a-hverfandi-mariarun
María Rún Þrándardóttir
HVERFANDI
22. 08. 2020 - 27. 09. 2020
 
Tvær einkasýningar opna laugardaginn 22. Ágúst frá kl.12-18 í Kling & Bang á Listahátíð í Reykjavík 2020. Á sýningunum sýna Aniara Omann (DK) og María Rún Þrándardóttir (IS) glæný verk sérstaklega unnin fyrir tilefnið.

María Rún Þrándardóttir er einn fulltrúa ungu kynslóðarinnar á Listahátíð í Reykjavík þetta árið, en hún útskrifaðist úr myndlistardeild Listaháskóla Íslands vorið 2019. Á sýningu hennar Hverfandi í Kling & Bang, sem er hennar fyrsta einkasýning í opinberu rými, birtast ný verk sem hafa brýnt erindi.

Viðfangsefni Maríu eiga í sterku samtali við tíðarandann en bregða upp óvæntu og áleitnu sjónarhorni á málefni á borð við umhverfismál og samband manns og náttúru, auk þess sem verk hennar hafa oftar en ekki skírskotun í femínisma. Tungumálið leikur einnig stóran þátt í verkum listakonunnar sem sækir í brunn persónulegrar reynslu við sköpun gjörninga og vídeólistar.
 
Kling & Bang
Marshallhúsið
Grandagarður 20
101 Reykjavík
Ísland

Opnunartímar
Mið til sun 12 – 18
fim 12 – 21
lokað á mánudögum/þriðjudögum

Aðgangur ókeypis

Kling og Bang í samstarfi við Thyssen-Bornemisza Art Contemporary og Reykjavíkurborg
 
aniara_nota
Aniara Omann
Porous Tomorrow
22. 08. 2020 - 27. 09. 2020
 
Tvær einkasýningar opna laugardaginn 22. Ágúst frá kl.12-18 í Kling & Bang á Listahátíð í Reykjavík 2020. Á sýningunum sýna Aniara Omann (DK) og María Rún Þrándardóttir (IS) glæný verk sérstaklega unnin fyrir tilefnið.

Aniara Omann verður jafnframt með listamannaleiðsögn og spjall á löngum fimmtudegi 27. ágúst kl. 20.00

Aniara Omann vinnur jöfnum höndum með skúlptúra, vídeó, hljóð, texta og gjörninga í rannsóknum sínum á mörkum efnislegra hluta og á mörkunum á milli þeirra. Hún nýtir sér aðferðir leikmunagerðar og sækir sér innblástur í fagurfræði vísindaskáldskapsins sem endurspeglar svo sterklega ástand mannkyns í samtímanum með vísan til ímyndaðrar framtíðar eða hliðarveruleika.

Omann vinnur með niðurbrjótanleg efni, tilbúna leikmuni og tónlist úr kvikmyndum og sjónvarpi; hún setur hér fram innsetningu sem einkennist af sjálfbærum og framtíðarkenndum efniviði, skapar þannig hugleiðingu um ástand vistkerfisins og ýjar að mögulegri útgáfu af framtíðinni.

Aniara Omann er afar eftirtektarverður danskur listamaður sem býr og starfar í Glasgow.

www.aniaraomann.com
 
Kling & Bang
Marshallhúsið
Grandagarður 20
101 Reykjavík
Ísland

Opnunartímar
Mið til sun 12 – 18
fim 12 – 21
lokað á mánudögum/þriðjudögum

Aðgangur ókeypis

Kling og Bang í samstarfi við Thyssen-Bornemisza Art Contemporary og Reykjavíkurborg
 
 
 
 
Grandagarğur 20 - 101 Reykjavík kob@this.is