opnun-poster
OPNUN
OPENING
29. 04. 2017 - 11. 06. 2017
 
Egill Sæbjörnsson, Elín Hansdóttir, Eygló Harðardóttir, Haraldur Jónsson,
Hildur Bjarnadóttir, Helgi Þórsson, Hrafnhildur Arnardóttir (Shoplifter)
Inga Svala Þórsdóttir & Wu Shanzhuan, Ingólfur Arnarsson, Ólafur Sveinn Gíslason, Ragnar Kjartansson, Rebekka Moran

Eins og heiti sýningarinnar gefur til kynna veitir hún okkur áhorfendum innsýn í heim samtímalistar. Myndlistarmennirnir tólf sem hér sýna saman eru fæddir á árunum 1956-80 og eiga það sameiginlegt að hafa náð að móta feril sinn árum saman. Verk þeirra hafa ýmist orðið til í frjálsum tilraunum eða hnitmiðaðri rannsóknarvinnu, þau endurspegla ólík hugðarefni og aðferðir og þeim er komið á framfæri í fjölbreyttum miðlum. Um leið og verkin draga okkur til sín og inn í hugarheim höfunda sinna, beina þau sjónum til baka því myndlistin speglar okkur sjálf sem áhorfendur og opnar veröldina alla.

Listasagan er þó ekki skrifuð af verkum listamanna eingöngu, þau spretta úr samhengi við tækniframfarir, samfélagsástand, möguleika til menntunar og liststofnanir, svo fátt eitt sé nefnt. Sýningarrými leika þar einnig hlutverk. Opnun rýma sem eru sérhönnuð með þarfir myndlistar í huga setur ný viðmið og hleypir lífi í listsköpun og miðlun myndlistar hverju sinni. Nægir að nefna Kjarvalsstaði og Nýlistasafnið við Vatnsstíg á áttunda áratuginum, Listasafn Íslands við Tjörnina á níunda áratuginum, Hafnarhúsið árið 2000 og nú, Marshallhúsið. Á slíkum tímamótum er áhugavert að taka stöðuna í samtímalist, skoða hverjar áherslurnar eru og hvert verkin vísa í allri sinni fjölbreytni.

Við undibúning sýningarinnar OPNUN var rætt við listamennina tólf í samnefndri sjónvarpsþáttaröð sem var á dagskrá RÚV síðustu vikur. Þar voru þeir paraðir saman undir ólíkri yfirskrift; rými, efni, litur, tilfærsla, tungumál og skynjun.

Sýningin hlaut styrk úr Myndlistarsjóði.
Sýningarstjórn Dorothée Kirch og Markús Þór Andrésson.
 
 
 
 
 
Grandagarğur 20 - 101 Reykjavík kob@this.is