið línuvillt í tölvunni, nei nei þetta reyndist rétt 13.900. Ég fór á ebay, og rakst þar á batterí 2 stk í pakka á 12 usd og svo voru 7.80 usd í sendingarkostnað, miðað við gengið í dag að þá eru það 2415 kr svo borgaði ég um 1200 kr gjöld og skatta þannig að 2415 + 1200 = 3615 / 2 = 1807 kr stykkið
Kristján

#1759    Ég átti leið í Smáralindina þar sem ég sá Mokkafrakka í Herragarðinum á "aðeins" 199980 krónur. Afsláttarverðið á þessum frakka var 159984 krónur. Mér finnst bæði verðin vera frekar langt frá því að vera í nokkrum tengslum við raunveruleikann og skiptir þá engu hvaða merki er á þessum frakka. 
Væri ég alveg til í að fá útskýringar hjá yfirfólki búðarinnar á þessu verði. Læt mynd fylgja af öðru setti sem mér finnst einnig vera á þvílíku okurverði að mér og fleirum sem ég hef sagt frá blöskrar. 
Nafnlaus
(Nb. Akkúrat það sem manni vantar í hávaðakreppu er 20% afsláttur í Herragarðinum og Hugo Boss, það segir sig sjálft.)

#1758    Var staddur í Pennanum Eymundsson á Akureyri í dag að skoða jólagjafir. Verðlagið á mörgum vörum í búðinni er í hróplegu ósamræmi við aðrar búðir en eitt fannst mér standa upp úr. EIN rúlla af jólaklósettpappír á 1.295 krónur! Ef fólk hefur efni á því að eyða 1.295 krónum í eina klósettpappírsrúllu þá getur það alveg eins skeint sér með 500 köllum. Þvílíkt okur!
Neytandi 

#1757    Ég keypti mér kápu fyrir 3 vikum síðan í Gallery í Keflavík á 13.900 og var
bara nokkuð sátt við það verð, enda búin að leita mér lengi að kápu sem mig
langaði mikið í og kostaði ekki yfir 20.000 en svo fór ég í Debenhams og sá þar
ALVEG eins kápu og ákvað að gamni mínu að ath með verðið á henni og fékk ég
vægt sjokk....Hún kostaði 22.990. Tetta kalla ég okur. Svo í gær keypi ég líka
í Gallery í Keflavík kjól á dóttur mína og kostaði hann 8.000. Svo í dag fór ég
í Vera Moda í Kringlunni og þar var nákvæmlega eins kjóll á 15.000. Þetta
finnst mér vera of mikill munur. 
Gudda

#1756    Oft er þörf en nú er nauðsyn. Ég bara verð að koma þessu hér að.
Málið er það að ég var búinn að ákveða að kaupa íslenska orðabók til
að gefa í jólagjöf.
Fór í Eymundsson í Kringlunni í gær og þar kostar hún 14.990kr,  ég
hinsvegar fór í bóksölu stútenta í dag sunnudag og keypti hana þar á
8491kr
Já þetta er alveg sama bókin, í einu bindi og eftir Mörð Árnason.
Verðmunur uppá 6499krónur hvorki meira né minna.
Fullt verð á bókinni hjá bóksölu stúdenta er 9900kr en hún er nú með
15% afslætti sem gefur fyrrgreint verð.
Ívar 

(19.12.08):

#1755   Ég ætlaði að gefa manninum mínum gönguskó í jólagjöf. Hann þræddi allar búðir bæjarins í leit að skóm á skikkanlegu verði sem pössuðu vel og fann loks Salomon skó sem honum leist vel á í Intersport Lindum á  22.990 kr á sunnudagskvöldi. Ég fór svo þangað að kaupa skóna á miðvikudegi og viti menn, þá var búið að breyta verðinu í 29.990 kr! Ég bað auðvitað um skýringu á þessari verðbreytingu en krakkarnir á gólfinu gátu ekki gefið nein svör. Þá bað ég um að tala við verslunarstjórann og eftir nokkra bið kom hann. Samkvæmt honum var skýringin sú að það hefði komið ný sending á þessu verði (virðist vera gegnumgangandi afsökun, miðað við síðuna þína) og styrking krónunnar upp á síðkastið skipti engu máli. Það þarf væntanlega ekki að taka það fram að ég gekk út án þess að kaupa skóna. 
Elísabet

#1754   Bókin Jólin koma, jólakvæði Jóhannesar úr Kötlum, kostaði kr. 500 
fyrir jólin 2007 í Bókabúðinni Hamraborg, Kópavogi. Nú kostar hún þar 
kr. 990.
Gunnsteinn Ólafsson

#1753   Ég eignaðist barn í haust og ætlaði að kaupa Tripp Trapp matarstól 
handa því nú um jólin. Þeir hafa lengi verið vinsælir enda "vaxa" þeir 
með barninu. Stóllinn kostar 29.900 í barnaversluninni Fífu í sígildu 
litunum. 32.800 ef maður vill gerast svo djarfur að fá sér stól í 
nýjum lit. Epal er verslun sem hefur nú ekki hingað til verið þekkt 
fyrir hagstæð verð enda eru þar seldar hönnunarvörur sem eru oft 
dýrari en aðrar. Þessi nákvæmlega sami stóll kostar þar 26.500 kr og 
þar skiptir engu máli hvort maður velur sér sígildan lit eða nýjan. 
Sem sagt, 6300 krónu munur á nákvæmlega sömu vörunni.
Ýmsa aukahluti er hægt að fá með stólnum sem eru hreinlega 
nauðsynlegir þegar maður er með ungabarn, eins og t.d ungbarnasæti og 
sætisbólstur.

Ungbarnasætið kostar 6690 í Fífu en 5900 í Epal.
Sætisbólstur kostar 6900 í Fífu en 5450 í Epal.

Það er svínslega okrað á barnavörum og greinilega ekki síst í 
sérvöruverslunum fyrir börn. Ég ráðlegg þeim sem ætla að fá sér Tripp 
Trapp að fara beint í Epal sem eru klárlega ódýrastir.
Brynja Björk Garðarsdóttir

#1752   Ég má til með að vekja athygli á óheyrilegum verðmun á  "Dönskum brjóstdropum."  ( 100 ml )
Í Lyfjaveri Suðurlandsbraut kosta þeir 570 kr. en í Lyf og Heilsu Austurveri kosta þeir 999 kr.
Þetta er vægast sagt þjófnaður.
Ásdís

#1751    Ég hef alltaf litið á ELKO sem ódýra búð og Húsasmiðjuna/Blómaval sem okurbúllu. Nú í dag sá ég að þetta var ekki alveg rétt skilgreining hjá mér.
Rjómasprautur notast við lítil gashylki og sætir það litlum tíðindum í sjálfu sér. Verðmunurinn er hinsvegar alveg ótrúlegur:
iSi 10 stk. pakki kostar nú í dag í ELKO kr. 995, þ.e. rétt tæpar 100 kr. stk.
iSi 50 stk. pakki kostar nú í dag í Húsasmiðjunni/Blómavali kr. 999, þ.e. tæpar 20 kr. stk.!!
ELKO-okur er greinilega nýyrði sem maður þarf að fara að temja sér ...
Ívar Pétur Guðnason

(18.12.08):

#1750    Ég er fátækur námsmaður í HÍ og þá sjaldan sem maður leggur í að fara fínt út að borða endar það yfirleitt í samvikubiti yfir peningasóun. Á síðasta sunnudag ákváðum við að fara fjögur saman á Ask, en þar er steikarhlaðborð á sunnudögum.
Til að gera langa sögu stutta fórum við þaðan södd og sæl, enda gat hver étið eins og honum sýndist af kræsilegu hlaðborðinu (sem er mjög eftirsótt meðal háskólapilta í það minnsta. Ekki sjaldan sem þeir kvarta yfir of smáum skömmtum!!).
Undir 3000 kall fyrir frábæran mat á Brasserie Askur.
Háskólanemi

#1749    Ég ætlaði bara að láta vita að ég var í Elkó um daginn og hitti þar eldra fólk sem var að skoða verðið á hitalömpum á verönd/svalir.
Þau höfðu keypt nokkrum dögum áður þennan sama lampa í Ormsson á 12.990 krónur og sáu svo verðið í elkó, og engin furða að þeim brá. 
Í Elkó kostaði þessi NÁKVÆMLEGA sami lampi 2.995 krónur. Eftir þetta ákváðu þau að kíkja í Elkó fyrst áður en þau versla aftur, enda er verðvernd þar. 
Ég mæli með því að fólk skoði verðið í kringum sig áður en það verslar.
Alexandra
(ATH: Neðangreind athugasemd birtist á vefsíðu þinni í gær, 18. desember. Það skal tekið fram að í verslunum Bræðranna Ormsson er ekki og hafa ekki verið til "hitalampar" til nota utandyra eða annars staðar. Ormsson hvorki flytja inn slíka lampa né selja frá öðrum innflytjendum í sínum verslunum. Nánast allar þær vörur sem seldar eru í verslunum Ormsson eru fluttar inn af fyrirtækinu sjálfu og annast það ábyrgðar- og viðhaldsþjónustu á þeirri vöru.

Með kveðju og þökk fyrir annars gagnlegar upplýsingar sem á vef þínum birtast. Ég tel mér bera skilda til að koma á framfæri ofangreindri athugasemd.

#1749 Ég ætlaði bara að láta vita að ég var í Elkó um daginn og hitti þar eldra fólk sem var að skoða verðið á hitalömpum á verönd/svalir.
Þau höfðu keypt nokkrum dögum áður þennan sama lampa í Ormsson á 12.990 krónur og sáu svo verðið í elkó, og engin furða að þeim brá.
Í Elkó kostaði þessi NÁKVÆMLEGA sami lampi 2.995 krónur. Eftir þetta ákváðu þau að kíkja í Elkó fyrst áður en þau versla aftur, enda er verðvernd þar.
Ég mæli með því að fólk skoði verðið í kringum sig áður en það verslar.
Alexandra 
(ATH: Neðangreind athugasemd birtist á vefsíðu þinni í gær, 18. desember. Það skal tekið fram að í verslunum Bræðranna Ormsson er ekki og hafa ekki verið til "hitalampar" til nota utandyra eða annars staðar. Ormsson hvorki flytja inn slíka lampa né selja frá öðrum innflytjendum í sínum verslunum. Nánast allar þær vörur sem seldar eru í verslunum Ormsson eru fluttar inn af fyrirtækinu sjálfu og annast það ábyrgðar- og viðhaldsþjónustu á þeirri vöru.
Bræðurnir Ormsson ehf. 
Ólafur Már Sigurðsson 
Deildarstjóri)

#1748    Ég fór í Hagkaup í Skeifunni og Nóatún (í Nóatúni) í liðinni viku til að gera ýmis innkaup. Mig vantaði önd og sá eina stóra og pattaralega frá Frakklandi. Mér blöskraði þegar ég sá verðmuninn að ég er enn í sjokki. Sama öndin kostaði 3.998 kr. í Nóatúni og 8.998 í Hagkaupum!!!!!!!!!!!!!!! Verðmunurinn er 125%!!!!!!!!!!! Ég fór aftur í Skeifuna og fékk að tala við verslunarstjórann til að sjá hvað sætti. Eina skýringin sem hann gaf var að hugsanlega hefði Nóatún keypt sínar endur á lægra gengi. Ég veit ekki hvort það er rétt, en ég get vottað fyrir það að sama "best fyrir dagsetning" var á öndunum í Hagkaupum og Nóatúni: 30.9.2009. Endurnar í Nóatúni eru m.a.s. 200 g þyngri, þ.e.a.s. 4000 g, en 3800 g í Hagkaupum. Þetta er ekkert annað en rán!
Óskar nafnleyndar

#1747    Skóvinnustofa Hafþórs í Garðastræti er hættulegt fyrirtæki. Mér urðu á þau mistök á að fara þangað nýlega (í góðri trú...) til að láta pússa skó og reikningurinn hljóðaði upp á 5.200 kr.! Ég spurði starfsmanninn hvað þessi háa gjaldtaka ætti að þýða og fékk þá útskýringu að það hefði tekið klukkutíma í vinnu að hreinsa saltrák úr skónum og sá hluti reikningsins væri kr. 4000. Þá var ég skyldaður til að kaupa spreybrúsa sem hafði verið notaður á skóna fyrir kr. 1.200, þetta sagði starfsmaðurinn að væri föst venja hjá þeim. Ég starfaði hjá Gísla Ferdinandsyni skósmiði í gamla daga og veit að raunveruleg vinna í kringum þetta er í kringum 5-10 mínútur. Ég sagði þeim (þá voru báðir starfsmennirnir farnir að ræða við mig) að það tæki klárlega engan klukkutíma að pússa skó þrátt fyrir saltrák, ég þekkti það mjög vel þar sem ég hafði unnið við þetta sjálfur. Þá spurði kallinn mig af hverju ég gerði þetta ekki bara sjálfur..! 
Það kann að vera biðtími á milli pússninga en heildarvinnutímanum er ég alveg klár á, handskóburstari gæti gert þetta á korteri, ath. að þessir menn gera sig út fyrir að vera skósmiðir með tilheyrandi pússningavélar.
Þetta er að mínu mati ekkert annað en svívirða og óforskammanlegt okur. Ég mæli eindregið með því að fólk beini viðskiptum sínum eitthvað allt annað en til þessara manna ef það þarf að nota þjónustu skósmiða, skilst það sé einn góður í Hafnarfirði, ég mun klárlega gera mér ferð þangað úr bænum næst þegar ég þarf á slíkri þjónustu að halda. Ég sé mest eftir því að hafa ekki skilið skóna eftir, voru hrein og klár mistök að ganga ekki bara beint út, skólaus.
Meðfylgjandi er reikningurinn, þar var upphaflega merkt inn "skóviðgerð". Ég fór aftur inn og óskaði eftir réttri skilgreiningu á reikninginn og henni var bætt inn. Vörur fyrir 1.200 kr. bað ég ekki um að kaupa - er það ekki hreinlega ólöglegt að rukka mann fyrir vörur sem maður óskar ekki eftir að kaupa?
Jón Guðmundsson

#1746    Nóatún fór mikinn og þóttist lækka vöruverð. Það hefur hinsvegar ekki verið mjög sjáanlegt viðskiptavinum einsog verðkannanir hafa sýnt.
Ég hef keypt þar undanfarið Shop Rite eplasafa sem kostaði 475 krónur 2. nóvember. Í morgun var verðið komið í 699 krónur. 
Það finnst mér varla geta skýrst af genginu eins og allt gerir þessa dagana, hátt í 50% hækkun er full bratt til þess.  Einfaldlega okur. Þetta var í Hringbrautarbúðinni. Þarf varla að taka fram að ég keypti vöruna ekki. En annars, er okrurunum ekki alveg sama þótt þeir séu nefndir hérna ?  Venst það bara ekki eins og allt hitt ? Lækkar  eitthvað ?
Ingibjörg
(Nb. Þeir humma þetta bara fram af sér. Þessi síða hefur takmörkuð áhrif. En dropinn holar steininn... kannski!)

(17.12.08):

#1745    Ég á nýlegan Hunday Santa FE. Í ágúst sl. fór ég með bílinn í 30 þús km skoðun hjá B og L (það er skylda því annars dettur hann ábyrgð út), þá kostaði skoðunin kr. 48 þúsund. Þessi skoðun er sú mesta og dýrasta.
Nú er bíllinn kominn í 45 þús km og aftur þarf ég fara með hann í skylduskoðun ef ég ætla halda ábyrgð. Nú kostar þessi aðgerð, sem í felst olíuskipti, sía og skoðun á slitfötum alls kr. 45.000. Mér var tjáð að vinnulaun hafi ekkert hækkað síðan í ágúst en aðkeypt vara hefur hækkað eitthvað. 
Mér brá verulega við þessa tölu og spurði hvað kostar 30 þús km skoðun. Jú hún kostar kr. 64.000. Ég er með reikning fyrir þessari skoðun í ágúst sl og þar er vinnuliður kr. 28.000 og annað (síur, olía og fl.) 19.600. Ef vinnulaun hafa ekki hækkað þá hefur BL og hækkað þetta "annað dót" um 80% frá því í ágúst eða úr 19.600 í 35.283. 
Ég benti B og L á þó að verðbólga væri mikil þá væri hún ekki 20% á mánuði. Ég þakkaði pent fyrir og keyri frekar á þjónustuverkstæði untan Rvk en að taka þátt í þessu sukki.
Stefanía Katrín Karlsdóttir 
(+ Sæl Stefanía, það er ekkert sem segir að þú þurfir að láta B&L sjáum þessa skoðun, þeir geta ekki fellt úr gildi ábyrgð á bílnum þínum ef þú kemur ekki til þeirra að láta yfirfara bílin. Þér er frjálst að fara á hvaða viðurkennda verkstæði sem er og láta yfirfara, smyrja og skipta um síur í bílnum þínum, mundu bara að láta verkstæðið kvitta fyrir þeirri þjónustu í þjónustubók bílsins. Það er algengur misskilningur hjá fólki að það sé skuldbundið til að fara á verkstæði hjá umboði bílsins og umboðin eru auðvita ekkert að leiðrétta það. Bifreiðaumboðum er ekki lagalega stætt að neyða þig til að eiga viðskipti við sig bara. Kv, Brynjar)

#1744    Á Mözdu 6 þar sem öxulliður bilaði, sennilega eftir mistök á verkstæði
þar sem skipt var um bremsuklossa.  Og slangan í bremsuna lá svo utan
í og eyðilagði gúmmíið sem verndar öxulliðin.  En það er önnur saga og
ég fæ það ekki bætt.
Brimborg selur öxullið í mözdu 6 2006 á 200 þús. krónur.
Sami/svipaður hlutur er á 80$ á ebay usa ~9000 krónur.
Þó er ekki víst að það passi þar sem ameríkanar eru með 2.3 vél en 2.0
vél í evrópu.  Hringdi til mazda uk og þeir vilja ekkert gera, standa
með sínum mönnum á íslandi sem fá þetta frá danmörku sem er milliliður
sem smyr vel á og þeir fá þetta frá japan.  Eina sem mazda uk vildi
gera var að benda mér fyrst á Grænland, en ég benti þeim á það gengi
nú ekki þá var það bara Danmörk.  Þvílíkt rugl.
Mig langaði að kvarta við móðurfélagið í Japan, en það virðist ekki
hægt.  Allir Evrópsku Mazda eru framleiddir í Japan.
Fann loks notaðan öxullið á íslandi í klessukeyrðum bíl.  En sá vildi
bara okra, selja á 60 þús.  Hann vildi loks lækka sig í 45 þús.  Tek
það fram að Stilling, N1 og Fálkinn geta ekki reddað þessu þar sem
engin generískur framleiðandi er byrjaður að framleiða þetta því þetta
bilar aldrei í Mözdu.  Gott að vita það.
Þetta er nú meira okurskerið.
Sigurjón Axel Guðjónsson 

#1743    Ég lét auglýsingamáttin draga mig á tálar í dag en flestir hafa heyrt auglýsingar frá Kaupþing um nýju “Gjafakortin” sem þeir bjóða. Ég fór og ættlaði að nýta mér þessa þjónustu þeirra og um leið klára restina af jólagjafa innkaupunum. 
Þegar ég kom til gjaldkera og ber upp erindið þá byrjar hún strax á því að tilkynna mér það að fyrir utan það að greiða fyrir þá inneign sem ég vildi hafa á hverju korti þá kostaði hvert kort mig 450kr. En ég hafði heyrt fjölmargar auglýsingar um kortið en hvergi heyrt að kortið sjálft komi til með að kosta, á gjaldkeraborðinu lá bæklingur um kortið sem ég skoðaði en það stóð ekkert í honum um þennan kostnað og stúlku greyjið í gjalkerastöðunni var jafn hissa á því líka. 
Þarna er Kaupþing semsé að bjóða þér að leggja peningana þína inn á reikning sem ber enga innlánsvexti og eru þannig í raun að fá til sín með þessu ókeypis fjármagn en ég og þú þurfum að greiða þeim fyrir það að taka við því. Ef þetta er ekki okur, hvað þá? 
Ásmundur Thorvaldsson

#1742    Ég er ein af þeim sem hef verið ósátt með Símann, bæði hvað varðar litla þjónustulund og verðskrá, og sjálf hef ég skipt yfir í Nova. Ég vildi benda á síðu Póst- og fjarskiptastofnunar sem er (að ég held) hlutlaus og birtir verð á þjónustum símafyrirtækjanna: Þarna er hægt að skoða ýmis skjöl og bera saman verðin.
María

(16.12.08):

#1741    Mér blöskraði svo í dag þegar ég verslaði í Hagkaupum í Skeifunni að ég ákvað að skrifa þér. Ég keypti glært límband í pakkningu í ómerkilegu plaststatívi.  Þegar í skoðaði kassakvittunina vegna þess að mér fannst heildarupphæðin óeðlilega há þá kom í ljós að límbandið kostaði kr. 925,00. Ég ákvað að skila límbandinu ásamt DVD - Latibær sem ég hélt að kostaði kr. 999,00 þar sem í einum rekkanum voru ýmsar útgáfur af Latabæ á kr. 999,00 en þegar ég athugaði kassakvittunina þá kostaði þessi DVD kr. 2.692,00. Ég ákvað þá að skila bæði límbandinu og Latabæ og var mér þá vísað á þjónustuborð þar sem var löng biðröð af fólki. Loksins þegar ég komst að þá var mér afhent úttektarnóta.  Ég var óhress með það og óskaði eftir endurgreiðslu . Afgreiðslustúlkan sem var ung og kurteis hafði greinilega fyrirmæli um að gera slíkt ekki svo hún kallaði á stúlku sem virtist ofar sett en ég nennti svo ekki að standa í meira veseni út af þessu enda lengdist röðin fyrir aftan mig svo ég fór með þessa úttektanótu.  Í köld keypti ég svo út í Pétursbúð límband með meira límbandi á og betra statívi á kr. 150,00. Nú mátt þú endilega reikna út verðmuninn í %.  Ég efa að ég versli framar í Hagkaupum – nema fyrir inneignarnótuna. Fólk þarf greinilega að vera vel á verði núna og passa sérstaklega upp á smáhlutina sem í þessu tilfelli eru á verðlagi sem ég myndi kalla svívirðilegt okur.
Jóhann G Jóhannsson

#1740    Fór í Heklu og ætlaði að fá mér aukalykil fyrir bílinn til öryggis, (á bara einn) og viti menn, lykill fyrir fjarstýringu kostar yfir 20.000 kr. Þá vildi þá fá venjulegan lykil en hann átti að kosta yfir 10.000 ! auk þess átti ég að hringja á undan mér til að tékka á að lyklasmiðir væru örugglega við eða viðlátnir!
Inga

#1739    Við mæðgur fórum í Pennann Eymundson á Akureyri í kvöld ég ætlaði að kaupa eitt
simpson blað sem var verðmerkt á 1375 þegar ég kom með það á kassann átti ég að
borga 1950  móðir mín var að kaupa pakka með litlum tindátum sem var verðmerkt
1995 en á kassanum kostaði pakkinn 3750 við fengum samt vöruna á verðinu sem
hún var verðmerkt á, það er samt greinilega verið að hækka allar gamlar byrgðir
í búðinni og það er þá heldur ekkert smáræði sem þetta hækkar tindátapakkinn
hækkar um 1800kr. Hvernig finnst þér þetta?
Brynhildur Kristjánsdóttir 
(Nb. Satt að segja alveg sturlað!)

#1738    Ég var að fá símreikning minn núna en ég brá mér af landi í 5 daga í nóvember þar sem ég dvaldist í NY í USA en á þeim tíma bæði bárust mér símtöl í gemsann minn sem og ég hringdi nokkur símtöl (á minn mælikvarða eru þetta fá símtöl eflaust ekki fyrir alla) (þessi nauðsynlegustu sem öll voru mjög stutt) í total voru þetta 117 mínútur (ath inn og út) og fyrir þessi reiki símtöl borga ég litla 34.875 kr fyrir 56 símtöl en ef ég deili þessu á mínútu þá kostar hver mínúta mig 453 kr og hvert símtal 622 kr.  Einu svörin sem ég fékk frá símanum er að gengið sé að leika mig svona grátt....... Reiðin var vægast sagt mikil skal ég ykkur segja og vil hvetja alla til þess að passa símanotkun erlendis og helst forðast hana.
Inger (að halda í jólaskapið í ráninu)

#1737 Parmesan ostageiri - Kaupi alltaf svona mjóan geira í Bónus á milli 500 og 600 krónur.  Um daginn var hann uppseldur blessaður þannig að ég stormaði í Nóatún.  Þar kostaði sami geiri sama tegund 1499 krónur.  Ég hljóp nottla út og beið í nokkra daga þangað til osturinn var aftur kominn í Bónushillur og verðið var 590. Pínu smá munur
Jórunn 

#1736    Ég fór í Toys‘r‘us á Akureyri um daginn og hugðist versla sparkbíl handa dóttur minni. Í versluninni voru til tvær gerðir af sparkbílum og kostuðu þeir 10.450 kr. Stk.  Mér blöskraði verðið, og trúði að leikföng hefðu hækkað þetta mikið. Nokkru seinna lenti  ég svo inn á leikfangaland.is og rakst þá á mun ódýrari sparkbíla. Á þessari síðu er reyndar mikið af fallegum leikföngum á góðu verði. Ég pantaði af þessari síðu og fékk mjög skjóta og góða þjónustu. 
Gunna

#1735    Búið er að eyðileggja verðskynið hjá mér með öllum þessum hækkunum, en það sem
verra er húmorinn er farinn líka! Fyrir rúmri viku, á sunnudegi, fór ég í Lyf og heilsu í JL húsinu og keypti Fastrax
"mannbrodda" í jólapakkann á 1.706 kr. Í gær, viku seinna ætlaði ég að kaupa alveg eins pakka en viti menn, pakkinn
kostaði yfir 3700 kr. Er hægt að bjóða manni þær skýringar að nýja sendingin hafi hækkað svona mikið? Auðvitað fór ég tómhent út, algerlega kjaftstopp.
Brynja

#1734    Bara að benda á svona í kreppunni að BT er með DVD (bæði + og -) diska,
4,7gb á 50 kr. stykkið! Hræódýrt - flott í kreppunni!
Nafnlaus

(15.12.08):

#1733    Ég hef komið mér upp gaggnagrunni sem safnar öllum verðupplýsingum frá þeim sem auglýsa verð sín á netinu sjálfvirkt. Fyrirtækin sem ég er kominn með eru Elko, Húsasmiðjan, Rúmmfatalagerinn og Vínbúðin. Ég er svo að bæta við fleirum og er þ.a.m að klára Heimilistæki um þessar mundir. Upplýsingarnar sæki ég í lok dags á hverjum degi þannig allar verðbreytingar eru gripnar strax. Í grunninum eru um 15000 vörur og 22000 verðupplýsingar fyrir þessar vörur.
 Ég hef svo slegist í lið með Nískupúkanum og þeir ætla að byrta upplýsingar úr grunninum á næstunni. En ég hef opnað blog síðuna bargain.blog.is þar sem ég ætla að taka fyrir áhugaverðar upplýsingar sem ég dreg uppúr grunninum og mig langar að vekja athygli á eða deila með öðrum. Endilega kíktu á hana. 
Gummi

#1732    Bónus vs. Hagkaup - Hef um árabil beint viðskiptum mínum til Bónusverslananna, enda hafa þær yfirleitt komið vel út í verðkönnunum.  Nú hafa þeir um nokkra hríð verið að teygja sig inn í jólabókageirann ásamt DVD og tónlist. 
Ég fór í kringluna og ákvað að athuga með bækurnar í bónus, verðið yfirleitt verið gott. Við innganginn hafði verið stillt upp rekkumm með DVD og tónlist á þröngu svæði en maður svona "grípur" þetta með í leiðinni, enda öruggt að "Bónus býður betur" og fjarstæðukennt að fá þetta ódýrara en þar. Svo kíkti ég yfir í Hagkaup í kringlunni, en báðar verslanakeðjurnar eru undir sama rekstaraðila, Haga. Þar sá ég að DVD diskarnir 2 sem kostuðu mig 3599 stk. í Bónus (WALL-E og 2. Sería KLOVN) voru báðir á verðinu 2699 stk. , munurinn 1800kall, ca. það sem nýr geisladiskur kostaði fyrir nokkrum vikum.  Ég var illa blekktur af góðlátlega Bónusgrísnum, draslaralegu lagerhillunum og kaótískri uppstillingunni í "lágvörurverðsversluninni".
Benedikt Árni Jónsson
(ATH: skv. okkar skönnun og verðkönnunaraðilum þá kostar Wall-e kr. 2,489,- í Bónus og 2,699,- í Hagkaup. Klovn serian kostar kr. 3,599,- í Bónus og kr. 4,299,- í Hagkaup.   Vinsamlegast sendið okkur staðfestingu á því hvar okkur hefur yfirsést.
Ester Harðardóttir, Bónus)

#1731    Mig vantaði snúru í Samsung myndavélina mína svo ég gæti fært myndirnar yfir í tölvuna. Ég var í Kringlunni og fann hvergi BT svo ég fór í Sony Center. Þar tjáði afgreiðslumaðurinn mér að það væri best fyrir mig að kaupa kortalesara sem kostar 4990 krónur hjá þeim. Snúruna ætti hann ekki til en hún gæti kostað um 6-7 þúsund krónur. 
Í Elko fann ég nákvæmlega sama kortalesara á 1990 krónur. Drengurinn sem afgreiddi þar sagði mér að kortalesarinn væri besti kosturinn en snúra sem gegnir sama tilgangi og lesarinn gæti kostað allt að 5 þúsund krónur.  Þarna munar 3000 krónum á kortalesara. OKUR !!!
Ég keypti kortalesarann í ELKO.
Berglind Inga

#1730    Enn lendir maður í því í Krónunni. Við vorum komin á kassann og áttuðum okkur þá á því að það vantaði tannkrem. Ég stökk og sótti tannkremstúbu án þess að velta fyrir mér verði. Jæja... nú erum við afgreidd og pokinn kostaði 7.263 krónur! Þá fórum við að skoða skiptinguna og 100 ml tannkremstúpan kostaði litlar 569 krónur! Ótrúlegt hvað er hægt að svindla inn á mann dýrum hlutum innan um alla "ódýru" dagvöruna. Við vorum samt búin að vera að spara við okkur og ákváðum að kaupa ekki klettasalat þar sem 75 gramma poki kostaði 495 krónur, kílóverð 6600 krónur! Ertu að fokkin grínast í mér?
Kristján

#1729    Frænka mín fór inn í Eymundsson í Hafnarfirði og keypti sér blý í
skrúfblýant. Verðið var 560 kr. Henni fannst þetta undarlega dýrt þannig að
hún sagði móðir sinni frá því, en móðirin mundi eftir þvi að síðast þegar
hún keypti blý kostaði það um 100 kr.
Þannig að hún hringdi í Fjarðarkaup,en þar kostaði smskonar blý 106 kr.
Það þarf vart að taka það fram að að 560 kr. blýinu í Eymundsson var skilað
og 106 kr blýið keypt í Fjarðaðarkaupum.
Ef þetta er ekki okur þá veit ég ekki hvað það orð þýðir. Ég hef grun um að
miklar hækkanir eigi sér sérstaklega stað þar sem unglingar kaupa mikið í
þeirri von að þau séu ekki jafn eftirtektarsöm á verð. Unglingar eru ekki
vitlausir og eru nú þegar farnir að fylgjast með verði enda margir þeirra að
vinna fyrir sér, ásamt skólagöngu. Ég hvet þau þvi sérstaklega að vera á
verði hvað varðar hækkanir á þein vörum sem þau kaupa mest. Sem og við öll,
og kaupum ekki okurvörur og látum ekki ljúga að okkur, t.d. þegar fyrirtæki
hækkar vöru, lækkar hana síðan aftur og auglýsir hana á tilboði. Notum eigin
innsæi og dómgreind.
Helga Steingerður

(13.12.08):

#1728    Vill bara benda á búðina Spilavinir sem er staðsett á Langholtsveginum. Var að koma þaðan keypti þar púsluspil Wasgij? (sem ég hef gert alltaf fyrir jólin) var búin að sjá það í Pennin Eymundson þar sem það kostaði 3.560.s em mér fanst okur ..en fann svo það hjá stelpunum í spilavinum á kr 2.950..og var ánægð með það..Takk fyrir góða síðu.
Auður Kj

#1727    Meira um okur Lyfju í Staðarbergi, Hafnarfirði. 
Pakkinn af Nicotinell nikótíntyggigúmmí,  2 mg. mint, 204 stk., kostar kr. 7.280 í Lyfju, Staðarbergi, Hafnarfirði (kannað 10. desember 2008, kl. 18:30).
Daginn eftir keypti ég sama skammt (Nicotinell 2 mg. mint, 204 stk.) í Lyfjaveri, Suðurlandsbraut, Reykjavík. Pakkinn kostaði þar kr. 4.682!! 
Mismunur á Lyfju og Lyfjaveri: kr. 2.598, Lyfjaveri í hag.
Mér er það gersamlega óskiljanlegt að nokkrum manni skuli detta í hug að versla við Lyfju. 
Stöndum saman, sniðgöngum okurapótekin, Lyfju og Lyf og heilsu!
Valdemar Pálsson

#1726    Prentmet!! Ætlaði að prenta 30 jólakort með mynd af börnunum... 15.800.- á vask!!  Er ekki allt í lagi???
Berta

#1725    Fór í Kúnígúnd (villerroy og boch í Kringlunni keypti Rosendahl 
vatnsglös 6 stk í kassa verð 4.730.-
Sá sömu glös í Líf og Lyst Smáralind á kr 3.640.-
Vildi bara benda á mismun á verði 1.090.-
Það er of mikill munur.
Neytandi 

#1724    Ég vill bara hafa orð á því hvað það er ömurlegt af N1 að birta ekki bensín- og
olíuverð á vefnum hjá sér. 
Þetta er eina olíufélagið sem ekki gerir það.
Mig minnir að þetta hafi gerst þegar Esso varð breytt í N1, þá þegar var eftir
því tekið að þeir birtu ekki verðin lengur - meðal annars af FÍB, þar áður
hafði Esso sýnt verðin alveg niður á hverja einustu bensínstöð.
Ég vil bara segja að sá stjóri eða sú stýra sem ákvað þetta - í
markaðsdeildinni?, að þetta var ömurleg ákvörðun og er engin þjónusta við
kúnnann.
Kiddi
(Nb. Þá er bara að sleppa því að versla við þá.)

#1723    Við eigum 18 mánaða skyrgám sem fer með u.þ.b. 3/4 af stórri dollu á dag.  Við erum því að kaupa stóra skyrdós næstum daglega.  Í dag brá okkur heldur betur í brún þegar við skutumst við í Krónunni, sem á vel að merkja að teljast til lágvöruverslana, dósin þar kostaði kr. 270 á meðan sama dós kostar kr. 203 í Bónus, þetta er semsagt 33% dýrara í Krónunni.  Ef við versluðum eingöngu í Krónunni værum við því að sóa u.þ.b. kr. 2000 á mánuði og munar um minna.
Guðmundur og Heiða

#1722    Langaði að minnast á vegna greinar nr.1418 að Borgarhreinsun er með tilboð á jakkafötum og skyrtum einfaldlega vegna þess að þeir hækka allan annan fatnað uppúr öllu valdi. Má líka minnast á að þeir strauja ekki skyrturnar, þær fá aðeins lágmarks meðhöndlun. Gott og blessað að borga lítið en það er bara svo að þú færð ekki allt fyrir ekkert. Ég borga frekar meira og fæ góða þjónustu, góða pökkun og góða hreinsun og pressun.
Annars vildi ég segja frá því að ég er ákafur aðdáandi marsipanstanga sem eru seldar í Bakarameistaranum en þær eru aðeins seldar um jólin. Ég átti leið þarna um um daginn og rak augun í að þær voru að setja þær fyrstu fram fyrir þessi jól svo ég, nammigrísinn, skellti mér auðvitað á eina. Og blæddi 198 krónum fyrir. Þetta er eins og snickerstöng. 
Daginn eftir hugsaði ég mér gott til glóðarinn og keypti aðra svona stöng. Var líka að kaupa fyrir fleira fólk og fór svo að lesa á miðan og rukka liðið og rak augun í að ég hafði borgað 395 krónur! Á einum sólarhring hækkaði þetta nammi um tæpar 200 krónur! Ég hef ekki stigið fæti þarna inn síðan.
Var einnig stödd í Rúmfatalagernum í Smáranum á dögunum og rak augun í lyklakyppu auglýsta á 99 krónur og ákvað að skella mér á eina. Var með meira og borgaði það. Fór útí bíl og sá þá að ég hafði borgað 499 krónur fyrir eina skitna lyklakippu! ég vindi mér aftur inn og stend í miklu stappi við þjónustuborðið og labbaði meira að segja með dömunni inní búðina og sýndi henni skiltið. Neinei, hún reif það af og sagði að þetta væri vitlaust verðmerkt. Mér er alveg sama. Eftir mikið stapp og tuð og vesen endaði þetta á því að ég gekk út. Og mun ekki ganga þarna inn aftur. 
Nína Rún

(12.12.08):

#1721    Ég var að koma úr Lyfju í Setbergi Hafnarfyrði og var að kaupa Kusk meltingarlyf sem er án lyfseðils.
Það kostaði 3349 krónur.Þar sem mér fanst þetta nokkuð há upphæð ákvað ég að kanna verðið í 
Lyfjaveri við Suðurlandsbraut og þar kostaði sama lyfið 2735.kr.Það var semsagt 614 krónum ódýrara.
Við hjónin sem bæði erum komin yfir sjötugt höfum síðustu 2 mánuði fært kaupum á lyfjum frá Lyfju
yfir til Lyfjavers við Suðurlandsbraut,þó að við búum í Setbergi rétt hjá Lyfju.Ég tel að fólk ætti að skoða
muninn.Það getur skipt þúsundum á stuttum tíma.
Óskar nafnleyndar

#1720  IKEA: Þetta parket kostaði 20 nov 2100 kr. pakkin, nú er hann komin í rúmar 4000 kr. Ég hélt að IKEA hafi talað um 25 - 30 % prósent
hækkun en þetta er tæplega 100% hækkun!
Heimir
( + Vildi taka undir með #1720 varðandi IKEA. Ég fór þangað fyrir ca 2 vikum til að kaupa rúm handa dóttur minni. Á leið minni í gegnum verslunina rak ég augun í rimlagardínu, 60*250, ólituð viðargardína. Verðmiðinn : 1.490.- krónur. Ég kippti einni með mér, enda upplagt fyrir rúðuna í svalahurðinni. Þegar á kassann var komið fylgdist ég vel með þegar gardínan var skönnuð inn og viti menn, verðmiðinn: 3.890.- krónur!! 2.400.- krónur sem það hefði getað kostað mig að labba í gegnum búðina ef ég hefði ekki verið á varðbergi. Starfsmaður á kassa hringdi inn í vefnaðarvörudeild og þar var verðið staðfest, 3.890.-. Ég var ekki alveg tilbúin að sætta mig við það, taldi að ég hefði rétt fyrir mér varðandi verðið og rölti því inn í búð til að sannreyna þetta sjálf. Þegar ég kom að hillunni þar sem gardínan var, var verðið 1.490.-, eins og mig minnti. Ég fékk því starfsmann vefnaðarvörudeildar til að kíkja á þetta með mér, og þetta var sú sama og hringt hafði verið í þegar ég var frammi á kassa. Hún skildi ekkert í því hvernig gæti staðið á þessu, ég sagði henni að mér væri nú bara nánast sama, ég ætti rétt á því að fá vöruna á auglýstu verði og hún var nú alveg sammála mér þar. Ég rölti því aftur fram á kassa, starfsmaður þar hringdi aftur inn í vefnaðarvörudeild og fékk staðfest að ég fengi gardínuna á 1.490.-. 
Já, það getur borgað sig að vera eftirtektarsamur, þetta er rúmlega 150% verðmunur takk fyrir! Ég ræddi þetta við staðgengil verslunarstjóra og þá fékk ég einmitt þau svör að þeim þætti þetta mjög leiðinlegt og að þau hefðu hækkað vörur hjá sér um 25%, ég benti henni á að það gæti nú ekki staðist í þessu tilviki. Svörin sem ég fékk þá var að allir í kringum þau væru að hækka meira .... var ekki alveg að ná því hvað það skipti máli þarna???? 
Held amk að ég fjölgi ekki ferðum mínum í IKEA á næstunni!
Kristrún Lísa Garðarsdóttir)

#1719    Vildi bara benda á að í Toys´R´Us kostar BABY BORN bleiu pakki (5 stk) rúmlega 2000kr en "aðeins" 999kr í Hagkaup.
Hildur

#1718    Í Krónunni er bara til ein tegund af munnskoli og eru litlir 250ml af Colgate seldir á 650 krónur! Kemur ekki til greina að kaupa á þessu verði. Í Spar í Bæjarlind rak ég svo augun í 500ml flösku af sama munnskoli á 650 krónur. Og ekki er Spar þekkt fyrir lágt verð. Ódýru búðirnar eru með algengustu vörurnar ódýrar. Svo kippir maður með sér stökum hlutum sem eru ógeðslega dýrir. Maður þarf alla vega að hafa augun opin.
Ég hef alltaf fengið frábæra og ódýra þjónustu í saumastofunni á þriðju hæð í Smáralind. Gömul og slitin peysa gekk í endurnýjun lífdaga fyrir aðeins 1200 krónur.
Kristján

#1717    Langar að láta vita um rétt viðbrögð 2ja fyrirtækja og argasta 
dónaskap og lélega viðskiptahætti hjá því þriðja.
Lenti í rifrildi og dónaskap hjá vakstjóra N1 um daginn, ætlaði að 
kaupa auglýst tilboð, en var tjáð að það hefði runnið út um morguninn 
(N1 var útmálað af þessu tilboði, bretti merkt tilboðinu með vörunni 
á, skilti uppivið o.s.frv.).  Ég sendi inn ábendingu til N1 og fékk 
óumbeðið smá glaðning í pósti frá þeim með skilaboðum um að þeim þætti 
þetta leitt og þeir hefðu brugðist við ábendingunni.
Keypti rúm í Svefn og Heilsu handa stelpunni minni.  Þegar kom að því 
að setja það saman þá reyndist það vera gallað, kom svo á daginn að 
öll sendingin reyndist gölluð.  Svefn og Heilsa sendi mann heim til 
okkar með alla sendinguna og hann tók til heila hluti í rúmið úr 
_allri_sendingunni.  Í þokkabót þá endurgreiddi verslunin helminginn
af verði rúmsins til að bæta óþægindin!
Því miður get ég ekki sagt það sama um Múrbúðina.
Við keyptum heil ósköp af málningu í versluninni, sem reyndist svo 
ekki þekja frekar en vatnslitamálning.  Eftir fjórar umferðir af þessu 
rusli höfðum við samband við verslunina.  Eftir _margar_ tilraunir til 
að ná í framkvæmdastjóra fyrirtækisins (sem virðist vera ansi oft í 
mat eða heima hjá sér) þá var sendur maður heim til að skoða 
málninguna. Eftir þá skoðun heyrðist ekki orð frá Múrbúðinni.  Eftir 
nokkra daga og tilraunir til að hafa samband við verslunina, kemur upp 
úr kafinu hjá símadömu að starfsmaðurinn hefði komið hlæjandi til baka 
afþví að það hefði verið reynt að mála yfir epoxy-málningu með þessari 
málningu.  Það þykir okkur undarlegt þar sem að engin epoxy-málning er 
til staðar.  Eftir sitjum við með sárt ennið að hafa keypt rusl- málningu hjá Múrbúðinni (sem hefur enn ekki séð sóma sinn í að svara 
einu sinni skriflega eða formlega tölvupóstum og símhringingum).
Ekki mun ég versla framar við Múrbúðina og ég vara fólk eindregið 
við!  Annan eins dónaskap og vanvirðingu við viðskiptavini hef ég 
sjaldan upplifað.
Óskar nafnleyndar

#1716    Þann 4 júní 2008 fór ég með Lexus 200 is,árgerð 2002 í 60ÞÚS KM VIÐHALDSSKOÐUN.
Mér var sagt að þessi skoðun myndi kosta um 42.000,en ef einhver frekari kostnaður yrði myndu þeir hringja og láta mig vita
hvað þyrfti að gera og hvað það kæmi til með að kosta.Allavega þá var hringt og kostnaðurinn endaði í 49,456.
Þetta var gert... skipt var um 2 perur ,loftsíu ,miðstöðvarsíu ,mótorolíu ,gírolíu og smursíu og fl.
Allt í lagi !!!  ,hér er allt í góðu fyrir utan frekar dýra skoðun ,en jæja þetta er Lexus:).
Svo var aftur hringt og maður á verkstæðinu sagði mér að bremsudiskarnir að aftan væru ónýtir ,að ég gæti ekki keyrt
mikið lengur á þeim svona ,að bíllinn kæmist aldrei í gegnum skoðun og að skipta um diskana kostaði um 80.000.
Þegar ég kvartaði yfir verðinu bauð hann mér 15% áfslátt. Ég sagðist ætla að bíða með þetta,þá endurtók hann ræðuna og sagði að það yrði að skipta um diskana sem fyrst. 
Sem betur fer þá sleppti ég því og hringdi í Stillingu ,þar kostuðu diskarnir 20.000 og hver sem hefur eitthvað vit á bílum getur skipt um svona diska á tveimur tímum.Ég sleppti nú alveg að skipta um diskana og ek um á þeim gömlu ennþá ,því það er ekkert að þeim.
Lúlli.

#1715    Ég hef um árabil verslað á afsláttardögum í Heilsuhúsinu, gefið var út sérstakt skírteini þar sem kemur fram nafn ofl.sem viðkemur eiganda þess. Þetta skírteini sýnir maður svo á fyrrnefndum afsl.dögum. Heilsuhúsið auglýsir svo sérstaka afsláttardaga einu sinni í mánuði, sem er nú gott og blessað og ég hef sem áður sagði notfært mér þetta lengi vel í þeirri góðu trú að nú væri ég að gera góð kaup.
En viti menn, bæði Nettó í Mjódd og Fjarðarkaup ( Fræið) eru með mun lægra verð á sínum vítamínum, teum og öðru sem telst stuðla að bættri heilsu. Þar eru allir dagar eins, sama verðið. Þetta kallar maður nú ekki heiðarleg viðskipti því að auðvitað ætti H.húsið að sjá sóma sinn í því að vera með allægsta verðið á þessum svokölluðu "afsláttardömum sínum". Þetta er ekkert annað en blekking við auðtrúa viðskiptavini sem eyða sumir þúsundum króna til að öðlast betri líðan.
Það er skömm að svona. 
Óskar nafnleyndar

#1714    Fyrir þremur árum fékk ég endurskoðun þar sem tengibúnaður var óskráður, mér var  ekki boðið að skrá hann heldur skildi ég  koma aftur með tilheyrandi kostnaði, vinnutapi, milliferðum og endurskoðunargjaldi.  Í síðustu viku fér ég með annan bíl í skoðun hjá Frumherjaá Hesthálsi, þá fékk ég endurskoðun, ástæðan var ójafnir hemlunarkraftar, í athugunarsemd var srifað "öxulk". Ég fór og leit á hjólabúnaðinn og komst að raun um að bremsur virkuðu eðlilega enda gerði ég ekkert fyrir þær, en öxulklemmuna vantaði yfir hosuna.
Ég lagaði það og fór með bílinn á aðra skoðunarstöð þar fór hann í gegn án athugsemda, enda fylgdist ég með hemlamælingunni. Þessi ágæti skoðunarmaður Frumherja merkti í annan reit til að láta mig koma aftur, þar sem öxulhosa er ekki endurskoðunarskilt atriði frekar en númersljósin sem hann setti út á. Fyrir þetta mátti ég greiða 1450 kr. + vinnutap og milliferðir. Auk þess gefur þetta ranga mynd af ástandi bifreiða í samantekt Umferðarstofu.
A Ellert

#1713    Veit að margir er búnir að senda inn Okur-dæmi frá Toys R Us sem virðist alveg staðráðið í að koma frá sér eins mörgum æpandi viðskiptavinum og hægt er, og allir kúnnar kvarta undan verkjum í afturenda eftir viðskiptin! 
En ég vildi benda á að dóttir mín fékk lítið plast dúkkuþríhjól, til þess að ýta á undan sér, og var það keypt í versluninni í júlí og kostaði 1.799kr.  Mjög ásættanlegt verð fyrir þessa vöru og ég var staðráðin í að kaupa svona í gjöf fyrir litla vinkonu hennar núna fyrir jólin. Gerði mér ferð í búðina og viti menn, sama varan kostar núna kr.7.299.  Jáhá, þetta er bara orðið rúmlega 4x verðið á upprunalega hlutnum - það var engin smá gengishækkun í Toys R Us landi.
Eins má benda á að Littlest Pet Shop fígúrur, 10 stk í pakka, kosta 13.500kr í TRU en kosta undir 5000kr í Hagkaupum og Europris.
Soffia
(NB. Okurslappleiki TRU virðist hafa spurst út, a.m.k. var fremur fámennt þar í Smáratorgi í gær og enginn að bíða við kassann...)

(11.12.08):

#1712    Fór í Europris um daginn og sá þessa hrikalega girnilegu Hershey´s kossa sem
mig langaði í. Í rekkanum var verðið 1390kr fyrir 241 gr poka. Ég hreinlega
trúði þessu ekki. Hugsaði strax til okursíðunnar og tók mynd af okrinu. Tók samt
poka með mér og tjékkaði á prísnum á kassanum svona til öryggis og viti menn.
1390KALL fyrir 241 grömm af súkkulaði!!!!! Er ekki allt í lagi hjá Europris
spyr ég bara???
Róbert Páll

#1711    Ég er ekki einn af þeim sem er í því að smyrja mér lifrarkæfu-samlokur á
morgnana og fer því ansi oft (alltof oft) á einhverja skyndibitastaði í
hádeginu. Það hafa komið nokkrar fínar ábendingar á síðunni sem ég hef
nýtt mér en ég hef hvergi séð minnst á ítalska skyndibitastaðinn Sbarro
sem eru í bláu húsunum í Faxafeni og í Kringlunni.
Fínir skammtar (amk feikinóg fyrir mig) á mjög viðráðanlegu verði. Ég
borða mig saddan fyrir 900-1000 kr sem er bara nokkuð sanngjarnt að mínu
mati. 
Benedikt

#1710    Mig langaði að segja frá minni reynslusögu af Garðheimum því okur fyrirtæki. Ég keypti útiljósaseríu tvær gerðir af þeim í fyrra fyrir jól fyrir ca 30 þúsund, svo var ég að reyna að koma annarri seríunni í gang en þá voru 150 perur ónýtar.
Fór ég með seríuna til þeirra í Garðheimum og kvartaði yfir því að það væru þetta margar perur ónýtar og svörin sem ég fekk voru þau að það var svo slæmt veður í fyrra.
Skip slitnuðu frá landfestum (ég bý í Kópavogi ekki útá sjó) og serían sveiflast til í roki. Þá sagði ég að þessar seríur eru ekki gerðar fyrir Íslenskar aðstæður og væru þar af leiðandi bara drasl.
Ekkert var hægt að gera fyrir mig nema að ég gat keypt perur 5 í pakka sem kostar 350 kr og ég hefði keypt 150 perur værir kostnaðurinn á þeim 10.500 hallo þetta verð er 1/3 af verðinu sem ég keypti í fyrra. Ég mun aldrei nokkurn tíma fara í þessu okurbúllu og því síður vegna þjónustulundarinar hjá þeim. Annað, hin serían fer heldur ekki í gang og er ég ekki að reyna að koma henni í gang vegna þess að svörin verða væntanlega á sömu lund hjá þeim. Þannig að þetta seríudót fer í tunnuna. Góð fjárfesting eða hvað á einu ári (serían var notuð í ca 30 daga í des til Jan)?
Ólafur I Arnarson 

#1709    Fór í 10-11 á Hjarðarhaga í síðustu viku og ætlaði að kippa með mér einu Myllu heimilisbrauði. Þegar að kassanum kom sagði kassamaðurinn 419 krónur. Ég kváði auðvitað og hélt að hann hefði mismælt sig. En nei nei hann endurtók töluna 419 krónur. Ég hélt ég yrði ekki eldri og spurði aumingjans drenginn hvort hann hefði sagt rétt verð. Já já 419 krónur takk fyrir. Ég rétti honum brauðið og sagðist ætla að fara í aðra búð. Sama tegund af brauði kostaði 159 krónur í Bónus þegar ég fór þangað tveim dögum síðar. Ég hefði sem sé næstum því getað fengið þrjú brauð í Bónus fyrir eitt í 10-11. Er þetta forsvaranlegt?
Tek undir með þeim sem hafa bent á að tilgangurinn með því að styðja íslenska framleiðslu er enginn ef íslenskar vörur hækka til jafns við þær innfluttu. Hver er þá hagur okkar neytenda af því að velja íslenskt? Og af hverju hækka íslenskar vörur sem ekki innihalda erlent hráefni? Er ekki bara verið að hækka íslenskar vörur í skjóli hækkana á þeirri erlendu, til hagsbóta fyrir kaupmenn? Kaupmenn sem koma fram við viðskiptavini með hroka og yfirlæti og eins og þeir séu asnar, eiga ekki skilið að verslað sé við þá. Mæli með að viðskiptavinir séu á varðbergi gagnvart slíkum óeðlilegum hækkunum og sniðgangi þá kaupmenn sem stunda siðlausa viðskiptahætti.
Ólöf
(Nb. Það eru nú engin ný tíðindi að 10-11 er svívirðileg okurbúlla.)

#1708    Ég fór í apotek í gær og ætlaði að kaupa tannlím (fyrir falska settið mitt) en fékk áfall þegar ég sá verðið. Í Lyf og heilsu á Glerártorgi Akureyri kostaði 68gr túpa – 2.928 kr -----í apotekinu í Hagkaupum á Ak kostaði samskonar túpa-----1.889 kr. Þetta tannlím (FIXODENT) var á verðinu 1.200 til 1.400 ‘i haust.
Guðrún 

#1707    ÉG fór í Nýja kaupþing á mánudag og ætlaði að fá nýjan lykill af heimabankanum því minn dó eftir tveggja ára notkun,  bánkanir komu þessu á og vitið menn ég var rukkuð um 500kr fyrir hann ég benti henni á að þetta væri bara fjákúun af þeirra hálfu því ég bað ekki um að þessu væri troðið uppá okku ekki get ég notað heimabánka minn nema að hafa þennan lykill,  ég spurði líka hvor það væri ætlast til að við ættu samalykill alla tíð að það gæti ekkert komið fyrir hann en það var lítið um svör,  mér var aftur á móti sagt það að það ætti að fara að fynna uppá einhverju öðru og hætt með þennan auðkennislykill þvílíkt og annað eins ég mátti borga þessar 500kr ég er líka alveg viss um það að það kosta ekki 500kr að framleiða þetta.
Ingibjörg

(10.12.08):

#1706    Ég fór til tannlæknis í dag  Það var önnur heimsókn af þrem við að rótarfylla tönn sem kom bólga undir.  Ég ætlaði að borga þessar tvær heimsóknir í dag og ég var að hugsa við afgreiðsluborðið áður en kom að mér að vonandi ætti ég fyrir báðum reikningunum og hugsaði fjandakornið það getur í hæstalagi verið 15 til 20 þúsund alls, því ég er með 75% örorku og fæ endurgreiðslu  frá Tryggingastofnun 75% af svokölluðu viðmiðunarverði.  En þegar afgreiðslukonan nefndi upphæðina þá hló ég því hún var svo út í hött:  Rúmlega 37 þúsund sem kemur í minn hluta að borga.   Heimsóknin mín í dag kostaði alls 24  þúsund - þar af á ég að greiða rúmar 18 þúsund kr. og Tryggingastofnun rúm 5 þúsund  Og þetta heitir að fá 75% endurgreitt.  Ég gat auðvitað ekki borgað nema fyrri reikninginn.  Þvílíkt okur og blekkingaleikur. Þetta var hjá Tannlæknastofunni á Egilsstöðum. 
Anna Hrefnudóttir

#1705    Fór í Krónuna í dag sem er nú ekki í frásögur færandi nema hvað að ég keypti 1 pakka af nuk snuðum (tvö í pakka). Verðið sem var fyrir ofan pakkann merkti að þetta kostaði 765 krónur, síðan þegar ég kem að kassanum og honum rúllað í gegn kom að pakkinn kostaði 945 krónur.  Ég gerði athugasemd við þetta og fór afgreiðslustúlkan og athugaði þetta.  síðan greiddi ég það verð sem á rekkanum stóð en greinilegt er að allt er reynt til að auka ebitu eða veltu fyrirtækisins ef þetta er stundað. Enginn baðst velvirðingar á því að reynt var að bæta tæpum 200 krónur við eina vörutegund.
Ómar Þ. Pálmason

#1704    Fór í Bónus um daginn og keypti léttar vínarpylsur. Þær hafa sl. 2-3 ár kostað ca. 850 kr. kílóið. Í haust hækkuðu þær í ca. 950 kr. Núna kosta þær 1240 kr. kílóið. Okur! Var ekki verið að tala um að kaupa íslenskt, er ekki nánast allt hráefni í þetta íslenskt. Það er helvíti skítt ef ,,þjóðin á að standa saman" og svo er okkur fokkað af eigin fólki þegar sverfur að.
Reynir

(09.12.08):

#1703    Fór í Lyf og heilsu í Keflavík áðan og keypti 24 stk af Nicotinell Lakrids 4 mg, sem er álíka mikið magn og 1 sígarettupakki (sem kostar um 660 kr í dag)  fyrir reykingamanneskju.  Mér blöskraði þegar ég greiddi rúmlega 1660 kr fyrir pakkann af tyggjóinu, en í síðustu viku kostaði sami pakki rúmlega 1400 kr en í haust rúmlega 800 kr (fannst það meira að segja vera hátt verð þá)....  Rúmlega helmingshækkun á vörunni á tæpum 4 mánuðum.  Ef maður lítur á peningahliðina við að nota þetta hjálpartæki við að hætta reykingum þá er þetta ansi letjandi þegar hægt er að kaupa 2 og 1/2 sígarettupakka fyrir sama verð og 1 tyggjópakka með 1-2 daga skammti af tyggjói.  SVEKKELSI.... 
Helga Erla

#1702    Ég er að panta jólagjafir í netinu ein jólin enn, enda búsett úti á landi. Ætlaði panta vöru frá Elko sem er 4 kg.  Við val á sendingarmöguleika get ég annars vegar valið samdægursþjónustu með Póstinum fyrir kr. 980 (aðeins í boði á höfuðborgarsv.) og hins vegar að láta senda pakkann á hefðbundinn hátt með Póstinum fyrir kr. 2.500 (allt landið). Það er því meira en tvöfalt dýrara að senda pakkann nokkrum dögum seinna út á land en að senda hann með hraðþjónustu samdægurs innan höfuðborgsvæðisins. Það kalla ég ansi slæman díl fyrir okkur landsbyggðarfólkið.
Esther

#1701    Vill benda fólki á að fylgjast vel með verðmerkingum í búðum, og þá sérstaklega vörum sem standa á brettum og eru auglýstar á tilboði.
Fór í Krónuna um helgina, sá þar Floridana appelsínusafa auglýstann á 265 kr. Og svo Hello Kitty púða sem ég keypti fyrir dóttur mina auglýstann á 995 kr.
Svo þegar kemur að því að borga, þá kostar safinn 289, og púðinn 998.
Alltof algengt, og hvet ég fólk til að skrifa niður verðin á öllu sem er keypt, og bera svo saman við strimilinn sem kemur ú kassanum, því þarna má spara nokkra hundraðkalla af viku matarinnkaupunum.
Svavar Þór Birgisson

#1700    Verð á spilinu Party og co
Bónus:    kr  4685
Hagkaup:  kr  5990
Toys'R'Us: kr  10.485
Er þetta hægt, ég meina ég hélt að það væri falin myndavél þarna í
leikfangabúðinni og einhver bara að grínast með mig?
Sissú

#1699    Mig langaði að segja þér frá atviki sem ég horfði uppá um daginn þegar ég var stödd í Krónunni. Fyrir framan mig í kassaröðinni var par sem var að versla, þau höfðu skrifað niður á blað hilluverð allra varanna sem þau voru með, samtals 10 stk., þegar þessu hafði verið rennt í gegnum kassakerfið, báru þau saman strimilinn og blaðið þar sem þau höfðu punktað niður hilluverðið og í ljós kom að 8 vörur af 10 voru dýrari en hilluverðið sagði til um, þetta er með ólíkindum, þau fengu mismuninn greiddan tilbaka en svona tefur alla afgreiðslu mjög mikið og svo gefa flestir sér ekki tíma í að skrifa allt niður hjá sér, maður vill geta treyst því að svona hlutir séu réttir, verslanir hljóta að græða heilan helling í heildina víst að þeir sjá sér ekki fært um að hafa þetta rétt, þetta er ekki eina dæmið sem ég veit um hjá Krónunni þar sem hilluverð og kassaverð fara ekki saman. Kannski er þetta svona hjá fleiri verslunum líka. Ég fór t.d. í Kringluna um helgina og verslaði í 2 verslunum og í báðum verslunum átti að rukka mig of mikið, í Eymundsson var bók á tilboði sem ég keypti en tilboðsverðið kom ekki fram á kassanum, ekki fyrr en ég benti starfsmanni á hvað stóð á verðmiðanum á bókinni, þá leiðrétti hún það strax, hitt dæmið voru vitlaust verðmerktar buxur í búðinni Sparkz. Mér finnst með ólíkindum hvað verslanir leggja lítinn metnað í þessa hluti, kannski er þetta bara útpælt hjá þeim.
Ein hneiksluð

#1698    Ég er í svona jeppabransa og mig vantaði nýjar spindilkúlur í jeppann hjá mér (Jeep Cherokee). Ég fór í Bílabúð Benna og ath verðið hjá þeim það voru litlar 30.000 þúsund kr stk. SPICER heita þær og ég athugaði verðið hjá Bílanaust sama gerð SPICER þar voru þær á 4800kr stk = GEÐVEIKI. Langaði bara að koma þessu á framfarir svo það verða ekki fleiri teknir í þurt og ó smurt rassgatið bakaríið.
Brynjar Traustason
(ATH: Í Bílabúð Benna fást Spicer spindilkúlusett í Jeep Cherokee og Jeep Grand Cherokee árgerðir 1984 til 2000 á 10.628 kr.  Sama sett hjá N1 kostar 10.062. Ef um yngri árgerð en 2000 er um að ræða þá er Bílabúð Benna ekki með Spicer spindilkúlusett. Ég óska því eftir því við þig að þessi færsla verði fjarlægð af netinu eða leiðrétt.
Bilabud Benna hf / Baldvin Elíasson)

#1697    Á dögunum keyptum við fisk, sem okkur var sagt að væri glænýr, í Melabúðinni.
Sem verið var að elda fiskinn barst grunsamleg lykt um húsið. En vegna þess að forsvarsmenn þessarar rómuðu verslunar í Vesturbænum höfðu fullyrt um gæði vörunnar, þá var haldið áfram að elda. En þegar að því kom að gæða sér á réttinum, þá kom í ljós að fiskurinn var úldinn og ekki mönnum bjóðandi.
Til að láta reyna á hversu neytendavæn þessi ágæta verslun í Vesturbænum væri, tókum við fiskinn með okkur til verslunarmannanna aftur og báðum kurteislega um að okkur yrði bætt þessi óæta vara og annaðhvort endurgreitt verðið, eða nýr fiskur látinn í staðinn .
Annað var nú ekki farið framá til að bæta skaðann og leiðindin, en vissulega var búið var að leggja vinnu og efni í eldamennskuna.
En skemmst frá að segja, þá létu verslunarmenn í Melabúðinni sig hafa það að bæta gráu ofaná svart.
Þeir fóru með fiskinn í bakherbergi og eru taldir hafa kjamsað á afurðinni og komu til baka og fullyrtu að ekkert væri athugavert við vöruna og voru státnir með þá afstöðu að ekki þyrfti að aðhafast neitt til að bæta það sem við vesælir viðskiptamenn töldu vera skaða.
Hvað finnst þér um þessa frammistöðu?
Árni

#1696    Einhverntíma las ég einhversstaðar að auglýsendur yrðu að
geta staðið við fullyrðingar í auglýsingum. 
Hakaup hefur fyrir nokkru opnað stóra og glæsilega verslun í Garðabæ,
en þar er yfitleitt fátt um viðskiptavini.  Ég ætla að segja þér frá reynslu
minni um verðlagningu á þessum bæ.
Skömmu eftir að verslunin opnaði ætlað ég að kaupa 1/4 dós af Ora grænum
baunum. Ég rak þá augun í undarlega verðlagningu.  Hálfdós kostaði kr. 129.- 
en kavartdósin kr. 134,-  (Svona dós kostar kr. 54,- í Bónus í Hafnarfirði).
Ég benti ungum starfsmanni verslunarinnar á þetta og hann kvaðst ætla að athuga málið,
því þetta hlytu að vera mistök.  Hann hvarf svo á braut, en kom að vörmu spori til baka og
sagði að þetta væri rétt,  "þetta ætti að vera svona".
Þann 27, nóv. s.l. ætlaði ég að kaupa nokkra pakka af "Rubin Kenya sælkerakaffi",  en fannst
verðið grunsamlega hátt svo ég lét mer nægja að kaupa einn pakka, sem kostði kr. 565,-.
Daginn eftir keypti ég sömu vöru í Fjarðarkaupum á kr. 329,-  Verðið í Hagkaupum er semsé
rúmlega 72% hærra.
Ein ferð betra verð - Ha!?
Ragnar

#1695    Vildi bara benda á að Kaffihúsið á Bifröst, þ.e. Háskólans á Bifröst hefur ekki hækkað sitt verðlag á bjór í háa herrans tíð og býður upp á hálfan lítra af bjór á litlar 450 kr. Það er annað en í Reykjavík!
Svo vil ég líka benda á að Kaffihúsið á Bifröst býður upp á hádegismat á hverjum virkum degi þar innifalið er súpa, heitur matur og salatbar á litlar 990 kr. Sem sagt alveg hellingur af mat fyrir sanngjarna upphæð. 
Því segi ég. Lengi lifi kaffihúsið á Bifröst. 
Finnbogi Vikar, viðskiptalaganemi á Bifröst

#1694    Mig langar að benda á mjög ódýran og góðan grænmetisstað. Á grænni grein, sem er staðsettur í Bláu Húsunum við Faxafen.
Verðið hefur lækkað og er meðal annars Réttur dagsins sem er samansettur af tveimur heitum réttum Ísl.bankabyggi og salati, á 1000 kr. og er mjög vel útilátið.
Hægt er að taka með sér eða borða á staðnum.
Jóhanna

#1693    Fyrir nokkru síðan þurfti ég að auglýsa íbúðina mína til leigu.  Ég veitti athygli nýju fyrirtæki sem auglýsir fríar auglýsingar bæði fyrir leigjendur sem leigusala.  Þetta er skýrt tekið fram og feitletrað á heimasíðu þeirra (Leiga.is).
Í einfeldni minni skráði ég íbúðina hjá þeim og komst að því núna um mánaðamótin að mér hafði borist reikningur frá fyrirtækinu upp á 4.999 kr.  Þegar betur er að gáð er skráningin aðeins frí fyrstu 10 dagana og eftir þann tíma þarf að greiða.  Þetta er ekki það sem kemur fram í auglýsingu þeirra og þarf maður að lesa smáa letrið til að láta ekki veiða sig í gildruna.  Ég er búinn að hafa samband við Neytendastofu og kannast þeir vel við málið, en geta lítið gert þar sem "smáa letrið" er á heimasíðu þeirra.
Þetta eru augljóslega blekkingar og verið að hafa fé af fólki.
Mér finnst það skylda mín að koma þessu á framfæri, þar sem mikið framboð er á húsnæði um þessar mundir og tekið getur drjúgan tíma fyrir leigusala að finna leigjendur.  Á meðan græða þeir á Leiga.is.
Jóhannes Ingimundarson

#1692    Ég fer 1 sinni í mánuði í Garðheima og kaupi 13 kg. poka af hundamat. Fyrir 2 mánuðum borgaði ég rétt rúmar 8.000 kr fyrir pokann. Fyrir mánuði kostaði hann rúmar 10.000 kr sem mér þótti nú alveg ásættanleg hækkun. En í gær þegar ég fór að kaupa pokann blöskraði mér allsvakalega - 17.450!!! Ég dauðkvíði næstu ferð, það verður gaman að sjá hvað hann mun kosta þá! Til gamans má geta að eins poki ásamt geymslutunnu úr járni kostar út úr búð í Bretlandi með fullri álagningu og öllu, 39 pund eða 7.000 miðað við gengið í dag.
Óskar nafnleyndar

(07.12.08):

#1691    Ég vildi bara deila með ykkur reynslu minni, ég og maðurinn minn fórum á jólahlaðborð áRauðará á sunnudaginn síðasta og fengum dýrindis mat og góða þjónustu, en það sem var svo toppurinn á öllu var að það er 2 fyrir 1 á sunnudögum, kostar fullt verð 6900 á mann og þarna borgum við tæp 3500 á mann í stað 6900 fyrir þetta flotta jólahlaðborð. Vildi bara koma þessu á framfæri fyrir þá sem langar að skella sér á jólahlaðborð á kreppuverði 
Rebekka

#1690    Mig langar að benda fólki sem er að spá í að kaupa sér raftæki fyrir jólin að skoða Heimilistæki og Sjónvarpsmiðstöðina (sömu eigendur og sama verð í báðum búðum). Ég nefnilega var að vinna í Elko og sumar vörur eru mun dýrari þar en í Ht og Sm.
Dæmi er 32" Philips sjónvarp sem kostar 250.000 í elko en 200.000, öll Philips sjónvörpin eru ódýrari í Ht og Sm en í Elko nema 2-3 sem kosta það sama. 
fyrrv starfsmaður elko
(ATH: Ég vidi bara benda á td. Færslu nr.1690 kemur ekki undir nafni og er greinilega bitur fyrrum starfsmaður Elko og getur greinilega ekki staðfest eða komið með nein raunveruleg dæmi um mun á þessum búðum. Ekki láta glepjast af hefndarhug og órögstuddum athugasemdum, það gerir þennan annars frábæra vef  ótrúverðugan í mínum augum og annara.
Kjartan)

#1689    Á HP prentara og það er sagan endalausa hvað þessi blek hylki eru dýr í alla bleksprautu prentara.
Kaupi þetta reglulega og hef orðið var við miklar hækkanir.
Nokkur verð á HP nr. 21 svart blek (C9351A):

A4 þann 20/10/2008 - 2.990 kr.
A4 þann 04/12/2008 - 4.990 kr.
Þetta mun vera um 67% hækkun á rúmum mánuði.

Penninn Eymundsson þann 22/09/2008 - 2.150 kr.
Penninn Eymundsson þann 31/10/2008 - 4.430 kr.
Þetta mun vera um 106% hækkun á rúmum mánuði.

En rakst svo á nýja netverslun hjá Opnum Kerfum sem heitir "OK beint".  Þeir hafa lengi þjónustað fyrirtæki í gegnum vefverslun, en í byrjun desember byrjuðu þeir að selja til einstaklinga líka.  Þar eru eðlileg verð sem slá A4 og Pennanum-Eymundsson auðveldlega við. 
Í tilefni af opnun vefverslunarinnar er frí heimsending í desember, en einnig getur maður sótt vöruna á lager þeirra.
En allavega þá fékk ég þessi blekhylki í OK beint á aðeins 2.495 kr.
Mæli með OK BEINT!
Gísli
(ATH: Varðandi færslu nr. #1689 á okursíðunni frá 7.12.08, sem snýr að verði á blekhylkjum í prentara, þá langar mig að segja frá minni reynslu. Mig vantaði litablekhylki í HP prentara 720C. Ég fór að grennslast fyrir um verð á hylkinu og komst að eftirfarandi:

computer.is       3.705 kr.
Tölvulistinn       5.490 kr.
OK beint             5.666 kr.
Penninn              7.750 kr.
A4                          8.490 kr.
Hins vegar verð ég að geta þess að þegar til kom, var þetta tiltekna blekhylki uppselt í bili á computer.is en fékkst í Tölvulistanum. En verðmunurinn er ógurlegur og þetta hylki er allavega ekki ódýrast á OK beint. 
Sigurður Einarsson)

(06.12.08):

#1688    Ég get ekki orðaa bundist. Var að koma úr vikulegri Bónusferð og eins og undanfarið þá var verð
matarkörfu vikunnar hærra heldur en vikunnar á undan. Ég lagðist yfir
strimilinn og fékk nett sjokk þar sem ég sá að Heimilisbrauð frá Myllunni er
verðlagt á 224 kr. stk. Þar sem ég er farin að safna strimlum þá kíkti ég á
strimil dagsettan 21. Nóvember og þá hafði ég verið að borga fyrir brauðið
137 kr. Hvað er í gangi hér? Ég veit að hveiti hefur hækkað en að brauð hafi
hækkað um 87 kr og það á tveimur vikum er út í hött. Brauðið var komið í
jólaumbúðirnar og mér er spurn getur verið að það hækki verðið svona mikið?
Ég trúi því ekki að það sé hægt að kenna hveiti eingöngu um.
Mín niðurstaða. Tékka á brauðvél.
Íris
(Nb. Nú þegar krónan "er að styrkjast" hlýtur allt að lækka með ógnarhraða. Er það ekki annars?!) 

#1687    Það fer ekki fram hjá neinum að verð á vörum hefur hækkað verulega undanfarið ár. Nýjasta tíska starfsmanna í verslunum er að nota afsökunina "gengið er svo óhagstætt". Það má vera að það hækki vöruverð að einhverju leiti en sú afsökun afsakar ekki okur. Í dag fór ég og ætlaði að kaupa gult blek (CLI-8Y) í Canon IP4300 prentara, en það eitt sex hylkja í prentaranum. Ég fór í Office1 í Kringlunni og þar bauð starfsmaður mér þetta hylki á 3290. Mér féllust hendur, og skammaði starfsmanninn fyrir að nota „gengis“ afsökunina. Klukkustund síðar fór ég í ELKO í skeifunni og keypti sama hylki á 1999.
Þess má geta að samskonar hylki kostuðu hafa hækkað undanfarið eitt og hálft ár úr 1190 í 1590, síða 1790 og nú loks 1990, en það má kannski skrifa á raunverulega hækkun innkaupsverð.
Óskar Þór

#1686    Ég var að koma úr Apótekinu, nánar tiltekið, Lyf og heilsu. Ég þurfti að að kaupa astmalyf sem heitir Symbicort .Það kostaði 3400.Ég keypti líka pakka af Strepsil, sem kostaði tæpar 900 krónur. Þar sem mér fannst brjótsykurspakkinn dýr ákvað ég að forvitnast og hringdi í Lyfjaver, sem ég hafði heyrt að væri afar sanngjarnt fyritæki .Þar kostaði astmalyfið 1600 kr og strepsilið 690.Í Lyf og Heilsu rak ég líka augun í Jhonsson barnaolíu sem ég keypti nýlega í Bónus á 490 en sama olía kostaði 899 í Lyf og Heilsu. Sem sagt hér eftir versla ég ALDREI oftar í Lyf og Heilsu heldur fer  í Lyfjaver! 
Vala

#1685    Mig langar bara til að láta vita af verði á osti sem ég rak augun í í Hagkaupum í gær. Mig vantaði ost, sem ég kaupi yfirleitt bara í lágvöruverslunum en þar sem ég var þarna kíkti ég á verðið. Ég sá þá danskan ost sem ég keypti yfirleitt þegar ég bjó í Danmörku. Þessi ostur heitir Havarti og er yfirleitt ódýrasti osturinn í búðunum í Danmörku. Mig minnir þó að hann hafi verið kominn upp í 18 - 20 Dkr í vor þegar ég keypti hann síðast. Í Hagkaupum kostaði hann um 1200 kr.?! Séu þessar 20 dönsku krónur umreiknaðar í íslenskar, samkvæmt genginu í dag, gerir það um 500 íslenskar krónur?! Hér erum við að tala um ákaflega óeðlilegt verð! Ég verð að játa að ég fór nú bara að hlæja og velti því fyrir mér hvort Hagkaup væru farin að flytja ostana frá Danmörku inn á Saga Class?
Erla Karlsdóttir
(Nb. Er ekki einhver geðveikur tollur á þessu til að passa að íslenskir ostaframleiðendur fari ekki í hausinn?)

#1684    Í dag barst inn um lúguna hjá mér greiðsluseðill vegna bíls sem við hjónin ökum á og höfum fengið afnot af í gegnum Glitni. Við höfum borgað af þessum bíl reglulega og ekki komið til vanskila. En svo gerist það að greiðsluseðillinn dettur inn um lúguna 2 DÖGUM EFTIR GJALDDAGA!!!!
ÉG ER BRJÁLUÐ! Er þetta ný leið til að auka tekjur bankanna – Þetta get ég ekki sætt mig við. Á engan hátt. 
Nú bið ég Nýja Glitni að útskýra hvernig málum er háttað við útsendingu greiðsluseðla – af hverju er þessi seinagangur og eiga viðskipta“vinir“ þetta á hættu: Að hafi þeir einhverra hluta vegna ekki aðgang að þeim heimabanka þar sem greiðsluseðillinn kemur fram (mér dettur í hug að tölvur á heimilum geta bilað eða það að fólk notar kannski greiðsluseðlana af því að það styrkir bankana um 275 kr greiðslugjald og vill fá eitthvað á móti í pósti) að þá sjái bankinn sér leik á borði og sendi „bara örlítið of seint – fólk er hvort sem er öllu vant í dag“. Ég kalla þetta hins vegar að æra óstöðugan á föstudegi í lok vinnuvikunnar.
Seðillinn barst ekki í tíma, það er hinn eiginlegi greiðsluseðill. Póststimpillinn á bréfinu er 3.12. – það var í fyrradag, vinnubrögðin eru ólíðandi! Pósturinn hefur tekið 2 daga í að koma bréfinu í hús og væntanlega telst það eðlilegt í desember hjá póstþjónustunni!
Auður

#1683    Nú þegar flestar húsmæður þessa lands eru á kafi í jólabakstri langar mig að benda á það sem ég kalla LAUMUOKUR. Þannig er að ég vikta allt í bakstur og er búin að reka mig illa á að ekki þýðir að nota mælistikuna á smjörlíkisstykkjunum því öll smjörlíkisstykki vega um 450 gr en eru seld sem 500gr. Vildi bara benda á þetta þar sem stykkið af Ljóma smjörlíki kostar frá 140 til 160 kr (ódýrast í Bónus á 141kr) Auglýsi hér með eftir öllum grömmunum sem er búið að snuða mig um. 
Hildur Kolbeins.

(05.12.08):

#1682    Langar að benda á verslun sem er ekki með okur... Fann bara engan hentugan stað til að koma því á framfæri annan en hér.
En þannig er að ég fór í Snyrtivöruverslunina HYGEA í Smáralind, vantaði góða gjöf sem kostaði ekki mikið.
Ég sá þá þessa frábæru trefla sem eru við innganginn á búðinni.  Starfsmaður búðarinnar bauð góðan daginn og 
tilkynnti mér að tréflarnir kostuðu 1500 krónur.... sama verð í áraraðir. 
Að auki tilkynnti hún mér að það væru væntanlegir nýjar útgáfur af treflunum og að þeir myndu líka kosta það sama.
Þetta þykir mér góð kjarabót í öllu okrinu og verðhækkunum í dag. Mæli því með þessarri verslun.
Hildur Ingadóttir

#1681    Í dag 4.12 er heilsíðuauglýsing í Morgunblaðinu frá Hagkaupum þar sem þau
auglýsa jólin á láni. Það eru gefin  upp  þrjú dæmi og hvað muni kosta að borga
af þeim. Þetta er eflaust góður kostur fyrir einhverja, en ég er ekki þar með
talin. Að gamni prófaði ég að reikna fyrsta dæmið til að athuga hvort þetta
væri rétt. Maður er jú alltaf að spá í krónurnar þessa dagana. Dæmið hljómar
svona 40.000 / 6 = 6.870. Þegar ég slæ þessu inn á reiknivélina fæ ég út að
afborgunin eigi að vera 6.667 kr. En svo er þarna 3% lántökugjald sem bætist á
þessi 40.000 og er það þá 1.200 kr. sem bætist þarna ofan á. Dæmið ætti þá í
rauninni að vera 41.200 / 6 = 6.867. Afborgunin ætti semsagt að vera af  þessu
6.867 kr. en í staðinn segja þau að það eigi að vera 6.870. Það er ALLTAF verið
að kroppa krónurnar af fólki!!! 
Dæmi tvö er svo rétt reiknað hjá þeim.
60.000 + 1.800 / 6 = 10.300 kr.
En ekki þriðja dæmið.
100.000 + 3000 / 6 = 17.167 kr. ætti það að vera,
en í staðinn er líka búið að færa þetta upp í næsta tug, 17.170 kr.
Helga
(Nb. 18 kall extra á kúnna. Safnast þegar saman kemur, 72000 ef 4000 manns láta Hagkaup lána sér jólin.)

#1680    Var í 10-11 í Hömrunum í Grafarvogi í gærkvöldi og ætlaði að kaupa mér ítalska grýtu í pakka sem kostar venjulega um 300kr 
Þá var búið að hækka þetta upp í 680 kr……………Þetta er algjört okur, trúi ekki að þetta sé leyfilegt. Mátti til að láta vita af þessu
Málfríður Gestsdóttir

#1679    Keypti tvo yddara í Mál og menningu á Laugavegi. Einn svona venjulegan, sem mörg grunnskólabörn nota, með harmónikkubelg (reyndar hægt að ydda bæði stóra og litla blýanta/liti), hann kostaði 860. Keypti svo annan sem ekki var með ruslabelg en hann er reyndar fyrir örvhenta, sá kostaði 960 kr. Er þetta ekki okur? Þegar ég var að skoða yddarana leitaði ég að verðmerkingu en hún var hvergi, sá reyndar að búið var að klippa af kassanum sem yddararnir voru í, trúlega hefur verðið staðið þar. Hefði aldrei keypt yddarana ef ég hafði vitað hvað þeir ættu að kosta. Þetta hlýtur að vera 300% hækkun frá því í haust. 
Björn

#1678    Ég var í smá jólagjafaleiðangri í dag og langar að koma með smá input í þessa síðu. Ég byrjaði á því að fara í toys r us í smáranum (ég veit, ekki góð byrjun), og skoðaði spilið partý og co, extreme. Þar kostaði spilið tæpan 11þús (e-ð í kringum 10.700), svo voru fleiri spil eins og Scrabble og Labyrinth (völundarhúsaspilið) á 8 þúsund. Svo sagði mamma mér að Bónus væri líka að selja spil, svo ég rölti yfir bílaplanið í smáranum og kíkti í bónus. Þar keypti ég spilið á aðeins 4700kr. Svo ég vil bara kvetja fólk að skoða verðmun, ég sparaði rúmar 5000 krónur á því að labba tæpa 100 metra!
Svo er það annað. Þó ég sé almennt ánægtð með Europris og oft gert ágætiskaup, þá var ég að skoða leikföng þar líka eftir þetta Toys R Us rugl. Þar sá ég að mörg leikföngin voru á tilboði. Þegar ég lyfti upp tilboðsmiðanum sá ég að mörg verðin voru dýrari en áður! Ég var ekkert að skoða alla búðina, en ég lyfti upp nokkrum miðum og ákvað að skella mynd af þeim og sendi hér með.
Þegar ég er að spá í vöru, en alls ekki viss hvort ég ætti að kaupa, og á jafnvel eftir að gera verðsamanburð, en sé að hún sé á tilboði, þá yfirleitt hugsa ég "Ef ég tek hana ekki núna á ég örugglega eftir að sjá eftir því - hún er nú einusinni á tilboði! fæ hana örugglega ekki ódýrari seinna eða annarsstaðar", og ég býst við að margir hugsi það sama, grípi vöruna bara því hún er á tilboði. En það er greinilegt að maður þarf að skoða þetta nánar! Maður á ekki að láta það hafa svona áhrif á sig að það standi "tilboð" fyrir ofan verðið, því það er greinilega ekkert að marka.
Bryndís Björk

#1677    Ég var að skoða jólagjafir um síðustu helgi fór í  Kúnigúnd í kringluni og var að skoða Rosendahl jólaóróa þar kostar hann 4.690 kr fór síðan í Casa þar sem ég fékk hann á 2.950 þetta finst mér mikkil verðmunur á sömu vöruni.
Karl

#1676    Ég fékk í brúðkaupsgjöf gjafa VISA kort frá Kaupþing.
Þannig er nú málið að ég er að fara af landi brott til að vinna og
ætlaði þá bara að fara í Kaupþing, bankann sem gaf út þetta VISA kort,
og fá peninginn.... því þeta er jú VISA kort sem  á að gilda sem
slíkt.
Þegar í bankann var komið var tjáði gjaldkerinn mér að ekki væri hægt
að taka út peninginn af kortinu... þetta væri jú VISA kort. Ég sagði
henni að ég gæti tekið út pening út af VISA kortinu mínu. Hún jánkaði
því og sagði þá að þetta væri eins og debet kort. Ég sagði henni að ég
gæti tekið út pening með debet kortinu mínu. Þá hugsaði hún sig um í
smá stund og sagði svo að þetta væri hugsað eingöngu til vöruskipta.
Ég sagði henni að þetta gjafaVISAkort hefði verið keypt með pening í
Kaupþing með peningum, það væri ígildi peninga, og það alls staðar
NEMA í bankanum sem gaf það út. Hún varð háf vandræðaleg og sagði að
þetta væri bara svona. Ég spurði hvort ég gæti fengið að tala við
einhvern um þetta og svarið var hreint og beint nei.
Ég stórlega efast um að þetta sé löglegt. Ég er með 30.000 krónur sem
ég á að geta notað alls staðar í heiminum nema í bankanum sem gaf það
út. Mig vantar bara peninginn af þessu korti því ég hef engan áhuga á
að framvísa gjafa VISA korti sem er með áprentuðu VISA númeri (ekki
upphleyptu) og Kaupþing logoinu einhversstaðar í útlöndum.
Ég er stórlega hneikslaður og er að spá í að tala við Neytendasamtökin
út af þessu.
Sigurjón

#1675    Þetta flokkast tæknilega ekki sem okur en það er það samt næstum því. Þannig er mál með vexti að ég fór í byrjun sumars með fjölskylduna til Spánar í sumarfrí og eitt af því sem við gerðum var að skella okkur í dýragarðinn Terra Natura við Benidorm, nánar tiltekið 8. júní 2008. Aðgangseyrir fyrir 2 fullorðna og 2 börn var 68 evrur og finnst eflaust flestum nóg um, en gengið þá var í kringum 120 ISK vs. 1 EUR og upphæðin í íslenskum krónum ca. 8.160,-. Nú ber svo við að ég er að fara yfir VISA yfirlitið mitt í nóvember og rekst þá á erlenda færslu frá 5. nóvember 2008 upp á 68 evrur og hún er innheimt á genginu 168,79 eða íslenskar krónur 11.477,-! 
Ég hugsa auðvitað að nú sé verið að svindla á mér og verið að rukka aftur fyrir þessa færslu frá því í júní, skoða yfirlitið frá því þá en finn enga slíka færslu. Sem ábyrgur neytandi hef ég samband við Valitor og mér ráðlagt að senda inn formlega kvörtun, henni verði svo svarað álíka formlega. Nú var svarið að berast frá Valitor og viti menn. Söluaðilar hafa 180 daga til að skila inn færslum og ekkert hægt að gera því miður !! Og ég sit upp með mismuninn krónur 3.317,-....... en get líklega dregið frá vexti af þessum 8160 krónum sem ég lagði aldrei út fyrir á sínum tíma. Það myndi gera miðað við 20% yfirdráttarvexti heilar 136 krónur á mánuði, (vona að ég sé að reikna rétt).  Ég vildi bara vekja athygli á þessu því ég held að fólk geri sér almennt ekki grein fyrir þessu. Þetta mætti kalla gengisáhættu í lagi.
Axel Hrafn
(Nb. Ef maður er Íslendingur er maður þá ekki í stöðugri gengisáhættu? Ég myndi halda það!)

(03.12.08):

#1674    Mig langar að benda lesendum á að fylgjast vel með reikningum frá einu mesta okurfyrirtæki landsins, Símanum. Ég fór fyrir rælni að skoða reikninga frá þeim, þar sem mér þótti ég rukkaður um ansi háa upphæð. Ég er með 4 GB niðurhal í áskrift og halaði niður 1,4 GB í október. Síminn sendir mér reikning og rukkar mig um tæp 1,4 GB í umframmagn, sem kostar hvorki meira né minna en 3.300 krónur. Ég hringdi í þjónustuver og kona þar sagði að ég yrði að borga reikninginn og svo fengi ég kreditreikning frá Símanum, ,,ef” þetta væru mistök. Ég benti á að það væri ekkert ef, á þeirra eigin þjónustuvef væri tekið skýrt fram og sundurliðað að ég halaði aðeins niður broti af samningsmagni, 1,4 GB af 4. Samt sem áður sagði þjónustukona þessi að ekki væri hægt að afskrá reikninginn og búa til nýjan, þar sem einhverjir kauðar þyrftu að kanna málið, eins og það væri eitthvað til að kanna! Nú þarf ég s.s. að borga fjandans reikninginn af því gjalddagi er í dag, og vona að þetta gróðafyrirtæki sendi mér kreditreikning. Ég hvet alla til að fylgjast mjög vel með reikningum frá Símanum, þetta er ekki í fyrsta sinn sem ég lendi í rugli með þjónustu fyrirtækisins. 
Helgi
P.s., hvernig er annars reynsla manna af net- og símasamningum við Tal og Vodafone? Er það rétt sem maður heyrir að hraðinn sé minni á tengingum í þeim áskriftum, alltaf eitthvað vesen? Glaður vildi ég frekar eiga viðskipti við þau fyrirtæki, hef fengið mig fullsaddan af Símanum.
(ATH: Fyrir mörgum árum síðan lenti ég í því sama og sá sem sendi inn okur nr. 1674. Í því tilfelli neitaði ég að borga enda augljóst að um rangan reikning væri að ræða og ég samþykkti ekki að borga rangan reikning. Mér var jú sagt að ekkert væri hægt að gera í þessu en ég þrjóskaðist við og fékk að endingu mínu framgengt, meðal annars eftir umræðu um óeðlilega viðskiptahætti, siðleysu og þar frameftir götunum. Málið er, að fyrirtækjum er ekki stætt á að láta þig borga rangan reikning, og ef þeir eru með hótanir getur þú a) farið framá að fá afrit af samtalinu sem þú átt (mig minnir að öll símtöl séu tekin upp og geymd í þrjá mánuði), b) talað við næsta yfirmann eða c) tilkynnt fyrirtækinu að þú ætlir að senda kvörtun á Neytendastofu. Ef þér finnst þú vera beyttur óréttlæti farðu þá ALLTAF fram á skriflegan rökstuðning frá fyrirtækinu sem þú átt í útistöðum við, og farðu einnig framá að þeir vísi í lagalegan texta. Það auðveldar þér leitina á althingi.is ef þú ert í vafa um eigin rétt ;)
Kv. HA)
(ATH: Í sambandi við færslu númer 1674 vil ég koma smávegis
athugasemd varðandi hið ágæta okurfyrirtæki, Símann.
Ég kaupi mér Sony Ericsson síma á c.a 50 þ í apríl. Ég nota símann, bara
eðlileg notkun í gangi. í júlí bilar helvítis tækið. Þ.e ég get hringt og
aðrir geta hringt í mig en það er bara ekkert samband á milli þ.e
viðmælandi minn heyrir ekki í mér en ég heyri í viðmælanda mínum.
Ég fer í Símann með tækið í viðgerð. Þar tekur á móti mér frekar dónaleg
stúlka. Ég gef upp allar upplýsingar og hún segist ætla að hafa samband
við mig. En bíddu nú við, ég er að koma með bilaðan síma í viðgerð, fæ ég
ekki lánssíma? Nei það er ekki stefna fyrirtækisins að lána síma til
viðskiptavina. Ég gaf mig ekki og það endaði með því að ég fékk eldgamlan
sony ericsson hlunk að láni. Þegar ég hringdi úr honum í fyrsta sinn
drapst helvítis síminn. Ég reyndi að hlaða hann en allt kom fyrir ekki.
Ég fer og segi frá raunum mínum og spyr hvort þeir sjá sér nú ekki fært að
láta mig hafa annan síma. Nei var svarið. Ég fór í farsímalagerinn og
keypti þar ágætan nokia síma fyrir 2.990 krónur.
Svo líður og bíður og það líða 4 vikur og ég heyri ekkert frá Símanum.
Þannig að ég fer á sama staðinn og ég hafði keypt símann. Heyrðu þá höfðu
þeir gleymt að senda símann í viðgerð, stelpan var farin í frí og það
kannaðist enginn við það að hafa tekið á móti símanum. Minn var ekki
sáttur og bað um yfirmann. Yfirmaðurinn hringdi á nokkra staði og loks
fannst síminn. Hann  hafði verið sendur í verslun Símans í Smáralind.
Fyrst fór hann í Tækjavörur og síðan í Smáralindina. Greiningin var ljós,
rakaskemmdir ekki í ábyrgð. Ég spyr hví ég hafði ekki verið látinn vita?
Starfsmaður Símans í Smáralind tjáði verslunarstjóranum/yfirmanninum að
þeir í tækjavörum höfðu reynt að hringja nokkrum sinnum en ég svsraði
aldrei. Í hvaða númer? Nú, í farsímanúmer viðkomandi. Sem stemmdi. En nei
enginn hafði reynt að hringja í það númer.
Þarna var ég orðinn nokkuð pirraður. Og spurði hvað viðkomandi yfirmaður
gæti gert fyrir mig. Fyrst vildi hann ekkert gera. Ég gaf mig ekki og
ítrekaði beiðni mína um að fá nýja vöru. Tja, ég get boðið þér annan síma
á skal ég segja 15% afslætti. Ég átti ekki til orð svo ég labbaði út.
Ég hafði samband við yfirmann viðkomandi verslunarstjóra til að kvarta.
Eftir mikið þref og þras féllst sá maður á að endurgreiða mér helming af
andvirði símans.
Sama dag sagði ég upp öllum mínum viðskiptum við fyrirtækið og fór í
viðskipti hjá Vodafone. Þar er viðskiptavinurinn einhvers virði. Ekki hjá
símanum. Þar þarf maður aldrei að bíða eftir þjónustu. Þar þarftu aldrei
að bíða í 30-40 mín eftir að einhverjir skólakrakkar afgreiði þig. Þar
ertu afgreiddur strax.
Fyrir mér má Síminn fara á hausinn. Það mun enginn koma til með að sakna
þeirra.
Ég ráðlegg viðkomandi að leita réttar síns, farðu í yfirmann
þjónustuversins, sendu póst, vertu ákveðinn en ekki dónalegur. Ekki gefast
upp. Svona þjónusta á ekki að líðast.
Gangi þér vel!
Nafnleynd)

#1673    Lactacyd fljótandi sápa án ilmefna, 250 ml brúsi. Kostaði núna rétt áðan 996 kr. í Lyfjum og heislu í Kringlunni. Nokkra metra frá er Hagkaup (ekki ódýrasta búðin í bænum) með nákvæmlega sama brúsa á 599 kr. Fyrr má nú aldeilis fyrrvera!
Ívar Pétur Guðnason

#1672    Afrit sent Okursíðu: Ágæta Stöð 2
Ég segi hér með upp áskrift minni að rásum ykkar frá og með 4 desember, sem ég hef greitt fyrir. Ekki rukka kortin eftir þetta.
Ástæðan er sú að móttöku skilyrði eru gjörsamlega óásættanleg hér í Grímsnesinu. (Rás U26 í dag)
4 afruglarar,  ótal símtöl til þjónustumiðstöðvar, missti af lokaþætti Dagvaktarinnar að mestu (punkturinn yfir i-ið).
Bréf til ykkar og Sýnar, voru ekki svarað og alltaf þegar hringt er er ég beðinn um að endurræsa og prógrammera að nýju þó að ég geri það ávallt áður en ég hringi og læt vita af því.
Bréf mitt um að ég ætti rétt á endurgreiðslu var ekki svarað en þjónustufulltrúinn sagði mér í símanum að lesa samninginn, að þið bæruð ekki ábyrgð á utanaðkomandi áhrifum.  Annar fulltrúi ykkar tjáði mér daginn áður að vinna væri hafin við sendinn? (Ykkar ábyrgð, greinilega)
Ég hef í hyggju nú eftir áramótin að senda fyrirspurnalista til allra heimila hér í Grímsnesinu og athuga ástandið, í framhaldi afþví munum við skoða okkar réttarstöðu.
Halldór Ísleifsson

#1671    Okur í Eymundsson! Var að skoða spil fyrir dóttur mína í jólagjöf. Fann skemmtilegt íslenskt spil sem að var gefið út fyrir síðustu jól og heitir Myndalottó. Í A4 á Skemmuvegi kostar þetta spil 2495 kr. Nákvæmlega sama spil kostar 4645 kr. í Eymundsson Hallarmúla.  Þetta kalla ég ofur-okur!! Í Eymundsson er einnig verið að selja jóladagatal Sjónvarpsins á 890 kr. en í pósthúsum bæjarins er sama dagatal selt á 650 kr. Legg til að fólk hætti að eiga viðskipti við Eymundsson okurbúllu! 
Einn neytandi í sjokki, Guðrún 

#1670    29.11 2008 kostar coca cola light 2L.  540 kr.og Doritos Nacho Chees 735kr. pokinn í N1 í Vík Mýrdal.
Dóra

#1669    Datt í hug að koma með smá ábendingu um gífurlegan verðmun á vöru sem ég keypti um daginn. Þannig er mál með vexti að ég var að versla í versluninni Þín Verslun á Seljabraut og keypti þar fjári góðan ís, svokallaðan Konfektís. Ísinn kemur í 500ml dollum og hægt er að fá hann með nokkrum bragðtegundum t.d. Pipp bragði, Karmellukonfektbragði og Trompbragði. Allavega fannst mér hann heldur dýr eða 964 krónur dollan, en ákvað að láta það eftir mér í það skiptið. Ísinn bragðaðist býsna vel og ég ákvað að fá mér hann aftur nokkrum dögum seinna en þá var ég staddur í versluninni Bónus í Ögurhvarfi. Þá kíkti ég á verðmiðann og sá að hann kostaði 378 krónur. Þetta fannst mér ansi hreint mikill verðmunur eða um 157%. Ég tékkaði meira að segja aftur á þessu í Þín Verslun til að vera alveg viss og þetta stendur. Þessi verðmunur er algjörlega óútskýranlegur, alveg sama þó opnunartíminn sé heldur lengri í Þín verslun. 
Brjálaður neytandi (sem finnst ís góður) 

#1668    Í dag þ.29.11. átti ég leið í tvö bakarí Fjarðarbakarí við Dalshraun í Hafnarfirði
og Bakarameistarann í Austurveri  við Háaleitisbraut í Rvík.
Ég rak augun í alveg ótrúlegan verðmun á alveg eins vöru.
Hnetuvínarbrauð, þessi sem eru flutt inn til landsins tilbúin og fullbökuð hér
og eru til alveg nákvæmlega eins í öllum bakaríum kostuðu kr. 150,- stykkið í 
Fjarðarbakaríi  en kr. 230,- í Bakarameistaranum.
Það er sem sagt áttatíu krónu verðmunur á einu vínarbrauði á milli þessarra tveggja bakaría !!!    Maður hélt nú að áttatíu krónur væri nóg fyrir einu vínarbrauði.!!!
Hera

#1667    Ég keypti áðan perur í útiseríuna mína. Hún er með 12V perum og aukaperur eru
seldar 3 saman í pakkningu. Fyrst fór ég í Byko í Breidd og keypti tvö pakka á
480 kr. pakkann, en þar sem aðeins voru til 2 pakkar en ég þurfti 3, þá fór ég
í Húsasmiðjuna í Skútuvogi.  Þar keypti ég pakkann sem mig vantaði á 315 kr.
 Það munar sem sé 165 kr. á pakkanum. 
Ráðlegg fólki að athuga verð á svona smávöru þar er virkilega smurt á
álagninguna.
Guðrún Einarsdóttir

#1666    Ég fór í nýju fínu Byko í vesturbænum til að kaupa ljósaperu. Þetta er halogen pera frá Philips 50W. Hún kostar þar 3.528 krónur. Mér var nú frekar misboðið og ákvað að eyða frekar smá bensíni og keyra í Glóey í Ármúla og athuga hvað hún kostar þar. Þar kostaði samskonar pera 1.990 krónur. Þetta er verulega mikill verðmunur. Ég mæli með Glóey.
Margrét Einarsdóttir

#1665    Fyrir nokkrum dögum fór ég með tvær litlar útsaumaðar myndir í Innrömmun E S S (Mosfellsbæ) og spurðist fyrir um hvað það myndi kosta að ramma þær inn. Ég valdi ramma og karton og þau mældu myndirnar út og sögðu mér að þetta myndi kosta um 4000 kr. per mynd. Ég lét því slag standa. Þegar ég svo fór að sækja myndirnar ætluðu þau að rukka mig um rúmar 14.600 kr. Ég gerði athugasemd við þetta verð og sagði að þetta væri ekki í nokkru samræmi við það sem mér hafði verið gefið upp áður. Þá kom í ljós að starfsmaðurinn sem hafði gefið mér upp fyrra verðið hafði gleymt að reikna ákveðinn lið inn í verðið og því gefið upp kolrangt verð. Fyrirtækið viðurkenndi að þarna hefði starfsmanninum orðið á mistök en var ekki reiðubúið að taka ábyrgð á þessum mistökum og stóð fast á því að ég skyldi borga þessar 14.600 kr. Ég neitaði að greiða þá upphæð (enda var hún 183% af verðinu sem mér var gefið upp áður en ég ákvað að kaupa þjónustuna!) og eftir töluverðan ágreining voru myndirnar loks rifnar úr römmunum og skilað til mín.
Eðlilegir viðskiptahættir? Uuuuu... nei!
Berglind

#1664    Ég mátti til með að koma á framfæri að ljósmyndastofan Nýmynd ehf í Keflavík, hefur ekki breytt verðskrá sinni  síðan 1. nóvember 2006.
Þetta hefur eins og gefur að skilja, minkað rekstrarafgang hjá Nýmynd verulega. Má segja að verið sé að gefa með sumum vörum, en svona vill Sólveig hafa það.
Hefur Sólveig rekið Nýmynd í 26 ár, en félagið er stofnað þann  11.11.1982.
Verðskrá hjá Nýmynd er að fynna á heimasíðu okkar; www.nymynd.is
Guðmundur R.J. Guðmundsson

#1663    Nýlega mátti lesa frétt  í  dagblöðum um að frá næstu áramótum yrði dýrt fyrir bifreiðaeigendur að láta hjá líða að færa bíla sína til skoðunar á réttum tíma eða sekt allt að kr. 15.000.-  Vitnað er í greinargerð þar sem fram kemur að ríflega 25 þús. óskoðuð  ökutæki séu í umferð eða ca. 10% af ökutækjum landsmanna. Það er órökstudd fullyrðing að 25 þús. ökutæki séu óskoðuð í umferð en trassar og lögbrjótar sem eru á slíkum bílum í umferðinni í allavega ástandi hljóta að vera viðfangsefni lögreglu.  Eg skora á bifreiðaeigendur sem ekki eru með bíla sína í umferð en hafa af ýmsun gildum ástæðum ekki séð sér fært að færa þá til skoðunar að láta heyra í sér og mótmæla slíkum fésektum Samgönguráðherra. Megum við þá ekki búast við því að þurfa að druslast með hjólhýsin okkar í skoðun allan veturinn með með tilheyrandi fyrirhöfn og veseni.
Lárus Sigurdsson

#1662    Ég lenti í þeirri misskemmtilegu lífsreynslu um daginn að hella hálfu glasi af mjólk yfir tölvuna mína. Sem nemandi í HÍ í miðjum prófalestri sárvantaði mig gögnin mín og tölvu sem virkaði. Ég hringdi í tryggingafélagið mitt og þeir benda mér á að Digital Task á Grensássvegi sé umboðsaðili fyrir mína gerð af tölvum, þó eftir að hafa gúglað sá ég að fleiri fyrirtæki önnuðust mína tegund af tölvu.
Ég heimsæki Digital Task og segi þeim hvað gerðist og spyr hvort það sé nokkuð hægt að laga hana. „Nei, hún er pottþétt ónýt“ segir starfsmaður Digital Task. „Jæja“ hugsaði ég, „það er þá komin niðurstaða í málið“. En það var ekki svo einfalt; Tölvan mín þurfti að fara í skoðun hjá þeim í Digital Task til að þeir geti skrifað upp á að tölvan sé virkilega ónýt og það kostar 9.900 kr. Sem stressaður nemi ítrekaði ég við starfsmanninn að ég þyrfti tjónaskýrsluna  sem fyrst svo ég ætti nú pening til að kaupa mér nýja tölvu fyrir þessa, en hann sagði mér að koma aftur eftir viku og gæti ég fengið tölvuna þá. Taktu nú eftir, starfsmaðurinn var búinn að staðfesta við mig að tölvan væri ónýt og ætlaði að láta mig bíða í viku eftir að fá það á blaði.. fyrir 9.900 kr.
Vikubiðtími var eitthvað sem ég gat ekki sætt mig við og hélt áfram að ítreka hversu fljótt ég þyrfti skýrsluna, helst þann sama dag. Jújú það var ekkert mál fyrir mig að fá flýtimeðferð og fá tölvuna þá daginn eftir, en það var bara prís á því: 9.900 kr. Þannig að það sem Digital Task bauð mér upp á var að borga 20.000 kr fyrir tjónaskýrslu af tölvu sem starfsmaðurinn sagði mér að væri pottþétt ónýt og flýtimeðferðin tæki sólarhring.
Á þessum tímapunkt var ég byrjaður að leita mér flóttaleiða og mundi eftir gúglferðinni minni. Tölvuverslunin Omnis á Akranesi sá einnig um sömu tegund af tölvum og hneykslaður á veruleikafirru starfsmanns Digital Task spurði ég þá ekki um verð þegar ég hringdi í þá fyrir framan hann heldur einungis hvort þeir gætu tekið á móti tölvunni minni og afgreitt í dag. Það var minnsta málið og brunaði ég upp Skaga. Þrem korterum seinna stend ég fyrir framan starfsmann Omnis og eftir að hafa útskýrt klaufaskap minn með tölvuna spyr ég hann hvað þessi þjónusta kosti. Starfsmaður Omnis svarar mér skömmustulegur „við erum reyndar nýbúnir að hækka verðið“. „Æðislegt“ hugsa ég og rifja upp svaðilfarir mínar þennan daginn. „...3200 krónur“ klárar starfsmaðurinn setninguna sína á. Ég reiknaði mér til að það væri 625% hækkun
Klukkutíma eftir að ég hafði sagt við umræddan starfsmann að kýla á þetta hringir hann í mig og segir mér að skýrslan sé tilbúin. Tölvan var jú ónýt rétt eins og starfsmaður Digital Task sagði við mig. Þegar ég spyr hvar ég eigi að borga segir starsfsmaður Omnis mér að gleyma því, þetta hafi verið greinilegt frá byrjun og hafi ekki þurft mikla skoðun. Honum fannst ekki sanngjarnt að rukka mig fyrir þetta.
Ég veit allavegana hvar ég versla ekki í framtíðinni....
ÞR
(ATH: Fínt að benda fólki á að það er líka Omnis í Keflavík, sama frábæra þjónusta :))

#1661    Ég varð fyrir óvæntri og óskemmtilegri reynslu í verslun sem nefnist Bison og staðsett er í Kringlunni. Ég hafði fengið fallega rauða peysu í afmælisgjöf. Vandinn var að hún var of stór. Ég fór því búðina og bað um að fá að skipta í minni peysu sem passaði á mig. Starfsmaðurinn þvertók fyrir slíkt. Þessi tegund af peysu væri ekki lengur til sölu í búðinni og því væri ekki hægt að taka við henni. Það skal tekið fram að ég hafði aðeins einu sinni smeygt mér í peysuna, hún var ónotuð og eins ný og þegar hún var keypt. Ég sagði við starfsmanninn að peysan þyrfti ekki að vera sömu tegundar og sú sem keypt hefði verið, aðalatriðið væri að hún passaði á mig. Mér var þá svarað með þjósti að það kæmi ekki til mála að skipta. Aðspurð hvað hún verslunina enga ábyrgð bera í svona tilvikum. Sem sagt, hagsmunir verslunarinnar teknir fram yfir hagsmuni viðskiptavinarins.
Björn Sigurbjörnsson

(02.12.08):

#1660   Ég hef oft furðað mig á því að ekki er hægt að kaupa nýju íslensku “jólabækurnar” í kiljum um jólin. Það er ekki fyrr en nokkrum mánuðum síðar sem þær eru gefnar út í kiljum. Ég skil ekkert í því af hverju ég fæ ekki að velja hvort ég kaupi kilju eða harðspjalda bók í desember. Persónulega finnst mér kiljur handhægari og ég er ekki ein af þeim sem safna bókum í bókahillur, vil frekar láta þær ganga til annarra þegar ég hef lesið þær.
Ég var því glöð þegar ég sá Myrká eftir Arnald Indriðason í kilju í verslun Eymundssonar í Flugstöðinni nú á dögunum og var ekki sein á mér að kaupa bókina. Hún kostaði 2.690. Afgreiðslustúlkan sagði mér að kiljan fengist bara í Flugstöðinni, ekki í verslunum Eymundssonar í Reykjavík.  Nú langar mig til að fá skýringar á þessu. Ég sé að bókin (harðspjalda) er auglýst á tilboði hjá Eymundsson á 3.790 og í Bónus á 3.390. Það eru því greinilega hagsmunir neytenda að fá að kaupa kiljurnar.
Annað mál sem varðar Eymundsson í flugstöðinni. Þær bækur sem ég hef keypt þar (fyrir utan Myrká) eru á nákvæmlega sama verði og þær eru seldar á í öðrum verslunum þeirra. Það munar ekki einu sinni virðisaukaskattinum. Ég spurðist fyrir um þetta í flugstöðinni og svarið var að sölukerfið byði ekki uppá mismunandi verð í verslunum þeirra.
Jóhanna 

#1659    Vildi bara láta vita um að Tal er í rauninni að blekkja fólk með röngu verði á heimasímanum hjá sér.
 Það stendur að heimilissíminn kostar 1309 Kr. á mánuði. En ef þú vilt hafa greiðsluseðil í heimabanka (vil ekki láta taka af kreditkorti) þá kostar það 280 kr. "seðilgjald". Þannig að maður sleppir aldrei undir 1589 kr í heimasímakostnaði. Og það er nú víst ekki birt á heimasíðu hjá þeim (http://www2.tal.is/index.aspx?groupid=643). 
Aftur á móti hjá vodafone stendur á sama síðu (verð) að seðilgjaldið í heimabanka eru 50 kr (http://www.vodafone.is/simi/heimasimi/leidir).
Tal hringdi í mig um daginn til að fá mig yfir frá vodafone til þeirra og ég bað sérstaklega um að hafa seðil í heimabanka og spurði um hvort verðið er þá það sama. "Já" sagði kallinn. Svo var ég nú voða hissa að ég borgaði í endanum meira hjá þeim en hjá vodafone þegar ég kíkti í heimabanka seinna.
Ég for aftur yfir til vodafone, ekki út af þessum 30 kr sem ég spara þarna heldur út af þrjóska! Þetta er auðvitað ömurlegt að blekkja fólk með svona tilboðum sem standa svo engann veginn.
Steffi

#1658    Mjög magnað að sjá opinbera ósk um glæpsamlega hegðun og það þegar menn eru
að græða blússandi.
Sjá fréttina á vísi.is  Ferðamenn hafa neitað að borga
„Við breyttum okkar verðlagningu í evrur fyrir hálfu ári," segir Kristján.
Þeir hafi hins vegar ekki lækkað verðið þegar krónan féll. Hann kallar eftir
samráði um verðlagningu meðal fyrirtækja í ferðaþjónustu. Ekki verði undan
því vikist fyrir flest fyrirtæki að hækka sitt verð og best sé að gera það
sem fyrst.
Hérna er fyrirtæki með verðlagningu í evrum og gríðarlega mikla
tekjuaukningu í kjölfar fallst krónunnar. En nei ekki nóg. Nú þarf að ná upp
verðsamráði til að okra meira. Ógeð..
Guðbrandur 

#1657    Mig vantar nýja 20 ljósa útiseríu svo ég skrapp í Garðheima í gær til að athuga með verð og þar kosta þær 3.580 svo ég kíkti nýjasta bæklinginn inná byko.is og þar stendur að þær kosti 3.690 síðan ákvað ég að kíkja á husasmidjan.is þar sem þeir auglýsa þessa dagana að þeir séu með seríur á gamla verðinu og þar fann ég alveg eins seríu á 4.999kr. Finnst það pínu skrýtið gamalt verð... 
Elsa Rut

(01.12.08):

#1656    Nú þegar vetur leggst yfir og kuldi, streita, spenna, blankheit og almennt kreppuástand nístir líkama og huga landans, langar mig að benda á nokkuð sem er EKKI-OKUR. Nudd er hægt að fá á mörgum stöðum, með mismunandi gæðum, vegna t.d. menntunar/menntunarleysis nuddara – og nudd er á afskaplega mismunandi verði. Flestar  nuddstofur hafa nokkra bekki – stundum bara með tjaldi á milli – og tíminn er nákvæmlega tekinn, t.d. 50 mín. og þá er nuddþeganum hent af bekknum og næsti settur á. Ekki þægilegt né faglegt – að mínu mati. Og oftast kostar slíkur tími hátt í tugþúsund.
Á ýmsum stöðum kostar 50-60 mín. nudd hátt í 10 þúsund kr. – og stundum meira. 
Þess vegna langar mig að benda á faglegt og gott nudd á góðu verði (er vitanlega að auglýsa sjálfa mig!). Ég er menntaður heilsunuddari og er með nuddstofu í Laugardalnum þar sem klukkan er ekki ráðandi. Hver nuddtími er lágmark 60 mín. og yfirleitt lengur, því ástand fólks er misgott þegar á bekkinn er komið og sumir þurfa aðeins lengri tíma. Nuddtíminn kostar aðeins 5.000 kr. og ég held að ég geti með góðri samvisku sagt að hvergi (altént ekki á mörgum stöðum) sé hægt að fá gott og faglegt nudd á góðri nuddstofu á þessu verði. Það er ákveðin pólitík hjá mér að hafa verðið ekki hærra – þótt ég gæti vissulega hækkað miðað við aðrar stofur) – því ég vil frekar hafa verðið lágt til að fólk geti komið oftar. Ef nuddtíminn kostar 10 þús. eða meira leyfa fæstir sér að fara í nudd þótt líkaminn öskri á það, en ef verðið er lægra getur fólk komið í nudd – án tiltakanlegs samviskubits – því svo sannarlega þurfa langflestir nudd. Góður nuddtími er svo náttúrlega afskaplega falleg gjöf til ástvina sem eru orðnir hoknir af vöðvabólgu, streitu, kvíða... og alls þess sem þessi kreppa orsakar!!!
Nanna Sigurdórsdóttir, heilsunuddari
S. 868-1167

#1655    Ég er búin að vera að fylgjast með verðinu á stýrissleðum í ca. 2 mánuði þar sem að mig langar svo að gefa strákunum mínum svoleiðis í jólagjöf.
Ég var búin að finna sleða á 6.990 kr. í Byko en vildi skoða annarsstaðar fyrst því mér fannst þessir ekki jafn massífir og Stiga sleðarnir. Ég fór í nokkrar búðir í bænum og var búin að sjá sleða frá 8.990 kr. og uppúr þannig að ég ákvað einum og hálfum mánuði seinna að fara þá bara í byko og kaupa hann næst þegar ég átti leið hjá og viti menn sleðarnir komnir á tilboð í Byko nú á aðeins 9.990 kr. stk. sleðinn búinn að hækka um 3000 kr. við það að fara á tilboð!!!
Hefur orðið tilboð fengið nýja merkingu hjá verslunarmönnum í kreppunni eða halda þeir virkilega að við neytendur séum svona nautheimskir?!
+
Keypti smá tutl í poka í Samkaup-strax um daginn. Þetta var ekki hálfur poki einusinni en innkaupin innihéldu kaup á einum snakkpoka ásamt öðru ég rétti kortið og fór svo heim. Börnin mín opnuðu snakkpokann og fóru að narta. Ég ákvað að kíkja á strimilinn áður en ég henti honum tutlið í pokanum kostaði tæpar 4000 kr.!!! þar af stakkpokinn af maarud svona hringir og skrúfur með papriku 677 kr.!!! Ég gat auðvitað ekki skilað honum þar sem að það var búið að opna hann þannig að ég fékk mér bara bita með þeim af Gull-snakkinu sem var svo útrunnið daginn eftir, sem sagt mjööög gamalt.
Ég fór svo í sömubúð í dag og keypti rjóma sem var notabene útrunninn (sá það þegar ég kom heim) á 20% afslætti ég var nú glöð að þeir höfðu nú afslátt af eitthverju en ekki jafn glöð að fá útrunna vöru!!!
Ein nafnlaus

#1654    A B Bremsur og viðgerðir, Akralind 1. Fór með bílinn minn í bremsuviðgerð, til að láta skipta um tvenn bremsurör. Ég sýndi “virkjanum” hvaða rör voru biluð enda fór það ekki á milli mála, (þau láku). Þegar ég sótti bílinn var hann enn bremsulaus og búið að skipta út tvennum heilum rörum við afturdekkin. Sem sagt, það sem beðið var um var ekki gert. Svo var rukkað um 35.000 kr fyrir vitleysuna. Einnig var óskað eftir því að þetta yrðu nótulaus viðskipti.
Það sem er svo grábölvað er að fyrirtækið neitaði að leiðrétta mistökin. Mér líður eins og ég hafi farið í létta aðgerð á ökla en vaknað handalaus.
Þorgeir Jónsson

(Sett inn 29.11.08):

#1653    Sonur minn var að fara á kaffihúsadag í skólanum sínum.  Hann bað mig að kaupa muffins með kókos svo ég kom við í Nóatúni í Hafnarfirði á leið heim úr vinnu.  Muffins með kókos var ekki til í versluninni og reyndar engar muffins, svo ég greip bakka með litlum kleinuhringjum (ca 10 pínulitlir kleinuhringifr á bakka frá Ömmubakstri – sjá viðhengi ) 
Ég fór á kassa og rétti afgreiðsludömunni kortið, án þess að heyra upphæðina.  Þegar hún rétti mér seðilinn til undirskriftar fékk ég nánast hjartastopp.  738 kr.  kostaði þessi litli bakki af kleinuhringjum!  Það þýðir tæpar 74 kr. fyrir stykkið.  Ég bað stúlkuna vinsamlega að bakfæra viðskiptin sem hún og gerði.
Hrefna K. Gunnardóttir

#1652    Alveg HELLAÐ ekki-okur hjá Bónus um helgina:
Kjúklingabringur: 1.554 kr/kg
Hamborgarhryggur (eða "kreppusvín"): 899 kr/kg
Lengi lifi Bónus!
Óskar Pétur Einarsson 

#1651    Hagkaup er að bjóða öllum Íslendingum "Vaxtalaust Jólalán" þessa 
dagana sem á að létta fólki róðurinn með greiðsludreifingu í allt að 6 
mánuði. Svo dirfast þeir að setja klausu með minnsta mögulega letri 
neðst í auglýsinguna þar sem stendur "tökum 3% lántökugjald!" ... Takk 
fyrir að létta okkur róðurinn Hagkaup!!
Jonathan

#1650    Útsölumarkaður 66°norður ??!!!!
Ég skoðaði flíspeysur á „útsölu“markaði 66° norður í dag. Þetta virtust vera sömu peysur og ég sá þegar ég var þar á ferð í ágúst sl.  Verðið var þá rúmlega 5000 kr. 
Í dag kosta þær rúmar 8000 kr. Á hverri  flík var hægt að sjá að eldri verðmiðar höfðu verið kroppaðir í burtu og nýir settir í staðinn. 
Er þetta bjóðandi? Er þetta löglegt?
Dóra

#1649    Ég fór í Hagkaup um daginn og sonur minn var fljótlega kominn í Lego-deildina. Þar sá ég að Star Wars Lego pakki sem ég hafði keypt í Toys 'r us um miðjan september á 13.999 kostaði um miðjan nóvember í Hagkaup 19.999 kr. Hvað ætli hann kosti í Toys 'r us í dag? Svo var þarna líka Legokastali sem kostaði 7000 kr síðustu jól sem sonurinn fékk í jólagjöf kominn á 12.690 kr. Svakalegar hækkanir, ekkert Lego í jólagjöf þetta árið.
Eva Hrönn 

#1648    Var í Bónus með betri helmingnum og rak þá augun í að SEX STYKKI íslenskir
tómatar kosta 459 kr. Ég lagði þá frá mér og keypti í staðinn 2 250 gramma
kassa af kirsuberjatómötum á 156 kr pakkann... og þeir voru líka
íslenskir...
Ég man svo sem ekki hvað tómatarnir kostuðu fyrir, en finnst þetta óeðlilegt verð, rúmar 75 kr per tómat.
Hildur Ýr

#1647    Krónan vs. Hagkaup. Krónan er auglýst sem lágvöruverslun og Hagkaup þykir dýr búð.
Ég verslaði í Krónunni 26. nóvember sl. Þurfti svo að hlaupa inn í Hagkaup eftir nokkrum hlutum sem ég fékk ekki í Krónunni. Ákvað því mér til gamans að kanna verðmuninn á nokkrum hlutum (sjá hvað ég spara mikið á að versla ekki allt mitt í Hagkaup). 
 Sykurbaunir (snjóbaunir) kostuðu mig 595kr í Krónunni, nákvæmlega sama magn og sama tegund kostar í Hagkaup 399kr. Sveppir í pakka (Flúða sveppir) kostuðu mig 234kr í Krónunni en í Hagkaup kostar pakkaðinn af Flúða sveppum 229kr. Smá mál (súkkulaðifrauð) frá MS kostar í Krónunni 107kr  en í Hagkaup kostar Smá málið 77kr.
Síðast en ekki síst var það Egils malt & appelsín í dós, keypti kassa af því á 1249kr í Krónunni en í Hagkaup kostar kassinn af þessu 1199kr. Til "gamans" vil ég benda á að það var þann 26. nóvember sem ég borgaði þessar 1249kr fyrir malt & appelsínkassann EN daginn eftir er heilsíðuauglýsing í Fréttablaðinu frá Krónunni, tilboðsvörur helgarinnar............ þar er þessi sami kassi auglýstur á TILBOÐI á 1299kr. Sem sagt varan fer á tilboð og hækkar þá um 50 kr?!!!!!!!!!! 
Hagkaup var oftar en ekki ódýrari en Krónan og það kom mér mjög á óvart!!!!
Sigrún Kvaran

(Sett inn 28.11.08):

#1646    Verð á dekkjum er okur almennt.
En hér má sjá samanburð sem ég gerði í morgun af því að mig vantar dekk.
Dekk eru vissulega mis dýr eftir því hvaða stærð og breidd þau eiga að vera í en ég er með mjög algenga fólksbílastærð.
205/55 16R.
Sömu dekkin (Sunny) ...sem eru ódýr negld dekk kosta td:
15000(Borgardekk), 16600(Gúmmívinnustofan Skipholti), 16999 (Hagkaup)

Þarna er 8.000 króna munur á umganginum á bílinn á milli Borgardekkja
og Hagkaupa með nákvæmnlega sömu dekkin frá sama framleiðanda í sömu stærð.

Smá sem ég setti saman til að hafa yfirsýn... 
Ég tek það fram að ég Komið undir útreikningarnir eru gisk þar sem að ég veit ekki hvað ásetningin kostar allstaðar.

Guðjón Jónsson

#1645    Hér er hressandi dæmi um þær verðhækkanir sem eru búnar að vera í gangi.
Fyrir ári síðan keypti ég Nintendo Wii leikjatölvu á rúmar 24þúsund krónur. Þetta er tölvan með einum leik (wii sports) og stýripinnum fyrir einn.
Fyrir viku síðan sá ég sama pakka á rúmar 49þúsund krónur.
Nú í kvöld sé ég að pakkinn kostar 56.900 krónur....
Sjá nánar hér.
Björn Ingimundarson

#1644    Ég var að lesa yfir jólatilboðabækling Húsgagnahallarinnar.
Þar er verið að auglýsa mikinn afslátt á húsgögnum.
Gefið er tilboðsverð og verð áður.
Við margar vörur má sjá í smærra letri útreikning á raðgreiðslum en einnig aftur tekið fram tilboðsverð og verð áður.
Í öllum tilfellum er tilboðsverð mun lægra og verð áður mun lægra. Virðist vera sem verðin hafi verið endurskoðuð í flýti fyrir prentun.
Er Húsgagnahöllin vísvitandi að falsa það verð sem varan var á áður?

Hvort kostaði IMOLA 3 sæta sófi, sem er auglýstur á 25% afslætti, 179.980 áður eða 199.980?
Miðað við lægra verðið á 25% afsláttarverð að vera 134.980 en ekki 149.980.
Guðlaugur Kr. Jörundsson

#1643    Ég fór í Bíó fyrir viku síðan á Body of lies í Álfabakka.  Miðinn kostaði 1050 og ég spurði af hverju hann væri svona dýr.  Þá sagði stelpan í miðasölunni að hann væri svona dýr vegna þess að hún væri sýnd í digital stereo eða digital einhverju, man ekki alveg hvað hún sagði.  En það var út af því að hún var sýnd í digital eitthvað. Mér finnst menn vera farnir að seilast heldur langt og ódrengilega eftir peningum þessa dagana.
Frónverji Frónverjason
(Nb. Já, en hei: Þetta er digital!)

(Sett inn 27.11.08):

#1642    Við erum með myntkörfulán hjá Frjálsa fjárfestingabankanum. Þeir bjóða nú uppá fólki uppá fastar greiðslur í 10 mánuði (sirka 5,500 kr á milljónina). Bankinn hinsvegar krefst þess í staðinn að við leyfum þeim að reikna mánaðargreiðslur á hvaða gengi sem þeir vilja, í staðinn fyrir gengi Seðlabanka Íslands eins og er í dag. Þeir kalla þetta "sölugengi kröfuhafa" og það er hvergi skilgreint (ég spurði sérstaklega). Ef þeir vildu vera heiðarlegir hefði verið auðvelt að segja t.d. "hagstæðasta gengi sem kröfuhafi fær á markaði" eða álíka. Vil benda fólki á að undirskrift er nákvæmlega eins og að skrifa undir óútfylltan tékka!
Ónefndur skuldari

#1641    Eftir ferð mína í tvær lágvöruverslanir í dag skil ég loksins þetta orð 'lágvörur'. Það eru vörur sem eru seldar með því að leggjast lágt. Sjáum hér tvö dæmi, hvort úr sinni búðinni:

Krónan: Verðmerkingin höfð á hvolfi svo varan virðist ódýrari.

Bónus: Torkennileg vatnsblanda seld á 2.200 kr. kílóið. Lystugur kjúklingur? Nei.
Örn Úlfar

#1640    Það er ekki á allra færi að fá sér pizzu á Pizza Hut í dag. Pizza Hut eru búnir að hækka verðið hjá sér, og nú er hægt að fá þar pizzu á hvorki meira né minna en 6.120 krónur. Þetta er dýrasta pizzan, stór Super Supreme með ostafylltum kanti. Til samanburðar má nefna að sama stærð af Margaritu kostar ekki nema 3.710 krónur. Gefins!!!
Védís

#1639    Kannski er það að bera í bakkafullan lækinn að nefna okur í 10-11 en mér fannst þetta samt svo svívirðileg tilraun til þess að hafa mig að fífli að ég gekk beina leið út aftur og keyrði ca.2  kílómetra í næstu búð sem þó er ekki þekkt fyrir að vera neitt sérstaklega ódýr og sparaði mér heilar 200 krónur á einum 250 gramma kaffipakka. Lavazza espresso kaffi (í svörtum pakka) 10-11 = 899 krónur.  Sami pakki í Hagkaup Garðabæ = 699 krónur ! sem einhverjum finnst nú víst andskoti nógu dýrt. Það má svo skemmta sér við að reikna út hvað grammið kostar... 
Axel Hrafn Helgason 

(Sett inn 26.11.08):

#1638    Þar sem við á Santa María höfum ekki efni á að auglýsa okkur langaði mig bara að láta ykkur vita að við höfum tekið þann pólinn í hæðina að ströggla með fólkinu í landinu (sem við erum sjálf) og þar af leiðandi höfum við ekki hækkað neitt sem er til sölu hjá okkur um eina einustu krónu síðan við opnuðum (1. mars sl.). Við höfum verið dugleg við að aðlaga okkur breyttum aðstæðum og vonum sannarlega að byrgjar kyrki okkur ekki alveg, hvorki með verðum (sem þó rjúka upp), né með því að hætta að flytja inn það hráefni sem við þurfum. Nema hvað... mig langaði bara að láta vita af þessari stefnu okkar :)
María Hjálmtýsdóttir / Santa María
(Nb. Er þá Santa María eina pleisið á landinu sem hefur ekki hækkað síðan kreppan kom? Ég segi nú bara áfram Santa María! Fyrir þá sem ekki vita þá er þetta dúndur fínn mexíkóskur staður á Laugarvegi 22 þar sem allir réttir kosta undir þúsund kallinum.)
(ATH: Í færslu #1638   spyrð þú hvort  þetta sé eini staðurinn sem ekki hefur hækkað, Tikk Takk á Akureyri hefur ekki hækkað og þau segja að þau munu gera sitt besta til að hækka ekki.  Brauðstangirnar hafa meira að segja lækkað.
Nafnlaus kveðja frá Akureyri.)

#1637    Var að panta pizzu hjá Hróa Hetti um daginn, 18"  (pantað af netinu) áleggin kostuðu auðvitað sitt, mig langaði einnig að bæta svörtum pipar á pizzuna en komst þá að því að pizzan hækkaði í verði um 357 krónur. Samkvæmt þessu, ef áætlað magn af pipar sé á að giska 2 grömm á umrædda pizzu, þá reiknast mér til að kílóverð á svörtum pipar með Þjónustu hjá Robin Hood sé þá u.þ.b. 178.500 krónur TAKK FYRIR. Sjá hér.
Finnur Einarsson

#1636    Ég er með okursögu.
Ég hefði geta sparað mér 1267 kr á tveim lyfum ef ég hefði gert þennan 
verðsamanburð áður en ég fór að versla. En ég keypti í dag Phenergan á 
2220kr og Doxylin á 4113kr í Lyfjavali. Þessi lyf kosta 1776kr og 
3290kr í Rima apoteki. Það er sko ekki spurning hvert ég fer næst!
Lilja

#1635    Allir vita að það kostar sitt að versla í NÓATÚNI en úrvalið er gott og varan ágæt. Það afsakar þó ekki OKUR á ódýrum vörum eins og pakka af pasta Barilla, Penne  á 384 kr sem er um það bil þrefalt venjulegt verð!!! 
Vala

#1634    Áframhaldandi okur í Krónunni í Mosfellsbæ.
Okursaga #1534 sagði frá hækkun á kassa af kisufóðri úr 599 í 1.299 kr.
Nú er búið að hækka meira, upp í 1.499 kr.
Með nánari athugun, hækkun úr 699 í 1.499 (114% hækkun) á 34 dögum.
Er þetta met ? 
Douglas

#1633    Margnota plastflaska í Soda Stream tæki kostar 999 krónur í Byggt og 
búið í Kringlunni. Nákvæmlega eins flaska kostar 389 krónur í Hagkaup!
Byggt og búið er algjör okurbúlla! 
Björg Þorsteinsdóttir

#1632    Í 10-11 í Borgartúni kostar venjulegur pakki af Ópal, sykurlausum rauðum 336 kr. Hvað er að? 
Heiðdís
(Nb. Hvað er að? Að einhver skuli ennþá versla við 10-11!)

#1631    Ég fór í heildverslunina Halldór Jónsson til að kaupa 4 boli sem mig vantaði upp í pöntun hjá mér. En fyrir þessa 4 boli þurfti ég að borga 400 kr. í afgreiðslugjald fyrir utan. Vsk.  Ég hef verslað í mjög mörgum heildverslunum en aldrei fyrr heyrt um afgreiðslugjald.  Ég gerði athugasemd við þetta, og þá var mér sagt að það væri tekið afgreiðslugjald fyrir allt sem væri undir 5000 kr. Ég hef ekki mikinn áhuga á að skipta við þetta fyrirtæki aftur.
Elín / www.oliprik.is

#1630    Hringdi áðan í 3 apótek í Reykjavík til að athuga verð á nikótíntyggjói.  Um er að ræða Nicotinell Fruit, 2mg, 204 stk:

Skipholtsapótek:             3.658,-
Rimaapótek:                     4.632,-
Lyfja, Smáratorgi:            5.060,- 

Okrið er klárlega hjá Lyfju, 72% munur!
Helgi Hafþórsson

#1629    Vildi benda þér á fínt flúortannkrem sem hefur sama flúorinnhald (1450 ppm) og rándýr tannkrem frá þekktari merkjum.
Það fæst í Bónus, kostar undir 100 kallinum og heitir Fluortandkram-Fluortannpasta og er frá Euroshopper merkinu.
Það hefur milt og fínt bragð og gerir sama gagn og td Colgate sem er u.þ.b. fjórum sinnum dýrara.
Tannlæknir sem óskar nafnleyndar

#1628    Íbúakort fyrir bíleigendur í miðbæ Reykjavíkur kostaði 3.000 sl. tvo ár, en hækkar í 6.000 fyrir hvern bíl, frá og með 1. febrúar nk. Mest er hægt að fá kort fyrir tvo bíla fyrir hvert heimilisfang.
Íbúum þótti skattheimtan frek þegar henni var komið á fyrir um tveimur árum síðan. Skattheimtunni var komið á undir þeim formerkjum að færri bíleigendur leggi bílum sínum í stæðin. Þetta átti að auðvelda íbúum að fá stæði fyrir framan heima hjá sér en skortur á bílastæðum er viðvarandi vandamál á þessu svæði. 
Ekki er miklar breytingar að sjá frá því að skattheimtunni var komið á. Svo virðist að jafn margir bílar, eða í besta falli litlu færri, leggi þar hvort sem er og íbúar hafa enga enga tryggingu fyrir því að fá bílastæði fyrir framan heima hjá sér, hvorki að degi eða nóttu.
Að ofansögðu er óljóst hvaða tilgangi skattheimtan gegnir.
Ennfremur hlýtur það að vera brot á jafnræðisreglu að sumir íbúar í Reykjavík, en ekki aðrir, þurfi að greiða sérstakt gjald fyrir að leggja bílnum fyrir framan heima hjá sér.
Grein eftir mig sem birtist í mogganum árið 2006:
http://frontpage.simnet.is/valsson/2006_11_06_Flytjum_MR_og_Kvennaskolann_ur_midbaenum.pdf
Stefán Helgi Valsson

#1627    Ég og maðurinn minn fórum núna í sumar að velta mikið fyrir okkur verðmerkingum og öðru slíku í búðum. Ég hef reyndar oft í gegnum árin fylgst með þessu og verið nett Neytenda-Nanna og ekki hikað ef ég hef munað annað verð heldur en kom á kassa og þá verið „þessi óþolandi sem vælir yfir nokkrum krónum og tefur alla röðina“.
Nema það að við fórum ss að gera þetta skipulega og keyptum okkur litla rissbók til að punkta hjá okkur því það tefur nú ekki mikið að skrifa niður um leið og nánast undantekningarlaust er munur á hillu- og kassaverði. Gæti komið með endalaus dæmi, T.d. í Samkaup, Egilsstöðum núna í nóvemberbyrjun; Keypti ég 4 vörur og það voru 4 rangt merktar, þar á meðal salatbar sem átti að vera á 728 kr/kg en á kassa var það 830 kr/kg. Ég benti á þetta á mánudegi og á fimmtudegi þegar ég kom aftur var ekki búið að laga þetta og þær enduðu á að taka niður merkinguna bara. (sem virðist vera einfaldasta lausin alltaf og skýrir sennilega alltaf ómerktu vörurnar) Salatbarinn hjá þeim er ansi vinsæll þarna í hádeginu og ég sá nú engan vera svona smámunasaman að gera einhverja athugasemd né pæla í þessu yfirhöfuð.
Núna laugardaginn 22.nóv vantaði mig skraut á afmælisköku og fór í Krónuna í Mosó. Hlaupsnuddur í poka voru dýrari en að kaupa hjá þeim úr sjálfsafgreiðslubar á 1579 kr/kg. og svo gefa þeir 50% afslátt á föstudögum og laugardögum. 1579 kr/kg stendur stórum stöfum málað á risaspjald ofan við nammið þannig að það ætti ekki að fara á milli mála en þegar ég kom á kassann var verðið komið í 1939 kr/kg!!!  360 króna hækkun sem þeir lauma inn á milli. Veit nú ekki hvort þeir hækka þetta bara í tölvunni um helgar þegar þeir gefa afslátt en maður þarf alltaf að vera á verði og þetta er sko ekki í fyrsta og eina sinnið sem verðmerkingar standast ekki hjá Krónunni. Hvað ætli þeir hafi „rænt“ mörg börn þessa helgina? 
kv.Neytenda-Nanna

#1626    Ég get nú ekki orða bundist yfir hreint út sagt, þanning er mál með vexti að ég fór í Smáralindina með tengdadóttur minni og barnabarninu mínu. Ákváðum við að setjast inn á veitingastaðinn Pizza Hut, pöntuðum við okkur sem hér segir:
Reikningurinn sundurliðaður var skv.reikningi Fyllt Brauðst. m     kr.1.690.-
                                                                Brauðst. lítill                 890.- 
                                                                Pepsi glas                    380.- 
                                                                Pepsi glas                    380.-
                                                                Samt :                   kr:3.270.-
    Neðst á kvittunni stóð reyndar,
                                                               Takk fyrir komuna 
                                                               verði þér að góðu!

Ég á ekki orð yfir þetta kurteislega sagt OKUR VERÐ, mun ekki stíga fæti mínum inn á þennan veitingastað framar ,vildi bara láta aðra vita. 
Amma

#1625    Ég veit ekki hvort að Tölvusíminn hjá Símanum er nýtilkominn, en ég rakst á hann óvart um daginn
þegar ég var að skoða síðuna hjá Símanum http://www.siminn.is/einstaklingar/netid/tolvusiminn/
hann er hrein snilld, þú hringir ókeypis í alla heimasíma á Íslandi jafnvel þó að maður sé staddur
erlendis, verður reyndar að vera með internet pakkann Bestur eða Langbestur til að þetta kosti
ekkert, kostar annars 990 á mánuði, þarft líka augljóslega að eiga heyrnartól með hljóðnema.
ATH: Ég vinn ekki hjá Símanum, vildi bara taka það fram.
Scordite

#1624    Eftir að hafa lesið um eldsneytisverð í Fjarðarpóstinum dagsett 19.11.2008,
sendi ég son minn í dag 21.11.2008, eftir bensíni í ÓB Fjarðarkaupum.
Þar átti líters verðið á 95 okt. bensíni að kostaði 148,2 kr.
Þegar hann kom heim sá ég á kvittuninni að hann hafði borgað 153,1 kr. fyrir líterinn. 
Athugaði ég á heimasíðu ÓB og sá að verðið átti að vera 148,2 kr. eins og stóð í Fjarðarpóstinum.
Ég hringdi í ÓB. Þeir viðurkenndu mistök og greiddu mér tvöfaldann mismuninn til baka.
Eiga þeir hrós skilið fyrir það.
Við eigum að fylgjast með og bera saman kvittanir og auglýst verð.
Harpa

#1623    Toys R Us: Má til með að koma þessu áleiðis vegna þess að manni blöskrar hvernig þessi verslun ber fyrir sig slöku gengis krónunnar, þegar hún hækkar verð upp úr öllu valdi.
Mér er algjörlega misboðið vegna græðginnar í þessari verslun. Ég á þrjú börn og vinir mínir eiga börn svo að ég hef verslað eitt og annað hjá þeim. En það geri ég ekki aftur. Ég sá hjá þeim um daginn 4 litlar plastdúkkur í kassa. Dúkkurnar sem eru svona Skellibjöllu fígúrur eru með vængi sem hægt að er hrista svona töfraduft úr. Dúkkurnar eru svona ca 5 cm háar. Verðið fyrir þessar 4 dúkkur er 11.990kr. Mér var svo misboðið að ég spurði sérstaklega hvort þetta gæi passað. Já þetta passar alveg, sko gengið, og krónan er svo lág og bla bla bla.

Ég fór því inn á www.toysrus.com og leitaði að sambærilegum dúkkum. Ég fann ekki nákvæmlega sömu týpuna en svona sambærilega. Ég meina þetta er allt meira og minna sama plastdraslið. Þar sá ég 6 dúkkur í pakka á $ 9.90

Það þarf enginn að segja mér að þessar verslanir sem ég linka á, leggi ekki neitt á vöruna hjá sér. Þetta er komið langt út fyrir öll velsæmismörk, svo ég mæli með því að fólk láti okra á sér annars staðar.
Lísa MK

#1622    Ég kaupi mikið af spínati (fersku) fyrir 2 vikum síðan keypti ég í bónus stóran poka á 360kr (merkt Hollt og Gott)
Og fannst alveg nógu dýrt. Í gær ætlaði ég að kaupan sama pokann halló hann var komin í 442kr. Ég held að það sé nokkuð ljóst að ég hef ekki efni á að borða
Meira spínat.  Annað euro shopper basmati hrísgrjón hafa farið úr 198 kr á 2 mánuðum í 335 kr . Hvað er í gangi?
Ragnheiður

#1621    Mig langar að benda á hversu óheyrilega dýrar tannheilsuvörur eru. Ég hef hvergi séð neinar kannanir, hvorki í lágvöruverslunum né dýrum apótekum, á verði þessara vara, en ég get nefnt sem dæmi að kílóverðið af Sensodynetannkremi kostar litlar 6.600 kr. - og það í Bónus. Það væri gaman að hringja í einnhvern tannfræðinginn og fá upplýsingar um hvað meðalmaðurinn notar marga millilítra af tannkremi á dag, þá viku, þá mánuð og finna út ársnotkun einnar manneskju. 
Þá getur fólk margfaldað með höfðatölu fjölskyldumeðlima og fundið út þennan útgjaldalið heimilanna á ársgrundvelli. Svo má fabulera áfram með tannburstakostnað, munnskol, tannþræði (sem og viðlíka vörur sem eru fáránlega dýrar).
Því miður er ekki hægt að sniðganga þessar vörur (maður getur hætt að borða kjöt og fisk), því tannkrem og tannþræði verður maður að kaupa hvað sem tautar og raular. 
Mig grunar að framleiðslukostnaður þessara vara sé fáránlega lágur og því undarlegt hve vörurnar eru dýrar út úr búð. Hvernig í ósköpunum getur maður stöðvað þetta okur?
EEG

#1620    Ég lenti í atburð í gær sem að mér finnst ég verð að koma frá mér. Málið er að ég fór í Partýbúðina í gær þar sem ég er að undirbúa 2ja ára afmæli dóttur minnar á laugardaginn. Þar sem ég er ung einstæð móðir þá er maður mikið þessa dagana að pæla í verði og gera verðsamanburð og ekki eru nú barnaafmæli ódýr þegar maður er svona einn að halda þau. Ég fór í partýbúðina til að kaupa bökunarform til að búa til Dóru köku og þegar ég var svo að borga hitti ég kunningja minn og við fórum að spjalla. ég rétti afgreiðslukonunni því bara kortið mitt og hún straujaði það.. af einhverjum ástæðum var ég með það á hreinu að þetta myndi ekki kosta nema kannski 1500-2000kr. Kvittaði undir án þess að kíkja þvi að ég var svo mikið að spjalla (kjánaskapur geri ég mér alveg grein fyrir). Þegar ég svo er komin út í bíl fer ég að velta þessu fyrir mér með verðið og kíki á miðann. þá var formið mun dýrara en ég gerði ráð fyrir og fékk alveg sjokk. því ákvað ég að prufa að fara til baka og ath hvort ég fengi endurgreitt. ég hef nú gert margar skyndiákvarðanir í kaupum í gegnum tíðina og veit ég því að búðir borga ekki tl baka á íslandi. þær bjóða innleggsnótu en ekki peningana. sérstaklega ekki ef maður borgar með kortum. það var ekki sama afgreiðslumanneskja þegar ég kom inn þannig að ég sagði honum að ég hefði verið að kaupa þetta form en hefði svo fyllst efa þegar ég kom út í bíl því að þetta var aðeins dýrara en ég hefði gert ráð fyrir o´g áður en ég gat klárað setnignuna greip hann framm í fyrir mér og sagði "já okei ég skil þig. viltu þá ekki bara fá endurgreitt?".
Með bros á vör endurgreiddi hann mér í peningum og sagði að þetta væri nú ekkert mál.. væri alveg nógu dýrt að halda barnaafmæli og á þessum tímum þá skildi maður vel að fólk væri að pæla í verðinu. síðan brosti hann sínu blíðasta og bauð mér velkomna aftur í búðina.
Ég bara varð að koma þessu frá mér til að fleiri fái að vita hversu góða þjónustu ég fékk í partýbúðinni. þetta hefði ég ekki fengið hvar sem er skal ég segja þér.
Linda

#1619    Þann 22. október sl. kom ég við í Fríhöfninni (Duty Free Store) á Keflavíkurflugvelli á leið minni til útlanda.  Fjölskyldan sem ég heimsótti er hrifið af íslensku sælgæti og keypti ég því Nóa Síríus Gullmola, sem kostuðu kr. 749 (sjöhundruðfjörutíuogníu krónur).  Þegar ég kom heim aftur sá ég að samskonar Nóa Síríus Gullmolar kosta kr. 598 í Bónus og kr. 599 í Króunni.   Mér finnst kr. 150/151 mismunur allt of mikill, hélt að Fríhöfnin væri ódýrari en verslanir í bænum. Ég keypti einnig Nóa Kropp Bucket á kr. 599 og Nóa Rúsínur 600 gr. á kr. 399, en hef ekki kannað þau verð í Bónus eða Krónunni.
Sigríður

(25.11.08):

#1618    Eftir kröftugan fund með ráðamönnum þjóðarinnar í kvöld þá kom ég við á Aktu taktu á Sæbrautinni og ætlaði að kaupa mér Maarud snakk - salt og pipar. Sá sem afgreiddi mig sagði skömmustulegur ,,990 kr" þegar hann rétti mér pokann. Er þetta brandari? Ég bara spyr. 
Eygerður Margrétardóttir.

#1617    Toys 'r us eru búnir að hækka verðin gígantískt. Hér eru 2 verðdæmi:

Baby Born dúkka með "grunn-kitti":
Toys 'r us: tæpar 10.000 kr.
Hagkaup: tæpar 5.000 kr.
Dótakassinn: tæpar 4.200 kr.

Baby Born hestakerra:
Toys 'r us: tæpar 13.000 kr.
Hagkaup: tæpar 5.400 kr.

Ég gæti talið lengi áfram. Dúkkuvagnarnir eru mikið dýrari hjá Toys 'r us... og bara allt dót sýndist mér! Hvet fólk til að sniðganga Toys 'r us. Því miður er samkeppnin orðin lítil en það er þó fínt úrval í t.d. Hagkaup og Dórakassanum (nýkomin til Rvk og er á Skólavörðustíg).
Heiðrún Sig. 

#1616    Kíktu á matseðilinn hjá Pizza Hut. Margarita kostar nánast 3000 kall 
og dýrasta Pizzan þeirra kostar 5170.
Ef það er borðað á staðnum kostar dýrasta pizzan yfir 6000 kall, bara 
pizzan og ekkert annað.
Þetta er alveg fáránlegt. Mig grunar reyndar að þeir séu svona dýrir 
út af staðsetningunni hjá Hilton, þar eru náttúrulega bara ríkisbubbar 
sem gista þar og munar ekkert um að borga svona verð fyrir eina pizzu.
Ómar

#1615    Ég má til með að láta vita af því að ég keypti 500 gr af rækju frá Eldey... það stendur stórum stöfum framan á pokanum  500 GRÖMM….STÓR ELDEYJARRÆKJA …Nýfryst, skelflett og íshúðuð. En þegar ég er búin að afþýða rækjuna stendur eftir um 300 grömm. og fyrir þessi 300 gr. borgaði ég 549 krónur. Þetta er bara okur, að borga 219 krónur fyrir vatnið.
Hulda Grímsdóttir 

#1614    Mig  langar  að  senda  inn  kvörtun  vegna  viðskiptahátta  Icelandair.  Þannig  er  að  ég  hef  nýtt 
mér  talsvert  þá  einokunarþjónustu  sem  þeir  bjóða  upp  á  sl. hálft  ár  á  flugleiðinni  Reykjavík  – Osló  vegna 
náms  míns  hér  erlendis. 
Á  þessum  tíma  hef  ég   fylgst  með  þessari  ,,glæpastarfssemi” þeirra  og  á  ekki  orð.  Ég  get  nefnt  sem  dæmi 
að  nú  vantar  mig  flug  bara  aðra  leiðina  Osló  - Reykjavík í  Desember, til  þess  að  taka  þátt  í  gleði  ljóss  og 
friðar  með  löndum  mínum.  Á  níu  daga  tímabili  kostar  þessi  flugferð  84.120  kr. alla  dagana. 
Nú  ef  ég  athuga  flugferð  fram  og  til  baka  Osló  – Reykjavík  ( 16. desember  heim  og  12. janúar  út) kostar 
flugið  37.910  kr.  Þetta  þýðir, að  það  er  hagstæðara  fyrir  mig  að  kaupa  flug  fram  og  til  baka  þó  ég  þurfi 
ekki  flugið  til  baka.  Ekki  nóg  með  það  að  ég  get  keypt  tvö  svona  flug  og  átt  8.300  kr  í  afgang. 
Því  er  það  ljóst  á  könnunum  mínum, að  ef  fólk  þarf  að  kaupa  flug  aðra  leiðina  þá  hækka þeir  sætavalið 
mjög  mikið, í  þessu  tilviki  glæpsamlega  mikið.  Það  er  greinilega  nóg  af  sætum  eftir  í  vélinni, annars 
myndu  þeir  ekki  bjóða  upp  á  svona  ,,ódýr“ sæti  fyrir  þá  sem  kaupa  flug  fram  og  til  baka. 
Er  maður  skoðar  flug  með  Iceland ?express  þá  hækka  þeir  ekki  verðið, kaupi  maður  bara  aðra  leiðina. 
Sem  dæmi  rukka  þeir  tæplega  30.000  kr. fyrir  flug  frá  Kaupmannahöfn  til  Reykjavíkur  þann  16. 
desember.  Hægt  er  að  fá  ódýrt  flug  héðan  frá  Osló  til  Köben  á  8.000  kr. 
Þá  er  staðan  sú  að  það  er  hagstæðara  fyrir  mig  að  fljúga  til  Kaupmannahafnar  og  þaðan  til  Íslands  en  að 
versla  við  Icelandair.  Enda  er  það  ekki  beint  aðlaðandi  fyrir  almenning  að  láta  koma  svona  fram  við  sig 
og  versla  við  Icalandair. 
Þá  er  rétt  að  vara  fólk  við  því  að  kaupa  miða  í  fyrstu  atrennu, því  flugverð  þeirra  flakkar  um  þúsundir 
króna  og  stundum  á  annan  tug  þúsunda  króna  á  einum  sólahring.  Þetta  þekkist  ekki  hjá  flugfélögum 
erlendis  s.s  Norwegian  sem  að  höfðu  sömu  verð  á  margra  vikna  tímabili  allt  til  brottfaradags  þegar  ég 
þurfti  á  þeirra  þjónstu  að  halda. 
Ekki  er  hægt  að  fela  sig  bak  við  það  og  segja  að  engin  aðsókn  hafi  verið  í  vélina, heldur  varð  hún  full  á 
endanum, en  verðlagningin  var  til  fyrirmyndar  og  þurfti  maður  ekki  að  hafa  áhyggjur  að  vera  ,,rændur” 
þó  að  maður  myndi  kaupa  miðann  vikur  fyrir  brottför.
Þá  er  þetta  ekkert  einsdæmi  sem  þeir  geta  afsaka  sig  á  bak  við  núna.  Á  haustdögum  kannaði  ég  aðrar 
flugleiðir  Icelandair  til  borga  í  Evrópu  og  sömu  sögu  var  að  segja  sem  ég  hef  hér  áður  sagt  frá, ætlaði 
maður  að  panta  flug  aðeins  aðra  leiðina. 
Mér  þykir  framkoma  þessa  gamla  flugfélags  sorgleg  og  er  félaginu  alls  ekki  til  framdráttar, þeir  gera  lítið 
úr  viðskiptavinum  sínum  sem  munar  flestum  um  hverja  krónu.  Þeir  nýta  sér  einokunaraðstöðu  (þó  látið 
sé  líta  út  fyrir  annað  með  flugi  SAS  til  Íslands, sem  greinilega  er  baktrygging  Icelandair!) sína  sitt  sem  er 
til  skammar. 
Þetta  er  félag  sem  megnið  af  íslensku  þjóðinni  hefur  stutt  í  gegnum  áratugi  og  hefur  því  miður  oftast 
neyðst  til  þess, félag  sem  hefur  skilað  miljarða  hagnaði  á  sl. ársfjórðungum  og  er  ljóst  að  viðskiptavinir 
þess  fá  ekki  að  finna  fyrir  þessum  hagnaði. 
Ég  get  nefnt  sem  dæmi  um  hrakandi  þjónustu  Icelandair, að  síðdegisflug  félagsins, þann  23. nóvember  til 
Osló  frá  Íslandi  beið  mikinn  hnekki  í  mínum  huga  og  flest  allra  farþega.  Þjónustufólkið  var  undirmannað 
(held  þrjár  flugfreyjur) sem  náðu  ekki  að  bjóða  öllum  að  kaupa  sér  að  borða  áður  en  vélin  lenti  á 
Gardemoen  og  var  enn  verið  að  selja  veitingar  þegar  20  mín  voru  í  lendingu.  Þetta  er  hluti  af 
sparnaðaraðgerðum  þeirra  að  bjóða  ekki  lengur  upp  á  mat, heldur  að  bjóða  upp  á  uppsprengt  verð  af 
vörum  framleiddum  af   Sóma.  Tími  til  sölu  á  varningi  (snyrtivörum  o.þ.h. var  enginn).  Hér  er  á  ferð  félag 
sem  er  á  miklum  villigötum  og  væri  einhver  sönn  samkeppni  á  þessari  flugleið, myndu  þeira  brátt  fljúga  á 
milli  með  tómar  vélar  vegna  þess  að  viðskiptavinirnir  væru  farnir  annað.  En  það  er  nú  einu  sinni  svo  að 
almenningur  hefur  ekkert  val  og  því  komast  þeir  upp  með  svona  framkomu  án  þess  að  biðja  afsökunar. 
Hér  er  þó  ekki  hægt  að  sakast  við  þá  sem  hafa  þjónustað  mann  um  borð  í  þessum  flugferðum, enda  gerir 
starfsfólkið  sitt  besta  þó  svo  að  það  geti  verið  erfitt.  Icelandair  hefur  góða  starfsmenn  sem  eru  til 
fyrirmyndar, en  stjórnendur  þess  mega  skammast  sín. 
Hér  að  neðan  má  sjá  þau  verð  sem  koma  upp  þegar  maður  athugar  flug  með  félagi  “glæpa” á  næstu 
vikum.  Bæði  á  flugleiðinni  Osló  – Rvk  & Frankfurt  – Rvk. 
Virðingarfyllst, 
Helgi  Einarsson  – Háskólanemi 
Einnig  sett  fram  á  www.helgie.wordpress.com

#1613    Ég keypti venjulegt Cheerios í TwinPack (992 g) í Krónunni í gær en brá heldur mikið þegar ég sá hvað hann kostaði, 829 krónur.  Ég vissi að morgunkorn hafði hækkað í verði en fannst þetta heldur gróft svo ég fór í Bónus og athugaði verðið þar. Í Bónus var ekki til Twin Pack en þar kostar stór Cheerios pakki (518 g) 329 kr.   Þetta þýðir að ef ég hefði keypt tvo 518 g. pakka í Bónus hefði ég fengið 1036 g af Cheerios fyrir aðeins 658 kr. Ég var því illilega rænd í Krónunni í þetta skiptið. Ég vona að fólk sé betur vakandi yfir verðmun á milli svokallaðra lágvöruverðsverslana en ég því það getur munað talsverðu. Ég verð allavega á betur á varðbergi í framtíðinni.
Sandra Jónsdóttir

(23.11.08):

#1612    Hérna er dæmi um fáránlega hækkun. Ég hef verið að velta því fyrir mér að kaupa mér nýjan gsm síma og mér leist best á tilboð hjá NOVA þar sem þeir auglýstu Sony-Ericsson W890i á 17.900 kr. í útborgun og svo 2.000 kr. á mánuði í 12 mánuði og þar átti að fylgja inneign uppá 2.000 kr .á mán.
Ég skoða þetta síðast á föstudeginum 21. nóv. Ég fer svo í NOVA á laugardeginum 22. nóv. þá eru þeir búnir að hækka útborgunina í 29.900.kr og áfram 2000.kr á mán. og þessi 2000.kr. inneign á mánuði.Þegar ég spyr afgreiðslustelpuna útí þessa hækkun segir hún mér að núna geti ég farið 6 sinnum í bíó!!!!!!!!!!!!! því þau séu búin að bæta bíó korti við þetta....heildar verð símans er því orðið 53.900 kr. á meðan að sami sími kostar hjá Vodafone 44.900kr. Og hjá Símanum kostar hann 41.900.kr. Þetta þykir mér heldur mikil hækkun á útborgun, úr 17.900 í 29.900 og ég fæ að fara 6 sinnum "frítt" í bíó fyrir þessa hækkun!!!!
Atli Freyr Ingólfsson

#1611    Ég var að leita að litlu mótorhjóli (rafmagns) í jólagjöf handa 2ja ára ömmustrák, fór í leikfangabúðir þar sem þau kostuðu frá 11.500 og uppí ca 20.000, og satt að segja voru þau ódýrustu óttalegt drasl, þá rakst ég á auglýsingu í fréttablaðinu: www.netlagerinn.is og þar fann ég þessi flottu og vönduðu hjól á 8.500 og 10.000. 
Sjöfn

#1610    Ég tók olíu í dag hjá OB á Selfossi sem varla er í frásögur færandi nema að þar kostar lítrinn 170,6 og svo þegar ég sá lítraverðið hjá Olís á Hellu þá var það 182,4 mismunur upp á 11,8 krónur sem mér finnst allt of mikill, einhver gæti sagt að það væri meira vöruúrval á Hellu en það er ekki hægt að hlusta á þau rök því að hjá Olís á Selfossi var lítrinn á um 177 krónur.
Brynjar

#1609    Fyrir nokkru fórum við fjölskyldan og keyptum okkur ís í kaffiteríuni í Perlunni, allt í góðu með það en eftir ísinn var ég mjög þyrstur og ákvað að fá mér ískalda Pepsi Max í flösku 0,25 lítra.  Flaskan kostaði 330 krónur.

#1608    Sófasett í Húsgagnahöllinni sem er búið að vera til í búðinni síðan í byrjun sept hefur hækkað úr 250 þús í 350  þúsund.
Sófinn er keyptur inn fyrir mörgum mánuðum en seldur í dag á núverandi gengi við núverandi aðstæður.  Sófi sem sennilega er með 300% álagningu fyrir.  Rökin hjá verslunarstjóra voru.  „Við eru að verja okkur gegn genginu"   „Allir þurfa að lifa" Af hverju keyptir þú bara ekki sófann fyrr"   Þetta finnst mér gróft.  Ég sagðist vera kominn til að kaupa hann en gekk út.   Finnst honum líklegt að sófinn seljist frekar núna ef hann seldist ekki í september og október á mun lægra verði. Á sama tíma er verslun eins og Valhúsgögn með 25% afslátt til áramóta.  Þar sá ég sófa á á sama verði og með afslætti að auki.  Hvar haldið þið að ég muni kaupa sófann sem mig vantar. Valhúsgögn.  Tek hattin ofan fyrir þeim en ég fer ekki í Húsgagnahöllina aftur.
Gunnlaugur
(+ Ótrúlegt framhald okursögunnar. Sófasettið sem skyndilega hækkaði um 100.000 krónur er nú auglýst með 30% afslætti í Húsgagnahöllinni.  Ég var þarna á Sunnudag og verslunarstjórinn talaði um að vernda sig gegn genginu osfrv og þess vegan hafi sófinn hækkað.  Í dag kom bæklingur inn um lúguna með þessu „frábæra" tilboði.  Ég ætla ekki að fullyrða en ég held að sófasettið hafi aldrei verið á þessu verði. Þ.e. 350.000 kr.  Þeir hækkuðu það í u.þ.b. 2 vikur ef mér reiknast rétt og auglýsa það núna með afslætti.  Á sunnudag vildi verslunarstjórinn ekkert gera fyrir mig þegar ég kom til að kaupa sófann á 250.000 kr en auglýsir svo þremur dögum síðar afslátt.  Ég hefði keypt sófann á lægra verðinu........Ég tek fram að í gær keypti ég sófa af svipaðri gerð í Valhúsgögnum.  Þar fékk ég góða þjónustu. 
Gunnlaugur)

#1607    Ég var í Kringlunni í fyrradag og ákvað að koma við í Kúnígúnd til að kaupa mér diska inn í Rosendahl settið mitt. Fékk vægast sagt áfall þegar ég kíkti á verðið - pakki sem kostaði rúmlega 3.000 fyrir 2 vikum síðan var kominn upp í 4.790!! Ég spurði afgreiðslukonuna hvort að þetta væri rétt og hún sagði að þetta væri allstaðar að hækka svona mikið, og ætti eftir að hækka meira.
Ég var nú ekki alveg að trúa henni og fór því í Epal þar sem ég hef verslað mikið og þar fann ég diskana mína á 3.350 - sama verði og síðustu vikur. Ég spurði þar hvort þeir væru eitthvað að fara að hækka og þar var mér sagt að þeir væru að reyna eins og þeir mögulega gætu til að hækka ekki og hún vissi ekki um hækkun á næstunni því að þau eiga svo góðan lager hérna heima. 
Það verða allavegana engar jólagjafir keyptar í Kúnígúnd þessi jólin.....!!! 
Ísabella

(22.11.08):

#1606    Ég bý á suðursvæði Verstfjarða þar sem enginn Bónusverslun er svo ég fór til Ísafjarðar fyrir tveimum vikum í verslunarferð í Bónus og þar er allt mikið ódýrara en hér!.Svo var maðurinn minn að koma að sunnan og fór í Bónus þar og þá komust við að því að það er ódýrara í Bónus í Reykjavík en á Ísafirði t.d. mylluheilhveitibrauð á Ísafirði 224 kr en í Reykjavík 138 kr (á suðursvæði Vestfjarða 400 kr) pizzaostur RVK 205 kr en Ísó 231 kr. ½ ltr rjómi 306 kr í RVK á Ísafirði 384 kr, svo auglýsa þeir sama góða verðið um allt land ég get ekki séð að það standist miðað við þessar tvær kassakvittanir.
Sólrún
(Nb. Er ekki verið að hækka þetta út og suður nánast daglega? Það skiptir líklega máli að kaupa hlutina sama daginn.)

#1605    Ég kaupi endrum og sinnum parmesanost í ítalska matargerð.
Hingað til hef ég fengið eitt stykki á um kr. 700 í Hagkaup.
Í fyrradag fór ég í Nóatún við Hringbraut og þar kostaði sama stykkið
tæpar kr. 1.400. Skýring kaupmannanna var sú að Osta- og smjörsalan
hefði hækkað það um kr. 600!  Getur það verið? OKUR!
Ingunn

#1604    Ég vil benda þér og öðrum sem ætla þrátt fyrir gengið að hætta sér til útlanda á þetta. Síðan www.couchsurfing.com er einskonar "gistiskiptasíða" þar sem fólk getur fundið sér gistingu - frítt. Ekki er nauðsynlegt að bjóða gistingu á móti, þó auðvitað sé hvatt til þess. Ég hef notað þessa síðu undanfarin tvö ár með góðum árangri, því auk þess að spara peninga sem annars færu í eitthvað okur-hótel/b&b/hostel, kynnist maður heimamönnum mun betur en annars. 
Síðan er auðvitað alltaf gaman að fá gesti sjálfur.
Tinna

-----
Okur #1403 - 1603 eru hérrrrrrrrrrrrrrrrrrrrnaa.

Veistu um svakalegt okur? Láttu vita!